Индап® таблетки 2.5 мг

Бір 1.25 мг таблетканың құрамында: белсенді зат – индапамид, 1.25 мг. Бір 2.5 мг таблетканың құрамында: белсенді зат – индапамид, 2.5 мг. Қосымша заттар: түйіршіктелген лактоза моногидраты, лактоза моногидраты, түйіршіктелген микрокристалды целлюлоза, тальк, магний стеараты, сусыз коллоидты кремнийдің қостотығы, темірдің сары тотығы, темірдің қызыл тотығы. Сыртқы түрінің, иісінің, дәмінің сипаттамасы Дөңгелек пішінді, беткейі тегіс, қызғылт түсті, иіссіз, диаметрі 7 мм таблеткалар (1.25 мг доза үшін). Дөңгелек пішінді, беткейі тегіс, ашық-қызғылт сары түсті, крест тәрізді кертігі бар, иіссіз, диаметрі 8 мм таблеткалар (2.5 мг доза үшін).

- ересектердегі эссенциальді гипертензия

Әсер ету механизмі Индапамид индол сақинасы бар сульфонамидтің туындысы болып табылады, фармакологиялық тұрғыдан ол нефронның дистальді өзекшесінің кортикальді сегментінде натрийдің реабсорбциясын тежеу арқылы әсер ететін тиазидті диурездік дәрілерге ұқсас. Индапамид несеппен натрий мен хлоридтердің және аз мөлшерде калий мен магнийдің бөлінуін арттырады, осылайша диурезді арттырады және гипертензияға қарсы әсер көрсетеді. Фармакодинамикалық әсерлері Зерттеулер көрсеткендей, 2.5 мг тәуліктік доза айқын диурездік әсер көрсетпей, гипертензияға қарсы барынша көп әсер етеді. Осы гипертензияға қарсы 2.5 мг дозада индапамид артериялық гипертониясы бар науқастарда норадреналинге тамырлы гиперреактивтілікті азайтады және жалпы шеткері қарсылық пен артериолалар қарсылығын азайтады. Бүйректік емес гипертензиясы бар пациенттерде гипертензияға қарсы тиімділікті сақтау гипертензияға қарсы әсердің экстраренальді механизмін растайды. Индапамидтің қан тамырларына әсері мыналарды қамтиды: • иондардың, ең алдымен кальцийдің жарғақша арқылы алмасуымен байланысты қан тамырлары жақтауларының тегіс бұлшықеттерінің тонусының төмендеуі • вазодилататор және қан пластиналарының агрегациясының тежегіші болып табылатын PGE2 простагландин мен PGI2 простациклин синтезін ынталандырудан туындаған вазодилатация • брадикининнің вазодилататорлық әсерінің потенциациясы. Қысқа мерзімді, орта мерзімді және ұзақ мерзімді бақылаулар арқылы гипертензиясы бар пациенттерде индапамид: • кардиомиоциттердің мөлшерін азайту есебінен жүректің сол жақ қарыншасының гипертрофиясын төмендетеді • липидтердің: триглицеридтердің, LDL- холестериндердің және HDL-холестериндердің метаболизміне әсер етпейді • көмірсулар алмасуына, оның ішінде гипертензиясы және қант диабеті бар пациенттерде әсер көрсетпейді. Микроальбуминурияның едәуір төмендеуімен артериялық қысымды қалыпқа келтіру гипертониямен ауыратын диабетпен ауыратындарда индапамидті ұзақ уақыт қолданғаннан кейін байқалды. Индапамидті басқа гипертензияға қарсы препараттармен (бета-блокаторлар, кальций өзекшелері блокаторлары, АӨФ тежегіштері) бір мезгілде қолдану индапамид монотерапиясымен салыстырғанда реакция жиілігінің артуымен артериялық гипертензияны бақылауды жақсартуға әкеледі.

Дозалау режимі Ең жоғары тәуліктік доза - 2.5 мг. 2.5 мг асатын тәуліктік дозаны арттыру ұсынылмайды. Одан жоғары дозалар индапамидтің гипертензияға қарсы әсерін арттырмайды, бірақ оның несеп айдайтын әсерін арттырады. Енгізу әдісі мен жолы Таблеткаларын тамақ ішуге қарамастан, таңертең таңғы асқа дейін, шайнамай және судың жеткілікті мөлшерімен ішіп қабылдайды. Индап® моно- және біріктірілген емде де қолданылады. Монотерапия: Бастапқы доза – 1.25 мг препарат 1 таблеткадан тәулігіне 1 рет. Егер препаратты қабылдағаннан кейін 10-14 күн өткен соң артериялық қысымды (АҚ) адекватты бақылауға қолжеткізу мүмкін болмаса, препарат дозасын тәулігіне 1 рет 2.5 мг-ге дейін арттыру керек. Біріктірілген ем: Индап® біріктірілген емде 1.25 мг дозада, сонымен қатар 2.5 мг Индап® жиі пайдаланылады. Қабылдау уақыты көрсетілген қолдану жиілігі Индап® тамақ ішуге қарамастан, таңертең таңғы асқа дейін қабылданады.

• сульфонамидтерге немесе «Дәрілік препараттың құрамы» бөлімінде келтірілген препараттың қандай да бір қосымша затына аса жоғары сезімталдық, • бауыр энцефалопатиясы және бауыр функциясының ауыр бұзылыстары, • бүйрек функциясы жеткіліксіздігінің ауыр түрі, • гипокалиемия, • жүктілік және лактация кезеңі, • 18 жасқа дейінгі балалар.

• Осы дәрілік препаратты қолдануды тоқтатыңыз және мына жағымсыз әсерлер пайда болған жағдайда дереу өз дәрігеріңізге жүгініңіз: • ангионевроздық ісіну және/немесе есекжем. Ангионевроздық ісіну аяқ-қолдың немесе беттің терісінің ісінуімен, еріннің немесе тілдің ісінуімен, тамақ немесе тыныс алу жолдарының шырышты қабығының ісінуімен сипатталады, бұл ентігуге немесе жұтынудың қиындауына әкеледі. Бұл жағдайда дереу өз дәрігеріңізге жүгініңіз. (Өте сирек – 10 000 пациенттің 1-нен көбінде болуы мүмкін.) • терінің ауыр бөртпелері, бүкіл денеде терінің қызаруы, қатты қышыну, күлдіреуіктердің пайда болуы, терінің қабыршықтануы және ісінуі, шырышты қабықтың қабынуы (Стивенс – Джонсон синдромы) немесе басқа аллергиялық реакциялар. (Өте сирек – 10 000 пациенттің 1-нен көбінде болуы мүмкін.) • өмірге қауіпті жүрек ырғағының бұзылуы. (Ықтималдығы белгісіз - қолда бар мәліметтер негізінде анықтау мүмкін емес.) • ұйқы безінің қабынуы, бұл айқын дімкәстанумен қатар жүретін іш аймағы мен арқадағы қатты ауыруды тудыруы мүмкін. (Өте сирек – 10 000 пациенттің 1-нен көбінде болуы мүмкін.) • бауыр функциясының бұзылуынан туындаған мидың зақымдануы (бауыр энцефалопатиясы). (Ықтималдығы белгісіз - қолда бар мәліметтер негізінде анықтау мүмкін емес.) • бауырдың қабынуы (гепатит). (Ықтималдығы белгісіз - қолда бар мәліметтер негізінде анықтау мүмкін емес.) • әлсіздік, құрысулар, ауыру сезімталдығы немесе бұлшықет ауыруы, атап айтқанда, егер сіз бір уақытта өзіңізді нашар сезінсеңіз немесе температура жоғары болса, бұл бұлшықет жұмысының бұзылуына байланысты болуы мүмкін. (Жиілігі белгісіз). Дүниежүзілік денсаулық сақтау ұйымының жіктеуіне сәйкес жағымсыз реакциялардың кездесу жиілігі (жағдайлар саны/бақылаулар саны) мынадай градация түрінде ұсынылады: өте жиі (≥ 1/10); жиі (≥ 1/100 < 1/10 дейін); жиі емес (≥ 1/1000 < 1/100 дейін); сирек (≥ 1/10000 < 1/1000 дейін); өте сирек (< 1/10 000), белгісіз (қолжетімді деректер бойынша жиілігін есептеу мүмкін емес). Жиі • аллергиялық және демікпелік реакцияларға бейім пациенттерде жоғары сезімталдық реакциялары, ең алдымен тері реакциясы - макулопапулезді бөртпе Жиі емес • құсу • теріге ұсақ дақты қан құйылулар (пурпура) • қандағы натрийдің төмен деңгейі, бұл сусыздануға және АҚ төмендеуіне әкелуі мүмкін • импотенция (жыныс мүшесін эрекция күйіне жеткізу немесе ұстап тұру мүмкін еместігі) Сирек • қатты қажу, бас ауруы, ұйып қалу және шаншу сезімі (парестезия), вертиго • жүрек айнуы, іш қату, ауыздың құрғауы • қандағы хлоридтердің төмен деңгейі • қандағы магнийдің төмен деңгейі Өте сирек • көгерудің пайда болуына және мұрыннан қан кетуге әкелетін тромбоциттер санының төмендеуі (тромбоцитопения); түсініксіз қызбаға, тамақтың ауыруына немесе тұмауға ұқсас басқа симптомдарға әкелуі мүмкін лейкоциттер санының төмендеуі (лейкопения/агранулоцитоз) (олар пайда болған жағдайда дәрігерге хабарласыңыз) және эритроциттер санының төмендеуі (гемолиздік анемия) • қандағы кальций деңгейінің жоғарылауы (гиперкальциемия) • жүректің ырғақсыз соғуы (аритмия) • төмен қан қысымы (гипотензия) • естен тану • бүйрек функциясының бұзылуы • егер сіз жүйелі қызыл жегімен ауырсаңыз (дәнекер тінінің ауруы), жай-күйдің нашарлауы пайда болуы мүмкін • UVA күн немесе жасанды сәулеленуге жоғары сезімталдық (фотосезімталдық реакциясы) • алыстан көрмеу (миопия), бұлыңғыр көру, көрудің бұзылуы • көздің тамырлы қабығында (хориоидальді жалқық) сұйықтықтың жиналуы, көзішілік қысымның жоғарылауы немесе жедел жабық бұрышты глаукома салдарынан көру өткірлігінің төмендеуі немесе көздің ауыруы • қан талдауларындағы зертханалық параметрлердің өзгеруі - қандағы калийдің төмен деңгейі, қандағы натрийдің төмен деңгейі (сусыздануға және төмен қан қысымына әкелуі мүмкін), диабетпен ауыратын пациенттерде қандағы қант деңгейінің жоғарылауы, қандағы несеп қышқылы деңгейінің жоғарылауы (подагра жағдайын тудыруы немесе нашарлатуы мүмкін – буын(-дар) ауыруы, әсіресе табан аумағында), бауыр ферменттері деңгейінің жоғарылауы • ЭКГ-да байқалатын жүректің қалыпты емес белсенділігі. Белгісіз • бауыр функциясының бұзылуы. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жүрек айнуы, құсу, гипотензия, құрысулар, бас айналуы, ұйқышылдық, абдырау жай-күйі және абыржу, анурияға өту мүмкіндігі бар полиурия немесе олигурия (гиповолемия нәтижесінде) сияқты клиникалық көріністер болуы мүмкін. Артық дозаланған жағдайда бастапқы шарасы асқазанды шаю арқылы қабылданған затты (заттарды) тез шығару болып табылады, қажет болған жағдайда – мамандандырылған денсаулық сақтау мекемесінде су-электролит теңгерімін кейіннен қалпына келтіру үшін белсендірілген көмір береді.

Индап® препаратын қолдануды бастамас бұрын, өз дәрігеріңізбен немесе фармацевтпен кеңесіңіз, егер сізде: • бауыр функциясының бұзылуы, • қант диабеті, • подагра, • жүрек ырғағының бұзылуы, • бүйрек аурулары, • егер сізге қалқансерік бездерінің қызметі туралы зерттеу тағайындалса, • сізде бұлшықет проблемалары бар, оның ішінде ауыру, ауырсыну сезімталдығы, әлсіздік немесе құрысулар, • егер сізде көру қабілетінің нашарлауы немесе көздің ауыруы болса. Бұл көріністер Индап® препаратын қолданғаннан кейін бірнеше сағаттан кейін де, бірнеше аптадан кейін де пайда болуы мүмкін көздің тамырлы қабығындағы сұйықтықтың жиналу симптомдары (хориоидальді жалқық) немесе жоғары көз қысымы болуы мүмкін. Емді дереу тоқтатыңыз, әйтпесе көру қабілетінің қайтымсыз жоғалуы болу мүмкін. Егер сізде бұрын пенициллинге немесе сульфонамидтерге аллергиялық реакция болса, сізде хориоидальді жалқықтың пайда болу қаупі жоғары болуы мүмкін. Күн сәулесіне жоғары сезімталдық жағдайында бұл туралы өз дәрігеріңізге хабарлаңыз. Емдеу кезінде натрий мен калий деңгейінің төмендеуі және кальций деңгейінің жоғарылауы мүмкін болғандықтан, үнемі қан талдауы жасалады. Кейбір пациенттерде глюкоза мен несеп қышқылының деңгейін бақылау қажет. Спортшылар бұл препараттың құрамында допинг тестінің оң нәтижесін тудыруы мүмкін дәрілік зат бар екенін есте ұстауы керек. Арнайы ескертулер Пациенттердің ерекше топтары Бүйрек функциясының бұзылуы Егер пациентте бүйректің ауыр жеткіліксіздігі (креатинин клиренсі 30 мл/мин аз) болса, онда емдеуге болмайды. Тиазид және тиазид тәрізді диуретиктердің емдік әсері бүйрек функциясы қалыпты немесе шамалы бұзылған жағдайда ғана тиімді болады. Бауыр функциясының бұзылуы Бауырдың ауыр жеткіліксіздігі кезінде емдеуге болмайды. Егде жастағы пациенттер Егде жастағы пациенттерде плазмадағы креатинин көрсеткіштері жасын, дене салмағын және жынысын ескере отырып түзетілуі тиіс. Егде жастағы пациенттерді Индап® препаратымен емдеу, егер бүйрек функциясы қалыпты немесе сәл ғана бұзылған жағдайда ғана мүмкін болады. • Қосымша заттар • Индап® құрамында лактоза моногидраты бар. • Егер дәрігер сізге кейбір қанттар жақпаушылығы бар екенін айтса, осы дәрілік препаратты қолданар алдында өз дәрігеріңізбен кеңесіңіз. Педиатрияда қолдану Педиатриялық практикада Индап® препаратының қауіпсіздігі және тиімділігі жөніндегі деректердің жеткіліксіздігін ескере отырып, оны 18 жасқа дейінгі балалар мен жасөспірімдерге тағайындауды тоқтата тұру ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кейбір пациенттерде, негізінен емнің басында немесе қан қысымын төмендетуге арналған басқа дәрілік препараттармен біріктірілімде қан қысымының төмендеуінен туындаған қатты қажу және бас айналуы байқалуы мүмкін («Жағымсыз реакциялардың сипаттамасы» бөлімін қараңыз). Мұндай жағдайда көлік құралдарын немесе қауіптілігі зор механизмдерді басқармаңыз және ерекше зейін қоюды талап ететін қызметтерді жүзеге асырмаңыз. Тұрақты бақылау кезінде бұл жағымсыз әсерлер ықтималдығы аз.

• Егер сіз жүкті немесе бала емізетін болсаңыз, жүктімін деп ойласаңыз немесе жүкті болуды жоспарласаңыз, препаратты қолданар алдында дәрігермен немесе фармацевтпен кеңесіңіз. Индап® препаратын жүктілік кезінде қолдану ұсынылмайды. Егер сіз жүктілікті жоспарласаңыз немесе жүкті екеніңізді білсеңіз, емдеудің балама түріне (басқа дәрілік препаратқа) көшуді мүмкіндігінше тезірек бастау керек. Егер сіз жүкті болсаңыз немесе жүктілікті жоспарласаңыз, дәрігерге хабарлаңыз. Лактация кезеңінде индапамидті қолдану туралы ақпарат болмағандықтан, оны бала емізу кезінде қабылдауға болмайды.

• Емдеуші дәрігеріңізге немесе фармацевтке сіз қабылдап жүрген, соңғы уақытта қабылдаған немесе қабылдағыңыз келетін барлық препараттар туралы хабарлаңыз. • Индап® препаратын литиймен бірге қолдануға болмайды (депрессияны емдеуде қолданылады), өйткені қандағы литий деңгейінің жоғарылау қаупі бар. • Индап® препаратын және басқа дәрілік заттарды бір мезгілде қолданғанда олар өзара әрекеттесуі мүмкін. Егер сіз мына дәрілердің бірін қабылдасаңыз, өз дәрігеріңізге хабарлаңыз: • ауыруға қарсы қабынуға қарсы стероидты емес дәрілер (мысалы, ибупрофен) немесе ацетилсалицил қышқылының жоғары дозалары, • тетракозактид (Крон ауруын емдеу үшін), • тітіркендіргіш іш жүргізетін препараттар, • баклофен (шашыраңқы склероз сияқты аурулармен бірге жүретін бұлшықет түйілуін емдеу үшін), • ангиотензин өзгертуші фермент (АӨФ) тежегіштері (жоғары қан қысымы мен жүрек жеткіліксіздігін емдеуде қолданылады), • жүрек ырғағының бұзылуын емдеу үшін қолданылатын дәрілер (мысалы, хинидин, гидрохинидин, дизопирамид, амиодарон, соталол, дофетилид, ибутилид, дигиталис, бретилий тозилаты), • метформин (қант диабетін емдеу үшін), • құрамында йод бар контрастты заттар (рентгенографиялық зерттеу үшін қолданылатын), • депрессия, үрейлену, шизофрения сияқты психикалық бұзылыстарды емдеу үшін қолданылатын дәрілер (мысалы, трициклды антидепрессанттар, серотонинді кері қармаудың селективті тежегіштері (циталопрам, эсциталопрам), психозға қарсы препараттар, нейролептиктер (амисульприд, сульпирид, сультоприд, тиаприд, дроперидол, галоперидол)), • кальций таблеткалары немесе құрамында кальций бар басқа биологиялық белсенді қоспалар, • ауыр демікпені және ревматоидты артритті қоса, әртүрлі жай-күйлерді емдеу үшін қолданылатын пероральді кортикостероидтар, • калий жинақтаушы диуретиктер (несеп айдайтын дәрілер) (амилорид, спиронолактон, триамтерен), • циклоспорин, такролимус немесе ағзаларды трансплантациясынан кейін иммундық жүйенің функциясын төмендету үшін, аутоиммундық ауруларды немесе ауыр ревматизм немесе тері ауруларын емдеу үшін қолданылатын басқа дәрілер, • бепридил (стенокардияны емдеу үшін қолданылатын - кеудедегі ауырсынудың себебі болып табылатын аурулар), • цизаприд, дифеманил (ас қорыту проблемаларын емдеу үшін қолданылатын), • инъекциялар түріндегі спарфлоксацин, моксифлоксацин және эритромицин (инфекцияларды емдеуде қолданылатын антибиотиктер), • инъекциялар түріндегі винкамин (егде жастағы пациенттердің есте сақтау қабілетін жоғалтуы сияқты когнитивтік бұзылыстарының симптомдарын емдеу үшін қолданылады), • галофантрин (безгектің белгілі бір типтерін емдеу үшін қолданылатын паразитке қарсы дәрі), • пентамидин (өкпе қабынудың белгілі бір типтерін емдеу үшін қолданылатын), • инъекция түріндегі В амфотерицині (зең ауруларын емдеу үшін қолданылатын), • аллергиялық ринит сияқты аллергиялық реакцияларды емдеуге арналған препараттар (астемизол, терфенадин, мизоластин), • метадон (токсикоманияны емдеу үшін қолданылатын), • аллопуринол (подаграны емдеу үшін қолданылатын). Тамақ өнімдері Индап® препаратын қолдануға әсер етпейді.

Сақтау мерзімі 4 жыл. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!