Калий оротаты таблетки 0.5 г

Бір таблетканың құрамында: белсенді зат – 0.5 г калий оротаты, қосымша заттар: лактоза моногидраты; картоп крахмалы; желатин; стеарин қышқылы. Сыртқы түрінің, иісінің, дәмінің сипаттамасы Жалпақ цилиндр пішінді, беті тегіс, сызығы және ойығы бар ақ түсті таблеткалар.

Кешенді ем құрамында: - жедел және созылмалы уыттанулардан болған бауыр ауруларында; - үдемелі бұлшықет дистрофиясында; - миокард инфарктісінде; - балалардағы алиментарлы және алиментарлы-инфекциялық дистрофияда; - анемияларда және анаболикалық үдерістерді, соның ішінде елеулі дене жүктемелерінде стимуляциялауды қажет ететін басқа да жағдайларда.

Әсер ету механизмі Стероидты емес анаболизмдік дәрі. Алмасу үдерістеріне жалпы стимуляциялайтын әсер береді. Ақуыз синтезіне қатысатын нуклеин қышқылдарының синтезінің стимуляторы болып табылады, тіндерде репаративті және регенеративті үдерістерді күшейтеді. Орот қышқылы бауырда, әсіресе кейбір аурулардағы ұзақ гипоксия жағдайында, мысалы, жүрек қызметінің жеткіліксіздігінде, альбуминдердің түзілуін күшейтеді. Препарат жүрек гликозидтерінің жағымдылығын жақсартады, диурездің артуына мүмкіндік береді.

Дозалану режимі Препаратты тамақтанудан 1 сағат бұрын немесе тамақтанудан кейін 4 сағаттан соң қабылдайды. Ересектер үшін доза тәулігіне 0,5-тен 1,5 г дейін (тәулігіне 2–3 рет 0,25 г - 0,5 г-нан). Емдеу курсы орта есеппен 20-30 күнге созылады. Ересектер үшін ең жоғарғы тәуліктік доза – 3 г. Балаларға алиментарлы және алиментарлы-инфекциялық гипотрофияда, анемияларда, реконвалесценция кезінде препаратты тәулігіне дене салмағының 1 кг шаққанда 10-20 мг тағайындайды (2 - 3 қабылдауға). Емдеу курсы – 3-5 апта. Қажет болған кезде бір ай үзілістен кейін емдеу курсын қайталайды. Дәрігердің тағайындауы бойынша қолдану керек.

- әсер етуші затқа немесе қосымша заттардың кез келгеніне аса жоғары сезімталдық; - асциті бар бауыр циррозы; - гиперкалиемия; - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге; - 5 жасқа дейінгі балалар.

Иммундық жүйе тарапынан бұзылулар: Жиілігі белгісіз: Емді тоқтатқаннан кейін жойылатын аллергиялық тері реакциялары. Асқазан-ішек жолдары тарапынан бұзылулар: Жиілігі белгісіз: Ас қорытудың жеңіл бұзылыстары (жүрек айнуы, құсу, диарея). Бауыр және өт шығару жолдары тарапынан бұзылулар: Жиілігі белгісіз: Ақуызы аз диета аясында жоғары дозалар қолданғанда бауыр дистрофиясы дамуы ықтимал. Жағымсыз реакциялар пайда болғанда дәрігер кеңесіне жүгініңіз. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Препаратты қандағы калий деңгейін бақылай отырып тағайындайды. Калий оротатты калийдің орнын алмастыратын препарат ретінде қолдануға болмайды. Лактоза Препарат құрамында лактоза бар. Калий оротаты препаратын тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге қолдануға болмайды. Сақтықпен: - бүйрек жеткіліксіздігі; - жүктілік және лактация кезеңі. Арнайы ескертулер Педиатрияда қолдану 5 жасқа дейінгі балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлікті және қауіптілігі зор механизмдерді басқару қабілетіне әсер етпейді.

Қажетті клиникалық деректердің жоқ болуына байланысты препаратты жүктілік және лактация (емшек емізу) кезеңінде қолдануға болмайды. Препарат пайда/қауіп арақатынасын емдеуші дәрігер мұқият бағалағаннан кейін ғана қолданылуы мүмкін.

Калий жинақтаушы диуретиктермен және ангиотензин-өзгертуші фермент тежегіштерімен (каптоприл, лизиноприл және басқалар) өзара әрекеттескенде гиперкалиемия пайда болуы мүмкін. Калий оротатының тиімділігі фолий қышқылымен, цианкобаламинмен және магний препараттарымен бір мезгілде қолданғанда жоғарылайды. Калий оротаты жүрек гликозидтерінің уыттылығын біршама төмендетеді. Тұтқыр және бүркеуіш дәрілер асқазан-ішек жолында калий оротатының сіңуін төмендетуі мүмкін.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!