Имипенем+Циластатин порошок 500 мг /500 мг

Бір құтының ішінде Имипенем, циластатин және натрий бикарбонатының стерильді қоспасы, оның ішінде: белсенді заттар: имипенем (сусыз имипенемге шаққанда) 500.0 мг натрий циластатині (циластатинге шаққанда) 500.0 мг қосымша зат - натрий бикарбонаты 20.0 мг Сыртқы түрінің, иісінің, дәмінің сипаттамасы Құтының ішіндегісі – ақтан сәл сарғыш түске дейінгі ұнтақ.

Ересектерде және 1 жастан асқан балаларда инфекциялық ауруларды емдеу: • асқынған интраабдоминалдық инфекциялар; • ауыр пневмония, ауруханалық және ӨЖЖ-астасқан пневмонияны қоса; • интранатальдық және босанудан кейінгі инфекциялар; • несеп шығару жолдарының асқынған инфекциялары; • терінің және жұмсақ тіндердің асқынған инфекциялары; Имипенем+Циластатинді бактериялық инфекциядан күдіктенгенде нейтропениялық қызбасы бар пациенттерді емдегенде пайдалануға болады. Жоғарыда аталған инфекциялардың кез келгенімен байланысты немесе байланысты деп болжанатын бактериемиясы бар пациенттерді емдеу. Бактерияға қарсы дәрілерді тиісінше қолдану жөніндегі ресми ұсынымдарды ескеру керек.

Әсер ету механизмі Имипенем+Циластатин препаратының құрамына 2 компонент кіреді: имипенем және натрий циластатині салмақ бойынша 1:1 арақатынасында. Имипенем (N-формимидоил-тиенамицин) - бұл Streptomyces cattleya жіп тәрізді бактериясы өндіретін бастапқы зат тиенамициннің жартылай синтетикалық туындысы. Имипенем пенициллин байланыстырушы ақуыздармен (ПБА) байланысу салдарынан грамоң және грамтеріс бактериялардың бактериялық жасушалары қабырғасының синтезін тежеу жолымен бактерицидтік әсер етеді. Натрий циластатині дегидропептидаза-I (имипенемді метаболиздейтін және белсенділігін жоятын бүйрек ферменті) бәсекелес, қайтымды және спецификалық тежегіші болып табылады. Оның өзінің бактерияға қарсы белсенділігі жоқ және имипенемнің бактерияға қарсы белсенділігіне әсер етпейді. Басқа бета-лактамды антибиотиктерге қатысты жағдайдағы сияқты, имипенем концентрациясы ЕТТК-ден (Т>ЕТТК) асып кеткен уақыт тиімділікпен өте жақсы өзара байланысады. Резистенттілік механизмі Имипенемге резистенттілік төмендегінің салдарынан байқалуы мүмкін. • Грамтеріс бактериялардың сыртқы жарғақшасы өткізгіштігінің төмендеуі (пориндер өндірілуінің төмендеу себебінен). • ПБА имипенеммен тектестігінің бәсеңдеуі. • Имипенем карбапенемдерді гидролиздейтін салыстырмалы түрде сирек бета-лактамазаларды қоспағанда, грамоң және грамтеріс бактериялар өндіретін пенициллиназалар мен цефалоспориназаларды қоса, көптеген бета-лактамазалардың гидролизіне тұрақты болып табылады. Басқа карбапенемдерге резистентті түрлері, әдетте, имипенемге де төзімді. Нысанаға байланысты, имипенем мен хинолондар, аминогликозидтер, макролидтер мен тетрациклиндер класының препараттары арасында айқаспалы резистенттілік жоқ. Бақылау нүктелері Имипенем үшін ЕТТК EUCAST шектік мәндері мынадай (12.0 нұсқасы, 01.01.2022-ден бастап жарамды): Микроорганизмдердің топтары — Ең төмен тежегіш концентрациялары (мг/л) Сезімтал ≤ — Төзімді> Enterobacterales — 2 — 4 Enterobacterales1 (Morganella morganii, Proteus spp. және Providencia spp.) — 0.001 — 4 Pseudomonas spp. — 0.001 — 4 Acinetobacter spp. — 2 — 4 Staphylococcus spp. — Цефокситинге сезімталдығы негізінде деп болжанады. Enterococcus spp. — 0.001 — 4 Streptococcus A, B, C, G — Бензилпениллинге сезімталдығынан алынған немесе (бензилпенициллинге сезімталдығы негізінде деп болжанады) Streptococcus pneumoniae — 2 — 2 Viridans group streptococci — 2 — 2 Haemophilus influenzae — 2 — 2 Moraxalla catarrhalis2 — 2 — 2 Грамоң анаэробтар, Clostridioides difficile-ден басқа — 2 — 4 Грамтеріс анаэробтар — 2 — 4 Burkholderia pseudomallei — 2 — 2 Non-species related breakpoints3 — 2 — 4 1 Имипенемнің Morganella morganii, Proteus spp. және Providencia түрлеріне қатысты белсенділігі төмен болып келеді және имипенемнің жоғары экспозициясын қажет етеді. 2 Сезімтал емес изоляттар сирек кездеседі немесе олар туралы әлі хабарланбаған. Осындай кез келген изоляттың идентификациялау және микробқа қарсы сезімталдық нәтижелері расталуға тиіс, және изолятты референттік зертханаға жіберу қажет. 3 Түрлерге байланысты емес шектік мәндер негізінен ФК/ФД деректеріне сүйеніп анықталды және нақты түрлердің ЕТТК бөлінуіне байланысты емес. Олар бақылау нүктелерінің шолуында немесе түрлерге байланысты сілтемелерде айтылмаған түрлер үшін ғана пайдалануға арналған. Сезімталдық Жүре пайда болған сезімталдықтың таралуы жекелеген түрлер үшін географиялық тұрғыда және уақыт өте келе өзгеруі мүмкін, сондықтан, әсіресе ауыр инфкцияларды емдеген кезде төзімділік туралы жергілікті ақпарат болғаны дұрыс. Қажет болған жағдайда, егер төзімділіктің жергілікті таралуы инфекциялардың кем дегенде бірнеше типтері үшін препараттың пайдалылығы күмән тудыратындай болса, сарапшының кеңесіне жүгіну керек. Имипенемге сезімтал микроорганизмдер: Грамоң аэробтар: Enterococcus faecalis Staphylococcus aureus (метициллинге сезімтал) * Staphylococcus коагулаза-теріс (метициллинге сезімтал) Streptococcus agalactiae Streptococcus pneumoniae Streptococcus pyogenes Streptococcus viridans тобы Грамтеріс аэробтар: Citrobacter freundii Enterobacter aerogenes Enterobacter cloacae Escherichia coli Haemophilus influenzae Klebsiella oxytoca Klebsiella pneumoniae Moraxella catarrhalis Serratia marcescens Грамоң анаэробтар: Clostridium perfringens** Peptostreptococcus spp.** Грамтеріс анаэробтар: Bacteroides fragilis Bacteroides fragilis тобы Fusobacterium spp. Porphyromonas assaccharolytica Prevotella spp. Veillonella spp. Имипенемге резистентті болуы мүмкін микроорганизмдер: Грамтеріс аэробтар: Acinetobacter baumannii Pseudomonas aeruginosa Имипенемнің әсеріне резистентті микроорганизмдер: Грамоң аэробтар: Enterococcus faecium Грамтеріс аэробтар: Burkholderia cepacia кейбір штаммдары (бұрыннан Pseudomonas cepacia ретінде белгілі) Legionella spp. Stenotrophomonas maltophilia (бұрыннан Xanthomonas maltophilia ретінде белгілі, бұрыннан Pseudomonas maltophilia ретінде белгілі) Басқалары: Chlamydia spp. Chlamydophila spp. Mycoplasma spp. Ureoplasma urealyticum *барлық метициллинге резистентті стафилококктар имипенемге/циластатинге резистентті болып табылады. * * түрсіз шектік концентрациялар (Еуропаның антибиотиктерге сезімталдықты анықтау жөніндегі комитетіне сәйкес) пайдаланылған.

Дозалау режимі Имипенем+Циластатин дозаларын таңдау бойынша ұсынымдар: тәуліктік дозасы инфекцияның типі мен ауырлығына, бөлініп алынған қоздырғышқа (қоздырғыштарға), пациенттің бүйрек функциясы мен дене салмағына байланысты болады. Бүйрек функциясы қалыпты ересек пациенттер Бүйрек функциясы қалыпты (креатинин клиренсі ≥ 90 мл/мин) пациенттер үшін дозалары мынадай: • әр 6 сағат сайын 500 мг/500 мг немесе • әр 8 сағат сайын немесе әр 6 сағат сайын 1000 мг/1000 мг. Анықталған немесе ықтимал себебі бактериялардың сезімталдығы төменірек түрлері (Pseudomonas aeruginosa сияқты) болып табылатын инфекцияларды және ауыр инфекцияларды (мысалы, қызбасы бар пациенттердің нейтропениясында) емдеу үшін 6 сағат сайын 1000 мг/1000 мг дозаны қолдану ұсынылады. Креатинин клиренсі <90 мл / мин болғанда дозаны төмендету қажет (1-кестені қараңыз). Ең жоғары тәуліктік доза тәулігіне 4000 мг/4000 мг аспауы тиіс. Пациенттердің ерекше топтары Бүйрек функциясы бұзылған ересек пациенттер Бүйрек функциясы бұзылған ересек пациенттер үшін төмендетілген дозаны анықтау үшін мыналар қажет: 1. Әдетте бүйрек функциясы қалыпты пациенттерге қолданатын жалпы тәуліктік дозаны анықтау (яғни 2000/2000, 3000/3000 немесе 4000/4000 мг). 2. Пациенттің КК сәйкес төмендетілген дозаны (1-кестені қараңыз) енгізудің қажетті режимін және инфузия жүргізу ұзақтығын таңдау керек («Қолдану тәсілін» қараңыз). 1-кесте Имипенем+Циластатин препаратының бүйрек функциясы бұзылған ересек науқастарға арналған дозалары КК (мл/мин) — Жалпы тәуліктік доза 2000 мг — Жалпы тәуліктік доза 3000 мг — Жалпы тәуліктік доза 4000 мг ≥90 (қалыпты) — 500 Әрбір 6 сағат сайын — 1000 Әрбір 8 сағат сайын — 1000 Әрбір 6 сағат сайын Бүйрек жеткіліксіздігі бар пациентер үшін төмендетілген доза (мг): <90 - ≥60 — 400 Әрбір 6 сағат сайын — 500 Әрбір 6 сағат сайын — 750 Әрбір 8 сағат сайын 60 - ≥30 — 300 Әрбір 6 сағат сайын — 500 Әрбір 8 сағат сайын — 500 Әрбір 6 сағат сайын 30 - ≥15 — 200 Әрбір 6 сағат сайын — 500 Әрбір 12 сағат сайын — 500 Әрбір 12 сағат сайын Креатинин клиренсі < 15 мл/мин пациенттер Егер оларға таяудағы 48 сағат ішінде гемодиализ басталмаса, креатинин клиренсі <15 мл/мин пациенттерге Имипенем+Циластатинді енгізу үшін тағайындамаған жөн. Гемодиализдегі пациенттер Креатинин клиренсі < 15 мл/мин және гемодиализде жүрген пациенттерді емдеу кезінде креатинин клиренсі 15-тен 29 мл/мин дейінгі пациенттерге ұсынылатын дозаларды қолданады (1-кестені қараңыз). Имипенем де, циластатин де гемодиализ жүргізу барысында шығарылады. Пациентке гемодиализ сеансынан кейін бірден Имипенем+Циластатинді енгізу қажет және әрі қарай ол аяқталғаннан кейін 12 сағат сайын енгізу қажет. Гемодиализдегі, әсіресе негізгі ауруы орталық жүйке жүйесінің аурулары болып табылатын пациенттер мұқият қадағалауды талап етеді; Имипенем+Циластатинді мұндай пациенттерге тағайындау күтілетін әсер құрысулардың ықтимал туындау қаупінен басым болған жағдайда ғана ұсынылады. Қазіргі уақытта Имипенем+Циластатин препаратын перитонеалдық диализдегі пациенттерге қолдану бойынша деректер жеткіліксіз, сондықтан оны пациенттердің осы санатын емдеу үшін қолдану ұсынылмайды. Бауыр жеткіліксіздігі Бауыр функциясының бұзылулары бар пациенттер үшін дозаны түзету талап етілмейді . Егде жастағы пациенттер Бүйрек функциясы қалыпты егде жастағы пациенттер үшін дозаны түзету талап етілмейді . 1 жастан бастап балалар > 1 жастағы балалар үшін ұсынылған доза 15/15 немесе 6 сағат сайын 25/25 мг/кг/доза құрайды. Анықталған немесе ықтимал себебі бактериялардың сезімталдығы төменірек түрлері (Pseudomonas aeruginosa сияқты) болып табылатын инфекцияларды және ауыр инфекцияларды (мысалы, қызбасы бар пациенттердің нейтропениясында) емдеу үшін 6 сағат сайын 25 мг/25 мг дозаны қолдану ұсынылады. Балалар популяциясы < 1 жас 1 жасқа дейінгі балаларға дозаны ұсыну үшін клиникалық деректер жеткіліксіз. Бүйрек жеткіліксіздігі бар педиатриялық пациенттер Бүйрек жеткіліксіздігі бар (сарысулық креатинин >2 мг/дл) педиатриялық пациенттерге дозалауды ұсыну үшін клиникалық деректер жеткіліксіз Қолдану тәсілі Вена ішіне қолдануға арналған Имипенем+Циласатин 500 мг/500 мг аспайтын әрбір дозасын 20–30 минут бойы енгізу керек. 500 мг/500 мг асатын әрбір дозаны 40–60 минут бойы енгізу керек. Егер пациентте инфузия кезінде жүрек айнуы пайда болса, препаратты енгізу жылдамдығын төмендету қажет. Вена ішіне инфузияға арналған ерітінді дайындау Вена ішіне инфузияға арналған Имипенем+Циластатинді басқа антибиотиктермен араластыруға немесе қосуға болмайды. НАЗАР АУДАРЫҢЫЗ: Вена ішіне инфузияға арналған Имипенем+Циластатин дәрілік түрі сүт қышқылымен (лактатпен) химиялық тұрғыдан үйлеспейді және құрамында лактат бар еріткіштер негізінде дайындалмауы тиіс. Алайда, Имипенем+Циластатинді құрамында лактат бар еріткіштер енгізілген инфузиялық жүйе арқылы вена ішіне енгізуге болады. Натрий хлоридінің 0.9% ерітіндісін еріткіш ретінде пайдалану ұсынылады. Натрий хлоридінің 0.9% ерітіндісін клиникалық себептер бойынша пайдалану мүмкін емес кезде, 5% глюкоза ерітіндісін немесе құрамында лактат жоқ басқа еріткіштерді пайдалануға болады. Имипенем+Циластатин в/і инфузияға арналған ерітіндісі 2-кестеде ұсынылған нұсқауларға сәйкес дайындалады. 2-кесте. Имипенем+Циластатин в/і инфузияға арналған ерітіндісін дайындау. Доза В/і инфузияға арналған Имипенем+Циластатин дозасы (мг имипенем) — Қосылатын еріткіш көлемі (мл) — В/і инфузияға арналған Имипенем+Циластатин ерітіндісінің орташа концентрациясы (мг/мл имипенем) 500 — 100 — 5 Еріту: Құтының ішіндегісін 10 мл сәйкес келетін еріткіште алдын ала еріту қажет. АЛЫНҒАН ЕРІТІНДІНІ ТІКЕЛЕЙ ЕНГІЗУ ҮШІН ПАЙДАЛАНУҒА БОЛМАЙДЫ! Алынған ерітіндіні ұнтақ толық ерігенге және мөлдір сұйықтық түзілгенге дейін сілку қажет. Ерітіндінің сарыдан түссізге дейін боялу нұсқалары препарат белсенділігіне ықпал етпейді. Содан соң ерітіндіні еріткіштің қалған бөлігімен (90 мл) құтыға немесе контейнерге ауыстырады. Еріткіштің жалпы көлемі – 100 мл. Препаратты құтыға толық ауыстыру үшін қайтадан бұрын алынған ерітіндінің 10 мл қосады, тағы бір рет мұқият сілкиді, содан соң алынған ерітіндінің екеуін де пакетке немесе инфузияға арналған құтыға ауыстырады. Ерітіндінің жалпы көлемі – 100 мл. Дайындалған ерітіндіні дайындағаннан кейін бірден енгізу керек. Енгізу әдісі және жолы Вена ішіне қолдануға арналған Имипенем+Циласатин 500 мг/500 мг аспайтын әрбір дозасын 20–30 минут бойы енгізу керек. 500 мг/500 мг асатын әрбір дозаны 40–60 минут бойы енгізу керек. Егер пациентте инфузия кезінде жүрек айнуы пайда болса, препаратты енгізу жылдамдығын төмендету қажет. Қабылдау уақыты көрсетілген қолданылу жиілігі Қатысты емес Емдеу ұзақтығы Қатысты емес Тоқтату симптомдарының қаупі бар екенін көрсету Қатысты емес. Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданар алдында дәрігерге немесе фармацевтке кеңес алу үшін жүгініңіз.

• белсенді затқа немесе қосымша заттардың кез келгеніне аса жоғары сезімталдық • басқа карбапенемдерге жоғары сезімталдық • басқа бета-лактамдық антибиотиктерге (мысалы, пенициллиндерге немесе цефалоспориндерге) жоғары сезімталдық (мысалы, анафилаксиялық реакциялар, терінің ауыр реакциялары)

реакциялар сипаттамасы және осы жағдайда қабылдау керек шаралар Емдеумен байланысты болуы мүмкін мынадай кең таралған жүйелі жағымсыз реакциялар туралы хабарланған: жүрек айнуы (2,0%), диарея (1,8%), құсу (1,5%), бөртпе (0,9%), қызба (0,5%), артериялық гипотензия (0,4%), құрысулар (0,4%), бас айналу (0,3%), қышыну (0,3%), есекжем (0,2%), ұйқышылдық (0,2%); жергілікті жағымсыз реакциялар: флебит/тромбофлебит (3,1%), инъекция орнындағы ауырсыну (0,7%), инъекция орнындағы эритема (0,4%) және венаның индурациясы (0,2%) болды; сондай-ақ сарысудағы трансаминазалар мен сілтілі фосфатаза деңгейінің жоғарылауы байқалды. Жиі • эозинофилия • тромбофлебит • диарея, жүрек айнуы, құсу. Дәрілік препараттарды қабылдаумен байланысты жүрек айнуы және/немесе құсу имипенем/циластатин қабылдайтын гранулоцитопениясы жоқ пациенттерге қарағанда гранулоцитопениясы бар пациенттерде жиірек туындайды • бөртпе, оның ішінде экзантематозды • қан сарысуында трансаминазалар мен сілтілі фосфатазаның жоғарылауы Жиі емес • панцитопения, нейтропения, лейкопения, тромбоцитопения, тромбоцитоз • психикалық бұзылыстар, елестеулер мен бағдардан адасуды қоса • құрысулар, миоклонустық белсенділік, бас айналу, ұйқышылдық • гипотензия • есекжем, қышыну • қызба, жергілікті ауыру және тығыздану, инъекция орнындағы эритема • тікелей оң Кумбс реакциясы, протромбиндік уақыттың ұзаруы, гемоглобиннің төмендеуі, билирубиннің жоғарылауы, сарысудағы креатининнің және мочевинаның жоғарылауы Сирек • жалған жарғақшалы колит, кандидоз • агранулоцитоз • анафилаксиялық реакциялар • энцефалопатия, парестезия, фокальді тремор, дәм сезудің бұрмалануы • естімей қалу • тілдің және/немесе тістердің боялуы • бауыр жеткіліксіздігі, гепатит • уытты эпидермалық некролиз, ангионевроздық ісіну, Стивенс-Джонсон синдромы, мультиформалы эритема, эксфолиативті дерматит • бүйректің жедел жеткіліксіздігі, oлигурия/анурия, полиурия, несептің түссізденуі (қауіпсіз, гематуриямен шатастыруға болмайды). Имипенем+Циластатин препаратын қолданудың бүйрек функциясының өзгеруіне әсерін бағалау қиын, себебі, әдетте, преренальді азотемияның дамуына немесе бүйрек функциясының бұзылуына бейім факторлар бар болуы Өте сирек • гастроэнтерит • гемолиздік анемия, сүйек кемігі функциясының басылуы • миастенияның өршуі, бас ауыруы • құлақтағы шуыл, бас айналу • цианоз, тахикардия, жүрек қағуы • ысынулар • ентігу, гипервентиляция, тамақтың ауыруы • геморрагиялық колит, іштің ауыруы, қыжыл, глоссит, тіл бүртіктерінің гипертрофиясы, гиперсаливация • шұғыл дамитын гепатит • гипергидроз, тері тарапынан өзгерістер • полиартралгия, омыртқаның кеуде бөлігінің ауыруы • вульва қышынуы • кеудедегі жайсыздық, астения/әлсіздік Белгісіз • қозу, дискинезия Балалар > 3 айлық 178 баланың қатысуымен жүргізілген зерттеулер барысында ересек пациенттерде байқалғандарға толық ұқсайтын жағымсыз реакциялар туралы хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Препараттың жағымсыз әсерлерінің күшеюі, ол мыналарды қамтуы мүмкін: құрысу, сананың шатасуы, тремор, жүрек айнуы, құсу, гипотензия, брадикардия. Емі Имипенем/циластатинмен артық дозалануды емдеу туралы арнайы ақпарат жоқ. Препарат гемодиализ жүргізу кезінде шығарылады, алайда бұл емшараның препарат артық дозаланған кездегі тиімділігі белгісіз. Дәрілік препараттың бір немесе бірнеше дозаларын өткізіп алғанда қажет болатын шаралар Ұмытылған дозаның орнын толтыру үшін екі есе дозаны қабылдамаңыз.

Имипенеммен+Циластатинмен емді карбапенемдерді қолданудың мақсатқа сәйкестігін бағалағаннан кейін, инфекцияның ауырлық дәрежесі, басқа да бактерияға қарсы агенттерге резистенттілік деңгейі және карбапенемдерге төзімді қоздырғыш-микроорганизмдердің болу қаупі сияқты факторларға сүйене отырып бастау керек. Аса жоғары сезімталдық Бета-лактамдық антибиотиктерді қолдана отырып ем қабылдаған пациенттерде аса жоғары сезімталдықтың ауыр және кейде өлімге әкелген реакциялары (анафилаксиялық реакциялар) туралы хабарланған. Бұл реакциялар анамнезінде әртүрлі аллергендерге сезімталдығы бар пациенттерде үлкен ықтималдықпен туындауы мүмкін. Имипенем+Циластатинмен емді бастар алдында карбапенемдерге, пенициллиндерге, цефалоспориндерге, басқа бета-лактамдық антибиотиктерге және басқа да аллергендерге бұрын туындаған аса жоғары сезімталдық реакцияларына қатысты анамнез жинау керек. Имипенем+Циластатинге аллергиялық реакция пайда болғанда емдеуді дереу тоқтату керек. Күрделі анафилаксиялық реакциялар шұғыл медициналық көмек көрсетуді талап етеді. Бауыр функциясы Гепатоуыттылық реакциясының (трансаминаза деңгейінің жоғарылауы, бауыр жеткіліксіздігі және фульминантты гепатит сияқты) даму қаупіне байланысты, Имипенем+Циластатин 500 емдеу барысында бауыр функциясын мұқият мониторингтеу қажет. Бауыр функциясы бұзылған пациенттерде Имипенеммен+Циластатинмен емдеу кезінде бауыр функциясына мұқият мониторинг жүргізу қажет. Дозаларды түзету қажет емес. Гематология Имипенем+Циластатинмен ем жүргізу кезінде Кумбстың тікелей және тікелей емес сынамасына оң реакция дамуы мүмкін. Бактерияға қарсы спектр Қандай да бір эмпирикалық емдеу туралы шешім қабылдау алдында, әсіресе өмірге қауіп төндіретін жағдайларда, Имипенем+Циластатиннің бактерияға қарсы спектріне назар аударған жөн. Оған қоса, мысалы, тері мен жұмсақ тіндердің бактериялық инфекцияларымен астасқан спецификалық патогендердің Имипенем+Циластатинге сезімталдығының шектеулілігіне байланысты, ерекше сақтық шараларын сақтау керек. Имипенем+Циластатин тағайындау патогендердің препаратқа дәлелденген немесе болжамды сезімталдығы жоқ инфекцияларды емдеуде қолданылмайды. Бекітілген көрсетілімдердің құрамында метициллинге резистентті Staphylococcus aureus (MRSA) стафилококктық инфекциясының бар екендігіне күдіктенген немесе бар екендігі дәлелденген кезде метициллинге резистентті стафилококкты бәсеңдету үшін қолайлы антибиотикті бірлестіріп қолдану көрсетілген. Бекітілген көрсетілімдердің құрамында Pseudomonas aeruginosa инфекцияларының бар екендігіне күдіктенген немесе бар екендігі дәлелденген кезде, аминогликозидтерді бірге қолдану көрсетілген. Вальпрой қышқылымен бірге қолдану Имипенем+Циластатин мен вальпрой қышқылының препараттарын бірге қолдану ұсынылмаған. Clostridium difficile Антибиотикпен астасқан колит пен жалған жарғақшалы колиттің жеңілден өмірге қауіп төндіретін ауырлық дәрежесіне дейін дамуы туралы хабарламалар бар, олар Имипенем+Циластатинмен, сондай-ақ басқа да антибиотиктермен емдеу кезінде дамыды. Сондықтан, Имипенем+Циластатинмен емдеу кезінде немесе одан кейін туындаған диареясы бар пациенттерде осы диагнозды ескеру керек. Бұл жағдайда Имипенем+Циластатинді тоқтату және Clostridium difficile тиісті емін тағайындау туралы мәселені қарастыру керек. Перистальтиканы тежейтін препараттарды қолдану ұсынылмайды. Менингит Имипенем+Циластатин менингитті емдеу үшін ұсынылмайды. Бүйрек жеткіліксіздігі Имипенем+Циластатин бүйрек функциясы төмендеген пациенттерде жинақталады, егер доза бүйрек функциясын ескере отырып таңдалмаса, ОЖЖ тарапынан жағымсыз реакциялар туындауы мүмкін. Орталық жүйке жүйесі Миоклонустық белсенділікті, сананың шатасуы мен құрысуларды қоса, әсіресе бүйрек функциясының және дене салмағының жағдайы бойынша ұсынылған дозалардан асырғанда ОЖЖ тарапынан жағымсыз реакциялар туралы хабарламалар алынды. Мұндай жағдайлар анамнездегі ОЖЖ бұзылыстары кезінде (мысалы, мидың зақымдануы немесе құрысулар анамнезі) және/немесе препараттың белсенді компоненттерінің жинақталуы мүмкін бүйрек функциясы бұзылғанда анағұрлым жиі хабарланған. Сондықтан мұндай пациенттерде ұсынылған дозалау сызбасын қатаң ұстану қажет. Анамнезінде құрысу синдромы бар пациенттерде құрысуға қарсы ем жалғастырылуы тиіс. Құрысудың даму қаупінің факторлары болған кезде немесе құрысу шегін төмендететін басқа препараттармен қатарлас емдеген кезде балалардағы неврологиялық симптомдарға немесе құрысуларға ерекше назар аудару керек. Фокальді тремор, миоклонус немесе құрысулар туындаған кезде пациент неврологиялық статусын анықтауды және егер ол әлі қолданылмаса, құрысуға қарсы емді тағайындауды қажет етеді. Егер ОЖЖ тарапынан симптомдар сақталып тұрса, Имипенем+Циластатиннің дозасын азайту немесе тоқтату керек. Креатинин клиренсі <15 мл/мин болатын пациенттер, егер 48 сағат ішінде гемодиализ тағайындалмаса, Имипенем+Циластатинді қабылдауға тиіс емес. Имипенем+Циластатин гемодиализдегі пациенттер үшін емдеудің артықшылығы құрысудың әлеуетті даму қаупінен асатын жағдайларда ғана ұсынылады. Балаларда қолдану 1 жасқа дейінгі балаларға немесе бүйрек жеткіліксіздігі бар балаларға (қан сарысуындағы креатинин > 2 мг/дл) Имипенем+Циластатин препаратын қолдануды ұсыну үшін клиникалық деректер жеткіліксіз («Қолдану кезіндегі қажетті сақтандыру шаралары» бөлімін, «Орталық жүйке жүйесі» кіші бөлімін қараңыз). Имипенем+Циластатин 500 мг/500 мг құрамында 37,5 мг натрий (1,6 ммоль) бар, мұны диетаны таңдау кезінде натрий мөлшерін есептегенде ескеру керек.

Имипенем/циластатинді жүкті әйелдерде пайдалану бойынша сенімді бақыланған зерттеулер жоқ. Буаз маймылдардағы зерттеулер ұрпақ өрбітуге уыттылықты көрсетті. Адам үшін ықтимал қаупі белгісіз. Имипенем+Циластатинді жүктілік кезінде ана үшін емдеудің пайдасы іштегі нәресте үшін әлеуетті қаупін ақтайтын жағдайда ғана қолданған жөн. Имипенем+Циластатин аз мөлшерлерде ана сүтімен бөлініп шығады. Пероральді қабылдаудан кейін кез келген қосылыстың аздаған сіңуі жүзеге асады. Сондықтан, емшек еметін балаға елеулі мөлшерде әсер ету ықтималдығы аз. Егер Имипенем+Циластатин препаратын қолдану қажет болса, емшек емізудің артықшылықтарын және балаға төнетін ықтимал қауіпті салыстыру керек. Еркектердің немесе әйелдердің фертильділік функциясына имипенем/циластатиннің әлеуетті әсер етуіне қатысты деректер жоқ.

Жайылып кеткен құрысулар ганцикловир және имипенем/циластатин алған пациенттерде тіркелген. Бұл дәрілік препараттар, егер тек әлеуетті пайдасы асқынулардың даму қаупінен басым түспесе, бір мезгілде тағайындалмауы тиіс. Вальпрой қышқылы деңгейінің төмендеуі туралы хабарланды, ол вальпрой қышқылын карбапенем препараттарымен бір мезгілде қолданған кезде емдік шегінен төмендеп кетуі мүмкін. Вальпрой қышқылы деңгейінің төмендеуі құрысу белсенділігінің жоғарылау қаупімен астасуы мүмкін; сондықтан имипенемді және вальпрой қышқылын/натрий вальпроатын бір мезгілде қолдану ұсынылмайды және бактерияға қарсы немесе құрысуға қарсы баламалы емді қарастырған жөн. Пероральді антикоагулянттар Антибиотиктерді варфаринмен бір мезгілде енгізу соңғысының антикоагулянттық әсерін арттыруы мүмкін. Дәл сол уақытта антибиотиктер алған пациенттерде пероральді антикоагулянттардың, соның ішінде варфариннің коагуляцияға қарсы әсерінің ұлғайғаны жөнінде көптеген хабарламалар бар. Қауіптер инфекцияның түріне, пациенттің жасы мен жалпы ахуалына қарай өзгеруі мүмкін, сондықтан антибиотиктің ХҚҚ (халықаралық қалыптасқан қатынас) артуындағы үлесін бағалау қиын. ХҚҚ бақылау, әсіресе антибиотиктерді антикоагулянттардың ішуге арналған түрлерімен бірге енгізу кезінде және одан кейін дереу жиі бақылау ұсынылады. Имипенем/циластатин мен пробенецидті бір мезгілде тағайындау плазмадағы имипенем деңгейінің өте аз ұлғаюына және оның плазмадан жартылай шығарылу кезеңінің ұзаруына алып келеді. Имипенем/циластатин пробенецидпен енгізілгенде белсенді (метаболизденбеген) имипенемнің несеппен бөлінуі шамамен дозаның 60%-на төмендейді. Бір мезгілде имипенем/циластатин және пробенецид қабылдау плазмадағы циластатин деңгейі мен оның жартылай ыдырау кезеңін екі еселейді, бірақ оның несеппен бөлінуіне еш ықпалын тигізбейді. Балалар Өзара әрекеттесуінің зерттеулері ересектерде ғана жүргізілген.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!