ИБУПРОФЕН-АКОС таблетки 200 мг

Бір таблетканың құрамында: белсенді зат: ибупрофен, 200 мг немесе 400 мг; қосымша заттар: коллидон 90 F, микрокристалды целлюлоза, тальк, кросповидон, кальций стеараты, коллоидты кремнийдің қостотығы, жүгері крахмалы; қабықтың құрамы: гипромеллоза, тальк, титанның қостотығы Е 171, пропиленгликоль, макрогол-4000. Сыртқы түрінің, иісінің, дәмінің сипаттамасы Таблеткалар 200 мг – ақ немесе ақ дерлік түсті, дөңгелек, екі беті дөңес, үлбірлі қабықпен қапталған таблеткалар. Таблеткалар 400 мг – ақ немесе ақ дерлік түсті, сопақша пішінді, екі беті дөңес, үлбірлі қабықпен қапталған таблеткалар. Көлденең қимасында ақ немесе ақ дерлік түсті бір қабат көрініп тұрады.

Ересектерде, 12 жастан 18 жасқа дейінгі жасөспірімдерде қолданылады. Келесі жағдайлардағы айқындығы жеңіл немесе орташа дәрежелі ауырудың қысқа мерзімді емі үшін қабынуға қарсы, ауырғанды басатын және ыстықты түсіретін дәрі ретінде қолдануға болады: • бас ауыруы; • бас сақинасы; • тіс ауыруы; • ауырcынатын етеккір; • арқаның ауыруы; • невралгия; • ревматизмдік ауыру; • бұлшықет ауыруы; • ауыр емес артрит жағдайлары. ИБУПРОФЕН-АКОС ауыруды басады, қабыну мен температураны төмендетеді, бастың және басқа да ауыруларды жеңілдетеді. Ол суық тию және тұмау симптомдарын жеңілдетеді.

ATХ коды: M01AE01 Әсер ету механизмі Қабынуға қарсы стероидты емес препараттар (ҚҚСП) тобындағы пропион қышқылының туындысы ибупрофеннің әсер ету механизмі простагландиндер синтезі – ауырсыну, қабыну және гипертермиялық реакция медиаторларының тежелуіне байланысты. Циклооксигеназаны 1 (ЦОГ-1) және циклооксигеназаны 2 (ЦОГ-2) таңдамай бөгейді, соның салдарынан простагландиндер синтезін тежейді. Фармакодинамикалық әсерлері Ауырсынуға қарсы (ауыруды басатын), ыстық түсіретін және қабынуға қарсы жылдам бағытталған әсер көрсетеді. Одан өзге, ибупрофен тромбоциттер агрегациясын қайтымды тежейді. Клиникалық дәлелдер 400 мг ибупрофен қабылдаған кезде анальгетикалық әсер 8 сағатқа дейін созылуы мүмкін екенін көрсетеді. Клиникалық тиімділігі мен қауіпсіздігі Жеке деректер жоқ. Қайта өндірілген препарат. Балалар Жеке деректер жоқ. Қайта өндірілген препарат.

Препаратты қабылдағанға дейін нұсқаулықты мұқият оқып шығыңыз! Дозалау режимі Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде қолданылуы тиіс («Қолдану кезіндегі қажетті сақтық шаралары» бөлімін қараңыз); Қысқа мерзімді қолдану кезінде, егер симптомдар сақталса немесе нашарласа, пациентке дәрігерге қаралуға кеңес беру керек. Бастапқы доза 400 мг құрайды, содан кейін қажет жағдайда төрт сағат сайын 200-ден 400 мг-ға дейін. ИБУПРОФЕН-АКОС, таблеткалар, 200 мг Ересектер 1 таблеткадан (200 мг) тәулігіне 3-4 рет. Ең жоғары тәуліктік доза – 1200 мг (6 таблетка). 24 сағат ішінде 1200 мг (6 таблетка) артық қабылдауға болмайды. 12 жастан асқан балалар және 18 жасқа дейінгі жасөспірімдер 1 таблеткадан (200 мг) тәулігіне 3-4 рет Ең жоғары тәуліктік доза – 800 мг (4 таблетка). 24 сағат ішінде 800 мг (200 мг-ден 4 таблетка) артық қабылдауға болмайды. ИБУПРОФЕН-АКОС, таблеткалар, 400 мг Ересектер 1 таблеткадан (400 мг) тәулігіне 2-3 рет. Ең жоғары тәуліктік доза – 1200 мг (3 таблетка). 24 сағат ішінде 1200 мг (3 таблетка) артық қабылдауға болмайды. 12 жастан асқан балалар және 18 жасқа дейінгі жасөспірімдер 1 таблеткадан (400 мг) тәулігіне 2 рет. Ең жоғары тәуліктік доза – 800 мг (2 таблетка). 24 сағат ішінде 800 мг (400 мг-ден 2 таблетка) артық қабылдауға болмайды. Көрсетілген дозадан асырмау керек! Пациенттердің ерекше топтары Балалар 12 жасқа дейінгі балаларға ИБУПРОФЕН-АКОС препаратын қабылдауға болмайды. Егде жастағы пациенттер Дозаны арнайы түзету қажет емес. Ықтимал жағымсыз құбылыстарға байланысты өте сақтықпен қолданыңыз. Асқазан-ішек жолынан қан кетуді емдеу кезінде мұқият бақылау жүргізу керек. Бауыр жеткіліксіздігі бар пациенттер Бүйрек функциясының ауырлық дәрежесі жеңіл және орташа бұзылған пациенттер үшін препарат дозасын төмендету талап етілмейді. Бүйрек жеткіліксіздігі бар пациенттер Бауыр функциясының ауырлық дәрежесі жеңіл және орташа бұзылғанда дозаны төмендету талап етілмейді. Енгізу жолы және тәсілі ИБУПРОФЕН-АКОС таблеткалары ішуге арналған. Таблеткаларды тұтастай жұту және көп мөлшердегі сумен (кемінде жарты стақан) ішу керек. Ауыз қуысында жағымсыз сезімдердің және тамақтың тітіркенуі болмауы үшін, таблетканы шайнауға, сындыруға немесе ұсақтауға болмайды. Препаратты тамақтану кезінде немесе одан кейін бірден қолдану ұсынылады. Қабылдау уақыты көрсетілген қолдану жиілігі Таблеткаларды қабылдау арасындағы аралық кем дегенде 4-6 сағатты құрауы тиіс. Емдеу ұзақтығы Препарат қысқа уақыт ішінде қолдануға арналған. 12 жастан асқан балалар және 18 жасқа дейінгі жасөспірімдер ИБУПРОФЕН-АКОС препаратын 3 күннен артық қабылдау қажет болған жағдайда кеңес алу үшін дәрігермен кеңесу керек. Егер ауру симптомдары 3 күннен артық сақталса, не болмаса бастапқы жағдаймен байланыссыз қандай-да бір басқа симптомдар пайда болса, не болмаса жағдай нашарласа, емделуді дереу тоқтату және дәрігерге жүгіну керек. Дәрілік препараттың бір немесе бірнеше дозасын жіберіп алған кезде қажетті шаралар Ұмытып кеткен дозаның орнын толтыру үшін қосарлы дозаны қабылдамаңыз. Тоқтату симптомдары қаупінің болуына нұсқау Қатысты емес. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолданар алдында дәрігермен немесе фармацевтпен кеңесіңіз.

• Ибупрофенге және препараттың компоненттерінің кез келгеніне, сондай-ақ басқа стероидты емес қабынуға қарсы препараттарға (ҚҚСП) жоғары сезімталдық. • Ацетилсалицил қышқылын немесе басқа ҚҚСП қабылдау түрткі болған анамнездегі аса жоғары сезімталдық реакциялары (атап айтқанда, бронх демікпесі, ринит, Квинке ісінуі немесе есекжем). • Асқыну сатысындағы немесе анамнезіндегі ойық жара ауруы/ойық жарадан қан кету (ойық жара ауруының/ойық жарадан қан кетудің екі және одан да көп расталған көріністері және анамнезінде). • Асқазан-ішек жолынан қан кету немесе ҚҚСП қолдану түрткі болған немесе анамнездегі перфорация. • Айқын сусыздану (құсу, диарея немесе сұйықтықты жеткіліксіз тұтыну салдарынан). • Гемофилия және қан ұюының басқа да бұзылулары (оның ішінде гипокоагуляция), геморрагиялық диатездер. • Цереброваскулярлық және өзге де қан кетулер. • Аортокоронарлық шунттау жүргізгеннен кейінгі кезең. • Бауыр жеткіліксіздігінің ауыр дәрежесі немесе өршу кезеңіндегі бауыр ауруы. • Бүйрек жеткіліксіздігінің ауыр дәрежесі. • Гиперкалиемия. • Жүрек жеткіліксіздігінің ауыр дәрежесі (NYHA – Нью-Йорк кардиологтар қауымдастығының жіктемесі бойынша IV класы). • Жүктілік (III триместр). • 12 жасқа дейінгі балалар.

Жиі емес: • аса жоғары сезімталдық реакциялары, есекжем және қышыну2; • тері бөртпесі2; • іш ауыруы, жүрек айнуы, диспепсия5; • бас ауыруы. Сирек: • диарея, метеоризм (газ түзілудің жоғарылауы), іш қату және құсу. Өте сирек: • беттің, тілдің және тамақтың ісінуі, ентігу, тахикардия және гипотензияны қоса, аса жоғары сезімталдықтың ауыр реакциялары (анафилаксия, ангионевроздық ісіну немесе ауыр шок)2; • терінің ауыр жағымсыз реакциялары (SCARs) (оған қоса эритема мультиформалы эксфолиативті дерматит, Стивенс-Джонсон синдромы және уытты эпидермалық некролиз2); • асқазан ойықжарасы, асқазан-ішек жолының перфорациясы немесе асқазан-ішектен қан кету, мелена және гематемезис6, ауыздағы ойықжара және гастрит; • асептикалық менингит3; • бауыр функциясының бұзылуы; • гемопоэздік бұзылулар 1; • жедел бүйрек жеткіліксіздігі 8; • гемоглобиннің төмендеуі. Белгісіз: • эозинофилиямен және жүйелі симптомдармен дәрілік реакция (DRESS синдромы); • жедел жайылған экзантематозды пустулез (AGEP); • фотосезімталдық реакциялары; • колит пен Крон ауруының өршуі7; • жүрек жеткіліксіздігі, ісіну 4; • Коунис синдромы; • гипертония4; • демікпе, бронх түйілуі немесе ентігуді қамтитын тыныс алу жолдарының реактивтілігі2; • несепағар шаншуы, дизурия; • бүйректің тубулярлық ацидозы*; • тәбеттің төмендеуі; • гипокалиемия*. 1Мысалдар: анемия, лейкопения, анулоцитоз. Алғашқы белгілері: қызба, тамақ ауыруы, ауыздағы беткейлік жаралар, тұмауға ұқсас симптомдар, қатты жүдеу, түсініксіз қан кету және қанталау. 2Аса жоғары сезімталдық реакциялары: (а) спецификалық емес аллергиялық реакциялар және анафилаксия, (б) тыныс алу жолдарының реактивтілігі, оған қоса демікпе, демікпенің өршуі, бронх түйілуі және ентігу немесе (в) қышыну, есекжем, пурпура, ангионевроздық ісіну, және сирек эксфолиативті және буллезді дерматоздар оған қоса уытты эпидермиялық некролиз, Стивенс-Джонсон синдромы және көп формалы эритема. 3 Дәрілермен индукцияланған асептикалық менингиттің патогенетикалық механизмі толық зерттелмеген. Алайда, ҚҚСП тудырған асептикалық менингит туралы қолда бар дәлелдер аса жоғары сезімталдық реакциясын көрсетеді (препаратты қабылдаумен уақытша байланысқа және оны тоқтатқаннан кейін симптомдардың жоғалуына байланысты). Айта кету керек, асептикалық менингит симптомдарының жекелеген жағдайлары (мысалы, мойынның сіресуі, бас ауыруы, жүрек айнуы, құсу, қызба немесе бағдардан адасу) аутоиммунды аурулары бар пациенттерде ибупрофенмен емдеу кезінде байқалды (мысалы, жүйелі қызыл жегі және дәнекер тінінің аралас аурулары). 4 Клиникалық зерттеулер мен эпидемиологиялық дәлелдер ибупрофенді (әсіресе тәулігіне 2400 мг жоғары дозада) және ұзақ мерзімді емдеуде қолдану артериялық тромбоздық оқиғалардың (мысалы, миокард инфарктісі немесе инсульт) қаупінің шамалы жоғарылауымен байланысты болуы мүмкін екенін көрсетеді. 5 Ең жиі байқалатын жағымсыз құбылыстар асқазан-ішек жолында болады. 6 Кейде өліммен аяқталады. 7 «Қолдану кезінде қажетті сақтық шаралары» бөл. қараңыз. 8 Әсіресе қан сарысуындағы мочевина деңгейінің жоғарылауымен және ісінумен байланысты ұзақ уақыт қолданғанда. Оған папиллярлық некроз да кіреді. * Постмаркетингтік кезеңде, әдетте, ибупрофен компонентін ұсынылғаннан жоғары дозада ұзақ уақыт қолданғаннан кейін, ренальді тубулярлық ацидоздың және гипокалиемияның дамуы туралы хабарланды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Балаларда симптомдар дене салмағының 400 мг/кг асатын дозаны қабылдағаннан кейін пайда болуы мүмкін. Ересектерде дозаға тәуелді әсер аз байқалады. Препараттың дозаланғанда жартылай шығарылу кезеңі 1,5–3 сағатты құрайды. Симптомдары: жүрек айнуы, құсу, эпигастрий тұсындағы ауыру немесе сирек, диарея, құлақтың шыңылдауы, бас ауыруы және асқазан-ішектен қан кету. Анағұрлым ауыр жағдайларда орталық жүйке жүйесінен уыттылық көріністері байқалады, атап айтқанда ұйқышылдық, бас айналуы, қозу, сондай-ақ бағдардан адасу немесе кома, сирек жағдайларда конвульсиялар пайда болады. Ауыр улану жағдайында гипокалиемия, метаболизмдік ацидоз және протромбиндік уақыттың/ХҚҚ (халықаралық қалыптасқан қатынас) жоғарылауы дамуы мүмкін, бұл препараттың өзара әрекеттесуіне және қан ұюының айналым факторларына байланысты болуы мүмкін. Жедел бүйрек жеткіліксіздігі, бауырдың зақымдануы, гипотензия, тыныс алу бәсеңдеуі және цианоз пайда болуы мүмкін. Бронх демікпесі бар пациенттерде бұл аурудың өршуі мүмкін. Емі: пациенттің тұрақты жағдайына жеткенге дейін тыныс алу жолдарының еркін өткізгіштігін, жүрек қызметінің мониторингін және өмірлік маңызды функциялардың негізгі көрсеткіштерін міндетті түрде қамтамасыз ететін симптоматикалық және демеуші терапия. Препараттың потенциалды уытты дозасын қабылдағаннан кейін бір сағат ішінде шаю немесе құсу арқылы белсендірілген көмірді пероральді қолдану және асқазанды босату ұсынылады. Егер ибупрофеннің сіңуі орын алса, ибупрофен қышқылдарының несеппен шығарылуына ықпал ететін сілтілік заттарды енгізу керек. Жиі немесе ұзақ құрысулар үшін диазепамды немесе лоразепамды вена ішіне енгізу керек. Бронх демікпесінде бронходилататорларды қолдану ұсынылады. Артық дозаланған жағдайда пациент шұғыл медициналық көмек алу үшін дереу дәрігерге қаралуы керек.

Егер осы бөлімде көрсетілген жағдайлар болса, препаратты қолданар алдында дәрігермен кеңесу керек. Егер препаратты қысқа уақыт кезеңінде, симптомдарды жою үшін қажетті ең аз тиімді дозада қабылдаса, жағымсыз әсерлерді барынша азайтуға болады. Тыныс алу ағзаларына әсері Бронх демікпесі немесе асқыну сатысындағы аллергиялық ауруы бар пациенттерде, сондай-ақ анамнезінде бронх демікпесі/аллергиялық ауруы бар пациенттерде препарат бронх түйілуіне түрткі болуы мүмкін. Басқа ҚҚСП-мен бірге қолданылуы Ибупрофенді басқа ҚҚСП-мен, атап айтқанда циклооксигеназа-2 селективті тежегіштерімен бір мезгілде қолданудан аулақ болу керек. Жүйелі қызыл жегі және дәнекер тіннің аралас ауруы Препаратты жүйелі қызыл жегі немесе дәнекер тіннің аралас ауруы бар пациенттерде қолдану асептикалық менингиттің даму қаупінің жоғарылауымен байланысты. Бүйрекке әсері Препарат бүйрек жеткіліксіздігінің дамуымен бүйрек функциясының нашарлауына әкелуі мүмкін. Сусызданған балалар мен жасөспірімдерде бүйрек жеткіліксіздігі қаупі бар. Бүйректің өзекшелік ацидозы және гипокалиемия жедел артық дозаланғанда және ибупрофен препараттарын, ұсынылған тәуліктік дозадан асатын дозаларды қоса, ұзақ уақыт бойы жоғары дозаларда (әдетте 4 аптадан астам) қабылдайтын пациенттерде пайда болуы мүмкін. Бауырға әсері Препарат бауыр функциясының бұзылуына әкелуі мүмкін. Асқазан-ішек жолына (АІЖ) әсері Анамнезінде АІЖ аурулары (спецификалық емес ойық жаралы колит, Крон ауруы) болған пациенттерде ҚҚСП сақтықпен қолдану қажет, өйткені, бұл топтағы препараттарды пайдаланғанда аталған аурулар өршуі мүмкін. ҚҚСП тобының кез келген препараттарын қолданғанда кез келген сәтте, ескертпе симптомдарының немесе анамнезде ұқсас асқынулардың болуы немесе болмауымен асқазан-ішектен (АІ) қан кету, ойық жаралар мен тесілу туындаған, соның ішінде өлімге әкелетін жағдайлар туралы хабарламалар бар. Анамнезінде ойық жара ауруы бар, әсіресе қан кетумен немесе перфорациямен асқынған пациенттерде, сондай-ақ егде жастағы адамдарда препаратты қолданғанда ҚҚСП жоғары дозаларын қолданумен байланысты АІ қан кету немесе ойық жара/перфорация қаупі жоғары. Пациенттердің аталған санаттарында емдеуді препараттың ең төменгі тиімді дозасынан бастаған жөн. Аталған пациенттер үшін, сондай-ақ, аспириннің немесе АІ қауіпті арттыруы мүмкін басқа препараттардың төмен дозаларын қатарлас қабылдауды қажет ететін пациенттер үшін асқазанның шырышты қабығын қорғайтын дәрілік препараттар-протекторлармен (мысалы, мизопростолмен немесе протондық помпа тежегіштерімен) біріктіріп емдеу қарастырылуы тиіс. Анамнезінде АІЖ тарапынан уыттылық көріністері болған, әсіресе, егде жастағы, пациенттер АІЖ тарапынан әдеттен тыс кез келген, әсіресе, емдеудің басындағы симптомдар (атап айтқанда, АІ қан кету жағдайында) туралы хабарлауы тиіс. Ойық жара мен қан кету қаупін арттыруы мүмкін, оральді кортикостероидтар сияқты қатарлас препараттарды, варфарин сияқты антикоагулянттарды, серотонинді кері қармаудың селективті тежегіштерін немесе ацетилсалицил қышқылы сияқты антиагреганттық препараттарды қабылдап жүрген пациенттерде сақтық таныту керек. ИБУПРОФЕН-АКОС ем қабылдайтын пациенттерде АІ қан кету немесе ойық жара пайда болған кезде препаратты қабылдауды тоқтату керек. Жүрек-қантамыр жүйесі мен ми қан айналымына әсері Артериялық гипертензиясы және/немесе жүрек жеткіліксіздігі бар пациенттерде (қолданар алдында дәрігермен кеңесу керек) сұйықтықтың іркілуі, артериялық қысымның жоғарылауы және ҚҚСП қолдану аясында ісінудің пайда болуы туралы хабарларға байланысты препаратты сақтықпен қолдану ұсынылады. Ибупрофенді, әсіресе жоғары дозада (күніне 2400 мг) пайдалану артериялық тромбоздық асқынулар (мысалы, миокард инфарктісі немесе инсульт) қаупінің аздаған жоғарылауымен байланысты болуы мүмкін. Алайда төмен дозада (мысалы, күніне 1200 мг және одан кем) қабылдаған кезде ибупрофеннің артериялық тромбоздық асқынулардың туындауына әсері анықталмаған. Бақыланбайтын артериялық гипертензиясы, іркілісті жүрек жеткіліксіздігі (NYHA бойынша II-III), расталған жүректің ишемиялық ауруы, шеткері артерия аурулары және/немесе цереброваскулярлық аурулары бар пациенттерге ибупрофенді «пайда–қауіп» арақатынасын мұқият бағалағаннан кейін ғана тағайындау керек, бұл ретте ибупрофеннің жоғары дозаларын (тәулігіне 2400 мг артық) қолданудан аулақ болу керек. Ұзақ емдеу курсы басталар алдында жүрек-қантамырлары жүйесі тарапынан қауіп факторлары бар ( мысалы, гипертония, гиперлипидемия, қант диабеті, темекі шегу), әсіресе ибупрофеннің жоғары дозалары (күніне 2400 мг) талап етілсе, пациенттердің жағдайын мұқият бағалау керек. Ибупрофен алған пациенттерде Коунис синдромының жағдайлары туралы хабарланды. Коунис синдромы - коронарлық артериялардың тарылуымен байланысты және миокард инфарктісіне әкелуі мүмкін аллергиялық немесе жоғары сезімталдық реакцияға қатысты салдарлы болатын, жүрек-қантамыр симптомдары ретінде анықталады. Терінің ауыр жағымсыз реакциялары (тыртықтар) Эксфолиативті дерматит, мультиформалы эритема, Стивенс-Джонсон синдромы (SJS), уытты эпидермалық некролиз (TEN) және эозинофилиямен және жүйелік симптомдармен дәрілік реакция (DRESS синдромы) сияқты терінің ауыр жағымсыз реакциялары (тыртықтар), сондай-ақ өмірге қауіп төндіруі мүмкін немесе өлімге әкеп соқтыруы мүмкін жедел жайылған экзантематозды пустулез (AGEP) ибупрофен қолданғанда тіркелген («ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар» бөл. қараңыз). Бұл реакциялардың көпшілігі бірінші айда дамыды. Осы реакцияларды көрсететін белгілер мен симптомдар пайда болса, ибупрофенді қабылдауды дереу тоқтатып, балама емдеуді қарастыру керек (қажет болғанда). Жасырын инфекциялар симптомдарын бүркемелеу ИБУПРОФЕН-АКОС инфекциялық аурудың симптомдарын, соның ішінде, жоғары температураны және ауыруды бүркемелеуі мүмкін, ол тиісінше ем басталуының тежелуіне және сол арқылы аурудың ағымын асқындыруы мүмкін. Бұл бактериялық ауруханадан тыс пневмонияда және желшешек кезіндегі бактериялық асқынуда байқалды. ИБУПРОФЕН-АКОС препаратын дене температурасының жоғарылауы немесе инфекция кезінде ауырсынуды жеңілдету үшін қолданылған кезде, инфекциялық ауруға мониторинг жүргізу ұсынылады. Медициналық мекемелерден тыс емдеу жағдайында, егер симптомдар сақталса немесе күшейсе, пациент дәрігерге қаралуы тиіс. Желшешек Ерекше жағдайларда, желшешек тері мен жұмсақ тіндердің күрделі инфекциялық асқынуларының себебі болуы мүмкін. Бүгінгі күні осы инфекциялардың өршуіндегі ҚҚСП орнын жоққа шығаруға болмайды. Осылайша, ИБУПРОФЕН-АКОС препараты таблеткасын желшешек кезінде қолданудан аулақ болу ұсынылады. Бас ауыруы Бас ауыруы кезінде ауырғанды басатын дәрінің кез келген типін ұзақ уақыт қолдану оны ушықтырып жіберуі мүмкін. Егер мұндай жағдай туындаса немесе оған күдік болса, дәрігермен кеңесіп, емдеуді тоқтату керек. Бас ауыруына қарсы дәрілерді жүйелі түрде пайдаланып жүргеніне қарамастан (немесе байланысты) жиі немесе күн сайын басы ауыратын пациенттерде «дәрілерді шамадан тыс көп қабылдаудан бас ауыруы» диагнозына күдіктену керек. Сақтықпен ҚҚСП тромбоциттер функциясын бұзуы мүмкін болғандықтан, оларды миына қан құйылған және геморрагиялық диатезі бар пациенттерде сақтықпен қолдану керек. Бүйрек функциясының нашарлауы қаупіне байланысты, бүйрек, бауыр және жүрек функциясы бұзылған пациенттер ҚҚСП сақтықпен қолдануы тиіс. Егде жастағы пациенттер, жүкті әйелдер, демікпесі бар немесе дәрі-дәрмектік ем қабылдап жүрген пациенттер препаратты қабылдар алдында дәрігермен кеңесуі тиіс. Әйелдердегі фертильділіктін бұзылуы Циклооксигеназа/простагландин синтезін тежейтін препараттар овуляцияға әсер ету арқылы әйелдер фертильділігінің бұзылуына әкелуі мүмкін. Бұл процесс емдеуді тоқтатқан кезде қайтымды болады. Арнайы ескертулер Егер пациент темекі шегетін болса, препаратты қолдануды бастар алдында маманмен кеңесу керек. Педиатрияда қолдану 12 жасқа дейінгі балаларға препаратты қолдануға болмайды. Егде жастағы пациенттердің қолдануы Егде жастағы тұлғаларда ҚҚСП қолдану аясында, әсіресе асқазан-ішектен қан кету мен тесілу, кейбір жағдайларда өліммен аяқталатын жағымсыз реакциялардың жоғары жиілігі байқалады. Егде жастағы адамдарға ҚҚСП ұзақ уақыт емдеу ұсынылмайды Емдеу кезінде пациент дәрігердің бақылауында болуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ИБУПРОФЕН-АКОС препаратымен емдеу кезінде көлік құралын және потенциалды қауіпті механизмдерді басқару кезінде сақ болу керек.

Простагландин синтезін тежеу жүктілік ағымына, эмбрион мен ұрықтың дамуына жанама әсер етуі мүмкін. Эпидемиологиялық зерттеу деректері жүктіліктің ерте кезеңдерінде простагландиндер синтезінің тежегіштерін пайдалану кезінде өздігінен түсік түсу, жүрек ақауы және гастрошизис (асқазан қабырғасындағы туа біткен бұлшықет ақауы) қаупінің жоғарылағанын растайды. Жүрек-қантамыр жүйесі ауытқуларының пайда болуының абсолюттік қаупі 1 %-дан шамамен 1,5 %-ға дейін ұлғайды. Бұл қауіп дозаның жоғарылауымен және терапияның ұзақтығымен артады. Осыған байланысты препаратты жүктіліктің I-II триместрінде қолданудан аулақ болу керек, препаратты қабылдау қажет болғанда дәрігермен кеңесу керек. Жүктілікті жоспарлайтын әйелдер немесе жүктіліктің I-II триместрінде ИБУПРОФЕН-АКОС препаратын қабылдаған кезде дозасы мен емдеу ұзақтығы ең аз болуы тиіс. ИБУПРОФЕН-АКОС препаратын 20-шы гестациялық аптадан бастап бірнеше күн қабылдағаннан кейін олигогидрамнионға және артериялық түтіктің тарылуына босануға дейінгі бақылау жүргізу керек. Егер олигогидрамнион немесе артериялық түтіктің тарылуы анықталса, ИБУПРОФЕН-АКОС препаратын қабылдауды тоқтату керек. Жүктіліктің III триместрінде простагландин тежегіштерін қолдану дамуға ықпал етеді • шаранада: • кардиопульмональді уыттылық артериялық түтіктің мерзімінен бұрын жабылуымен және өкпе гипертензиясының дамуымен; • қағанақ суының аздығы (олигогидрамнион) дамуымен бүйректің жұмыс істеуінің толық тоқтатылуына әкелуі мүмкін бүйрек дисфункциясы; • жүктілік соңында анасы мен шаранада: • қан кету уақытының ықтимал ұлғаюы, тіпті өте төмен дозаларда да агрегацияға қарсы әсер; • жатырдың жиырылу қызметін басу және кеш немесе ұзақ босану. Осыған байланысты ИБУПРОФЕН-АКОС препаратын жүктіліктің үшінші триместрінде қолдануға болмайды. Ибупрофен аз мөлшерде емшек сүтіне емшек сүтінің денсаулығына теріс әсер етпестен енуі мүмкін, сондықтан әдетте қысқа мерзімді қабылдау кезінде емшек емізуді тоқтатудың қажеті жоқ. Препаратты ұзақ қолдану қажет болғанда препаратты қолдану кезеңінде емшек емізуді тоқтату туралы мәселені шешу үшін дәрігерге қаралу керек.

Ибупрофенді (басқа да ҚҚСП сияқты) келесі препараттармен бірге қабылдамау керек • Ацетилсалицил қышқылы: дәрігер тағайындаған төмен дозалардағы (тәулігіне 75 мг-нан аспайтын) ацетилсалицил қышқылын қоспағанда, жағымсыз әсерлердің күшею ықтималдығы салдарынан ибупрофен мен ацетилсалицил қышқылын бір мезгілде қабылдау ұсынылмайды. Ибупрофен ацетилсалицил қышқылының төменгі дозаларының тромбоциттер агрегациясына әсерін бәсекелес тежеуі мүмкін, сондықтан ибупрофенді тұрақты ұзақ қолданғанда ацетилсалицил қышқылының кардиопротекторлық әсері төмендеуі мүмкін. Ибупрофенді эпизодтық қолдану кезінде клиникалық маңызды әсер байқалмайды. • Басқа ҚҚСП, оған қоса, циклооксигеназа-2 селективті тежегіштері: жағымсыз әсерлердің туындау қаупінің ықтимал ұлғаюына байланысты ҚҚСП тобынан екі және одан да көп препаратты бір мезгілде қолданудан аулақ болу керек. Ибупрофенді келесі препараттармен бірге сақтықпен қолдану керек Кортикостероидтар: өйткені олар асқазан-ішек жолдарының ойық жарасы пайда болуының немесе қан кету қаупін арттыруы мүмкін. Антикоагулянттар: ҚҚСП варфарин сияқты антикоагулянттардың әсерін күшейтуі мүмкін. Антиагреганттар және серотонинді кері қармайтын селективті тежегіштер (СКҚСТ): асқазан-ішектен қан кету қаупінің жоғарылауы. Гипертензияға қарсы препараттар (ангиотензин-өзгертуші ферменттің тежегішін (АӨФ) немесе ангиотензин II антагонисі): аталған препараттардың әсері төмендейді. Бүйрек функциясы бұзылған кейбір пациенттерде (мысалы, дегидратациясы бар пациенттерде немесе бүйрек функциясы бұзылған егде пациенттерде) АӨФ тежегішін немесе ангиотензин II антагонисін және циклооксигеназаны тежейтін агенттерді бір мезгілде енгізу әдетте қайтымды болуы мүмкін жедел бүйрек жеткіліксіздігін қоса, бүйрек функциясының одан әрі нашарлауына әкелуі мүмкін. Бұл өзара әрекеттесулерді АӨФ тежегіштерімен немесе ангиотензин II антагонистерімен бір мезгілде коксибтер қабылдайтын пациенттерде ескеру керек. Сондықтан біріктірілімді, әсіресе егде жастағы адамдарда сақтықпен қолдану керек. Пациенттер талапқа сай гидраттануы тиіс және қатарлас ем басталғаннан кейін және осыдан кейін мезгіл-мезгіл бүйрек функциясына мониторинг жүргізуге назар аудару керек. Диуретиктер: несеп айдайтын әсер төмендейді. Диуретиктер ҚҚСП нефроуыттылық қаупін жоғарылатуы мүмкін. Жүрек гликозидтері: ҚҚСП және жүрек гликозидтерін бір уақытта тағайындау жүрек жеткіліксіздігінің күшеюіне, шумақтық сүзіліс жылдамдығының төмендеуіне және қан плазмасындағы жүрек гликозидтерінің концентрациясының жоғарылауына әкелуі мүмкін. Литий препараттары: литийдің элиминациясы төмендейді. Метотрексат: метотрексаттың элиминациясы төмендейді. Циклоспорин: ҚҚСП-мен бір мезгілде тағайындау кезінде нефроуыттылық қаупінің жоғарылауы. Мифепристон: ҚҚСП қабылдау мифепристонды қабылдағаннан кейін 8–12 күннен ерте басталмаған жөн, өйткені ҚҚСП мифепристонның тиімділігін төмендетуі мүмкін. Такролимус:ҚҚСП және такролимусты бір мезгілде тағайындау кезінде нефроуыттылық қаупінің артуы мүмкін. Зидовудин: ҚҚСП мен зидовудинді бір мезгілде қолдану гематологиялық уыттылықтың жоғарылауына әкелуі мүмкін. Зидовудинмен және ибупрофенмен бірлесіп ем қабылдаған гемофилиясы бар АИТВ-оң пациенттерде гемартроз мен гематомалардың туындау қаупінің жоғарылауы туралы деректер бар. Хинолон қатарындағы антибиотиктер: ҚҚСП және хинолондық қатардағы антибиотиктермен бірге ем алатын пациенттерде құрысулардың туындау қаупі артуы мүмкін. Аминогликозидтер: сезімтал адамдарда бүйрек функциясы төмендейді, аминогликозидтің шығарылуы төмендейді және оның қан плазмасындағы концентрациясы жоғарылайды. Пробенецид: ҚҚСП және олардың метаболиттерінің метаболизмі мен шығарылуы төмендейді. Пероральді гипогликемиялық препараттар: сульфонилмочевина препараттарының метаболизмінің басылуы, жартылай шығарылу кезеңінің ұлғаюы және гипогликемияның жоғарылауы. Миелоуытты препараттар: гематоуыттылықтың жоғарылауы. Цефамандол, цефоперазон, цефотетан, вальпрой қышқылы, пликамицин: гипопротромбинемияның даму жиілігінің жоғарылауы. Өзекшелік секрецияны бөгейтін дәрілік заттар: шығарылуының төмендеуі және ибупрофеннің плазмалық концентрациясының жоғарылауы. Микросомальді тотығу индукторлары (фенитоин, этанол, барбитураттар, рифампицин, фенилбутазон, трициклді антидепрессанттар): гидроксилденген белсенді метаболиттер түзілуінің ұлғаюы, ауыр уыттанудың даму қаупінің жоғарылауы. Микросомальді тотығу тежегіштері: гепатоуытты әсер ету қаупінің төмендеуі. Антацидтер мен колестирамин: абсорбцияның төмендеуі. Урикозуриялық препараттар: препараттардың тиімділігінің төмендеуі. Гинкго билоба: ҚҚСП-мен қолданған кезде қан кету қаупі артады. Вориконазол, флуконазол: ибупрофеннің әсері күшейеді, сондықтан вориконазолмен немесе флуконазолмен бір мезгілде қабылдағанда ибупрофеннің дозасын азайту керек.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 30 °С-ден аспайтын температурада сақтау керек. Балалардың қолы жетпейтін жерде сақтау керек!