Кальций глюконаты таблетки 500 мг

Бір таблетканың құрамында: белсенді зат – кальций глюконаты 500,0 мг қосымша заттар: картоп крахмалы, кальций стеараты, тальк. Сыртқы түрінің, иісінің, дәмінің сипаттамасы Жалпақ цилиндр пішінді, ойығы мен сызығы бар ақ түсті таблеткалар.

• кальций тапшылығымен қатар жүретін жай-күйлерде • остеопороз емінде қосымша дәрі ретінде

Кальций глюконаты кальцийдің абсолютті немесе салыстырмалы тапшылығының орнын толтырады. Кальций – сүйек тінінің түзілуіне, қанның ұю үдерісіне (ұю жүйесінің IV факторы) қатысатын макроэлемент, жүректің тұрақты қызметін демеу үшін, жүйке импульстарын тасымалдау үшін қажет. Бұлшықет дистрофиясында, миастениясында бұлшықеттің жиырылуын жақсартады, қантамырлардың өткізгіштігін азайтады. Кальций сүйек тіндерінде және тіс эмальдарында фторидтердің шамадан тыс қармалуын тежейді.

Дозалау режимі Ересектерде қолдану: - кальций тапшылығында: бір таблеткадан тәулігіне 1-3 рет; - остеопороз кезіндегі қосымша ем: бір таблеткадан тәулігіне 1-3 рет. Кальций тапшылығында 6-дан 10 жасқа дейінгі балаларға бір таблеткадан тәулігіне 1-2 рет тағайындалады; 10 жастан асқан – ересектерде арналған дозалар. Егде жастағы пациенттер Доза ересектердегімен бірдей. Креатинин клиренсінің төмендеуі мүмкін екенін ескеру керек. Бауыр функциясының бұзылулары Бауыр функциясының бұзылулары бар пациенттерде дозаны немесе қолдану жиілігін арнайы түзету қажет емес. Бүйрек функциясының бұзылулары Бүйрек функциясының ауыр бұзылуы бар пациенттерде қолдану ұсынылмайды. Бүйрек функциясының ауырлығы бірқалыпты және орташа дәрежедегі бұзылулары бар пациенттерде дозаны немесе қолдану жиілігін арнайы түзету қажет емес. Енгізу әдісі мен жолы Препаратты ішке қабылдайды. Қабылдау уақыты көрсетілген қолдану жиілігі Препаратты ас ішу алдында қабылдайды. Емдеу ұзақтығы Дәрігер тағайындайды және орта есеппен он күннен бір жарым айға дейін созылады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

– әсер етуші затқа немесе қосымша заттардың кез келгеніне аса жоғары сезімталдық - гиперкальциемия - несеп-тас ауруы - бүйрек қызметінің ауыр жеткіліксіздігі - тромбоздарға бейімділік - саркоидоз - жүрек гликозидтерін бір мезгілде қабылдау (аритмияның пайда болу қаупі) - 6 жасқа дейінгі балаларға

Иммундық жүйе тарапынан Белгісіз: аллергиялық реакциялар. Зат алмасу және тамақтану жағынан Жиі емес: гиперкальциемия. Психикалық бұзылулар Белгісіз: сананың шатасуы, үрейлену сезімі. Жүрек-қантамыр жүйесі тарапынан Сирек: аритмия. Тыныс алу жүйесі, кеуде және көкірек ортасы ағзалары тарапынан Белгісіз: ентігу немесе тыныс алудың қиындауы. Асқазан-ішек жолы тарапынан Сирек: жүректің айнуы, құсу, диарея, іш қатулар; Өте сирек: асқазан-ішек жолының шырышты қабығының тітіркенуі. Бұлшықет, қаңқа және дәнекер тіндері тарапынан Белгісіз: аяқтарда ауырлық немесе әлсіздік сезімі Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлерінің күшеюі. Емі: асқазанды натрий гидрокарбонатының 2% ерітіндісімен шаю керек.

- дегидратация - электролиттік бұзылулар (гиперкальциемия даму қаупі) - диарея - мальабсорбция синдромы - кальцийлік нефроуролитиаз (анамнезде) - елеусіз гиперкальциурия - орташа созылмалы бүйрек жеткіліксіздігі - созылмалы жүрек жеткіліксіздігі - кең таралған атеросклероз - гиперкоагуляция Арнайы ескертулер Кальций препараттарын жүрек аурулары бар пациенттерге абайлап тағайындау керек. Препараттың жоғары дозаларын, әсіресе, балаларда тағайындағанда қандағы кальций мөлшерін, кальцийдің несеппен экскрециясын мұқият бақылау керек. Егер қандағы кальций деңгейі 2,625–2,75 ммоль/л мөлшерінен асып кетсе немесе егер несеппен кальций экскрециясы 5 мг/кг-ден артық болса, емдеу тоқтатылуы тиіс. Кальций емі кезінде D дәруменін көп тұтынбау керек. Анамнезінде мардымсыз гиперкальциурия, шумақтық сүзіліс төмендеуі немесе нефролитиаз бар науқастарға тағайындау сақтықпен және несептегі кальций мөлшерінің бақылауымен жүргізілуі тиіс. Нефролитиаз даму қаупін төмендету үшін мол сұйықтық ішуге кеңес беріледі. Педиатрияда қолданылуы Препаратты 6 жасқа дейінгі балаларға қолдануға болмайды.

Жүктілік кезінде кальций глюконатын болжамдалған емдік әсері шаранаға төнетін ықтимал қауіптен басым болған жағдайда ғана сақтықпен тағайындауға болады. Лактация кезеңінде қолдану өте қажет болған жағдайда бала емізуді тоқтату керек. Көлік құралын немесе қауіптілігі зор механизмдерді басқару қабілетіне дәрілік заттың ықпал ету ерекшеліктері Кальций глюконаты көлік құралдарын басқару және механизмдермен жұмыс істеу қабілетіне әсер етпейді.

Холестираминнің ықпал етуімен кальцийдің асқазан-ішек жолынан сіңуі төмендейді. Хинидинмен бір мезгілде қолданған кезде қарыншаішілік өткізгіштік бәсеңдеуі және хинидиннің уыттылығы жоғарылауы мүмкін. Кальций глюконатын және тетрациклиндерді бір мезгілде қолданғанда соңғысының әсері олардың сіңуінің азаюына байланысты төмендеуі мүмкін. Басқа дәрілік препараттармен бір мезгілде қолдану қажет болғанда дәрігердің бақылауы қажет.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Құрғақ жерде, +15 ºС-ден +25 ºС-ге дейінгі температурада сақтау керек. Балалардың қолы жетпейтін жерде сақтау керек!