Каметон спрей

100 г препараттың құрамында белсенді заттар: хлорбутанол гемигидраты 1.0 г, левоментол 1.0 г, рацемиялық камфора 1.0 г, эвкалипт майы 1.0 г, қосымша заттар: вазелин майы, эмульгатор T-2, полисорбат-80, тазартылған су. Сыртқы түрінің, иісінің, дәмінің сипаттамасы Өзіне тән иісі бар, ақ немесе сарғыштау немесе көгілдір реңді ақ эмульсия.

Мұрын, жұтқыншақ және көмейдің жедел және созылмалы (көбіне өршу сатысында) қабыну ауруларын жергілікті емдеу. Қолдану басталғанға дейін қажетті мәліметтер тізбесі

Каметон - біріктірілген препарат, қабынуға қарсы, антисептикалық және жергілікті жеңіл жансыздандыратын әсері бар. Әсер ету механизмінде рефлекторлы реакциялар (сезімтал жүйке ұштарын тітіркендіру) және тамырлардың өткізгіштігін және ауыру сезімдерін реттейтін эндорфиндер, динорфиндер тағы басқа биологиялық белсенді эндогенді заттардың түзілуін және босап шығуын көтермелеу рөлін атқарады. Грамоң және грамтеріс микроорганизмдерге қатысты белсенді. Камфора тітіркендіретін және антисептикалық әсерге ие, жаққан орында қан ағысын күшейтеді. Ментол салқындатқан, аздап шымылдатқан және шаншыған сезім қатар жүретін жергілікті-тітіркендіретін әсерге ие, жергілікті жансыздандыратын әсері бар, сондай-ақ әлсіз антисептикалық қасиетке ие. Эвкалипт майы шырышты қабық рецепторларына көтермелегіш әсер етеді, сондай-ақ әлсіз жергілікті қабынуға қарсы және антисептикалық белсенділікке ие.

Дозалау режимі Каметонды ересектер мен 5 жастан асқан балаларға ауыз және мұрын қуысының шырышты қабығын шаю үшін жергілікті тағайындайды. Препаратты демді ішке тартқан кезде ауыз қуысы мен мұрын жолдарына бүрку керек. Препаратты қолданар алдында құтыны жақсылып сілкіп, мөлдір сақтандырғыш қалпақшасын шешіп, құтыға 90° бұрышқа қаратып бүріккіш/қондырғыны орнатады, ауыз қуысына немесе мұрын жолдарына бүріккіш/қондырғыны енгізеді де, клапанды тірелгенше басады. Қолдану жиілігі – күніне 3-4 рет 2-3 бүркуден. Емдеу курсы әдетте 5-тен 7 күнге дейінді құрайды. Препарат 2 аптадан артық қолданылмауы тиіс. Бүріккішті ластандырмау үшін оны үрлеу не болмаса қайнаған сумен шаю ұсынылады. Енгізу әдісі мен жолы Жергілікті қолдануға арналған. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты әрдайым қосымша параққа немесе емдеуші дәрігердің және дәріхана қызметкерінің ұсынымдарына сәйкес қабылдаңыз. Күмән болған жағдайда емдеуші дәрігермен немесе дәріхана қызметкерімен кеңесіңіз.

- белсенді және қосымша заттарға жоғары сезімталдық - 5 жасқа дейінгі балалар

Тері бөртпесі түрінде аллергиялық реакциялар болуы мүмкін. Кейде препараттың компоненттеріне сезімталдықтың жоғарылауына байланысты шырышты қабық тарапынан реакциялар (құрғақтықты немесе күйдіруді сезіну) пайда болуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға күтілетін реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Қолданар алдында құтыны жақсылап сілку керек. Препаратты көзге тигізіп алмау керек. Каметонды қолданар алдында ауыз қуысын қайнаған жылы сумен шаю керек. Инфекцияның таралуын болдырмас үшін бірнеше адамның бір құтыны пайдаланбағаны дұрыс. Педиатрияда қолдану 5 жасқа дейінгі балаларда қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану көлік құралдарын және түрлі механизмдерді басқару қабілетіне әсер етпейді.

Жүктілік және лактация кезеңінде препаратты қолданудың жеткілікті тәжірибесі жоқ. Анасы үшін пайдасы шарана мен балаға төнетін ықтимал қауіптен асып түсетін жағдайда қолданылуы мүмкін.

Химиялық үйлесімсіз біріктірілімдері байқалмаған. Бір немесе бірнеше дәрілік заттың, оларды бір мезгілде қолданғанда синергизм немесе антагонизм түрінде байқалатын фармакологиялық әсерінің өзгерістері анықталған жоқ.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 15 - 25°C температурада сақтау керек. Балалардың қолы жетпейтін жерде сақтау керек! Босатылу шарттары Рецептісіз