Кандид Б крем

100г кремнің құрамында белсенді заттар: клотримазол – 1,000г беклометазон 0, 025г, қосымша заттар: бензил спирті, ақ вазелин, сұйық парафин, цетомакроголь (эмульгацияланған балауыз), пропиленгликоль, метилпарабен, пропилпарабен, бутилокситолуол, сусыз натрий фосфаты, натрий дигидрофосфаты, тазартылған су. Сыртқы түрінің, иісінің, дәмінің сипаттамасы Біртекті ақ түсті крем.

Терінің зеңді инфекцияларында, әсіресе, егер олар жедел экзематозды көріністермен қатар жүрсе: • дененің әртүрлі бөліктеріндегі дерматомикоздарда • табан эпидермофитиясында, шап эпидермофитиясында • салдарлы инфекциямен асқынған дерматоздарда.

Әсер ету механизмі Кандид Б - сыртқа қолдануға арналған қабынуға қарсы компоненті бар зеңге қарсы біріктірілген препарат. Препараттың фармакологиялық әсері оның құрамына кіретін клотримазолдың және беклометазон дипропионатының қасиеттерімен жүзеге асады. Клотримазол – имидазол туындылары тобына жататын, әсер ету ауқымы кең зеңге қарсы дәрі. Клотримазолға дерматофиттер, ашытқылық зеңдер (Candida, Torulopsis glabarata, Rhodotorula тобы), өңезді зеңдер, сондай-ақ түрлі түсті теміреткі мен эритразма қоздырғыштары сезімтал. Бұдан басқа, клотримазол грамоң (стафилококктар, стрептококктар) және грамтеріс бактерияларға (Bacteroides, Gardnerella vaginalis), сондай-ақ Trichomonas vaginalis, Malassezia furfur, Corinebacterium minussimum-ге қатысты тиімді. Клотримазолдың әсері зеңдік жасушалар жарғақшаларының құрамына кіретін эргостерин синтезін бұза алатын қабілетімен байланысты. Осының нәтижесінде жарғақшалар құрылымы мен қасиеттері өзгереді, жасушалардың лизисі байқалады. Беклометазол дипропионаты – синтетикалық глюкокортикостероид, қабынуға қарсы, аллергияға қарсы, экссудатқа қарсы және қышынуға қарсы әсер етеді. Глюкокортикостероидтардың жүйелі қолданудағы әсер ету механизмі қабынудың барлық кезеңдерін бәсеңдетуде болып табылады: спецификалық стероидты рецепторларымен байланыса отырып, олар жасуша ядросына енеді және ДНҚ-мен қосылады, ақпараттық РНҚ пайда болуын көтермелейді; РНҚ трансляциясы нәтижесінде рибосомдарда реттегіш әр түрлі ақуыздар синтезделеді, олардың ішіндегі маңыздысы метокортин фосфолипаза А2 ферментін тежейді, сөйтіп, барлық аллергодерматоздар кезінде қабынуды дамытуда шешуші рөл атқаратын простагландиндер және лейкотриендердің синтезін бәсеңдетеді.

Дозалау режимі Сыртқа. Зақымданған жерге күніне 2-3 рет жұқалап крем жағып, жеңіл ысқылайды. Зақымданған жерді алдын ала шаяды және кептіреді. Дерматоздарды емдеу ұзақтығы, әдетте 3 - 4 аптаны, табан эпидермофитиясында – 4 аптаны құрайды. Ұзақ қолдану қажет болғанда сиректеу – күнара қолданған жөн. Созылмалы ауруларды емдеу кезінде емдеуді барлық симптомдары жойылғаннан соң, аурудың қайталануын болдырмас үшін тағы біршама уақыт жалғастыру керек.

- препарат компоненттеріне аса жоғары сезімталдық - тері туберкулезі, желшешек, қарапайым герпес, қызылша - вакцинадан кейінгі тері реакциялары, терінің мерездік көріністері - актиномикоз, бластомикоз - созылмалы вена жеткіліксіздігі аясындағы трофикалық ойық жаралар - тері ісіктері - жүктілік және бала емізу кезеңі

Клиникалық зерттеулер кезінде және маркетингтен кейінгі қолдануда байқалған жағымсыз реакциялар келесі кездесу жиілігінің жіктемесін пайдалана отырып, ағза жүйелерінің әрқайсысына қатысты жүйеленеді: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10000, <1/1000) және жекелеген жағдайларды қоса, өте сирек (<1/10000). Сирек - препаратты жаққан орында терінің қызаруы, шымылдату сезімі және шаншу Өте сирек - гипопигментация, безеу түріндегі бөртпе, жанаспалы дерматоз, тері атрофиясы, салдарлы тері инфекциялары. Терінің тітіркенуі пайда болғанда, препаратты тоқтату қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға күтілетін реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Кандид Б жергілікті жаққанда жедел артық дозалану мүмкіндігі аз және өмірге қауіп төндірмейді.

Препарат тек дерматологиялық тәжірибеде ғана пайдалануға арналған. Препарат ашық жараларға немесе герметикалық таңғыштармен бірге жағылмаса, кремді қолдану кезінде жүйелі жағымсыз реакциялар болмайды. Препаратты көзге тигізбеу керек; көз маңайындағы теріге және шырышты қабыққа жағуға болмайды. Инфекцияның дамуы немесе таралуы препаратты тоқтатуды және микробқа қарсы емді тоқтатуды талап етеді. Арнайы ескертулер Педиатрияда қолдану Тері арқылы сіңудің жоғары болу және уытты жүйелік реакциялар дамуы мүмкіндігін ескере отырып, 2-ден 16 жасқа дейінгі балаларға сақтықпен қолдану керек. Герметикалық таңғышты қолдану 5 жасқа дейінгі балаларға қолдану ұсынылмайды. Балалар тәжірибесінде кремді қолдану қатаң түрде дәрігердің бақылауымен жүргізілуі тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Кандид Б препараты клиникалық деректердің болмауына байланысты жүктілік және лактация кезеңінде әйелдерге қолданылмайды.

Препараттың басқа дәрілік препараттармен өзара әрекеттесуі туралы деректер жоқ.

Сақтау мерзімі 3 жыл Жарамдылық мерзімі өткеннен кейін пайдалануға болмайды. Сақтау шарттары Құрғақ, жарықтан қорғалған жерде, 25º С-ден аспайтын температурада сақтау керек. Балалардың қолы жетпейтін жерде сақтау керек.