Индамид таблетки 2.5 мг

Бір таблетканың құрамында белсенді зат - 2.500 мг индапамид (100 % затқа шаққанда) , қосымша заттар: лактоза моногидраты, микрокристалды целлюлоза, повидон (поливинилпирролидон), натрий крахмалы гликоляты, коллоидты кремнийдің қостотығы (аэросил), кальций стеараты қабықтың құрамы: гипромеллоза , полисорбат 80, титанның қостотығы (Е171), вазелин майы. Сыртқы түрінің, иісінің, дәмінің сипаттамасы Ақ немесе ақ дерлік түсті, екі беті дөңес, қабықпен қапталған таблеткалар.

Ересектердегі артериялық гипертензияны емдеу

Әсер ету механизмі Индапамид фармакологиялық тұрғыдан тиазидті диуретиктермен ұқсас индол сақинасы бар сульфонамидті диуретик. Тәулігіне 2,5 мг дозада артериялық гипертензияны емдегенде индапамид гипертензияға қарсы ұзаққа созылатын әсер береді. Фармакодинамикалық әсерлері Доза-әсер зерттеулері ең жоғарғы гипертензияға қарсы әсері препаратты ең төменгі диурездік әсер ететін күніне 2,5 мг дозада қолданғанда байқалатынын көрсетті. Индапамид мына жолдармен қантамыр деңгейінде әсер етеді: • тамырдың тегіс бұлшықеттерінің жиырылу қабілетінің төмендеуі, бұл иондардың (негізінен кальцийдің) жарғақша-арқылы алмасуының өзгерістеріне байланысты; • PGE2 простагландин және PGI2 простациклин синтезін стимуляциялау (вазодилататор және тромбоциттер агрегациясының тежегіші); • тамыр кеңейтетін әсері бар брадикининді күшейту Артериялық гипертензиясы бар науқастардың қатысуымен қысқа, орташа ұзақтықтағы және ұзақ мерзімді зерттеулерде, индапамид: • сол жақ қарынша гипертрофиясын төмендететіні; • липидтер: триглицеридтер, ТТЛП-холестерин және ТЖЛП-холестерин метаболизміне әсер етпейтіні; • тіпті артериялық гипертензиясы бар пациенттерде көмірсулар метаболизміне әсер етпейтіні көрсетілді Артериялық қысымның қалыпқа келуі және микроальбуминурияның едәуір төмендеуі гипертониялық ауруы бар пациенттерде индапамидті ұзақ қабылдағаннан кейін байқалды.

Дозалау режимі Ересектер Доза – құрамында 2,5 мг индапамид бар 1 таблеткадан, күнделікті, дұрысы таңертең қабылдау. Индапамидтің әсері біртіндеп жүреді және артериялық қысымның төмендеуі ем басталғаннан кейін бірнеше ай ішінде жалғасуы және ең жоғарысына жетпеуі мүмкін. Тәуліктік дозаны 2,5 мг-ден асыру ұсынылмайды, анағұрлым жоғары дозалар индапамидтің гипертензияға қарсы әсерін арттырмайды, бірақ оның несеп айдайтын әсерін ұлғайтады. Емдеудің тиімділігі жеткіліксіз болғанда препараттың дозасын ұлғайтпаған жөн, индапамидпен біріктіріп қолданылатын қосымша гипотензияға қарсы дәрі қабылдаған дұрыс; β-адреноблокаторлар, АӨФ тежегіштері, метилдопа, клонидин және басқа да адренергиялық бөгегіш агенттер кіреді. Гипокалиемияны тудыруы мүмкін диуретиктермен индапамидті біріктіріп қабылдау ұсынылмайды. Емді тоқтату «тоқтату» синдромын тудырмайды. Пациенттердің ерекше топтары Бүйрек жеткілікісіздігі бар пациенттер Ауыр бүйрек жеткіліксіздігі кезінде (креатинин клиренсі 30 мл/мин төмен), индапамидті қолдануға болмайды. Тиазидтер және тиазид тәрізді дәрілік препараттар бүйрек функциясы қалыпты немесе шамалы бұзылған кезде ғана толық тиімді. Бауыр жеткілікісіздігі бар пациенттер Бауыр функциясы ауыр бұзылған жағдайда дәрілік препаратты қолдануға болмайды. Егде жастағы пациенттер Егде жастағы пациенттерде плазмадағы креатинин деңгейін жасына, салмағына және жынысына байланысты бағалау керек. Бауыр мен бүйректің қалыпты жұмыс істеуі кезінде немесе олардың функциясы шамалы бұзылғанда ғана индапамидпен емдеуге болады. Педиатриялық популяция Индапамидті тиімділігі мен қауіпсіздігі туралы деректердің болмауына байланысты балалар мен жасөспірімдерге қолданбаған жөн. Енгізу әдісі және жолы Индапамид таблеткалары тек пероральді қолдануға арналған. Дәрілік препараттың бір немесе бірнеше дозасын өткізіп алу кезіндегі қажетті шаралар Ұмытылып қалған дозаның орнын толтыру үшін екі есе дозаны қабылдамаңыз Тоқтату симптомдары қаупінің болуын көрсету Емдеуді тоқтату «тоқтату» синдромын тудырмайды. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында кеңес алу үшін дәрігерге жүгініңіз.

• әсер етуші заты индапамидке және басқа сульфонамидтерге немесе қосымша заттарының кез келгеніне аса жоғары сезімталдық • бүйректің ауыр жеткіліксіздігі • бауыр энцефалопатиясы немесе бауыр функциясының ауыр бұзылуы • гипокалиемия. • жүктілік және бала емізу кезеңі • балалар және 18 жасқа дейінгі жасөспірімдерге

Жиі • аса жоғары сезімталдық реакциясы, макулопапулезді бөртпе • гипокалиемия Жиі емес • гипонатриемия • құсу • пурпура • эректильді дисфункция Сирек • гипохлоремия, гипомагнемия • бас айналуы, шаршағыштық, бас ауыруы, парестезия • жүрек айнуы, іш қатуы, ауыз құрғауы Өте сирек • aгранулоцитоз, аплазиялық анемия, гемолиздік анемия, лейкопения, тромбоцитопения • гиперкальциемия • аритмия • гипотензия • панкреатит • бауыр функциясының бұзылуы • ангионевроздық ісіну, есекжем, уытты эпидермальді некролиз, Стивенс Джонсон синдромы • бүйрек жеткіліксіздігі Белгісіз • естен тану • миопия, бұлыңғыр көру, көрудің бұзылуы, жедел жабықбұрышты глаукома, хориоидальді жалқық • полиморфты қарыншалық «пируэт» типті тахикардия (өліммен аяқталуы мүмкін) • бауыр жеткіліксіздігі жағдайында бауыр энцефалопатиясының туындау мүмкіндігі, гепатит • жүйелі қызыл жегінің қатарлас симптомдары, фотосенсибилизация реакциялары өршуі мүмкін • бұлшықет контрактурасы, бұлшықет әлсіздігі, миалгия, рабдомиолиз • ЭКГ-де QT аралығының ұзаруы, қанда глюкоза деңгейінің жоғарылауы. Қанда несеп қышқылы деңгейінің жоғарылауы, бауыр ферменттері белсенділігінің жоғарылауы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Индапамид 40 мг дейінгі дозада уытты емес. Бұл доза ұсынылған емдік дозадан 16 есе жоғары. Жедел артық дозаланудың клиникалық көрінісі су-электролиттік теңгерімнің бұзылу симптомдарымен (гипонатриемия, гипокалиемия) сипатталады. Клиникалық көріністері жүрек айнуы, құсу, гипотония, құрысулар, бас айналу, ұйқышылдық, сананың шатасуы, полиурия немесе тіпті анурияға дейінгі (гиповолемия жағдайында) олигурия болып табылады. Емі Шұғыл көмек шаралары препаратты организмнен шығару болып табылады: асқазанды шаю және/немесе белсендірілген көмірді тағайындау, кейіннен су-электролиттік теңгерімді қалпына келтіру.

Бауыр жеткіліксіздігі бар пациенттерде тиазид тәрізді диуретик дәрілік препараттар бауыр энцефалопатиясының дамуын жеделдетуі мүмкін. Бауыр энцефалопатиясының симптомдары пайда болған жағдайда индапамидті дереу тоқтату қажет. Фотосенсибилизация Тиазидті және тиазид тәрізді диуретиктерді қабылдау аясында фотосенсибилизация реакцияларының даму жағдайлары туралы хабарланды. Емдеу кезінде фотосенсибилизация реакциялары пайда болған кезде емді тоқтату ұсынылады. Препаратты қайта тағайындау қажет болған жағдайда дененің ашық бөліктерін күн сәулесінен немесе жасанды УК-сәулеленуден қорғаған жөн. Қолдану кезіндегі ерекше сақтық шаралары Су-электролиттік теңгерім Плазмадағы натрий деңгейі Емдеу басталғанға дейін қан плазмасындағы натрий иондарының мөлшерін анықтау қажет. Препаратты қабылдау аясында бұл көрсеткішті үнемі бақылау керек, өйткені қан плазмасындағы натрий мөлшерінің бастапқы төмендеуі патологиялық симптомдардың пайда болуымен қатар жүрмеуі де мүмкін. Барлық диуретиктер кейде аса ауыр салдарларға алып келетін гипонатриемияны туғызуы мүмкін. Гипонатриемия гиповолемиямен дегидратация және ортостаздық гипотензия туындауына әкелуі мүмкін. Хлор иондарының қатар жоғалуы екіншілік компенсаторлық метаболизмдік алкалоз тудыруы мүмкін. Плазмадағы калий деңгейі Тиазидтік және тиазид тәрізді диуретиктерді қолдану кезіндегі негізгі қауіп гипокалиемия туындауымен қан плазмасындағы калий деңгейінің төмендеуі болып табылады. Рабдомиолиз жағдайлары, негізінен аса жоғары гипокалиемия аясында сипатталған. Келесі топтардағы пациенттерде гипокалиемияның (<3,4 ммоль/л) даму қаупінен аулақ болу қажет: егде жастағы, әлсіреген немесе басқа аритмияға қарсы препараттармен және QT аралығын ұзарта алатын препараттармен үйлесімді дәрі-дәрмектік ем алатын, бауыр циррозы, шеткері ісінулері немесе асциті, ишемиялық жүрек ауруы, жүрек жеткіліксіздігі бар пациенттер. Осы топтардағы пациенттердегі гипокалиемия жүрек гликозидтерінің уытты әсерін күшейтеді және аритмияның даму қаупін арттырады. Бұдан өзге, жоғарғы қауіп тобына, QT аралығы ұзарған пациенттер жатады, сонымен қатар бұл ұзаруының туа біткен себептерден немесе дәрілік заттардың әсерінен туындағандығының маңызы жоқ. Брадикардия сияқты, гипокалиемия да, өлімге әкеп соқтыруы мүмкін ауыр аритмиялардың (әсіресе, «пируэт» типті аритмия) дамуына ықпал ететін жағдай болып табылады. Жоғарыда сипатталған жағдайлардың барлығында қан плазмасындағы калий мөлшерін жүйелі түрде бақылап отыру қажет. Калий иондарының мөлшерін алғашқы өлшеуді емдеу басталғаннан кейінгі алғашқы апта ішінде жүргізу қажет. Гипокалиемия пайда болған жағдайда, сәйкесінше ем тағайындалуы тиіс. Гипокалиемияның анықталуы оны түзетуді қажет етеді. Қан сарысуындағы магний концентрациясының төмен болуына байланысты анықталған гипокалиемия, егер қан сарысуындағы магний деңгейіне түзету енгізілмесе, емделуі қиын болуы мүмкін. Плазмадағы магний деңгейі Тиазидтер және олармен байланысты диуретиктер, индапамидті қоса, магнийдің несеппен шығарылуын арттыратыны көрсетілген, бұл гипомагниемияға әкелуі мүмкін Плазмадағы кальций деңгейі Тиазидтік және тиазид тәрізді диуретиктер кальций иондарының бүйрек арқылы шығарылуын азайтып, қан плазмасындағы кальций мөлшерінің елеусіз және уақытша жоғарылауына алып келуі мүмкін. Айқын гиперкальциемия бұрын анықталмаған гиперпаратиреоздың салдары болуы мүмкін. Қалқанша маңы бездерінің функциясын зерттеудің алдында диуретиктік препараттарды қабылдауды тоқтату керек. Қандағы глюкоза мөлшері Қант диабеті бар пациенттерде, әсіресе, гипокалиемия болған жағдайда, қандағы глюкоза концентрациясын бақылау қажет. Несеп қышқылы Подаграсы бар пациенттерде подагра ұстамаларының туындау жиілігі артуы немесе ағымы өршуі мүмкін. Бүйрек функциясы және диуретиктер Тиазидтік және тиазид тәрізді диуретиктер бүйрек функциясы қалыпты немесе болар-болмас қана бұзылған (ересек пациенттерде қан плазмасындағы креатинин концентрациясы 25 мг/л төмен немесе 220 мкмоль/л) пациенттерде ғана толықтай тиімді. Егде жастағы пациенттерде қан плазмасындағы креатинин концентрациясын жас шамасын, дене салмағы мен жынысын ескере отырып, есептеп шығарады. Емдеудің басында пациенттерде, өз кезегінде диуретиктік препараттарды қабылдау аясында сұйықтық пен натрий иондарын жоғалтудан туындаған гиповолемия түрткі болған шумақтық сүзіліс жылдамдығының төмендеуі байқалуы мүмкін екендігін ескеру керек. Соның салдары ретінде, қандағы мочевина мен креатинин концентрациясы жоғарылауы мүмкін. Егер бүйрек функциясы бұзылмаған болса, бүйректің мұндай функционалдық уақытша жеткіліксіздігі, әдетте, салдарсыз жүреді, алайда, бүйрек жеткіліксіздігі бұрыннан бар болса, пациенттің жағдайы нашарлауы мүмкін. Спортшылар Препараттың белсенді заты допингке жүргізілетін тесттердің нәтижелеріне әсер етуі мүмкін. Хориоидальді жалқық, жедел миопия және салдарлы жабық бұрышты глаукома Құрамында сульфонамид немесе сульфонамид туындылары бар препараттар көру өрісінің жоғалуы, өтпелі миопия және жедел жабық бұрышты глаукомасы бар хориоидальді жалқыққа әкелетін идиосинкразиялық реакция тудыруы мүмкін. Симптомдарға көру өткірлігі төмендеуінің жедел басталуы немесе көздің ауыруы жатады, бұл әдетте препаратты қабылдау басталған сәттен бастап бірнеше сағат ішінде аптаға дейін байқалады. Жедел жабық бұрышты глаукоманы емдеудің болмауы көрудің қайтымсыз жоғалуына әкелуі мүмкін. Бастапқы емдеу дәрілік затты қабылдауды шұғыл тоқтатудан тұрады. Бақыланбайтын көзішілік қысым кезінде жедел медициналық немесе хирургиялық емдеу қажет болуы мүмкін. Жедел жабық бұрышты глаукоманың даму қаупінің факторлары анамнезінде сульфонамидке немесе пенициллинге аллергиялық реакциялардың болуын қамтуы мүмкін. Арнайы сақтандырулар Қосымша заттар Препараттың құрамында лактоза бар, сирек кездесетін тұқым қуалайтын галактоза жақпаушылығы, лопарлардағы лактаза тапшылығы немесе глюкоза-галактоза мальабсорбциясы бар пациенттер бұл препаратты қабылдамауы керек Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Индапамид зейінге әсер етпейді, бірақ кейбір пациенттерде, әсіресе емнің басында немесе басқа гипертензияға қарсы дәрімен қатар қолданғанда, артериялық қысымының төмендеуімен байланысты жеке реакциялар байқалуы мүмкін. Нәтижесінде, көлік құралдарын басқару және механизмдермен жұмыс істеу қабілеті бұзылуы мүмкін.

Жүкті әйелдерде индапамидті қолдану туралы деректер жоқ немесе шектелген (300 жағдайдан кем). Жүктіліктің ІІІ триместрінде тиазидтік диуретиктерді ұзақ уақыт қолдану анадағы гиповолемияны және аналық- плацентарлық қан ағынының төмендеуін тудыруы мүмкін, бұл фетоплаценталық ишемияға және шарананың дамуының кідіруіне әкеледі. Сақтық шарасы ретінде жүктілік кезінде Индапамид қолданудан аулақ болу ұсынылады. Қазіргі сәтте индапамидтің немесе оның метаболиттерінің емшек сүтімен бөлінуі туралы сенімді ақпарат жоқ. Нәрестеде сульфонамид және гипокалиемия туындыларына жоғары сезімталдық дамуы мүмкін. Нәрестелерге/сәбилерге қауіпті жоққа шығаруға болмайды. Индапамид құрылымы бойынша тиазидті диуретиктерге жақын, оларды қабылдау емшек сүтінің мөлшерінің азаюын немесе лактацияның бәсеңдеуін тудырады. Индапамидті бала емізу кезеңінде қолдануға болмайды.

Бір мезгілде қолдану ұсынылмайды Литий Индамидті қандағы литий концентрациясының жоғарылауы қаупіне және артық дозалану симптомдарының дамуына байланысты, сондай-ақ, тұзсыз диета кезінде (литийдің несеппен шығарылуы төмендейді) литий препараттарымен бір мезгілде қолдану ұсынылмайды. Мұндай біріктірілімді тағайындау қажет болған жағдайда, қан плазмасындағы литий деңгейін мұқият бақылау және диуретиктердің дозасын түзету керек. Айрықша көңіл бөлуді қажет ететін препараттармен біріктірілімдер Torsades de pointes туындататын жүрек ырғағына әсер ететін препараттар • Ia класты аритмияға қарсы препараттар (хинидин, гидрохинидин, дизопирамид) • III класты аритмияға қарсы препараттар (амиодарон, соталол, дофетилид, ибутилид, бретилий) • кейбір психозға қарсы препараттар: • фенотиазиндер (хлорпромазин, циамемазин, левомепромазин, тиори- дазин, трифторперазин) • бензамидтер (амисульприд, сульпирид, сультоприд, тиаприд) • бутирофенондар (дроперидол, галоперидол) • басқа психозға қарсы препараттар (мысалы, пимозид) • басқа препараттар: бепридил, цизаприд, дифеманил, эритромицин вена ішіне, галофантрин, мизоластин, пентамидин, спарфлоксацин, моксифлоксацин, винкамин вена ішіне, метадон, астемизол, терфенадин. Мұндай біріктірілімді тағайындау алдында калий деңгейін тексереді және қажет болса, соңғысын түзетеді. Пациенттің клиникалық жағдайын, қан плазмасының электролиттерін және ЭКГ бақылау қажет. Гипокалиемия болғанда «пируэт» түріндегі қарыншалық тахикардияны тудырмайтын препараттарды тағайындау керек. Қабынуға қарсы стероидты емес дәрілерді, соның ішінде күніне ≥3г дозадағы ацетилсалицил қышқылын және циклооксигеназа-2 іріктелген тежегіштерін (ЦОГ-2) жүйелі қолдануда. Осы препараттармен бірге қабылдау индапамидтің гипотензиялық әсерін төмендетеді, сусыздануы бар пациенттерде шумақтық сүзілістің төмендеуіне байланысты жедел бүйрек жеткіліксіздігінің даму қаупі артады. Емдеу басталғаннан бастап бүйректің функционалдық белсенділігін қадағалау керек, қажет болса организмнің жеткілікті гидратациясын қамтамасыз еткен жөн. АӨФ тежегіштері Индамид пен АӨФ тежегіштерін бір мезгілде тағайындау, гипонатриемия бар болған жағдайда (әсіресе, бүйрек артериясының стенозы бар пациенттерде) айқын гипотензияның және/немесе бүйректің жедел жеткіліксіздігінің даму қаупін арттырады. Артериялық гипертензиясы бар және қан плазмасындағы натрий иондарының мөлшері диуретиктерді қабылдау салдарынан төмендеуі мүмкін пациенттерге: • АӨФ тежегіштерімен емдеу алдында 3 күн бұрын диуретиктерді қабылдауды тоқтату қажет. Әрі қарай, қажет болса, диуретиктерді қабылдауды қайта бастауға болады. • немесе АӨФ тежегішімен емдеуді төмен дозаларынан бастап, кейіннен қажет болса, дозасын біртіндеп арттыру керек. Жүректің созылмалы жеткіліксіздігі кезінде АӨФ тежегіштерімен емдеуді диуретиктердің дозаларын ықтимал алдын ала төмендетумен төмен дозаларынан бастау керек. Барлық жағдайларда АӨФ тежегіштерін қабылдаудың алғашқы аптасында пациенттерде бүйрек функциясын (қан плазмасындағы креатинин концентрациясын) бақылау қажет. Гипокалиемия туғызуға қабілетті препараттар (венаішілік амфотерицин В, глюко- және минералокортикоидтар жүйелі қолданылған кезде, тетракозактид, стимуляциялайтын іш жүргізгіш дәрілер) Гипокалиемия даму қаупі жоғарылайды (аддитивті әсер). Калий концентрациясын бақылау және, қажет болса, оны түзету керек. Іш жүргізетін дәрілерді тағайындаған кезде ішек моторикасын стимуляциялайтын әсері жоқ препараттарды пайдалану керек. Баклофен Баклофен индапамидтің гипотензиялық әсерінің айқындығын күшейтеді. Бүйректің функционалдық жағдайын бақылау және су теңгерімін түзету қажет. Оймақгүл препараттары Гипокалиемия және/немесе гипомагнемия оймақгүлдің уытты әсерін күшейтеді. Қан плазмасындағы калий, магний деңгейін бақылау және ЭКГ жүргізу және қажет болған жағдайда емді түзету керек. АллопуринолИндапамидпен бір мезгілде қолдану аллопуринолға аса жоғары сезімталдық реакцияларының жиілігін арттыруы мүмкін. Тағайындалуының дұрыстығын мұқият бағалау қажет біріктірілімдер Калий жинақтаушы диуретиктер (амилорид, спиронолактон, триамтерен) Индамидпен біріктіргенде гипокалиемия (әсіресе, бүйрек жеткіліксіздігі немесе қант диабеті бар пациенттерде) немесе гиперкалиемия дамуы мүмкін. Егер қатарлас қолдану көрсетілсе, препараттар аса сақтықпен және сарысудағы калий мөлшері мен ЭКГ жиі мониторингілеумен пайдаланылуы тиіс. Метформин Диуретиктерді, әсіресе, «ілмектіктерді» қабылдау аясында туындауы мүмкін бүйректің функционалдық жеткіліксіздігі, метформинді бір мезгілде тағайындаған кезде сүтқышқылды ацидоздың даму қаупін арттырады. Егер сарысудағы креатинин деңгейі ерлерде 15мг/л (135 мкмоль/л) және әйелдерде - 12мг/л (110 мкмоль/л) артық болса, метформинді қолданбау керек. Құрамында йод бар контрастылы заттар Диуретиктік препараттарды қабылдау аясында организмнің сусыздануы, әсіресе, құрамында йод бар контрастылы заттардың жоғары дозаларын қолданғанда бүйректің жедел жеткіліксіздігінің даму қаупі артады. Құрамында йод бар контрастылы заттарды қолданар алдында, пациенттерге жоғалтқан сұйықтықтың орнын толтыру қажет. Имипрамин тәрізді антидепрессанттар, нейролептиктер Бұл кластардың препараттары индапамидтің гипертензияға қарсы әсерін күшейтеді және ортостаздық гипотензияның қаупін арттырады (аддитивті әсері) Кальций тұздары Бір мезгілде тағайындағанда, кальций иондарының бүйрек арқылы шығарылуының төмендеуі салдарынан, гиперкальциемия дамуы мүмкін. Циклоспорин, такролимус Тіпті, сұйықтық пен натрий иондарының мөлшері қалыпты болса да, айналымдағы циклоспорин концентрациясының өзгеруінсіз, қан плазмасындағы креатинин концентрациясы жоғарылауы мүмкін. Кортикостероидтар, тетракозактид (жүйелі қолданғанда) Гипотензиялық әсерді су мен натрийдің кідіруі есебінен төмендетеді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 30°С-ден аспайтын температурада сақтау керек. Балалардың қолы жетпейтін жерде сақтау керек!