Каметон спрей

Бір баллон препараттың құрамында белсенді заттар: хлоробутанол гемигидраты 0,30 г, рацемиялық камфора 0,30 г, левоментол 0,30 г, шар тәрізді эвкалипт жапырағының майы (эвкалипт майы) 0.30 г. Қосымша заттар: этанол (этил спирті 95%) 1,20 г изопропилмиристат 27,60 г Сыртқы түрінің, иісінің, дәмінің сипаттамасы Өзіне тән иісі бар, майлы, мөлдір, түссіз сұйықтық, баллоннан шығарғанда ауада ұсақталған сұйықтық бөлшектерінен конус түзеді.

ЛОР-ағзаларының қабыну ауруларын (оның ішінде ринит, фарингит, ларингит) кешенді емдеу құрамында қолданылады.

Әсер ету механизмі Біріктірілген препарат, жергілікті антисептикалық, қабынуға қарсы және жеңіл жергілікті жансыздандыратын әсер көрсетеді, қантамырларының тарылуына, сондай-ақ зақымданған жердің қанмен қамтамасыз етілуінің төмендеуіне және ісінуіне ықпал етеді, жұтқыншақ пен көмейдің шырышты қабатының тітіркену симптомын азайтады, науқастың тыныс алуының қалпына келуіне ықпал етеді. Препарат грамоң (стафилококтар, стрептококтар) және грамтеріс (ішек таяқшасы, көгілдір іріңді таяқша) бактерияларға және аз дәрежеде Candida тектес ашытқы тәріздес зеңдерге қатысты микробқа қарсы әсер көрсетеді. Аталған фармакологиялық қасиеттерінің біріктірілімі жоғары тыныс жолдарының қабыну ауруларының кешенді патогенетикалық емін қамтамасыз етеді.

Дозалау режимі Жергілікті. Ауыз қуысына (оңға және солға) және мұрын жолдарына (оларды алдын ала шырыштан тазартып, басты аздап алдыға қарай еңкейтіп, демді ішке тарту фазасында әрбір танауға) бүркиді. Ересектер мен 15 жастан асқан балаларға – 1-3 бүркуден. 12-ден 15 жасқа дейінгі балаларға – 1-2 бүркуден. 5-тен 12 жасқа дейінгі балаларға – 1 бүркуден. Қолдану жиілігі – тәулігіне 3-4 рет. Емдеу курсы – 7-10 күн. Препаратты бірінші рет қолданғанда немесе оны қолданып жүргенде 1 тәуліктен аса үзіліс болған кезде дисперсті ағын пайда болғанша бірнеше рет басу керек, содан кейін препаратты қолдануға болады. Препаратты қолданғанда баллонды бүріккішін жоғары қаратып тігінен ұстау керек; баллонды төңкерілген күйінде қолдануға болмайды. Егер көрсетілген емдеу курсы (7-10 күн) арқылы жақсару байқалмаса немесе симптомдары асқынса, немесе жаңа симптомдар пайда болса дәрігермен кеңесу қажет.

Белсенді заттарға немесе қосымша заттардың кез келгеніне аса жоғары сезімталдық. 5 жасқа дейінгі балалар.

Терідегі бөртпе, қышыну және қызару түріндегі аллергиялық реакциялар. Әдеттегіден өзгеше реакциялар пайда болған жағдайларда препаратты әрі қарай қолданудың талапқа сай екендігі жөнінде дәрігермен кеңесу керек. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ішке қабылдаған кезде жедел улану белгілері: жүрек айнуы, құсу, асқазанның ауыруы. Зардап шеккен адамға дереу дәрігерге жүгіну керек. Артық дозалану кезінде көмек көрсету шаралары: асқазаннан және ішектен препаратты шығару (асқазанды шаю, жасанды құстыру, тұзды іш жүргізетіндерді пайдалану, клизма, ішек адсорбенттерін – белсендірілген көмірді қолдану), симптоматикалық ем.

Арнайы ескертулер Препаратты тек нұсқаулықтарда көрсетілген көрсетілімдерге, қолдану тәсіліне және дозаларға сәйкес қолданыңыз. Препаратты қолданар алдында ауыз қуысын жылы қайнаған сумен шаю ұсынылады. Ауыз қуысын шайғаннан кейін 15-30 минут бойы тамақ ішпеген жөн. Аса жоғары сезімталдық реакцияларына бейім пациенттерге Каметонды сақтықпен қолданған жөн. Қаптаманы соққыдан, құлаудан, тікелей күн сәулесінен қорғау керек. Препараттың көзге түсуіне жол бермеу керек. Мұрын қуысына бүркіп жатқанда, басыңызды артқа шалқайтпаңыз немесе баллонды төңкеріп қоймаңыз. Инфекцияның таралуына жол бермеу үшін бір баллонды бірнеше пациентке пайдалану ұсынылмайды. Препаратты бүрку кезінде көзге тигізіп алмау керек. Препарат құрамында этанол (этил спирті) бар. Бұл дәрілік препарат құрамында 1-3 рет бүркуге 100 мг-ден аспайтын аздаған мөлшерде этанол (алкоголь) бар. Жүктілік кезінде және бала емізу кезеңінде қолдану Препаратты жүктілік және бала емізу кезінде қолдану тәжірибесі жеткіліксіз. Препарат құрамына кіретін, компоненттердің жүйелік сіңірілуінің төмендігіне байланысты, оны жүктілік және бала емізу кезінде жергілікті қолдану, анасы үшін күтілетін пайда шарана мен балаға төнетін ықтимал қауіптен асып түскен жағдайда ғана мүмкін болады. Препаратты қолданар алдында дәрігермен кеңесу қажет. Көлік құралдарын басқару және механизмдермен жұмыс істеу қабілетіне әсері Препаратты қолдану көлік құралдарын басқару мен жоғары зейін қоюды және психомоторлық реакциялардың жылдамдығын талап ететін басқа қауіптілігі зор қызмет түрлерін орындауға әсер етпейді.

Нұсқаулықта көрсетілмеген.

Препараттың басқа топтардың дәрілік препараттарымен клиникалық маңызды өзара әрекеттесуі анықталған жоқ.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек.