ИБУФЕН® Д Форте суспензия 200мг/5 мл

5 мл суспензияның құрамында белсенді зат - 200 мг ибупрофен, қосымша заттар: гипромеллоза, ксантан шайыры, глицерин, натрий бензоаты, сұйық мальтитол, натрий цитраты, лимон қышқылы моногидраты, натрий сахаринаты, натрий хлориді, құлпынай хош иістендіргіші: хош иістендіргіш агенттер, пропиленгликоль (Е1520), су; тазартылған су. Сыртқы түрінің, иісінің, дәмінің сипаттамасы Құлпынай иісі бар, түсі ақ немесе ақ дерлік біртекті суспензия.

Дене салмағы 20 кг-ге дейін болатын 7-ден 12 жасқа дейінгі балалар: • жедел респираторлық ауруларда (суық тию, тұмау) симптоматикалық дәрі ретінде; • қызба; • тіс ауыруы; • бас ауыруы; • бұлшықеттер мен буындардағы ауырсыну.

Әсер ету механизмі Ибупрофен - қабынуға қарсы стероидты емес препарат (ҚҚСП), ол жануарлардағы қабынудың жалпы қабылданған эксперименттік үлгілерінде тиімділігін көрсетті және простагландин синтезін тежеу арқылы өз әсерін көрсетеді. Фармакодинамикалық әсерлері Адамда қолданған кезде ибупрофен ауыруды басатын, ыстықты түсіретін және қабынуға қарсы әсерге ие. Сонымен қатар, ибупрофен тромбоциттер агрегациясын қайтымды тежейді. Клиникалық тиімділігі және қауіпсіздігі Ибупрофеннің клиникалық тиімділігі тіс ауыруы және бас ауыруы сияқты жеңіл және орташа ауырсынуды симптоматикалық емдеуде, сондай-ақ қызбаны симптоматикалық емдеуде көрсетілген. Балалардағы анальгетикалық доза бір дозаға 7-ден 10 мг/кг-ге дейін, ал ең жоғары доза тәулігіне 30 мг/кг құрайды. Ибуфен Д Форте құрамында ибупрофен бар, оның ыстықты түсіретін әсері қолданғаннан кейін 15 минуттан соң басталады. Препараттың әсері 8 сағатқа дейін созылады, бұл ашық клиникалық зерттеу барысында көрсетілген. Эксперименттік деректер ибупрофеннің ацетилсалицил қышқылының төмен дозаларының оларды бірге қолданылған жағдайда тромбоциттер агрегациясына әсерін бәсекелес түрде тежей алатынын көрсетеді. Бірнеше фармакодинамикалық зерттеулерде дереу босап шығатын дәрілік түрінде (81 мг дозада) ацетилсалицил қышқылын қабылдағаннан кейін 8 сағат бұрын немесе 30 минут бойы ибупрофенді 400 мг дозада бір рет қабылдау ацетилсалицил қышқылының тромбоксанның түзілуіне немесе тромбоциттер агрегациясына әсерінің төмендеуі байқалғаны көрсетілді. Бұл деректерді клиникалық тәжірибеге экстраполяциялауға қатысты белгісіздік болса да, ибупрофенді тұрақты, ұзақ уақыт қолдану ацетилсалицил қышқылының төмен дозаларының кардиопротекторлық әсерін төмендетуі мүмкін екенін жоққа шығаруға болмайды. Ибупрофенді сирек пайдалану кезінде ешқандай тиісті клиникалық әсер танылуы мүмкін емес (4.5-бөлімді қараңыз).

Ибуфен Д Форте ауырсынуды басатын, ыстықты түсіретін және қабынуға қарсы әсерге ие. Бұл жағдайда ыстықты түсіретін әсер қолданғаннан кейін 15 минуттан соң басталады. Ибупрофен асқазан-ішек жолынан (АІЖ) тез және іс жүзінде толық сіңеді. Тек қысқа мерзімді қолдануға арналған. Препаратты барынша қысқа курспен және симптомдарды жою үшін жеткілікті ең аз тиімді дозада қабылдаңыз. Егер Сізде инфекция болса, қызба мен ауырсыну сияқты симптомдар сақталса немесе күшейсе, дереу дәрігерге қаралыңыз («Арнайы ескертулер» бөліміндегі «Инфекция» тақырыбын қараңыз). Дозалау режимі Балаларға арналған Ибуфен Д Форте препаратының тәуліктік дозасы әрбір 6-8 сағат сайын бөлшек дозада дене салмағының 20-30 мг/кг құрайды (қабылдаулар арасындағы ең аз аралық 4 сағатты құрайды), өйткені препараттың әсері 8 сағатқа дейін жалғасады. 24 сағат ішінде ұсынылған дозадан артық бермеңіз. Бұл өнімді тек 7 жастан 12 жасқа дейінгі және салмағы 20 кг-ден асатын балаларға беру керек. Дозалау үшін өлшеуіш шприцті қолданыңыз. Баланың жасы — Саны және қолдану тәсілі 7-9 жас — тәулігіне 3 рет 5 мл-ден 10-12 жас — тәулігіне 3 рет 7,5 мл-ден Енгізу әдісі мен жолы Ішуге арналған. Асқазанының сезімталдығы жоғары пациенттерге препаратты тамақ ішкен кезде қабылдау ұсынылады. Өлшеуіш шприцті пайдалану: 1.Құтының қалпақшасын бұрап алынсын (төмен басып, сағат тілінің бағытына қарсы бұрау керек). 2.Дозаторды құтының мойнындағы саңылауға мықтап басыңыз. 3.Құтының ішіндегісін қатты шайқаңыз. 4.Дозаторды толтыру үшін құтыны төңкеріп, содан кейін дозатор поршенін ақырын төмен жылжытып, шкалада қажетті белгіге жеткенше ішіндегісін құйыңыз. 5.Құтыны бастапқы қалыпқа аударып және дозаторды ақырын бұрап алып шығару керек. 6.Дозатордың ұшын баланың ауыз қуысына орнатыңыз, содан кейін поршеньді баяу басып, дозатордың ішіндегісін енгізіңіз. 7.Қолданғаннан кейін құтыны жауып, қақпақты бұрап, дозаторды сумен жуып шайып, кептіру керек. Емдеу ұзақтығы Емдеуші дәрігер бағалауы керек. Емдеудің қайталанған курсы дәрігермен кеңескеннен кейін мүмкін болады. Қысқа мерзімді қолдану үшін. Егер симптомдар 3 күннен артық сақталса немесе баланың жағдайы нашарласа, дәрігермен кеңесу керек. Пациенттердің ерекше топтары Бүйрек жеткіліксіздігі бар пациенттер Жеңіл немесе орташа бүйрек жеткіліксіздігі бар пациенттерде дозаны төмендету қажет емес. Бауыр жеткіліксіздігі бар пациенттер Жеңіл және орташа бауыр жеткіліксіздігі бар пациенттерде дозаны төмендету қажет емес. Дәрілік препараттың бір немесе бірнеше дозасын өткізіп алған кезде қажетті шаралар Қатысы жоқ. Тоқтату симптомдары қаупінің болуын көрсету Қатысы жоқ. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Балаларға арналған Ибуфен Д Форте препаратын қолданар алдында емдеуші дәрігермен кеңесіңіз.

• әсер етуші затқа немесе препараттың кез келген басқа компонентіне аса жоғары сезімталдық • ацетилсалицил қышқылын немесе қабынуға қарсы стероидты емес басқа препараттарды (ҚҚСП) қолдануға жауап ретінде анамнездегі аса жоғары сезімталдық реакциялар (бронх демікпесі, ринит, Квинке ісінуі, есекжем) • анамнезінде ҚҚСП емімен байланысты асқазан-ішектен қан кетудің немесе тесілудің болуы • белсенді фазада немесе анамнезінде қайталанатын пептидтік ойық жарасы/қан кету (расталған ойық жарасының немесе қан кетудің екі немесе одан да көп айқын эпизодтары) • белсенді фазада цереброваскулярлық немесе кез келген басқа қан кетулері бар пациенттерге • бауырдың ауыр жеткіліксіздігі немесе бүйректің ауыр жеткіліксіздігі бар пациенттерге • ауыр жүрек жеткіліксіздігі (NYHA жіктемесі бойынша IV функционалдық класы) бар пациенттерге • қан түзілуінің анықталмаған бұзылулары бар пациенттерге • құсу, диарея немесе сұйықтықты жеткіліксіз қабылдаудан туындаған ауыр дегидратациясы бар пациенттерге • жүктіліктің III триместрі • 7 жасқа дейінгі балалар • дене салмағы 20 кг-ден аз балалар

Жиі • іштің ауыруы, жүрек айнуы, диспепсия, диарея, метеоризм, іш қату, қыжыл және сирек жағдайларда анемияға әкелуі мүмкін жеңіл асқазан-ішектен қан кетулерді қоса асқазан-ішек жолы тарапынан бұзылулар Жиі емес • аса жоғары сезімталдық реакциялары: спецификалық емес аллергиялық реакциялар және анафилаксиялық реакциялар, деміпке, демікпенің өршуі, бронхтүйілуі, ентігу, әртүрлі типтегі бөртпе, қышыну, есекжем, пурпура, ангионевроздық ісіну • бас ауыруын, бас айналуын, ұйқышылдық, ұйқысыздық, қозу, ашушаңдық немесе шаршауды қоса орталық жүйке жүйесін тарапынан бұзылулар • көру қабілетінің бұзылулары • асқазан-ішек жолының ойық жаралары, тесілуі немесе қан кетуімен, ойық жаралы стоматит, колиттің және Крон ауруының өршуі, гастрит • тері бөртпесінің алуан түрлері. Сирек • құлақтың шыңылдауы • бүйрек тінінің зақымдануы (бүйрек бүртіктерінің некрозы), қандағы мочевина мен несеп қышқылының концентрациясының жоғарылауы • гемоглобин деңгейінің төмендеуі Өте сирек • инфекциямен байланысты қабынудың өршуі (мысалы, некролиздық фасцииттің дамуы), сирек жағдайларда препаратты желшешек кезінде қабылдағанда терінің ауыр инфекциялары және жұмсақ тіндер тарапынан асқынулар дамуы мүмкін • гемопоэз бұзылулары (анемия, лейкопения, тромбоцитопения, панцитопения және агранулоцитоз). Алғашқы белгілер: қызба, тамақтың ауыруы, ауыз қуысының беткейлі ойық жаралары, тұмауға ұқсас симптомдар, айқын әлсіздік, мұрыннан қан кету, белгісіз этиологиядағы қан кетулер мен қанталаулар болып табылады. Мұндай жағдайларда препаратты қабылдауды тоқтату, анальгетиктермен және ыстық түсіретін дәрілермен кез келген өзін-өзі емдеуден бас тарту тиіс және дәрігерге жүгіну ұсынылады • беттің, тілдің және тамақтың ісінуі, ентігу, тахикардия және гипотензия (анафилаксия, ангиневроздық ісіну немесе ауыр шок) түрінде көрінетін ауыр аса жоғары сезімталдық реакциялары • денеде қызарған, кеппеген нысанаға немесе дөңгелек дақтарға ұқсайтын, көбінесе ортасында күлбіреуіктермен, терінің қабыршықтануымен, ауыздың, тамақтың, мұрынның, гениталийлер мен көздің ойық жаралары. Бұл ауыр тері бөртпелерінен бұрын қызба және тұмауға ұқсас симптомдар [эксфолиативтік дерматит, мультиформалы эритема, Стивенс-Джонсон синдромы, уытты эпидермалық некролиз] болуы мүмкін. • демікпенің өршуі • психоздық реакциялар, депрессия • асептикалық менингит: ҚҚСП қабылдау аясында асептикалық менингиттің даму механизмі толық анық емес, бірақ қолда бар деректер иммундық реакцияны көрсетеді (препаратты қабылдаумен және препаратты тоқтатқаннан кейін симптомдардың жоғалуымен уақытша байланыс негізінде). Айта кету керек, асептикалық менингит симптомдарының жекелеген жағдайлары (мысалы, шүйде бұлшықетінің сіресуі, бас ауыруы, жүрек айнуы, құсу, қызба немесе сананың шатасуы) аутоиммунды аурулары (мысалы, жүйелі қызыл жегімен және дәнекер тіннің аралас ауруымен) бар пациенттердің ибупрофен қабылдаған кезде байқалды. • жүрек жеткіліксіздігі, жүректің жиі соғуы, ісіну, миокард инфарктісі • артериялық гипертензия, васкулит • эзофагит, ішектің жарғақшалық құрылымдарының қалыптасуы, панкреатит • бауыр дисфункциясы, бауырдың зақымдануы, әсіресе ұзақ уақыт қабылдаған кезде, бауыр жеткіліксіздігі, жедел гепатит • алопеция • ісінулер, әсіресе артериялық гипертензиясы немесе бүйрек жеткіліксіздігі бар пациенттерде, нефроздық синдром, интерстициальді нефрит, олар бүйректің жедел жеткіліксіздігімен бірге жүруі мүмкін. Белгісіз • жайылған бөртпе, дене қызуының жоғарылауы және ұлғайған лимфа түйіндері (DRESS-синдромы) • тері астындағы күлбіреуіктермен және қызбамен бірге жүретін төмпешіктері бар қызыл, қабыршақты кең таралған бөртпе. Симптомдар әдетте емдеудің басында пайда болады (жедел жайылған экзантематозды пустулез (AGEP)). • тыныс алу жолдарының гиперреактивтілігі, соның ішінде демікпе, бронхтүйілу немесе ентігу • бүйрек түтікшелі ацидозы және гипокалиемия (әдетте ибупрофенді ұсынылғаннан жоғары дозада ұзақ қолданғаннан кейін) • фотосезімталдық реакциялары • тәбеттің төмендеуі • бүйрек шаншуы, дизурия • кеудедегі ауырсыну, бұл Кунис синдромы деп аталатын ықтимал ауыр аллергиялық реакцияның белгісі болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану симптомдары ибупрофенді 400 мг/кг-ден артық қабылдаған кезде пайда болуы мүмкін, бірақ дене салмағының 100 мг/кг-ден асатын дозаны қабылдаған кезде уытты әсерлердің дамуын жоққа шығаруға болмайды. Симптомдар Артық дозалану симптомдары жүрек айнуы, құсу, эпигастрийдегі ауырсыну немесе сирек диарея болуы мүмкін. Нистагмның дамуы, көрудің бұлыңғырлығы, құлақтың шыңылдауы, бас ауыруы және асқазан-ішектен қан кетуі мүмкін. Неғұрлым ауыр уланудың симптомдары орталық жүйке жүйесі тарапынан бас айналу, ұйқышылдық, кейде қозу немесе бағдардан адасу, естенн тану немесе кома түрінде көрінеді. Кейде құрысулар дамуы мүмкін. Ауыр артық дозаланғанда метаболизмдік ацидоз, гипотермия, гиперкалиемия дамуы мүмкін, сондай-ақ қан арнасында айналатын қан ұюы факторларымен өзара әрекеттесу салдарынан протромбинді уақыттың ұлғаюы. Бүйректің жедел жеткіліксіздігі, бауырдың зақымдануы, артериялық қысымның төмендеуі, тыныс алудың бәсеңдеуі және цианоз болуы мүмкін. Бронх демікпесі бар пациенттерде демікпенің өршуі мүмкін. Ұсынылған дозадан ұзақ уақыт қолдану немесе артық дозалану бүйрек түтікшелі ацидозына және гипокалиемияға әкелуі мүмкін. Емі Арнайы антидот жоқ. Емдеу тыныс алу жолдарының өткізгіштігін қамтамасыз етумен, жүрек функциясын және пациенттің жағдайын тұрақтандыруға дейінгі негізгі өмірлік көрсеткіштерін мониторингтеумен симптоматикалық және демеуші болуы керек. Ибупрофеннің ықтимал уытты дозасын қабылдағаннан кейін бір сағат ішінде белсендірілген көмірді пероральді қолдану немесе асқазанды шаю ұсынылады. Егер ибупрофен сіңіп кеткен болса, бүйрек арқылы ибупрофеннің қышқыл туындысын шығару үшін сілтілі сусын тағайындалуы мүмкін. Жиі немесе ұзаққа созылған құрысуларды диазепамды немесе лоразепамды вена ішіне енгізумен басуға болады. Бронхтүйілу ұстамасы пайда болған кезде бронходилататорларды қолдану ұсынылады.

Препаратты барынша қысқа курспен және симптомдарды жою үшін жеткілікті ең аз тиімді дозада қабылдау ұсынылады. Арнайы ескертулер Препаратты симптомдарды бақылауға қажетті қысқа уақыт ішінде ең төмен тиімді дозада қолдану жағымсыз реакцияларды азайтуға мүмкіндік береді. Егде жастағы пациенттер Егде жастағы пациенттерде ҚҚСП қабылдағаннан кейін жағымсыз реакциялардың жиілігі жоғарылайды, әсіресе өлімге әкелуі мүмкін асқазан-ішектен қан кету немесе тесілу сияқты реакциялар. Егде жастағы пациенттерде жағымсыз реакциялардың дамуының одан жоғары қаупі белгіленеді. Келесі аурулары бар пациенттерге сақ болу керек: • асептикалық менингиттің даму қаупінің жоғарылауына байланысты жүйелі қызыл жегі және дәнекер тінінің аралас ауруы; • порфирин метаболизмінің туа біткен бұзылуы (мысалы, жедел алма-кезек порфирия); • асқазан-ішек жолдары тарапынан бұзылулар және ішектің созылмалы қабыну аурулары (ойық жаралы колит, Крон ауруы); • гипертензия және/немесе анамнездегі жүрек жеткіліксіздігі, өйткені ҚҚСП қабылдау аясында сұйықтықтың іркілуі және ісіну байқалды; • бүйрек жеткіліксіздігі, өйткені бүйрек функциясының төмендеуі байқалуы мүмкін; • бауыр функциясының бұзылуы; • тікелей ауқымды хирургиялық араласудан кейін; • пішен қызбасы, мұрын қуысының полиптері немесе тыныс алу жүйесі тарапынан созылмалы обструктивті бұзылулары, демікпе ұстамалары (анальгетикалық демікпе деп аталатын), Квинке ісінуі немесе есекжем түріндегі аллергиялық реакциялардың даму қаупінің жоғарылауына байланысты; • осы препаратқа аса жоғары сезімталдық реакциясының даму қаупінің жоғарылауына байланысты басқа заттарға аллергиялық реакциялары бар пациенттерде. Тыныс алу ағзалары тарапынан Бронх демікпесі немесе аллергиялық реакциясы бар пациенттерде бронхтүйілу құбылыстарының дамуы мүмкін. Басқа ҚҚСП Препаратты басқа ҚҚСП-мен, оның ішінде циклооксигеназа-2 селективті тежегіштерімен бірлесіп қолдануға жол берілмейді. Асқазан-ішек жолы тарапынан. Емдеудің кез-келген кезеңінде ҚҚСП қабылдаған кезде асқазан-ішек қан кетулер, ойық жаралар немесе тесілулер дамуы мүмкін, кейде өлімге әкеледі. Сонымен қатар, АІЖ тарапынан анамнездегі ауыр асқынулары жоқ және ескерту симптомдары жоқ пациенттерде асқынулар дамуы мүмкін. Анамнезінде ойық жарасы бар пациенттерде, әсіресе қан кетумен немесе тесілумен асқынған ойық жарамен және егде жастағы пациенттерде ҚҚСП дозасы жоғарылаған кезде асқазан-ішектен қан кету, ойық жара немесе тесілу қаупі артады. Осындай пациенттер емді ең төмен ықтимал дозадан бастау керек. Препаратты ацетилсалицил қышқылының төмен дозаларымен немесе асқазан-ішек жолдары тарапынан асқынулар даму қаупін арттыратын басқа дәрілік заттармен бірге қабылдайтын пациенттердегідей бұндай пациенттер үшін қорғаныс дәрілері (мысалы, мизопростол немесе протон сорғысының тежегіштері) пайдалана отырып кешенді емдеу нұсқасын қарастырған жөн. Анамнезінде ҚҚСП қабылдаған кезде АІЖ тарапынан асқынулары бар пациенттерге, әсіресе егде жастағы пациенттерге, ішперде қуысы ағзалары тарапынан кез келген ерекше симптомдар (әсіресе асқазан-ішектен қан кету) туралы, әсіресе емдеудің бастапқы кезеңінде хабарлау керек. Препаратты бір мезгілде ойық жара немесе қан кету қаупін арттыратын дәрілік заттармен, мысалы, пероральді кортикостероидтар, антикоагулянттар (мысалы, варфарин), серотонинді кері қармаудың селективті тежегіштері немесе тромбоциттерге қарсы препараттар (мысалы, ацетилсалицил қышқылы), бірге қабылдайтын пациенттерге сақтықпен ұсыну керек. Егер ибупрофен қабылдаған пациенттерде асқазан-ішектен қан кету немесе ойық жара пайда болса, емдеуді тоқтату керек. Асқазан-ішек жолының аурулары бар пациенттерге (ойық жаралы колит, Крон ауруы) аталған аурулардың өршуіне байланысты ҚҚСП-ны сақтықпен тағайындау керек. Терінің ауыр жағымсыз реакциялары (SCAR) Терінің ауыр реакциялары, соның ішінде эксфолиативтік дерматит, көп формалы эритема, Стивенс Джонсон синдромы, уытты эпидермалық некролиз, эозинофилиямен және жүйелік симптомдармен дәрілік реакция (DRESS), жедел жайылған экзантематозды пустулез (AGEP), ибупрофенмен емдеумен байланысты. Ибуфен Д Форте препаратын пайдалануды тоқтатыңыз және «Жағымсыз реакциялардың сипаттамасы, ...» бөлімінде сипатталған осы терінің ауыр реакцияларына байланысты қандай да бір симптомдарды байқасаңыз, дереу медициналық көмекке жүгініңіз. Инфекциялар Ибупрофен ысыну және ауырсыну сияқты инфекциялардың белгілерін жасыруы мүмкін. Сондықтан Ибуфен Д Форте инфекцияның тиісті емін кейінге қалдыруы мүмкін, бұл асқыну қаупінің жоғарлауына әкелуі мүмкін. Бұл бактериялар туындатқан пневмония кезінде және желшешекпен байланысты терінің бактериялық инфекциялары кезінде байқалды. Егер сіз осы дәріні инфекцияға шалдыққанда қабылдасаңыз және инфекция симптомдары сақталса немесе нашарласа, дереу дәрігерге хабарласыңыз. Желшешегі бар пациенттерде ҚҚСП қолдану терінің инфекциялық-қабыну аурулары мен теріасты шел майы (мысалы, некроздайтын фасциит) ауыр іріңді асқынулардың даму қаупінің жоғарылауымен байланысты болуы мүмкін. Осыған байланысты препаратты желшешек кезінде қолдануды болдырмау ұсынылады. Жүрек-қантамырлық және цереброваскулярлық әсерлер Ибупрофен сияқты қабынуға қарсы/ауырсынуды басатын дәрілік препараттарды қабылдау жүрек ұстамасы дамуы немесе инсульт қаупінің шамалы жоғарылауымен қатар жүруі мүмкін, әсіресе жоғары дозада қабылдаған кезде. Ұсынылған дозалар мен емдеу ұзақтығынан аспауы керек. Егер пациентте келесілер болса Ибуфен Д Форте препаратын қабылдағанға дейін емдеуді дәрігермен немесе дәріхана қызметкерімен талқылау керек: • жүрек аурулары, соның ішінде жүрек жеткіліксіздігі (NYHA II-III класы), стенокардия (кеудедегі ауырсыну), сондай-ақ егер пациентте жүрек ұстамасы, коронарлық тамырларға опреация, кез-келген түрдегі инсульт (соның ішінде «мини-инсульт» немесе «ТИШ» транзиторлық ишемиялық шабуыл) немесе пациентте шеткері артерия ауруы болса (артериялардың тарылуына немесе бітелуіне байланысты табандардағы нашар айналым); • артериялық қысымдың бақыланбайтын жоғарылауы, қант диабеті, қандағы холестериннің жоғарылауы, жүрек ауруы немесе отбасы мүшелерінде инсульт болса, немесе пациент темекі шегетін болса. Ибупрофенді қолданғанда аллергиялық реакциялардың дамуы, оның ішінде тыныс алу проблемалары, бет пен мойын аймағының ісінуі (ангионевроздық ісіну), кеудедегі ауырсыну туралы хабарламалар алынды. Ибуфен Д Форте препаратын қабылдауды дереу тоқтатып, осы белгілердің кез келгенін байқасаңыз, дәрігермен байланысыңыз немесе медициналық көмекке жүгініңіз. Бүйрек тарапынан бұзылулар Анальгетиктерді үнемі қабылдау, әсіресе әртүрлі ауырсынуды басатын дәрілер біріктірілімін қабылдау, әдетте бүйрек жеткіліксіздігінің даму қаупі бар бүйректің тұрақты зақымдалуына әкеледі (анальгетикалық нефропатия). Дегидратациясы бар балаларда бүйрек функциясының бұзылу қаупі бар. Басқа ескертпелер Ауыр жедел аса жоғары сезімталдық реакциялары (мысалы, анафилаксиялық шок) өте сирек кездеседі. Қабылдағаннан кейін аса жоғары сезімталдық реакциясының алғашқы белгілерінде балаларға арналған Ибуфен Д Форте қабылдауды тоқтату керек. Медициналық қызметкері симптомдарды ескере отырып, қажетті шараларды қабылдауы керек. Ибупрофен балаларға арналған Ибуфен Д Форте препаратының құрамындағы белсенді зат, тромбоциттік қызметін уақытша тежей алады (тромбоциттер агрегациясы). Сондықтан коагуляциясы бұзылған пациенттердің жағдайын мұқият бақылау керек. Ибуфен Д Форте препаратын ұзақ уақыт қолданған кезде бауыр мен бүйрек қызметін, сондай-ақ жалпы қан талдауын үнемі бақылау қажет. Бас ауыруын басатын кез-келген дәрілік затты ұзақ уақыт қолдану оның күшеюіне әкелуі мүмкін. Бұл жағдайда немесе жағдайдың осындай дамуына күдік болған жағдайда медициналық кеңес алуға жүгіну және емдеуді тоқтату керек. «Дәрілік заттарды шамадан тыс қолданудан туындаған бас ауыруы» диагнозы бас ауыруынан дәрілік препараттарды үнемі қолдануға қарамастан немесе осындай қолдану нәтижесінде жиі немесе күнделікті бас ауыруы бар пациенттерге қойылуы мүмкін. Алкогольді қатар тұтынған кезде ҚҚСП-ден туындаған жағымсыз реакциялардың жоғарылауы мүмкін, әсіресе асқазан-ішек жолдары немесе орталық жүйке жүйесі тарапынан. Қосымша заттар Ибуфен Д Форте құрамында сұйық мальтитол (E965) бар, осыған байланысты препаратты сирек тұқым қуалайтын фруктоза жақпаушылығы бар пациенттерде қолдануға болмайды. Ибуфен Д Форте құрамында 1 мл суспензияда 1,89 мг натрий (5 мл-де 9,44 мг натрий) бар, осыны диетада натрий құрамын бақылайтын пациенттерде ескерген жөн. Фертильділік, жүктілік және лактация кезеңі Циклооксигеназа/простагландиндер тежегіштері овуляцияға әсер ете отырып, әйелдерде фертильділікті төмендететіні туралы жеке мәліметтер бар. Ибуфен Д Форте жүктіліктің соңғы 3 айында қолданылмауы керек, себебі ол тумаған нәрестеге зиян келтіруі немесе босану кезінде қиындықтар тудыруы мүмкін. Тумаған нәрестеде бүйрек және жүрек проблемаларын тудыруы мүмкін. Бұл ана мен баланың қан кетуге бейімділігіне әсер етуі мүмкін және босанудың күтілгеннен кеш немесе ұзағырақ болуына әкелуі мүмкін. Жүктіліктің алғашқы 6 айында Ибуфен Д Форте қабылдамаңыз, егер бұл өте қажет болмаса және дәрігеріңіз ұсынбаса. Егер пациентке осы кезеңде немесе жүкті болуға тырысу кезінде емдеу қажет болса, ең төменгі дозаны мүмкіндігінше қысқа уақыт ішінде қолдану керек. Жүктіліктің 20-шы аптасынан бастап бірнеше күннен артық қабылданатын Ибуфен Д Форте тумаған нәрестеде бүйрек проблемаларын тудыруы мүмкін, бұл нәрестені қоршап тұрған амниотикалық сұйықтықтың төмен деңгейіне (олигогидрамниозға) немесе баланың жүрегіндегі қан тамырларының (артериялық түтіктің) тарылуына әкелуі мүмкін. Егер бірнеше күннен артық емдеу қажет болса, дәрігер қосымша бақылауды ұсынуы мүмкін. Лактация Ибупрофен және оның метаболиттері емшек сүтіне аз мөлшерде енеді. Қазіргі уақытта емшек сүтімен қоректенетін нәрестелерге теріс әсер ететіні туралы деректер жоқ, сондықтан ауырсыну мен қызбаны жеңілдету үшін ұсынылған дозаларды қысқа мерзімді қабылдау емшек емізуді тоқтатудың қажеті жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қысқа мерзімді қолдану кезінде бұл препарат механизмдерді жүргізу және басқару қабілетіне әсер етпейді немесе аз әсер етеді.

Нұсқаулықта көрсетілмеген.

Ибупрофенді келесі дәрілік препараттармен бір мезгілде қолданудан аулақ болу керек: Басқа ҚҚСП, атап айтқанда, циклооксигеназа-2 селективті тежегіштері: жағымсыз реакциялардың туындау қаупінің ықтимал ұлғаюына байланысты ҚҚСП тобынан екі және одан да көп препаратты бір мезгілде қолданудан аулақ болу керек. Ацетилсалицил қышқылы: жағымсыз реакциялардың ықтимал күшейюіне байланысты ибупрофен мен ацетилсалицил қышқылын бір мезгілде қабылдау ұсынылмайды. Егер осы препараттар бір мезгілде қолданылса, ибупрофен ацетилсалицил қышқылының төмен дозаларының тромбоциттер агрегациясына әсерін бәсеңдетуі мүмкін. Сондықтан қан ұю бұзылулары бар пациенттерді мұқият бақылау керек. Келесі дәрілік препараттармен бір мезгілде сақтықпен қолдану: Гипертензияға қарсы препараттар (АКФ тежегіштері, бета-рецепторлардың блокаторлары және ангиотензин-II антагонистері) және диуретиктер: ҚҚСП бұл препараттардың тиімділігін төмендетуі мүмкін. Бүйрек функциясы бұзылған кейбір пациенттерде (мысалы, сусыздануы бар пациенттер немесе бүйрек қызметі бұзылған егде жастағы пациенттер) препаратты АКФ тежегіштерімен, бета-рецепторлардың блокаторларымен немесе ангиотензин-II антагонистерімен және циклооксигеназаны тежейтін препараттармен бірге қабылдау бүйрек функциясының одан әрі нашарлауына, соның ішінде әдетте қайтымды болып табылатын бүйректің жедел жеткіліксіздігіне әкелуі мүмкін. Осылайша, препараттардың біріктірілімін сақтықпен қабылдау керек; әсіресе бұл егде жастағы пациенттерге қатысты. Пациенттер оңтайлы су теңгерімін ұстап тұруды қадағалауы және қатар жүретін ем басталғаннан кейін және одан әрі мезгіл-мезгіл бүйрек функциясын тексеруі қажет. Диуретиктер ҚҚСП нефроуыттылық қаупін арттыруы мүмкін. Дигоксин сияқты жүрек гликозидтері: ҚҚСП жүрек жеткіліксіздігін нашарлатуы, шумақтық сүзілу жылдамдығын төмендетуі және гликозидтердің плазмалық концентрациясын жоғарылатуы мүмкін. Ибуфен Д Форте препаратын дигоксин препараттарымен бірге қабылдау қан сарысуындағы дигоксин деңгейін жоғарылатуы мүмкін. Дұрыс қолданған кезде (3 күннен аспайды) қан сарысуындағы дигоксин деңгейін тексеру қажет емес. Литий препараттары: ибупрофен қан плазмасындағы литий концентрациясын жоғарылатуы мүмкін. Дұрыс қолданған кезде (3 күннен аспайды) қан сарысуындағы литий деңгейін тексеру қажет емес. Калий сақтайтын диуретиктер: Ибуфен Д Форте препаратын калий сақтайтын диуретиктермен бірге қабылдау гиперкалиемияға әкелуі мүмкін (қан сарысуындағы калий деңгейін тексеру ұсынылады). Фенитоин: Ибуфен Д Форте препаратын фенитоин препараттарымен бірге қабылдау қан сарысуындағы фенитоин деңгейін жоғарылатуы мүмкін. Дұрыс қолданған кезде (3 күннен аспайды) қан сарысуындағы фенитоин деңгейін тексеру қажет емес. Метотрексат: Ибуфен Д Форте препаратын метотрексатты қабылдағанға дейін немесе одан кейін 24 сағат ішінде қабылдау метотрексат біріктірілімінің жоғарылауына және оның уытты әсерінің жоғарылауына әкелуі мүмкін. Такролимус: нефроуыттылық қаупінің жоғарылауы. Циклоспорин: нефроуыттылық қаупінің жоғарылауы. Кортикостероидтар: асқазан-ішек ойық жаралары немесе қан кету қаупінің жоғарылауы. Антикоагулянттар: ҚҚСП варфарин сияқты антикоагулянттардың әсерін күшейтуі мүмкін. Антитромбоциттік препараттар және серотонинді кері қармаудың селективті тежегіштері (СКҚСТ): асқазан-ішектен қан кету қаупінің жоғарылауы. Сульфонилмочевина препараттары: бірге қабылдаған кезде сақтық шарасы ретінде қандағы глюкоза деңгейін тексеру ұсынылады. Зидовудин: зидовудинмен және ибупрофенмен бірге ем қабылдаған гемофилиясы бар АИТВ-жұқтырған пациенттерде гемартроз және гематома туындау қаупі жоғарылағаны туралы деректер бар. Пробенецид және сульфинпиразон: құрамында пробенецид немесе сульфинпиразон бар препараттар ибупрофеннің шығарылуын кешіктіруі мүмкін. Баклофен: ибупрофенді қабылдағаннан кейін баклофеннің уыттылығының даму қаупі бар. Ритонавир: плазмадағы ҚҚСП концентрациясын жоғарылатуы мүмкін. Аминогликозидтер: ҚҚСП аминогликозидтердің шығарылуын төмендетуі мүмкін. Хинолон антибиотиктері: ҚҚСП және хинолон антибиотиктерімен бірлескен ем қабылдайтын пациенттерде құрысулар қаупінің жоғарылауы мүмкін. CYP2C9 тежегіштері: ибупрофенді CYP2C9 изоферментінің тежегіштерімен бір мезгілде қолданғанда CYP2C9 субстраты болып табылатын ибупрофеннің әсері күшейтіледі. Ибупрофенді CYP2C9 тежегіштерімен бірге қолданғанда, әсіресе ибупрофеннің жоғары дозаларын вориконазолмен және флуконазолмен бірге қолданғанда, ибупрофен дозасын төмендету мүмкіндігін қарастыру қажет. Каптоприл: эксперименттік зерттеулерде ибупрофен натрийдің шығарылуын тежейтіні (каптоприл әсері) көрсетілген. Холестирамин: ибупрофен мен холестираминді бір мезгілде қолданғанда ибупрофеннің сіңуі кешіктіріледі және төмендейді (25%-ға). Бұл препараттарды бірнеше сағат аралықпен қабылдау керек.

Сақтау мерзімі 2 жыл Ашылған құтыны 6 ай ішінде пайдалану керек. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!