Имипенем+Циластатин порошок

Бір құтының ішінде Имипенем, циластатин және натрий гидрокарбонатының стерильді қоспасы, оның ішінде: белсенді заттар: имипенем (сусыз имипенемге шаққанда) 500.0 мг натрий циластатині (циластатинге шаққанда) 500.0 мг қосымша зат - натрий гидрокарбонаты 20.0 мг Сыртқы түрінің, иісінің, дәмінің сипаттамасы Құтының ішіндегісі – ақтан сәл сарғыш түске дейінгі ұнтақ.

Ересектерде және 1 жастан асқан балаларда инфекциялық ауруларды емдеу • асқынған интраабдоминальді инфекцияларда; • ауыр пневмония, ауруханалық және ӨЖЖ-астасқан пневмонияны қоса; • интранатальді және босанудан кейінгі инфекцияларда; • несеп шығару жолдарының асқынған инфекцияларында; • терінің және жұмсақ тіндердің асқынған инфекцияларында; Имипенем+Циластатинді бактериялық инфекциядан күдіктенгенде нейтропениясы бар қызуы көтерілген пациенттерді емдегенде пайдалануға болады. Жоғарыда аталған инфекциялардың кез келгенімен байланысты немесе байланысты деп болжанатын бактериемиясы бар пациенттерді емдеу. Бактерияға қарсы дәрілерді тиісінше қолдану жөніндегі ресми ұсынымдарды ескерген жөн.

Әсер ету механизмі Имипенем+Циластатин препаратының құрамына 2 компонент кіреді: имипенем және натрий циластатині салмақ бойынша 1:1 арақатынасында. Имипенем (N-формимидоил-тиенамицин) - бұл Streptomyces cattleya жіп тәрізді бактериясы өндіретін бастапқы зат тиенамициннің жартылай синтетикалық туындысы. Имипенем пенициллин байланыстырушы ақуыздармен (ПБА) байланысу салдарынан грамоң және грамтеріс бактериялардың бактериялық жасушалары қабырғасының синтезін тежеу жолымен бактерицидтік әсер етеді. Натрий циластатині дегидропептидаза-I (имипенемді метаболиздейтін және белсенділігін жоятын бүйрек ферменті) бәсекелі, қайтымды және спецификалық тежегіші болып табылады. Оның өзінің бактерияға қарсы белсенділігі жоқ және имипенемнің бактерияға қарсы белсенділігіне әсер етпейді. Басқа бета-лактамдық антибиотиктерге қатысты сияқты, имипенем концентрациясы ЕТТК (Т>ЕТТК) асып кеткен уақыт тиімділікпен өте жақсы өзара байланысады. Резистенттілік механизмі Имипенемге резистенттілік төмендегінің салдарынан байқалуы мүмкін. • Грамтеріс бактериялардың сыртқы жарғақшасы өткізгіштігінің төмендеуі (пориндер өндірілуінің төмендеу себебінен). • Имипенем эффлюкстік помпамен жасушадан белсенді түрде жойылуы мүмкін. • ПБА имипенеммен тектестігінің бәсеңдеуі. • Имипенем карбапенемдерді гидролиздейтін салыстырмалы түрде сирек бета-лактамазаларды қоспағанда, грамоң және грамтеріс бактериялар өндіретін пенициллиназалар мен цефалоспориназаларды қоса, көптеген бета- • лактамазалардың гидролизіне тұрақты болып табылады. Басқа карбапенемдерге резистентті түрлері, әдетте, имипенемге де төзімді. Нысанаға байланысты, имипенем мен хинолондар, аминогликозидтер, макролидтер мен тетрациклиндер класының препараттары арасында айқаспалы резистенттілік жоқ. Шектік концентрациялар Сезімтал (С) патогендер мен резистентті (Р) патогендерді анықтау үшін имипенемнің шектік ЕТТК (Еуропаның антибиотиктерге сезімталдықты анықтау жөніндегі комитетіне сәйкес) төмендегідей (v 1,1 2010-04-27): • Enterobacteriaceae1: С <2 мг/л, Р >8 мг/л • Pseudomonas2 түрлері: С <4 мг/л, Р >8 мг/л • Acinetobacter түрлері. С <2 мг/л, Р >8 мг/л • Staphylococcus түрлері: цефокситинге сезімталдық бойынша қорытынды жасалады • Enterococcus түрлері: С <4 мг/л, Р >8 мг/л • Streptococcus А, В, С, G: А, В, С және G топтарының бета-гемолитикалық стрептококктың бета-лактамдық сезімталдығы пенициллинге сезімталдық бойынша анықталады. • Streptococcus pneumoniae4: С <2 мг/л, Р >2 мг/л • Басқа стрептококктар4: С <2 мг/л, Р >2 мг/л • Haemophilus influenzae4: С <2 мг/л, Р >2 мг/л • Moraxella catarrhalis4: С <2 мг/л, Р >2 мг/л • Neisseria gonorrhoeae: Neisseria gonorrhoeae қатысты имипенем тиімділігінің дәлелдері жеткіліксіз. • Грамоң анаэробтар: С <2 мг/л, Р >8 мг/л • Грамтеріс анаэробтар: С <2 мг/л, Р >8 мг/л • Шектік түрсіз концентрациялар5: С <2 мг/л, Р >8 мг/л 1 Proteus және Morganella species имипенем үшін нашар нысаналар болып есептеледі. 2 Pseudomonas қатысты шектік концентрациялар жоғары дозаларды (6 сағат сайын 1 г) жиі қолданумен байланысты. 3 Стафилококктың карбапенемдерге сезімталдығы цефокситинге сезімталдық бойынша анықталады. 4 Сезімталдықтың шектік концентрацияларынан жоғары ЕТТК бар штаммдар өте сирек кездеседі немесе осы уақытқа дейін олар туралы хабарланбады. Кез келген осындай изолят үшін идентификация және микробқа қарсы сезімталдық тесттерін қайталау қажет және егер нәтиже расталса, изолятты анықтамалық зертханаға жіберу керек. ЕТТК резистенттіліктің қолданыстағы шекаралық нүктелерінен жоғары расталған изоляттар үшін клиникалық жауапқа қатысты расталу болғанға дейін оларды резистентті деп есептеу керек. 5 Шектік түрсіз концентрациялар негізінен, фармакокинетика/фармакодинамика деректері бойынша анықталған және спецификалық түрлердің ЕТТК байланысты емес. Оларды шектік түрлік концентрациялар шолуында көрсетілмеген түрлер үшін немесе сілтемелерде ғана пайдалану керек. Сезімталдық Бактериялардың жекелеген түрлерінде пайда болған резистенттіліктің таралуы географиялық жағдайына байланысты және уақыт өте келе өзгеруі мүмкін, сондықтан резистенттілігі туралы, атап айтқанда ауыр инфекцияларды емдеу кезінде жергілікті деректерді игерген дұрыс. Қажеттілігіне қарай, егер резистенттіліктің жергілікті таралуы препараттың пайдалылығы инфекциялардың кейбір типтеріне қатысты күмәнді болатындай болса, кеңес алу үшін маманға бару керек. Имипенемге сезімтал микроорганизмдер: Грамоң аэробтар: Enterococcus faecalis Staphylococcus aureus (метициллинге сезімтал)* Staphylococcus коагулаза-теріс (метициллинге сезімтал) Streptococcus agalactiae Streptococcus pneumoniae Streptococcus pyogenes Streptococcus viridans тобы Грамтеріс аэробтар: Citrobacter freundii Enterobacter aerogenes Enterobacter cloacae Escherichia coli Haemophilus influenzae Klebsiella oxytoca Klebsiella pneumoniae Moraxella catarrhalis Serratia marcescens Грамоң анаэробтар: Clostridium perfringens** Peptostreptococcus spp.** Грамтеріс анаэробтар: Bacteroides fragilis Bacteroides fragilis тобы Fusobacterium spp. Porphyromonas assaccharolytica Prevotella spp. Veillonella spp. Имипенемге резистенттілігі ықтимал микроорганизмдер: Грамтеріс аэробтар: Acinetobacter baumannii Pseudomonas aeruginosa Имипенемнің әсеріне резистентті микроорганизмдер: Грамоң аэробтар: Enterococcus faecium Грамтеріс аэробтар: Burkholderia cepacia кейбір штаммдары (бұрыннан Pseudomonas cepacia ретінде белгілі) Legionella spp. Stenotrophomonas maltophilia (бұрыннан Xanthomonas maltophilia ретінде белгілі, бұрыннан Pseudomonas maltophilia ретінде белгілі) Өзгелері: Chlamydia spp. Chlamydophila spp. Mycoplasma spp. Ureoplasma urealyticum *барлық метициллинге резистентті стафилококктар имипенемге/циластатинге резистентті болып табылады. * * түрсіз шектік концентрациялар (Еуропаның антибиотиктерге сезімталдықты анықтау жөніндегі комитетіне сәйкес) пайдаланылған.

Дозалау режимі Имипенем+Циластатин дозаларын таңдау бойынша ұсынымдар: тәуліктік дозасы инфекцияның типі мен ауырлығына, бөлініп алынған қоздырғышқа (қоздырғыштарға), пациенттің бүйрек функциясы мен дене салмағына байланысты. Бүйрек функциясы қалыпты ересек пациенттер Бүйрек функциясы қалыпты (креатинин клиренсі > 90 мл/мин) пациенттер үшін дозасы құрайды: • 6 сағат сайын 500 мг/500 мг немесе • 8 сағат сайын немесе 6 сағат сайын 1000 мг/1000 мг. Инфекцияларды емдеу үшін анықталған немесе ықтимал себеп бактериялардың сезімталдығы төменірек түрлері (Pseudomonas aeruginosa сияқты) және ауыр инфекциялар (мысалы, қызбасы бар пациенттердің нейтропениясында) болып табылады, 6 сағат сайын 1000 мг/1000 мг дозаны қолдану ұсынылады. Креатинин клиренсі <90 мл/мин болғанда дозаны төмендету қажет (1-кестені қараңыз). Ең жоғары тәуліктік доза тәулігіне 4000 мг/4000 мг аспауы тиіс. Пациенттердің ерекше топтары Бүйрек функциясы бұзылған ересек пациенттер Бүйрек функциясы бұзылған ересек пациенттер үшін төмендетілген дозаны анықтау үшін мыналар қажет: 1.Әдетте бүйрек функциясы қалыпты пациенттерге қолданатын жалпы тәуліктік дозаны анықтау (яғни 2000/2000, 3000/3000 немесе 4000/4000 мг). 2. Пациенттің КК және инфузия жүргізу ұзақтығына сәйкес төмендетілген дозаны (1-кестені қараңыз) енгізудің қажетті режимін таңдау керек («Қолдану тәсілін» қараңыз). 1-кесте Имипенем+Циластатин препаратының бүйрек функциясы бұзылған ересек науқастарға арналған дозалары КК (мл/мин) — Жалпы тәуліктік доза 2000 мг — Жалпы тәуліктік доза 3000 мг — Жалпы тәуліктік доза 4000 мг ≥90 (норма) — 500 Әрбір 6 сағат сайын — 1000 Әрбір 8 сағат сайын — 1000 Әрбір 6 сағат сайын Бүйрек жеткіліксіздігі бар пациентер үшін төмендетілген доза (мг) : <90 - ≥60 — 400 Әрбір 6 сағат сайын — 500 Әрбір 6 сағат сайын — 750 Әрбір 8 сағат сайын 60 - ≥30 — 300 Әрбір 6 сағат сайын — 500 Әрбір 8 сағат сайын — 500 Әрбір 6 сағат сайын 30 - ≥15 — 200 Әрбір 6 сағат сайын — 500 Әрбір 12 сағат сайын — 500 Әрбір 12 сағат сайын Креатинин клиренсі < 15мл/мин бар пациенттер Егер жақын арада 48 сағат ішінде креатинин клиренсі <15 мл / мин бар пациенттерге гемодиализ басталмаса, оларға Имипенем+Циластатинді енгізу үшін тағайындамаған жөн. Гемодиализдегі пациенттер Креатинин клиренсі < 15 мл/мин бар және гемодиализде жүрген пациенттерді емдеу кезде креатинин клиренсі 15-29 мл/мин бар пациенттерге ұсынылатын дозаларды қолдану қажет (кестені қараңыз. 1). Имипенем де, циластатин де гемодиализ жүргізу барысында шығарылады. Пациентке гемодиализ сеансынан кейін бірден Имипенем+Циластатинді енгізу қажет және әрі қарай ол аяқталғаннан кейін 12 сағат сайын енгізу қажет. Гемодиализдегі, әсіресе, негізгі ауруы орталық жүйке жүйесінің ауруы болып табылатын пациенттер мұқият қадағалауды талап етеді; Имипенем+Циластатинді мұндай пациенттерге тағайындау күтілетін әсер құрысулардың ықтимал туындау қаупінен басым болған жағдайда ұсынылады. Қазіргі сәтте Имипенем+Циластатин препаратын перитонеальді диализдегі пациенттерге қолдану бойынша деректер жеткіліксіз, сондықтан оны пациенттердің осы санатын емдеу үшін қолдану ұсынылмайды. Бауыр жеткіліксіздігі Бауыр функциясы бұзылған пациенттер үшін дозаны түзету талап етілмейді. Егде жастағы пациенттер Бүйрек функциясы қалыпты егде жастағы пациенттер үшін дозаны түзету талап етілмейді. 1 жастан бастап балалар > 1 жастағы балалар үшін ұсынылған доза 15/15 немесе 6 сағат сайын 25/25 мг/кг/доза құрайды. Инфекцияларды емдеу үшін анықталған немесе ықтимал себеп бактериялардың сезімталдығы төменірек түрлері (Pseudomonas aeruginosa сияқты) және ауыр инфекциялар (мысалы, қызбасы бар пациенттердің нейтропениясында) болып табылады, 6 сағат сайын 25/25 мг/кг дозаны қолдану ұсынылады. Балалар популяциясы < 1 жылдан 1 жасқа дейінгі балаларға дозаны ұсыну үшін клиникалық деректер жеткіліксіз. Бүйрек жеткіліксіздігі бар педиатриялық пациенттер Бүйрек жеткіліксіздігі бар (сарысулық креатинин >2 мг/дл) педиатриялық пациенттерге дозалануын ұсыну үшін клиникалық деректер жеткіліксіз. Вена ішіне инфузияға арналған ерітінді дайындау Вена ішіне инфузияға арналған Имипенем+Циластатинді басқа антибиотиктермен араластыруға немесе қосуға болмайды. НАЗАР АУДАРЫҢЫЗ: Вена ішіне инфузияға арналған Имипенем+Циластатин дәрілік түрі сүт қышқылымен (лактатпен) химиялық тұрғыдан үйлеспейді және құрамында лактат бар еріткіштер негізінде дайындалмауы тиіс. Алайда, Имипенем+Циластатинді құрамында лактат бар еріткіштер енгізілген инфузиялық жүйе арқылы вена ішіне енгізуге болады. Натрий хлоридінің 0.9% ерітіндісін еріткіш ретінде пайдалану ұсынылады. Натрий хлоридінің 0.9% ерітіндісін клиникалық себептер бойынша пайдаланылуы мүмкін емес кезде, 5% глюкоза ерітіндісін немесе құрамында лактат жоқ басқа еріткіштерді пайдалануға болады. Имипенем+Циластатин в/і инфузияға арналған ерітіндісі 2-кестеде ұсынылған нұсқауларға сәйкес дайындалады. 2-кесте. Имипенем+Циластатин в/і инфузияға арналған ерітіндісін дайындау. В/і инфузияға арналған Имипенем+Циластатин дозасы (мг имипенем) — Қосылатын еріткіш көлемі (мл) — В/і инфузияға арналған Имипенем+Циластатин ерітіндісінің орташа концентрациясы (мг/мл имипенем) 500 — 100 — 5 Еріту: Құты ішіндегісін 10 мл жарамды еріткіште алдын ала еріту қажет. ДАЙЫНДАЛҒАН СУСПЕНЗИЯНЫ ТІКЕЛЕЙ ЕНГІЗУ ҮШІН ПАЙДАЛАНУҒА БОЛМАЙДЫ! Қоспаны мұқият шайқағаннан кейін инфузияға арналған ерітіндіге құйыңыз. Толық құю үшін құтының ішіндегісі толығымен ауыстырып құюға инфузияға арналған 10 мл ерітіндіні қосып, ресімді тағы бір рет қайталаңыз. Содан кейін ерітінді еріткіштің қалған бөлігімен (90 мл) құтыға немесе контейнерге ауыстырылады. Еріткіштің жалпы көлемі-100 мл. Ерітіндінің жалпы көлемі-100 мл. Алынған ерітіндіні ұнтақ толық ерігенше және мөлдір сұйықтық пайда болғанша шайқау керек. Ерітіндінің сарыдан түссізге дейінгі боялу нұсқалары препараттың белсенділігіне әсер етпейді. Дайындалған ерітіндіні дайындағаннан кейін бірден енгізу керек. Енгізу әдісі және жолы Вена ішіне енгізуге арналған Имипенем+Циласатин 500 мг/500 мг аспайтын әрбір дозасын 20-30 мин бойы енгізу керек. 500 мг/500 мг асатын әрбір дозаны 40-60 мин бойы енгізу керек. Егер пациентте инфузия уақытында жүрек айнуы пайда болса препаратты енгізу жылдамдығын төмендету қажет. Қабылдау уақыты көрсетілген қолдану жиілігі Қатысты емес Емдеу ұзақтығы Қатысты емес Тоқтату симптомдарының қаупі бар екенін көрсету Қатысты емес Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар Дәрілік препаратты қабылдаудан бұрын дәрігерге немесе фармацевтке кеңес алу үшін жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • басқа карбапенемдерге жоғары сезімталдық • басқа бета-лактамдық антибиотиктерге (мысалы, пенициллиндерге немесе цефалоспориндерге) жоғары сезімталдық (мысалы, анафилаксиялық реакциялар, ауыр тері реакциялары)

Емдеумен байланысты болуы мүмкін кең таралған жүйелі жағымсыз реакциялар туралы хабарланды: жүрек айнуы (2,0%), диарея (1, 8%), құсу (1,5%), бөртпе (0,9%), қызба (0,5%), артериялық гипотензия (0,4%), құрысулар (0,4%), бас айналуы (0,3%), қышыну (0,3%), есекжем (0,2%), ұйқышылдық (0,2%); жергілікті жағымсыз реакциялар: флебит/тромбофлебит (3,1%), инъекция орнындағы ауырсыну (0,7%), инъекция орнындағы эритема (0,4%) және венаның индурациясы (0,2%); сондай-ақ сарысудағы трансаминазалар және сілтілік фосфатаза деңгейінің жоғарылауы байқалды. Жиі • эозинофилия • тромбофлебит • диарея, жүрек айнуы, құсу. Жүрек айнуы мен құсу имипенем/циластатинмен емдеу аясында гранулоцитопениямен науқастарда байқалады • бөртпе, оның ішінде экзантематозды • қан сарысуында трансаминазалар мен сілтілік фосфатазаның жоғарылауы Жиі емес • панцитопения, нейтропения, лейкопения, тромбоцитопения, тромбоцитоз • психикалық бұзылыстар, елестеулер мен бағдардан жаңылуды қоса • құрысулар, миоклонустық белсенділік, бас айналуы, ұйқышылдық • гипотензия • есекжем, қышыну • қызба, жергілікті ауыру және тығыздалу, инъекция орнындағы эритема • тікелей оң Кумбс реакциясы, протромбиндік уақыттың ұзаруы, гемоглобиннің төмендеуі, билирубиннің жоғарылауы, сарысудағы креатининнің және мочевинаның жоғарылауы Сирек • жалған жарғақшалы колит, кандидоз • агранулоцитоз • анафилаксиялық реакциялар • энцефалопатия, парестезия, фокальді тремор, дәм сезудің бұрмалануы • естімей қалу • тілдің және/немесе тістердің боялуы • бауыр жеткіліксіздігі, гепатит • уытты эпидермалық некролиз, ангионевроздық ісіну, Стивенс-Джонсон синдромы, мультиформалы эритема, эксфолиативті дерматит • бүйректің жедел жеткіліксіздігі, oлигурия/анурия, полиурия, несептің түссізденуі (қауіпсіз, гематуриямен шатастыруға болмайды). Имипенем+Циластатин препаратын қолданудың бүйрек функциясының өзгеруіне әсерін бағалау қиын, себебі, әдетте, преренальді азотемияның дамуына немесе бүйрек функциясының бұзылуына бейім факторлар бар. Өте сирек • гастроэнтерит • гемолиздік анемия, сүйек кемігі функциясының бәсеңдеуі • миастенияның өршуі, бас ауыруы • құлақтағы шуыл, бас айналуы • цианоз, тахикардия, жүрек қағуы • қан құйылу • ентігу, гипервентиляция, тамақтың ауыруы • геморрагиялық колит, іш ауыруы, қыжыл, глоссит, тіл бүртіктерінің гипертрофиясы, гиперсаливация • шұғыл дамитын гепатит • гипергидроз, тері тарапынан өзгерістер • полиартралгия, омыртқаның кеуде бөлімінің ауыруы • вульваның қышуы • кеудедегі жайсыздық, астения/әлсіздік Балалар 178 баланың қатысуымен жүргізілген зерттеулер барысында > 3 ай ересек пациенттерде байқалғандарға толық ұқсайтын жағымсыз реакциялар туралы хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Мыналарды қамтуы мүмкін препараттың жағымсыз әсерлерінің күшеюі: құрысу, сананың шатасуы, тремор, жүрек айнуы, құсу, гипотензия, брадикардия. Емі Имипенем/циластатинмен артық дозалануды емдеу туралы арнайы ақпарат жоқ. Препарат гемодиализ жүргізу кезінде шығарылады, алайда бұл емшараның препарат артық дозаланған кездегі тиімділігі белгісіз. Дәрілік препараттың бір немесе бірнеше дозаларын өткізіп алғанда қажет болатын шаралар Өткізіп алған дозаның орнын толтыру үшін қосарлы дозаны қабылдамаңыз.

Имипенем+Циластатинмен емді карбапенемдерді қолданудың мақсатқа сәйкестігін бағалағаннан кейін, инфекцияның ауырлық дәрежесі, басқа да бактерияға қарсы агенттерге резистенттілік деңгейі және карбапенемдерге төзімді қоздырғыш-микроорганизмдердің болу қаупі сияқты факторларға сүйене отырып бастау керек. Аса жоғары сезімталдық Бета-лактамдық антибиотиктерді қолдана отырып ем қабылдаған пациенттерде аса жоғары сезімталдықтың ауыр және кейде өлімге әкелген реакциялары (анафилаксиялық реакциялар) туралы хабарланған. Бұл реакциялар үлкен ықтималдықпен анамнездегі әртүрлі аллергендерге сезімталдығы бар пациенттерде туындауы мүмкін. Имипенем+Циластатинмен емді бастар алдында карбапенемдерге, пенициллиндерге, цефалоспориндерге, басқа бета-лактамдық антибиотиктерге және басқа да аллергендерге бұрын туындаған аса жоғары сезімталдық реакцияларына қатысты анамнез жинау керек. Имипенем+Циластатинге аллергиялық реакция байқалғанда емдеуді дереу тоқтату керек. Күрделі анафилаксиялық реакциялар шұғыл медициналық көмек көрсетуді талап етеді. Бауыр функциясы Гепатоуыттылық реакциясының (трансаминаза деңгейінің жоғарылауы, бауыр жеткіліксіздігі және фульминантты гепатит сияқты) даму қаупіне байланысты, Имипенем+Циластатинмен емдеу барысында бауыр функциясы мұқият бақылануы тиіс. Бауыр функциясы бұзылған пациенттерде Имипенеммен+Циластатинмен емдеу кезінде бауыр функциясына мұқият мониторинг жүргізу қажет. Дозаларды түзету қажет емес. Гематология Имипенем+Циластатинмен ем жүргізу кезінде Кумбстың тікелей және тікелей емес сынамасына оң реакция дамуы мүмкін. Бактерияға қарсы спектр Қандай да бір эмпирикалық емдеу туралы шешім қабылдау алдында, әсіресе өмірге қауіп төндіретін жағдайларда, Имипенем+Циластатиннің бактерияға қарсы спектрін назарға алған жөн. Оған қоса, мысалы, тері мен жұмсақ тіндердің бактериялық инфекцияларымен астасқан спецификалық патогендердің Имипенем+Циластатинге сезімталдығының шектеулілігіне байланысты, ерекше сақтық шараларын сақтау керек. Имипенем+Циластатин тағайындау патогендердің препаратқа дәлелденген немесе болжамды сезімталдығы жоқ инфекцияларды емдеуде қолданылмайды. Бекітілген көрсетілімдердің құрамында Staphylococcus aureus (MRSA) метициллинге резистентті стафилококктық инфекциясының бар екендігіне күдіктенген немесе бар екендігі дәлелденген кезде метициллинге резистентті стафилококты бәсеңдету үшін қолайлы антибиотикті бірлестіріп қолдану көрсетілген. Бекітілген көрсетілімдердің құрамында Pseudomonas aeruginosa инфекцияларының бар екендігіне күдіктенген немесе бар екендігі дәлелденген кезде, аминогликозидтерді бірге қолдану көрсетілген. Вальпрой қышқылымен бірге қолдану Имипенем+Циластатин мен вальпрой қышқылының препараттарын бірге қолдану ұсынылмайды. Clostridium difficile Антибиотикпен астасқан колит пен жалған жарғақшалы колиттің жеңілден өмірге қауіп төндіретін ауырлық дәрежесіне дейін дамуы туралы хабарламалар бар, олар Имипенем+Циластатинмен, сондай-ақ басқа да антибиотиктермен емдеу кезінде де дамыды. Сондықтан, Имипенем+Циластатинмен емдеу кезінде немесе одан кейін туындаған диареясы бар пациенттерде осы диагнозды саралау керек. Бұл жағдайда Имипенем+Циластатинді тоқтату және Clostridium difficile тиісті емін тағайындау туралы мәселені қарастыру керек. Перистальтиканы тежейтін препараттарды қолдану ұсынылмайды. Менингит Имипенем+Циластатин менингитті емдеу үшін ұсынылмайды. Бүйрек жеткіліксіздігі Имипенем+Циластатин бүйрек функциясы төмендеген пациенттерде жинақталады, сондықтан мұндай пациенттерде (дозаны дұрыс таңдамау жағдайында) ОЖЖ тарапынан жағымсыз әсерлері дамуы мүмкін. Орталық жүйке жүйесі Миоклониялық белсенділікті, сананың шатасуы мен құрысуды қоса, әсіресе бүйрек функциясының және дене салмағының жағдайы бойынша ұсынылған дозалардан асырғанда ОЖЖ тарапынан жағымсыз реакциялар туралы хабарламалар алынды. Мұндай жағдайлар анамнездегі ОЖЖ бұзылыстары кезінде (мысалы, мидың зақымдануы немесе құрысулар анамнезі) және/немесе препараттың белсенді компоненттерінің жинақталуы мүмкін бүйрек функциясы бұзылғанда жиі хабарланған. Сондықтан мұндай пациенттерде ұсынылған дозаны қатаң ұстану қажет. Анамнезінде құрысу синдромы бар пациенттерде құрысуға қарсы ем жалғастырылуы тиіс. Құрысудың даму қаупі факторлары болған кезде немесе құрысу шегін төмендететін басқа препараттармен бірге емделген кезде балалардағы неврологиялық симптомдарға немесе құрысуларға ерекше назар аудару керек. Фокальді тремор, миоклонус немесе құрысулар туындаған кезде пациент неврологиялық статусын анықтауды және егер ол әлі қолданылмаса, құрысуға қарсы емді тағайындауды қажет етеді. ОЖЖ тарапынан симптомдар жалғасқан кезде Имипенем+Циластатин дозасын төмендету немесе препаратпен емдеуді тоқтату көрсетілген. Креатинин клиренсі ≤5мл/мин/1.73 м2 болатын пациенттерге Имипенем+Циластатинді инфузиядан кейін келесі 48 сағат ішінде гемодиализ тағайындалған жағдайда ғана тағайындаған жөн. Гемодиализдегі пациенттер үшін Имипенем+Циластатин емдеудің басымдықтары құрысудың әлеуетті даму қаупінен асатын жағдайларда ғана ұсынылады. Балаларда қолдану 1 жасқа дейінгі балаларға немесе бүйрек жеткіліксіздігі бар балаларға (қан сарысуындағы креатинин > 2 мг / дл). Имипенем+Циластатин препаратын қолдануды ұсыну үшін клиникалық деректер жеткіліксіз

Имипенем/циластатинді жүкті әйелдерде пайдалану бойынша сенімді бақыланған зерттеулер жоқ. Ұрпақ өрбітуге уыттылықтың болуы анықталды. Адам үшін ықтимал қаупі белгісіз. Имипенем+Циластатинді жүктілік кезінде ана үшін емдеудің пайдасы шарана үшін әлеуетті қаупін ақтайтын жағдайда ғана қолданған жөн. Имипенем+Циластатин аз мөлшерлерде ана сүтімен бөлініп шығады. Егер Имипенем+Циластатин препаратын қолдану қажет болса, емшек емізудің артықшылықтарын және балаға төнетін ықтимал қауіпті салыстыру керек. Еркектердің немесе әйелдердің фертильділік функциясына имипенем/циластатиннің әлеуетті әсер етуіне қатысты деректер жоқ.

Жайылған құрысулар ганцикловир және имипенем/циластатин алған пациенттерде тіркелген. Бұл дәрілік препараттар, егер тек әлеуетті пайдасы асқынулардың даму қаупінен басым түспесе, бір мезгілде тағайындалмауы тиіс. Имипенем/циластатин енгізу құрысу белсенділігінің жоғарылау қаупімен астасқан вальпрой қышқылы сарысулық концентрациясының төмендеуімен қатар жүреді, сондықтан Имипенем+Циластатинмен емделу кезеңінде вальпрой қышқылының сарысулық концентрациясына мониторинг жасау ұсынылады. Имипенем+Циластатинді басқа антибиотиктермен бір шприцте араластыруға болмайды, бұл ретте басқа антибиотиктермен (аминогликозидтермен) бір мезгілде, бірақ оқшау енгізуге рұқсат етілген. Пероральді антикоагулянттар Антибиотиктерді варфаринмен бір мезгілде енгізу соңғысының антикоагулянттық әсерін арттыруы мүмкін. Дәл сол уақытта антибиотиктер алған пациенттерде ішуге арналған антикоагулянттар, соның ішінде варфариннің коагуляцияға қарсы әсерінің артуы жөнінде көптеген хабарламалар бар. Қауіптер инфекцияның түріне, пациенттің жасы мен жалпы ахуалына қарай өзгеруі мүмкін, сондықтан антибиотиктің ХҚҚ (халықаралық қалыптасқан қатынас) артуындағы үлесін бағалау қиын. Антибиотиктерді антикоагулянттардың ішуге арналған түрлерімен бірге енгізу кезінде және одан кейін бірден ХҚҚ бақылауы ерекше жиі ұсынылады. Имипенем/циластатин мен пробенецидті бір мезгілде тағайындау плазмадағы имипенем деңгейінің өте аз ұлғаюына және оның плазмадан жартылай шығарылу кезеңінің ұзаруына алып келеді. Имипенем/циластатин пробенецидпен енгізілгенде белсенді (метаболизденбеген) имипенемнің несепте қалпына келуі шамамен 60% төмендейді. Бір мезгілде имипенем/циластатин және пробенецид қабылдау плазмадағы циластатин деңгейі мен оның жартылай ыдырау кезеңін екі еселейді, бірақ оның несепте қалпына келуіне еш ықпалын тигізбейді.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!