Индапамид таблетки 2.5 мг

Бір таблетканың құрамында белсенді зат - индапамид, 2.5 мг, қосымша заттар - микрокристалды целлюлоза, кросповидон, магний стеараты, қабықтың құрамы SEPIFILM LP770 WHITE: гипромеллоза, микрокристалды целлюлоза, стеарин қышқылы, титанның қостотығы (E171). Сыртқы түрінің, иісінің, дәмінің сипаттамасы Беткейі аздап бұдырланған, екі беті дөңес дөңгелек пішінді, ақ түсті қабықпен қапталған таблеткалар.

Индапамид ересектерде эссенциалдық артериялық гипертензияны емдеу үшін көрсетілген.

ATХ коды C03BA11 Әсер ету механизмі Индапамид индол сақинасы бар тиазидтік емес сульфонамид болып табылады. Диуретик ретінде қолданылады. Күніне 2,5 мг дозада индапамид артериялық гипертензиясы бар пациенттерде артериялық қысымды төмендетеді. Тиімділіктің дозаға тәуелділігін анықтау кезінде күніне 2,5 мг дозада гипотензиялық әсер ең жоғары болып табылатыны, ал диуретикалық әсер субклиникалық болып байқалатыны белгіленді. Индапамид күніне 2,5 мг дозада гипертониялық ауруы бар пациенттерде адреналинге қан тамырларының гиперреактивтілігін азайтады және тамырлардың жалпы шеткері қарсылығын және артериялық қарсылықты азайтады. Гипотензиялық әсерге бүйректен тыс механизм қатысады, бұл туралы бүйрек функциясы жоқ артериялық гипертензиясы бар пациенттерде гипотензивті әсердің болуын растайды. Индапамидтің тамырлық әсер ету механизмі: • тасымалдауға әсер ету жолымен тамырлардың тегіс бұлшықет талшықтарының жиырылу қабілетін төмендету (негізінен кальций); • ПГЕ2 простагландин синтезін интенсификациялау нәтижесінде тамырлардың кеңеюі, сондай-ақ тамыр қабырғасын кеңейтетін және тромбоциттер агрегациясын тежейтін ПГИ2 простациклин; • брадикининнің тамырларға кеңею әсерін күшейту. Фармакодинамикалық қасиеттері Препарат артериялық қысымды біртіндеп төмендетеді. Артериялық гипертензиясы бар пациенттерде ұзақтығы әр түрлі (қысқа, орташа және ұзақ) емдеу курстарын жүргізу кезінде индапамид: • жүректің сол жақ қарыншасының гипертрофиясын азайтады; • липидтердің метаболизміне теріс әсер етпейді: триглицеридтер, ТТЛП-холестерин және ТЖЛП-холестерин; • қант диабетімен ауыратын артериялық гипертензиясы бар пациенттерде де глюкоза метаболизмін бұзбайды. Қанның артериялық қысымының қалпына келуі және микроальбуминурияның едәуір азаюы қант диабетімен ауыратын артериялық гипертензиясы бар пациенттерде индапамидті ұзақ қолданғаннан кейін байқалды. Индапамидті басқа гипертензияға қарсы препараттармен (бета-адреноблокаторлармен, кальций өзекшесін бөгейтін заттармен, ангиотензин-өзгертуші фермент тежегіштерімен) біріктіріп қолдану монотерапия жүргізілген пациенттер тобымен салыстырғанда пайыздық қатынаста көп пациенттер тобында жоғары артериялық қысымды бақылауды жақсартады.

Дозалау режимі Ересектер 1 таблеткадан (2.5 мг) тәулігіне бір рет, таңертең. Индапамид дәрілік препаратының әсері біртіндеп басталады, ең жоғары гипертензияға қарсы әсеріне ем басталғаннан сәттен бастап тек бірнеше ай өткеннен кейін ғана қол жеткізілуі мүмкін. Индапамид препаратының тәулігіне 2,5 мг асатын дозасын қолдану ұсынылмайды, өйткені бұл ары қарай қанның артериялық қысымының төмендеуіне алып келмейді, ал препараттың диуретикалық әсері күшеюі мүмкін. Егер Индапамид препаратын тәулігіне бір рет 1 таблеткадан қолдану артериялық қысымды жеткілікті түрде төмендетпесе, дәрігер басқа гипертензияға қарсы препараттарды тағайындауы мүмкін. Индапамид препаратын βадреноблокаторларымен, АӨФ тежегіштерімен, метилдопамен, клонидинмен және басқа адренергиялық рецепторлардың блокаторларымен біріктіріп қолдануға болады. Индапамид препаратын гипокалиемия туындатуы мүмкін диуретиктермен қолдану ұсынылмайды. Индапамид препаратын тоқтатқаннан кейін гипертензия әсері және «рикошет» феномені анықталмаған. Пациенттердің ерекше топтары Бүйрек жеткіліксіздігі бар пациенттер Бүйректің ауыр жеткіліксіздігінде (креатинин клиренсі 30 мл/мин.) препаратты қолдануға болмайды. Тиазидтік диуретиктер және тиазид тәрізді дәрілік препараттар бүйрек функциясы қалыпты немесе егер бүйрек функциясы аздаған дәрежеде бұзылған болса анағұрлым тиімді. Егде жастағы пациенттер Егде жастағы пациенттерде плазмадағы креатинин мөлшерін бағалағанда жасты, дене салмағын және жынысты ескеру керек. Егер бүйрек функциясы бұзылмаған немесе аз ғана дәрежеде бұзылған болса, егде жастағы пациенттерде Индапамид препаратын қолдануға болады. Бауыр функциясы бұзылған пациенттер Бауыр функциясының ауыр бұзылуы жағдайларында дәрілік препаратты қолдануға болмайды. Балалар мен жасөспірімдер Қауіпсіздікке және тиімділікке қатысты деректердің жоқтығын ескеріп, препаратты балалар мен 18 жасқа дейінгі жасөспірімдерде қолданбаған жөн. Енгізу жолы және тәсілі Ішке қабылдау үшін. Дәрілік препараттың бір немесе бірнеше дозасын жіберіп алған кезде қажетті шаралар Препараттың өткізіп алған дозасын өтеу мақсатында қосарлы дозаны қолдануға болмайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қабылдаудан бұрын дәрігерге немесе фармацевтке хабарласыңыз.

-әсер етуші затқа, сульфонамидтерге немесе қосымша заттардың кез келгеніне аса жоғары сезімталдық • бүйректің ауыр жеткіліксіздігі, анурия • бауыр энцефалопатиясы немесе бауыр функциясының басқа ауыр бұзылулары • гипокалиемия • жүктілік және бала емізу кезеңі • балалар мен 18 жасқа дейінгі жасөспірімдер

Келесі жағымсыз реакциялар туралы жиі хабарланды: гипокалиемия, аса жоғары сезімталдық реакциялары, негізінен дерматологиялық, аллергиялық және демікпелік реакцияларға және макулопапулезді бөртпелерге бейім адамдарда. Жиі • жоғары сезімталдық реакциялары • дақты-папулезді бөртпе • гипокалиемия Жиі емес • құсу • пурпура • гипонатриемия • эректильді дисфункция Сирек • бас ауыруы, бас айналуы, қатты қажу • парестезия • жүрек айнуы, іш қату, ауыздың құрғауы • гипохлоремия • гипомагниемия Өте сирек • тромбоцитопения, лейкопения, агранулоцитоз, аплазиялық анемия, гемолиздік анемия • жүрек ырғағының бұзылуы • артериялық гипотензия • панкреатит • бауыр функциясының бұзылуы • бүйрек жеткіліксіздігі • ангионевроздық ісіну, есекжем, уытты эпидермалық некролиз, Стивенс-Джонсон синдромы • гиперкальциемия Белгісіз • естен тану • жүріп жатқан жедел жүйелі қызыл жегі симптомдары өршуі мүмкін • ЭКГ-да QT аралығының ұзаруы • «пируэт» типті полиморфты қарыншалық тахикардия өлімге әкелуі мүмкін • бауыр жеткіліксіздігі аясында бауыр энцефалопатиясының дамуы мүмкін • гепатит • бауыр ферменттері белсенділігінің жоғарылауы • қандағы несеп қышқылы мен глюкоза концентрациясының жоғарылауы • фотосезімталдық реакциялары • миопия, бұлыңғыр көру, көрудің бұзылулары, көздің қантамырлық қабығында сұйықтықтың жинақталуы (хориоидтық жалқық), жабық бұрышты глаукома ұстамасы) • бұлшықеттің түйілуі, бұлшықеттің әлсіздігі, миалгия, рабдомиолиз Жекелеген жағымсыз реакциялардың сипаттамасы II және III фазалардағы зерттеу кезінде 1.5 және 2.5 мг индапамидті салыстыру кезінде плазмадағы калийді талдау индапамидтің дозаға тәуелді әсерін көрсетті: - Индапамид 1.5 мг: қан плазмасындағы калий концентрациясы <3.4 ммоль/л пациенттердің 10%-ында және емделудің 4-6 аптасынан кейін пациенттердің 4%-ында <3.2 ммоль/л байқалды. 12 аптадан соң қан плазмасындағы калий концентрациясының орташа төмендеуі 0.23 ммоль/л құрады. - Индапамид 2.5 мг: қан плазмасындағы калий концентрациясы <3.4 ммоль/л пациенттердің 25%-ында және емделудің 4-6 аптасынан кейін пациенттердің 10%-ында <3.2 ммоль/л байқалды. 12 аптадан соң қан плазмасындағы калий концентрациясының орташа төмендеуі 0.41 ммоль/л құрады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел улану симптомдары су-электролиттік теңгерімнің бұзылуымен (гипонатриемия, гипокалиемия) байланысты туындайды. Жүрек айнуы, құсу, артериялық қысымның төмендеуі, бұлшықет түйілуі, бас айналуы, ұйқышылдық, бағдарсыздық, полиурия, анурияға әкелетін (гиповолемия салдарынан) олигурия байқалуы мүмкін. Емі: асқазанды шаю, белсендірілген көмір тағайындау, стационар жағдайында су-электролит теңгерімін түзету.

Пациент Индапамид препаратын қабылдамас бұрын дәрігермен кеңесу керек. Хориоидтық жалқық, жедел миопия және салдарлы жабық бұрышты глаукома Егер пациент көру қабілетінің төмендеуін немесе көздің ауырсынуын сезінсе, бұл көздің шырышты қабығында сұйықтықтың жиналу (хориоидтық жалқық) немесе көз қысымының жоғарылау симптомдары болуы мүмкін, олар Индапамид препаратын қабылдау басталған сәттен бастап бірнеше сағаттан бір аптаға дейін байқалуы мүмкін. Емделмеген жағдайда көру қабілетінің қайтымсыз жоғалуы мүмкін. Егер пациентте бұрын пенициллинге немесе сульфонамидке аллергиялық реакция болса, ол хориоидтық жалқықтың даму қаупі жоғары болуы мүмкін. Фотосезімталдық Тиазидтік диуретиктер және әсері ұқсас басқа препараттарды қолданумен байланысты фотосенсибилизация оқиғалары сипатталған. Егер фотосенсибилизация реакциясы емделу уақытында пайда болса дәрілік препаратты тоқтату ұсынылады. Егер диуретикті қайта қолдану қажеттілігі туындаса, күн сәулесінің немесе жасанды ультракүлгін сәулеленудің әсеріне ұшыраған тері беткейін қорғау ұсынылады. Су-электролиттік теңгерім • Плазмадағы натрий мөлшері Препаратпен емді бастар алдында, сосын жүйелі уақытша аралықтарда плазмадағы натрий концентрациясын бақылау қажет. Диуретиктермен кез келген ем гипонатриемияға, кейде оның күрделі салдарына әкелуі мүмкін. Плазмадағы натрий мөлшерінің төмендеуі бастапқы кезеңде симптомсыз болуы мүмкін, сондықтан егде жастағы пациенттерде немесе бауыр циррозы бар пациенттерде жиірек тұрақты бақылау талап етіледі. Барлық диуретик препараттар кейде ауыр салдарларға әкелетін гипонатриемияны туындатуы мүмкін. Гипонатриемия және гиповолемия сусыздануға және ортостаздық гипотензияға әкелуі мүмкін. Хлор иондарын қатарлас жоғалту салдарлы компенсацияланған метаболизмдік алкалозға әкелуі мүмкін; бұл әсердің кездесу жиілігі және айқындық дәрежесі әдетте елеулі емес. • Плазмадағы калий мөлшері Емдеу барысында плазмадағы калий концентрациясын тұрақты бақылау қажет. Калий мөлшерінің төмендеуі және гипокалиемия тиазидтік және тиазид тәрізді диуретиктерді қолдану кезіндегі негізгі қауіп болып табылады. Әсіресе кейбір қауіп тобындағы пациенттерде, мысалы, егде жастағы пациенттер, жүдеген пациенттер, бір уақытта көп дәрілік препараттар алатын пациенттер, бауыр циррозы бар пациенттер, ісінуі және асциті бар пациенттер, жүректің ишемиялық ауруы және жүрек жеткіліксіздігі бар пациенттерде гипокалиемия (<3.4 ммоль/л) дамуының алдын алу керек. Гипокалиемия жағдайында оймақгүл препараттарының кардиоуыттылығының қауіптілігі және жүрек ырғағы бұзылуының пайда болу қаупі жоғарылайды. Қауіп тобында сондай-ақ бұл бұзылыстың туа біткен немесе ятрогенді екендігіне қарамастан QT аралығы ұзарған пациенттер бар. Гипокалиемия да, брадикардия сияқты, жүрек ырғағының күрделі бұзылуының дамуына, әсіресе тахикардияның өлімге апаратын түрі – torsade de pointes ықпал етеді. Жоғарыда көрсетілген барлық жағдайларда плазмадағы калий мөлшерін жиірек мониторингілеу қажет. Плазмадағы калий деңгейін алғашқы анықтауды емдеудің бірінші аптасында орындау қажет. Гипокалиемияны анықтау оны түзетуді қажет етеді. Қан сарысуындағы магний концентрациясының төмен болуына байланысты анықталған гипокалиемия, егер қан сарысуындағы магний деңгейін түзету енгізілмесе, ауыр емделуі мүмкін. • Плазмадағы магний мөлшері Тиазидтер және олармен байланысты диуретиктер, индапамидті қоса, магнийдің несеппен шығарылуын арттыратыны көрсетілген, бұл гипомагниемияға әкелуі мүмкін. • Плазмадағы кальций мөлшері Tиазидтік және тиазид тәрізді диуретиктер аздаған транзиторлық гиперкальциемия тудыра отырып, кальцийдің несеппен шығарылуын төмендетуі мүмкін. Айқын гиперкальциемия анықталмаған гиперпаратиреоздың салдары болуы мүмкін. Мұндай жағдайда емді тоқтату және пациенттің қалқанша маңы безінің функциясына бағалау жүргізу қажет. Қандағы глюкоза мөлшері Қант диабеті бар пациенттерде, әсіресе қатарлас гипокалиемиясы бар пациенттерде қандағы глюкоза деңгейіне мониторинг жүргізу қажет. Несеп қышқылы Гиперурикемиясы бар пациенттерде подагра ұстамалары жиілігінің ұлғаюына әкелу үрдісі бар. Бүйрек функциясы және диуретикалық дәрілік препараттар Tиазидтік және тиазид тәрізді диуретиктер бүйрек функциясы қалыпты немесе оның аздаған бұзылуы (креатинин деңгейі 25 мг/л төмен, яғни ересектерде 220 мкмоль/л) жағдайында ғана тиімді. Креатинин концентрациясының негізінде бүйрек функциясын бағалай келе, пациенттің жасын, жынысын және дене салмағын ескеру қажет. Емнің басында диуретиктер туындатқан судың және натрийдің жойылуымен байланысты гиповолемия шумақтық сүзілістің төмендеуіне әкеледі. Бұл қандағы мочевина және плазмадағы креатинин мөлшерінің жоғарылауына әкелуі мүмкін. Мұндай транзиторлық функционалдық бүйрек жеткіліксіздігі бүйрек функциясы қалыпты пациенттерде салдарсыз өтеді, алайда бұрыннан бар бүйрек жеткіліксіздігін өршітуі мүмкін. Арнайы ескертулер Бауыр жеткіліксіздігі бар пациенттер Бауыр жеткіліксіздігі пациенттерде тиазид тәрізді диуретик дәрілік препараттар бауыр энцефалопатиясының даму қаупін, әсіресе электролиттік алмасу бұзылғанда туындатуы мүмкін. Диуретикалық препараттарды қолдануды бауыр энцефалопатиясының симптомдары пайда болғанда дереу тоқтату керек. Спортсмендер Препарат спортсмендерде допингке қарсы тесттің оң нәтижелерін тудыруы мүмкін. Педиатрияда қолдану Қауіпсіздікке және тиімділікке қатысты деректердің жоқтығын ескеріп, препаратты балалар мен 18 жасқа дейінгі жасөспірімдерде қолданбаған жөн. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Индапамид дәрілік препаратын қолдану уақытында, әсіресе емнің басында немесе басқа гипертензияға қарсы дәрілік препаратты қосымша қолдану кезінде артериялық қысымның төмендеуімен байланысты симптомдар пайда болуы мүмкін. Мұндай жағдайда көлік құралдарын басқару және механизмдерді жөндеу қабілеті бұзылуы мүмкін.

Жалпы қабылданған ережеге сәйкес, жүкті әйелдерде диуретиктерді қолданудан аулақ болу керек. Оларды жүктілік кезінде пайда болатын физиологиялық ісінуді емдеу үшін қолдануға болмайды. Диуретиктер фетоплацентарлы жеткіліксіздікті және шарана дамуының бұзылу қаупін тудыруы мүмкін. Индапамид емшек сүтімен шығарылады. Осы себепті препаратты емшек емізу кезеңінде қолдану ұсынылмайды.

Индапамидпен бір мезгілде қолдануға болмайды Литий: тұзы төмен диета жағдайындағыдай артық дозалану симптомдарымен плазмадағы литий деңгейінің жоғарылауы келеді (литийдің несеппен аз шығаралуы). Егер литий тұздары мен диуретикалық препаратты бір уақытта қолдану қажет болса, плазмадағы литий мөлшерін бақылау және тиісінше дозаны түзету қажет. Индапамидпен қолданғанда сақ болу керек Torsade de pointes типі бойынша аритмия тудыратын препараттар («пируэт» типті полиморфты қарыншалық тахикардия) • Ia класты аритмияға қарсы препараттар (хинидин, гидрохинидин, дизопирамид); • III класты аритмияға қарсы препараттар (амиодарон, соталол, дофетилид, ибутилид, бретилиум); • кейбір психозға қарсы препараттар: • фенотиазин туындылары (хлорпромазин, циамемазин, левомепромазин, тиоридазин, трифторперазин); • бензамид туындылары (амисульпирид, сульпирид, сультоприд, тиаприд); • бутирофенон туындылары (дроперидол, галоперидол); • басқа антипсихотиктер (пимозид). Басқа препараттар: бепридил, цизаприд, дифеманил, эритромицин (вена ішіне енгізгенде), галофантрин, мизоластин, пентамидин, спарфлоксацин, моксифлоксацин, винкамин (вена ішіне енгізгенде), метадон, астемизол, терфенадин. Қарыншалық аритмияның, әсіресе torsade de pointes жоғары қаупі (гипокалиемия бейім фактор болып табылады). Индапамидпен және жоғарыда аталған препараттармен біріктірілген ем тағайындамас бұрын гипокалиемияны анықтау және қажет болған жағдайда түзету жасау мақсатында зерттеу жүргізу керек. Пациенттің клиникалық жағдайын бақылау, қан плазмасындағы электролиттердің деңгейін, ЭКГ көрсеткіштерін бақылау қажет. Гипокалиемия анықталған жағдайда, torsade de pointes қаупін тудырмайтын дәрілік препараттарды қолдану керек. Қабынуға қарсы стероидты емес дәрілік препараттар (жүйелі қолданғанда), оның ішінде циклооксигеназа-2 (ЦОГ-2) селективті тежегіштері және салицилаттардың жоғарғы дозалары (≥3 г/тәул) Индапамидтің гипертензияға қарсы әсері төмендеуі мүмкін. Сусызданған пациенттерде шумақтық сүзілудің төмендеуі салдарынан жедел бүйрек жеткіліксіздігінің даму қаупі бар. Пациенттерге жоғалтқан сұйықтықтың орнын толтыру және емнің басында бүйрек функциясын мұқият бақылау қажет. Ангиотензин-өзгертуші ферменттің (АӨФ) тежегіштері Гипонатриемиясы бар пациенттерге АӨФ тежегіштерін тағайындау (әсіресе бүйрек артериясының стенозы бар пациенттерде) кенеттен болатын артериялық гипотензияның қаупімен және жедел бүйрек жеткіліксіздігінің даму қаупімен байланысты. Артериялық гипертензияда диуретиктермен емдеу натрий тапшылығын тудыруы мүмкін екенін ескере отырып: • АӨФ тежегіштерін қабылдау басталғанға дейін 3 күн бұрын диуретик қолдануды тоқтату, сосын қажет болса, калий жинақтамайтын диуретик қабылдауға оралу немесе • АӨФ тежегіштерімен емдеуді төмен дозадан бастаңыз, сосын оларды біртіндеп арттырыңыз. Созылмалы жүрек жеткіліксіздігінде емді, мүмкіндігінше калий жинақтамайтын диуретик дозасын төмендеткеннен кейін АӨФ тежегіштерінің ең төменгі дозаларынан бастау керек. Барлық жағдайларда АӨФ тежегіштерімен емдеудің алғашқы аптасында бүйрек функциясына мониторинг (қан поазмасындағы креатинин мөлшері) жүргізу қажет. Гипокалиемия тудыратын басқа да дәрілік препараттар: амфотерицин B (вена ішіне енгізгенде), глюкокортикостероидтар және минералокортикостероидтар (жүйелі қолданғанда), тетракозактид, перистальтиканы көтермелейтін іш жүргізетін дәрілік препараттар Гипокалиемияның жоғары даму қаупі (аддитивті әсер). Қан плазмасындағы калий деңгейіне, әсіресе оймақгүл препараттарымен бір мезгілде емдеу кезінде мұқият мониторинг жүргізу және қажет болса оны уақытылы толықтыру қажет. Ішек перистальтикасын көтермелемейтін іш жүргізетін дәрілерді қабылдау ұсынылады. Баклофен Индапамидтің гипертензияға қарсы әсерін күшейтеді. Пациенттің адекватты гидратациясын қамтамасыз ету және емнің басында бүйрек функциясын бақылау қажет. Оймақгүл препараттары Гипокалиемия және/немесе гипомагнемия, оймақгүлдің уытты әсеріне ықпал етеді. Қан плазмасындағы калий мен магний деңгейіне мониторинг жүргізу, ЭКГ бақылау және қажет болса емдеуді түзету ұсынылады. Ерекше назар аударуды қажет ететін біріктірілімдер Аллопуринол Индапамидпен бірге қолдану аллопуринолмен емдеуде аса жоғары сезімталдық реакциясының даму қаупін арттыруы мүмкін. Калий жинақтаушы диуретиктер (амилорид, спиронолактон, триамтерен) Кейбір пациенттер үшін пайдалы осы препараттардың рационалды біріктірілімі гипокалиемияның (әсіресе қант диабеті немесе бүйрек жеткіліксіздігі бар пациенттердің жағдайында) немесе гиперкалиемияның даму қаупін жоққа шығармайды. Плазмадағы калий деңгейін және ЭКГ көрсеткіштерін бақылау, қажет жағдайда емдеу тәсілін қайта қарау қажет. Метформин Диуретиктерді, әсіресе ілмектік диуретиктерді қолдану нәтижесінде бүйрек функциясының ықтимал бұзылуымен байланысты метформин туындатқан лактоацидоздың даму қаупі жоғарылайды. Егер сарысудағы креатинин концентрациясы еркектерде 15 мг/л (135 мкмоль/л) және әйелдерде 12 мг/л (110 мкмоль/л) асатын болса, метформинді қабылдамау керек. Құрамында йод бар рентгенконтрастылы заттар Диуретиктер туындатқан сусыздану жағдайында, әсіресе құрамында йод бар рентгеноконтрастылы заттардың жоғары дозаларын пайдаланғанда жедел бүйрек жеткіліксіздігінің жоғары даму қаупі бар. Құрамында йод бар контрастылы заттарды қолданар алдында пациенттер жоғалтқан сұйықтықтың орнын толтыруы керек. Трициклдік антидепрессанттар, нейролептиктер Гипертензияға қарсы әсердің күшеюі және ортостаздық гипотензияның (аддитивті әсер) пайда болу қаупі. Кальций (кальций тұздары) Бір мезгілде қолданғанда бүйрек арқылы кальций иондары шығарылуының төмендеуіне байланысты гиперкальциемияның дамуы мүмкін. Циклоспорин, такролимус Айналымдағы циклоспорин концентрациясын өзгертпестен, тіпті су мен натрий иондарының жоғалуы болмаса да, қан плазмасындағы креатинин концентрациясы жоғарылауы мүмкін. Кортикостероидтар, тетракозактид (жүйелі қолдану үшін) Гипертензияға қарсы әсердің төмендеуі (кортикостероидтардың әсерінен су мен натрий иондарының іркілуі).

Сақтау мерзімі Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!