ИРС® 19 спрей

Сыртқы түрінің, иісінің, дәмінің сипаттамасы Спецификалық әлсіз иісі бар мөлдір түссіз немесе сарғыштау реңді сұйықтық.

- жоғарғы тыныс алу жолдары мен бронхтар созылмалы ауруларының профилактикасы; - жоғарғы тыныс алу жолдары мен бронхтардың ринит, синусит, ларингит, фарингит, тонзиллит, трахеит, бронхит сияқты жедел және созылмалы ауруларын емдеу; - тұмау мен басқа да вирустық инфекцияларды өткергеннен кейін жергілікті иммунитетті қалпына келтіру; - ЛОР-мүшелерге жоспарлы операциялық араласуларға дайындағанда және операциядан кейінгі кезеңде.

ИРС 19 спецификалық және спецификалық емес иммунитетті көтереді. ИРС 19 препаратын бүріккенде мұрын шырышты қабығының бетін жабатын ұсақ дисперсті аэрозоль түзіледі. Бұл қорғаныс механизмінің шұғыл мобилизациялануын туындатып және антиденелердің тиімді өнімін іске қосып, жергілікті иммундық жауаптың жылдам дамуына әкеледі. Жоғарғы тыныс жолдары шырышты қабығының иммундық жауабына кешенді әсер етуінің арқасында ИРС 19 екі бірдей: емдік және профилактикалық емнің әсерін иеленеді. Емдік тиімділігі ИРС 19 қолданудан кейін 1 сағаттың ішінде өндіріле бастайтын жергілікті қорғаныстың спецификалық емес факторлары арқылы іске асады. Шырышты қабықта антиденелер түзетін жасушалар санының артуы мен А (IgA) типті спецификалық иммуноглобулиндердің өндірілуі 2-4 тәулікте басталып, ИРС 19 препаратының емдік әсерін арттырады және 3-4 ай бойы сақталатын профилактикалық әсерін қамтамасыз етеді.

Дозалау режимі Профилактикасы үшін: ересектер мен балаларға 6 жастан бастап препараттың 1 дозасынан әр мұрын жолына 2 апта бойы күніне 2 рет (емдеу курсын күтілетін ауру жағдайының көтерілуіне дейін 2-3 апта бұрын бастау ұсынылады). Жоғарғы тыныс алу жолдары мен бронх ауруларының жедел және созылмалы ауруларын емдеу үшін: ересектер мен 6 жастан асқан балаларға әр мұрын жолына препараттың бір дозасынан инфекция симптомдары жоғалғанға дейін күніне 2-ден 5 ретке дейін. Жергілікті иммунитетті қалпына келтіру үшін: ересектер мен 6 жастан асқан балаларға тұмаудан және басқа да респираторлық вирустық инфекциялардан кейін 2 апта бойы әр мұрын жолына препараттың 1 дозасынан күніне 2 рет. Жоспарлы операциялық араласуға дайындық кезінде және операциядан кейінгі кезеңде: ересектер мен балаларға 6 жастан бастап әр мұрын жолына препараттың 1 дозасынан 2 апта ішінде күніне 2 рет (емдеу курсын жоспарланған операциялық араласудан 1 апта бұрын бастау ұсынылады). Енгізу жолы және тәсілі Препаратты интраназальді түрде 1 дозаны аэрозольді енгізу жолымен қолданады (1 доза=пульверизаторды тез 1 рет басу). Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолданар алдында дәрігермен немесе фармацевтпен кеңесіңіз.

- әсер етуші затқа (заттарға) немесе қосымша заттардың кез келгеніне аса жоғары сезімталдық - аутоиммундық аурулар - 6 жасқа дейінгі балалар

Сирек: - аса жоғары сезімталдық реакциялары (есекжем, ангионевроздық ісіну) - эритема және экзема түріндегі бөртпе Жиілігі белгісіз: - бронх демікпесінің ұстамалары - жөтел - ринофарингит - синусит - ларингит - бронхит - түйіндік эритема - жүрек айнуы - құсу - іш ауыруы - диарея - тромбоцитопениялық пурпура - температураның жоғарылауы (≥39 °C) анық себепсіз. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратпен артық дозалану жағдайлары белгісіз.

Өте маңызды! Құрылғы келесі жағдайларда ғана дұрыс жұмыс істейді: Қондырғыны құтыға кигізіңіз және оны керегінше орталықтаңыз және оны баяу, күш салмай басыңыз. Енді құрылғы пайдалануға дайын. ПРЕПАРАТТЫ БҮРІККЕНДЕ ҚҰТЫНЫ ТІК ҰСТАУ ЖӘНЕ БАСТЫ АРТҚА ШАЛҚАЙТПАУ КЕРЕК. Егер сіз бүрку кезінде бөтелкені еңкейтсеңіз, пропеллент бірнеше секунд ішінде ағып кетеді және құрылғы жарамсыз күйге түседі. Препаратты ұдайы қолданған кезде қондырғысын шешпеу керек. Егер препаратты көп уақыт бойы қолданбай қалдыратын болса, сұйықтық тамшысы булану және түзілген кристалл қондырманың шығатын тесігін бітеп тастауы мүмкін. Бұл құбылыс көбінесе қондырманы шешіп, оны алдын ала шаймай және құрғатпай құтының жанына жоғарғы жағын төмен қаратып қойғанда болады. Егер қондырма бітеліп қалса, артық қысымның әсерінен сұйықтық шығуы үшін оны бірнеше рет басыңыз. Егер ол шығара алмаса, қондырманы жылы суға бірнеше минут салып қойыңыз. Арнайы ескертулер Препаратты қолданудың басында түшкіру және мұрыннан көп су ағуы сияқты реакциялар болуы мүмкін. Әдетте, олар қысқа мерзімді сипатқа ие. Егер бұл реакциялар ауыр өтетін болса, препаратты енгізу жиілігін азайту немесе оны тоқтату керек. Препаратты қолданудың басында сирек жағдайларда температураның көтерілуі мүмкін (≥ 39 °C). Бұл жағдайда қолдануды тоқтату керек. Алайда, ЛОР-мүшелердің ауруы дамуымен байланысты дімкәстікпен қатар жүретін мұндай жағдайды дене температурасының көтерілуінен ажырата білу керек. Бактериялық инфекциялардың жүйелі клиникалық белгілері болған жағдайда жүйелі антибиотиктерді тағайындау тиімділігін қарастырған жөн. Бронх демікпесі бар науқастарды иммуностимуляциялау мақсатында бактериялық лизаттар негізіндегі препараттарды тағайындау кезінде демікпе ұстамалары пайда болуы мүмкін. Бұл жағдайда препаратты қолдануды тоқтату және болашақта осы кластағы препараттарды қабылдамау ұсынылады. 50 °C-ден астам температураға дейін қызудан және тікелей түсетін күн сәулесінен сақтау керек, құтыны теспеу, тіпті ол босаған жағдайдың өзінде өртемеу керек. Жүктілік кезінде қолдану Жүктілік кезінде ұрыққа тератогендік немесе уытты әсер ету мүмкіндігі туралы жеткілікті деректер жоқ, сондықтан жүктілік кезінде препаратты қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ИРС® 19 препаратын қолдану автомобиль жүргізумен немесе машиналар мен механизмдерді басқарумен байланысты психомоторлық қызметке әсер етпейді.

Нұсқаулықта көрсетілмеген.

Бактериялық инфекцияның клиникалық симптомдары пайда болған жағдайда ИРС®19 қолдануды жалғастыру аясында антибиотиктер тағайындауға болады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада тік күйде ғана сақтау керек. Мұздатып қатыруға болмайды! Балалардың қолы жетпейтін жерде сақтау керек!