Индапамид-Тева таблетки 2.5 мг

Бір таблетканың құрамында белсенді зат – индапамид гемигидраты 2,5 мг, қосымша заттар – лактоза моногидраты, жүгері крахмалы, повидон, кальций гидрофосфаты дигидраты, магний стеараты, тальк қабықтың құрамы Опадрай ақ OY-B-28920: поливинил спирті, титанның қостотығы (Е 171), тальк, соя лецитині, ксантан шайыры. Сыртқы түрінің, иісінің, дәмінің сипаттамасы Үлбірлі қабықпен қапталған таблеткалар. Екі беті дөңес, ақ немесе ақ дерлік түсті үлбірлі қабықпен қапталған таблеткалар.

- Индапамид-Тева артериялық гипертензия кезінде 18 жастан асқан ересектерде қолдануға арналған.

Әсер ету механизмі Индапамид индол сақинасы бар тиазидтік емес сульфонамид болып табылады. Диуретик ретінде қолданылады. Күніне 2,5 мг дозада индапамид артериялық гипертензиясы бар пациенттерде артериялық қысымды төмендетеді. Фармакодинамикалық әсерлері Тиімділіктің дозаға тәуелділігін анықтау кезінде күніне 2,5 мг дозада гипотензиялық әсер ең жоғары болып табылатыны, ал диуретикалық әсер субклиникалық болып байқалатыны белгіленді. Индапамид күніне 2,5 мг дозада гипертониялық ауруы бар пациенттерде адреналинге қан тамырларының гиперреактивтілігін азайтады және тамырлардың жалпы шеткері кедергі және артериялық кедергіні азайтады. Гипотензиялық әсерге бүйректен тыс механизм қатысады, бұл бүйрек функциясы жоқ артериялық гипертензиясы бар пациенттерде гипотензиялық әсердің болуымен көрінеді. Индапамидтің тамырлық әсер ету механизмі мыналарды қамтиды: -тасымалдауға әсер ету жолымен тамырлардың тегіс бұлшықет талшықтарының жиырылу қабілетін төмендету (негізінен кальций); -ПГЕ2 простагландин синтезін интенсификациялау нәтижесінде тамырлардың кеңеюі, сондай-ақ тамыр қабырғасын кеңейтетін және тромбоциттер агрегациясын тежейтін ПГИ2 простациклин;; -брадикининнің тамырларды кеңейту әсерін күшейту. Препарат артериялық қысымды біртіндеп төмендетеді. Артериялық гипертензиясы бар пациенттерде ұзақтығы әр түрлі (қысқа, орташа және ұзақ) емдеу курстарын жүргізу кезінде индапамид: -жүректің сол жақ қарыншасы гипертрофиясын азайтады; -липидтердің метаболизміне теріс әсер етпейді: триглицеридтер, ТТЛП-холестерин және ТЖЛП-холестерин; -қант диабетімен ауыратын артериялық гипертензиясы бар пациенттерде де глюкоза метаболизмін бұзбайды. Қанның артериялық қысымының қалпына келуі және микроальбуминурияның едәуір азаюы қант диабетімен ауыратын артериялық гипертензиясы бар пациенттерде индапамидті ұзақ қолданғаннан кейін байқалды. Индапамидті басқа гипертензияға қарсы препараттармен (бета-адреноблокаторлармен, кальций өзекшесін бөгейтін заттармен, ангиотензин-өзгертуші фермент тежегіштерімен) біріктіріп қолдану монотерапия жүргізілген пациенттер тобымен салыстырғанда пайыздық қатынаста көп пациенттер тобында жоғары артериялық қысымды бақылауды жақсартады.

Дозалау режимі Ересектер Тәулігіне бір рет, дұрысы таңертең 1 таблеткадан (2.5 мг). Индапамид-Тева дәрілік препаратының әсері біртіндеп басталады, ең жоғары гипертензияға қарсы әсеріне ем басталғаннан сәттен бастап тек бірнеше ай өткеннен кейін ғана қол жеткізілуі мүмкін. Индапамид-Тева препаратының тәулігіне 2,5 мг асатын дозасын қолдану ұсынылмайды, өйткені бұл ары қарай қанның артериялық қысымының төмендеуіне алып келмейді, ал препараттың диуретикалық әсері күшеюі мүмкін. Егер Индапамид-Тева препаратын күніне бір рет 1 таблеткадан қолдану қан қысымын жеткілікті түрде төмендетпесе, дәрігер басқа гипертензияға қарсы препараттарды тағайындай алады. Индапамид препаратын βадреноблокаторларымен, АӨФ тежегіштерімен, метилдопамен, клонидинмен және басқа адренергиялық рецепторлардың блокаторларымен біріктіріп қолдануға болады. Индапамид препаратын гипокалиемия туындатуы мүмкін диуретиктермен қолдану ұсынылмайды. Индапамид препаратын тоқтатқаннан кейін гипертензия әсері және «рикошет» феномені анықталмаған. Пациенттердің ерекше топтары Бүйрек жеткіліксіздігі бар пациенттер Бүйректің ауыр жеткіліксіздігі кезінде (креатинин клиренсі 30 мл/мин төмен) препаратты қолдануға болмайды. Тиазидті диуретиктер мен тиазид тәрізді дәрілік препараттар бүйрек қалыпты бүйрек функциясында немесе бүйрек функциясы аз дәрежеде бұзылған жағдайда барынша тиімді. Егде жастағы пациенттер Егде жастағы пациенттерде плазмадағы креатинин мөлшерін бағалау кезінде жасын, дене салмағын және жынысын ескеру керек. Егде жастағы пациенттерде бүйрек функциясы бұзылмаған немесе шамалы дәрежеде бұзылмаған болса, Индапамид-Тева препаратын қолдануға болады. Бауыр функциясы бұзылған пациенттер Бауыр функциясының ауыр бұзылулары жағдайында дәрілік препаратты қолдануға болмайды. Балалар мен жасөспірімдер Қауіпсіздік пен тиімділікке қатысты деректердің жоқтығын ескере отырып, препаратты 18 жасқа дейінгі балалар мен жасөспірімдерде қолдану ұсынылмайды. Енгізу әдісі мен жолы Ішке қабылдау үшін. Дәрілік препараттың бір немесе бірнеше дозасын өткізіп алған кездегі қажетті шаралар Препараттың өткізіп алған дозасының орнын толтыру мақсатында қосарлы дозаны қолдануға болмайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Дәрілік затты қабылдамас бұрын дәрігермен немесе фармацевтпен кеңесіңіз.

- әсер етуші затқа, басқа сульфонамидтерге немесе қосымша заттардың кез келгеніне аса жоғары сезімталдық - бүйректің ауыр жеткіліксіздігі - бауырдың ауыр жеткіліксіздігі немесе бауыр энцефалопатиясы - гипокалиемия - лактоза жақпаушылығы, лактаза тапшылығы немесе глюкоза-галактоза сіңуінің бұзылуымен байланысты сирек тұқым қуалайтын аурулар - жүктілік және емізу кезеңі - балалар мен 18 жасқа дейінгі жасөспірімдер - арахиске немесе сояға аллергия Бұл препаратты литиймен біріктіріп қабылдау ұсынылмайды (4.5 бөлімін қараңыз).

Келесі жағымсыз реакциялар анағұрлым жиі хабарланды: гипокалиемия, аллергиялық және демікпелік реакцияларға және макулопапулалық бөртпелерге бейімділігі бар адамдарда, негізінен дерматологиялық, аса жоғары сезімталдық реакциялары. Жиі • жоғары сезімталдық реакциялары • теңбілді-папулалық бөртпе • гипокалиемия Жиі емес • құсу • пурпура • гипонатриемия • эректильді дисфункция Сирек • бас ауыруы, бас айналу, шаршау сезімі • парестезиялар • жүрек айнуы, іш қату, ауыз қуысының құрғауы • гипохлоремия • гипомагниемия Өте сирек • тромбоцитопения, лейкопения, агранулоцитоз, апластикалық анемия, гемолиздік анемия • жүрек ырғағының бұзылуы • артериялық гипотензия • панкреатит • бауыр функциясының бұзылуы • бүйрек жеткіліксіздігі • ангионевроздық ісіну және (немесе) есекжем, уытты эпидермалық некролиз, Стивенс-Джонсон синдромы • гиперкальциемия Белгісіз • естен тану • қатар жүретін жүйелі қызыл жегі симптомдарының өршуі • ЭКГ-да QT аралығының ұзаруы • torsade de pointes өлімге әкелуі мүмкін • бауыр жеткіліксіздігі аясында бауыр энцефалопатиясының дамуы. • гепатит • бауыр ферменттері белсенділігінің артуы • қандағы несеп қышқылы мен глюкоза концентрациясының жоғарылауы • фотосенсибилизация реакциялары • жоғары қысымға байланысты көрудің төмендеуі немесе көздің ауыруы (көздің шырышты қабығында сұйықтық жиналуының мүмкін болатын белгілері (хориоидты жалқық) немесе жедел жабық бұрышты глаукома) Жекелеген жағымсыз реакциялардың сипаттамасы II және III фазалардағы зерттеу кезінде 1.5 және 2.5 мг индапамидті салыстыру кезінде плазмадағы калийді талдау индапамидтің дозаға тәуелді әсерін көрсетті: - Индапамид 1.5 мг: қан плазмасындағы калий концентрациясы <3.4 ммоль/л пациенттердің 10%-ында және емделудің 4-6 аптасынан кейін пациенттердің 4%-ында <3.2 ммоль/л байқалды. 12 аптадан соң қан плазмасындағы калий концентрациясының орташа төмендеуі 0.23 ммоль/л құрады. - Индапамид 2.5 мг: қан плазмасындағы калий концентрациясы <3,4 ммоль/л пациенттердің 25%-ында және емделудің 4-6 аптасынан кейін пациенттердің 10%-ында <3.2 ммоль/л байқалды. 12 аптадан соң қан плазмасындағы калий концентрациясының орташа төмендеуі 0.41 ммоль/л құрады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел улану симптомдары су-электролит теңгерімінің бұзылуына байланысты туындайды (гипонатриемия, гипокалиемия). Жүрек айнуы, құсу, артериялық қысымының төмендеуі, бұлшықет түйілуі, бас айналу, ұйқышылдық, бағдардан адасу, полиурия, анурияға әкелетін олигурия (гиповолемияға байланысты) байқалуы мүмкін. Емдеу: асқазанды шаю, белсендірілген көмірді тағайындау, стационар жағдайында су-электролит теңгерімін түзету.

Индапамид-Тева препаратын қабылдамас бұрын пациент дәрігермен кеңесу керек. Сақтықпен Бауыр мен бүйрек функциясының жеңіл немесе орташа дәрежедегі ауырлықта бұзылуы, су-электролит теңгерімінің бұзылуы, ЭКГ-да QT аралығы ұлғайған пациенттерде қолдану, әлсіреген пациенттерде, QT аралығын ұлғайтуы мүмкін препараттармен бір мезгілде ем алатын пациенттерде дәрілік препараттармен, «пируэт» типті полиморфты қарыншалық тахикардияны туындатуға қабілетті дәрілік препараттармен, литий препараттарымен, гипокалиемияны, жүрек гликозидтерімен, шеткері ісінулер немесе асцит, жүректің ишемиялық ауруы, жүрек жеткіліксіздігі, гиперпаратиреоз, қант диабеті, гиперурикемия және подагра туындатуға қабілетті дәрілік препараттармен қолдану. Фотосезімталдық реакциялары Тиазидті және тиазид тәрізді диуретиктерді қабылдау аясында фотосезімталдық реакцияларының даму жағдайлары хабарланды. Дәрілік препаратты қабылдау аясында фотосезімталдық реакциялары дамыған жағдайда емдеуді тоқтату ұсынылады. Егер диуретикті қайта тағайындау қажет деп танылса, ашық жерлерді күн сәулесінен немесе А типті жасанды ультракүлгін сәулелерден қорғау ұсынылады. Су-электролит теңгерімі Қан плазмасындағы натрий иондарының құрамы Емдеуді бастамас бұрын қан плазмасындағы натрий иондарының концентрациясын анықтау қажет. Препаратты қабылдау аясында бұл көрсеткішті үнемі бақылап отырған жөн. Натрий иондарының концентрациясын үнемі бақылау қажет, өйткені қан плазмасындағы натрий иондары концентрациясының бастапқы төмендеуі асимптоматикалық болуы мүмкін. Бауыр циррозы бар пациенттерді және егде жастағы адамдарды натрий иондары концентрациясын жиі бақылап отыру керек. Кез келген диуретикалық препарат гипонатриемияны тудыруы мүмкін, кейде өте ауыр зардаптарға әкеледі. Гипонатриемия гиповолемиямен бірге дегидратация мен ортостатикалық гипотензияның себебі болуы мүмкін. Қан плазмасындағы хлор иондары концентрациясының қатар төмендеуі қайталама компенсаторлық метаболикалық алкалозға әкелуі ықтимал: бұл әсердің даму жиілігі мен ауырлық дәрежесі шамалы. Қан плазмасындағы калий иондарының құрамы Тиазидті және тиазид тәрізді диуретиктермен емдеу кезінде негізгі қауіп қан плазмасындағы калий концентрациясының төмендеуі және гипокалиемияның дамуы болып табылады. Гипокалиемия бұлшықет бұзылыстарын тудыруы мүмкін. Рабдомиолиз жағдайлары туралы негізінен ауыр гипокалиемия жағдайында хабарланды. Жоғары қауіп тобындағы пациенттерде гипокалиемияның (< 3,4 ммоль/л) дамуын болдырмау қажет: әлсірген және/немесе дәрі-дәрмекпен біріктірілген ем қабылдайтын егде жастағы пациенттер, бауыр циррозы, шеткері ісінулер және асцит бар пациенттер, жүректің ишемиялық ауруы және жүрек жеткіліксіздігі бар пациенттер. Мұндай пациенттердегі гипокалиемия жүрек гликозидтерінің кардиоуыттылғын күшейтеді және аритмияның даму қаупін арттырады. Туа біткен және дәрілік препараттар туындатқан QT аралығының ұзаруы бар пациенттер қауіп тобына жатады. Гипокалиемия, сондай-ақ брадикардия сияқты ауыр аритмияның дамуына ықпал ететін жай-күй болып табылады, атап айтқанда, өлімге әкелуі мүмкін «пируэт» типті полиморфты қарыншалық тахикардия. Жоғарыда сипатталған барлық жағдайларда қан плазмасындағы калий концентрациясын әдеттегіден гөрі жиі бақылап отыру керек. Қандағы калий иондарының концентрациясын алғашқы өлшеуді емдеу басталғаннан кейінгі бірінші аптада жүргізу қажет. Айқындалған гипокалиемия түзетуді қажет етеді. Қан сарысуындағы магнийдің төмен концентрациясымен бірге анықталған гипокалиемия қан сарысуындағы магний деңгейі түзетілгенге дейін емдеуге төзімді болуы мүмкін. Қан плазмасындағы магний мөлшері Тиазидтік және тиазид тәрізді диуретиктер, индапамидті қоса, магнийдің несеппен экскрециясын арттыратыны көрсетілген, бұл гипомагниемияға әкелуі мүмкін. Қан плазмасындағы кальций мөлшері Тиазидті және тиазид тәрізді диуретиктер бүйрекпен кальцийдің шығарылуын азайтып, қан плазмасындағы кальций концентрациясының шамалы және уақытша жоғарылауына әкелуі мүмкін. Нақты гиперкальциемия бұрын диагноз қойылмаған гиперпаратиреоздың салдары болуы мүмкін. Қалқанша маңы бездерінің функциясын зерттемес бұрын диуретикалық препараттарды қабылдауды тоқтату керек. Қан плазмасындағы глюкоза мөлшері Қант диабеті бар пациенттерде, әсіресе гипокалиемия болған кезде қандағы глюкоза концентрациясын бақылау маңызды. Несеп қышқылы Гиперурикемиясы бар пациенттерде подагра ұстамалары ұлғаю қаупінің артуы мүмкін. Диуретикалық препараттар және бүйрек функциясы Тиазидті және тиазид тәрізді диуретиктер бүйрек функциясы қалыпты немесе шамалы бұзылған пациенттерде ғана толық көлемде тиімді (ересек адамдарда қан плазмасындағы креатинин мөлшері 25 мг/л төмен немесе 220 мкмоль/л). Егде жастағы пациенттерде қан плазмасындағы қалыпты креатинин деңгейі жасын, дене салмағын және жынысын ескере отырып есептеледі. Емдеудің басында пациенттерде гиповолемияға байланысты гломерулярлық сүзу жылдамдығының төмендеуі байқалуы мүмкін, бұл өз кезегінде диуретикалық препараттарды қабылдау аясында су мен натрий иондарының жоғалуынан болады. Нәтижесінде қан плазмасында мочевина мен креатинин концентрациясы жоғарылауы мүмкін. Мұндай транзиторлы функционалдық бүйрек жеткіліксіздігінің бүйрек функциясы қалыпты пациенттерде клиникалық маңызы жоқ, алайда емдеу басталғанға дейін болған бүйрек жеткіліксіздігін ушықтыруы мүмкін. Хориоидальді жалқық, жедел миопия және салдарлы жабық бұрышты глаукома Сульфонамидтер немесе оның туындылары көру өрісінің ақауы бар хориоидальді жалқық, өтпелі миопия және жедел жабық бұрышты глаукоманың дамуына әкелетін идиосинкратикалық реакцияның дамуын тудыруы мүмкін. Симптомдарға көру өткірлігінің төмендеуі немесе жедел басталған көздің ауыруы жатады және әдетте препарат қабылдауды бастағаннан кейін бірнеше сағат немесе апта ішінде пайда болады. Емделмеген болса жедел жабық бұрышты глаукома көру қабілетінің қайтымсыз жоғалуына әкелуі мүмкін. Бастапқы ем препаратты мүмкіндігінше тез тоқтатудан тұрады. Егер көзішілік қысым бақыланбайтын болса, дәрі-дәрмекпен шұғыл емдеу немесе хирургиялық араласым қажет болуы мүмкін. Жедел жабық бұрышты глаукоманың даму қаупі факторлары сульфонамидтерге немесе пенициллинге аллергиялық реакциялар болуы мүмкін. Арнайы ескертулер Бауыр жеткіліксіздігі бар пациенттер Бауыр жеткіліксіздігі бар пациентетрде тиазид тәрізді диуретикалық препараттар, әсіресе электролит алмасуы бұзылған жағдайда, бауыр энцефалопатиясының дамуына әкелуі мүмкін. Бауыр энцефалопатиясының симтомдары пайда болған жағдайда диуретикалық препараттар қолдануды дереу тоқтату керек. Спортшылар Спортшылар Индапамид-Тева дәрілік препарат құрамына кіретін әсер етуші заттың допинг-бақылау жүргізу кезінде оң нәтиже беретініне назар аударуы тиіс. Қосымша заттар Сирек кездесетін тұқым қуалайтын галактоза жақпаушылығы, лопарлардың лактаза тапшылығы немесе глюкоза-галактоза мальабсорбциясы бар пациенттерге бұл препаратты қабылдауға болмайды. Индапамид-Тева препаратының құрамында соя лецитині бар. Арахиске немесе сояға аллергиясы бар пациенттерге бұл дәрілік препаратты қабылдамаған жөн. Педиатрияда қолдану Қауіпсіздік пен тиімділікке қатысты деректердің жоқтығын ескере отырып, препаратты 18 жасқа дейінгі балалар мен жасөспірімдерде қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Индапамид-Тева препаратының құрамына кіретін заттардың әсері зейіннің бұзылуына әкелмейді. Алайда, кейбір адамдар артериялық қысымның төмендеуіне жауап ретінде, әсіресе емнің басында немесе емге басқа гипертензияға қарсы препараттарды қосқанда әртүрлі реакциялар дамуы мүмкін. Мұндай жағдайда көлік құралдарын немесе басқа механизмдерді басқару қабілеті бұзылуы мүмкін.

Қазіргі уақытта жүктілік кезінде индапамидті қолдану туралы жеткілікті деректер жоқ (300-ден аз жағдай сипатталған). Тиазидті диуретиктерді жүктіліктің III триместрінде ұзақ уақыт қолдану анадағы гиповолемияны және жатыр-плацентарлық қан ағымының төмендеуін тудыруы мүмкін, бұл фетоплацентарлық ишемияға және шарана дамуының кідіруіне әкеледі. Жануарларды зерттеу репродуктивті функцияға тікелей немесе жанама уытты әсерін анықтамаған. Сақтық шарасы ретінде индапамидті жүктілік кезінде қолданудан аулақ болу ұсынылады. Индапамид немесе оның метаболиттерінің адам емшек сүтіне енуі туралы деректер жеткіліксіз. Жаңа туған нәрестеде сульфонамид туындыларына жоғары сезімталдық және гипокалиемия дамуы мүмкін. Осыған байланысты жаңа туған нәресте/сәбилер үшін қаупін жоққа шығаруға болмайды. Индапамид тиазидті диуретиктерге жақын, оларды қабылдау емшек сүтінің мөлшерін азайтуға немесе тіпті лактацияны басуға әкеледі. Бала емізу кезеңінде индапамидті қолдану ұсынылмайды.

Ұсынылмайтын біріктірілімдер Литий препараттары Индапамид пен литий препараттарын бір мезгілде қолданғанда, сондай-ақ тұзсыз диета ұстанғанда, артық дозалану белгілерінің пайда болуымен қатар жүретін оның экскрециясының төмендеуі салдарынан қан плазмасында литий концентрациясының жоғарылауы байқалуы ықтимал. Қажет болған жағдайда диуретикалық препараттарды литий препараттарымен қолдануға болады, бұл ретте қан плазмасындағы литий құрамын мұқият бақылау және препараттың дозасын тиісінше таңдау керек. Қолдану кезінде сақтықты талап ететін біріктірілімдер : Индапамидпен қолданғанда сақ болу керек Torsade de pointes («пируэт» типті полиморфты қарыншалық тахикардия) туындатуға қабілетті дәрілік препараттар ˗Ia класты аритмияға қарсы препараттар (хинидин, гидрохинидин, дизопирамид); ˗III класты аритмияға қарсы препараттар (амиодарон, соталол, дофетилид, ибутилид, бретилиум); ˗кейбір психозға қарсы препараттар: •фенотиазин туындылары (хлорпромазин, циамемазин, левомепромазин, тиоридазин, трифторперазин), •бензамид туындылары (амисульпирид, сульпирид, сульприд, тиаприд), •бутирофенон туындылары (дроперидол, галоперидол), •психозға қарсы басқа дәрілер (пимозид). Басқа препараттар: бепридил, цизаприд, дифеманил, эритромицин (вена ішіне енгізгенде), галофантрин, мизоластин, пентамидин, спарфлоксацин, моксифлоксацин, винкамин (вена ішіне енгізгенде), метадон, астемизол, терфенадин.. Қарыншалық аритмияның, әсіресе torsade de pointes жоғары қаупі (гипокалиемия бейімдеуші фактор болып табылады). Осы препараттарды қолдану қажет болған жағдайда пациентті гипокалиемияның дамуына бақылау және қажет болған жағдайда калий деңгейін түзету қажет. Плазмадағы электролиттер деңгейін және ЭКГ көрсеткіштерін бақылап отыру қажет. Гипокалиемиясы бар пациенттерде «пируэт» типі бойынша полиморфты қарыншалық тахикардия тудырмайтын препараттарды пайдалану қажет. Селективті циклооксигеназа-2 (ЦОГ-2) тежегіштерін және жоғары дозадағы салицил қышқылын (>3 г/тәулік) қоса, қабынуға қарсы стероидты емес препараттар (жүйелі қолдану үшін): Индапамидтің гипертензияға қарсы әсері азаюы мүмкін. Сусызданған пациенттерде жедел бүйрек жеткіліксіздігінің даму қаупі (шумақтық сүзілудің күрт төмендеуі салдарынан). Емдеу басталғаннан бүйректің функционалдық белсенділігін бақылау және қажет болған жағдайда организмнің жеткілікті гидратациясын қамтамасыз ету керек. Ангиотензин өзгертетін фермент тежегіштері (АӨФ) Гипонатриемия болған кезде (әсіресе бүйрек артериясының стенозы бар пациенттерде) индапамид пен АӨФ тежегіштерін бір мезгілде тағайындау айқын гипотензия және/немесе жедел бүйрек жеткіліксіздігінің даму қаупін арттырады. Индапамидті қабылдағаннан кейін болған гипонатриемия нәтижесінде гипертензия дамыған жағдайда: - АӨФ тежегіштерін тағайындаудан 3 күн бұрын индапамид қабылдауды тоқтату, қажет болған жағдайда калий сақтайтын диуретик қабылдауды қайта бастау; - немесе AӨФ тежегішін қабылдауды аз дозада, оны біртіндеп арттыра отырып бастайды. Пациентте жүрек-қантамырлар жеткіліксіздігі болса, AӨФ тежегіштерін қабылдауды калий сақтайтын диуретиктің дозасын төмендеткеннен кейін өте аз дозадан бастау ұсынылады. Барлық жағдайларда АӨФ тежегіштерімен емдеудің алғашқы апталарында бүйрек функциясын (плазма креатинині) бақылау керек. Индапамидті және калий деңгейін төмендететін препараттарды (вена ішіне B амфотерицин, жүйелі қолдану кезінде глюко - және минералокортикоидтар, тетракозактид, стимуляциялық іш жүргізетін дәрілер) бір мезгілде қолданғанда гипокалиемия (аддитивті әсер) даму қаупі артады. Қандағы калий концентрациясын бақылау және қажет болған жағдайда оны түзету керек. Іш жүргізетін дәрілерді тағайындау қажет болған жағдайда ішек моторикасына көтермелеуші әсері жоқ препараттарды қолдану керек. Баклофен индапамидтің гипотензивті әсерінің ауырлығын күшейтеді (бүйректің функционалды күйін бақылау және су теңгерімін түзету қажет). Назарға алынуы тиіс біріктірілімдер Калий сақтайтын диуретиктер (мысалы, спиронолактон, триамтерен немесе амилорид) индапамидпен біріктірілімде гипокалиемияға (әсіресе бүйрек жеткіліксіздігі немесе қант диабеті бар пациенттерде) немесе гиперкалиемияға әкелуі мүмкін. Егер мұндай біріктірілімді қолдану көрсетілсе, препараттарды өте сақтықпен және қандағы калий мөлшері мен ЭКГ жиі мониторинг жасалып отырылуы тиіс. Оймақгүл препараттары Гипокалиемия және / немесе гипомагниемия, оймақгүл препараттарының уытты әсеріне ықпал етеді. Қандағы калий, магний және ЭКГ деңгейіне мониторинг және қажет болған жағдайда емдеуді түзету ұсынылады. Метформин Метформинді бір мезгілде тағайындағанда диуретиктерді, әсіресе ілмекті диуретіктерді қабылдау аясында пайда болуы мүмкін функционалды бүйрек жеткіліксіздігі сүт қышқылды ацидоздың даму қаупін арттырады. Егер қан плазмасында креатинин концентрациясы еркектерде 15 мг/л (135 мкмоль/л) және әйелдерде 12 мг/л (110 мкмоль/л) жоғары болса, метформинді қолданбаған жөн. Құрамында йод бар контрастылы заттар Диуретиктер тудырған дегидратация аясында, әсіресе құрамында йод бар контрастты заттарды жоғары дозада қатар қолданғанда жедел бүйрек жеткіліксіздігінің даму қаупі жоғарылайды. Құрамында йод бар контрастылы заттарды тағайындағанға дейін пациенттер жоғалтқан сұйықтық орнын толтыруы қажет. Трициклді антидепрессанттар, психозға қарсы дәрілер (нейролептиктер) Осы топтар препараттары индапамидтің гипертензияға қарсы әсерін күшейтеді және ортостатикалық гипотензияның (аддитивті әсер) қаупін арттырады. Кальций тұздары Бір мезгілде тағайындаған кезде бүйрекпен кальций иондары шығарылуының төмендеуі салдарынан гиперкальциемия дамуы мүмкін. Циклоспорин, такролимус Айналымдағы циклоспорин концентрациясын өзгертпестен, тіпті қалыпты мөлшерде сұйықтық пен натрий иондары болса да, қан плазмасындағы креатининнің жоғарылауы мүмкін. Кортикостероидты препараттар, тетракозактид (жүйелі қолдану кезінде) Индапамидтің гипертензияға қарсы әсерінің төмендеуі (кортикостероидтар организмде сұйықтық пен натрийдің іркілуін тудырады).

Сақтау мерзімі Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25ºС -ден аспайтын температурада сақтау керек. Балалардың қолы жетпейтін жерде сақтау керек!