Индометацин мазь 100 мг/г

Бір сықпаның құрамында белсенді зат - индометацин 4.0 г, қосымша заттар: диметилсульфоксид, мочевина, макрогол 400, макрогол 1500, пропиленгликоль, левоментол, метилпарагидроксибензоат Е218, пропилпарагидроксибензоат Е216, тазартылған су. Сыртқы түрінің, иісінің, дәмінің сипаттамасы Ментолдың өзіне тән иісі бар, біртекті консистенциядағы, ақшыл-сарыдан күңгірт-сары түске дейінгі жақпамай.

Индометацин препараты ересектер мен 14 жастан асқан балаларда қолдануға арналған: жедел және созылмалы ревматоидты артрит, остеоартрит, остеоартроз, шорбуынданатын спондилит, псориаздық полиартрит, подагралық артритті емдеуде кешенді емде қосымша препарат ретінде; тірек-қимыл аппаратының буыннан тыс ревматизмінің жергілікті түрлерін емдеу: тендинит, синовит, тендовагинит, фасция және буын байламдарының қабынуы, бурсит; тірек-қимыл аппаратының жарақаттан кейінгі зақымданулары – созылулар, шығып кетулер, соғылулар кезіндегі қабынуды, ауыру мен ісінуді жергілікті симптоматикалық емдеу.

Әсер ету механизмі Индометацин – бұл қабынуға қарсы стероидты емес препарат. Қабыну әрекеттерінде, ауыруда және гиперемияда маңызды рөл атқаратын циклооксигеназа ферментін тежеу арқылы простагландиндердің синтезіне тежелу әсерін көрсетеді. Ол ыстықты түсіретін әсер көрсетеді және тромбоциттердің агрегациясын қайтымды тежейді. Жергілікті қолданған кезде индометацин қабынған тіндерге қабынуға қарсы тікелей әсер көрсетеді.

Дозалау режимі Ересектер мен 14 жастан асқан балалар Препаратты зақымданған бөлігіне күніне 3-4 рет толық сіңгенге дейін сақтықпен ысқылап жағады. Бір рет жағуға қажетті жақпамай мөлшері зақымдану көлеміне байланысты және шамамен 4-5 см құрайды. Индометацин препартын қолдануда кем дегенде 6 сағаттық аралық болуы керек. Емдеу ұзақтығы 7-10 күнді құрайды. Егер осы уақыт ішінде жақсару болмаса, емді қайта қарау керек 14 жасқа дейінгі балалар 14 жасқа дейінгі балаларға Индометацин препаратын қолдануға болмайды. Қолдану тәсілі Индометацин препаратын сау, зақымданбаған теріге жағу керек. Препаратты көз аумағындағы шырышты қабыққа қолдануға болмайды.

• индометацинге немесе препараттың қосымша заттарының кез келгеніне аса жоғары сезімталдық; • демікпелік ұстаманың, есекжемнің, аллергиялық риниттің клиникалық көрінісі бар аспиринге, басқа қабынуға қарсы стероидты емес препараттарға (ҚҚСП) аса жоғары сезімталдық; • коагулопатиялар, лейкопения, тромбоцитопения; • асқазан және 12 елі ішектің ойық жарасы; • 14 жасқа дейінгі балалар.

Индометацин препаратын жергілікті қолданған кезде жүйелік жағымсыз реакциялардың пайда болу ықтималдығы пероральді қолданған кезде жағымсыз реакциялардың жиілігімен салыстырғанда болмашы. Жағымсыз реакциялардың түйіндемесі Сыртқа қолданған кезде пациенттерде келесі жағымсыз реакциялар байқалуы мүмкін: Иммундық жүйе тарапынан бұзылулар: жергілікті ісіну, везикулярлық бөртпе, ангионевроздық ісіну және тұншығу. Тері және теріасты тіндері тарапынан бұзылулар: қолдану орындарындағы күйдіру, қызару, қышыну, бөртулер, қабыршақтану, құрғақ тері. Терінің ауқымды беткейіне қолданған кезде резорбтивті жағымсыз реакциялар пайда болуы мүмкін: тәбеттің төмендеуі, жүрек айнуы, құсу, диарея, ауыру, қан құйылулар және ойық жараланулар. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Сыртқа қолданған кезде артық дозалану жүйенің әлсіз резорбциясына байланысты болуының ықтималдығы аз. Артық дозалану құбылыстарын (негізінен асқазан-ішек жолы тарапынан) өте сирек байқауға болады, тек терінің ауқымды бөліктеріне ұзақ уақыт қолданғанда. Кездейсоқ ішке қабылдау Симптомдары Ауыз қуысының шырышты қабығының күюі, сілекей бөліну, жүрек айнуы, құсу. Емі Ауыз қуысы мен асқазанды шаю. Симптоматикалық ем. Препараттың көзге, шырышты қабықтарға және ашық жараларға түсуі Симптомдары Жергілікті тітіркену байқалады: жас ағу, қызару, күйдіру, ауыру. Емі Шағымдар азайғанға және жойылғанға дейін зардап шеккен аймақты дистилденген сумен немесе физиологиялық ерітіндімен молынан жуу.

Кейде қабынуға қарсы стероидты емес препараттарды (ҚҚСП), оның ішінде индометацинді қолдану асқазан-ішек жолдарының зақымдануына, сондай-ақ жүрек-қантамыр жеткіліксіздігі, бауыр мен бүйрек функциясының бұзылуы бар пациенттерде жүрек функциясының нашарлауына әкелуі мүмкін. Препаратты жергілікті қолданған кезде индометациннің жүйелік резорбциясы ең аз болса да, Индометацин препаратын қолданар алдында асқазанның немесе он екі елі ішектің белсенді ойық жарасы бар, бүйрек ауруы және жүрек жеткіліксіздігі туралы анамнездегі деректері бар пациенттерге дәрігермен кеңесу қажет. Егер пациентте тамақ өнімдеріне, дәрілік препараттарға, сондай-ақ пішендік тұмаурату, бронх демікпесі, мұрын полипозы сияқты аллергиялық ауруларға аса жоғары сезімталдық бар болса, Индометацин препаратын тағайындамас бұрын дәрігермен кеңесу қажет. Басқа қабынуға қарсы стероидты емес препараттарға айқаспалы сезімталдық бар, сондықтан осы топтағы кез келген препаратқа аса жоғары сезімталдық байқалған пациенттерде индометацинге аса жоғары сезімталдық пайда болуы мүмкін. Индометацин препаратын 10 күннен артық қолданған кезде лейкоциттер мен тромбоциттерді зертханалық бақылау ұсынылады. Индометацин препаратын тек сау, зақымданбаған теріге жағу керек (ашық жаралар мен жарақаттар болмаған жағдайда). Индометацин препаратын шырышты қабықтарға және көз аумағына қолдануға болмайды. Дәрілік препаратты жергілікті қолданғаннан кейін теріде бөртпелер пайда болған кезде, емді бірден тоқтату керек. Препараттың компоненттеріне қатысты нұсқаулар Бұл препарат құрамында терінің тітіркенуін тудыруы мүмкін диметилсульфоксид, пропиленгликоль және пропилпарагидроскибензоат сияқты қосымша заттар бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Индометацин препаратын қолдану автокөлікті басқару және жоғары зейін қоюды және психомоторлық реакциялар жылдамдығын қажет ететін қауіптілігі зор қызмет түрлерімен айналысуға әсер етпейді.

FDA ҚҚСП, оның ішінде индометацинді жүктіліктің шамамен 20 аптасында және жүктіліктің неғұрлым соңғы кезеңдерінде қолдану шаранада бүйрек функциясының бұзылуының дамуына әкелуі мүмкін, бұл олигогидрамнионға, ал кейбір жағдайларда жаңа туған нәрестеде бүйрек жеткіліксіздігіне әкелуі мүмкін деп ескертеді. Бұл жағымсыз нәтижелер орташа есеппен ҚҚСП қабылдағаннан кейін бірнеше күн немесе аптадан кейін байқалады, дегенмен сирек жағдайларда ҚҚСП қабылдағаннан кейін 48 сағаттан кейін олигогидрамнионның дамуы туралы хабарланған. Қағанақ суының аздығы жиі, бірақ әрқашан емес, ҚҚСП қолдануды тоқтатқаннан кейін қайтымды болып табылады. Қағанақ суы аздығының ұзақ кезеңінде аяқ-қолдың контрактуралары және өкпе жетілуінің кешігуін қоса асқынулар дамуы мүмкін. Тіркеуден кейінгі кезеңде жаңа туған нәрестелерде қан ауыстырып құю немесе диализ сияқты инвазивті емшараларды қажет ететін бүйрек функциясының бұзылу жағдайлары туралы хабарланды. Егер маман жүкті әйелге 20-дан 30 аптаға дейінгі жүктілік уақытында ҚҚСП тағайындауды қажет деп санаса, онда мүмкін болатын ең аз уақыт кезеңінде ең аз тиімді дозаларды қолдану керек. Медициналық қолдану жөніндегі бекітілген нұсқаулықта шарананың артериялық түтікшесінің мерзімінен бұрын бітелуінің қосымша қаупіне байланысты жүктіліктің 30-шы аптасында және неғұрлым соңғы кезеңдерінде ҚҚСП қолданудан аулақ болу ұсынылады. ҚҚСП 48 сағаттан артық қолданған кезде амниондық сұйықтыққа ультрадыбыстық зерттеу жүргізу қажет. Қағанақ суының аздығы дамыған кезінде ҚҚСП қабылдауды тоқтату және белгіленген клиникалық хаттамаларға сәйкес бақылауды жалғастыру керек. Жүктілік кезінде Индометацин дәрілік препаратын қолдану ұсынылмайды. Индометацин емшек сүтіне аз мөлшерде енеді, сондықтан лактация кезеңінде Индометацин препаратын қолдану ұсынылмайды. Дәрілік препараттың фертильділікке әсері туралы деректер жоқ.

Индометацин препаратын жергілікті қолданған кезінде ең аз резорбцияға байланысты басқа дәрілік препараттармен өзара әрекеттесу ықтималдығы аз. Индометацин препаратын жағымсыз реакциялар қаупінің жоғары болуына байланысты селективті ЦОГ-2 тежегішін қоса, қабынуға қарсы стероидты емес препараттар тобындағы басқа дәрілік препараттармен бір мезгілде қолданудан аулақ болу керек. Индометацинді аспиринмен немесе кортикостероидтармен қолдану асқазан-ішек жолдарының асқыну қаупін арттырады. Қабынуға қарсы стероидты емес препараттар артериялық қысымды төмендететін дәрілік препараттармен өзара әрекеттесуі мүмкін, алайда жергілікті қолдану кезінде бұндай мүмкіндік өте аз болады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!