Кавинтон® Форте таблетки 10 мг

Бір таблетканың құрамында: белсенді зат - винпоцетин, 10 мг, қосымша заттар: сусыз коллоидты кремнийдің қостотығы, магний стеараты, тальк, жүгері крахмалы, лактоза моногидраты. Сыртқы түрінің, иісінің, дәмінің сипаттамасы Дөңгелек пішінді, тегіс беткейлі, ойықты, бір жағында «10 mg» деген жазуы және басқа жағында сызығы бар, диаметрі 8.0 мм жуық, ақ немесе ақ дерлік түсті таблеткалар.

Неврология: Ми қан айналымы бұзылуларының әр түрлерінде: инсульттан кейінгі жағдай, вертебробазилярлы жетіспеушілік, тамырлы деменция, бас миы тамырларының атеросклерозы, жарақаттан кейінгі және гипертониялық энцефалопатия. Мидың қанмен қамтамасыз етілуі бұзылуына байланысты психикалық немесе неврологиялық бұзылу көрінісін азайту үшін. Офтальмология: Көздің қантамырлық қабығының және торқабығының созылмалы тамырлы аурулары. Отология: Қарттыққа байланысты саңыраулықтың перцептивті типі, Меньер ауруы және құлақтың шыңылдауы.

ATХ коды N06BX18 Винпоцетин әсер ету механизмі кешенді қосылыс болып табылады, ол мидың метаболизміне және мидың қанмен жабдықталуына, сондай-ақ қанның реологиялық қасиеттеріне жағымды әсер етеді. Винпоцетин нейропротективтік әсерге ие: қоздырғыш амин қышқылдарынан туындаған цитоуытты реакциялардың зиянды әсерін әлсіретеді. Әлеуетке тәуелді Na+ және Ca2+- өзекшелерінің, сондай-ақ NMDA және AMPA-рецепторларын бұғаттайды. Аденозиннің нейропротективтік әсерін күшейтеді. Винпоцетин мидың метаболизмін стимуляциялайды: глюкоза мен O2 қармалуын арттырып, олардың ми тінімен сіңірілуін стимуляциялайды. Мидың гипоксияға төзімділігін арттырады; ми үшін ерекше энергия көзінің – глюкозаның – гематоэнцефалдық бөгет арқылы тасымалдануын арттырады; глюкоза метаболизмін энергетикалық тұрғыдан өте жағымды аэробтық жолына қарай жылжытады; Ca2+-кальмодулин-тәуелді цГМФ-фосфодиэстеразаны (ФДЭ) іріктеп тежейді; мида цАМФ және цГМФ деңгейін арттырады. Бас миындағы АТФ концентрациясын және АТФ/АМФ арақатынасын арттырады; мида норадреналин мен серотониннің айналымын күшейтеді; жоғарыға қарай кететін норадренергиялық жүйені стимуляциялайды; антиоксиданттық әсер етеді; барлық осы әсерлердің нәтижесінде винпоцетин церебропротективтік әсер береді. Винпоцетин мида микроайналымды жақсартады: тромбоциттердің агрегациясын тежейді, қанның тұтқырлығының патологиялық тұрғыдан жоғарылауын төмендетеді; эритроциттердің деформациялануын арттырады және аденозинді қармалуын тежейді; О2-нің эритроциттерге ұқсастығының төмендеуі есебінен жасушаларға өтуіне ықпал етеді. Винпоцетин мида қан ағысын селективті түрде арттырады: жүректен қан лықсытуының церебральды фракциясын арттырады; мида қантамырлар кедергісін төмендетіп, жүйелік айналым параметрлеріне (артериялық қысым, жүрек лықсытуы, ырғақтың жиілігі, жалпы шеткергі кедергі) ықпалын тигізбейді; препарат «жымқыру әсерін» тудырмайды. Бәрінен бұрын, препарат аясында қанның төмен перфузиялы ишемиямен зақымданған (бірақ әлі некрозданбаған) жерлеріне келіп түсуі жақсарады («жымқырудың кері әсері»).

Дозалау режимі Әдеттегі тәуліктік дозасы 5–10 мг-нан 3 ретті құрайды (15–30 мг тәулігіне). Пациенттердің ерекше топтары Балалар Кавинтон Форте препаратын балаларға қолдануға болмайды. Бүйрек және бауыр функциясының жеткіліксіздігі бар пациенттер Бауыр мен бүйрек қызметі бұзылған пациенттер әдеттегі дозаны ала алады. Қолдану әдісі мен жолы Ішке қабылдауға арналған. Таблеткаларды тамақтан соң қабылдаған дұрыс. Таблетканы теңдей екі бөлікке бөлуге болады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Егер сізде осы препаратты қолдану жөнінде қосымша сұрақтар болса, емдеуші дәрігермен кеңесіңіз.

- белсенді затқа немесе 6.1-тармақта көрсетілген препараттың кез-келген қосымша компонентіне жоғары сезімталдық - жүктілік, баланы емізу кезеңі және контрацепцияның сенімді әдісін пайдаланбайтын, бала туушылық қабілеті сақталған әйелдерде қолдану - 18 жасқа дейінгі балаларда және жасөспірімдерде (тиісті клиникалық зерттеулер деректерінің болмауына байланысты). - тұқымқуалайатын галактоза жақпаушылығымен байланысты және жалпы лактаза жетіспеушілігі немесе глюкозо-галактозды мальабсорбция

Жиі емес (≥ 1/1000, < 1/100) • бас айналу сезімі (айналу сезімі); • іште жағымсыз сезім; • ауыздың құрғауы; • лоқсу; • артериялық қысымның төмендеуі; • артериялық қысымның түсіп кетуі; • қанда холестеринин деңгейінің жоғары болуы; • бас ауыруы Сирек (≥ 1/10000, < 1/1000) • лейкоциттер деңгейінің төмендеуі • тромбоциттер деңгейінің төмендеуі; • жүрек бұлшықетіне қанның жеткіліксіз ағымы, жүрек ұстамасы; • жүрек аймағының батып ауыруы; • жүректің баяу соғуы; • жүректің жиі соғуы; • қатты жүрек соғуын сезіну; • экстросистолия; • есту қабілетінің бұзылуы; • құлақ шуылдауы; • көру жүйкесі емізігінің ісінуі • іштегі ауру сезімі; • іш қату; • іш өтуі • ас қорыту бұзылуы; • құсу; • әлсіздік; • дымкәстік; • ысыну; • артериялық қысымның жоғарылауы; • қандағы триглицеридтердің деңгейінің жоғарылауы • ЭКГ өзгерістері; • лейкоциттердің кейбір түрлерінің төмендеуі/артуы; • бауыр ферменттерінің деңгейінің өзгеруі; • тәбеттің жоғалуы, төмендеуі; • диабет; • бас айналу; • дәм сезу бұзылыстары; • психикалық және физикалық оқшаулану; • дененің бір жағында бұлшықет әлсіздігі; • ұйқышылдық; • естің бұзылуы; • ұйқысыздық; • ұйқы бұзылыстары; • мазасыздық; • тері жабындарының қызаруы; • шамадан тыс тершеңдік; • қышыну • терідегі бөртпе; • есекжем; • қан қысымының жоғарлауы; • қанның бетке тебуі; • вена қабынуы Өте сирек (< 1/10000) • анемия (қаназдық); • эритроциттердің жабысуы (агглютинациясы); • конъюнктива гиперемиясы (қызаруы); • жұтудың қиындауы; • ауыз қуысы шырышты қабатының қабынуы; • кеудеде жағымсыз сезім; • аритмия; • жүрекше тегінде жүрек ырғағының бұзылуы; • дене температурасының түсуі; • жоғары сезімталдық реакциялары (аллергия); • лейкоциттер санының жоғарылауы/төмендеуі; • эритроциттер санының төмендеуі; • тромбиндік уақыттың қысқаруы; • дене салмағының артуы; • тремор; • құрысулар (аяқта); • эйфория жағдайы; • депрессия; • терінің қабынуы; • қан қысымының ауытқуы; Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары тіркелген жоқ. Арнайы антидоты жоқ. Емі: симптоматикалық және сүйемелдеуші ем.

Арнайы сақтандырулар QT аралығы ұзаруы QT аралығы ұзару синдромы болған кезде немесе QT аралығының ұзаруына ықпал ететін дәрілік затты бір мезгілде қабылдаған кезде ЭКГ-бақылауын жүргізу ұсынылады. Қосымша заттар Кавинтон Форте препаратының әрбір таблеткасының құрамында 83 мг лактоза бар. Сирек кездесетін, тұқымқуалайтын галактоза жақпаушылығымен жүретін, жалпы лактаза жетіспеушілігі немесе глюкозо-галактозды мальабсорбциясы бар пациенттер бұл препаратты қабылдамаған жөн. Препараттың көлік құралын немесе потенциалды қауіпті механизмдерді басқару қабілетіне ықпалының ерекшеліктері Винпоцетиннің көлік құралын басқару және механизмдермен жұмыс істеу қабілетіне ықпалы туралы деректер жоқ.

Жүктілік кезінде және баланы емізу кезінде, сондай-ақ контрацепцияның сенімді әдісін пайдаланбайтын, бала туушылық қабілеті сақталған әйелдерде винпоцетинді қолдануға болмайды. Жүктілік Винпоцетин плацентарлық тосқауыл арқылы енеді, алайда плацентада және ұрықтың қанында оның концентрациясы жүкті әйелдің қанына қарағанда төмен. Репродуктивті уыттылығын көрсету мүмкін, даму ақауларымен қоса алғанда. Винпоцетиннің үлкен дозасын қабылдау плаценталық қан кету немесе түсік тастауға әкелуі мүмкін, плаценталық қан ағынының күшеюі нәтижесінде деген болжам бар. Бала емізу Винпоцетин емшек сүтіне енеді. Ананың қанына қарағанда ана сүтінде шамамен винпоцетин концентрациясы он есе жоғары болды. 1 сағат ішінде емшек сүтіне қабылданған дозаның 0,25%-ы енеді. Винпоцетин емшек сүтіне өтетіндіктен, және де оның емшек жасындағы балаларға әсері туралы деректер болмағандықтан, баланы емізу кезінде оны қолдану қарсы көрсетілімде.

Клопамид, глибенкламид, дигоксин, аценокумарол немесе гидрохлоротиазид сияқты винпоцетин мен бета-блокаторларды (хлоранолол және пиндолол сияқты) бір мезгілде қолданған кезде өзара әрекеттесулер байқалған жоқ. Кейбір жағдайларда альфа-метилдопа мен винпоцетинді бір мезгілде қолданған кезде елеусіз қосымша әсері туралы хабарланған, мұндай біріктірілімде артериялық қысымды тұрақты бақылап отыру ұсынылады. Өзара әрекеттесу мүмкіндігін растайтын деректердің болмауына қарамастан, винпоцетинді орталық жүйке жүйесіне әсер ететін препараттармен бір мезгілде қолданған кезде, сондай-ақ жүрек ырғағына қарсы және антикоагулянтты әсері бар препараттарды бір мезгілде қолданған жағдайда сақтық таныту ұсынылады.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 15 °С-ден 30 °С-ге дейінгі температурада сақтау керек. Балалардың қолы жетпейтін жерде сақтау керек!