Инфорин Актив гель 50мг/г+30 мг/г

Бір г гельдің құрамында белсенді заттар: ибупрофен 50 мг, левоментол 30 мг, қосымша заттар: этанол 96%, пропиленгликоль, карбомер интерполимері (карбопол ультрез), диизопропаноламин, тазартылған су. Сыртқы түрінің, иісінің, дәмінің сипаттамасы Түссізден ашық сары түске дейінгі мөлдір гель тәрізді масса

Ересектер мен 12 жастан асқан балаларға: • шығу тегі әртүрлі бұлшықет және буынның ауыруын жергілікті симптоматикалық емдеу үшін, сондай-ақ ауырсыну мен қабынуды азайту үшін жеңіл жарақаттық зақымданулар кезінде (байламдардың созылуы, соғылулар, спорттық жарақаттар) • ревматизм кезінде ауырсыну синдромын кешенді емдеуде.

Әсер ету механизмі Препараттың фармакологиялық әсері гель құрамында екі компоненттің болуына байланысты: ибупрофен және левоментол. Ибупрофен- ауыруды басатын, қабынуға қарсы және ыстық түсіретін әсері бар пропион қышқылының туындысы. Бұл қабынуға қарсы стероидты емес препарат, ол простагландиндер синтезін тежеу есебінен өзінің емдік әсерін көрсетеді. Левоментол - шығу тегі табиғи терпен спиртінің туындысы. Тері арқылы сіңген кезде ол суық рецепторларды ынталандырады, бұл суықты сезінуді тудырады.

Дозалау режимі Ересектер мен 12 жастан асқан балалар үшін, сондай-ақ егде жастағы адамдар үшін: 1-4 см гельді (ұзындығы 1 см болғанда 0,55 г гель бар) зақымдалған аумаққа жағады және оны сіңгенше аздап ысқылайды. Қолдану қажет болған жағдайда күніне 3 ретке дейін қайталанады. Әр төрт сағаттан жиі қайталауға болмайды. Шамадан тыс қолдану әсіресе сезімтал терінің тітіркенуін тудыруы мүмкін. Егер екі аптадан кейін жақсару байқалмаса, дәрігерге қаралыңыз. Енгізу әдісі мен жолы Тек сыртқа қолдануға арналған.

• ибупрофенге, левоментолға, ацетилсалицил қышқылына немесе препараттың басқа компоненттеріне немесе басқа ҚҚСП-ға аса жоғары сезімталдық • ацетилсалицил қышқылын немесе басқа қабынуға қарсы стероидты емес препараттарды қабылдаумен байланысты бронх түйілуі, ринит, есекжем • жүктіліктің үшінші триместрі • 12 жасқа дейінгі балалар • бала емізу.

Жиі - бөртпе, қышыну, есекжем, құрғап кету, қызару, ашытып күйдіру сезімі, жанаспалы дерматит. Сирек - іштің ауыруы, функционалдық диспепсия - бүйрек жеткіліксіздігі Белгісіз (қолда бар деректер бойынша бағалау мүмкін емес) - құрамында ментол бар өнімдерді қолдану орнында күйдіру (күйік) - терінің фотосезгіштігі Ибупрофен: - спецификалық емес аллергиялық реакциялар және анафилаксия. - Демікпе, демікпенің өршуі, ентігу және бронх түйілуін қамтитын тыныс алу жолдарының реактивтілігі бұрын бронх демікпесі немесе аллергиялық аурулары болған немесе бар пациенттерде туындауы мүмкін. - Түрлі тері аурулары, соның ішінде әр түрлі типті бөртпе, қышыну, есекжем, пурпура, ангионевроздық ісіну және сирек буллезді дерматоздар (эпидермальді некролизді және көп формалы эритеманы қоса). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық жәнефармацевтикалықбақылаукомитетінің«Дәрілікзаттармен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті қолданған кезде ибупрофеннің артық дозалану екіталай.

Балалар 12 жасқа дейінгі балаларға ұсынылмайды. Гельді қабынған немесе зақымдалған теріге жағуға болмайды. Қолданар алдында терінің шағын аумағында сезімталдықты тексеру қажет. Препараттың көзге және шырышты қабықтарға, бетке немесе ерінге түсуіне жол бермеу керек. Бөртпе немесе тітіркену пайда болған кезде қолдануды тоқтатыңыз. Гель жағылатын аумаққа таңғышты салуға болмайды. Қолданғаннан кейін үнемі қолыңызды жуыңыз. Арнайы ескертулер Ибупрофенді пероральді қабылдау бұрыннан бар бүйрек жеткіліксіздігін ушықтыруы немесе белсенді пептидтік ойық жараны өршітуі мүмкін екендігі белгілі болғандықтан, бүйрек проблемалары бар немесе пептидтік ойық жарасы бар пациенттер жергілікті қолдануға арналған ибупрофен препараттарын қолданар алдында дәрігермен кеңесуі керек. Ең төменгі тиімді дозаны мүмкіндігінше қысқа уақыт ішінде қолдану арқылы жағымсыз әсерлерді азайтуға болады. Инфорин Актив гелі құрамында пропиленгликоль бар, ол жергілікті қолданған кезде терінің тітіркенуін тудыруы мүмкін. Егер біреу гельді жұтып қойса, дәрігерге немесе жақын жердегі травматология бөліміне қаралуы керек. Кез келген жағымсыз әсерлер туындаған кезде, жақсару болмаса немесе жағдайдың нашарлауы кезінде, дәрігерге қаралу керек. Басқа енгізу жолдарына экстраполяция: Пероральді препараттармен салыстырғанда жергілікті қолдануға арналған ҚҚСП пайдаланған кезде мұның ықтималдығы аз болғанымен, циклооксигеназа/простагландиндер синтезін тежейтін кез келген басқа препарат сияқты бұл препаратты қолдану фертильділікті бұзуы мүмкін. Бала көтерудің қиындықтары бар немесе бедеулік себебінен тексеруден өткен әйелдер бұл препаратты тоқтату мүмкіндігін қарастыруы керек. Барлық препараттарды балалардың қолы жетпейтін жерде сақтау керек. Тек сыртқа қолдануға арналған. 25°С-ден аспайтын температурада сақтау керек. Темекі шегуден және ашық оттың жанында болудан аулақ болу ұсынылады, өйткені бұл ауыр күйікке әкелуі мүмкін. Препаратпен байланыста болған маталар (киім, төсек-орын жабдығы, таңғыш материалдар және т.б.) оңай тұтанады және үлкен қауіп төндіреді. Бұл маталарды жуу препараттың мөлшерін азайтуы мүмкін, бірақ оны толығымен кетірмейді. Терінің ауыр жағымсыз реакциялары (ТАЖР) Ибупрофенді қолдануға байланысты эксфолиативті дерматит, мультиформалы эритема, Стивенс-Джонсон синдромы (СДС), уытты эпидермалық некролиз (УЭН), эозинофилиямен және жүйелік симптомдармен дәрілік реакция (DRESS синдромы) және жедел жайылған экзантематозды пустулезді (ЖЖЭП) қоса, терінің ауыр жағымсыз реакциялары (ТАЖР) туралы хабарланды, олар өмірге қауіп төндіруі немесе өлімге әкелуі мүмкін. Бұл реакциялардың көпшілігі бірінші айда пайда болды. Осы реакцияларды көрсететін белгілер мен симптомдар пайда болған кезде, ибупрофенді дереу тоқтатып, баламалы ем (қажет болған жағдайда) қолдану мүмкіндігін қарастыру қажет. Жүктілік Простагландиндер синтезінің тежелуі жүктілік ағымына және/немесе эмбрионның/шарананың дамуына теріс әсер етуі мүмкін. Эпидемиологиялық зерттеулердің деректері жүктіліктің ерте кезеңдерінде простагландиндер синтезінің тежегіштерін қолданғаннан кейін түсік тастау, жүрек ақаулары және гастрошизис қаупінің жоғарылағанын көрсетті. Жүрек-қантамыр даму ақауларының абсолютті қаупі шамамен 1% - дан 1.5% - ға дейін артты. Қауіп дозаның және емдеу ұзақтығының ұлғаюымен артады деп есептеледі. Жануарларға простагландиндер синтезінің тежегіштерін енгізу имплантацияға дейін және кейін түсік тастаудың жоғарылауына, сондай-ақ эмбрион-ұрық өлімінің артуына әкелетіні көрсетілген. Сонымен қатар, органогенетикалық кезең бойы простагландиндер синтезінің тежегіштерін қабылдаған жануарларда жүрек-қантамыр ауруларын қоса, әртүрлі даму ақаулары жиілігінің жоғарылауы туралы хабарланды. Жүктіліктің бірінші және екінші триместрі бойы ибупрофенді нақты қажеттілік болмаса тағайындауға болмайды. Егер жүкті болғысы келетін әйел ибупрофенді қабылдаса немесе жүктіліктің бірінші және екінші триместрінде қабылдаса, дозаны ең төменгі деңгейде, ал емдеу ұзақтығын мүмкіндігінше қысқа деңгейде ұстап тұру керек. Бұл ретте препараттар құрамындағы ибупрофенді жүктіліктің бірінші және екінші триместрінде қолдану ұсынылмайды. Жүктіліктің үшінші триместрі бойы простагландин синтезінің барлық тежегіштері шаранаға әсер етуі мүмкін: - жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясы); - олиго-гидроамниоз кезінде бүйрек жеткіліксіздігіне дейін үдеуі мүмкін бүйрек функциясының бұзылуы; жүктіліктің соңында ана мен жаңа туған нәрестеде мыналар болуы мүмкін: - қан кету уақытының ұлғаюы мүмкін, антиагрегантты әсер, ол өте төмен дозаларды қолданғанда да көрінуі мүмкін. - босанудың кідіруіне немесе босану мерзімінің ұзаруына әкелетін жатырдың жиырылуының бәсеңдеуі. Демек, ибупрофенді жүктіліктің үшінші триместрінде қолдануға болмайды. Бала емізу Ибупрофен емшек сүтімен аз мөлшерде шығарылады және емшек сүтімен қоректенетін нәрестеге ешқандай әсер етпейді деп күтілуде. Монокомпонент түріндегі ибупрофенді бала емізу кезеңінде жергілікті қолдануға болады. Алайда левоментол мен оның метаболиттерінің емшек сүтімен бөлінуі туралы ақпарат жеткіліксіз. Егер жеткілікті деректер болмаса, бала емізу кезінде қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Инфорин актив Гель препаратын қолдану автокөлікті басқару және қозғалмалы механизмдермен жұмыс істеу қабілетіне әсер етпейді.

Нұсқаулықта көрсетілмеген.

Ацетилсалицил қышқылымен немесе басқа ҚҚСП-мен бір мезгілде қабылдау жағымсыз жанама реакциялардың даму қаупін арттыруы мүмкін. Жүйелік сіңуінің төмен болуына байланысты қалыпты жағдайларда ҚҚСП пероральді түрлері үшін сипатталған өзара әрекеттесулердің дамуы күтілмейді.

Сақтау мерзімі Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °C-ден аспайтын температурада сақтау керек. Балалардың қолы жетпейтін жерде сақтау керек!