Кандидерм крем

100 г кремнің құрамында белсенді заттар: клотримазол - 1 г, беклометазон дипропионаты - 0,025 г, гентамицин сульфаты (гентамицинге баламалы) – 0,1 г қосымша заттар: пропиленгликоль, эмульгацияланған цетомакрогол, ақ вазелин, сұйық парафин, бензил спирті, метилгидроксибензоат, пропилгидроксибензоат, бутилденген гидрокситолуол, натрий дигидрофосфаты, натрий фосфаты, тазартылған су Сыртқы түрінің, иісінің, дәмінің сипаттамасы Ақ түсті крем

- салдарлы инфекциямен асқынған дерматоздарда - табан эпидермофитиясында - препаратқа сезімтал қоздырғыштар туындатқан дерматомикоздарда (оның ішінде шап аумағында орналасқан).

ATХ коды D07XC Кандидерм – қабынуға қарсы, аллергияға қарсы, бактерияға қарсы, зеңге қарсы дәрі. Клотримазолдың (имидазол туындысы) антимикоздық әсері жарғақша өткізгіштігін өзгертетін және кейіннен жасуша лизисін туындататын, зеңдердің жасуша жарғақшалары құрамындағы эргостерин синтезінің бұзылуымен байланысты. Фунгицидті концентрацияларда митохондрий және пероксидазды ферменттермен өзара әрекеттеседі, соның нәтижесінде сутегі асқын тотығының концентрациясы уытты деңгейге дейін артып, сонымен қатар зеңдік жасушалардың ыдырауына ықпал етеді. Дерматомицеттерге (Trichophyton rubrum, Trichophyton mentagrophytes, Epidermophyton floccosum, Microsporum canis), ашытқы тәріздес және өңезді зеңдерге (Candida albicans; Torulopsis glabrata, рода Rhodotorula, Pityrosporum orbiculare қоса Candida spp.) қатысты фунгицидтік және фунгистатикалық белсенділігін көрсетеді. Pityrosporum orbiculare (Malassezia furfur) – түрлі-түсті теміреткі қоздырғышына қатысты белсенді. Граммоң бактериялар – эритразма қоздырғышы Corynebacterium minutissimum, сондай-ақ Staphylococcus spp., Streptococcus spp., граммтеріс бактериялар – Bacteroides, Gardnerella vaginalis қатысты тиімді. Беклометазон галогенделген кортикостероид болып табылады. Қабынуға қарсы, аллергияға қарсы, антиэкссудативті және қышынуға қарсы әсер етеді. Беклометазон лейкоциттер жинақталуын, лизосомальді ферменттер мен қабыну медиаторларының босап шығуын тежейді, фагоцитозды бәсеңдетеді, тамыр-тін өткізгіштігін азайтады, қабынуда ісінуінің пайда болуына кедергі жасайды. Гентамицин – аминогликозидтер тобының әсер ету ауқымы кең антибиотигі, барлық дерлік грамтеріс бактерияларға: Pseudomonas aeruginosa, Enterobacter aerogenes, Escherichia coli, Proteus vulgaris, Klebsiella pneumoniae және грамоң микроорганизмдерге: Streptococcus spp., Staphylococcus aureus қатысты бактерицидті әсері бар.

Дозалау режимі Сыртқа. Кремді терінің зақымданған бөлігіне тәулігіне 2 рет (таңертең және кешке) жұқалап жағады. Емдеу курсының ұзақтығы зақымдану орнының мөлшеріне, науқастың сезімталдығына байланысты болады. Балаларға ұзақ және үлкен аумақтарда және окклюзиялық таңғыштың астына қолданылмайды, дәрігердің тағайындауы бойынша. Дәрілік препараттың бір немесе бірнеше дозасын өткізіп алған кезде қажетті шаралар Қатысы жоқ Тоқтату симптомдары қаупінің болуын көрсету Қатысы жоқ Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Қолдану әдісі туралы сұрақтар туындаған кезде емдеуші дәрігерге жүгіну керек.

- препарат компоненттеріне аса жоғары сезімталдық - тері туберкулезі, мерездің терідегі көріністері - желшешек, қарапайым герпес, вакцинациядан кейінгі тері реакциялары - ашық жаралар - 2 жасқа дейінгі балалар Сақтықпен: жүктіліктің І триместрі, балаларға

- шымылдату сезімі, эритема, экссудация, пигментацияның бұзылуы (гипопигментация), қышыну. Беклометазонды жергілікті қолданудан болатын жағымсыз реакциялар: - терінің құрғауы, фолликулит, гипертрихоз, безеу, периоральді дерматит, аллергиялық жанаспалы дерматит, тері мацерациясы, салдарлы төзімді флораның дамуы, тері атрофиясы, стриялар, тербөртпе Клотримазолдан болатын жағымсыз реакциялар: - эритема, сулы бөртпелердің пайда болуы, қабыршықтану, жергілікті ісіну, есекжем, терінің жалпы тітіркенуі. Гентамициннен болатын жағымсыз реакциялар: - гиперемия, қышыну (әдетте емдеуді тоқтатуды талап етпейді). Балалардағы жағымсыз реакциялар - гипоталамус-гипофизарлы-адреналды жүйенің бәсеңдеуі - Кушинг синдромы - сөйлеу кідірісі - бассүйекішілік қысымның жоғарылауы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: гиперкортицизм (дене салмағының артуы, ісінулердің пайда болуы, гипертензия, глюкозурия, гипокалиемия). Емі: симптоматикалық емдеу. Қажет болғанда электролиттік теңгерімге түзету жүргізеді. Созылмалы уытты әсер ету жағдайында кортикостероидтарды біртіндеп тоқтату ұсынылады. Төзімді микроорганизмдердің шамадан тыс өсуі кезінде Кандидерммен емдеуді тоқтату және қажетті ем тағайындау ұсынылады.

Пропиленгликоль Дәрілік препараттың қосымша заттарының құрамында пропиленгликоль бар, осыған байланысты терінің тітіркенуі мүмкін. Кандидерм офтальмологияда қолдануға арналмаған. Көз аймағының терісіне жағуға болмайды. Антибиотиктерді ұзақ уақыт жергілікті пайдалану кейде төзімді микрофлоралардың өсуіне әкелуі мүмкін. Осындай жағдайда, сондай-ақ емдеу аясында тітіркену, сенсибилизация немесе суперинфекциялар дамуы орын алса, тоқтатып, тиісті ем тағайындау керек. Аминогликозидті антибиотиктермен айқаспалы аллергиялық реакциялар байқалған. Жүйелік глюкокортикостероидтарды қолданған кезде кездесетін, бүйрек үсті безі қызметінің бәсеңдеуін қоса, кез келген жағымсыз әсерлері глюкокортикостероидтарды жергілікті қолданғанда, әсіресе нәрестелер мен балаларда байқалуы мүмкін. Егер емдеу дененің үлкен беткейіне жүргізілетін немесе окклюзиялық таңғыштар пайдаланылатын болса, глюкокортикостероидтар немесе гентамициннің жүйелік сіңірілуі жергілікті қолданғанда жоғары болады. Гентамицинді ашық жараларға немесе терінің зақымданған бөліктеріне жағуға болмайды. Препаратты ұзақ пайдаланған кезде оны біртіндеп тоқтатқан жөн. Арнайы ескертулер Дәрілік препараттың қосымша заттарының құрамында пропиленгликоль бар, осыған байланысты терінің тітіркенуі мүмкін. Кандидерм офтальмологияда қолдануға арналмаған. Көз аймағының терісіне жағуға болмайды. Антибиотиктерді ұзақ уақыт жергілікті пайдалану кейде төзімді микрофлоралардың өсуіне әкелуі мүмкін. Осындай жағдайда, сондай-ақ емдеу аясында тітіркену, сенсибилизация немесе суперинфекциялар дамуы орын алса, тоқтатып, тиісті ем тағайындау керек. Аминогликозидті антибиотиктермен айқаспалы аллергиялық реакциялар байқалған. Жүйелік глюкокортикостероидтарды қолданған кезде кездесетін, бүйрек үсті безі қызметінің бәсеңдеуін қоса, кез келген жағымсыз әсерлері глюкокортикостероидтарды жергілікті қолданғанда, әсіресе нәрестелер мен балаларда байқалуы мүмкін. Егер емдеу дененің үлкен беткейіне жүргізілетін немесе окклюзиялық таңғыштар пайдаланылатын болса, глюкокортикостероидтар немесе гентамициннің жүйелік сіңірілуі жергілікті қолданғанда жоғары болады. Гентамицинді ашық жараларға немесе терінің зақымданған бөліктеріне жағуға болмайды. Препаратты ұзақ пайдаланған кезде оны біртіндеп тоқтатқан жөн. Кандидерм кремін қолдану аясында тітіркену немесе сенсибилизация дамыған кезде емдеуді тоқтатып, тиісті емді бастау керек. Егер Кандидерм кремі терінің үлкен аймақтарына қолданылса, әсіресе ұзақ емдеу немесе терінің тұтастығы бұзылса, белсенді заттардың жүйелі сіңуі жергілікті қолданған кезде жоғары болады. Бұл жағдайларда белсенді заттарды жүйелі қолдануға тән жағымсыз әсерлері туындауы мүмкін. Осындай жағдайларда балаларда қолданғанда ерекше сақтық танытуға кеңес беріледі. Кандидерм препаратын аминогликозидті антибиотиктермен бір мезгілде қолданғанда терінің жоғары сіңуі не байланысты кумулятивті уытты әсердің (отоуыттылық, нефроуыттылық) туындау мүмкіндігі туралы есте сақтау керек. Атап айтқанда, басқа аминогликозидті антибиотиктерге айқаспалы реакция ықтималдығын ескеру керек. Антибиотиктерді ұзақ уақыт жергілікті қолдану төзімді микрофлораның өсуіне әкелуі мүмкін. Бұл жағдайда, сондай-ақ суперинфекция дамыған кезде тиісті емді бастау керек. Күшті және өте күшті белсенділік класындағы глюкокортикостероидтарды жоғары дозаларда терінің ауқымды учаскелерінде немесе окклюзиялық таңғыш астында жергілікті қолдану, әсіресе бүйрек үсті безі қыртысы функциясының бәсеңдеуі және метаболизмдық бұзылулардың дамуы мүмкіндігін ескере отырып, дәрігердің тұрақты бақылауымен ғана жүзеге асырылуы тиіс. Препаратты ашық жараларда және терінің тұтастығы бұзылған жағдайда қолданудан аулақ болу керек. Мүмкіндігінше 2-3 аптаны құрайтын Кандидерм препаратын үздіксіз қолдану мерзімінен аспау керек. Өте күшті, күшті және орташа белсенділік класындағы глюкокортикостероидтарды бетке және жыныс мүшелеріне ерекше сақтықпен және 1 аптадан асырмай қолдану керек. Көздің айналасында тек белсенділігі төмен глюкокортикостероидтарды ғана қолдануға болады (глаукома дамуы мүмкін). Кортикостероидтар препарат компоненттерінің кез келгеніне аллергиялық реакция симптомдарын бүркемелеуі мүмкін. Пациентке осы препаратты тек терінің ағымдағы ауруын емдеу үшін қолданып, препаратты басқа тұлғаларға бермеу керек екенін түсіндіру керек. Жүйелік және жергілікті әсер ететін кортикостероидтарды (мұрынішілік, ингаляциялық және көзішілік енгізуді қоса) қолдану кезінде көрудің бұзылуы пайда болуы мүмкін. Анық көрмеу немесе көрудің басқа да бұзылулары сияқты симптомдардың дамуы кезінде пациент глюкокортикостероидтарды жүйелі және жергілікті қолдану кезінде бірқатар жағдайларда байқалған катаракта, глаукома немесе орталық серозды хориоретинопатия сияқты сирек ауруды қамтитын көрудің бұзылуының ықтимал себептерін анықтау үшін офтальмологтан тексеруден өтуі керек. Педиатрияда қолдану Бұл препаратты 2 жасқа дейінгі балаларда қолдану ұсынылмайды. Балаларда беткей ауданы мен дене салмағының үлкендігі ересектерге қарағанда үлкен болуына байланысты, балалар жергілікті әсер ететін кез келген ГКЖ қолданғанда гипоталамус-гипофиз-бүйрек үсті жүйесі (ГГБЖ) функциясын басу қаупі жоғары болады. Топикалық глюкокортикостероидтар алған балаларда ГГБЖ жүйесі супрессиясы, Кушинг синдромы, желілі өсудің төмендеуі, дене салмағын қосудың баяулауы және бассүйекішілік гипертензия белгіленді. Балалардағы ГГБЖ функциясын басудың симптомдары қан плазмасындағы кортизолдың төмен деңгейін және ACTH қоздырғышына реакцияның болмауын қамтиды. Бассүйек ішілік қысымның жоғарлауы еңбегінің дүрдиіп шығып кетумен, бастың ауыруымен және көру жүйкесінің екі жақты ісінуімен байқалады.

Нұсқаулықта көрсетілмеген.

Анықталмаған

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°C-ден аспайтын температурада сақтау керек. Балалардың қолы жетпейтін жерде сақтау керек!