Кальций-Д3 STADA ОстеоФорте таблетки

Бір таблетканың құрамында белсенді заттар: 2500 мг кальций карбонаты (1000 мг элементарлы кальцийге баламалы), 8,80 мг колекальциферол концентраты түріндегі* 22,0 мкг колекальциферол (Д3 дәрумені) (800 ХБ), *колекальциферол концентраты құрамында 10 % артығын қоса: 0,0220 мг холекальциферол, 0,0880 мг DL-α-токоферол, 0,264 мг ұзындығы орташа тізбекті триглицеридтер, 6,43 мг модификацияланған жүгері крахмалы, 1,54 мг сахароза, 0,352 мг натрий аскорбаты, 0,106 мг сусыз коллоидты кремнийдің қостотығы бар. қосымша заттар: ксилитол, лимон хош иістендіргішінің түйіршіктері (құрамында изомальт, лимон хош иістендіргіші**, май қышқылдарының моно- және диглицеридтері (Е471) бар), повидон, магний стеараты, сукралоза. **Лимон хош иістендіргіші құрамы келесідей, хош иісті заттардың қоспасы болып табылады: Лимонен; Бицикло[3.1.1]Гептан, 6,6-Диметил-2-Метилен-; 2,6-Октадиеналь, 3,7-Диметил-; 2,6- Октадиеналь-1-ол, 3,7-Диметил-, Ацетат, (E)-; Бицикло[3.1.1]Гепт-2-ен, 2,6,6-Триметил-; 2,6- Октадиен-1-ол, 3,7-Диметил-, (E)-, 6-Октен-1-ол, 3,7-Диметил-, Триэтилцитрит (E 1505), Альфатокоферол (E 307), Метил эвгенол, Эстрагол. Сыртқы түрінің, иісінің, дәмінің сипаттамасы Дөңгелек екі жақ беті дөңес, қабықсыз, ақ түсті лимонның хош иісі бар таблеткалар. Аздап теңбілденуі болуы мүмкін.

• кальций мен Д дәрумені тапшылығының профилактикасында және емдеуде; • кальций мен Д дәруменінің тапшылық қаупі бар пациенттерді остеопороздан емдеу кезінде қосымша ретінде кальций мен Д дәруменін қабылдау.

Фармакодинамикалық әсерлері Организмдегі кальций мен фосфор алмасуын реттейтін біріктірілген препарат. Резорбцияны (сіңірілуін) азайтады және сүйек қаңқасы мен тістердің тығыздығын арттырады, организмдегі кальций мен Д дәруменінің жетіспеушілігін толтырады. Кальций жүйке өткізгіштігін, бұлшықет жиырылуын реттеуге қатысады және қанның ұю жүйесінің құрамдас бөлігі болып табылады. Д3 дәрумені кальцийдің ішек сіңуін арттырады. Кальций мен Д3 дәруменін қабылдау кальций жетіспеушілігінен туындаған және сүйектен кальций сіңуінің жоғарылауына әкелетін паратиреоидты гормон (ПТГ) деңгейінің жоғарылауына қарсы тұрады.

Дозалау режимі Ересектер мен егде жастағы адамдар: бір таблеткадан күніне 1 рет. Енгізу әдісі мен жолы Таблетканы шайнауға немесе соруға болады. Дәрілік препараттың бір немесе бірнеше дозасын өткізіп алған кезде қажетті шаралар Препаратты қабылдауды өткізіп алғанда орнын толтыру үшін еселенген дозаны қабылдамаңыз. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препаратты әрдайым осы қосымша параққа және емдеуші дәрігердің немесе дәріхана қызметкерінің ұсыныстарына сәйкес қабылдаңыз. Күмән болған жағдайда емдеуші дәрігермен немесе дәріхана қызметкерімен кеңесіңіз.

• әсер етуші заттарға немесе қосымша заттардың кез келгеніне аса жоғары сезімталдық • бүйректің ауыр жеткіліксіздігі (шумақтық сүзілу жылдамдығы <30 мл/мин /1,73 м2) • гиперкальциемияның және/немесе гиперкальциурияның дамуына себепші болатын аурулар және/немесе жағдайлар • бүйректас ауруы (нефролитиаз) • Д дәруменінің гипервитаминозы • 18 жасқа дейінгі балалар.

Барлық дәрі-дәрмектер сияқты, Кальций-Д3 STADA ОстеоФорте кейбір пациенттерде жағымсыз реакциялар тудыруы мүмкін. Жиі емес жағымсыз реакциялар (100 адамның арасынан 1 адамнан көп болмауы мүмкін) Кальцийдің қандағы (гиперкальциемия) және несептегі (гиперкальциурия) жоғары дозаларды қолданғанда пайда болуы мүмкін. Сирек жағымсыз реакциялар (1000 адамның арасынан 1 адамнан көп болмауы мүмкін) Іш қату, диспепсия, метеоризм, жүрек айну, іштің ауыруы және диарея. Өте сирек жағымсыз реакциялар (10 000 адамның арасынан 1 адамнан көп болмауы мүмкін) Қышыну, бөртпе және есекжем. Сүтті-сілтілік синдром (несеп шығаруға жиі қысылу; ұзақ бас ауыруы; ұзақ уақыт бойы тәбеттің төмендеуі; жүрек айну немесе құсу; шаршау немесе әлсіздік; гиперкальциемия, алкалоз және бүйрек жеткіліксіздігі). Әдетте, артық дозаланғанда байқалады. Жиілігі белгісіз жағымсыз реакциялар (қолда бар деректер негізінде баға беру мүмкін емес) Квинке ісінуі немесе көмейдің ісінуі сияқты аса жоғары сезімталдық реакциялары. Егер сізде келесі симптомдарды сезінсеңіз: бет, тіл, ерін немесе тамақтың ісінуі, дереу дәрігерге қаралуыңыз керек! Бүйрек жеткіліксіздігі бар пациенттерде қандағы фосфаттар деңгейінің жоғарылауының (гиперфосфатемия), бүйрек тастарының пайда болуының (нефролитиаз) және бүйректегі кальций мөлшерінің артуының (нефрокальциноз) әлеуетті қаупі бар. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер Сіз Кальций-Д3 STADA ОстеоФорте препаратын қажет болғаннан көп қабылдаған болсаңыз, дереу дәрігермен немесе дәріхана қызметкерімен кеңесіңіз.

Кальций-Д3 STADA ОстеоФорте препаратын қабылдамас бұрын дәрігермен немесе дәріхана қызметкерімен кеңесіңіз • Егер Сіз ұзақ емделіп жатсаңыз, әсіресе егер сіз диуретиктерді (қан қысымын және сұйықтықтың іркілісін емдеуге арналған дәрі-дәрмектер) немесе жүрек гликозидтерін (жүрек ауруларын емдеуге арналған оймақгүл препараттары) қабылдап жүрсеңіз; • Егер Сізде бүйрек функциясының бұзылу белгілері болса немесе тастардың пайда болуына жоғары бейімділік болса; • Егер Сізде саркоидоз болса (организмдегі Д дәруменінің деңгейін жоғарылататын иммундық жүйенің ауруы); • Егер Сізде остеопороз болса және сол уақытта қозғала алмасаңыз; • Егер Сіз Д дәрумені бар басқа дәрілерді қабылдап жүрсеңіз. Кальций мен Д дәруменінің қосымша дозаларын дәрігер мұқият бақылауы керек. Арнайы ескертулер Ұзақ емдегенде қан сарысуындағы кальций деңгейін бақылау және қан сарысуындағы креатинин деңгейін өлшеу арқылы бүйрек функциясын бақылау керек. Бақылау әсіресе егде жастағы пациенттерде жүрек гликозидтерімен және диуретиктермен қатар емдегенде және тастардың түзілуіне бейімділігі жоғары пациенттерде өте маңызды. Гиперкальциемия немесе бүйрек функциясының бұзылу белгілері жағдайларында дозаны азайту немесе емдеуді тоқтату керек. Гиперкальциемиясы немесе бүйрек функциясының бұзылу белгілері бар пациенттерге холекальциферолы бар кальций карбонатын сақтықпен тағайындау керек, қандағы және несептегі кальций мен фосфаттар деңгейін бақылау қажет. Жұмсақ тіндерді ізбестену қаупін ескеру қажет. Д дәруменінің басқа көздерін және/немесе құрамында кальций бар дәрілік препараттарды немесе қоректік заттарды бір мезгілде қабылдағанда гиперкальциемия және кейіннен бүйрек функциясының бұзылуымен сүтті-сілтілік синдром қаупі бар. Мұндай пациенттерде кальцийдің сарысулық деңгейі және бүйрек функциясы бақылануы тиіс. Колекальциферол түріндегі Д дәрумені әдетте ауыр бүйрек жеткіліксіздігі бар пациенттерде метаболизденбейді, сондықтан Д дәруменінің басқа түрлерін қолдану керек. Кальций-Д3 STADA ОстеоФорте Д дәруменінің белсенді түрге айналу қаупіне байланысты саркоидозбен ауыратын пациенттерге сақтықпен тағайындау керек. Мұндай пациенттерде қан сарысуындағы және несептегі кальций деңгейі бақылануы тиіс. Кальций-Д3 STADA ОстеоФорте гиперкальциемияның даму қаупіне байланысты остеопорозы бар иммобилизацияланған пациенттерге сақтықпен тағайындалуы тиіс. Кальций-Д3 STADA ОстеоФорте құрамында сахароза бар, ол тіске зиянды болуы мүмкін. Таблеткалардың құрамында изомальт (E953) бар. Сирек кездесетін тұқым қуалайтын фруктозаны көтере алмаушылығы, глюкоза-галактоза сіңімділігі немесе сахараза-изомальтаза жеткіліксіздігі аурулары бар пациенттерге бұл препаратты қолдануға болмайды. Кальций-Д3 STADA ОстеоФорте бір таблеткасында 23 мг-ден аз натрий бар, яғни құрамында натрий жоқ дерлік. Бауыр жеткіліксіздігінде дозаны түзету қажет емес. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кальций-Д3 STADA ОстеоФорте көлік құралдары мен механизмдерді басқару қабілетіне әсер етпейді. Қолдану бойынша ұсыныстар

Жүктілік Кальций-Д3 STADA ОстеоФортені жүктілік кезінде кальций мен Д дәрумені жетіспеген жағдайда әйелдер қолдана алады. Жүктілік кезінде тәуліктік дозада кальций 2500 мг-нан және Д дәрумені 4000 ХБ-ден аспауы тиіс. Бірақ жүкті әйелдерде кальций мен Д дәруменінің артық дозалануын болдырмау керек, өйткені тұрақты гиперкальциемия дамып келе жатқан шаранаға теріс әсер етеді. Д дәрумені емдік дозаларда тератогендік әсерге ие емес. Бала емізу Кальций-Д3 STADA ОстеоФорте емізу кезінде қолданылуы мүмкін. Кальций мен Д3 дәрумені емшек сүтіне енеді. Мұны балаға Д дәрумені қосымша тағайындалған жағдайда ескеру керек.

Тиазидті диуретиктер несеппен кальцийдің шығарылуын бөгеуі мүмкін. Қандағы кальций мөлшерінің арту қаупінің жоғарылауына байланысты Кальций-Д3 STADA ОстеоФорте мен тиазидті диуретиктерді бір мезгілде қабылдағанда, сарысудағы кальций деңгейін ұдайы бақылау қажет. Қандағы кальций мөлшері жоғарылаған жүрек гликозидтері олардың уытты әсерін арттыруы мүмкін. Кальций-Д3 STADA ОстеоФорте мен жүрек гликозидтерін бір мезгілде қабылдағанда қан сарысуындағы кальций деңгейін және электрокардиография (ЭКГ) көрсеткіштерін бақылау қажет. Кальций карбонаты тетрациклин қатарындағы антибиотиктердің сіңуіне әсер етуі мүмкін. Сондықтан тетрациклиндерді Кальций-Д3 STADA ОстеоФорте қабылдағаннан кейін кемінде екі сағат бұрын немесе төрт-алты сағаттан соң қабылдау керек. Хинолонды антибиотиктердің әсері кальциймен бір мезгілде қабылдағанда төмендеуі мүмкін. Хинолонды антибиотиктерді Кальций-Д3 STADA ОстеоФорте қабылдаудан екі сағат бұрын немесе алты сағаттан кейін қабылдау керек. Құрамында бисфосфонаттар бар препараттарды (остеопорозға қарсы дәрілік заттар) Кальций-Д3 STADA ОстеоФорте қабылдаудан кемінде бір сағат бұрын қабылдау қажет. Левотироксиннің тиімділігі левотироксин сіңуінің төмендеуіне байланысты кальцийді бір мезгілде қолданғанда төмендеуі мүмкін. Кальций-Д3 STADA ОстеоФорте мен левотироксинді қабылдау арасында кемінде төрт сағат өтуі тиіс. Кальций тұздары темір, мырыш және стронций ранелатының сіңуін төмендетуі мүмкін. Сондықтан темір, мырыш немесе стронций ранелаты препараттарын кальций-Д3 STADA Остеофортын қабылдағанға дейін немесе одан кейін кемінде екі сағат бұрын қабылдау керек. Кальций натрий фторидінің сіңуін төмендетуі мүмкін. Сондықтан натрий фторидін кальций препараттарын қабылдаудан кемінде үш сағат бұрын қабылдау керек. Орлистатпен емдеу майда еритін дәрумендердің (мысалы, Д3 дәрумені) сіңуін бұзуы мүмкін. Фенитоинді немесе барбитураттарды бір мезгілде қолдану Д дәруменінің әсерін төмендетуі мүмкін, өйткені метаболизм артады. Жүйелі кортикостероидтар кальцийдің сіңуін төмендетеді. Бір мезгілде қолданған кезде Кальций-Д3 STADA ОстеоФорте препаратының дозасын арттыру қажет болуы мүмкін. Колестирамин сияқты ион алмасу шайырларын немесе вазелин майы сияқты іш жүргізетін дәрілерді бір мезгілде қолдану асқазан-ішек жолында Д дәруменінің сіңуін төмендетуі мүмкін. Қымыздық қышқылы (шпинат пен ревеньде кездеседі) және фитин қышқылы (тұтас дәндерде кездеседі) кальций иондарымен ерімейтін қосылыстардың пайда болуына байланысты кальцийдің сіңуіне кедергі келтіруі мүмкін. Пациент құрамында қымыздық немесе фитин қышқылы көп тағамдарды тұтынғанға дейін немесе одан кейін екі сағат бойы кальций препараттарын қабылдамауы керек.

Сақтау мерзімі 30 ай Жарамдылық мерзімі өткеннен кейін қолдануға болмайды. Сақтау шарттары Құрғақ жерде, тығыздалып жабылған құтыда, 25С-ден аспайтын температурада сақтау керек. Балалардың қолы жетпейтін жерде сақтау керек!