Индапамид SR таблетки 1.5 мг

Бір таблетканың құрамында белсенді зат - 1.5 мг индапамид, қосымша заттар - лактоза моногидраты, карбомер, гидроксипропилцеллюлоза, магний стеараты, сусыз коллоидты кремнийдің қостотығы, тальк, қабық құрамы: опадрай II Pink (33G24509): гипромеллоза, титанның қостотығы (E171), лактоза моногидраты, макрогол 3000, глицерин триацетаты, темірдің (III) сары тотығы (E172), темірдің (III) қызыл тотығы (E172), темірдің (III) қара тотығы (E172). Сыртқы түрінің, иісінің, дәмінің сипаттамасы Дөңгелек пішінді, екі беті дөңес, бозғылт-қызғылт түсті қабықпен қапталған таблеткалар.

Эссенциальді артериялық гипертензия.

ATХ коды C03BA11 Әсер ету механизмі Индапамид диуретикалық дәрілік препарат болып табылады. Тиазидті емес сульфонамидті туындылар тобына жатады және құрамында индол сақинасы бар. Фармакологиялық қасиеттері бойынша тиазидтік диуретиктерге жақын. Тиазидтік диуретиктер сияқты, ол нефронның дистальді жинақталған өзекшелерінің проксимальді бөлігінде әсер етеді, онда натрий мен хлоридтердің секрециясының жоғарылауы және калий мен магнийдің аз мөлшері пайда болады, осылайша шығарылатын несеп көлемін арттырады және артериялық қысымды төмендетеді. Фармакодинамикалық қасиеттері II және III фазадағы зерттеулер индапамидтің гипотензиялық тиімділігі 24 сағат бойы сақталатынын көрсетті. Бұл әсер орташа диуретикалық тудыратын дозаларды қолданғанда байқалады. Индапамидтің гипертензияға қарсы қасиеттері артериялардың икемділігін жақсартумен және артериолалардың кедергісін және тамырлардың жалпы шеткері кедергісін төмендетумен байланысты. Индапамид сол жақ қарыншаның гипертрофиясын азайтады. Тиазидтер мен тиазид тәрізді диуретиктер үшін доза белгіленген, одан жоғары емдік әсері күшейтілмейді, сонымен бірге жағымсыз реакциялардың көрінісі артады. Сондықтан, егер жүргізілетін емдеу тиімсіз болып табылса, дәрілік препараттың дозасын ұлғайтпаған жөн. Гипертониясы бар пациенттерде ұзақтығы әр түрлі (қысқа, орташа және ұзақ) емдеу курстарын жүргізу кезінде индапамид: • липидтердің метаболизміне теріс әсер етпейді: триглицеридтер, ТТЛП-холестерин және ТЖЛП-холестерин; • қант диабеті диагнозы қойылған артериялық гипертензиясы бар пациенттерде де көмірсулардың метаболизмін бұзбайды.

Дозалау режимі Тәулігіне бір рет 1 таблеткадан (1.5 мг) препаратты таңертең қабылдаған дұрысырақ. Таблеткаларды сумен іше отырып, тұтастай жұту керек және шайнауға болмайды. Жоғары дозаларда индапамид гипертензияға қарсы күшті әсер етпейді, сонымен бірге оның салуретикалық әсері күшейеді. Пациенттердің ерекше топтары Бүйрек жеткіліксіздігі бар пациенттер Бүйректің ауыр жеткіліксіздігінде (креатинин клиренсі 30 мл/мин. төмен) препаратты қолдануға болмайды. Тиазидтік диуретиктер және тиазид тәрізді дәрілік препараттар бүйрек функциясы қалыпты немесе егер бүйрек функциясы аздаған дәрежеде бұзылған болса анағұрлым тиімді. Егде жастағы пациенттер Егде жастағы пациенттерде плазмадағы креатинин мөлшерін бағалағанда жасты, дене салмағын және жынысты ескеру керек. Егер бүйрек функциясы бұзылмаған немесе аз ғана дәрежеде бұзылған болса, егде жастағы пациенттерде Индапамид SR препаратын қолдануға болады. Бауыр функциясының бұзылуы бар пациенттер Бауыр функциясының ауыр бұзылуы жағдайларында дәрілік препаратты қолдануға болмайды. Балалар мен жасөспірімдер Қауіпсіздікке және тиімділікке қатысты деректердің жоқтығын ескеріп, дәрілік препаратты балалар мен 18 жасқа дейінгі жасөспірімдерде қолдану ұсынылмайды. Енгізу әдісі мен жолы Ішке қабылдау үшін. Дәрілік препараттың бір немесе бірнеше дозасын өткізіп алған кезде қажетті шаралар Препараттың өткізіп алған дозасын өтеу мақсатында қос дозаны қолдануға болмайды. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Дәрілік препаратты қабылдаудан бұрын дәрігер немесе фармацевт кеңесіне жүгініңіз.

-әсер етуші затқа, сульфонамидке немесе қосымша заттардың кез келгеніне аса жоғары сезімталдық • ауыр бүйрек жеткіліксіздігі, анурия • бауыр энцефалопатиясы немесе бауыр функциясының басқа ауыр бұзылуы • гипокалиемия • тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер • жүктілік және бала емізу кезеңі • 18 жасқа дейінгі балалар мен жасөспірімдер

Келесі жағымсыз реакциялар туралы жиі хабарланды: гипокалиемия, аса жоғары сезімталдық реакциялары, негізінен дерматологиялық, аллергиялық және демікпелік реакцияларға және макулопапулезді бөртпелерге бейім адамдарда. Жиі • жоғары сезімталдық реакциялары • дақты-папулалық бөртпе • гипокалиемия Жиі емес • құсу • пурпура • гипонатриемия • эректильді дисфункция Сирек • бас ауыруы, бас айналу, қатты қажу • парестезиялар • жүрек айнуы, іш қату, ауыздың құрғауы • гипохлоремия • гипомагнемия Өте сирек • тромбоцитопения, лейкопения, агранулоцитоз, апластикалық анемия, гемолиздік анемия • жүрек ырғағының бұзылуы • артериялық гипотензия • панкреатит • бауыр функциясының бұзылуы • бүйрек жеткіліксіздігі • ангионевроздық ісіну, есекжем, уытты эпидермалық некролиз, Стивенс-Джонсон синдромы • гиперкальциемия Белгісіз • естен тану • бұрыннан бар жедел жүйелі қызыл жегі симптомдарының өршуі мүмкін • ЭКГ-да QT аралығының ұзаруы • «пирует» типті полиморфты қарыншалық тахикардия өлімге әкелуі мүмкін • бауыр жеткіліксіздігі аясында бауыр энцефалопатиясының дамуы мүмкін • гепатит • бауыр ферменттері белсенділігінің жоғарылауы • қандағы несеп қышқылы мен глюкоза концентрациясының жоғарылауы • фотосезімталдық реакциялары • миопия, көрудің бұлыңғырлануы, көру қабілетінің бұзылуы, көздің тамыр қабатында сұйықтықтың жиналуы (хориоидты жалқық), жабық бұрышты глаукома ұстамасы) • бұлшықет түйілуі, бұлшықет әлсіздігі, миалгия, рабдомиолиз Жекелеген жағымсыз реакциялардың сипаттамасы II және III фазалардағы зерттеу кезінде 1.5 және 2.5 мг индапамидті салыстыру кезінде плазмадағы калийді талдау индапамидтің дозаға тәуелді әсерін көрсетті: - Индапамид 1.5 мг: қан плазмасындағы калий концентрациясы <3.....4 ммоль/л пациенттердің 10%-да және емдеудің 4-6 аптасынан кейін <3,2 ммоль/л пациенттердің 44% - да бақыланды. Емдеудің 12 аптасынан кейін қан плазмасындағы калий концентрациясының орташа төмендеуі 0,23 ммоль/л құрады. - Индапамид 2,5 мг: қан плазмасындағы калий концентрациясы <3.4 ммоль/л пациенттердің 25%-ында және емдеудің 4-6 аптасынан кейін <3,2 ммоль/л пациенттердің 10%-да бақыланды. Емдеудің 12 аптасынан кейін қан плазмасындағы калий концентрациясының орташа төмендеуі 0,41 ммоль/л құрады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел улану симптомдары су-электролиттік теңгерімнің бұзылуымен (гипонатриемия, гипокалиемия) байланысты туындайды. Жүрек айнуы, құсу, артериялық қысымның төмендеуі, бұлшықет түйілуі, бас айналуы, ұйқышылдық, бағдарсыздық, полиурия, анурияға әкелетін (гиповолемия салдарынан) олигурия байқалуы мүмкін. Емі: асқазанды шаю, белсендірілген көмірді тағайындау, стационар жағдайында су-электролит теңгерімін түзету.

Инапамид SR препаратын қабылдамас бұрын пациент дәрігермен кеңесу керек. Хориоидты жалқық, жедел миопия және қайталама жабық бұрышты глаукома Егер пациент көру қабілетінің төмендеуін немесе көздің ауырсынуын сезінесіз, бұл көздің тамырлы қабығында сұйықтықтың жиналуының (хориоидтық жалқық) немесе Индапамид SR препаратын қабылдағаннан кейін бірнеше сағат немесе апта ішінде байқалуы мүмкін көзішілік қысымның жоғарылау симптомдары болуы мүмкін. Емделмеген жағдайда көру қабілетінің қайтымсыз жоғалуы мүмкін. Егер пациентте бұрын пенициллинге немесе сульфонамидке аллергиялық реакция болса, ол хориоидтық жалқықтың даму қаупі жоғары болуы мүмкін. Фотосезімталдық Тиазидтік диуретиктер және әсері ұқсас басқа препараттарды қолданумен байланысты фотосенсибилизация оқиғалары сипатталған. Егер фотосенсибилизация реакциясы емделу уақытында пайда болса дәрілік препаратты тоқтату ұсынылады. Егер диуретикті қайта қолдану қажеттілігі туындаса, күн сәулесінің немесе жасанды ультракүлгін сәулеленудің әсеріне ұшыраған тері беткейін қорғау ұсынылады. Су-электролиттік теңгерім • Плазмадағы натрий мөлшері Препаратпен емді бастар алдында, сосын жүйелі уақытша аралықтарда плазмадағы натрий концентрациясын бақылау қажет. Диуретиктермен кез келген ем гипонатриемияға, кейде оның күрделі салдарына әкелуі мүмкін. Плазмадағы натрий мөлшерінің төмендеуі бастапқы кезеңде симптомсыз болуы мүмкін, сондықтан егде жастағы пациенттерде немесе бауыр циррозы бар пациенттерде жиірек тұрақты бақылау талап етіледі. Барлық диуретик препараттар кейде ауыр салдарларға әкелетін гипонатриемияны туындатуы мүмкін. Гипонатриемия және гиповолемия сусыздануға және ортостаздық гипотензияға әкелуі мүмкін. Хлор иондарын қатарлас жоғалту салдарлы компенсацияланған метаболизмдік алкалозға әкелуі мүмкін; бұл әсердің кездесу жиілігі және айқындық дәрежесі әдетте елеулі емес. • Плазмадағы калий мөлшері Емдеу барысында плазмадағы калий концентрациясын тұрақты бақылау қажет. Калий мөлшерінің төмендеуі және гипокалиемия тиазидтік және тиазид тәрізді диуретиктерді қолдану кезіндегі негізгі қауіп болып табылады. Әсіресе кейбір қауіп тобындағы пациенттерде, мысалы, егде жастағы пациенттер, жүдеген пациенттер, бір уақытта көп дәрілік препараттар алатын пациенттер, бауыр циррозы бар пациенттер, ісінуі және асциті бар пациенттер, жүректің ишемиялық ауруы және жүрек жеткіліксіздігі бар пациенттерде гипокалиемия (<3,4 ммоль/л) дамуының алдын алу керек. Гипокалиемия жағдайында оймақгүл препараттарының кардиоуыттылығының қауіптілігі және жүрек ырғағы бұзылуының пайда болу қаупі жоғарылайды. Қауіп тобында сондай-ақ бұл бұзылыстың туа біткен немесе ятрогенді екендігіне қарамастан QT аралығы ұзарған пациенттер бар. Гипокалиемия да, брадикардия сияқты, жүрек ырғағының күрделі бұзылуының дамуына, әсіресе тахикардияның өлімге апаратын түрі – torsade de pointes ықпал етеді. Жоғарыда көрсетілген барлық жағдайларда плазмадағы калий мөлшерін жиірек мониторингілеу қажет. Плазмадағы калий деңгейін алғашқы анықтауды емдеудің бірінші аптасында орындау қажет. Гипокалиемияны анықтау оны түзетуді қажет етеді. Қан сарысуындағы магний концентрациясының төмен болуына байланысты анықталған гипокалиемия, егер қан сарысуындағы магний деңгейін түзету енгізілмесе, емдеуге жауап бермеуі мүмкін. • Плазмадағы магний мөлшері Тиазидтер және олармен байланысты диуретиктер, индапамидті қоса, магнийдің несеппен шығарылуын арттыратыны көрсетілген, бұл гипомагниемияға әкелуі мүмкін. -Плазмадағы кальций мөлшері Tиазидтік және тиазид тәрізді диуретиктер аздаған транзиторлық гиперкальциемия тудыра отырып, кальцийдің несеппен шығарылуын төмендетуі мүмкін. Айқын гиперкальциемия анықталмаған гиперпаратиреоздың салдары болуы мүмкін. Мұндай жағдайда емді тоқтату және пациенттің қалқанша маңы безінің функциясына бағалау жүргізу қажет. -Қандағы глюкоза мөлшері Қант диабеті бар пациенттерде, әсіресе қатарлас гипокалиемиясы бар пациенттерде қандағы глюкоза деңгейіне мониторинг жүргізу қажет. -Несеп қышқылы Гиперурикемиясы бар пациенттерде подагра ұстамалары жиілігінің ұлғаюына әкелу үрдісі бар. -Бүйрек функциясы және диуретикалық дәрілік препараттар Tиазидтік және тиазид тәрізді диуретиктер бүйрек функциясы қалыпты немесе оның аздаған бұзылуы (креатинин деңгейі 25 мг/л төмен, яғни ересектерде 220 мкмоль/л) жағдайында ғана тиімді. Креатинин концентрациясының негізінде бүйрек функциясын бағалай келе, пациенттің жасын, жынысын және дене салмағын ескеру қажет. Емнің басында диуретиктер туындатқан судың және натрийдің жойылуымен байланысты гиповолемия шумақтық сүзілістің төмендеуіне әкеледі. Бұл қандағы мочевина және плазмадағы креатинин мөлшерінің жоғарылауына әкелуі мүмкін. Мұндай транзиторлық функционалдық бүйрек жеткіліксіздігі бүйрек функциясы қалыпты пациенттерде салдарсыз өтеді, алайда бұрыннан бар бүйрек жеткіліксіздігін өршітуі мүмкін. Арнайы ескертулер Бауыр жеткіліксіздігі бар пациенттер Бауыр жеткіліксіздігі бар пациенттерде тиазид тәрізді диуретиктік дәрілік препараттар бауыр энцефалопатиясының дамуын, әсіресе электролиттік алмасу бұзылғанда туындатуы мүмкін. Диуретикалық препараттарды қолдануды бауыр энцефалопатиясының симптомдары пайда болғанда дереу тоқтату керек. Спортшылар Препарат спортшыларда допингке қарсы тесттің оң нәтижелерін тудыруы мүмкін. Педиатрияда қолдану Қауіпсіздікке және тиімділікке қатысты деректердің жоқтығын ескеріп, дәрілік препаратты балалар мен 18 жасқа дейінгі жасөспірімдерде қолдану ұсынылмайды. Қосымша заттарға қатысты айрықша нұсқаулар Препараттың құрамында лактоза бар және сирек кездесетін тұқым қуалайтын галактоза жақпаушылығы, Lapp (Лапп)-лактаза ферментінің тапшылығы, глюкоза-галактоза мальабсорбциясы бар пациенттерде қолданылмауы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Индапамид SR дәрілік препаратын қолдану уақытында, әсіресе емнің басында немесе басқа гипертензияға қарсы дәрілік препаратты қосымша қолдану кезінде артериялық қысымның төмендеуімен байланысты симптомдар пайда болуы мүмкін. Мұндай жағдайда көлік құралдарын басқару және механизмдерді жөндеу қабілеті бұзылуы мүмкін.

Жалпы қабылданған ережеге сәйкес, жүкті әйелдерде диуретиктерді қолданудан аулақ болу керек. Оларды жүктілік кезінде пайда болатын физиологиялық ісінуді емдеу үшін қолдануға болмайды. Диуретиктер фетоплацентарлы жеткіліксіздікті және шарана дамуының бұзылу қаупін тудыруы мүмкін. Индапамид емшек сүтімен шығарылады. Осы себепті препаратты емшек емізу кезеңінде қолдану ұсынылмайды.

Индапамидпен бір мезгілде қолдануға болмайды Литий: Тұзы төмен диета жағдайындағыдай артық дозалану симптомдарымен плазмадағы литий деңгейінің жоғарылауы келеді (литийдің несеппен аз шығаралуы). Егер литий тұздары мен диуретикалық препаратты бір уақытта қолдану қажет болса, плазмадағы литий мөлшерін бақылау және тиісінше дозаны түзету қажет. Индапамидпен қолданғанда сақ болу керек Torsade de pointes типті аритмияны тудыратын препараттар («пируэт» типті полиморфты қарыншалық тахикардия): • Ia класты аритмияға қарсы препараттар (хинидин, гидрохинидин, дизопирамид); • III класты аритмияға қарсы препараттар (амиодарон, соталол, дофетилид, ибутилид, бретилиум); • кейбір психозға қарсы препараттар: • фенотиазин туындылары (хлорпромазин, циамемазин, левомепромазин, тиоридазин, трифторперазин); • бензамид туындылары (амисульпирид, сульпирид, сультоприд, тиаприд); • бутирофенон туындылары (дроперидол, галоперидол); • психозға қарсы басқа препараттар (пимозид). Басқа препараттар: бепридил, цизаприд, дифеманил, эритромицин (вена ішіне енгізгенде), галофантрин, мизоластин, пентамидин, спарфлоксацин, моксифлоксацин, винкамин (вена ішіне енгізгенде), метадон, астемизол, терфенадин. Қарыншалық аритмияның, әсіресе torsade de pointes жоғары қаупі (гипокалиемия бейім фактор болып табылады). Индапамидпен және жоғарыда аталған препараттармен біріктірілген терапияны тағайындамас бұрын гипокалиемияны анықтау және қажет болған жағдайда түзету үшін зерттеу жүргізу керек. Пациенттің клиникалық жағдайын бақылау, қан плазмасындағы электролиттердің деңгейін, ЭКГ көрсеткіштерін бақылау қажет. Гипокалиемия анықталған жағдайда, torsade de pointes қаупін тудырмайтын дәрілік препараттарды қолдану керек. Қабынуға қарсы стероидты емес дәрілік препараттар (жүйелі қолданған кезде), оның ішінде циклооксигеназа-2 (ЦОГ-2) селективті тежегіштері және салицилаттардың жоғарғы дозалары (тәулігіне ≥3 г) Индапамидтің гипертензияға қарсы әсері төмендеуі мүмкін. Сусызданған пациенттерде шумақтық сүзілістің төмендеуіне байланысты бүйректің жедел жеткіліксіздігінің даму қаупі бар. Пациенттер сұйықтықтың жоғалуының орын толтыру керек және терапияның басында бүйрек функциясын мұқият бақылауы керек. Ангиотензин-өзгертуші ферменттің (АӨФ) тежегіштері Гипонатриемиясы бар пациенттерге АӨФ тежегіштерін тағайындау (әсіресе бүйрек артериясының стенозы бар пациенттерде) кенеттен болатын артериялық гипотензияның қаупімен және жедел бүйрек жеткіліксіздігінің даму қаупімен байланысты. Артериялық гипертензияда диуретиктермен емдеу натрий тапшылығын тудыруы мүмкін екенін ескере отырып: • АӨФ тежегіштерін қабылдау басталғанға дейін 3 күн бұрын диуретик қолдануды тоқтату, сосын қажет болса, калий жинақтамайтын диуретик қабылдауға оралу; немесе • АӨФ тежегіштерімен емдеуді төмен дозадан бастаңыз, сосын оларды біртіндеп арттырыңыз. Созылмалы жүрек жеткіліксіздігінде емді, мүмкіндігінше калий жинақтамайтын диуретик дозасын төмендеткеннен кейін АӨФ тежегіштерінің ең төменгі дозаларынан бастау керек. Барлық жағдайларда АӨФ тежегіштерімен емдеудің алғашқы аптасында бүйрек функциясына мониторинг (қан плазмасындағы креатинин мөлшері) жүргізу қажет. Гипокалиемия тудыратын басқа да дәрілік препараттар: амфотерицин B (вена ішіне енгізгенде), глюкокортикостероидтар және минералокортикостероидтар (жүйелі қолданған кезде), тетракозактид, перистальтиканы көтермелейтін іш жүргізетін дәрілік препараттар Гипокалиемияның жоғары даму қаупі (аддитивті әсер). Қан плазмасындағы калий деңгейіне, әсіресе оймақгүл препараттарымен бір мезгілде емдеу кезінде мұқият мониторинг жүргізу және қажет болса оны уақытылы толықтыру қажет. Ішек перистальтикасын көтермелемейтін іш жүргізетін дәрілерді қабылдау ұсынылады. Баклофен Индапамидтің гипертензияға қарсы әсерін күшейтеді. Пациенттің адекватты гидратациясын қамтамасыз ету және емнің басында бүйрек функциясын бақылау қажет. Оймақгүл препараттары Гипокалиемия және / немесе гипомагнемия, оймақгүлдің уытты әсеріне ықпал етеді. Қан плазмасындағы калий мен магний деңгейіне мониторинг жүргізу, ЭКГ бақылау және қажет болса емдеуді түзету ұсынылады. Ерекше назар аударуды қажет ететін біріктірілімдер Аллопуринол Индапамидпен бірге қолдану аллопуринолмен емдеуде жоғары сезімталдық реакциясының даму қаупін арттыруы мүмкін. Калий жинақтаушы диуретиктер (амилорид, спиронолактон, триамтерен) Кейбір пациенттер үшін пайдалы осы препараттардың рационалды біріктірілімі гипокалиемияның (әсіресе қант диабеті немесе бүйрек жеткіліксіздігі бар пациенттердің жағдайында) немесе гиперкалиемияның даму қаупін жоққа шығармайды. Плазмадағы калий деңгейін және ЭКГ көрсеткіштерін бақылау, қажет жағдайда емдеу тәсілін қайта қарау қажет. Метформин Диуретиктерді, әсіресе ілмектік диуретиктерді қолдану нәтижесінде бүйрек функциясының ықтимал бұзылуымен байланысты метформин туындатқан лактоацидоздың даму қаупі жоғарылайды. Егер сарысудағы креатинин концентрациясы еркектерде 15 мг/л (135 мкмоль/л) және әйелдерде 12 мг/л (110 мкмоль/л) асатын болса, метформинді қабылдамау керек. Құрамында йод бар рентгенконтрастылы заттар Диуретиктер туындатқан сусыздану жағдайында, әсіресе құрамында йод бар рентген контрастылы заттардың жоғары дозаларын пайдаланғанда жедел бүйрек жеткіліксіздігінің жоғары даму қаупі бар. Құрамында йод бар контрастылы заттарды қолданар алдында пациенттер сұйықтықтың жоғалуының орнын толтыру қажет. Трициклдік антидепрессанттар, нейролептиктер Гипертензияға қарсы әсердің күшеюі және ортостаздық гипотензияның (аддитивті әсер) пайда болу қаупі. Кальций (кальций тұздары) Бір мезгілде қолданғанда бүйрек арқылы кальций иондарының шығарылуының төмендеуіне байланысты гиперкальциемияның дамуы мүмкін. Циклоспорин, такролимус Айналымдағы циклоспорин концентрациясын өзгеруінсіз, тіпті су мен натрий иондарының жоғалуы болмаса да, қан плазмасындағы креатинин концентрациясының жоғарылауы мүмкін. Кортикостероидтар, тетракозактид (жүйелі қолдану үшін) Гипертензияға қарсы әсердің төмендеуі (кортикостероидтардың әсерінен су мен натрий иондарының іркілуі).

Сақтау мерзімі Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25°C-ден аспайтын температурада сақтау керек. Балалардың қолы жетпейтін жерде сақтау керек!