Индап® капсулы 2.5 мг

2.5 мг бір капсуланың құрамында: белсенді зат – индапамид-2.5 мг қосымша заттар: түйіршіктелген микрокристалды целлюлоза, лактоза моногидраты, жүгері крахмалы, магний стеараты, коллоидты кремнийдің қостотығы, индигокармин, титанның қостотығы, желатин. Сыртқы түрінің, иісінің, дәмінің сипаттамасы Корпусы ақ түсті және қақпақшасы көгілдір түсті, № 4 қатты желатинді капсулалар. Капсуланың ішіндегісі – ақ түсті ұнтақ.

- ересектердегі артериялық эссенциалды гипертензияда

Әсер ету механизмі Индапамид - индол сақинасы бар сульфонамидтің туындысы. Фармакологиялық қасиеттері бойынша ол тиазидті диуретиктерге жақын, олар Генле ілмегінің кортикальді сегментінде натрийдің реабсорбциясын тежеу арқылы әрекет етеді. Несеппен натрий мен хлордың және аз мөлшерде калий мен магнийдің шығарылуын арттырады, осылайша диурезді арттырады және гипертензияға қарсы әсер етеді. Фармакодинамикалық әсерлер Зерттеулер көрсеткендей, 2.5 мг тәуліктік дозасы айқын диурездік әсер бермей, гипертензияға қарсы барынша көп әсер етеді. Осы гипертензияға қарсы 2.5 мг дозада индапамид артериялық гипертензиясы бар науқастарда норадреналинге тамырлы гиперреактивтілікті азайтады және жалпы шеткері қарсылық пен артериолалардың кедергісін азайтады. Анефрикалық гипертензиясы бар пациенттерде гипертензияға қарсы тиімділіктің сақталуы гипертензияға қарсы әсердің экстраренальді механизмін растайды. Индапамидтің қан тамырларына әсері мыналарды қамтиды: - иондардың, ең алдымен кальцийдің трансжарғақшалық алмасуымен байланысты қан тамырлары қабырғаларының тегіс бұлшықеттерінің тонусының төмендеуі - вазодилататор және қан пластиналарының агрегациясының тежегіші болып табылатын PGE 2 простагландин мен PGI 2 простациклин синтезін ынталандырудан туындаған вазодилатация - брадикининнің вазодилататорлық әсерінің потенциациясы. Қысқа мерзімді, орта мерзімді және ұзақ мерзімді бақылаулар арқылы гипертензиясы бар пациенттерде индапамид: - кардиомиоциттердің мөлшерін азайту есебінен жүректің сол жақ қарыншасының гипертрофиясын төмендетеді - липидтердің: триглицеридтердің, LDL– холестериндердің және HDL-холестериндердің метаболизміне әсер етпейді - көмірсулар алмасуына, оның ішінде гипертензиясы және қант диабеті бар пациенттерде әсер етпейді. Клиникалық тиімділігі және қауіпсіздігі Тиазид және тиазид тәрізді диуретиктердің белгілі бір дозадан тыс емдік әсері күшейе бермейді, ал жағымсыз әсерлері нашарлайды. Осылайша, емдеу нәтижесіз болған жағдайда дозаны арттыруға болмайды.

Дозалау режимі • Әрқашан препаратты емдеуші дәрігердің немесе дәріхана қызметкерінің ұсыныстарына сәйкес қабылдаңыз. Күмән туындаған жағдайда емдеуші дәрігермен немесе дәріхана қызметкерімен кеңесіңіз. Ересектердегі Индап® препаратының ұсынылатын дозасы - тәулігіне 1 рет 1 капсула (2,5 мг). Индап® моно- және біріктірілген емде де қолданылады. Ең жоғары тәуліктік доза - 2.5 мг 1 капсула. 2.5 мг асатын тәуліктік дозаны арттыру ұсынылмайды. Одан жоғары дозалар индапамидтің гипертензияға қарсы әсерін арттырмайды, бірақ оның несеп айдайтын әсерін арттырады. Енгізу әдісі мен жолы Индап® шайнамай және жеткілікті мөлшерде сумен ішіп ішке қабылдайды. Қабылдау уақыты көрсетілген қолдану жиілігі Индап® тамақ ішуге қарамастан, таңертең таңғы асқа дейін қабылданады.

• индапамидке, басқа сульфонамидтерге немесе "Дәрілік препараттың құрамы" бөлімінде көрсетілген қосымша заттардың кез келгеніне аса жоғары сезімталдық. • бауыр энцефалопатиясы (миға әсер ететін дегенеративті ауру) және бауыр функциясының ауыр бұзылулары • бүйрек функциясы жеткіліксіздігінің ауыр түрі • қандағы калий деңгейінің төмендеуі (гипокалиемия) • жүктілік және бала емізу кезеңі • 18 жасқа дейінгі балалар мен жасөспірімдер.

• Барлық препараттар сияқты Индап® препараты жағымсыз реакциялар туғызуы мүмкін, алайда олар барлық пациенттерде пайда болмайды. • Осы дәрілік препаратты қолдануды тоқтатыңыз және мынадай жағымсыз әсерлер пайда болған жағдайда дереу дәрігерге қаралыңыз: • ангионевроздық ісіну және/немесе есекжем. Ангионевроздық ісіну аяқ-қолдардың немесе беттің терісінің ісінуімен, еріннің немесе тілдің ісінуімен, тамақ немесе тыныс алу жолдарының шырышты қабығының ісінуімен сипатталады, бұл ентігуге немесе жұтудың қиындауына әкеледі. Бұл жағдайда дереу дәрігерге қаралыңыз. (Өте сирек - 10 000-нан 1-ден артық емес пациентте болуы мүмкін.) • терінің ауыр бөртпелері, бүкіл денеде терінің қызаруы, қатты қышыну, күлдіреуіктердің пайда болуы, терінің қабыршықтануы және ісінуі, шырышты қабықтың қабынуы (Стивенс – Джонсон синдромы) сияқты терінің күрделі реакциялары немесе басқа аллергиялық реакциялар. (Өте сирек - 10 000-нан 1-ден артық емес пациентте болуы мүмкін.) • өмірге қауіпті жүрек ырғағының бұзылуы. (Ықтималдығы белгісіз - қолда бар мәліметтер негізінде анықтау мүмкін емес.) • ұйқы безінің қабынуы, бұл іш маңының және арқадағы қатты ауыруды тудыруы мүмкін, содан кейін қатты дімкәстану пайда болады. (Өте сирек - 10 000-нан 1-ден артық емес пациентте болуы мүмкін.) • бауыр функциясының бұзылуынан туындаған мидың зақымдануы (бауыр энцефалопатиясы). (Ықтималдығы белгісіз - қолда бар мәліметтер негізінде анықтау мүмкін емес.) • бауырдың қабынуы (гепатит). (Ықтималдығы белгісіз - қолда бар мәліметтер негізінде анықтау мүмкін емес.) • әлсіздік, құрысулар, ауырсыну сезімталдығы немесе бұлшықет ауыруы, атап айтқанда, егер сіз бір уақытта дімкәстік сезінсеңіз немесе температура жоғары болса, бұл бұлшықет жұмысының бұзылуына байланысты болуы мүмкін. (Жиілігі белгісіз). Дүниежүзілік денсаулық сақтау ұйымының жіктемесіне сәйкес жағымсыз реакциялардың кездесу жиілігі (жағдайлар саны/бақылаулар саны) мынадай градация түрінде ұсынылған: өте жиі (≥ 1/10); жиі (≥1/100 < 1/10 дейін); жиі емес (≥ 1/1000 < 1/100 дейін); сирек (≥1/10000 < 1/1000 дейін); өте сирек (≥1/10000 < 1/1000 дейін); (<1/10 000), белгісіз (қол жетімді мәліметтер бойынша жиілікті есептеу мүмкін емес). Жиі • аллергиялық және демікпе реакцияларға бейім пациенттерде жоғары сезімталдық реакциялары, ең алдымен тері реакциясы -макулопапулярлы бөртпе Жиі емес • құсу • теріге ұсақ дақты қан құйылу (пурпура) • қандағы натрийдің төмен деңгейі, бұл сусыздануға және АҚ төмендеуіне әкелуі мүмкін • импотенция (жыныс мүшесіне эрегацияланған күйде қол жеткізу немесе ұстап тұру мүмкін еместігі) Сирек • қатты қажу, бас ауыруы, ұйып қалу және шаншу сезімі ( парестезия), вертиго • жүрек айнуы, іш қату, ауыздың құрғауы • қандағы хлоридтердің төмен деңгейі • қандағы магнийдің төмен деңгейі Өте сирек • көгеру пайда болуына және мұрыннан қан кетуге әкелетін тромбоциттер санының төмендеуі (тромбоцитопения); түсініксіз қызбаға, тамақтың ауыруына немесе тұмауға ұқсас басқа симптомдарға әкелуі мүмкін лейкоциттер санының төмендеуі (лейкопения/агранулоцитоз) (олар пайда болған жағдайда дәрігерге хабарласыңыз) және эритроциттер санының төмендеуі (гемолиздік анемия) • қандағы кальций деңгейінің жоғарылауы (гиперкальциемия) • жүректің біркелкі емес соғуы (аритмия) • төмен қан қысымы (гипотензия) • естен тану • бүйрек функциясының бұзылуы • егер сіз жүйелі қызыл жегімен ауырсаңыз (дәнекер тінінің ауруы), жай-күйдің нашарлау пайда болуы мүмкін • UVA күн немесе жасанды сәулеленуге жоғары сезімталдық (фотосезімталдық реакциясы) • алыстан көрмеушілік (миопия), бұлыңғыр көру, көру қабілетінің бұзылуы • көздің тамырлы қабығында (хориоидтық жалқық) сұйықтықтың жиналуы, көзішілік қысымның жоғарылауы немесе жедел жабық бұрышты глаукома салдарынан көру өткірлігінің төмендеуі немесе көздің ауыруы • қан талдауларындағы зертханалық параметрлердің өзгеруі - қандағы калийдің төмен деңгейі, қандағы натрийдің төмен деңгейі (дегидратацияға және төмен қан қысымына әкелуі мүмкін), диабеттік пациенттерде қандағы қант деңгейінің жоғарылауы, қандағы несеп қышқылы деңгейінің жоғарылауы (подагра жағдайын тудыруы немесе нашарлатуы мүмкін – буын(-дар) ауруы, ең алдымен табан аумағында), бауыр ферменттері деңгейнің жоғарылауы • ЭКГ-да байқалатын жүректің қалыпты емес белсенділігі. Белгісіз • бауыр функциясының бұзылуы. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланудың жүрек айнуы, құсу, гипотензия, құрысулар, бас айналу, ұйқышылдық, абыржу жай-күйі және абдырау, анурияға өту мүмкіндігі бар полиурия немесе олигурия (гиповолемия нәтижесінде) сияқты көріністері болуы мүмкін. Артық дозаланған жағдайда жедел жәрдем шарасы асқазанды шаю арқылы қабылданған затты (заттарды) тез шығару болып табылады, қажет болған жағдайда – мамандандырылған денсаулық сақтау мекемесінде су-электролит теңгерімін кейіннен қалпына келтіру үшін белсендірілген көмір беру.

Индап® препаратын қолдануды бастамас бұрын, дәрігеріңізбен немесе фармацевтпен кеңесіңіз, егер сізде келесілер болса: • бауыр функциясының бұзылуы, • қант диабеті, • подагра, • жүрек ырғағының бұзылуы, • бүйрек аурулары, • егер сізге қалқанша маңы безінің қызметі туралы зерттеу тағайындалса, • бұлшықет проблемалары, оның ішінде ауырсыну, ауырсыну сезімталдығы, әлсіздік немесе құрысулар, • егер сізде көру қабілетінің нашарлауы немесе көздің ауыруы болса. Бұл көріністер Индап® препаратын қолданғаннан кейін бірнеше сағаттан кейін де, бірнеше аптадан кейін де пайда болуы мүмкін көздің тамырлы қабығындағы сұйықтықтың жиналу симптомдары (хориоидтық жалқық) немесе жоғары көз қысымы болуы мүмкін. Емдеуді дереу тоқтатыңыз, әйтпесе көру қабілетінің қайтымсыз жоғалуы болу мүмкін. Егер сіз бұрын пенициллинге немесе сульфонамидтерге аллергиялық реакция болса, сізде хориоидтық жалқықтың пайда болу қаупі жоғары болуы мүмкін. Күн сәулесіне жоғары сезімталдық жағдайында дәрігерге хабарлаңыз. Емдеу кезінде натрий мен калий деңгейінің төмендеуі және кальций деңгейінің жоғарылауы үшін үнемі қан талдауы жасалады. Кейбір пациенттерде глюкоза мен несеп қышқылының деңгейін бақылау қажет. Спортшылар бұл препараттың құрамында допинг сынағының оң нәтижесін тудыруы мүмкін дәрілік зат бар екенін есте ұстауы керек. Арнайы ескертулер Пациенттердің ерекше топтары Бүйрек функциясының бұзылуы Егер пациентте бүйректің ауыр жеткіліксіздігі (креатинин клиренсі 30 мл/мин-ден аз) болса, онда емдеуге болмайды. Тиазид және тиазид тәрізді диуретиктердің емдік әсері бүйрек функциясы қалыпты немесе шамалы бұзылған жағдайда ғана тиімді болады. Бауыр функциясының бұзылуы Бауырдың ауыр жеткіліксіздігінде емдеуге болмайды. Егде жастағы пациенттер Егде пациенттерде плазмадағы креатинин құрамы көрсеткіштері жасын, дене салмағын және жынысын ескерумен түзетілуі тиіс. Егде жастағы пациенттерді Индап® препаратымен емдеу, егер бүйрек функциясы қалыпты немесе сәл ғана бұзылған жағдайда ғана мүмкін болады. Қосымша заттар • Индап® құрамында лактоза моногидраты бар. • Егер дәрігер сізге кейбір қантқа жақпаушылық бар екенін айтса, осы препаратты қолданар алдында дәрігермен кеңесіңіз. Педиатрияда қолдану Индап® препаратының педиатриялық тәжірибеде қауіпсіздігі мен тиімділігі туралы деректердің жеткіліксіздігін ескере отырып, оны 18 жасқа дейінгі балалар мен жасөспірімдерге тағайындаудан бас тарту ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кейбір пациенттерде, негізінен емдеудің басында немесе қан қысымын төмендетуге арналған басқа дәрілік препараттармен біріктірілімде қан қысымының төмендеуінен туындаған қатты қажу және бас айналу білінуі мүмкін ("Жағымсыз реакциялардың сипаттамасы"бөлімін қараңыз). Мұндай жағдайда көлік құралдарын немесе қауіптілігі зор механизмдерді басқармаңыз және ерекше назар аударуды талап ететін қызметті жүзеге асырмаңыз. Тұрақты бақылау кезінде бұл жағымсыз әсерлер екіталай.

• Егер сіз жүкті болсаңыз немесе бала емізетін болсаңыз, жүкті деп ойласаңыз немесе жүкті болуды жоспарласаңыз, препаратты қолданар алдында дәрігермен немесе фармацевтпен кеңесіңіз. Алдын алу тұрғысынан Индап® препаратын жүктілік кезінде қолдану ұсынылмайды. Егер сіз жүктілікті жоспарласаңыз немесе жүктілік туралы білсеңіз, емдеудің балама түріне (басқа дәрілік препаратқа) көшуді мүмкіндігінше тезірек бастау керек. Егер сіз жүкті болсаңыз немесе жүктілікті жоспарласаңыз, дәрігерге хабарлаңыз. Лактация кезінде индапамидті қолдану туралы ақпарат болмағандықтан, оны емізу кезінде қабылдауға болмайды.

• Дәрігерге немесе фармацевтке соңғы уақытта қабылдаған немесе қабылдаған барлық препараттар туралы хабарлаңыз. • Индап® препаратын литиймен бірге қолдануға болмайды (депрессияны емдеуде қолданылады), өйткені қандағы литий деңгейінің жоғарылау қаупі бар. • Индап® препаратын және басқа дәрілік заттарды бір мезгілде қолданғанда олардың өзара әрекеттесуі мүмкін. Егер сіз келесі дәрілердің бірін қабылдасаңыз, дәрігерге хабарлаңыз: • ауыруға қарсы стероид емес қабынуға қарсы дәрілер (мысалы, ибупрофен) немесе ацетилсалицил қышқылының жоғары дозалары, • тетракозактид (Крон ауруын емдеу үшін), • тітіркендіргіш іш жүргізетін препараттар, • баклофен (шашыраңқы склероз сияқты аурулармен бірге жүретін бұлшықет түйілуін емдеу үшін), • ангиотензин өзгертуші фермент (AӨФ) тежегіштері (жоғары қан қысымы мен жүрек жеткіліксіздігін емдеуде қолданылады), • жүрек ырғағының бұзылуын емдеу үшін қолданылатын дәрілер (мысалы, хинидин, гидрохинидин, дизопирамид, амиодарон, соталол, дофетилид, ибутилид, дигиталис, бретилия тозилаты), • метформин (қант диабетін емдеу үшін), • құрамында йод бар контрастты заттар (рентгенографиялық зерттеу үшін қолданылатын), • депрессия, мазасыздық, шизофрения сияқты психикалық бұзылуларды емдеу үшін қолданылатын дәрілер (мысалы, трициклді антидепрессанттар, селективті серотонинді қайта қармау тежегіштері (циталопрам, эсциталопрам), психозға қарсы препараттар, нейролептиктер (амисульприд, сульпирид, сультоприд, тиаприд, дроперидол, галоперидол)), • кальций таблеткалары немесе құрамында кальций бар басқа биологиялық белсенді қоспалар, • ауыр демікпе мен ревматоидты артритті қоса, әртүрлі күйлерді емдеу үшін қолданылатын пероральді кортикостероидтар, • калий сақтайтын диуретиктер (несеп айдайтын заттар) (амилорид, спиронолактон, триамтерен), • циклоспорин, такролимус немесе ағзаларды транспланттаудан кейін иммундық жүйенің функциясын төмендету үшін, аутоиммундық ауруларды немесе ауыр ревматизмдік немесе тері ауруларын емдеу үшін қолданылатын басқа да дәрілер, • бепридил (стенокардияны емдеу үшін қолданылады - кеудедегі ауырсынудың себебі болып табылатын ауру), • цизаприд, дифеманил (ас қорыту проблемаларын емдеу үшін қолданылады), • инъекция түріндегі спарфлоксацин, моксифлоксацин және эритромицин (инфекцияларды емдеуде қолданылатын антибиотиктер), • инъекция түріндегі винкамин (егде жастағы пациенттердің есте сақтау қабілетінің жоғалуы сияқты когнитивті бұзылыстарының симптомдарын емдеу үшін қолданылады), • галофантрин (безгектің белгілі бір түрлерін емдеу үшін қолданылатын паразитке қарсы дәрі), • пентамидин (өкпенің қабынуының белгілі бір түрлерін емдеу үшін қолданылады), • инъекция түріндегі амфотерицин В (зеңдік ауруларды емдеу үшін қолданылады), • аллергиялық ринит (астемизол, терфенадин, мизоластин) сияқты аллергиялық реакцияларды емдеуге арналған препараттар, • метадон (токсикоманияны емдеу үшін қолданылады), • аллопуринол (подаграны емдеу үшін қолданылады). Тамақ өнімдері немесе сусындар Индап®препаратын қолдануға әсер етпейді.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 15°С-ден 25°С-ге дейінгі температурада сақтау керек. Балалардың қолы жетпейтін жерде сақтау керек!