Инспиракс® раствор 0.25 мг/мл + 0.5 мг/мл

Әрбір ингаляцияға арналған 1 мл ерітіндінің құрамында белсенді заттар: - ипратропий бромиді моногидраты, 0.261 мг (0.250 мг ипратропий бромидіне шаққанда), фенотерол гидробромиді, 0.500 мг. қосымша заттар - бензалконий хлориді, натрий эдетаты, натрий хлориді, хлорсутек қышқылы 1 М ерітінді, тазартылған су Сыртқы түрінің, иісінің, дәмінің сипаттамасы Препарат - түссіз немесе түссіз дерлік мөлдір, иіссіз ерітінді.

Инспиракс® препараты ересектер мен балаларда тыныс алу жолдарының созылмалы обструктивті аурулары кезінде ентігу профилактикасы мен емдеуге қолдануға арналған: - шығу тегі аллергиялық және аллергиялық емес (эндогендік) бронх демікпесі - жүктеме кезіндегі демікпе - эмфиземасы бар және онсыз созылмалы обструктивті бронхит. Ұзақ мерзімді емдеу қажет болған жағдайда қабынуға қарсы қатарлас ем жүргізілуі керек.

ATХ коды: R03AL01 Әсер ету механизмі және фармакодинамикалық қасиеттері Инспиракс препаратында бронхолитиялық белсенділігі бар екі компонент бар: ипратропий бромиді – М-холиноблокатор және фенотерол – β2-адреномиметик. Ипратропий бромидін ингаляциялық енгізу кезінде бронходилатация негізінен жүйелік антихолинергиялық әсерге емес, жергілікті әсерге байланысты. Ипратропий бромиді - антихолинергиялық (парасимпатолитикалық) қасиеттері бар аммонийдің төрттік туындысы. Препарат кезбе жүйке ұштарынан босатылған медиатор – ацетилхолиннің әсеріне қарсы тұру арқылы кезбе жүйке туындатқан рефлекстерді тежейді. Антихолинергиялық дәрілер ацетилхолиннің бронх тегіс бұлшықеттерінде орналасқан мускариндік рецептормен өзара әрекеттесуі нәтижесінде пайда болатын Ca2+ жасушаішілік концентрациясының жоғарылауына жол бермейді. Ca2+ шығарылуы ИТФ (инозитолтрифосфат) және ДАГ (диацилглицерин) кіретін қайталама медиаторлар жүйесі арқылы жүзеге асырылады. Өкпенің созылмалы обструктивті ауруларымен (созылмалы бронхит және өкпе эмфиземасы) байланысты бронх түйілуі бар пациенттерде өкпе функциясының айтарлықтай жақсаруы (1 секунд ішінде қарқынды дем шығару көлемінің (ҚДК1) ұлғаюы және дем шығарудың шекті жылдамдығы 15% немесе одан көп) 15 минут ішінде байқалады, ең жоғары әсерге 1-2 сағаттан кейін қол жеткізілді және пациенттердің көпшілігінде енгізілгеннен кейін 6 сағатқа дейін созылды. Ипратропий бромиді тыныс алу жолдарындағы шырыш секрециясына, мукоцилиарлық клиренске және газ алмасуға теріс әсер етпейді. Фенотерол емдік дозада β2-адренорецепторларды таңдамалы түрде стимуляциялайды. β2-адренорецепторлар стимуляциясы Gs-ақуызы стимуляциясы арқылы аденилатциклазаны белсендіреді. β1-адренорецепторлар стимуляциясы жоғары дозаларды қолданған кезде пайда болады. Фенотерол бронхтар мен қантамырлардың тегіс бұлшықеттерін босаңсытады және гистамин, метахолин, суық ауа мен аллергендердің әсерінен болатын бронх түйілуі реакциялары (жедел типтегі аса жоғары сезімталдық реакциялары) дамуына қарсы әрекет етеді. Енгізгеннен кейін бірден фенотерол жуан жасушалардан қабыну медиаторларының және бронхобструкциялар босап шығуын бөгейді. Сонымен қатар, фенотеролды 0.6 мг дозада қолданғанда, мукоцилиарлы клиренстің күшеюі байқалды. Жүрек жиырылу жиілігі мен күшінің жоғарылауы сияқты препараттың жүрек қызметіне β-адренергиялық әсері фенотеролдың қантамырлар әсеріне, жүректің β2-адренорецепторлары стимуляциясына және емдік дозалардан асатын дозаларды қолданғанда β1-адренорецепторлар стимуляциясына негізделген. Басқа β-адренергиялық препараттарды қолданғандағы сияқты, жоғары дозаларды қолдану кезінде QTс аралығының ұзаруы байқалды. Фенотеролды дозаланған аэрозольды ингаляторлармен (ДАИ) қолданған кезде бұл әсер тұрақты болмады және ұсынылған мөлшерден асатын дозалар болған жағдайда байқалды. Алайда, фенотеролды небулайзерлермен (ингаляцияға арналған ерітінді стандартты дозадағы құтыларда) қолданғаннан кейін, жүйелік әсері препарататы ұсынылған дозаларда ДАИ көмегімен қолданғаннан гөрі жоғары болуы мүмкін. Бұл бақылаулардың клиникалық мәні анықталмаған. β-адренорецепторлар агонистерінің ең жиі байқалатын әсері - тремор. Бронхтың тегіс бұлшықеттеріне әсер етуден айырмашылығы, β-адренорецепторлары агонистерінің жүйелік әсерге төзімділігі дамуы мүмкін. Бұл көріністің клиникалық маңыздылығы нақтыланбаған. Тремор β-адренорецепторлар агонистерін қолданғандағы анағұрлым жиі жағымсыз әсері болып табылады. Осы екі белсенді затты бірге қолданған кезде бронх кеңейтетін әсеріне әртүрлі фармакологиялық нысаналарға ықпал ету арқылы қол жеткізіледі. Бұл заттар бір-бірін толықтырады, нәтижесінде бронх бұлшықеттеріне спазмолитикалық әсер күшейеді және тыныс алу жолдары констрикциясымен қатар жүретін бронх-өкпе ауруларында емдік әсердің ауқымдылығы қамтамасыз етіледі. Өзара толықтыратын әсерінде қажетті әсерге жету үшін β-адренергиялық компоненттің төмен дозасы қажет, бұл Инспиракс препаратына жағымсыз реакциялар болмаған кезде тиімді дозаны жеке таңдауға мүмкіндік береді. Жедел бронхоконстрикция кезінде Инспиракс препаратының әсері тез дамиды, бұл оны бронх түйілуінің жедел ұстамаларында қолдануға мүмкіндік береді.

Дозалау режимі Ересектер (егде жастағы адамдарды қоса) Бронх түйілуінің жедел ұстамалары Ұстаманың ауырлығына қарай физиологиялық ерітіндімен 3-4 мл дейін сұйылтқаннан кейін 10-25 ингаляциялық дем алу. Дозалар 1 мл бастап (1 мл = 20 тамшы) 2.5 мл дейін (2.5 мл = 50 тамшы) өзгеруі мүмкін. Ерекше ауыр жағдайларда 4 мл (4 мл = 80 тамшы) жететін дозаларды қолдануға болады. Бронх демікпесі немесе аллергенмен болжамды байланыс кезінде мақсатты профилактика үшін 2-3 мл физиологиялық тұзды ерітіндіде сұйылтылған Инспиракс® 1-2 ингаляциясын (0.1-0.2 мл) мүмкіндігінше осыдан 10-15 минут бұрын қолданады. Пациенттердің ерекше топтары Балалар 12 жастан 18 жасқа дейінгі балаларға арналған дозалау режимінің ересектерге арналған дозалау режимінен айырмашылығы жоқ. 6 жастан 12 жасқа дейінгі балалар Бронх демікпесінің жедел ұстамалары Жедел демікпе ұстамаларын жеңілдету үшін - ұстаманың ауырлығына және жасына байланысты, 3-4 мл дейінгі физиологиялық ерітіндімен сұйылтқаннан кейін - 5-20 ингаляциялық дем алу. Дозалар 0.5 мл бастап (0.5 мл = 10 тамшы) 2 мл дейін (2 мл = 40 тамшы) өзгеруі мүмкін. Ингаляция басталғанға дейін 10-15 минут бұрын жүктемеге немесе аллергенмен болжамды байланысқа қарай демікпе кезінде мүмкіндігінше 2-3 мл физиологиялық ерітіндіде сұйылтылған Инспиракс® ерітіндісінің 1-2 ингаляциясы (0.1-0.2 мл) қолданылады. Дене салмағы 22 кг-нан аз 6 жасқа дейінгі балалар Осы жас тобында препаратты қолдану туралы ақпарат шектеулі болғандықтан, келесі дозаны қолдану ұсынылады (тек медициналық бақылау жағдайында): 3-4 мл дейінгі физиологиялық ерітіндімен сұйылтқаннан кейін, дене салмағының кг-на 1 ингаляция 0.1 мл (2 тамшы), бірақ 0.5 мл-ден (10 тамшы) аспауы керек. Енгізу әдісі мен жолы Ингаляциялық. Тек небулайзер пайдаланылатын ингаляция үшін! Емдеу әдетте ұсынылатын ең аз дозадан басталуы керек. Ұсынылатын дозаны 0.9% натрий хлориді ерітіндісімен 3–4 мл құрайтын соңғы көлемге дейін сұйылтылуы және небулайзердің көмегімен (толығымен) қолданылуы тиіс. Ингаляцияға арналған Инспиракс® ерітіндісін дистилденген сумен сұйылтуға болмайды. Ерітіндіні сұйылту әр уақытта қолданар алдында жасалуы тиіс; сұйылтылған ерітіндінің қалдықтары жойылуы керек. Сұйылтылған ерітіндіні дайындағаннан кейін бірден қолдану керек. Ингаляцияның ұзақтығын сұйылтылған ерітіндінің тұтынылуы бойынша бақылауға болады. Ингаляцияға арналған Инспиракс® ерітіндісін небулайзердің әртүрлі коммерциялық үлгілерінде қолдануға болады. Өкпеге жететін доза және жүйелік доза қолданылатын небулайзер түріне байланысты және Инспиракс® дозаланған аэрозолын қолданған кезде тиісті дозалардан жоғары болуы мүмкін (бұл ингалятор түріне байланысты). Орталықтандырылған оттегі жүйесін қолданған кезде ерітіндіні ағыны минутына 6-8 литр жылдамдықпен қолданған дұрыс. Небулайзерді қолдану, техникалық қызмет көрсету және тазалау жөніндегі нұсқаулықты орындау қажет. Емдеу медициналық бақылаумен (мысалы, стационар жағдайында) жүргізілуі тиіс. Үй жағдайында емдеу дәрігермен кеңескеннен кейін, жылдам әсер ететін β-агонист төмен дозада жеткілікті тиімді болмаған кезде ғана мүмкін болады. Сондай-ақ, ингаляцияға арналған ерітіндіні ингаляцияға арналған аэрозоль пайдалануға болмайтын немесе жоғарылау дозалар қолдану қажет болған жағдайда пациенттерге ұсынуға болады. Доза ұстаманың ауырлығына байланысты жеке таңдалуы керек. Емдеу әдетте ұсынылған ең аз дозадан басталып, симптомдардың жеткілікті төмендеуіне қол жеткізілгеннен кейін тоқтатылуы керек. Препаратты қолдану жөніндегі іс-қимылдардың қысқаша сипаттамасы: 1. Небулайзерді пайдалануға дайындау керек. 2. Құтының ішіндегісін дәрігер тағайындаған қажетті дозада небулайзер резервуарына салу керек. Бұл жағдайда құтыны төңкерілген күйде тігінен ұстайды. 3. Небулайзер резервуарына 2-3 мл немесе 3-4 мл болатын соңғы көлеміне дейін еріткіш (0,9% натрий хлориді ерітіндісі) қосу керек. 4. Бұдан әрі небулайзерді қолдану жөніндегі нұсқаулықты ұстану керек.

- әсер етуші заттарға немесе қосымша заттардың кез келгеніне аса жоғары сезімталдық - гипертрофиялық обструктивті кардиомиопатия - тахиаритмия.

Жиі: • жөтел. Жиі емес: • бас ауыруы, тремор, бас айналу • тахикардия, жүрек қағуын сезіну • құсу, жүрек айну, ауыздың құрғауы • күйгелектік • фарингит, дисфония • систолалық артерия қысымының жоғарылауы Сирек: • аритмия, жүрекше фибрилляциясы, қарыншаүстілік тахикардия*, миокард ишемиясы* • стоматит, глоссит, асқазан-ішек жолы моторикасының бұзылуы**, диарея, іш қату*, ауыз қуысының ісінуі*, қыжыл • есекжем, қышыну, ангионевроздық ісіну*, гипергидроз*, бөртпе, петехия • қозу, ментальды бұзылулар • бронх түйілуі, жұтқыншақтың тітіркенуі, жұтқыншақтың ісінуі, ларингоспазм*, парадоксальды бронх түйілуі*, жұтқыншақтың құрғауы* • бұлшықет әлсіздігі, бұлшықет түйілуі, миалгия; • несептің іркілуі • диастолалық артериялық қысымның жоғарылауы. Сирек*: • анафилаксиялық реакция, аса жоғары сезімталдық • гипокалиемия • глаукома, көзішілік қысымның жоғарылауы, аккомодация бұзылулары, мидриаз, бұлыңғыр көру, көздің ауыруы, мөлдір қабықтың ісінуі, конъюнктивалық гиперемия, заттардың айналасында ореол пайда болуы. Өте сирек: • қан сарысуында глюкозаның жоғарылауы. Белгісіз (қолда бар деректер негізінде бағалау мүмкін емес): • аса жоғары белсенділік. * Бұл жағымсыз реакциялар Инспиракс® препаратын клиникалық зерттеу барысында анықталмаған. Бағалау пациенттердің жалпы популяциясы бойынша есептелген 95% сенімділік аралығының жоғарғы шекарасы негізінде жүргізіледі. ** Әсіресе муковисцидозбен ауыратын пациенттерде ингаляциялық антихолинергиялық препараттармен емдеу (Инспиракс® препаратында да бар) көбіне асқазан-ішек жолы моторикасының бұзылуына әкелуі мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Артық дозалану симптомдары әдетте фенотеролдың әсерімен байланысты. β-адренорецепторлардың шамадан тыс стимуляциясымен байланысты симптомдар пайда болуы мүмкін. Тахикардия, жүрек қағуын сезіну, тремор, артериялық қысымның жоғарылауы, артериялық қысымның төмендеуі, систолалық және диастолалық артериялық қысым арасындағы айырмашылықтың артуы, стенокардия, аритмия және «ысынулар» пайда болуы барынша ықтимал. Метаболикалық ацидоз және гипокалиемия да байқалды. Гипергликемия да дамуы мүмкін. Асқазан-ішек бұзылыстары жүрек айнуы мен құсуды қоса, әсіресе препаратты пероральді қабылдағаннан кейін болуы мүмкін. Ипратропий бромидінің артық дозалану симптомдары (мысалы: ауыздың құрғауы, көз аккомодациясының бұзылуы), препараттың емдік әсерінің ауқымдылығын және жергілікті қолдану әдісін ескере отырып, әдетте аз көрінеді және өтпелі сипатта болады. Емі Препарат қолдануды тоқтату қажет. Қанның қышқылды-сілтілі теңгеріміне мониторинг жасау деректерін ескеру қажет. Седативті препараттар, транквилизаторлар, ауыр жағдайларда – қарқынды ем көрсетілген. Арнайы антидот ретінде β-адреноблокаторларды, дұрысы β1-селективті адреноблокаторларды қолдануға болады. Алайда, β-адреноблокаторлардың әсерінен бронхиалды обструкцияның ықтимал күшеюін есте ұстаған жөн және өлімге әкелуі ықтимал ауыр бронх түйілуі қаупіне байланысты бронх демікпесі немесе өкпенің созылмалы обструктивті ауруы (ӨСОА) бар пациенттер үшін дозаны мұқият таңдау керек. Қажет болған жағдайда дәрілік препаратты қолдану тәсілін түсіндіру үшін медициналық қызметкердің кеңесіне жүгініңіз.

Сақтықпен Жабық бұрышты глаукома, артериялық гипертензия, жеткіліксіз бақыланатын қант диабеті, жақында миокард инфарктісін өткерген, ауыр органикалық жүрек және қантамырлар аурулары, жүректің ишемиялық ауруы, гипертиреоз, феохромоцитома, несеп шығару жолдары обструкциясы, муковисцидоз, жүктілік (II және III триместр), бала емізу кезеңі. Ентігу Ентігу күтпеген тез күшейген (тыныс алудың қиындауы) жағдайда кідіртпей дәрігерге қаралу керек. Аса жоғары сезімталдық Инспиракс® препаратын қолданғаннан кейін жедел аса жоғары сезімталдық реакциялары пайда болуы ықтимал, олардың белгілері сирек жағдайларда: есекжем, ангионевроздық ісіну, бөртпе, бронх түйілуі, ауыз-жұтқыншақтың ісінуі, анафилаксиялық шок болуы мүмкін. Препарат демікпе ұстамасына ұқсас жөтел ұстамасын (парадоксальды бронх түйілуі деп аталатын) тудыруы мүмкін. Парадоксальды бронх түйілуі Инспиракс® препараты, басқа ингаляциялық препараттар сияқты, өмірге қауіп төндіретін парадоксальды бронх түйілуін тудыруға қабілетті. Парадоксальды бронх түйілуі дамыған жағдайда Инспиракс® препаратын қолдануды дереу тоқтатып, балама емге көшу керек. Ұзақ қолдану Бронх демікпесімен ауыратын пациенттерде Инспиракс® препараты қажет болған жағдайда ғана қолданылуы тиіс. ӨСОА және бронхиалды өткізгіштіктің жеңіл дәрежелі бұзылуы бар пациенттерде симптоматикалық емдеу тұрақты қолданудан гөрі қолайлы болуы мүмкін. Бронх демікпесі бар глюкокортикоидтарға реакция беретін пациенттерде тыныс алу жолдарының қабыну процесін және аурудың ағымын бақылау үшін қабынуға қарсы емді жүргізу немесе күшейту қажеттілігін есте ұстаған жөн. Бронхиалды обструкцияны тоқтату үшін құрамында β2-адреномиметиктер бар Инспиракс® сияқты препараттардың артып келе жатқан дозаларын үнемі пайдалану аурудың бақыланбайтын нашарлауына әкелуі мүмкін. Бронхиалды обструкция күшейген жағдайда β2-агонистердің дозасын, оның ішінде Инспиракс® препаратын ұзақ уақыт бойы ұсынылғаннан артық арттыру ақталмағанымен қатар қауіпті. Өмірге қауіп төндіретін аурудың нашарлауының алдын алу үшін пациентті емдеу жоспарын және ингаляциялық глюкокортикостероидтармен барабар қабынуға қарсы емді қайта қарау керек. Басқа симпатомиметикалық бронходилататорларды Инспиракс® препаратымен бір мезгілде тек медициналық бақылаумен тағайындаған жөн. Асқазан-ішек жолы тарапынан бұзылулар Анамнезде муковисцидоз бар пациенттерде АІЖ моторикасының бұзылуы мүмкін. Көру ағзалары тарапынан бұзылулар Препаратты көзге тигізбеу керек. Инспиракс® жабық бұрышты глаукомаға бейім пациенттерде сақтықпен қолданылуы тиіс. Ингаляциялық ипратропий бромиді (немесе β2-адренорецепторлардың агонистерімен біріктірілген ипратропий бромиді) көзге енген кезде дамыған көру мүшесінің асқынулары (мысалы, көзішілік қысымның жоғарылауы, мидриаз, жабық бұрышты глаукома, көздің ауыруы) туралы жеке хабарламалар белгілі. Жедел жабық бұрышты глаукоманың сиптомдары болуы мүмкін: көздің ауыруы немесе жайсыздығы, бұлыңғыр көру, көздің алдындағы заттар мен түрлі-түсті дақтарда ореол пайда болуы, конъюнктивалық гиперемияға байланысты мөлдір қабықтың ісінуі мен көздің қызаруы. Егер осы симпомдардың кез келген композициясы дамитын болса, көзішілік қысымды төмендететін көз тамшыларын қолдану және дереу маманмен кеңесу көрсетіледі. Ерітіндінің көзге түсіп кетуін болдырмау үшін небулайзер көмегімен пайдаланылатын ерітіндіні мүштік арқылы деммен жұтуға кеңес беріледі. Мүштік болмаған жағдайда бетке тығыз жабысатын маска қолданылуы керек. Глаукоманың дамуына бейім пациенттер әсіресе көзді қорғауға мұқият қарауы керек. Жүйелік әсерлер Келесі ауруларда: жақында миокард инфарктісін өткерген, жеткіліксіз бақыланатын қант диабеті, ауыр органикалық жүрек және қантамырлар аурулары, гипертиреоз, феохромоцитома, несеп шығару жолдарының обструкциясында (мысалы, қуық асты безінің гиперплазиясы немесе қуық мойнының обструкциясы) Инспиракс®, әсіресе ұсынылған дозадан жоғары дозаларды қолданғанда, қауіп/пайдасын мұқият бағалаудан кейін ғана қолданылуы тиіс. Жүрек-қантамыр жүйесіне әсері Постмаркетингтік зерттеулерде β-агонистерді қабылдау кезінде миокард ишемиясының сирек жағдайлары байқалды. Жүректің ауыр аурулары, мысалы, жүректің ишемиялық ауруы, аритмия немесе жүректің айқын жеткіліксіздігі бар Инспиракс® препаратын қабылдайтын пациенттер жүректің ауыруы немесе жүрек ауруларының нашарлауын көрсететін басқа симптомдар пайда болған жағдайда дәрігерге қаралуы керек. Ентігу және кеудедегі ауырсыну сияқты симптомдарға назар аудару керек, өйткені олардың этиологиясы жүрек пен өкпеден болуы мүмкін. Гипокалиемия β2-агонистерін қолданған кезде гипокалиемия туындауы мүмкін. Арнайы ескертулер Спортшыларда қолдану Спортшыларда Инспиракс® препаратын қолдану оның құрамында фенотеролдың болуына байланысты допинг тестілерінің оң нәтижелеріне әкелуі мүмкін. Қосымша заттар Препарат құрамында бензалконий хлориді консерванты және натрий эдетаты тұрақтандырғышы бар. Ингаляция кезінде бұл компоненттер тыныс алу жолдарының аса жоғары белсенділігі бар сезімтал пациентетрде бронх түйілуін тудыруы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралдарын және механизмдерді басқару қабілетіне әсерін тексеру бойынша зерттеулер жүргізілмеген. Бұл әрекет түрлерін орындау кезінде абай болу керек, өйткені бас айналу, тремор, көз аккомодациясының бұзылуы, мидриаз және бұлыңғыр көру дамуы мүмкін. Егер жоғарыда аталған жағымсыз сезімдер пайда болса, көлік құралдары мен механизмдерді басқару сияқты қаупі ықтимал әрекеттерден аулақ болу керек.

Препаратты жүктіліктің I триместрінде қолдануға болмайды. Қолданыстағы клиникалық тәжірибе фенотерол мен ипратропий бромидінің жүктілікке теріс әсер етпейтінін көрсетті. Дегенмен, жүктілік кезінде осы препараттарда қолданған кезде әдеттегі сақтық шаралары сақталуы тиіс (II және III триместр). Фенотеролдың жатырдың жиырылуына тежегіш әсерін ескерген жөн. Жүктіліктің соңында немесе жоғары дозада β2-агонистерді қолдану жаңа туған нәрестеде жағымсыз әсерлер (тремор, тахикардия, қандағы қанттың ауытқуы, гипокалиемия) тудыруы мүмкін. Клиникаға дейінгі зерттеулер фенотеролдың емшек сүтіне енуі мүмкін екенін көрсетті. Ипратропий бромидіне қатысты мұндай деректер алынған жоқ. Ипратропий бромидінің, әсіресе препаратты аэрозоль түрінде қолданған жағдайда емшектегі балаға айтарлықтай әсерінің ықтималдығы аз. Дегенмен, көптеген дәрілік препараттардың емшек сүтіне ену қабілетін ескере отырып, Инспиракс® препаратын бала емізетін әйелдерге тағайындау кезінде сақ болу керек.

Инспиракс® препаратын деректердің болмауына байланысты басқа антихолинергиялық препараттармен бір мезгілде ұзақ уақыт қолдану ұсынылмайды. β-адренергиялық және антихолинергиялық дәрілер, ксантин туындылары (мысалы, теофиллин) Инспиракс® препаратының бронхты кеңейтетін әсерін күшейтуі мүмкін. Басқа β-адреномиметиктерді, антихолинергиялық дәрілерді немесе ксантин туындыларын (мысалы, теофиллин) бір мезгілде қолдану жағымсыз реакциялардың күшеюіне әкелуі мүмкін. β-адреномиметиктерді қолданумен байланысты гипокалиемияны ксантин туындыларын, глюкокортикостероидтарды және диуретиктерді бір мезгілде тағайындаумен күшейтуге болады. Бұған тыныс алу жолдары обструктивті ауруларының ауыр түрлерімен ауыратын пациентерді емдеуде ерекше назар аудару керек. Гипокалиемия дигоксин қабылдаған пациенттерде аритмия туындау қаупінің жоғарылауына әкелуі мүмкін. Сонымен қатар, гипоксия гипокалиемияның жүрек ырғағына теріс әсерін күшейтуі мүмкін. Мұндай жағдайларда қан сарысуындағы калий деңгейін мониторинг жүргізіп отыру ұсынылады. Моноаминоксидаза тежегіштері мен трициклді антидепрессанттармен емделген пациенттерге β2-адренергиялық препараттарды сақтықпен тағайындау керек, өйткені бұл препараттар β-адренергиялық дәрілердің әсерін күшейтуге қабілетті. Галотан, трихлороэтилен немесе энфлуран сияқты галогенделген көмірсутекті анестетиктер ингаляциясы β-адренергиялық дәрілердің жүрек-қантамырлар жүйесіне әсерін күшейтуі мүмкін. Инспиракс® препаратын кромоглиций қышқылымен және/немесе глюкокортикостероидтармен бірге қолдану емнің тиімділігін арттырады. Небулизацияланған ипратропий бромиді көзге жекелей немесе β2-агонистпен біріктіріліп түскенде глаукоманың жедел ұстамасы даму қаупі артады. Басқа β-адреномиметиктерді бір мезгілде қолдану басқа бета-адренергиялық дәрілер (мысалы, сальбутамол немесе салметерол) препараттың бронхты кеңейтетін әсерін күшейтуі мүмкін. Қан қысымын төмендететін кейбір дәрілер (бета – рецепторлардың блокаторлары препараттың әсерін төмендетеді).

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30 °С-ден аспайтын температурада сақтау керек. Мұздатып қатыруға болмайды. Тікелей күн сәулесінің әсерінен қорғау керек. Балалардың қолы жетпейтін жерде сақтау керек.