Инсти гранулы

1 пакеттің ішінде белсенді заттар: Ақ тал қабығының қою экстрактісі 275 мг Жалаң мия тамырларының қою экстрактісі 205 мг Тамырлы адхатода жапырақтарының қою экстрактісі 115 мг Қытай шайы жапырақтарының қою экстрактісі 50 мг Жұпар шегіргүл шөбінің қою экстрактісі 40 мг Дәрілік шүйгіншөптің тамырсабақтарымен тамырларының қою экстрактісі 40 мг Кәдімгі Аскөк жемістерінің қою экстрактісі 30 мг Шар тәрізді эвкалипт жапырақтарының қою экстрактісі 15 мг қосымша заттар: жүгері крахмалы, сахароза, лимон хош иістендіргіші Сыртқы түрінің, иісінің, дәмінің сипаттамасы Жаншығанда шығатын лимон иісі бар қоңыр түсті түйіршіктер

Жөтелмен, қызбамен, ринитпен, бас және бұлшықет ауыруларымен қатар жүретін тұмауды, ЖРВИ симптоматикалық емдеу

Инсти түйіршіктері - қақырық түсіретін, муколитикалық, бронхолитикалық, қабынуға қарсы, ыстықты түсіретін және спазмолитикалық әсері бар кешенді фитопрепарат. Ақ талдың құрамында салицин, тремулацин гликозидтері бар. Ол ыстықты түсіретін, қабынуға қарсы, ауырғанды басатын әсер береді. Тамырлы Адхатода құрамында вазицин, вазицинон алкалоидтары бар. Бронхты кеңейтетін, қақырық түсіретін әсерге ие, қақырықтың тұтқырлығын азайтады және бронх эпителийлері кірпікшелерінің қозғалыс белсенділігін арттырады, бұл қақырықтың шығуын жақсартуға ықпал етеді. Сурфактант өндірілуін көтермелейді, бұл тыныс алу бұлшықеттеріне «дем алу/дем шығару» толыққанды циклін орындау мүмкіндігін қамтамасыз етеді. Гистаминнің әсерінен туындаған бронх түйілуінен қорғай отырып, демікпеге қарсы әсер етеді. Жұпар шегіргүлдің құрамында виолин, фриделин, эфир майлары бар. Антигистаминді, қақырық түсіретін, ыстықты түсіретін, терлететін әсер береді. Жалаң мия құрамында глицирризин гликозиді, флавоноидтар, аспарагин бар. Ол қақырық түсіретін және қабынуға қарсы қасиеттерге ие. Мия құрамындағы глицирризин қышқылы жергілікті, сонымен қатар жалпы иммунитетті көтермелей отырып, иммунитет стимуляциялайтын әсерді қамтамасыз етеді. Қытай шайында танин, кофеин, теофиллин бар. Тұтқыр, сергітетін, несеп айдайтын әсерге ие. Кәдімгі аскөк құрамында эфир майлары, дипентин бар. Бронхтардың секрециялық функциясын күшейтеді және муколитикалық әсер етеді, сондай-ақ антисептикалық және қабынуға қарсы қасиеттері бар. Шар тәрізді эвкалипт құрамында эфир майлары (цинеол, пинен, миртенол, пинокарвон, эйдесмол), иіткіш заттар бар. Антисептикалық әсерге ие, әсіресе стрептококктарға, стафилококктарға қатысты, қабынуға қарсы әсер туындатады. Регенерация үдерістерін стимуляциялайды, тіндердің гипоксияға төзімділігін арттырады. Дәрілік шүйгіншөп құрамында эфир майлары (изовалериан қышқылы, валереналь, борнеол, а-пинен), алкалоидтар (шүйгіншөп, хатинин), сапониндер, кетондар бар. Орталық жүйке жүйесінің қозғыштығын төмендетеді, тегіс бұлшықетті ағзалардың түйілуін азайтады. Инсти пациенттердің жағдайын жақсартады, жоғары температура мен жөтелдің қарқындылығын төмендетеді. Қабылдағаннан кейін 24 сағат ішінде ринит, фарингит, трахеит симптомдарының жылдам басылуына ықпал етеді. Ұйқышылдық пен дағдылануды тудырмайды. Ыстық суда тез ериді.

Дозалау режимі Ересектер Күніне 2-3 рет 1 пакеттен. Пакет ішіндегісін бір стақан ыстық суда ерітіп және асықпай ішу керек. Енгізу әдісі мен жолы Ішке қабылдауға арналған. Емдеу ұзақтығы Емдеу курсы 5-7 күн

- препарат компоненттеріне жекелей жоғары сезімталдық - аспириндік демікпе - қант диабеті - 18 жасқа дейінгі балалар

Жағымсыз әсерлері Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректердің негізінде бағалау мүмкін емес) Өте сирек - препарат компоненттеріне аллергиялық реакциялар - қан ұю көрсеткіштерінің төмендеуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі «Медициналық және фармацевтикалық бақылау комитеті» РММ http://www.ndda.kz

Ақпарат жоқ.

Ақпарат жоқ. Арнайы ескертулер Препарат құрамында сахароза бар, оны қант диабеті, экссудативті диатезі бар науқастар, сондай-ақ гипокалориялы диетада ескеру керек. Егер респираторлық ауру тыныс тарылуымен, қызбамен, іріңді немесе қан аралас қақырықпен қатар жүретін болса, дәрігерге қаралу керек. Педиатрияда қолдану Балалар үшін Балаларға арналған Инсти препаратын қолдану ұсынылады.

Жүкті әйелдерде және лактация кезеңінде препараттың тиімділігі мен қауіпсіздігін растайтын клиникалық зерттеу деректері жоқ. Дәрілік заттардың көлік құралдарын және қауіптілігі зор механизмдерді және машиналарды басқару қабілетіне әсер ету ерекшеліктері. Әсер етпейді

Жөтелге қарсы препараттармен, сондай-ақ қақырықтың түзілуін азайтатын дәрілік заттармен бір мезгілде қабылдау ұсынылмайды. Бір мезгілде қабылдағанда қан ұюына қарсы дәрілер мен ацетилсалицил қышқылының әсерін күшейтеді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек!