Индапамид таблетки 2.5 мг

Бір таблетканың құрамында белсенді зат - индапамид, 2.5 мг, қосымша заттар - микрокристалды целлюлоза, кросповидон, магний стеараты; үлбірлі қабықтың құрамы Сепифильм LP 770 ақ: гипромеллоза, микрокристалды целлюлоза, стеарин қышқылы, титанның қостотығы. Сыртқы түрінің, иісінің, дәмінің сипаттамасы Беткейі аздап бұдырланған, екі беті дөңес дөңгелек пішінді, ақ түсті қабықпен қапталған таблеткалар.

Индапамид ересектерде эссенциалдық артериялық гипертензияны емдеу үшін көрсетілген.

ATХ коды C03BA11 Әсер ету механизмі Индапамид индол сақинасы бар тиазидтік емес сульфонамид болып табылады. Диуретик ретінде қолданылады. Күніне 2,5 мг дозада индапамид артериялық гипертензиясы бар пациенттерде артериялық қысымды төмендетеді. Фармакодинамикалық әсерлері Тиімділіктің дозаға тәуелділігін анықтау кезінде күніне 2,5 мг дозада гипотензиялық әсер ең жоғары болып табылатыны, ал диуретикалық әсер субклиникалық болып байқалатыны белгіленді. Индапамид күніне 2,5 мг дозада гипертониялық ауруы бар пациенттерде адреналинге қан тамырларының гиперреактивтілігін азайтады және тамырлардың жалпы шеткері кедергі және артериялық кедергіні азайтады. Гипотензиялық әсерге бүйректен тыс механизм қатысады, бұл бүйрек функциясы жоқ артериялық гипертензиясы бар пациенттерде гипотензиялық әсердің болуымен көрінеді. Индапамидтің тамырлық әсер ету механизмі мыналарды қамтиды: • тасымалдауға әсер ету жолымен тамырлардың тегіс бұлшықет талшықтарының жиырылу қабілетін төмендету (негізінен кальций); • ПГЕ2 простагландин синтезін интенсификациялау нәтижесінде тамырлардың кеңеюі, сондай-ақ тамыр қабырғасын кеңейтетін және тромбоциттер агрегациясын тежейтін ПГИ2 простациклин;; • брадикининнің тамырларды кеңейту әсерін күшейту. Препарат артериялық қысымды біртіндеп төмендетеді. Артериялық гипертензиясы бар пациенттерде ұзақтығы әр түрлі (қысқа, орташа және ұзақ) емдеу курстарын жүргізу кезінде индапамид: • жүректің сол жақ қарыншасы гипертрофиясын азайтады; • липидтердің метаболизміне теріс әсер етпейді: триглицеридтер, ТТЛП-холестерин және ТЖЛП-холестерин; • қант диабетімен ауыратын артериялық гипертензиясы бар пациенттерде де глюкоза метаболизмін бұзбайды. Қанның артериялық қысымының қалпына келуі және микроальбуминурияның едәуір азаюы қант диабетімен ауыратын артериялық гипертензиясы бар пациенттерде индапамидті ұзақ қолданғаннан кейін байқалды. Индапамидті басқа гипертензияға қарсы препараттармен (бета-адреноблокаторлармен, кальций өзекшесін бөгейтін заттармен, ангиотензин-өзгертуші фермент тежегіштерімен) біріктіріп қолдану монотерапия жүргізілген пациенттер тобымен салыстырғанда пайыздық қатынаста көп пациенттер тобында жоғары артериялық қысымды бақылауды жақсартады.

Дозалау режимі Ересектер Тәулігіне бір рет, таңертең 1 таблеткадан (2.5 мг). Индапамид дәрілік препаратының әсері біртіндеп басталады, ең жоғары гипертензияға қарсы әсеріне ем басталғаннан сәттен бастап тек бірнеше ай өткеннен кейін ғана қол жеткізілуі мүмкін. Индапамид препаратының тәулігіне 2,5 мг асатын дозасын қолдану ұсынылмайды, өйткені бұл ары қарай қанның артериялық қысымының төмендеуіне алып келмейді, ал препараттың диуретикалық әсері күшеюі мүмкін. Егер Индапамид препаратын тәулігіне бір рет 1 таблеткадан қолдану артериялық қысымды жеткілікті түрде төмендетпесе, дәрігер басқа гипертензияға қарсы препараттарды тағайындауы мүмкін. Индапамид препаратын β‑адреноблокаторларымен, ангиотензин өзгертуші фермент (АӨФ) тежегіштерімен, метилдопамен, клонидинмен және басқа адренергиялық рецепторлардың блокаторларымен біріктіріп қолдануға болады. Индапамид препаратын гипокалиемия туындатуы мүмкін диуретиктермен қолдану ұсынылмайды. Индапамид препаратын тоқтатқаннан кейін гипертензия әсері және «рикошет» феномені анықталмаған. Пациенттердің ерекше топтары Бүйрек функциясы бұзылған пациенттер Бүйректің ауыр жеткіліксіздігі бар пациенттерге қолдануға болмайды (креатинин клиренсі 30 мл/мин кем). Тиазидтік және тиазид тәрізді диуретиктер бүйрек функциясы қалыпты немесе оның ең аз бұзылулары бар пациенттерде ғана толық көлемде тиімді. Бауыр функциясы бұзылған пациенттер Бауыр функциясының ауыр бұзылуы бар пациенттерге қолдануға болмайды. Егде жастағы пациенттер Егде жастағы пациенттерде қан плазмасындағы креатинин мөлшерін жасын, дене салмағын және жынысын ескере отырып бақылау жүргізу керек. Индапамидті бүйрек функциясы қалыпты немесе оның ең аз бұзылулары бар егде жастағы пациенттерге тағайындауға болады. Балалар мен жасөспірімдер Балалар мен жасөспірімдерде дәрілік препараттың қауіпсіздігі мен тиімділігі анықталмаған. Деректер жоқ. Қолдану тәсілі Ішке; таблетканы шайнамай, сумен іше отырып, тұтастай жұту керек. Дәрілік препараттың бір немесе бірнеше дозасын өткізіп алған кездегі қажетті шаралар Өткізіп алған дозаның орнын толтыру үшін препараттың екі еселенген дозасын қабылдауға болмайды.

-белсенді затқа, басқа сульфонамидтер туындыларына немесе дәрілік препарат қосымша заттарының кез келгеніне аса жоғары сезімталдық • бүйректің ауыр жеткіліксіздігі • бауыр энцефалопатиясы немесе бауыр функциясының ауыр бұзылуы • гипокалиемия - 18 жасқа дейінгі балалар мен жасөспірімдер - жүктілік және лактация кезеңі

Хабарланған ең жиі жағымсыз реакциялар аллергиялық және демікпелік реакцияларға бейімділігі бар пациенттерде жоғары сезімталдық, негізінен дерматологиялық реакциялар, сондай-ақ макуло-папулездік бөртпе болды. Басқа жағымсыз реакциялар Жиі • жоғары сезімталдық реакциялары, макуло-папулездік бөртпе • гипокалиемия Жиі емес • құсу • пурпура • гипонатриемия • эректильді дисфункция Сирек • бас ауыру, бас айналу, қатты қажу, • парестезиялар • жүрек айнуы, іштің қатуы, ауыздың құрғауы • гипохлоремия, гипомагниемия Өте сирек • тромбоцитопения, лейкопения, агранулоцитоз, аплазиялық анемия, гемолиздік анемия • жүрек ырғағының бұзылуы • артериялық гипотензия • панкреатит • бауыр функциясының бұзылуы • бүйрек жеткіліксіздігі • ангионевроздық ісіну, есекжем, уытты эпидермалық некролиз, Стивенс-Джонсон синдромы • гиперкальциемия Белгісіз • естен тану • бұрыннан бар жедел жүйелі қызыл жегі симптомдарының өршуі • ЭКГ-дағы QT аралығының ұзаруы, torsade de pointes («пируэт»типті полиморфты қарыншалық тахикардия өлімге әкелуі мүмкін • бауыр жеткіліксіздігі аясында бауыр энцефалопатиясының дамуы, гепатит, бауыр ферменттері белсенділігінің жоғарылауы • бұлшықеттер түйілуі, бұлшықет әлсіздігі, миалгия, рабдомиолиз. • қандағы несеп қышқылы мен глюкоза концентрациясының жоғарылауы • фотосезімталдық реакциялары • алыстан көрмеу, бұлыңғыр көру, көру қабілетінің бұзылуы, жоғары қысымға байланысты (көздің тамырлы қабығында сұйықтықтың жиналу симптомы болуы мүмкін (хориоидты жалқық), көру жітілігінің төмендеуі немесе көздің ауыруы, жабық бұрышты глаукома ұстамасы Жекелеген жағымсыз реакциялардың сипаттамасы II және III фазалардағы зерттеу кезінде 1.5 және 2.5 мг индапамидті салыстыру кезінде плазмадағы калийді талдау индапамидтің дозаға тәуелді әсерін көрсетті: - Индапамид 1.5 мг: қан плазмасындағы калий концентрациясы <3.4 ммоль/л пациенттердің 10%-ында және емделудің 4-6 аптасынан кейін пациенттердің 4%-ында <3.2 ммоль/л байқалды. 12 аптадан соң қан плазмасындағы калий концентрациясының орташа төмендеуі 0.23 ммоль/л құрады. - Индапамид 2.5 мг: қан плазмасындағы калий концентрациясы <3,4 ммоль/л пациенттердің 25%-ында және емделудің 4-6 аптасынан кейін пациенттердің 10%-ында <3.2 ммоль/л байқалды. 12 аптадан соң қан плазмасындағы калий концентрациясының орташа төмендеуі 0.41 ммоль/л құрады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Индапамид өте жоғары дозаларда да (40 мг дейін, яғни емдік дозадан 16 есе артық) уытты әсер көрсетпейді. Дәрілік препаратпен жедел улану белгілері ең алдымен су-электролит теңгерімінің бұзылуымен (гипонатриемия, гипокалиемия) байланысты. Артық дозаланудың клиникалық симптомдарынан жүрек айнуы, құсу, артериялық гипотензия, құрысулар, вертиго, ұйқышылдық, сананың шатасуы, полиурия немесе анурияға (гиповолемия салдарынан) ауысуы ықтимал олигурия білінуі мүмкін. Емі: шұғыл көмек шаралары препаратты организмнен тез шығаруға бағытталған: асқазанды шаю және / немесе белсендірілген көмірді тағайындау, содан кейін мамандандырылған бөлімшеде су-электролит теңгерімін қалпына келтіру.

Индапамид препаратын қабылдамас бұрын пациент дәрігермен кеңесу керек. Қолдану кезіндегі ерекше сақтық шаралары Су-электролит теңгерімі Қан плазмасындағы натрий иондарының құрамы Емдеуді бастамас бұрын қан плазмасындағы натрий иондарының концентрациясын анықтау қажет. Препаратты қабылдау аясында бұл көрсеткішті үнемі бақылап отырған жөн. Натрий иондарының концентрациясын үнемі бақылау қажет, өйткені қан плазмасындағы натрий концентрациясының бастапқы төмендеуі асимптоматикалық болуы мүмкін. Бауыр циррозы бар пациенттерді және егде жастағы адамдарды жиі бақылап отыру керек. Кез келген диуретикалық препарат гипонатриемияны тудыруы мүмкін, кейде өте ауыр зардаптарға әкеледі. Гипонатриемия гиповолемиямен бірге дегидратация мен ортостатикалық гипотензияның себебі болуы мүмкін. Қан плазмасындағы хлор иондары концентрациясының қатар төмендеуі салдарлы компенсаторлық метаболизмдік алкалозға әкелуі ықтимал: бұл әсердің даму жиілігі мен ауырлық дәрежесі елеусіз. Қан плазмасындағы калий иондарының мөлшері Тиазидтік және тиазид тәрізді диуретиктермен емдеу кезінде негізгі қауіп қан плазмасындағы калий концентрациясының төмендеуі және гипокалиемияның дамуы болып табылады. Жоғары қауіп тобындағы пациенттерде гипокалиемияның (< 3,4 ммоль/л) дамуын болдырмау қажет: егде жастағы пациенттер, әлсірген және/немесе дәрі-дәрмекпен біріктірілген ем қабылдайтын егде жастағы пациенттер, бауыр циррозы, шеткері ісінулер немесе асцит бар пациенттер, жүректің ишемиялық ауруы, жүрек жеткіліксіздігі бар пациенттерде. Мұндай пациенттердегі гипокалиемия жүрек гликозидтерінің кардиоуыттылғын күшейтеді және аритмияның даму қаупін арттырады. Туа біткен және дәрілік препараттар туындатқан QT аралығының ұзаруы бар пациенттер қауіп тобына жатады. Гипокалиемия, брадикардия сияқты ауыр аритмияның, атап айтқанда «пируэт» типті полиморфты қарыншалық тахикардияның дамуына ықпал ететін жай-күй болып табылады. Жоғарыда сипатталған барлық жағдайларда қан плазмасындағы калий концентрациясын әдеттегіден гөрі жиі бақылап отыру керек. Қан плазмасындағы калий иондарының концентрациясын алғашқы өлшеу ем басталғаннан бастап бірінші аптада орындалуы тиіс. Жоғарыда аталған барлық жағдайларда гипокалиемияны анықтау оны түзетуді қажет етеді. Қан сарысуындағы магнийдің төмен концентрациясына байланысты анықталған гипокалиемия, егер қан сарысуындағы магний деңгейіне түзету енгізілмесе, емделуі нашар жүруі мүмкін. Қан плазмасындағы магний мөлшері Тиазидтер және олармен байланысты диуретиктер, индапамидті қоса, магнийдің несеппен шығарылуын арттыратыны көрсетілген, бұл гипомагниемияға әкелуі мүмкін. Қан плазмасындағы кальций мөлшері Тиазидтік және тиазид тәрізді диуретиктер кальцийдің бүйрекпен шығарылуын төмендетіп, қан плазмасындағы кальций деңгейінің елеусіз және уақытша жоғарылауына әкелуі ықтимал. Айқын гиперкальциемия бұрын анықталмаған гиперпаратиреоздың салдары болуы мүмкін. Қалқанша маңы бездерінің функциясын зерттемес бұрын диуретикалық препараттарды қабылдауды тоқтату керек. Қан плазмасындағы глюкоза мөлшері Қант диабеті бар пациенттерде, әсіресе гипокалиемия болған кезде қандағы глюкоза деңгейін бақылау маңызды. Несеп қышқылы Гиперурикемиясы бар пациенттерде подагра ұстамалары ұлғаю қаупінің артуы мүмкін. Диуретикалық препараттар және бүйрек функциясы Тиазидтік және тиазид тәрізді диуретиктер бүйрек функциясы қалыпты немесе шамалы бұзылған пациенттерде ғана толық көлемде тиімді (ересек адамдарда қан плазмасындағы креатинин мөлшері 25 мг/л төмен немесе 220 мкмоль/л). Егде жастағы пациенттерде қан плазмасындағы қалыпты креатинин деңгейі жасын, дене салмағын және жынысын ескере отырып есептеледі. Емдеудің басында пациенттерде гиповолемияға байланысты гломерулярлық сүзу жылдамдығының төмендеуі байқалуы мүмкін, бұл өз кезегінде диуретикалық препараттарды қабылдау аясында су мен натрий иондарының жоғалуынан болады. Нәтижесінде қан плазмасында мочевина мен креатинин концентрациясы жоғарылауы мүмкін. Мұндай транзиторлық функционалдық бүйрек жеткіліксіздігінің бүйрек функциясы қалыпты пациенттерде клиникалық маңызы жоқ, алайда емдеу басталғанға дейін болған бүйрек жеткіліксіздігін ушықтыруы мүмкін. Хориоидты жалқық / Жедел миопия / Салдарлы жабық бұрышты глаукома Сульфонамидтер мен олардың туындылары идиосинкразиялық реакциялар тудыруы мүмкін, бұл көру аймағында ақауы бар хориоидты жалқықтың дамуына, жедел миопияға және салдарлы жабық бұрышты глаукоманың жедел ұстамасына әкеледі. Симптомдарға мыналар жатады: тиазидтік / тиазид тәрізді диуретикпен емдеу басталғаннан бастап, әдетте, бірнеше сағат немесе апта ішінде білінетін көру өткірлігінің кенеттен төмендеуі немесе көздің ауыруы. Емделмеген болса жедел жабық бұрышты глаукома көру қабілетінің қайтымсыз жоғалуына әкелуі мүмкін. Симптомдар пайда болған кезде тиазидтік / тиазид тәрізді диуретик қабылдауды мүмкіндігінше тез тоқтату қажет. Егер көзішілік қысым бақыланбайтын болса, дәрі-дәрмекпен шұғыл емдеу немесе хирургиялық араласым қажет болуы мүмкін. Жедел жабық бұрышты глаукома даму қаупінің факторлары анамнезінде сульфонамид туындыларына және пенициллинге аллергиялық реакция болып табылады. Фотосезімталдық реакциялары Тиазидтік және тиазид тәрізді диуретиктерді қабылдау аясында фотосезімталдық реакцияларының даму жағдайлары хабарланды. Дәрілік препаратты қабылдау аясында фотосезімталдық реакциялары дамыған жағдайда емдеуді тоқтату ұсынылады. Егер диуретикті қайта тағайындау қажет деп танылса, ашық жерлерді күн сәулесінен немесе А типті жасанды ультракүлгін сәулелерден қорғау ұсынылады. Арнайы ескертулер Спортшылар Спортшылар Индапамид дәрілік препараты құрамына кіретін әсер етуші заттың допинг-бақылау жүргізу кезінде оң нәтиже беретініне назар аударуы тиіс. Бауыр функциясының бұзылуы Бауыр функциясы бұзылған пациенттерде тиазидтік және тиазид тәрізді диуретиктерді тағайындаған кезде, әсіресе су-электролит теңгерімі бұзылған жағдайда, бауыр комасына дейін үдеуі мүмкін бауыр энцефалопатиясының дамуы ықтимал. Бұл жағдайда диуретиктер қолдануды дереу тоқтату керек. Педиатрияда қолдану 18 жасқа дейінгі балалар мен жасөспірімдерде қолдану ұсынылмайды, өйткені мамандандырылған дәрігерлік кеңес қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Индапамид зейіннің бұзылуына әсер етпейді, бірақ кейбір жағдайларда, әсіресе емнің басында немесе жүргізілетін емге басқа гипертензияға қарсы дәрілік препараттар қосылған кезде артериялық қысымның төмендеуімен байланысты реакциялар туындауы мүмкін. Нәтижесінде автомобильді немесе басқа механизмдерді басқару қабілеті бұзылуы мүмкін.

Қазіргі уақытта жүктілік кезінде индапамидті қолдану туралы жеткілікті деректер жоқ (300-ден аз жағдай сипатталған). Тиазидтік диуретиктерді жүктіліктің үшінші триместрінде ұзақ уақыт қолдану анасында гиповолемияны және жатыр-плацентарлық қан ағымының төмендеуін тудыруы мүмкін, бұл фетоплацентарлық ишемияға және шарана дамуының кідіруіне әкеледі. Жануарларды зерттеу репродуктивті функцияға тікелей немесе жанама уытты әсерін анықтамаған. Сақтық шарасы ретінде жүктілік кезінде индапамидті қолданудан аулақ болу ұсынылады. Индапамид немесе оның метаболиттерінің адамда емшек сүтіне енуі туралы деректер жеткіліксіз. Жаңа туған нәрестеде сульфонамид туындыларына және гипокалиемияға жоғары сезімталдық дамуы мүмкін. Осыған байланысты жаңа туған нәресте/сәбилер үшін қаупін жоққа шығаруға болмайды. Индапамид тиазидтік диуретиктерге жақын, оларды қабылдау емшек сүтінің мөлшерін азайтуға немесе тіпті лактацияны басуға әкеледі. Бала емізу кезінде индапамидті қолдануға болмайды. Репродуктивтік уыттылықты зерттеу аналық және аталық егеуқұйрықтар фертильділігіне әсер етпейтінін көрсетті. Болжам бойынша, адамның фертильділігіне әсер етпейді. Препарат ингредиенттерінің гендік уытты және тератогендік әсері туралы деректердің болмауына байланысты оны жүктілік кезінде және бала емізу кезінде қолдану ұсынылмайды. Фертильділікке әсері туралы деректер жоқ.

Индапамидпен бір мезгілде қолдануға болмайды Литий препараттары Индапамид пен литий препараттарын бір мезгілде қолданғанда, сондай-ақ тұзсыз диета ұстанғанда, артық дозалану белгілерінің пайда болуымен қатар жүретін, экскрециясының төмендеуі салдарынан қан плазмасында литий концентрациясының жоғарылауы байқалуы ықтимал. Қажет болған жағдайда диуретикалық препараттарды литий препараттарымен бірге қолдануға болады, бұл ретте қан плазмасындағы литий концентрациясын мұқият бақылау және препараттың дозасын тиісінше таңдау керек. Индапамидпен қолданғанда сақ болу керек Torsade de pointes («пируэт» типті полиморфты қарыншалық тахикардия) туындатуға қабілетті дәрілік препараттар • Ia класты аритмияға қарсы препараттар (хинидин, гидрохинидин, дизопирамид); • III класты аритмияға қарсы препараттар (амиодарон, соталол, дофетилид, ибутилид, бретилиум); • кейбір психозға қарсы препараттар: • фенотиазин туындылары (хлорпромазин, циамемазин, левомепромазин, тиоридазин, трифторперазин), • бензамид туындылары (амисульпирид, сульпирид, сульприд, тиаприд), • бутирофенон туындылары (дроперидол, галоперидол), • психозға қарсы басқа дәрілер (пимозид). Басқа препараттар: бепридил, цизаприд, дифеманил, эритромицин (вена ішіне енгізгенде), галофантрин, мизоластин, пентамидин, спарфлоксацин, моксифлоксацин, винкамин (вена ішіне енгізгенде), метадон, астемизол, терфенадин. Қарыншалық аритмияның, әсіресе torsade de pointes жоғары қаупі (гипокалиемия бейімдеуші фактор болып табылады). Осы препараттарды қолдану қажет болған жағдайда пациентті гипокалиемияның дамуына бақылау және қажет болған жағдайда калий деңгейін түзету қажет. Плазмадағы электролиттер деңгейін және ЭКГ көрсеткіштерін бақылап отыру қажет. Қарыншалық аритмиялардың, атап айтқанда «пируэт» типті полиморфты қарыншалық тахикардия даму қаупінің жоғарылауы (қауіп факторы – гипокалиемия). Индапамидпен және жоғарыда көрсетілген препараттармен біріктірілген ем тағайындар алдында гипокалиемияны анықтау мақсатында зерттеу жүргізу және қажет болған жағдайда түзету жүргізу керек. Пациенттің клиникалық жағдайын бақылау, қан плазмасында электролиттер деңгейін, ЭКГ көрсеткіштерін бақылап отыру қажет. Гипокалиемиясы бар пациенттерде «пируэт» типті полиморфты қарыншалық тахикардия тудырмайтын препараттарды қолдану қажет. Қабынуға қарсы стероидты емес дәрілік препараттар (жүйелі тағайындаған кезде), ЦОГ-2 селективті тежегіштерін қоса, ацетилсалицил қышқылының жоғары дозалары (≥3 г/тәулігіне ) Индапамидтің гипертензияға қарсы әсері төмендеуі мүмкін. Организмдегі сусыздануы бар пациенттерде шумақтық сүзілудің төмендеуіне байланысты жедел бүйрек жеткіліксіздігінің даму қаупі бар. Пациенттер жоғалтқан сұйықтықтың орнын толтыруы және емнің басында бүйрек функциясын мұқият бақылап отыруы қажет. Ангиотензин өзгертуші фермент (АӨФ) тежегіштері Бастапқыда қандағы натрий иондарының концентрациясы төмендеген пациенттерге АӨФ тежегіштерін тағайындау кенеттен артериялық гипотензия және/немесе жедел бүйрек жеткіліксіздігі қаупімен (атап айтқанда, бүйрек артериясының стенозы бар пациенттерде) қатар жүреді. Артериялық гипертензиясы бар және диуретиктерді алдында қолданудың салдарынан қандағы натрий иондары концентрациясы төмендеуі мүмкін пациенттерге: • АӨФ тежегішімен емдеуді бастағанға дейін 3 күн бұрын диуретиктер қабылдауды тоқтату керек. Одан әрі, қажет болған жағдайда, калий жинақтамайтын диуретик қабылдауды қайта бастауға болады; • немесе АӨФ тежегішімен емді төмен дозалардан бастау, қажет болған жағдайда дозаны біртіндеп арттыруға болады. Жүректің созылмалы жеткіліксіздігі кезінде АӨФ тежегіштерімен емдеуді ең төмен дозалардан бастап, калий жинақтамайтын диуретиктің дозасын алдын ала төмендету мүмкіндігімен бастау керек. Барлық жағдайларда, пациенттерде АӨФ тежегіштерін қабылдаудың алғашқы апталарында бүйрек функциясын (қан плазмасындағы креатинин мөлшері) бақылау қажет. Гипокалиемияны туындатуға қабілетті басқа препараттар: амфотерицин B (в/і), глюко - және минералокортикостероидтар (жүйелі қолданған кезде), тетракозактид, ішек моторикасын көтермелейтін іш жүргізетін дәрілер Гипокалиемия даму қаупінің артуы (аддитивті әсер). Қан плазмасындағы калий концентрациясын үнемі бақылап отыру, қажет болған жағдайда оны түзету қажет. Жүрек гликозидтерін бір уақытта қабылдайтын пациенттерге ерекше назар аудару керек. Ішек моторикасын көтермелейтін іш жүргізетін дәрілерді пайдалану ұсынылады. Баклофен Гипотензивті әсердің күшеюі байқалады. Пациенттер жоғалтқан сұйықтықтың орнын толтыруы және емнің басында бүйрек функциясын мұқият бақылап отыруы қажет. Жүрек гликозидтері Гипокалиемия жүрек гликозидтерінің уытты әсерін күшейтеді. Индапамид пен жүрек гликозидтерін бір мезгілде қолданған кезде қан плазмасындағы калий деңгейін, ЭКГ көрсеткіштерін бақылау және қажет болған жағдайда емді түзету керек. Ерекше назар аударуды қажет ететін біріктірілімдер Аллопуринол Индапамидпен бірге қолдану аллопуринолмен емдеу кезінде аса жоғары сезімталдық реакцияларының даму қаупін арттыруы мүмкін. Назар аударуды қажет ететін біріктірілімдер Калий жинақтайтын диуретиктер (амилорид, спиронолактон, триамтерен) Индапамидпен және калий жинақтайтын диуретиктермен біріктірілген ем кейбір пациенттерде орынды, алайда бұл ретте гипокалиемияның немесе гиперкалиемияның (әсіресе бүйрек жеткіліксіздігі бар пациенттерде немесе қант диабеті бар пациенттерде) даму мүмкіндігі жоққа шығарылмайды. Қан плазмасындағы калий концентрациясын, ЭКГ көрсеткіштерін бақылау және қажет болған жағдайда емді түзету қажет. Метформин Диуретиктерді, әсіресе ілмекті диуретиктерді қабылдау аясында пайда болатын функционалдық бүйрек жеткіліксіздігі метформин тудыратын сүт қышқылы ацидозының даму қаупін арттырады. Егер қан плазмасындағы креатинин деңгейі ерлерде 15 мг/л (135 мкмоль/л) және әйелдерде 12 мг/л (110 мкмоль/л) асатын болса, метформинді қолдануға болмайды. Құрамында йод бар контрастылы заттар Диуретикалық препараттарды қабылдау аясында болған сусыздану жағдайында, әсіресе құрамында йод бар контрастылы заттардың жоғары дозаларын қолданған кезде жедел бүйрек жеткіліксіздігінің даму қаупі артады. Құрамында йод бар контрастылы заттарды қолданар алдында пациенттер жоғалтқан сұйықтық орнын толтыруы қажет. Трициклді антидепрессанттар, нейролептиктер Осы кластар препараттары индапамидтің гипертензияға қарсы әсерін күшейтеді және ортостатикалық гипотензияның (аддитивті әсер) қаупін арттырады. Кальций (тұздар) Бір мезгілде қолданған кезде бүйрекпен кальций иондары шығарылуының төмендеуі салдарынан гиперкальциемия дамуы мүмкін. Циклоспорин, такролимус Қан плазмасындағы креатинин концентрациясын айналымдағы циклоспорин концентрациясын өзгертпей, тіпті су мен натрий иондары жоғалмаса да арттыруға болады. Кортикостероидты препараттар, тетракозактид (жүйелі қолдану) Гипертензияға қарсы әсерінің төмендеуі (кортикостероидтардың әсерінен су мен натрий иондарының іркілуі).

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамада, 25 °С-тан аспайтын температурада сақтау керек. Балалардың қолы жетпейтін жерде сақтау керек!