Тиімді ең аз доза симптомдарды жеңілдету үшін қажетті препаратты қабылдаудың қысқа мерзімдік кезеңі ішінде пайдаланылуы тиіс.
Егер Сізде қызба және ауырсыну сияқты инфекция белгілері болса, олар сақталса немесе нашарласа, дереу дәрігерге қаралыңыз («Қолдану кезіндегі қажетті сақтық шаралары» бөлімін қараңыз).
Емдеу ұзақтығын емдеуші дәрігер тағайындайды
Ревматизмдік аурулар кезінде ибупрофенді ұзағырақ қабылдау қажет болуы мүмкін.
Ибупрофеннің дозасы пациенттің жасына және дене салмағына байланысты. Ересектер үшін ең жоғары бір реттік доза 800 мг ибупрофеннен аспауы тиіс.
Дозалау режимі
Жеңіл немесе орташа ауырсыну, температураның жоғарылауы.
Препарат тек қысқа мерзімді қолдануға және салмағы ≥ 40 кг (12 жас және одан үлкен) ересектер мен балаларға қолдануға арналған.
200 – 400 мг бір рет немесе күніне 2-3 рет, таблеткаларды қабылдау арасындағы аралық кем дегенде 6 сағатты құрауы тиіс.
Ең жоғары тәуліктік доза 1200 мг аспауы тиіс.
Бас ауыруы, бас сақинасы:
400 мг бір рет, қажет болған жағдайда 400 мг таблеткаларды қабылдау аралығы 6 сағатқа дейін.
Дене салмағы ≥ 20 кг ( 6-11 жас) балалар: 200 мг күніне 1-3 рет, қажет болған жағдайда таблеткаларды қабылдау аралығы 6 сағат.
Ең жоғары тәуліктік доза 600 мг аспауы тиіс.
Салмағы 30-90 кг (10-11 жас) балалар: 200 мг тәулігіне 1-4 рет, қажет болған жағдайда таблеткаларды қабылдау аралығы 6 сағат.
Ең жоғары тәуліктік доза 800 мг аспауы тиіс.
Ибупрофенді дене салмағы 20 кг аз немесе 6 жасқа дейінгі балаларға қолдануға болмайды.
Етеккірлік және етеккір алдындағы ауырсыну
Ересектер мен дене салмағы ≥40 кг жасөспірімдер (12 жас және одан үлкен):
200-400 мг тәулігіне 1-3 рет, қажет болған жағдайда 6 сағатқа дейінгі аралықта.
Ең жоғары тәуліктік доза 1200 мг аспауы тиіс.
Бұлшықеттік және ревматизмдік ауырулар
Ересектер:
Ұсынылатын доза бірнеше қабылдауға тәулігіне 1200-1800 мг құрайды. Кейбір пациенттерде күніне 600-1200 мг демеуші дозалар тиімді болуы мүмкін. Жедел және ауыр жағдайларда дозаны 3 немесе 4 қабылдауға ең жоғары 2400 мг дейін (уақытша) арттыруға болады.
15-тен 17 жасқа дейінгі жасөспірім:
Ұсынылатын доза салмаққа қарай түзетілуі тиіс: күніне 20 мг/кг бастап ең жоғары 40 мг/кг дене салмағына дейін (күніне ең жоғары 2400 мг) 3-4 қабылдауға.
Егер препаратты 2-3 күн бойы қабылдаған кезде симптомдар сақталса немесе күшейсе, емдеуді тоқтатып, дәрігерге қаралу қажет.
Препаратты ұзақ қабылдау қажет болғанда (12- ден 18 жас аралығындағы балалар мен жасөспірімдер үшін - 3 күннен астам, ал ересектер үшін - 10 күннен астам) дәрігерге қаралу қажет.
Пациенттердің ерекше топтары
Егде жастағы пациенттер
ҚҚСП жағымсыз әсерлерге барынша бейім және өлімге әкелуі мүмкін асқазан-ішектен қан кету, ойық жара немесе тесілу қаупі жоғары егде жастағы пациенттерде аса сақтықпен қолданылуы керек. Егер емдеу қажет деп саналса, симптомдарды бақылауға қажетті ең қысқа уақыт ішінде ең төменгі дозаны пайдалану керек. Егер оң нәтижелер байқалмаса немесе жақпаушылық пайда болса, емдеуді үнемі қайта қарау және тоқтату керек.
Бүйрек функциясының жеткіліксіздігі бар пациенттер
Бүйрек функциясының жеңіл және орташа төмендеуі бар пациенттерде симптомдарды бақылау және бүйрек функциясын бақылау үшін қажетті ең қысқа уақыт ішінде доза мүмкіндігінше төмен болуы керек.
Бауыр жеткіліксіздігі бар пациенттер
Бүйрек функциясының жеңіл және орташа төмендеуі бар пациенттерде симптомдарды бақылау және бауыр функциясын бақылау үшін қажетті ең қысқа уақыт ішінде доза мүмкіндігінше төмен болуы керек.
Енгізу әдісі мен жолы
Таблетка дұрысы тамақ ішуден кейін стақан сумен ішіп қабылданады. Асқазаны сезімтал пациенттерге ибупрофенді тамақ ішу кезінде қабылдау ұсынылады.
Қабылдау уақыты көрсетілген қолдану жиілігі
Жағымсыз реакциялардың даму қаупін барынша ең төменге азайту мақсатында ибупрофенді тиімді ең төмен дозада және клиникалық әсерге қол жеткізу үшін қажетті ең жоғары қысқа кезең ішінде қабылдау керек.
Асқазаны сезімтал пациенттерге тамақ ішу кезінде Ибупрофен-Тева препаратының қабықпен қапталған 400 мг таблеткаларын қабылдау ұсынылады.
Тамақ ішуден кейін бірден Ибупрофен-Тева препаратының қабықпен қапталған 400 мг таблеткаларын қабылдаған кезде препараттың әсерінің басталуы кешігуі мүмкін. Мұндай жағдайда препараттың дозасын ұсынылған дозадан жоғарыға арттырмау керек.
Емдеу ұзақтығы
Препарат тек қысқа мерзімдік қолдануға арналған.
Ересектер осы дәрілік препаратты қызба жағдайында 3 күннен көбірек немесе ауыруын емдеу үшін 4 күннен көбірек қабылдауы қажет болса, сондай-ақ симптомдар өршісе, дәрігерден кеңес алу керек.
Дәрілік препараттың бір немесе бірнеше дозасын өткізіп алған кезде қажетті шаралар
Қатысты емес
Тоқтату симптомдары қаупінің болуын көрсету
Қатысты емес
Дәрілік препаратты қолдану тәсілін түсіндіру үшін медицина қызметкеріне кеңес беру үшін жүгіну бойынша ұсынымдар
Ибупрофен-Тева препаратын қолданар алдында емдеуші дәрігерден кеңес алыңыз.
Өз дәрігеріңізге Сіз қандай да болсын басқа препаратты қабылдап жүргеніңізді, жақын арада қабылдағаныңызды немесе қабылдауды бастауыңыз мүмкін екендігін мәлімдеңіз.
Дәрілік препараттың стандартты қолдану кезінде көрініс беретін жағымсыз реакциялары сипаттамасы және осы жағдайда қабылданатын шаралар
Жағымсыз реакциялардың туындау жиілігіне баға беру келесі критерийлер негізінде жүргізіледі: өте жиі (≥ 1/10), жиі (≥ 1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), жиілігі белгісіз (қолда бар деректер негізінде баға беру мүмкін емес).
Жиі
- асқазан-ішек жолы тарапынан іш тұсының ауыруы, жүректің айнуы және ас қорытудың бұзылыстары, диарея, метеоризм, іш қату, қыжыл және сирек жағдайларда анемияға әкелуі мүмкін асқазан-ішектік жеңіл қан кету сияқты бұзылулар
Жиі емес
- аса жоғары сезімталдық реакциялары 1
- есекжем және қышыну
- бас ауыруды, бас айналуды, ұйқышылдықты, қозуды, ашушаңдықты немесе шаршауды қоса, орталық жүйке жүйесі тарапынан бұзылулар
- көрудің бұзылулары
- потенциалды қан кетумен және тесілумен бірге АІЖ ойық жарасы, ойық жаралы стоматиттер, колиттің және Крон ауруының өршуі, гастриттер.
- тері бөртпелерінің алуан түрлері
Сирек
- құлақтың шыңылдауы
- сирек жағдайларда бүйрек тіндерінің зақымдануы (бүйрек бүртікшелерінің некрозы) және қанда мочевина және несеп қышқылының жоғарылауы
- гемоглобин деңгейінің төмендеуі
Өте сирек
- инфекциямен байланысты қабынудың өршуі (мысалы, некрозданған фасцииттің дамуы), сирек жағдайларда терінің ауыр инфекциялары және жұмсақ тіндер тарапынан асқынулар желшешек кезінде болуы мүмкін
- гемопоэздің бұзылулары (анемия, лейкопения, тромбоцитопения, панцитопения және агранулоцитоз). Алғашқы белгілері қызба, тамақтың ауыруы, ауыз қуысының беткейлік ойық жаралары, тұмау тәріздес симптомдар, қатты жүдеу, мұрыннан қан кету және теріден қан кету, қан кету және қанталаулар. Мұндай жағдайларда пациент осы дәрілік препаратты қабылдауды тоқтатуға, кез келген анальгетиктермен және қызуды төмендететін дәрілермен өздігінен емделуді тоқтата тұруға және дәрігерге қаралуға кеңестер алуы тиіс.
- жайылған ауыр аса жоғары сезімталдықтың реакциялары. Симптомдары беттің, тілдің және тамақтың ісінуін, ентігуді, тахикардияны және гипотензияны (анафилаксия, ангионевроздық ісіну немесе ауыр шок) қамтуы мүмкін.
- демікпенің өршуі
- психоздық реакция, депрессия
- асептикалық менингит 2
- жүрек функциясының жеткіліксіздігі, жүрек қағуының жиілеуі және ісіну, миокард инфарктісі
- артериялық гипертензия, васкулит
- эзофагит, панкреатит және ішектің жарғақшалық стриктурасының түзілуі.
- бауыр дисфункциясы, бауырдың зақымдануы, әсіресе ұзақ қабылдаған кезде, бауыр функциясының жеткіліксіздігі, жедел гепатит
- денеде қызғылтым ылғалды дақтары, ортасында күлдіреуіктер және терінің қабыршықтануы болуы мүмкін
- ауыз және мұрын, тамақ, жыныс мүшелерінің және көздің шырышты қабығының ойық жаралары; бұл ауыр реакциялардың алдында қызба және тұмауға ұқсас симптомдар болуы мүмкін (эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз).
- ісінулер, әсіресе артериялық гипертензия немесе бүйрек функциясының жеткіліксіздігі бар пациенттерде, нефроздық синдром, ішек нефриті, олар бүйрек функциясының жедел жеткіліксіздігімен қоса жүруі мүмкін
Белгісіз (қолда бар деректер негізінде бағалау мүмкін емес).
- тыныс алу жолдарының аса жоғары белсенділігі, оның ішінде демікпе, бронх түйілуі немесе ентігу
- кеудедегі ауырсыну, бұл Кунис синдромы деп аталатын потенциалды ауыр аллергиялық реакцияның белгісі болуы мүмкін
- Таралған тері бөртпесі, дене температурасының жоғарылауы және лимфа түйіндерінің ұлғаюы (DRESS-синдром).
- Қызбамен қатар жүретін тері астындағы түйнегі мен күлдіреуігі бар қабыршықты кең таралған бөртпе. Симптомдар әдетте емдеудің басында пайда болады (жедел жайылған экзантематозды пустулез).
Жекелеген жағымсыз реакциялардың сипаттамасы
1 Ибупрофенмен емдеу кезінде аса жоғары сезімталдық реакциялары тіркелді. Олар (a) спецификалық емес аллергиялық реакцияларды және анафилаксиялық реакцияны, (b) тыныс алу жолдарының аса жоғары реактивтілігін, соның ішінде демікпені, өршіген демікпені, бронх түйілуін, ентігуді, немесе (c) әртүрлі тері реакцияларын, соның ішінде алуан түрдегі бөртпені, қышынуды, есекжемді, пурпураны, ангионевроздық ісінуді және сирек эксфолиативтік және буллездік дерматозды (соның ішінде уытты эпидермалық некролизді, Стивенс-Джонсон синдромын және полиморфты эритеманы) қамтуы мүмкін.
2 Препаратты қабылдаудан туындаған асептикалық менингиттің патогенетикалық даму механизмі әзір толық зерттелмеген. Алайда ҚҚСП қабылдау аясында асептикалық менингит жағдайлары туралы қолда бар деректер иммундық реакцияларды айғақтайды (препаратты қабылдау уақыты және препарат қабылдауды тоқтатқаннан кейін симптомдардың жоғалуы арасындағы байланыс бақыланады). Асептикалық менингит симптомдары (мысалы, мойын бұлшықетінің сіресуі, бас ауыру, жүректің айнуы, құсу, қызба немесе бағдардың бұзылуы) туындауының жекелеген жағдайлары бұрыннан аутоиммундық аурулары бар (мысалы, жүйелік қызыл жегі, дәнекер тінінің аралас аурулары бар) пациенттерде ибупрофенді бір мезгілде қабылдау кезінде байқалды.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
