Ипка Дихлор таблетки 12.5 мг

Бір таблетканың құрамында белсенді зат - 12.5 мг, 25 мг хлорталидон қосымша заттар: микрокристалды целлюлоза, желатинделген крахмал, хинолинді сары (Е104), натрий гликоляты крахмалы, коллоидты кремнийдің қостотығы, стеарин қышқылы, тазартылған су. Сыртқы түрінің, иісінің, дәмінің сипаттамасы Дөңгелек, жалпақ, екі жақ беті тегіс ойықты сары түсті таблеткалар.

ДП ересектерде қолдануға арналған - эссенциялық артериялық гипертензия, егер креатинин клиренсі > 30 мл/мин болса, бастапқы ем ретінде немесе басқа гипотензиялық дәрілермен біріктірілімде - жеңілден орташа дәрежеге дейінгі созылмалы жүрек жеткіліксіздігін емдеу, NYHA (Нью-Йорк кардиологиялық қауымдастығы) жіктеуі бойынша II немесе III функционалдық класс, > 30 мл / мин креатинин клиренсінде - бауыр циррозы кезіндегі асцит (мұқият бақылаумен)

Хлорталидон сульфонамид туындысы бензотиадиазин (тиазид) – ұзақ әсер ететін диурездік дәрі түрінде болады. Тиазидті және тиазид тәрізді диуретиктер, ең алдымен, бүйректің дистальді өзекшелеріне (бастапқы ирек бөлігі) әсер етіп, NaCl кері сіңірілуін (Na + - Cl- ко-тасымалдағышына қарсы әсер ету есебінен) тежейді және Ca ++ (механизмі белгісіз) кері сіңірілуіне ықпал етеді. Кортикальді жинақтағыш түтікшелерге Na + және су жеткізілуінің күшеюі және / немесе ағын жылдамдығының жоғарылауы K + және H + секрециясы мен экскрециясының артуына алып келеді. Фармакодинамикалық әсерлері Бүйрек функциясы қалыпты адамдарда небәрі 12,5 мг енгізуден кейін диурез индукцияланады. Натрий мен хлоридтің несеппен экскрециясының артуы нәтижесінде туындайтын және жоғарылауы аз байқалатын калийдің несеппен бөлінуі дозаға тәуелді және қалып шегінде де, ісінулері бар пациенттерде де жүреді. Диурездік әсері 2-3 сағаттан соң басталып, ең жоғары шыңына 4-24 сағаттан соң жетеді және 2-3 күн бойы сақталуы мүмкін. Тиазидтер индукцияланған диурез бастапқыда плазма көлемінің, жүрек лықсытуының және жүйелі артериялық қысымның төмендеуіне әкеледі. Ренин-ангиотензин-альдостерон жүйесі белсенуі мүмкін, ол гипертензияға қарсы тиімділігін төмендетеді. Клиникалық тиімділігі және қауіпсіздігі Гипертониктерде хлорталидон артериялық қысымды баяу төмендетеді. Қабылдауды жалғастырғанда гипотензиялық әсері, ықтималды түрде, шеткері кедергінің түсіп кетуіне орай сақталады, жүрек лықсытуы емдеуге дейінгі мәндеріне оралады, плазма көлемі қалып шегінен сәл төмен күйде қалады, ал плазмада ренин белсенділігі артуы мүмкін. Ұзақ уақыт қабылдағанда хлорталидонның гипертензияға қарсы әсері тәулігіне 12,5-тен 50 мг дейінгі дозасына байланысты. Дозаны 50 мг-ден жоғары арттыру метаболизмдік асқынуларды арттырады және сирек емдік әсер береді. Басқа диуретиктермен жағдайдағы сияқты, хлорталидон монотерапия ретінде тағайындалғанда, артериялық қысымның бақылануына жеңіл және орташа гипертензиясы бар пациенттердің шамамен жартысында қол жеткізіледі. Жалпы алғанда, егде жастағы және қара нәсілді пациенттер бастапқы ем ретіндегі диуретиктерге ерекше жақсы реакция береді. Басқа гипотензиялық дәрілермен біріктіріп емдеу артериялық қысымды төмендету әсерлерін күшейтеді. Осылайша, монотерапияға жауап бермеген пациенттердің едәуір бөлігінде артериялық қысымның одан әрі төмендеуіне жетуге болады. Тиазидті диуретиктер, соның ішінде хлорталидон кальций шығарылуын төмендететіндіктен, олар кальций оксалатының қайталамалы бүйрек тастарының түзілуін болдырмау үшін пайдаланылды. Балалар Балалар мен 18 жасқа дейінгі жасөспірімдерде қолданылу қауіпсіздігін растайтын деректер жоқ.

Дозалау режимі Барлық диуретиктер сияқты, емді мүмкін болатын ең төмен дозасынан бастау керек. Бұл дозаны, жағымсыз әсерлерінің ең төмен деңгейінде ең жоғары емдік әсерін алу үшін пациенттің жеке реакциясына сәйкес титрлеу керек. Артериялық гипертензия Клиникалық тиімді дозалар диапазоны күніне 12,5-тен 50 мг дейін құрайды. Ұсынылатын бастапқы дозасы тәулігіне 12,5 немесе 25 мг құрайды, осы орайда соңғысы пациенттердің көпшілігінде ең жоғарғы гипотензиялық әсерін алу үшін жеткілікті. Осы доза үшін толық әсеріне 3-4 аптадан соң жетуге болады. Егер артериялық қысым төмендеуі 25 немесе 50 мг/тәулік қабылдау кезінде жеткіліксіз болып шықса, гипертензияға қарсы басқа препараттармен (бета-адреноблокаторлар, АӨФ тежегіштері немесе ангиотензин II тежегіштері сияқты) біріктіріп емдеу ұсынылады. АӨФ тежегіші немесе ангиотензин II тежегіштері қосылғанда Ипка Дихлор препаратын қабылдауды азайту немесе тоқтату керек. Тұрақты созылмалы жүрек жеткіліксіздігі (II / III функционалдық класс) Ұсынылатын бастапқы дозалары 25-тен 50 мг дейін/тәулік құрайды. Ілмекті диуретиктер жағымсыз болатын жүректің ауыр созылмалы жеткіліксіздігі (IV дәрежесі) бар пациенттерге Ипка Дихлор препаратының 2 таблетка 25 мг (50 мг) алғашқы дозаларын күнара қолдануға болады. Демеу үшін ең төмен тиімді дозасын: күніне 12,5-тен 50 мг дейін немесе күнара 25-тен 50 мг дейін пайдаланыңыз. Егер жауап талапқа сай болмай шықса, болжамды түрде, АӨФ тежегішімен біріктіріп оң инотропты дәріні (мысалы, дигиталис) қосуға болады. Соңғы жағдайда Ипка Дихлор препаратының қолданылуы азайтылуы немесе тоқтатылуы тиіс. Шығу тегі спецификалық ісінулер Ең төмен тиімді дозасын титрлеу жолымен белгілеу және тек шектеулі уақыт кезеңі ішінде ғана енгізу керек. Дозалары 50 мг/тәуліктен аспауы тиіс. Балалар Балалар мен 18 жасқа дейінгі жасөспірімдерде қолдану қарсы көрсетілімді. Егде жастағы пациенттер Егде жастағы пациенттерде хлорталидон бөлінісі, дені сау ересектерге қарағанда, баяулау жүреді. Осылайша, дозаны төмендету қажет болуы мүмкін. Хлорталидон қабылданғанда егде жастағы пациенттерге мұқият медициналық қадағалау қажет. Бауыр жеткіліксіздігі бар пациенттер Бауыр функциясының бұзылуы немесе үдемелі бауыр ауруы бар пациенттерге хлорталидонның төмен дозасы ұсынылады, өйткені сұйықтық деңгейі мен электролит теңгерімінің болымсыз өзгерістері бауыр комасын жеделдетуі мүмкін. Бүйрек жеткіліксіздігі бар пациенттер Бүйрек жеткіліксіздігі бар пациенттер үшін төмен доза ұсынылады. Креатинин клиренсінің <30 мл/мин деңгейінде хлорталидон мен тиазидті диуретиктер өзінің несеп айдау әсерін жоғалтады. Енгізу әдісі және жолы Ішке қолдану үшін. Күнделікті немесе күнара таңертең ас ішу кезінде бір реттік доза ұсынылады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Сізде осы дәрілік препаратты қолдану бойынша қандай да бір қосымша сұрақтар туындаған жағдайда, өз дәрігеріңізге немесе фармацевтке жүгініңіз.

- хлорталидонға және басқа сульфонамид туындылары препараттарына немесе қосымша заттарының кез келгеніне аса жоғары сезімталдық - анурия - қант диабеті (ауыр түрлері) - бауырдың ауыр жеткіліксіздігі, бауыр комасы, жедел гепатит - бүйректің ауыр жеткіліксіздігі (креатинин клиренсі <30 мл/мин) - тұрақты гипокалиемия, гипонатриемия және гиперкалиемия - симптоматикалық гиперурикемия (бұрыннан бар подагра немесе несеп қышқылы тастары) - емделмеген Аддисон ауруында - литий препаратын бір мезгілде қолдану - жүктілік кезіндегі артериялық гипертензия - балалар мен 18 жасқа дейінгі жасөспірімдер

Қан және лимфа жүйесі тарапынан бұзылулар Сирек: тромбоцитопения, лейкопения, агранулоцитоз, эозинофилия Иммундық жүйе тарапынан Аса жоғары сезімталдық Зат алмасу бұзылулары Өте жиі: (негізінен жоғары дозаларда) гипокалиемия, гиперурикемия, гиперлипидемия Жиі: гипонатриемия, гипомагниемия, гипергликемия, тәбет төмендеуі Жиі емес: подагра Сирек: гиперкальциемия, қант диабетінің жеткіліксіз бақылануы Өте сирек: гипохлоремиялық алкалоз Жүйке жүйесінің бұзылыстары Жиі: бас айналу Сирек: парестезия, бас ауыру Есту мүшелері тарапынан бұзылулар Бас айналу Көру мүшелері тарапынан бұзылыстар Сирек: көрудің бұзылуы Белгісіз: хориоидты жалқық Респираторлық бұзылыстар Өте сирек: өкпенің кардиогенді емес ісінуі Асқазан-ішек бұзылыстары Жиі: іш тұсының жайсыздануы Сирек: жеңіл жүрек айну және құсу, іштің жоғарғы бөлімінің ауыруы, іш қату, диарея Өте сирек: панкреатит. Гепатобилиарлық бұзылыстар Сирек: бауырішілік холестаз, сарғаю Тері және тері асты шелі Жиі: есекжем, тері бөртпесінің басқа түрлері Сирек: жарыққа сезімталдық реакциясы Тірек-қимыл аппараты және дәнекер тін Жиі: бұлшықет әлсіздігі Бүйрек және несеп шығару жолдары тарапынан Сирек: глюкозурия Өте сирек: тубулоинтерстициальді нефрит Жүрек тарапынан бұзылыстар Сирек: аритмия Тамыр бұзылыстары Жиі: алкоголь, анестетиктер немесе тыныштандыратын дәрілер қабылдаумен өршуі мүмкін ортостаздық гипотензия Өте сирек: васкулит Тұқым өрбіту жүйесі Жиі: эректильді дисфункция Зертханалық зерттеулер Өте сирек: қанда холестерин жоғарылауы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас айналу, жүрек айну, ұйқышылдық, гиповолемия, АҚ шамадан тыс төмендеуі, аритмия, құрысулар. Емі: асқазанды шаю, белсендірілген көмірді ішке тағайындау, симптоматикалық ем (қандағы электролит теңгерімін қалпына келтіруге арналған тұз ерітінділерін в/і енгізу). Хлорталидонның арнайы антидоты жоқ.

- ауырлық дәрежесі орташа бүйрек жеткіліксіздігі - ауырлық дәрежесі орташа бауыр жеткіліксіздігі Арнайы сақтандырулар Хориоидты жалқық, жедел миопия және салдарлы жабық бұрышты глаукома Ипка Дихлорды қабылдамас бұрын дәрігермен сөйлесіңіз. Егер сіз көрудің төмендеуін немесе көздің ауыруын сезінсеңіз. Бұл Ипка Дихлорды қабылдау басталған сәттен бірнеше сағат немесе апта ішінде байқауға болатын көздің тамырлы қабығында сұйықтық жинақталуының (хориоидты жалқық) немесе көз қысымының көтерілуі болуы мүмкін. Емдеу жүргізілмесе, қайтымсыз көрмей қалу болуы мүмкін. Егер сізде бұрын пенициллинге немесе сульфонамидке аллергиялық реакция болса, сіз хориоидты жалқықтың даму өте жоғары қаупіне бейім болуы мүмкін. Аса жоғары сезімталдық реакциялары Аса жоғары сезімталдық реакциялары аллергия және бронх демікпесі бар науқастарда туындауы мүмкін. Құрылымы жағынан хлорталидонмен байланысты тиазидті диуретиктерді қабылдағанда жүйелі қызыл жегі өршуі немесе көрініс беруі мүмкін. Дегенмен де, хлорталидонды қабылдаудан кейін жүйелі қызыл жегінің көрініс бергені туралы хабарламалар болмады. Оны осындай ауруы бар науқастарға тағайындағанда сақтық шарасын қадағалау керек. Электролиттер Тиазидті диуретиктермен емдеу гипокалиемия, гипомагниемия, гиперкальциемия және гипонатриемия сияқты электролит теңгерімінің бұзылуымен байланысты болды. Гипокалиемия жүрек ырғағы бұзылуының дамуына түрткі болуы немесе оймақгүлдің уытты әсеріне жүректің реакциясын күшейтуі мүмкін. Барлық тиазидті диуретиктермен жағдайдағы сияқты, Ипка Дихлор препараты индукциялаған калийдің несеппен көп шығарылуы дозаға тәуелді және пациенттерде жекеше өзгеріп отырады. Тәулігіне 25 мг дозасында сарысудағы калий концентрациясының төмендеуі, орта есеппен, 0,7 ммоль / л құрайды. Ұзақ уақыт емдеу кезінде алдымен қан сарысуындағы калий концентрациясын, одан кейін 3-4 аптадан соң тексеру керек. Әріқарай, егер калий теңгерімі бұзылса, жағымсыз реакциялар (мысалы, құсу, диарея, бүйрек функциясының өзгерістері және т.б.) көрініс беруі мүмкін. Мониторингтеуді әр 4-6 ай сайын өткізу керек. Пероральді калий тұзын (мысалы, калий хлоридін) титрлеп бірге енгізуді дигиталис (оймақгүл) қабылдап жүрген пациенттерде, жүректің ишемиялық ауруының белгілері бар пациенттерде, егер олар ангиотензин өзгертуші фермент (АӨФ) тежегішін қабылдап жүрмесе, бета-адренорецепторлар агонистерінің жоғары дозаларын қабылдап жүрген пациенттерде; және плазмадағы калий концентрациясы <3,0 ммоль / л болатын барлық жағдайда қарастыруға болады. Егер пероральді калий препараттары жағымсыз болса, Ипка Дихлор препаратын калий жинақтайтын диуретикпен (мысалы, триамтерен) біріктіруге болады. Біріктірілген емдеудің барлық жағдайларында калий теңгерімін мұқият бақылау керек. Егер гипокалиемия клиникалық белгілерімен (мысалы, бұлшықет әлсіздігі, парез және ЭКГ өзгерісімен) қатар жүрсе, Ипка Дихлор препаратын қабылдауды тоқтату керек. АӨФ тежегіштерін немесе ангиотензин II тежегіштерін қабылдап жүрген пациенттерде де Ипка Дихлор препаратынан және калий тұзынан немесе калий жинақтаушы диуретиктен тұратын біріктірілген емнен сақтану керек. Бірлі-жарым жағдайларда неврологиялық симптомдармен (жүрек айну, әлсіздік, үдемелі бағдардан жаңылу, апатия) қатар жүретін гипонатриемия байқалды. Сарысудағы электролиттерді мониторингтеу, әсіресе, егде жастағы адамдарға, бауыр циррозынан болатын асцит бар пациенттерге және нефроздық синдром салдарынан ісінуі бар пациенттерге көрсетілген. Соңғы жағдайда Ипка Дихлор препаратын калий деңгейінің азаюы немесе ауыр гипоальбуминемия белгілерінсіз нормокалиемия бар пациенттерде тек мұқият бақылаумен ғана пайдалану керек. Метаболизмдік әсерлері Хлорталидон қан сарысуындағы несеп қышқылының деңгейін арттыруы мүмкін, бірақ ұзақ уақыт емдегенде подагра ұстамалары сирек байқалады. Глюкозаға төзімділік бұзылуы мүмкін болса да, емдеу кезінде қант диабеті өте сирек туындайды. Тиазидтермен және тиазид тәрізді диуретиктермен ұзақ уақыт бойы емдеу кезінде пациенттерде жалпы холестериннің, триглицеридтердің немесе тығыздығы төмен липопротеиндер холестеринінің плазмадағы концентрациясының аздаған және ішінара қайтымды жоғарылауы тіркелген. Осы нәтижелердің клиникалық маңызы түсініксіз. Ипка Дихлор қант диабеті бар пациенттерді немесе гиперхолестеринемиядан (диеталық немесе біріктірілген) емделіп жүрген пациенттерді ұзақ уақыт емдеу үшін бірінші желідегі препарат ретінде пайдаланылмау керек. АӨФ тежегішімен немесе ангиотензин II тежегішімен біріктірілім АӨФ тежегіштерінің немесе ангиотензин II тежегіштерінің гипертензияға қарсы әсерін плазма ренинінің белсенділігін арттыратын агенттер (диуретиктер) күшейтеді. Сондықтан, диуретикке АӨФ тежегішін немесе ангиотензин II тежегішін қосылғанда сақтықпен дозалау режимін ұстану керек. Диуретик дозасын азайту немесе оны 2-3 күнге тоқтату және АӨФ тежегішінің немесе ангиотензин II тежегішінің бастапқы төмен дозасын пайдалану ұсынылады. Еге жастағы адамдарда қолдану Егде жастағы пациенттерде, сіңірілуі бірдей болса да. хлорталидон шығарылуы, жас пациенттерге қарағанда, баяуырақ жүреді. Демек, егде жастағы пациенттерді Ипка Дихлор препаратымен емдеу кезінде сарысудағы электролиттерді мониторингтеуді қоса, мұқият медициналық қадағалау қажет. Натрий Препараттың қосымша заттарының құрамында 1,50 мг, 3,00 мг мөлшерінде натрий гликолят крахмалы бар (натрий мөлшері 2,8-4,2%), бір реттік дозасындағы натрий мөлшері 1 ммольден аз, яғни Ипка Дихлор натрийден бос препарат болып саналады. Зертханалық тестілерге әсері Деректер жоқ. Бауыр жеткіліксіздігі Бауыр функциясының бұзылуы немесе бауырдың үдемелі ауруы бар пациенттерге хлорталидонды сақтықпен қабылдау керек, өйткені сұйықтық деңгейі мен электролит теңгерімінің болымсыз өзгерістері бауыр комасын туғызуы мүмкін. Бүйрек жеткіліксіздігі Бүйрек жеткіліксіздігінде хлорталидон сақтықпен қабылдану қажет. Бүйрек жеткіліксіздігі бар пациенттерде хлорталидон немесе басқа ұқсас препараттар азотемияны арттыруы мүмкін. Бүйрек функциясының бұзылуы бар пациенттерде дәрілік препараттың жинақталу әсерлері дамуы мүмкін. Педиатрияда қолдану Балаларда қолдану деректері жоқ. Балалар мен 18 жасқа дейінгі жасөспірімдерде қолдану қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың жағымсыз әсерлерін (бас айналу, бас ауыру) ескеріп, көлік құралдарын және қауіптілігі зор механизмдерді басқару кезінде сақтық шарасын қадағалау керек.

Жүктілік кезінде ісінуді немесе гипертонияны емдеуде диуретиктерден аулақ болған жөн, өйткені оларды қолдану гиповолемиямен, қанның тұтқырлығының жоғарылауымен және плацентарлы перфузияның төмендеуімен байланысты болуы мүмкін. Ұрықтың сүйек кемігі функциясының тежелуі, тромбоцитопения, тиазидті диуретиктерді қолданумен байланысты ұрық пен жаңа туған нәрестенің сарғаюы туралы хабарланды. Хлорталидон емшек сүтімен бөлінеді. Лактация кезеңінде қолдану қажет болса, бала емізуді тоқтату керек.

Литий Диуретиктер қандағы литий деңгейін арттыратындықтан, литиймен ем алып жүрген және бір мезгілде хлорталидон қабылдап жүрген пациенттерде соңғысы бақылануы тиіс. Егер литий полиурия туғызса, диуретиктер парадоксты диурезге қарсы әсерін көрсетуі мүмкін. Деполяризацияламайтын релаксанттар, кураре туындылары және гипертензияға қарсы дәрілік заттар Диуретиктер деполяризацияламайтын релаксанттардың, кураре туындыларының және гипотензиялық дәрілік заттардың (мысалы, гуанетидин, метилдопа сесквигидраты, бета-блокаторлар, вазодилататорлар, кальций антагонистері, АӨФ тежегіштері немесе ангиотензин II тежегіштері) әсерін күшейтеді. Кортикостероидтар, АКТГ, бета-2 агонистері, амфотерицин В (амфотерицин) және карбеноксолон Диуретиктердің жүрек және/немесе бұлшықет аурулары қаупімен жүретін гипокалиемиялық әсерін кортикостероидтар, АКТГ, бета-2 агонистері, амфотерицин В (амфотерицин ) және карбеноксолон күшейтуі мүмкін. Инсулин және диабетке қарсы пероральді дәрілер Инсулиннің және диабетке қарсы пероральді дәрілердің дозасын түзету қажет болуы мүмкін. Дигиталис Тиазидтер туғызған гипокалиемия немесе гипомагниемия дигиталис түрткі болатын жүрек аритмиясының туындауына ықпал етуі мүмкін. Қабынуға қарсы стероидты емес препараттар Қабынуға қарсы кейбір стероидты емес препараттарды (мысалы, индометацин) бір мезгілде қабылдау диуретиктердің диурездік және гипертензияға қарсы белсенділігін әлсіретуі мүмкін, бейімділігі бар пациенттерде бүйрек функциясының нашарлауы туралы жекелеген хабарламалар болды. Аллопуринол Тиазидті диуретиктерді бір мезгілде қабылдау аллопуринолға аса жоғары сезімталдық реакцияларының жиілігін арттыруы мүмкін. Амантадин Тиазидті диуретиктерді бір мезгілде қабылдау амантадиннің жағымсыз әсерлерінің қаупін арттыруы мүмкін. Ісікке қарсы дәрілер (мысалы, циклофосфамид моногидраты, метотрексат) Тиазидті диуретиктерді бір мезгілде қабылдау цитоуытты дәрілердің бүйректік экскрециясын төмендетуі және миелосупрессиялық әсерлерін күшейтуі мүмкін. Антихолинергиялық дәрілер (мысалы, атропин, бипериден) Асқазан-ішек жолы моторикасының және асқазанның босау жылдамдығының төмендеуіне орай, антихолинергиялық дәрілер тиазид типті диуретиктер биожетімділігін арттыруы мүмкін. Анион алмасу шайырлары (мысалы, колестирамин) Тиазидті диуретиктер сіңірілуі анион алмасу шайырларының, мысалы, колестирамин есебінен төмендейді. Фармакологиялық әсерінің төмендеуін күтуге болады. D дәрумені Тиазидті диуретиктерді пайдалану несеппен кальций шығарылуын төмендетуі мүмкін, ал D дәруменін бір мезгілде қабылдау қан сарысуында кальций деңгейінің жоғарылауын күшейтуі мүмкін. Циклоспорин Диуретиктермен бір мезгілде емдеу гиперурикемия мен подагра асқынуларының қаупін арттыруы мүмкін. Кальций тұздары Тиазид типті диуретиктерді бір мезгілде қабылдау кальцийдің кері сіңірілуін арттыру есебінен гиперкальциемия туғызуы мүмкін. Нәтижесінде туындаған гиперкальциемия сақталуы және гиперпаратиреоз бар пациенттерде симптомдары (әлсіздік, қалжырау, анорексия) болуы мүмкін. Диазоксид Тиазидті диуретиктер диазоксидтің гипергликемиялық әсерін күшейтуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!