Кагоцел® таблетки 12 мг

1 таблетканың құрамында: белсенді зат: Кагоцел® (құрғақ затқа шаққанда) – 12.00 мг. қосымша заттар: картоп крахмалы, кальций стеараты, кешенді қосымша зат [лактоза моногидраты, повидон, кросповидон] немесе лактоза моногидраты, повидон, кросповидон. Сыртқы түрінің, иісінің, дәмінің сипаттамасы Қоңырқай реңді ақ түстен ашық-қоңыр түске дейінгі дөңгелек екі беті дөңес қоңыр түсті теңбілдері бар таблеткалар.

Кагоцел® ересектерде және 3 жастан асқан балаларда тұмау және басқа жедел респираторлық вирустық инфекция (ЖРВИ) кезінде профилактикалық және емдік дәрі ретінде, сондай-ақ ересектердегі герпес кезінде емдік дәрі ретінде қолданылады.

Әсер ету механизмі және фармакодинамикалық әсерлер Кагоцел препаратының негізгі әсер ету механизмі интерферон өнімдерін индукциялау қабілеті болып табылады. Кагоцел адам организмінде вирусқа қарсы жоғары белсенділікке ие, - және -интерферондарының қоспасы болып табылатын кеш интерферон деп аталатын түзілісті тудырады. Кагоцел организмнің вирусқа қарсы жауабына қатысатын жасушалардың барлық дерлік популяцияларында: Т- және В-лимфоциттерінде, макрофагтарда, гранулоциттерде, фибробластарда, эндотелиальді жасушаларда интерферонның өндірілуін тудырады. Кагоцел препаратының бір дозасын ішке қабылдаған кезде қан сарысуындағы интерферон титрі 48 сағаттан кейін ең жоғары мәнге жетеді. Кагоцелді енгізуге организмнің интерферон реакциясы қандағы интерферондардың ұзақ (4-5 күнге дейін) айналымымен сипатталады. Кагоцелді ішке қабылдаған кезде ішекте интерферондардың жинақталу динамикасы айналымдағы интерферон титрлерінің динамикасымен сәйкес келмейді. Қан сарысуында интерферон өндірісі кагоцелді қабылдағаннан кейін 48 сағаттан соң ғана жоғары мәнге жетеді, ал ішекте интерферон өндірісінің максимумы 4 сағаттан кейін байқалады. Кагоцел препараты, емдік дозаларда тағайындаған кезде уытты емес, организмде жиналмайды. Препарат мутагенді және тератогенді қасиеттерге ие емес, канцерогенді емес және эмбриоуытты әсер иеленбеген. Кагоцел препаратымен емдеу кезінде ең жоғарғы тиімділігі оны жедел инфекция басталғаннан кейін 4 күннен кешіктірмей тағайындаған кезде жетеді. Профилактика мақсатында препарат кез-келген мерзімде, соның ішінде инфекцияның қоздырғышымен тікелей байланысынан кейін қолданылуы мүмкін.

Дозалау режимі Тұмау және ЖРВИ емдеу үшін ересектерге бірінші екі күнде – 2 таблеткадан күніне 3 реттен, одан кейінгі екі күн – 1 таблеткадан күніне 3 реттен тағайындайды. Бір курсқа барлығы – 18 таблетка, курстың ұзақтығы – 4 күн. Ересектерде тұмау және ЖРВИ профилактикасы 7 күндік циклдармен жүргізіледі: екі күн – 2 таблеткадан күніне 1 рет, 5 күн үзіліс, сосын циклды қайталайды. Профилактикалық курстың ұзақтығы – бір аптадан бірнеше айға дейін созылады. Ересектерде герпесті емдеу үшін 2 таблеткадан күніне 3 рет 5 күн бойы тағайындайды. Бір курсқа барлығы – 30 таблетка, курстың ұзақтығы – 5 күн. Балалар 3-тен 6 жасқа дейінгі балаларда тұмау және ЖРВИ емдеу үшін бірінші екі күнде – 1 таблеткадан күніне 2 рет, одан кейінгі екі күнде - 1 таблеткадан күніне 1 рет тағайындайды. Бір курсқа барлығы – 6 таблетка, курстың ұзақтығы – 4 күн. 6 жастан асқан балаларда тұмау және ЖРВИ емдеу үшін бірінші екі күн – 1 таблеткадан күніне 3 рет, одан кейінгі екі күнде – 1 таблеткадан күніне 2 реттен тағайындайды. Бір курсқа барлығы – 10 таблетка, курстың ұзақтығы – 4 күн. 3 жастан асқан балаларда тұмау және ЖРВИ профилактикасы 7 күндік циклмен жүргізіледі: екі күн – 1 таблеткадан күніне 1 рет, 5 күн үзіліс, сосын циклды қайталау қажет. Профилактикалық курстың ұзақтығы – бір аптадан бірнеше айға дейін созылады. Енгізу жолы және тәсілі Тамақтануға қарамастан, ішке қабылдауға арналған. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қолдану әдісі туралы сұрақтар туындаған жағдайда кеңес алу үшін дәрігерге немесе фармацевтке бару керек.

- белсенді затқа немесе препараттың кез келген қосымша заттарына жоғары сезімталдық; - тұқым қуалайтын галактоза жақпаушылығы, Lapp (ЛАПП) - лактаза ферментінің тапшылығы, глюкоза-галактоза мальабсорбциясы бар адамдар; - жүктілік және лактация кезеңі; - 3 жасқа дейінгі балалар.

Белгісіз (қолда бар деректер негізінде бағалау мүмкін емес) - жүрек айнуы, диарея, гастралгия; - бөртпе, есекжем, терінің қышуы, Квинке ісінуі. Егер нұсқаулықта көрсетілген жағымсыз реакциялардың кез келгені нашарласа немесе сіз нұсқаулықта көрсетілмеген кез келген басқа да жағымсыз реакцияларды байқасаңыз, бұл туралы дәрігерге хабарлаңыз. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Кездейсоқ артық дозаланғанда көп мөлшерде сұйықтық ішу, құстыру ұсынылады.

Кагоцел® препаратын туғаннан бастап 3 жасқа дейінгі балаларға тұмау мен ЖРВИ емдеу және профилактикасы үшін, және туғаннан бастап 18 жасқа дейінгі балаларға герпесті емдеу үшін деректердің болмауына байланысты беруге болмайды. Арнайы ескертулер Емдік әсерге қол жеткізу үшін Кагоцел® препаратын қабылдауды ауру басталғаннан кейін төрт күннен кешіктірмей бастаған жөн. Егер емдеуден кейін жақсару болмаса немесе симптомдар нашарласа немесе жаңа симптомдар пайда болса, дәрігермен кеңесу керек. Препаратты нұсқаулықта көрсетілген көрсетілімдерге, қолдану тәсіліне және дозаларға сәйкес ғана қолданыңыз.

Қажетті клиникалық деректердің болмауына байланысты Кагоцел® препаратын жүктілік және лактация кезеңінде қабылдауға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Кагоцел® вирусқа қарсы басқа препараттармен, иммуномодуляторлармен және антибиотиктермен (аддитивті әсер) жақсы үйлеседі.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 С-ден аспайтын температурада сақтау керек. Балалардың қолы жетпейтін жерде сақтау керек!