Төменде қысқа мерзімді қолдану кезінде күніне ең жоғары 1200 мг дозаны қабылдаудан туындаған жағымсыз реакцияларға жататын жағымсыз реакциялар тізімі келтірілген. Ибуфлекс 400 ұзақ мерзімді емдеу үшін көрсетілмеген, ибупрофен ұзақ уақыт қолданғанда қосымша жағымсыз әсерлердің пайда болуына әкелуі мүмкін екенін есте ұстаған жөн.
Ибупрофенді қолданумен байланысты ықтимал жағымсыз реакциялар ағзалардың және ағзалар жүйесінің зақымдануына және олардың даму жиілігіне сәйкес жағымсыз құбылыстардың жіктелуіне сәйкес тізілген: өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (≥1/10000 < 1/1000 дейін),
Асқазан-ішек жолы тарапынан: жиі байқалатын жағымсыз реакциялар асқазан-ішек бұзылыстары болып табылады. Әсіресе егде жастағы адамдарда, кейде өлімге әкелуі мүмкін пептидтік ойық жара, тесілу немесе асқазан-ішектен қан кету туындауы мүмкін.
Ибупрофенді қолданғаннан кейін келесі жағымсыз реакциялар байқалды: жүрек айнуы, құсу, диарея, метеоризм, іш қату, диспепсия, іштің ауыруы, мелена, қан құсу, ойық жаралы стоматит, асқазан-ішектен қан кету және колит пен Крон ауруының өршуі. Гастрит, он екі елі ішектің ойық жарасы, асқазан жарасы және асқазан-ішек жолдарының тесілусы сирек байқалды.
Иммундық жүйе тарапынан: ҚҚСП қолданғаннан кейін аса жоғары сезімталдық реакциялары байқалды, ол мыналарды қамтиды: спецификалық емес аллергиялық реакция және анафилаксия, демікпені, өршіген демікпені, бронх түйілуін немесе ентігуді қосу тыныс алу жолдарының реактивтілігі немесе түрлі типтегі бөртпені, қышынуды, есекжемді, пупураны, ангионевроздық ісінуді және өте сирек мультиформалы эритеманы қоса терідегі түрлі көріністер; буллезді дерматоз (Стивенс-Джонсон синдромын және уытты эпидермалық некролизді қоса).
Жүрек-қантамыр жүйесі тарапынан: ісіну, гипертония және жүрек жеткіліксіздігі ҚҚСП қолдануға байланысты байқалған. Клиникалық зерттеулер ибупрофенді, әсіресе жоғары дозаларда (күніне 2400 мг) қолдану миокард инфарктісі немесе инсульт сияқты артериялық тромбоздық жағдайлардың даму қаупінің аздап артуына әкелуі мүмкін деп болжайды.
Инфекциялық және паразиттік аурулар: шүйде бұлшықетінің сіресуі, бас ауыруы, жүрек айнуы, құсу, қызба немесе бағдардан адасу симптомдарымен ринит және асептикалық менингит (әсіресе жүйелі қызыл жегі және дәнекер тінінің аралас аурулары сияқты аутоиммундық бұзылулары бар пациенттерде).
ҚҚСП қолданумен байланысты шығу тегі инфекциялық қабыну процестерінің өршу жағдайлары сипатталған. Егер ибупрофенді қолдану кезінде инфекция белгілері пайда болса немесе күшейсе, дереу дәрігерге қаралу керек.
Тері және тері асты шелмайы тарапынан. Ерекше жағдайларда, желшешек кезінде терінің ауыр инфекциясы және жұмсақ тіндер тарапынан асқынулар туындауы мүмкін.
Жағымсыз реакциялардың даму қауіптерін барынша азайту мақсатында ибупрофенді ең аз тиімді дозада және клиникалық әсерге қол жеткізу үшін қажетті ең аз қысқа кезең бойы қабылдаған жөн.
Жүйелік-ағзалық класс — Жиілік — Жағымсыз реакциялар
Инфекциялар мен инвазиялар — Жиі емес — Ринит
Сирек — Асептикалық менингит
Қан және лимфа жүйесі тарапынан бұзылулар — Сирек — Лейкопения, тромбоцитопения, нейтропения, агранулоцитоз, аплазиялық анемия, гемолиздік анемия
Иммундық жүйе тарапынан бұзылулар — Сирек — Анафилаксия
Психикалық бұзылулар — Сирек — Ұйқысыздық, үрей
Жиі емес — Депрессия, сананың шатасуы
Жүйке жүйесі тарапынан бұзылулар — Жиі — Бас ауыруы, бас айналуы
Жиі емес — Парестезия, ұйқышылдық
Сирек — Көру жүйкесінің невриті
Көру мүшесі тарапынан бұзылулар — Жиі емес — Көру өткірлігінің төмендеуі
Сирек — Уытты оптикалық нейропатия
Есту мүшесі және лабиринт тарапынан бұзылулар — Жиі емес — Есту қабілетінің бұзылуы, құлақ шыңылдауы, вестибулярлық бас айналуы
Жүрек трапаынан бұзылулар — Өте сирек — Жүрек жеткіліксіздігі, миокард инфарктісі
Белгісіз — Коунис синдромы
Қан тамырлары тарапынан бұзылулар — Өте сирек — Гипертензия
Тыныс алу жүйесі, көкірек қуысы ағзалары және көкірек ортасы тарапынан бұзылулар — Жиі емес — Демікпе, бронх түйілуі, ентігу
Асқазан-ішек бұзылыстары — Жиі — Диспепсия, диарея, жүрек айнуы, құсу, іштің ауыруы, метеоризм, іш қату, қарамай тәрізді нәжіс, қан құсу, асқазан-ішек жолынан қан кету
Жиі емес — Гастрит, он екі елі ішектің ойық жарасы, асқазан жарасы, ойық жаралы стоматит, асқазан-ішек жолдарының тесілуі
Өте сирек — Панкреатит
Жиілігі белгісіз — Колит пен Крон ауруының өршуі
Бауыр мен өт шығару жолдары тарапынан бұзылулар — Жиі емес — Гепатит, сарғаю, бауыр функциясының бұзылуы
Өте сирек — Бауыр жеткіліксіздігі
Тері және тері асты тіндері тарапынан бұзылулар — Жиі — Бөртпе
Жиі емес — Есекжем, қышыну, пурпура, ангионевроздық ісіну, фотосезімталдық реакциясы
Өте сирек — Терінің ауыр жағымсыз реакциялары (мультиформалы эритеманы, эксфолиативті дерматит, Стивенс-Джонсон синдромын және уытты эпидермалық некролизді қоса).
Жиілігі белгісіз — Эозинофилия және жүйелі симптомдары бар дәрілік реакцияға байланысты (DRESS-синдром); жедел жайылған экзантематозды пустулез, фотосезімталдық реакциясы
Бүйрек және несеп шығару жолының тарапынан бұзылулар — Жиі емес — Нефроуыттылықтың түрлі формалары, мысалы, тубулоинтерстициальді нефрит, нефроздық синдром және бүйрек жеткіліксіздігі
Жалпы бұзылулар және енгізу орнындағы реакциялар — Жиі — Қажығыштық
Сирек — Ісіну
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
ҚР ДСМ Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» http://www.ndda.kz
