Кандекор® таблетки 8 мг

Бір таблетканың құрамында белсенді зат: кандесартан цилексетилі 8 мг, 16 мг немесе 32 мг, қосымша заттар: лактоза моногидраты, жүгері крахмалы, гидроксипропилцеллюлоза, макрогол 8000, кальций кармеллозасы, темірдің қызыл тотығы (Е172), магний стеараты Сыртқы түрінің, иісінің, дәмінің сипаттамасы Дөңгелек пішінді, сәл қызғылт түсті, екі жақ беті аздап дөңес, бір жағында сызығы бар және жиектері қиғашталған таблеткалар.

• ересектердегі артериялық гипертензияда • 6 жастан 18 жасқа дейінгі балалар мен жасөспірімдерде гипертонияны емдеуде • АӨФ тежегіштеріне қосымша ем ретінде немесе оларға көтере алмаушылық кезінде созылмалы жүрек жеткіліксіздігінде және сол жақ қарыншаның систолалық функциясының бұзылуында (сол жақ қарыншаның лықсу фракциясы ≤ 40%).

Әсер ету механизмі Ангиотензин II ренин-ангиотензин-альдостерон жүйесінің негізгі вазоактивті гормоны болып табылады және артериялық гипертензияның және басқа жүрек-қантамыр ауруларының патогенезінде маңызды рөл атқарады. Ол сонымен қатар гипертрофия мен нысана-ағзалардың зақымдануының патогенезінде маңызды рөл атқарады. Ангиотензин II-нің негізгі физиологиялық әсерлері, мысалы: қантамырлардың тарылуы, альдостеронды стимуляциялау, электролиттер мен судың гомеостазын реттеу және AT1 1 типті рецептор арқылы делдал жасушалардың өсуін стимуляциялау. Кандекор ізашар дәрі болып табылады, асқазан-ішек жолынан сіңу кезінде эфир гидролизінің нәтижесінде кандесартан белсенді затына тез айналады. Кандекор байланысуы берік және рецептордан диссоциациясы баяу, ангиотензин II рецепторының, AT1 рецепторының селективті антогонисі болып табылады. Агонистік белсенділікке иеленбеген. Кандекор ангиотензин I-нің ангиотензин II-ге айналуын жүзеге асыратын және брадикининді бұзатын ангиотензинөзгертетін ферментті (АӨФ) тежемейді. Фармакодинамикалық әсерлері Кандекор жүрек-қантамыр жүйесін реттеуде маңызды рөл атқаратын, басқа гормон рецепторларын немесе иондық арналарды байланыстырмайды немесе бөгемейді. Ангиотензин II (AT1) рецепторларының антагонизмі плазмадағы ренин деңгейінің, ангиотензин I және ангиотензин II деңгейінің дозаға тәуелді ұлғаюына және плазмадағы альдостерон концентрациясының төмендеуіне әкеледі. Гипертензия кезінде Кандекор дозаға тәуелді, артериялық қысымның ұзақ төмендеуіне әкеледі. Гипертензияға қарсы әсері жүректің жиырылу жиілігінің рефлекторлық жоғарылауынсыз жүйелік шеткері кедергінің төмендеуімен шартталған. Бастапқы дозада немесе емдеуді тоқтатқаннан кейін кері әсері кезінде гипотензияның ауыр немесе айқын жағдайының белгілері байқалмады. Кандекордың бір реттік дозасын қабылдағаннан кейін гипертензияға қарсы әсері 2 сағат ішінде байқалады. Үздіксіз емдеу кезінде кез-келген дозаны қабылдағанда артериялық қысымның төмендеу жағдайларының көбіне әдетте төрт апта ішінде қол жеткізіледі және ұзақ мерзімді емдеу кезінде сақталады. Дозаны тәулігіне бір рет 16 мг-ден 32 мг-ға дейін ұлғайтудың орташа аддитивті әсері елеусіз болды. Жеке құбылмалылықты назарға ала отырып, кейбір пациенттерде орташадан артық әсерді күтуге болады. Кандекорды тәулігіне 1 рет қабылдау дозалау аралығы кезінде ең жоғарғы және қалдық әсер арасындағы шағын айырмашылықпен 24 сағат ішінде артериялық қысымның тиімді және бірқалыпты төмендеуін қамтамасыз етеді. Кандесартан пациенттерде жасына және жынысына қарамастан бірдей тиімді. Кандесартан цилексетилі бүйректің қан ағымын арттырады немесе оған әсер етпейді немесе бүйрек тамырларының қарсылығы мен сүзілу фракциясы төмендегенде шумақтық сүзілу жылдамдығын арттырады. Артериялық гипертензиясы бар, қатарлас 2 типті қант диабетіне және микроальбуминурияға шалдыққан пациенттерде Кандесартан цилексетилімен гипертензияға қарсы ем альбуминнің несеппен шығарылуын азайтады. Қазіргі уақытта кандесартанның диабеттік нефропатияның дамуына әсері туралы мәліметтер жоқ. Екінші типті қант диабеті бар артериялық гипертензиясы бар пациенттерде 8 мг - 16 мг Кандесартан цилексетилімен 12 апталық емдеу қандағы глюкоза деңгейіне және липидтік бейінге теріс әсер етпейді. Жүрек жеткіліксіздігі СЖЖ бар және сол жақ қарыншаның систолалық функциясы төмендеген пациенттерде (сол жақ қарыншаның лықсу фракциясы ≤ 40%), кандесартан жүйелік тамырлық қарсылықты және өкпе артерияларының капиллярларында сыналану қысымын төмендетеді, қан плазмасындағы рениннің белсенділігін және ангиотензин II концентрациясын арттырады, сондай-ақ альдостерон деңгейін төмендетеді.

Дозалау режимі Артериялық гипертензия Ұсынылатын бастапқы доза және әдеттегі демеуші доза - тәулігіне бір рет 8 мг. Доза тәулігіне 16 мг дейін ұлғайтылуы мүмкін. Егер артериялық қысым тәулігіне 16 мг қабылданған 4 апталық емдеуден кейін жеткіліксіз бақыланса, дозаны тәулігіне 32 мг ең жоғары дозаға дейін арттыруға болады. Егер осы дозаны қолдану кезінде артериялық қысымды бақылауға қол жеткізілмесе, баламалы әдістерді қарастыру керек. Ем артериялық қысымның реакциясына сәйкес таңдалуы керек. Гипертензияға қарсы әсерлердің көпшілігіне емдеу басталғаннан бастап 4 апта ішінде қол жеткізіледі. Егер Кандекормен емдеу артериялық қысымның оңтайлы қысымға дейін төмендеуіне әкелмесе, пациентті Кандекордың біріктірілген түрлеріне (кандесартан/гидрохлоротиазид) ауыстыру ұсынылады. Егде жастағы пациенттерде дозаны түзету талап етілмейді. Айналымдағы қан көлемі төмен пациенттерде ұсынылатын бастапқы дозасы 4 мг құрайды. Гемодиализдегі пациенттерді қоса, бүйрек функциясының бұзылуы бар пациенттерде ұсынылатын бастапқы доза 4 мг құрайды. Доза жауап реакциясына сәйкес таңдалуы тиіс. Бүйрек жеткіліксіздігінің өте ауыр немесе терминальді сатысы бар пациенттерде (креатинин клиренсі <15 мл/мин) қолдану тәжірибесі шектеулі. Бауыр жеткіліксіздігінің жеңіл және орташа дәрежесі бар пациенттер үшін ұсынылатын бастапқы доза тәулігіне бір рет 2 мг құрайды. Дозаны жауап реакциясына сәйкес таңдауға болады. Бауыр жеткіліксіздігінің ауыр дәрежесі бар пациенттерде қолдану тәжірибесі жоқ. Созылмалы жүрек жеткіліксіздігі Кандекордың әдеттегі ұсынылатын бастапқы дозасы тәулігіне бір рет 4 мг құрайды. Тәулігіне 32 мг жоспарланған дозаға дейін немесе дозаны екі еселеу жолымен ең жоғары дозаға дейін кемінде 2 апта аралықпен арттыруға жол беріледі. Егде жастағы пациенттер немесе айналымдағы қан көлемі төмен, бүйрек функциясының бұзылуы немесе бауыр жеткіліксіздігінің жеңіл орташа дәрежесі бар пациенттер үшін бастапқы дозаны таңдау талап етілмейді. Кандекор® АӨФ тежегіштерін, бета-блокаторларды, диуретиктерді, оймақгүл препараттарын немесе осы дәрілік заттардың біріктірілімдерін қамтитын жүрек жеткіліксіздігінің кешенді емінде қолдануға болады. Пациенттердің ерекше топтары Артериялық гипертензия Егде жастағы пациенттерде дозаны түзету қажет емес. Айналымдағы қан көлемі азайған пациенттерде ұсынылатын бастапқы доза 4 мг құрайды. Гемодиализдегі пациенттерді қоса, бүйрек жеткіліксіздігі бар пациенттер үшін ұсынылатын бастапқы доза 4 мг құрайды. Дозаны пациенттің емге деген реакциясына сәйкес түзету керек. Ауыр немесе терминальді бүйрек жеткіліксіздігі (креатинин Cl <15 мл/мин) бар пациенттерді емдеу тәжірибесі шектеулі. Жеңіл және ауырлығы орташа дәрежедегі бүйрек жеткіліксіздігі бар пациенттер үшін ұсынылатын бастапқы доза 2 мг құрайды. Дозаны пациенттің жүргізіліп жатқан емге деген реакциясына сәйкес түзету керек. Бауырдың ауыр жеткіліксіздігі бар пациенттерде емдік тәжірибе жоқ. Созылмалы жүрек жеткіліксіздігі Кандекордың әдеттегі ұсынылатын бастапқы дозасы тәулігіне бір рет 4 мг құрайды. Дозаны тәулігіне бір рет 32 мг нысаналы дозаға немесе ең жоғары көтерілетін дозаға дейін арттыру дозаны кемінде 2 апта аралықпен екі еселеу жолымен жүзеге асырылады. Егде жастағы пациенттер немесе айналымдағы қан көлемінің азаюы, бүйрек жеткіліксіздігі немесе жеңіл немесе орташа бауыр жеткіліксіздігі бар пациенттер үшін бастапқы дозаны түзету қажеттілігі жоқ. Енгізу әдісі мен жолы Ішке қабылдауға арналған. Қабылдау уақыты көрсетілген қолдану жиілігі Кандекор® тамақ ішуге қарамастан тәулігіне бір рет қабылдау керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігерден немесе фармацевттен кеңес алу керек.

- әсер етуші затқа немесе қосымша заттардың кез келгеніне аса жоғары сезімталдық • жүктілік және лактация кезеңі • бауырдың ауыр жеткіліксіздігі және / немесе холестаз • сирек тұқым қуалайтын галактоза көтере алмаушылығы, Лапп лактаза жеткіліксіздігі немесе глюкоза-галактоза мальабсорбциясы бар пациенттерде • 1 жасқа дейінгі балалар • құрамында алискирен бар препараттармен Кандекорды бір мезгілде қолдану қант диабетіне немесе бүйрек жеткіліксіздігіне шалдыққан пациенттерге қарсы көрсетілімді (ШСЖ <60 мл/мин/1,73 м2)

Жағымсыз әсерлер жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Артериялық гипертензияны емдеу кезінде: Жиі - тыныс алу жолдарының инфекциясы • бас айналу/вертиго, бас ауыру Өте сирек • С-АЛТ (С-ГПТ) деңгейінің жоғарылауы, креатинин, мочевина немесе калий мөлшерінің артуы және натрий мөлшерінің төмендеуі • лейкопения, нейтропения және агранулоцитоз • гиперкалиемия, гипонатриемия • жөтел • жүрек айнуы • ангиодистрофия, бөртпе, есекжем, қышыну • арқаның ауыруы, артралгия, миалгия • бейім болып келетін пациенттердегі бүйрек жеткіліксіздігі, оның ішінде бүйрек жеткіліксіздігі Белгісіз - диарея Ренин-ангиотензин-альдостерон жүйесінің басқа тежегіштерімен гемоглобин деңгейінің шамалы төмендеуі байқалды. Жүрек жеткіліксіздігін емдеу кезінде: Жиі • гиперкалиемия • артериялық гипотензия • бүйрек жеткіліксіздігі, оның ішінде бейім болып келетін пациенттерде бүйрек функциясының бұзылуы Өте сирек • лейкопения, нейтропения және агранулоцитоз • гипонатриемия • бас айналу, бас ауыру • жөтел • жүрек айнуы • бауыр ферменттерінің белсенділігін арттыру, бауыр функциясының бұзылуы немесе гепатит • Квинке ісінуі, бөртпе, есекжем, қышыну • арқаның ауыруы, артралгия, миалгия Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: айқын артериялық гипотензия және бас айналу. Емі: симптоматикалық емдеу және өмірлік маңызды функцияларды бақылау. Пациентті аяғын көтеріңкіреп, шалқасынан жатқызған жөн. Егер бұл жеткіліксіз болса, плазма көлемін инфузиялық ерітіндіні, мысалы, изотониялық ерітіндіні енгізу арқылы ұлғайту керек. Егер жоғарыда аталған шаралар жеткілікті болып табылмаса, симпатомиметикалық дәрілік препараттарды енгізуге болады. Кандесартан гемодиализ көмегімен шығарылмайды.

Ренин-ангиотензин-альдостерон жүйесінің (РААЖ) қосарлы блокадасы АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану гипотензия, гиперкалиемия және бүйрек функциясының төмендеуі (жедел бүйрек жеткіліксіздігін қоса) қаупін арттыратыны туралы деректер бар. Сондықтан АӨФ тежегіштерін, ангиотензин рецепторларының блокаторларын II немесе алискиренді біріктіріп қолдану жолымен РААЖ қосарлы блокадасы ұсынылмайды. Егер қосарлы блокада емі өте қажет деп саналса, бұл тек арнайы бақылау кезінде және бүйрек функциясын, электролиттерді және артериялық қысымды жиі мұқият бақылау кезінде жүргізілуі керек. АӨФ тежегіштері және ангиотензин II рецепторларының блокаторлары диабеттік нефропатиясы бар пациенттерде бір мезгілде қолданылмауы тиіс. Бүйрек жеткіліксіздігі/бүйрек трансплантациясы Ренин-ангиотензин-альдостерон жүйесін тежейтін басқа препараттармен сияқты, Кандекорға бейім пациенттерде бүйрек функциясының өзгеруі байқалуы мүмкін. Артериялық гипертензиясы және бүйрек жеткіліксіздігі бар пациенттерді Кандекормен емдеу кезінде қан сарысуындағы калий деңгейін және креатинин деңгейін ұдайы бақылау ұсынылады. Бүйрек жеткіліксіздігінің өте ауыр немесе терминальді сатысы бар пациенттерде (креатинин клиренсі <15 мл/мин) қолдану тәжірибесі шектеулі. Мұндай пациенттерде Кандекор® дозасын мұқият титрлеп, артериялық қысымды бақылау керек. Жүрек жеткіліксіздігі бар пациенттерді талдау бүйрек функциясын, әсіресе 75 жастағы немесе одан асқан және бүйрек функциясының бұзылуы бар пациенттерде ұдайы бағалауды қамтуы тиіс. Кандекор® дозасын титрлеу кезінде қан сарысуындағы креатинин мен калий деңгейіне мониторинг жүргізу ұсынылады. Созылмалы жүрек жеткіліксіздігі кезіндегі АӨФ тежегішімен қатарлас жүретін ем Жағымсыз әсерлердің, әсіресе бүйрек жеткіліксіздігі мен гиперкалиемияның қаупі, егер кандесартан АӨФ тежегіштерімен біріктіріліп қолданылса, ұлғаюы мүмкін. Осындай ем алатын пациенттер үнемі мұқият бақылауда болуы керек. Гемодиализ Диализ кезінде артериялық қысым плазма көлемінің төмендеуі және ренин-ангиотензин-альдостерон жүйесінің белсенділенуі нәтижесінде AT1- рецептор блокадасына ерекше сезімтал болуы мүмкін. Сондықтан Кандекор® дозасын мұқият титрлеу және гемодиализде жүрген пациенттердің артериялық қысымына тұрақты мониторинг жүргізу қажет. Бүйрек артериясының стенозы Бүйрек артерияларының екі жақты стенозы немесе жалғыз бүйрек артериясының стенозы бар пациенттерде ренин-ангиотензин-альдостерон жүйесі жүйесіне әсер ететін басқа препараттар, яғни АӨФ, қан мочевинасы мен қан сарысуындағы креатинин жоғарылауы мүмкін. Ұқсас әсерді ангиотензин II рецепторларының антагонистерін қабылдау кезінде күтуге болады. Бүйрек трансплантациясы Жақында бүйрек трансплантациясы бар пациенттерде Кандекорды қолдану тәжірибесі жоқ. Гипотензия Жүрек жеткіліксіздігі бар пациенттерде Кандекормен емдеу кезінде гипотензия пайда болуы мүмкін. Ренин-ангиотензин-альдостерон жүйесіне әсер ететін басқа препараттар сияқты, ол айналымдағы қан көлемінің төмендеуімен артериялық гипертензиясы бар пациенттерде және диуретиктердің жоғары дозаларын алатын пациенттерде пайда болуы мүмкін. Гиповолемияны емдеу және түзету басталған кезде сақ болуға тырысу керек. Анестезия және хирургиялық араласым Ренин-ангиотензин жүйесінің блокадасына байланысты ангиотензин II антагонистерін қабылдаған пациенттерде анестезия және хирургиялық араласым кезінде гипотензия туындауы мүмкін. Сирек жағдайларда гипотензия ауыр болуы мүмкін, бұл вена ішіне инфузияны және/немесе вазопрессорларды қолдануды талап етеді. Қолқа мен митральді клапанның стенозы (обструкциялық гипертрофиялық кардиомиопатия) Басқа вазодилататорлар сияқты, қолқаның немесе митральды клапанның гемодинамикалық елеулі стенозы немесе обструкциялық гипертрофиялық кардиомиопатиясы бар пациенттерге ерекше сақ болу керек. Бастапқы гиперальдостеронизм Бастапқы гиперальдостеронизмі бар пациенттер ренин-ангиотензин-альдостерон жүйесін тежеу жолымен әсер ететін гипертензияға қарсы дәрілік препараттарға жауап бермейді. Осыған байланысты Кандекорды қолдану ұсынылмайды. Гиперкалиемия Ренин-ангиотензин-альдостерон жүйесіне әсер ететін басқа дәрілік заттарды қолдану тәжірибесінің негізінде калий сақтайтын диуретиктермен, калий қоспаларымен, құрамында калий бар тұз алмастырғыштармен Кандекорды немесе калий деңгейін жоғарылатуы мүмкін басқа дәрілік препараттарды (мысалы, гепарин) қатар қолдану артериялық гипертензияға шалдыққан пациенттерде қан сарысуындағы калий деңгейінің жоғарылауына әкеп соғуы мүмкін. Кандекор® алған жүрек жеткіліксіздігі бар пациенттерде гиперкалиемия дамуы мүмкін. Жүрек жеткіліксіздігі бар пациенттерде Кандекормен емдеу кезінде қан сарысуындағы калий деңгейін, әсіресе оны спиронолактон сияқты АӨФ тежегіштерімен және калий сақтайтын диуретиктермен бір мезгілде қолданған кезде мерзімді бақылау ұсынылады. Бүйрек жеткіліксіздігі бар пациенттерді қоса, педиатриялық пациенттерде қолдану Кандесартан шумақтық сүзілу жылдамдығы 30 мл/мин/1,73 м2 кем балаларда зерттелмеген Жалпы мәліметтер Ренин-ангиотензин-альдостерон жүйесінің тамырлы тонусқа және бүйрек функциясына белсенділігінің айқындаушы мәні кезінде (мысалы, бүйрек артерияларының стенозын қоса, ауыр іркілісті жүрек жеткіліксіздігі немесе бүйрек аурулары кезінде), ангиотензин ІІ рецепторларының антагонистерін қоса алғанда, осы жүйеге әсер ететін басқа да дәрілік заттармен емдеу жедел гипотензиямен, азотемиямен, олигуриямен және кейде жедел бүйрек жеткіліксіздігімен астасқан. Гипертензияға қарсы басқа препараттар сияқты, жүректің ишемиялық ауруы немесе атеросклероздық цереброваскулярлы ауруы бар пациенттерде артериялық қысымның айқын төмендеуі миокард инфарктісіне немесе инсультқа әкелуі мүмкін. Арнайы ескертулер Педиатрияда қолдану Кандесартан шумақтық сүзілу жылдамдығы 30 мл/мин/1,73 м2 кем балаларда зерттелмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кандекордың автомобильді және қауіптілігі зор механизмдерді басқару қабілетіне әсері туралы зерттеулер жүргізілген жоқ. Көлік құралын басқару немесе механизмдермен жұмыс істеу кезінде кейде ем кезінде бас айналу немесе шаршау пайда болуы мүмкін екенін ескеру қажет.

Жүктілік Жүктіліктің бірінші триместрінде ангиотензин II рецепторларының антагонистерін (АРА II) қолдану ұсынылмайды. Жүктіліктің екінші және үшінші триместрінде АРА II қолдануға қарсы көрсетілімді. Жүктіліктің бірінші триместрінде АӨФ тежегіштерін қолдану кезіндегі тератогенділік қаупіне қатысты эпидемиологиялық деректер сенімді болып табылмайды; алайда қатердің шамалы ұлғаюын жоққа шығаруға болмайды. АРА ІІ қабылдаумен байланысты қауіптер туралы бақыланатын эпидемиологиялық деректердің болмауына қарамастан, препараттардың осы класы үшін де осындай қауіптер болуы мүмкін. Егер АРА ІІ емін жалғастыру қажет деп есептелмесе, жүктілікті жоспарлаған пациенттерді жүктілік кезінде қолдану кезінде қауіпсіздік бейіні зерттелген баламалы гипотензивті препараттарға ауыстыру керек. Жүктілік анықталған кезде АРА ІІ емдеуді дереу тоқтатып, қажет болған жағдайда баламалы емді бастау керек. Екінші және үшінші триместрде АРА ІІ емінің әсері адамдарда фетоуыттылықты (бүйрек функциясының төмендеуі, қағанақ суының аздығы, бассүйек сүйектенуінің баяулауы) және неонатальді уыттылықты (бүйрек жеткіліксіздігі, гипотензия, гиперкалиемия) туындататыны белгілі. Егер АРА II әсері жүктіліктің екінші триместрінде пайда болса, бүйрек пен бассүйектің ультрадыбыстық зерттеуі ұсынылады. Аналары АРА ІІ қабылдаған сәбилер гипотензия мәніне мұқият бақылауда болуы тиіс. Бала емізу Бала емізу кезінде Кандекорды қолдану туралы ақпараттың болмауына байланысты препаратты қабылдауға ұсынылмайды. Бала емізу кезінде, әсіресе жаңа туған немесе шала туған нәрестені тамақтандыру кезінде қауіпсіздік бейіндері көбірек зерттелген баламалы емдеу әдістері ұсынылады. Қосымша заттар туралы арнайы ақпарат Бұл препараттың құрамында лактоза моногидраты бар. Сирек тұқым қуалайтын галактоза көтере алмаушылығы, Лапп лактаза жеткіліксіздігі немесе глюкоза-галактоза мальабсорбциясы бар пациенттерде бұл препаратты қолдану ұсынылмайды.

Гидрохлоротиазидпен, варфаринмен, дигоксинмен, пероральді контрацептивтермен (мысалы, этинилэстрадиол/левоноргестрел), глибенкламидпен, нифедипинмен және эналаприлмен клиникалық маңызды дәрілік өзара әрекеттесуі анықталған жоқ. Кандесартан аз ғана дәрежеде бауыр метаболизмімен (CYP2C9) шығарылады. Кандесартанның гипертензияға қарсы әсері гипертензияға қарсы препараттардың тағайындалуына немесе қолдануға берілетін басқа да көрсетілімдерге қарамастан, артериялық қысымды төмендететін қасиеттері бар басқа да дәрілік заттардың есебінен жоғарылауы мүмкін. Ренин-ангиотензин-альдостерон жүйесіне әсер ететін басқа дәрілік заттарды қолдану тәжірибесінің негізінде калий сақтайтын диуретиктерді, калий қоспаларын, құрамында калий бар тұз алмастырғыштарды немесе калий деңгейін жоғарылататын басқа дәрілік препараттарды (мысалы, гепарин) қатар қолдану қан сарысуындағы калий деңгейінің жоғарылауына әкелуі мүмкін. Литийді АӨФ тежегіштерімен бір мезгілде қолданғанда қан сарысуындағы литий концентрациясының және уыттылықтың қайтымды жоғарылауы байқалды. Ұқсас әсер ангиотензин II рецепторларын қолданғанда байқалуы мүмкін, сондықтан бір мезгілде қолданған кезде қан сарысуындағы литий деңгейін мұқият бақылау ұсынылады. ЦОГ-2 селективті тежегіштері, ацетилсалицил қышқылы (тәулігіне >3 г) және селективті емес ҚҚСП сияқты қабынуға қарсы стероидты емес препараттармен (ҚҚСП) ангиотензин II рецепторларының антагонистерін бір мезгілде қолданғанда гипертензияға қарсы әсер бәсеңдеуі болуы мүмкін. Әсіресе созылмалы бүйрек жеткіліксіздігі бар пациенттерде Ангиотензин II рецепторларын және ҚҚСП бір мезгілде қолдану, күдікті жедел бүйрек жеткіліксіздігін қоса, бүйрек функциясының бұзылу қаупінің жоғарылауына, сондай-ақ қан сарысуындағы калий деңгейінің жоғарылауына әкелуі мүмкін. Біріктірілімді, әсіресе егде жастағы пациенттерге сақтықпен қолдану керек. Пациенттер жеткілікті мөлшерде су ішуі тиіс, сондай-ақ қатарлас жүретін ем басталғаннан кейін және одан әрі мезгіл-мезгіл бүйрек функциясын бақылау керек. Кандесартанның биожетімділігі тамақ ішуге байланысты емес. Клиникалық сынақтар деректері АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен ренин-ангиотензин-альдостерон жүйесінің (РААЖ) қосарлы блокадасы РААЖ бір блокаторын қолданумен салыстырғанда гипотония, гиперкалиемия және бүйрек функциясының төмендеуі (жедел бүйрек жеткіліксіздігін қоса) сияқты жағымсыз әсерлердің неғұрлым жоғары жиілігімен байланысты екенін көрсетті.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!