Интербетин® лиофилизат 0.3 мг

Бір құтының ішінде белсенді зат: интерферон бета-1b (rIFN--1b) – 0.3 мг (9.6 млн. ХБ сәйкес келеді); қосымша заттар: адам альбумині – 15.0 мг, маннитол – 15.0 мг. Бір мл еріткіштің құрамында: натрий хлориді – 5.4 мг, инъекцияға арналған су – 1.0 мл дейін. Сыртқы түрінің, иісінің, дәмінің сипаттамасы Лиофилизат: ақтан сәл сарғыш реңді ақ түске дейінгі аморфты масса. Еріткіш: мөлдір түссіз ерітінді. Дайындалған ерітінді: мөлдір немесе бозаңданатын, түссіз немесе ашық-сары түсті ерітінді.

- Венаішілік кортикостероидтарды тағайындау үшін қабыну үдерісінің айқындылығы жеткілікті болатын клиникалық оқшауланған синдромда (КОС) (баламалы диагноздар жоққа шығарылған жағдайда жайылған склерозды жорамалдауға мүмкіндік беретін диемиелинизацияның бірден-бір клиникалық көрінісі) – КНЖС даму қаупі жоғары пациенттерде клиникалық нақты жайылған склерозға (КНЖС) ауысуды баяулату үшін. - Анамнезінде соңғы 2 жылда кемінде 2 рет болған өршу кейіннен неврологиялық тапшылықтың толық немесе толық емес қалпына келуіне ұласқан қайталанатын-ремиссиялы жайылған склерозда (ҚЖС) – амбулаторлық пациенттерде (яғни, біреудің жәрдемінсіз жүруге қабілетті пациенттерде) аурудың өршу жиілігін және ауырлығын азайту үшін. - Соңғы екі жыл ішінде неврологиялық функциялардың өршуімен немесе айқын нашарлауымен сипатталатын ауру ағымы белсенді салдарлы-үдемелі жайылған склерозда – аурудың клиникалық өршу жиілігі мен ауырлық дәрежесін азайту үшін, сондай-ақ аурудың үдеу қарқынын баяулату үшін.

Интербетин 0.3 мг (9.6 млн. ХБ), тері астына енгізу үшін ерітінді дайындауға арналған лиофилизат еріткішпен жиынтықта биоаналог болып табылады. Әсер ету механизмі Интерферондар – цитокиндер тектестерге жататын және молекулалық массасы 15 000-нан 21 000 дальтонға дейін болатын ақуыздар. Үш негізгі интерферондар класы бар: альфа, бета және гамма. Интерферон альфа, -бета және -гамма айқаспалы, бірақ өте айқын биологиялық белсенділікке ие. Интерферон бета-1b белсенділігі спецификалық жағынан әртүрлі, сондықтан неғұрлым маңызды фармакологиялық ақпаратты адам жасушаларын өсірінділеумен зерттеулерден және in vivo зерттеулерінен алуға болады. Интерферон бета-1b вирусқа қарсы және иммунитет модуляциялаушы белсенділік иеленеді. Жайылған склерозда интерферон бета-1b әсер ету механизмі түпкілікті анықталмаған. Алайда интерферон бета-1b биологиялық әсері оның адам жасушалары беткейінен табылған спецификалық рецепторлармен өзара әрекеттесуімен жүзеге асатыны белгілі. Осы рецепторлармен интерферон бета-1b байланысуы интерферон бета-1b биологиялық әсерлерінің медиаторлары ретінде қарастырылатын бірқатар заттардың экспрессиясын индукциялайды. Осы заттардың кейбірі интерферон бета-1b алған пациенттердің сарысуында және қан жасушалары фракцияларында болатыны анықталды. Интерферон бета-1b интерферон гамма рецепторының байланысу қабілетін төмендетеді және оның интернализациясы мен деградациясын арттырады. Бұдан басқа, интерферон бета-1b шеткері қан мононуклеарлы жасушаларының супрессорлық белсенділігін арттырады. Интерферон бета-1b жүрек-қантамыр, тыныс алу және эндокриндік жүйеге әсер етуіне зерттеулер жүргізілген жоқ. Клиникалық тиімділігі және қауіпсіздігі Қайталанатын-ремиссиялы жайылған склерозы бар, басқа адамның көмегінсіз жүріп-тұра алатын пациеттерде (EDSS шкаласы бойынша бастапқы бағалануы 0-ден 5.5 баллға дейін) интерферон бета-1b-мен емдеу аурудың клиникалық өршуінің жиілігін (30%-ға) және ауырлығын, ауру салдарынан ауруханаға жатқызу санын және глюкокортикостероидтармен емдеу қажеттілігін төмендететіні, сондай-ақ ремиссия ұзақтығының ұзаруы анықталды. Интерферон бета-1b-мен емнің өршу ұзақтығына немесе өршулер арасындағы симптомдар пайда болуына, сондай-ақ қайталанған- ремиттирлейтін жайылған склерозда аурудың үдеуіне әсері туралы ақпарат жоқ. Салдарлы-үдемелі жайылған склерозы бар пациенттерде интерферон бета-1b-мен емдеу еңбекке жарамсыздықтың үдеуін (қауіптің 31%-ға төмендеуі) және ауыр мүгедектікті, яғни пациенттер мүгедектер арбасын үнемі пайдалануға мәжбүр болуын (қауіптің 39%-ға төмендеуі) кідіртуге мүмкіндік береді. Бұл әсер өршуінің жиілігіне байланыссыз мүгедектіктің кез келген индексі бар пациенттерде 33 ай бойына бақыланды. Интерферон бета-1b-мен емдеу ем басталғанға дейін белсенді түрдегі ауруы бар пациенттерде мүгедектіктің басталу уақытына зор ықтималдықпен ықпал етеді (қауіптің 28%-ға төмендеуі). Интерферон бета-1b-мен емдеу кезінде клиникалық өршулер жиілігі 30 %-ға төмендеді, дегенмен емнің қайталанулар ұзақтығына әсері туралы деректер болған жоқ. Клиникалық оқшауланған синдромы бар және мидың магнитті-резонанстық томографиясының (МРТ) нәтижелері жайылған склероздың бар екенін болжауға мүмкіндік беретін пациенттерде интерферон бета-1b-мен емдеу аурудың алғашқы клиникалық білінуінен клиникалық нақты жайылған склерозға (КНЖС) дейін үдеуін Макдонольдс критерийлері бойынша тұрақты түрде баяулатады. Емнің әсері 3 және 5 жыл емдеуден кейін сақталды, және емді ерте бастаған топта үдеуі төменірек болды. Үдеудің салдарынан КНЖС жоғары қаупі аурудың көп ошақты түріндегі пациенттерде МРТ көрсеткіштеріне қарамастан жоғары болды. Интерферон бета-1b препараттарымен емдеуді аурудың үдеу қаупі жоғары пациенттерге ғана тағайындау ұсынылады. Пациенттерде мидың МРТ нәтижелері жайылған склероз ағымының барлық нұсқаларында интерферон бета-1b-мен емдеудің тиімділігін және ауру ағымының баяулауын көрсетті. МРТ баға беру нәтижелері бойынша жайылған склероз ағымы мен клиникалық нәтиженің арасындағы өзара байланыс қазіргі уақытта анықталмаған.

Интербетин® препаратымен емдеуді жайылған склерозды емдеу тәжірибесі бар дәрігердің бақылауымен бастаған жөн. Дозалану режимі 1 мл дайындалған ерітіндінің құрамындағы Интербетин® препаратының ұсынылған дозасын 0.25 мг (8 млн. ХБ) күнара тері астына енгізеді. Емдеудің басында дозаны титрлеу ұсынылады. Пациенттер күнара тері астына 62.5 мкг (0.25 мл) старттық дозадан бастауы және дозасын біртіндеп күнара енгізілетін 250 мкг (1.0 мл) дейін арттыруы қажет. Дозаны титрлеу кезеңі препараттың әркімдегі жеке көтерімділігіне қарай құбылуы мүмкін. Дозаны титрлеу сызбасы* Емделу күні — Доза, мкг — Препарат көлемі, мл 1, 3, 5 — 62.5 — 0.25 7, 9, 11 — 125 — 0.5 13, 15, 17 — 187.5 — 0.75 19, 21, 23 және т.с.с.. — 250 — 1 * титрлеу сызбасын елеулі жағымсыз реакциялар пайда болғанда түзетуге болады. Препараттың оңтайлы дозасы толық анықталмаған. Енгізу әдісі және жолы Тері астына инъекция үшін. Теріастылық инъекция үшін орын таңдауға ұсынымдар. Препарат қысқа инесі бар шприцпен тері астына буындар мен жүйкелерден алыс орналасқан жұмсақ тіндерге енгізіледі. Инъекция салатын жерлерді 1-суреттегі сызба арқылы таңдап алуға болады. Олар келесі аумақтарда орналасуы тиіс: - Қолдар (иықтың артқы беткейі). - Іш (кіндік және бел аумағын қоспағанда). - Бөксе. - Сан (алдыңғы және бүйір жақ беті, шап пен тізе аумағын қоспағанда) Инъекцияға арналған жерлерді, әр жолы жаңа орын таңдап, кезектестіріп отыру қажет. Бұл терінің қалпына келуіне мүмкіндік береді, инфекциялар түсуін және жергілікті реакциялар дамуын болдырмайды. 1-суретте берілген сызба инъекцияны дұрыс кезектестіруге көмектеседі. Мысалы, егер алғашқы инъекция іштің оң жақ жартысына жасалса, екіншісін сол жақ жартысына, үшіншісін оң санға және т.с.с. жасаңыз. Ыңғайлы болу үшін, инъекцияның қай жерге және қашан жасалғанын жазып қойыңыз. Ол үшін 1-суреттегі кестені де пайдалануға болады. Назар аударыңыз! Инъекцияны бұдыр, ісіну, қатты түйіндер немесе ауыру сезілген жерлерге салмаңыз. Инъекцияны терінің түсі өзгерген бөліктеріне, сондай-ақ қабыршағы, ойығы немесе зақымдары бар болса, жасамаған жөн. Өзіңізден осы сияқты өзгерістер табылса, дәрігерге қаралыңыз. Егер Сізге денеңіздің қандай да бір жеріне қол жеткізу қиын болса, инъекция жасай алатын адамнан көмек сұраңыз. Теріастылық инъекцияны автоинжекторсыз жүргізу ережесі: 1. Инъекция жасалатын жердегі теріні спиртті сүрткімен сүртіңіз және терінің кебуін күтіңіз. 2. Алдын-ала қысқа инені кигізіп, 1 мл толтырылған шприцті алып, иненің қорғағыш қалпақшасын шешіңіз. 3. Теріні жиырып алыңыз. 4. Шприцтің инесін тура терінің көтерілген бөлігіне 90º бұрыштап, ширақ сенімді қимылмен толық ұзындығымен енгізіңіз. 6. Шприцтегі (1.0 мл-ден аспайтын) бүкіл ерітіндіні, поршеньді біркелкі баса отырып, баяу енгізіңіз, сосын инені теріден суырып алыңыз. 7. Инъекция жасалған жерге спиртті сүрткіні басып, инъекция орнын спиртті сүрткімен аздап уқалаңыз. 8. Пайдаланылған шприцтерді, инелерді, құтылар мен сүрткілерді қолданыстан шыққан материалдарға арналған контейнерге тастаңыз. Теріастылық инъекцияны автоинжектордың көмегімен жүргізу ережесі: 1. Инъекция жасалатын жердегі теріні спиртті сүрткімен сүртіңіз және терінің кебуін күтіңіз. 2. Қысқа ине кигізілген 1 мл толтырылған шприцті алып, иненің қорғағыш қалпақшасын шешіңіз. 3. Толтырылған шприцті автоинжекторға салыңыз және автоинжектордың нұсқаулығында сипатталған ережелерге сүйене отырып, өзіңізге теріастылық инъекция жасаңыз. Теріастылық инъекцияға арналған ерітінді тікелей пайдаланар алдында дайындалады. 1-сурет Емдеу ұзақтығы Қазіргі уақытта интерферон бета-1b-мен емнің ұзақтығы туралы мәселе шешілмеген күйде қалып отыр. Қолда бар деректер бойынша қайталанатын-ремиссиялы жайылған склерозы бар пациенттерде интерферон бета-1b-мен емдеу курсы 5 жылға дейін құрады, ал салдарлы-үдемелі жайылған склерозы бар пациенттерде курс 3 жылға дейін құрады. Қайталанатын-ремиссиялы жайылған склерозы бар пациенттерде интерферон бета-1b алғашқы 2 жылы емдеу барысында тиімділігі көрінді. Емдеудің кейінгі 3 жылы туралы қолжетімді мәліметтер интерферон бета-1b-мен емдеудің ұзақ уақытқа созылған барлық емдеу кезеңі бойына тиімділігі туралы мәліметтерге сәйкес келеді. Жайылған склерозға күдіктенген жағдайда, алғашқы клиникалық көріністері бар пациенттерде интерферон бета-1b-мен 5 жыл емдеу ішінде нақты жайылған склероздың дамуы айтарлықтай баяулады. Анамнезінде соңғы 2 жыл ішінде кемінде 2 өршуі болған қайталанатын-ремиссиялы жайылған склерозы бар пациенттерді немесе соңғы 2 жыл ішінде аурудың өршуі білінбеген салдарлы-үдемелі склерозы бар немесе пациенттерді Интербетин® препаратымен емдеу ұсынылмайды. Пациентте емдеуге жауап болмаған жағдайда, мысалы симптоматикасы EDSS шкаласы (мүгедектіктің кеңейтілген шкаласы) бойынша 6 ай бойы тұрақты түрде үдеген жағдайда немесе, егер бір жыл ішінде адренокортикотропты гормонмен (АКТГ) немесе глюкокортикостероидтармен кемінде 3 емдеу курсын тағайындау қажет болса, Интербетин® препаратымен емдеуді тоқтату керек.

- анамнезіндегі табиғи немесе рекомбинантты интерферон-бетаға немесе препараттың қосымша заттарының кез келгеніне аса жоғары сезімталдық реакциялары; - ауыр депрессия және/немесе суицидтік ойлар; - декомпенсация сатысындағы бауыр аурулары.

Жағымсыз реакциялардың пайда болуы әдетте емдеудің бас кезіне тура келеді. Олардың пайда болу жиілігі уақыт өте келе төмендейді. Интербетин® препаратының фармакологиялық әсерінен туындайтын тұмау тәрізді симптомдардың кешені (қызба, қалтырау, артралгия, жалпы дімкәстану, тершеңдік, бас ауыруы, және миалгия) анағұрлым жиі туындауы мүмкін. Пациенттерде көбінесе интерферон бета-1b 0.25 мг (8 млн. ХБ) дозада енгізгеннен кейін енгізу орнындағы реакциялар пайда болады (мысалы, қызару, ісіну, тері түсінің өзгеруі, қабыну, ауыру, аса жоғары сезімталдық, некроз және спецификалық емес реакциялар). Күрделі ауыр жағымсыз реакциялар тромбоздық микроангиопатия және гемолиздік анемия болып табылады. Интерферон бета-1b көтерімділігін жақсарту үшін емдеудің басында дозасын титрлеу ұсынылады. Тұмау тәрізді симптомдардың айқындығын қабынуға қарсы стероидты емес препараттарды қолдану арқылы әлсіретуге болады. Автоинжекторды пайдалану инъекция орнындағы реакциялардың туындау жиілігін төмендетуге мүмкіндік береді. Өте жиі: - лимфоциттер санының азаюы (<1.500/мм³)е, нейтрофилдердің абсолюттік санының азаюы (<1.500/мм³)е, лейкоциттер санының азаюы (<3.000/мм³)е - бас ауыруы, ұйқысыздық - іштің ауыруы - аланин аминотрансфераза жоғарылауы (АЛТ) бастапқысынан > 5 есе) e - тері аурулары, бөртпе - миалгия, гипертония, артралгиялар - несеп шығаруға қатты қысылу - инъекция орнындағы реакция (әр түріf), тұмау тәрізді симптомдар (кешеніg), ауыруы, қызба, қалтырау, шеткері ісіну, астения Жиі: - лимфаденопатия, анемия - гипотиреоз - салмақ артуы, салмақтың төмендеуі - сананың шатасуы - тахикардия - ентігу - аспартат аминотрансфераза жоғарылауы (АСТ) бастапқысынан >5 есе)e , қандағы билирубин деңгейінің жоғарылауы - аллопеция, есекжем, қышыну - меноррагия, метроррагия, белсіздік - инъекция орнындағы некроз, кеуденің ауыруы, дімкәстану Жиі емес: - тромбоцитопения - триглицеридтер деңгейінің жоғарылауы - суицидтік әрекеттер, эмоциональді құбылмалылық - құрысулар - гамма-глютамилтрансфераза деңгейінің жоғарылауы, гепатит - тері түсінің өзгеруі - нефроздық синдром, гломерулосклероз a, b Сирек: - тромбоздық микроангиопатияd, тромбоздық тромбоцитопениялық пурпураны/ гемолиздік-уремиялық синдром - анафилаксиялық реакциялар - гипертиреоз, қалқанша без аурулары - анорексия a - кардиомиопатия a - бронх түйілуі a - панкреатит - бауырдың зақымдалуы, бауыр жеткіліксіздігіa Белгісіз (қолда бар деректер негізінде бағалау мүмкін емес): - гемолиздік анемия a, d - алдыңғы моноклональді гаммапатия кезіндегі капиллярлар өткізгіштігінің жоғарылауы синдромы - депрессия, мазасыздық - бас айналу - жүрек қағуын сезіну - өкпедегі артериялық гипертензия c - диарея, жүрек айну, құсу - дәрілік жүйелі қызыл жегі - етеккір оралымының бұзылуы - тершеңдік Ескертпелер: a тіркеуден кейінгі бақылау үдерісінде ғана анықталған қолайсыз реакциялар; b құрамында интерферон бета бар препараттардың барлығына қатысты; c құрамында интерферон бар препараттардың барлығына қатысты (ақпаратты төменнен қараңыз); d қауіпті және өліммен аяқталатын жағдайлар тіркелді; f инъекция орнындағы реакцияларға (әр түрі) инъекция орнындағы барлық жағымсыз реакциялар кіреді (инъекция орнындағы некроз қоспағанда): инъекция орнынан қан кету, инъекция орнындағы аса жоғары сезімталдық, инъекция орнының инфекциялануы, инъекция орнының қабынуы, инъекция орнының ісінуі, инъекция орнының ауыруы, инъекция орнындағы реакция және инъекция орнындағы атрофия g тұмау тәрізді симптомдар кешені тұмау симптомдарын және/немесе төмендегі симптомдардың ішінен кемінде 2 жағымсыз әсерінің біріктірілімін білдіреді: қызба, қалтырау, миалгия, дімкәстану, тершеңдік. Өкпедегі артериялық гипертензия Құрамында интерферон бета бар препараттарды қолданған кезде өкпедегі артериялық гипертензияның пайда болған жағдайлары туралы хабарламалар бар. Аурудың пайда болуы емдеудің әртүрлі кезеңінде, оның ішінде интерферон бетамен ем басталғаннан кейін бірнеше жылдан соң байқалды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Анықталмаған. Интерферон бета-1b онкологиялық ауруы бар ересек пациенттерге 5500 мкг (176 млн. ХБ) доза шамасында вена ішіне аптасына үш рет, өмірлік функцияларға әсер ететін күрделі жағымсыз әсерлерінің дамуынсыз енгізілді. Дәрілік препараттың бір немесе бірнеше дозаларын өткізіп алғанда қажет болатын шаралар Препараттың инъекциясын өткізіп алған жағдайда, мүмкін болған бойда, инъекцияны бұрынғы режимде (күнара) жалғастыруға жол беріледі. Өткізіп алғанның орнын толтыру үшін екі есе дозаны енгізбеңіз. Инъекциялық ерітіндіні дайындау Лиофилизатты еріту үшін құтыдағы қоса берілген еріткішті (0.54 % натрий хлориді ерітіндісі) шприцті және инені пайдаланады. Құрамында 0.3 мг (9.6 млн. ХБ) белсенді зат болатын лиофилизаты бар құтыға (есептелген 20% артық толтырылуын ескеріп) 1.2 мл еріткішті енгізеді. Ол үшін мыналарды дайындау қажет: Лиофилизаты бар 1 құты Еріткіші бар 1 құты* Сыйымдылығы 5 мл 1 шприц Сыйымдылығы 1 мл 1 шприц** 2 ұзын ине 1 қысқа ине 2 спиртті сүрткі. Шынысының немесе тығындау жүйесінің ақауы бар құтыны пайдалануға болмайды. Назар аударыңыз: * еріткіші бар құтыны инъекцияға 10-15 минут қалғанда тоңазытқыштан шығарып алу керек. **Егер сіз автоинжекторды пайдалануды жоспарласаңыз, инъекцияға арналған ерітіндіні алу үшін сыйымдылығы 1 мл шприцті алыңыз. 1. Сабынды жылы сумен қолды мұқият жуыңыз. 2. Әрбір құтыдан пластик төсеуішін алып қойыңыз. 3. Резеңке тығындарды спиртті сүрткімен өңдеңіз. 4. Сыйымдылығы 5 мл ине кигізілген шприцті стерильді қаптамасынан алып шығыңыз. 5. Шприц инесіне кигізілген қорғаныш қалпақшасын шешіңіз. 6. Ұзын инемен еріткіші бар құтының резеңке тығынын тесіңіз және құтыдан 1.2 мл ерітіндіні сорып алыңыз. 7. Толтырылған шприцті құтыдан инемен бірге шығарып алып, шприцтен ауа көпіршіктерін абайлап шығарыңыз, инені екінші ұзын инеге ауыстырыңыз. 8. Инені құтының бүйір қабырғасына бағыттап, лиофилизаты бар құтының резеңке тығынын тесіңіз, және еріткішті (1.2 мл) құты қабырғасының бойымен, көбік түзілуіне жол бермей, баяу енгізіңіз. 9. Құтыны абайлап шайқалтып, шприцті құтыдан шығармастан, оның ішіндегісін араластырыңыз. Сілкімеу керек! Дайын ерітінді құрамында көрінетін бөлшектері жоқ, мөлдір болуы тиіс. 10. Алдын-ала 1 мл шприцтен инесін шешіп алып, құтыдан инені шығармастан 5 мл шприцті сыйымдылығы 1 мл шприцке алмастырыңыз. 11. Құтыны төңкеріп, дайындалған ерітіндіні шприцпен сорыңыз, иненің ұшы ерітіндіге батып тұруын қадағалаңыз. Емдеудің басында шприцке дозаны титрлеу сызбасында көрсетілген ерітінді көлемін сорып алады. 12. Шприцті құтыдан шығарып, инесін жоғары қарата тік ұстап, шприцтен ауаны және препараттың артығын 1.0 мл белгісіне дейін шығарып тастаңыз. 13. Теріастылық инъекцияны жасау үшін ұзын инені қысқа инеге ауыстырыңыз. 1 мл дайындалған ерітіндіде (1 доза) 0.25 мг (8 млн. ХБ) интерферон бета-1b бар. Лиофилизат сілкімей-ақ толығымен еруі тиіс. Қолданар алдында дайындалған ерітіндіні қарап тексеру керек. Ерітіндіде бөлшектер бар болса немесе түсі өзгерсе, оны қолдануға болмайды. Препаратты ерітінді дайындағаннан кейін бірден тері астына енгізу керек. Егер инъекция жасау кейінге қалса, онда ерітіндіні тоңазытқышта сақтау және 3 сағат ішінде қолдану керек. Ерітіндіні мұздатып қатыруға болмайды!

Интербетин® препаратын мынадай аурулары бар пациенттерде сақтықпен қолдану керек: - жүрек аурулары, атап айтқанда, Нью-Йорк Кардиология Қауымдастығының (NYHA) жіктеуі бойынша II-IV функционалдық класындағы жүрек жеткіліксіздігі, кардиомиопатия; - анамнездегі эпилепсиялық ұстамалары; - моноклональді гаммапатия; - анемия, тромбоцитопения, лейкопения; - бүйректің ауыр жеткіліксіздігі. Арнайы сақтандырулар Қадағалануы Биологиялық дәрілік препараттардың қадағалануын арттыру үшін енгізілетін препарат атауы мен партиясының нөмірін нақты белгілеу қажет. Иммундық бұзылулар Моноклональді гаммапатиясы бар пациенттерде цитокиндер қолдану кейде шоктың дамуы мен өліммен аяқталуға ұласа, капиллярлар өткізгіштігінің жүйелі жоғарылауымен қатар жүрді. Асқазан-ішектік бұзылулар Сирек жағдайларда интерферон бета-1b қолдану аясында, көптеген жағдайларда гипертриглицеридемия болуымен байланысты панкреатит дамуы байқалды. Жүйке жүйесінің зақымдануы Интербетин® анамнезінде немесе қазіргі кезде депрессиялық бұзылулары бар, атап айтқанда бұрын суицидтік ойларға шалдыққан пациенттерде сақтықпен тағайындау керек. Белгілі болғанындай, депрессия мен суицидтік ойлардың кездесу жиілігі жайылған склерозы бар пациенттерде, соның ішінде интерферондармен емдеу аясында жоғары. Интербетин® препаратымен емдеу көрсетілген пациенттерді препаратпен емдеу кезінде депрессиялық бұзылулар мен суицидтік ойлардың пайда болуы мүмкіндігінен, ол туралы емдеуші дәрігерге кідіртпей хабарлауы керек екендігінен құлағдар ету керек. Депрессия көріністері бар пациенттер Интербетин® препаратымен емдеу кезінде дәрігердің мұқият бақылауында болуы және сәйкесінше ем алуы тиіс. Қажет болған жағдайда осындай пациенттерде Интербетин® препаратымен емдеуді тоқтату мәселесін қарастыру керек. Интербетин® анамнезінде құрысу ұстамалары бар пациенттерге және эпилепсияға қарсы ем қабылдап жүрген пациенттерге, әсіресе эпилепсия ұстамаларының эпилепсияға қарсы дәрілермен бақылауға алынуы жеткіліксіз болған кезде, сақтықпен тағайындау керек. Препараттың құрамында адам альбумині бар, және сол себепті вирустық аурулардың берілу қаупі зор. Крейтцфельдт-Якоб ауруының берілу қаупін де жоққа шығаруға болмайды. Зертханалық көрсеткіштердің өзгерістері Қалқанша безінің бұзылуы бар пациенттерге қалқанша безін жиі тексеріп тұруы, ал басқа жағдайларда – клиникалық көрсетілімдерге байланысты қаралып тұру ұсынылады. Жайылған склерозы бар пациенттерге ем жүргізу кезінде тағайындалатын стандартты зертханалық талдаулардан басқа, Интербетин® препаратымен емдеуді бастар алдында, сондай-ақ ем жүргізу кезінде ұдайы лейкоцитарлы формуланы, тромбоциттер санын анықтау мен биохимиялық қан талдауын қоса, толық қан талдауын жасау, сондай-ақ бауыр функциясын (мысалы, аспартатаминотрансфераза (АСТ), аланинаминотрансфераза (АЛТ) және -глутамилтрансфераза (-ГТ) белсенділігі) тексеру ұсынылады. Анемиясы, тромбоцитопениясы, лейкопениясы бар (жекелей немесе біріккен) пациенттерді емдегенде эритроциттер, лейкоциттер, тромбоциттер саны мен лейкоцитарлы формуланың анықталуын қоса, толық қан талдауына неғұрлым мұқият мониторинг қажет болуы мүмкін. Нейтропениясы бар пациенттер температура жоғарылауына немесе инфекция дамуы жағдайына мұқият бақылауда болуы тиіс. Тромбоциттер санының айқын төмендеуі болатын тромбоцитопения жағдайлары туралы хабарламалар бар. Бауыр және өт шығару жолдары функциясының бұзылулары Клиникалық зерттеулер интерферон бета-1b емінің көптеген жағдайларда болымсыз білінетін және өтпелі сипатта болатын «бауыр» трансаминазалары белсенділігінің симптомсыз жоғарылауына жиі әкелуі мүмкін екенін көрсетті. Басқа бета интерферондарымен емделу кезіндегідей, интерферон бета-1b қолдану кезінде бауырдың ауыр зақымданулары (бауыр жеткіліксіздігін қоса) сирек байқалады. Гепатоуытты дәрілік препараттар немесе заттар әсеріне ұшыраған пациенттерде, сондай-ақ кейбір қатарлас аурулар тұсында (мысалы, метастазданатын қатерлі жаңа түзілімдер, ауыр инфекциялар және сепсис, алкоголизм) өте ауыр жағдайлар болды. Интербетин® препаратымен емделу кезінде бауыр функциясына мұқият мониторинг (клиникалық көрінісін бағалауды қоса) қажет. Қан сарысуында трансаминазалар белсенділігінің жоғарылауы тиянақты бақылау мен зерттеуді қажет етеді. Қан сарысуында трансаминазалар белсенділігі едәуір жоғарылағанда немесе бауырдың зақымдану белгілері (мысалы, сарғаю) білінгенде Интербетин® препаратын тоқтату керек. Бауыр зақымдануының клиникалық белгілері болмағанда немесе «бауыр» ферменттері белсенділігі қалпына түскеннен кейін бауыр функциясын бақылаумен Интербетин® препаратымен емдеуді жаңғыртуға болады. Бүйрек және несеп шығару жолдары тарапынан бұзылулар Препаратты бүйректің ауыр жеткіліксіздігі бар пациенттерге тағайындағанда сақ болу керек. Нефроздық синдром Бета-интерферон препараттарымен емдеу кезінде фокальді сегменттік гломерулосклерозды, липоидтық нефрозды, жарғақшапролиферативті гломерулонефрит пен жарғақшалық гломерулопатияны қоса, негізгі нефропатиялар түріндегі нефроздық синдром дамыған жағдайлар туралы хабарланған. Бұл аурулар емдеу кезеңі бойына әртүрлі уақыттарда байқалып отырған және бета-интерферон препараттарын бірнеше жыл қолданғаннан кейін пайда болуы мүмкін. Әсіресе бүйрек ауруларының жоғары қаупі бар пациенттерде ісінулер, протеинурия немесе бүйрек функциясының бұзылуы сияқты ерте білінетін белгілерінің немесе симптомдарының анықталуына ұдайы мониторинг жүргізу ұсынылған. Нефроздық синдромға кідіртпей ем жүргізу, сондай-ақ Интербетин® препаратымен емдеуді тоқтату мүмкіндігін қарастыру қажет. Жүрек-қантамыр жүйесінің аурулары Интербетин® жүрек ауруы бар пациенттерге сақтықпен тағайындау керек. Іркілісті жүрек жеткіліксіздігі, жүректің ишемиялық ауруы немесе аритмиялар сияқты жүректің күрделі аурулары бар пациенттерде жүрек жағдайының нашарлауын анықтау үшін, әсіресе Интербетин® препаратымен емнің басында мониторинг жүргізу керек. Интербетин® белгілі тікелей кардиоуытты әсерге ие емес, алайда әдетте бета-интерферондарды қолданумен байланысты тұмау тәрізді симптомдар жүректің күрделі аурулары бар пациенттерде стресс туындатуы мүмкін. Сирек жағдайларда кардиомиопатия дамығаны туралы хабарланған. Егер кардиомиопатия дамуының препаратты қолданумен байланыстылығы болжанса, Интербетин® препаратымен емдеуді тоқтату керек. Тромбоздық микроангиопатия (ТМА) және гемолиздік анемия (ГА) Бета-интерферон препараттарымен емдеу аясында тромбоздық тромбоцитопениялық пурпура (ТТП) немесе гемолиздік уремиялық синдром (ГУС) түрінде, соның ішінде өліммен аяқталатын түрімен білінетін тромбоздық микроангиопатия дамыған жағдайлар туралы хабарланған. Аурудың ерте білінген клиникалық симптомдарына тромбоцитопения, артериялық гипертензияның кенеттен басталуы, қызба, орталық жүйке жүйесі тарапынан болатын бұзылулар белгілері (мысалы, сананың шатасуы, парез) және бүйрек функциясының бұзылулары жатады. Плазмада тромбоциттер санының азаюы, лактатдегидрогеназа (ЛДГ) деңгейінің жоғарылауы сияқты зертханалық көрсеткіштер гемолиздің белсенділенуіне және қан жағындысынан шизоциттердің (эритроцит фрагменттері) анықталуына байланысты тромбоздық микроангиопатияның (ТМА) пайда болуын болжауға мүмкіндік береді. ТМА клиникалық белгілері пайда болған кезде, плазмадағы тромбоциттердің, лактатдегидрогеназаның (ЛДГ) деңгейлерін, қан жағындыларын және бүйрек функциясын тестілеуді жалғастыру қажет. Сондай-ақ, интерферон бета препараттарын қолданғанда ТМА-мен байланыспаған гемолиздік анемия (ХА) жағдайлары, оның ішінде иммундық ХА жағдайлары хабарланды. Өмірге қауіп төндіретін және өліммен аяқталатын ГА жағдайлары хабарланды. ТМА және/немесе ГА жағдайлары емдеудің әртүрлі уақыттарында орын алды және интерферон бета терапиясын бастағаннан кейін бірнеше аптадан немесе бірнеше жылдан кейін пайда болуы мүмкін. Егер ТМА және/немесе ГА расталса және Интербетин® препаратымен ықтимал байланысқа күдік болса, дереу емдеу (соның ішінде ТМА-дағы плазмаферез) қажет және Интербетин® препаратымен емдеуді дереу тоқтату ұсынылады. Аса жоғары сезімталдық реакциялар Күрделі сезімталдықтың ауыр реакцияларды (сирек, бірақ жедел және ауыр түрде білінетін бронх түйілуі, анафилаксия және есекжем сияқты) байқауға болады. Сезімталдықтың ауыр реакциялар дамыған кезде Интербетин® препаратын енгізуді тоқтату және тиісті емдеу шараларын бастау қажет. Инъекция орнындағы реакциялар Интерферон бета-1b қабылдаған пациенттерде, инфекция және некрозды қоса, инъекция орнындағы реакциялары байқалды. Некроз ауқымды болуы мүмкін және бұлшықет фасцияларына, сондай-ақ май тініне таралуы, әрі салдары ретінде тыртықтар түзілуіне әкелуі ықтимал. Кейбір жағдайларда тіршілігі жойылған бөліктерді алып тастау немесе, сирек, теріні ауыстырып салу қажет. Жазылу үдерісі бұл орайда 6 айға дейін созылуы мүмкін. Тері бүтіндігінің зақымдану белгілері (мысалы, ісіну немесе инъекция орнынан сұйықтық ағуы) пайда болса, Интербетин® препаратының инъекцияларын орындауды жалғастырмас бұрын пациент дәрігерге хабарлауы керек. Көптеген некроз ошақтары пайда болғанда Интербетин® препаратымен емдеу зақымданған бөліктер толық жазылғанша тоқтатылу керек. Бір ошақ болған жағдайда, егер некроз тым ауқымды болмаса, Интербетин® препаратын қолдануды жалғастыруға болады, өйткені кейбір пациенттерде инъекция жасалған жерде тіршілігі жойылған бөліктің жазылуы интерферон бета-1b қолдану аясында болған. Инъекция жасалған жерде инфекциялардың және некроздың даму қаупін азайту мақсатында пациенттер мыналарды ұсынған жөн: – асептика ережелерін қатаң сақтаумен инъекция жасау; – әр жолы инъекция орнын ауыстыру. Инъекция орнындағы бұзылулардың пайда болу жиілігін препаратты автоинжектордың көмегімен енгізу арқылы төмендетуге болады. Өз бетінше жасалатын инъекциялардың дұрыс салынуын, әсіресе, жергілікті реакциялар білінгенде мезгіл-мезгіл бақылау керек. Иммуногенділік Құрамында ақуыздар бар кез келген басқа препараттармен емделу кезіндегідей, Интербетин® препаратын қолданғанда антиденелер түзілу мүмкіндігі бар. Бірқатар бақыланатын клиникалық зерттеулерде сарысу үлгілерін іріктеу, интерферон бета-1b-ға антиденелердің дамуына мониторинг жасау мақсатында әр 3 ай сайын жүзеге асырылады. Бақыланатын түрлі клиникалық зерттеулерде ремиссиялы жайылған склероз және салдарлы-үдемелі склероз кезінде, пациенттердің 23-41%-ында интерферон бета-1b-ға бейтараптандырғыш белсенділік дамығаны байқалды, бұл бірінен соң бірі жүргізілген кемінде екі оң титрлермен расталды. Аталған пациенттердің 43 - 55%-ында сәйкесінше зерттеудің кейінгі бақыланатын кезеңі бойына тұрақты теріс статусқа көшкендігі байқалды (бірінен соң бірі жүргізілген екі теріс титрге негізделді). Бұл зерттеулерде бейтараптандырғыш белсенділіктің дамуы тек өршулерге қатысты клиникалық тиімділігінің төмендеуімен байланысты. Аталған әсері көбінесе бейтараптандырғыш белсенділік титрінің деңгейлері жоғарырақ пациенттерде білінуі мүмкін деп шамаланады. Жайылған склерозға күдіктенген кезде алғашқы клиникалық көріністері болған пациенттерді зерттеуде, әр 6 ай сайын өлшенген бейтараптандырғыш белсенділігі, әуел бастан интерферон бета-1b-мен ем қабылдаған пациенттердің кемінде 32%-ында (89) байқалды. Олардың ішінде 60%-ында (53) 5 жылдық кезең бойынша соңғы бағалау мәліметтері бойынша теріс статусқа қайта келгендері байқалды. Осы кезеңі шегінде бейтараптандырғыш белсенділігінің дамуы жаңа белсенді ошақтардың айтарлықтай көбеюімен және магнитті-резонанстық томография жүргізген кезде ошақтың Т2 көлемінің артуымен байланысты болды. Алайда, бұл клиникалық (нақты жайылған склерозға ауысқанға дейінгі уақытқа қатысты, EDSS шкаласы бойынша симптоматикасының расталған үдеуіне дейінгі уақыты және қайталану жиілігі) төмендеуімен байланысты болған жоқ. Бейтараптандырғыш белсенділігінің дамуымен қандай да бір жағымсыз реакциялардың пайда болуы байланысты емес. Интербетин® препаратымен емді жалғастыру туралы шешім бір ғана бейтараптандырғыш белсенділігінің статусына емес, пациент ауруы статусының барлық аспектілерін ескере отырып негізделеді. Натрий мөлшері Препараттың әр құтысында 1 ммольдан кем натрий (23 мг) бар, препарат құрамында натрий жоқ болып санылады. Педиатрияда қолдану Жарияланған шектеулі мәліметтер, 12 жастан асқан жасөспірімдерде 8 млн ХБ интерферон бета-1b тері астына күнара қолданғандағы қауіпсіздік бейіні ересектердегі қауіпсіздік бейініне ұқсас екенін айғақтайды. Интерферон бета-1b 12 жасқа дейінгі балаларда пайдаланылуы туралы ақпарат жоқ. Интербетин® аталған жас тобында пайдаланылмауға тиіс. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Арнайы зерттеулер жүргізілмеген. Жүйке жүйесі тарапынан қолайсыз құбылыстар автокөлік басқару және механизмдермен жұмыс істеу қабілетіне ықпал етуі мүмкін. Осыған орай, жоғары зейін қою мен психомоторлық реакциялар шапшаңдығын талап ететін әлеуетті қауіпті қызмет түрлерімен айналысқанда сақтық шарасын қадағалау қажет.

Жүкті әйелдер туралы үлкен көлемдегі деректер (жүктіліктің 1000-нан астам нәтижесі) бета-интерферон препараттарын жүктілік басталғанға дейін немесе жүктіліктің бірінші триместрі кезінде қолданғанда дамудағы туа біткен күрделі ақаулардың дамуының жоғары қаупі жоқ екенін айғақтайды. Жүктілік кезінде интерферон бета-1b емдеуді бастауға болмайтындықтан немесе жүктілік анықталғанда/расталғанда емдеу тоқтатылғандықтан, жүктіліктің бірінші триместрі кезінде интерферон бета-1b шаранаға әсерінің ұзақтығы белгісіз. Жүктіліктің екінші және үшінші триместрі кезінде интерферон бета-1b қолдану туралы деректер өте шектеулі. Клиникаға дейінгі зерттеулерде интерферон бета-1b қолданған кезде өздігінен түсік тастау қаупі анықталған. Қазіргі уақытта қолда бар деректер негізінде интерферон бета-1b әсеріне ұшыраған жүкті әйелдерде өздігінен түсік тастау қаупіне талапқа сай баға беру мүмкін емес, бірақ бұл деректер қауіптің жоғарылағанын әлі дәлелдемейді. Интербетин® препаратын жүктілік кезінде клиникалық қажеттілігіне қарай қолдануға жол беріледі. Қолда бар шектеулі деректер емшек сүтімен бөлінетін интерферон бета-1b деңгейі елеусіз екенін айғақтайды. Емшек еметін балаға ешқандай зиянды әсері болжанбайды. Клиникалық қажеттілік туындаған жағдайда Интербетин® препаратын лактация кезінде қолдану мүмкіндігін қарастыруға болады.

Интербетин® препаратының басқа препараттармен өзара әрекеттесуіне арнайы зерттеулер жүргізілген жоқ. Жайылған склерозы бар пациенттерде интерферон бета-1b күнара 0.25 мг (8 млн. ХБ) дозада дәрілік заттардың метаболизміне әсері белгісіз. Интерферон бета-1b қолдану аясында өршулерді емдеу кезінде 28 күнге дейінгі мерзімге тағайындалған глюкокортикостероидтардың және АКТГ көтерімділігі жақсы. Интерферон бета-1b кортикостероидтардан немесе АКТГ-ден басқа иммуномодуляторлармен бір мезгілде қолдану зерттелмеген, демек, ұсынылмайды. Интерферондар бауырдағы цитохром Р450-тәуелді ферменттердің белсенділігін төмендетеді. Интербетин® препаратын емдік индексі тар, клиренсі елеулі дәрежеде бауырдағы Р450 цитохромы жүйесіне (мысалы, эпилепсияға қарсы дәрілер) тәуелді дәрілік препараттармен біріктіріп тағайындағанда сақтық таныту қажет. Интерферон бета-1b эпилепсияға қарсы препараттармен үйлесімділігіне арнайы зерттеулер жүргізілген жоқ. Қан түзу жүйесіне ықпалын тигізетін кез келген препараттарды бір мезгілде қолдану кезінде де сақтық шарасын қадағалау қажет. Егер ұзақ кезең бойы қосымша қандай да бір препараттар қабылдау қажет болса, дәрігерге жүгінген жөн. Үйлесімділігіне зерттеулер жүргізілмеуіне орай, Интербетин® препаратын басқа дәрілік препараттармен араластыруға болмайды.

Сақтау мерзімі Препарат – 2.5 жыл, еріткіш – 3 жыл Жарамдылық мерзімі өткеннен кейін қолдануға болмайды. Сақтау шарттары 2°С-ден 8°С-ге дейінгі температурада сақтау керек. Мұздатып қатыруға болмайды. Препаратты тікелей қолданар алдында оны түпнұсқалық қаптамасында 15°С-ден аспайтын температурада – 15 тәуліктен асырмай, 25 °С-ден аспайтын температурада – 7 тәуліктен асырмай сақтауға жол беріледі. Балалардың қолы жетпейтін жерде сақтау керек! Дәріханадан босатылу шарттары Рецепт арқылы