Изофлуран жидкость

Бір құтының ішінде: белсенді зат – 99.9% (100 мл) немесе 99.9% (250 мл) изофлуран Сыртқы түрінің, иісінің, дәмінің сипаттамасы Мөлдір түссіз, ұшпа сұйықтық. Қайнау температурасы 49°С-ге жуық.

- наркозға енгізу және оны демеу

Нұсқаулықта көрсетілмеген.

Дозалау режимі Концентрацияның дәл бақылануын қамтамасыз ету үшін изофлуранға арналған арнайы калибрленген буландырғыштарды қолданған жөн. ЕАК (ең төмен альвеолярлық концентрация) – анестезияның потенциальді мүмкіндігінің стандартты шамасы. Жастың ұлғаюымен бірге изофлуранның ең жоғары альвеолярлық концентрациясының мәні азаяды. Кестеде әртүрлі жас топтарындағы ЕАК мәндері берілген. Жасы — Орташа ЕАК100 % оттегіде — Орташа ЕАК 70% азоттың шала тотығымен <32 апта, гестациялық жас, шала туған сәбилер — 1.28 % — - 32-37 апта гестациялық жас — 1.41 % — - 0-ден - 1 айға дейін — 1,60 % — - 1-6 ай — 1.87 % — - 6-12 ай — 1,80 % — - 1 - 5 жас — 1,60% — - Орташа ЕАК100 % оттегіде — Орташа ЕАК 70% азоттың шала тотығымен 26 ± 4 жас — 1,28 % — 0,56 % 44 ± 7 жас — 1,15 % — 0,50 % 64 ± 5 жас — 1,05 % — 0,37 % Енгізу жолы және тәсілі Премедикация Премедикацияға арналған препараттарды, изуфлуранның тыныс алуды бәсеңдету қабілетін ескере отырып, әр пациент үшін жекелей таңдау қажет. Таңдаудың тағы бір мәселесі антихолинергиялық дәрілерді қолдану болып табылады, алайда оларды балаларда ингаляциялық индукция кезінде қолдану ұсынылады. Наркозға енгізу Наркозға енгізу үшін қысқа әсер ететін барбитураттарды немесе вена ішіне басқа да препараттарды қолданып (пропофол, этомидат, мидазолам), жөтелдің алдын алу үшін әрі қарай Изофлуран қоспасымен ингаляция жасайды. Изофлуранның оттегімен немесе оттегі/азоттың шала тотығымен қоспасын қолдануға болады. Изофлуранның жәрдемімен наркозға енгізуді 0.5 % концентрацияда қолданудан бастау керек. Анестезия хирургиялық деңгейге 7 – 10 минут ішінде жетеді, ол үшін 1.3 %-дан 3.0 %-ға дейінгі концентрация жеткілікті. Балаларда наркозға енгізу. Изофлуранды жөтелдің пайда болуына, тыныс алудың іркілуіне, десатурацияға, жоғары сүзіліске және ларингоспазмға байланысты сәбилерде және балаларда ингаляция үшін дәрі ретінде қолдану ұсынылмайды. Наркозды демеу Анестезияның хирургиялық деңгейін 1.0 – 2.5 % изофлуранның оттегімен/ азоттың шала тотығымен қоспасы жәрдемімен сақтауға болады. Егер изофлуран тек оттегімен ғана енгізілсе, онда оның концентрациясын 0.5 – 1.0 %-ға дейін арттыру жүзеге асырылуы мүмкін. Оттегі/азоттың шала тотығымен қоспасында 0,5-0,75 % Изофлуран кесар тілігі кезінде анестезияны демеу үшін жарамды. Ауырлататын қосымша факторлар жоқ болғанда наркозды сақтау кезінде артериялық қысым деңгейі изофлуранның альвеолярлық концентрацияларына кері пропорционал. Терең наркозда артериялық қысым едәуір төмендеуі мүмкін, және мұндай жағдайда оны арттыру үшін изофлуранмен дем алғанда оның концентрациясын азайту қажет. Егде жастағы пациенттер Басқа агенттермен сияқты егде жастағы пациенттерде хирургиялық анестезияны демеу үшін әдетте Изофлуранның төмен концентрациялары қажет. 80 жастағыларда ЕАК қол жеткізу үшін изофлуранның орташа концентрациясы 20 жастағыларда қажеттіден шамамен 50% құрайды. Қалпына келу Изофлуранның концентрациясы операциялық емшара аяқтала бастағанда 0,5%-ға дейін, ал содан кейін операция соңында 0%-ға дейін азаяды. Изофлуранды тоқтатқаннан кейін, пациенттің тыныс алу жолдары толық қалпына келгенше 100% оттегімен бірнеше рет жақсы желдетілуі тиіс. Наркоздан кейін қалпына келу тез жүреді.

• изофлуранға немесе басқа галогенделген анестетиктерге жоғары сезімталдық • қатерлі гипертермияға белгілі немесе болжамды генетикалық бейімділік • миопатия, бұлшықет дистрофиясы, Король синдромы (гипертермиялық синдром), миотония • сарғаюдың пайда болуы және/немесе шығу тегі белгісіз қызба • бауыр функциясының жеткіліксіздігі • изофлуранды немесе галогенделген басқа анестетиктерді қолданғаннан кейінгі эозинофилия

Жалпы қауіпсіздік бейіні. Изофлуранды қолдану кезінде байқалатын жағымсыз реакциялар жалпы дозаға тәуелді болады және препараттың фармакофизиологиялық әсерлерін көрсетеді. Жағымсыз реакцияларға тыныс алудың бәсеңдеуі, артериялық гипотензия және жүрек ырғағының бұзылуы жатады. Әлеуетті күрделі жағымсыз әсерлер қатерлі гипертермияны, гиперкалиемияны, қан сарысуының креатинкиназасы белсенділігінің жоғарылауын, миоглобинурияны, анафилаксиялық реакцияларды және бауыр тарапынан жағымсыз реакцияларды қамтиды. Операциядан кейінгі кезеңде дірілдеу, жүрек айнуы, құсу, ішектің бітелуі, ажитация және делирий байқалған. Изофлуран барлық, әсіресе деполяризацияламайтын миорелаксанттардың әсерін күшейтеді. Ересектерде ЕАК динитроген оксидімен бір мезгілде ингаляциялау кезінде төмендейді. Изофлуранды қоса, жалпы анестезияға арналған ингаляциялық дәрілерді қолданған кезде жүрек қызметінің тоқтау, брадикардия және тахикардия жағдайлары байқалған. «Пируэт» типті (жекелеген жағдайларда өліммен аяқталатын) тахикардияның дамуымен астасқан ЭКГ-де QT аралығының ұзаруы туралы хабарламалар алынған. Клиникалық зерттеулерде және тіркеуден кейінгі бақылау кезінде тіркелген жағымсыз реакциялар. Қолда бар деректер бұл реакциялардың жиілігін бағалауға мүмкіндік бермейді, сондықтан жиілігі белгісіз ретінде көрсетілген: • карбоксигемоглобинемия • анафилаксиялық реакциялар, аса жоғары сезімталдық • гиперкалиемия, қанда глюкоза концентрациясының жоғарылауы • ажитация, делирий, көңіл-күйдің өзгеруі • құрысулар, ой қызметінің төмендеуі • жүрек ырғағының бұзылуы, брадикардия, жүректің тоқтауы, ЭКГ-да QT аралығының ұзаруы, тахикардия, пируэттік қарыншалық тахикардия • АҚ төмендеуі, қан кету • бронх түйілуі, ентігу, ысқырықты дем алу, тыныс алудың бәсеңдеуі, ларингоспазм, цианоз • ішектің бітелуі, құсу, жүрек айнуы • бауыр некрозы, гепатоцеллюлярлы зақымдану, қанда билирубин концентрациясының жоғарылауы • беттің ісінуі, жанаспалы дерматит, тері бөртпесі • қанда креатинин концентрациясының жоғарылауы, қанда мочевина концентрациясының төмендеуі • қатерлі гипертермия, кеуде қуысындағы жайсыздық, қалтырау • лейкоцитоз, бауыр ферменттері белсенділігінің жоғарылауы, фторид-иондар құрамының жоғарылауы, электроэнцефалограммадағы өзгерістер, қан холестерині концентрациясының төмендеуі, қанда сілтілік фосфотаза белсенділігінің төмендеуі • қандағы креатинфосфокиназа деңгейінің жоғарылауы • миоглобинурия • рабдомиолиз • тремор Жекелеген жағымсыз реакциялардың сипаттамасы. Қанда билирубин, глюкоза концентрациясының, сульфобромфталеин (BSP) деңгейінің ауыспалы жоғарылау және қан мочевинасы азотының концентрациясының төмендеуімен қан сарысуы креатининінің, қан сарысуы холестеринінің және сілтілік фосфотаза белсенділігінің төмендеуімен байқалған. Жалпы ингаляциялық анестезияға арналған басқа дәрілерді қолдану кезіндегі сияқты қандағы лейкоциттер мөлшерінің, тіпті хирургиялық стресс болмаса да ауыспалы жоғарылауы байқалған. Изофлуранды қоса, негізінен ингаляциялық наркозға арналған дәрілердің ұзақ уақыт бойы кәсіби әсеріне байланысты аса жоғары сезімталдықтың (жанаспалы дерматитті, тері бөртпесін, ентігуді, ысқыратын тыныс алуды, кеуде қуысындағы жайсыздықты, беттің ісінуін қоса) сирек жағдайлары туралы хабарламалар алынған. Бұл реакциялар клиникалық (мысалы, метахолинмен провокациялық сынаманың көмегімен) тұрғыдан расталған. Дегенмен ингаляциялық анестетиктердің әсер етуі кезінде анафилаксиялық реакциялардың этиологиясы көбі ұқсас реакцияларды туындатуы мүмкін бірнеше препараттардың бір уақытта әсер ету салдарынан зерттелмеген болып қалады. Изофлуранмен анестезия кезінде және одан кейін препараттың биодеградациясы салдарынан қан сарысуында органикалық емес фторидтер мөлшерінің ең төмен жоғарылауы пайда болады. Қан сарысуындағы органикалық емес фторидтердің мұндай төмен деңгейі (орташа бір зерттеуде 4,4 мкмоль/л) бүйректің уытты зақымдануын туындатуы мүмкін, себебі ол бастапқы уытты концентрациядан елеулі төмен. Балалар Ингаляциялық наркозға арналған дәрілерді балаларда қолдану жүрек ырғағының бұзылулары мен операциядан кейінгі кезеңде өлімге әкелетін қан сарысуындағы калий мөлшерінің артуының сирек жағдайларымен астасқан. Анестезияның индукциясы кезінде сілекейдің бөлінуі мен трахеобронхиальді сүзілістің күшеюі пайда болуы мүмкін, бұл ларингоспазмды туындатуы мүмкін. Пациенттердің басқа ерекше топтары Жүйке-бұлшықет аурулары бар пациенттер Ингаляциялық наркозға арналған дәрілерді балаларда қолдану жүрек ырғағының бұзылулары мен операциядан кейінгі кезеңде өлімге әкелетін қан сарысуындағы калий мөлшерінің артуының сирек жағдайларымен астасқан. Жасырын немесе айқын өтіп жатқан жүйке-бұлшықет аурулары, негізінен, Дюшеннің миодистрофиясы бар пациенттер шамасы бұл жағдайға бейімірек. Гиперкалиемияны және тұрақты аритмияны емдеу үшін ерте және агрессивті араласу ұсынылады, сондай-ақ жасырын жүйке-бұлшықет ауруына тексерілу керек. Егде жастағы пациенттер Егде жастағы пациенттерде наркоздың хирургиялық сатысын демеу үшін әдетте изофлуранның төмен концентрациясы қажет. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Басқа галогенді анестетиктеді қолданғанда сияқты гипотензия және тыныс алудың бәсеңдеуі байқалған. Қан қысымын және тыныс алуды мұқият бақылау ұсынылады. Анестезияның шамадан тыс терең деңгейінен туындаған гипотензия мен тыныс алу бәсеңдеуін түзету үшін қолдау шаралары қажет болуы мүмкін. Емі: тыныс алу жолдарының өткізгіштігін қамтамасыз етіп, қажетіне қарай таза оттегін пайдаланып жасанды немесе бақыланатын тыныс алуды жалғастыру керек.

Изофлуранды енгізу, наркозға арналған басқа да күшті дәрілердегі сияқты, анестезия үшін арнайы жабдықталған бөлмелерде және осы препараттың фармакологиялық қасиеттерін жақсы білетін және барынша маманданған және анестезия жүргізу кезінде науқасты бақылау тәжірибесі бар қызметкердің жәрдемімен ғана жүзеге асырылады. Жекелеген жағдайларда құрамында галогені бар ингаляциялық анестетиктерді – CS2H тобымен (десфлуран, энфлуран, изофлуран) бірге қолданғанда карбоксигемоглобин деңгейінің артқаны байқалды. Барынша ылғандандырылған адсорбенттерде СО2 клиникалық тұрғыдан маңызды концентрацияларда бөлініп шықпайды. Кептірілген СО2 адсорбенттері бар осы класқа жататын жалпы анестезияға арналған препараттарды қолданғанда, әсіресе егер олардың құрамында калий гидроксиді бар болса (мысалы, Баралим), наркоз аппаратының қызып кету, жанып кету жағдайлары сирек болды. Құрғақ СО2 адсорбенттерді алмастыруды изофлуранды пайдаланғанға дейін жүргізу қажет. Адсорбенттер кеуіп қалғанда түсін міндетті түрде өзгерте қоймайды, оларды алмастыру жүйелі түрде жүргізілуі тиіс. СО2 адсорбенттері үшін өндірушінің нұсқауларын сақтаған жөн. Изофлуран жабық контурда анестезия кезінде көмірсутек тотығының түзілуімен көмірқышқыл газының құрғақ адсорбенттерімен өзара әрекеттесетіні хабарланған. Тыныс алу контурында көмірсутек тотығының түзілу қаупін және карбоксигемоглобиннің жоғары деңгейін мүмкіндігін төмендету үшін адсорбенттердің құрғауына жол бермеу керек. Изофлуранның буын, басқа да ингаляциялық препараттар сияқты, қолдану аймағынан тиімді түрде жоюға кеңес беріледі. Изофлуранды пайдаланғанда анестезия деңгейі тез және оңай өзгеретін болғандықтан, мұқият калибрленген буландырғыштарды ғана пайдалануға немесе деммен алынатын және шығарылатын концентрацияға баға беруге мүмкіндік беретін мониторинг жүргізуге кеңес беріледі. Құрамында галоген бар анестетиктерді қолданған жағдайлардағыдай, изофлуранмен анестезия жүргізген кезде гипотензия және тыныс алудың бәсеңдеуі байқалады. Гипотензия және тыныс алу бәсеңдеуінің дәрежесі наркоз тереңдігінің біршама индикациясы болып табылуы мүмкін. Артериялық қысым деңгейіне және респираторлық көрсеткіштерге ұдайы мониторинг керек, демеуші шаралар гипотензияны және тыныс алу бәсеңдеуін түзету үшін қажет болуы мүмкін. Пируэттік қарынша тахикардиясымен (жекелеген жағдайда өліммен аяқталатын) байланысты QT аралығының ұзаруы туралы хабарламалар алынған. QT аралағының ұзару қаупі бар пациенттерге Изофлуранды тағайындау кезінде сақ болған жөн. Митохондриялық бұзылыстары бар пациенттерге Изофлуранды қоса жалпы анетезияны тағайындау кезінде сақ болған жөн. Изофлуран басқа да ингаляциялық агенттер сияқты жатырдан қан кетудің әлеуетті қаупімен жатырға релаксантты әсер етеді. Акушерлік операцияларда Изофлуранның ең төмен ықтимал концентрациясын пайдалануды назарға алған жөн. Қысқа кезең ішінде (3 айдан кем) Изофлуранмен анестезияны қайталауды сақ жүргізген жөн, өйткені қайталанатын анестезияда гепатоуыттылық қаупі толық зерттелген жоқ. Изофлуран бауырдың функциональді жағдайын нашарлатуы мүмкін, бұл бауыр ферменттері белсенділігінің транзиторлы артуымен, және өте сирек, бауырдың өліммен аяқталатын некрозының пайда болуына әкеп соғуы мүмкін. Цирроз, вирусты гепатит немесе бұған дейін болған басқа ауыр аурулары галогенделген анестетиктен ерекшеленетін анестетикті таңдаудың себебі болуы мүмкін. Изофлуран терең анестезияда (1,5%) ми қан айналымының артуына себеп болады, бұл жұлын-ми сұйықтығындағы церебральді қысымның артуына әкеп соғуы мүмкін. Қажет болған жағдайда осы әсерге наркоз алдында немесе наркоз кезінде пациентті асқын желдету арқылы жол берілмеуі немесе тоқтатылуы мүмкін. Изофлуран бассүйекішілік қысымы жоғарылаған пациенттерде сақтықпен пайдаланылуы тиіс, мұндай жағдайларда сондай-ақ аскын желдету қажет болуы мүмкін. ЭЭГ-да өзгерулер және құрысу белсенділігі изофлуранды пайдаланғанда өте сирек. Гиповолемия, гипотензия және тозуы бар пациенттерде Изофлуранды пайдалану мұқият зерттелген жоқ. Изофлуранның ең төмен концентрациясы осы пациенттерде пайдалану үшін ұсынылады. Изофлуран миокардты адреналиннің әсеріне, энфлюранға қарағанда, едәуір аз сенсибилизациялайды. Изофлуран жүйелік және коронарлы артериялардың күшті кеңейткіші болып табылады, артериялық қысымды төмендетеді. Бұл дені сау қалыпты адамдарда оңай басқарылады, бірақ Изофлуран коронарлық артериялар ауруы бар пациенттерде, атап айтқанда, препаратқа өте сезімтал субэндокардиальді ишемиясы бар пациенттерге сақтықпен пайдаланылуы тиіс. Пайдаланылатын анестетиктерге қарамастан қалыпты гемодинамиканы демеу жүректің ишемиялық ауруы бар пациенттерде миокард ишемиясының алдын алу үшін маңызды. Изофлуранды қолданғаннан кейін, жалпы анестезияға арналған басқа да дәрілер сияқты, интеллектуалды функция 2 - 4 күнге төмендейді, көңіл-күйдің аздаған өзгерулері анестезиядан кейін 6 күн бойы байқалуы мүмкін. Бұл ақпаратты пациент қалыпты күнделікті өмірге оралған кезде, соның ішінде көлікті басқару немесе күрделі механизмдермен жұмыс істеу кезінде ескерілуі керек. Жүйке-бұлшықет шаршауының күшеюін миастения сияқты жүйке-бұлшықет аурулары бар пациенттерде байқауға болады. Изофлуранды бұл пациенттерде сақтықпен пайдалану керек. Изофлуранды бронх түйілуі дамуы мүмкін пациенттерге сақтықпен тағайындаған жөн. Анестезияның индукциясы кезінде сілекейдің ағыны мен трахеоброниальді сүзіліс артуы мүмкін және ларингоспазмның, әсіресе балаларда себебі болуы мүмкін. Қатерлі гипертермия Изофлуранмен анестезияға аса жоғары сезімталдығы бар пациенттерде қаңқа бұлшықеттерінің гиперметаболизмдік жағдайын қамтуы мүмкін, ол оттегіні қажет етудің артуымен және қатерлі гипертермия ретінде белгілі клиникалық синдромның пайда болуымен қатарласа жүреді. Бұл синдром бұлшықеттердің сіресуі, тахикардия, тахипноэ, цианоз, аритмия және артериялық қысымның тұрақсыздығы сияқты өзіне тән емес симптомдар мен белгілерді қамтиды. (Спецификалық емес осы белгілердің көбісі беткейлік наркозда, жедел гипоксияларда және басқа да жағдайларда пайда болуы мүмкін екендігін ескерген жөн). Жалпы метаболизмнің күшеюі температураның жоғарылауымен (ол кез келген сәтте кенеттен жоғарылауы мүмкін, бірақ әдетте гипертермия метаболизмнің алғашқы жоғарылау белгісі емес) және СО2 сорылуын қамтамасыз ететін (адсорбент корпусын қыздыратын) аппарат жұмысының күшеюімен білінуі мүмкін. Оттегінің парциальді қысымы және рН азаюы мүмкін. Сондай-ақ гиперкалиемия және негіздің тапшылығы пайда болуы мүмкін. Изофлуранды қолдану кезінде қатерлі гипертермияның өліммен аяқталуы туралы хабарланған. Емдеу осы синдромның пайда болуын тудырған препараттарды (мысалы, изофлуранды) енгізуді тоқтату, натрий дантроленін вена ішіне енгізуді және демеуші ем жүргізуді қамтиды. Мұндай емге дене температурасын қалыпты мәнге дейін тез төмендетуге арналған шаралар, тыныс алуды және қан айналымын көрсетілімдері бойынша демеу және су-электролиттік және қышқыл-сілтілік бұзылуларды жою жатады. (Осындай науқастарды емдеу жөнінде қосымша ақпарат алу үшін вена ішіне енгізу үшін натрий дантроленін тағайындауға арналған ақпаратты қараңыз). Сондай-ақ бүйрек функциясының жеткіліксіздігі пайда болуы мүмкін, мұндайда несептің бөлініп шығуын мүмкіндігінше демеу қажет. Периоперациялық гиперкалиемия Ингаляциялық анестетиктерді пайдалану сарысудағы калий деңгейінің өте сирек артуымен байланысты болған бұл жүрек аритмиясына және балаларда операциядан кейінгі кезеңде өлімге әкеледі. Латентті, сондай-ақ анық айқын жүрек-бұлшықет ауруы, әсіресе, Дюшеннің бұлшықет дистрофиясы бар пациенттер ең осал болып табылады. Сукцинилхолинді бірге пайдалану көптеген, алайда барлық осы жағдайлармен байланысты болмаған. Бұл пациенттерде сондай-ақ сарысуда креатинкиназа деңгейінің артуы және кейбір жағдайларда миоглобинурияға сәйкес несептегі өзгерістер байқалған. Қатерлі гипертермияға ұқсастығына қарамастан, бұл пациенттерде бұлшықеттердің сіресуі немесе гиперметаболизмдік жағдай сияқты қатерлі гипертермияның классикалық белгілері немесе симптомдары болмаған. Гиперкалиемияны және резистентті аритмияны жылдам емдеу, сондай-ақ жасырын жүйке-бұлшықет ауруын содан соң бағалау ұсынылады. Педиатрияда қолданылуы Изофлуран балаларға туылған сәттен бастап қолданылуы мүмкін. Осы топтағы пациенттермен шектеулі жұмыс тәжірибесіне байланысты кішкентай балаларда Изофлуранды пайдалану кезінде сақ болған жөн. Анестезияның индукциясы кезінде сілекейдің ағыны мен трахеоброниальді сүзіліс артуы мүмкін және ларингоспазмның, әсіресе балаларда, себебі болуы мүмкін. Препараттың көлік құралын және басқа қауіптілігі зор механизмдерді басқару қабілетіне әсер ету ерекшеліктері Препарат тек стационар жағдайында ғана қолдануға арналған. Пациенттерге көлік құралын немесе қауіптілігі зор механизмдерді басқару сияқты ой белсенділігін қажет ететін әрекеттерді орындау Изофлуранмен анестезиядан кейін 2-4 күн бойы бұзылуы мүмкін екендігі туралы хабарлау керек. Басқа анестетиктер жағдайындағы сияқты көңіл-күйдегі және симптомдардағы аздаған өзгерістер қабылдаудан кейін 6 күнге дейін сақталуы мүмкін. Қолданылуы бойынша ұсынымдар

Жүкті әйелдер үшін қауіпсіздігі толық анықталмаған. Изофлуранды жүктілік кезінде егер пайда әлеуетті қауіптен жоғары болса ғана пайдалану керек. Изофлуранды жүктіліктің алғашқы триместрі кезінде қолданбау керек. Изофлуран басқа да ингаляциялық агенттер сияқты жатырға релаксантты әсер етеді, бұл жатырдан қан кетуге әкелуі мүмкін. Изофлуранды пайдаланып жасалған аборттарда қан жоғалту басқа ингаляциялық анестетиктерді пайдаланған кездегі қан жоғалтуларға ұқсас. Акушерлікте анестезия кезінде изофлуран орнын анықтау үшін, кесар тілігі кезіндегіден басқасында, деректер әзірше жоқ. Кесар тілігінде қолданылуы Изофлуран 0,75%-ға дейінгі концентрацияларда кесар тілігі кезіндегі анестезияны демеу үшін қауіпсіз және тиімді дәрі болып табылады. Лактация кезеңі Изофлуран/оның метаболиттері емшек сүтімен бөлініп шығарылатыны белгісіз. Көптеген препараттар емшек сүтімен шығарылатындықтан, емізетін әйелге изофлуранды тағайындағанда сақтық таныту керек.Егер Изофлуран лактация кезінде қолданылуы керек болса, наркоздан кейін емшек емізу тоқтатылуы тиіс. Препарат организмдегі айналымнан шығарылғаннан кейін қайтадан емшек емізуді бастауға болады. 3 жасқа дейінгі балаларда және жүкті әйелдерде үшінші триместрде жалпы анестетиктерді және тыныштандыратын препараттарды көп рет немесе ұзақ уақыт бойы қолдану балаларда жүйке жүйесінің дамуының бұзылу қаупіне әкелуі мүмкін екендігі хабарланады.

Жағымсыз біріктірілімдер Изопреналин және альфа- сияқты бета- симпатомиметикалық препараттар және адреналин мен норадреналин сияқты бета- симпатомиметикалық препараттар қарынша аритмиясының әлеуетті қаупіне байланысты Изофлуранды наркоз кезінде сақтықпен пайдалану керек. Селективті емес МАО тежегіштері жалпы анестезияның әсерін арттырады. Егер мүмкіндік болса, пациенттер МАО препараттарын қабылдауды күтілген операциядан кем дегенде 15 күн бұрын тоқтатуы тиіс. Сақтық шараларын қажет ететін біріктірілімдер Тікелей әсер етпейтін симпатомиметиктер (амфетаминдер және оның туындылары, психостимуляторлар, тәбетті басатын дәрілер, эфедрин және оның туындылары): периоперациялық гипертония қаупі. Жоспарлы операцияға ұшырайтын пациенттерде емдеу операцияға дейін бірнеше күн бұрын тоқтатылуы тиіс. Адреналин, тері асты немесе қызылиектік инъекциялар кезінде: жүрек жиырылуының жоғары жиілігінің салдарынан күрделі жүрекше аритмияның қаупі, алайда миокардтың адреналинге сезімталдығы галотанға қарағанда Изофлуранды пайдалану кезінде төмен. Осылайша, дозаны шектеу керек, мысалы, ересектер үшін адреналин дозасын 10 минут ішінде 0,1 мг немесе бір сағат ішінде 0,3 мг етіп енгізу қажет. Адреналиннің 5 мкг/кг-дан асатын шырышасты енгізілетін дозалары көптеген қарыншалық аритмияларды тудыруы мүмкін. Кальций антагонистері, әсіресе дигидропиридин туындылары: Изофлуран кальций антагонистерін қабылдаған пациенттерде ауыр гипотензияны тудыруы мүмкін. Кальций антагонистерін ингаляциялық анестетиктермен бір мезгілде қолданғанда аддитивті теріс инотропты әсер ету қаупіне байланысты сақ болу керек. Бета-блокаторлар: жүрек-қантамыр жүйесінің компенсация реакциялары бета-блокаторлардың әсерінен бұзылуы мүмкін. CYP2E1 индукторлары P450 цитохромының CYP2E1 Изоферментінің белсенділігін арттыратын изониазид және алкоголь сияқты дәрілік заттар мен қосылыстар Изофлуранның метаболизмін арттыруы және плазмадағы фторидтің концентрациясын елеулі арттыруға әкелуі мүмкін. Изофлуран мен изониазидті пайдалану гепатоуытты әсерлердің күшею қаупін арттыруы мүмкін. Апиындар, бензодиазепиндер және басқа тыныштандыратын дәрілер тыныс алудың бәсеңдеуімен байланысты, сондықтан Изофлуранмен бір уақытта қабылдаған кезде сақ болған жөн. Сукцинилхолинді ингаляциялық анестетиктермен бірге пайдалану сарысудағы калий деңгейінің сирек жоғарылауымен байланысты болған, бұл жүрек аритмиясына және операциядан кейінгі кезеңде балалардың өліміне әкелген. Изофлуран барлық жалпы қолданыстағы миорелаксанттарды айтарлықтай күшейтеді, бұл әсер деполяризацияланбайтын агенттерті қолданғанда айқын көрінеді. Осылайша, осы препараттардың әдеттегі дозасының 1/3 - 1/2 бөлігін енгізу ұсынылады. Неостигмин деполяризацияланбайтын босаңсытқыштарға әсер етеді, бірақ изофлуранның өзіндік босаңсыту әсеріне әсер етпейді. ЕАК (ең төмен альвеолярлық концентрация) ересектерде N2O бір уақытта тағайындаған кезде төмендейді. Изониазид Изониазид ферменттердің белсенділігін күшейтеді. Изониазидты қабылдап жүрген пациенттер ұшқыр анальгетиктердің гепатоуыттылығына өте сезімтал болуы мүмкін. Егер мүмкін болса, онда изониазидпен емдеуді операциядан 1 апта бұрын тоқтату қажет және операциядан кейін 15 күн өткен соң ғана емдеуді қайта бастауға болады. Апиындық анальгетиктер Апиындық анальгетиктер изофлуранның тыныстық депрессиялық әсерін күшейтеді. Айрықша нұсқаулар Репродуктивтілік Жануарларға жүргізілген зерттеулер изофлуранның репродуктивті уыттылығын көрсеткен.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары 30 ℃-ден аспайтын температурада сақтау керек. Қақпағы тығыз жабылған құтыда сақтау керек. Балалардың қолы жетпейтін жерде сақтау керек!