Капецитабин таблетки 500 мг

Бір таблетканың құрамында белсенді зат - капецитабин 500 мг, қосымша заттар: сусыз лактоза, микрокристалды целлюлоза (РН 101), микрокристалды целлюлоза (РН 102), натрий кроскармеллозасы, гипромеллоза, магний стеараты. қабық құрамы: опадрай қызғылт 03 А84598 (гипромеллоза /HPMC 2910, титанның қостотығы (Е 171), тальк, темірдің қызыл тотығы (Е172), темірдің сары тотығы (Е172) Сыртқы түрінің, иісінің, дәмінің сипаттамасы Капсула тәрізді пішінді, екі жақ беті дөңес, бір жағында «САР» және екінші жағында «500» өрнегі бар, үлбірлі қабықпен қапталған күңгірт-қызғылт түсті таблеткалар.

Сүт безінің обыры - антрациклиндер қамтылған химиотерапия тиімсіз болғанда, сүт безінің жергілікті таралған немесе сүт безінің метастаздық обыры (СБО) бар науқастарды емдеу үшін доцетакселмен біріктіріліп қолдану - таксандар мен антрациклиндер қамтылған химиотерапия тиімсіз болғанда немесе антрациклиндерді қолдануға болмайтын, жергілікті таралған немесе метастазданған СБО (мСБО) бар науқастарды емдеу үшін монотерапия ретінде. Колоректальді обыр - хирургиялық араласымнан кейін III сатыдағы колоректальді обыры бар (Дьюкс бойынша С обыр сатысы) пациенттерге адъювантты ем ретінде; - метастаздық колоректальді обырды емдеу үшін Асқазанның обыры - платина негізіндегі препараттармен үйлесімде, бірінші сатыдағы асқазан обырының кең таралған сатысын бірінші желіде емдеу үшін

Капецитабин - сүт безінің метастаздық обыры мен колоректальді обыр ауруын емдеу үшін көрсетілген ісікке қарсы белсенділігі бар фторпиримидин карбаматы болып табылады. Әсер ету механизмі Капецитабин-5-фторурацилдің (5-ФУ) цитоуытты компонентінің пероральді енгізілген ізашары ретінде әсер ететін цитоуытты емес фторпиримидин карбаматы ретінде берілген. Капецитабин бірнеше ферментативті сатылардан кейін белсенділенеді. 5-ФУ, тимидинфосфорилазаға түпкілікті айналуға қатысатын фермент ісік тіндерінде, сонымен қатар қалыпты тіндерде де кездеседі, бірақ әдетте төменгі деңгейлерде. Адам обырының ксенотрансплантаты модельдерінде капецитабин доцетакселмен біріктірілімде синериялық әсерін көрсетті, бұл доцетакселмен тимидинфосфорилазаның белсенділенуімен байланысты болуы мүмкін. Анаболиялық жолдағы 5-ФУ метаболизмі дезоксиуридил қышқылының тимидил қышқылына метилдену реакциясын тежейді, осылайша дезоксирибонуклеин қышқылының (ДНҚ) синтезін тежейді. 5-ФУ қосу РНҚ мен ақуыз синтезін тежеуге әкеледі. ДНҚ мен РНҚ жасушалардың бөлінуі мен өсуі үшін қажет болғандықтан, 5-ФУ әсері тимидин тапшылығын туындатуы мүмкін, бұл жасушаның теңгерімсіз өсуі мен қырылуына әкеледі. ДНҚ мен РНҚ-ны айыру әсері тезірек пролиферацияланатын және 5-ФУ-ны тезірек метаболиздейтін жасушаларда байқалады.

Ісікке қарсы дәрілік заттарды пайдалануда тәжірибесі бар білікті дәрігер ғана тағайындауы тиіс. Барлық пациенттерге емдеудің бірінші циклі кезінде мұқият бақылау ұсынылады. Дозалау режимі Жуан ішектің обыры, колоректальді обыр және сүт безінің обыры Монотерапия ретінде ұсынылатын бастапқы доза 1250 мг/м 2 құрайды, күніне екі рет (таңертең және кешке; жалпы тәуліктік дозаның 2500 мг/м 2-ге баламалы) 14 күн ішінде, кейіннен 7 күндік үзіліспен енгізіледі. Біріктірілген ем Жуан ішектің обыры, колоректальді обыр және асқазанның обыры Біріктірілген емдеу кезінде капецитабиннің ұсынылатын бастапқы дозасы кейіннен 7 күн үзілісімен 14 күн ішінде күніне екі рет 800-1000 мг/м2 дейін немесе үздіксіз енгізу кезінде тәулігіне екі рет 625 мг/м2 дейін азайтылуы тиіс. Иринотеканмен біріктірілген ем кезінде ұсынылатын бастапқы доза 14 күн ішінде күніне екі рет 800 мг/м 2 құрайды, кейіннен 7 күн үзіліс жасалады. Бевацизумабпен біріктірілген емді қосу капецитабиннің бастапқы дозасына әсер етпейді. Гидратацияның және құсуға қарсы әсердің талапқа сай деңгейін ұстап тұруға арналған премедикация цисплатинді капецитабинмен біріктірілімде енгізу басталғанға дейін қолдану жөніндегі нұсқаулыққа сәйкес жүргізіледі. Сүт безінің обырында Доцетакселмен біріктірілімде сүт безінің метастаздық обырын емдеу кезінде капецитабиннің ұсынылатын бастапқы дозасы 14 күн ішінде күніне 1250 мг/м 2 2 рет, кейіннен 7 күн үзіліс жасайды. Доцетакселді 3 аптада 1 рет 75 мг/м2 дозада сағаттық вена ішіне инфузия түрінде енгізеді. Дексаметазон сияқты пероральді кортикостероидтармен жүргізілетін премедикацияны доцетаксел дәрілік препаратының жалпы сипаттамасына сәйкес капецитабин + доцетаксел біріктірілімін алатын пациенттерге доцетакселді енгізгенге дейін бастаған жөн. 1-кесте. Дененің 1250 мг/м2 беткейіне шақталған капецитабиннің стандартты және азайтылған дозалары. Доза деңгейі 1250 мг/м2 (күніне екі рет) Толық доза 1250 мг/м2 — Бір қабылдауға 150 мг және / немесе 500 мг таблетка саны (таңертең және кешке) — дозаның 75%-ы 950 мг/м2 — дозаның 50%-ы 625 мг/м2 Дене беткейінің ауданы (м2) — Бір қабылдауға арналған доза (мг) — 150 мг — 500 мг — Бір қабылдауға арналған доза (мг) — Бір қабылдауға арналған доза (мг) ≤ 1,26 — 1500 — - — 3 — 1150 — 800 1,27 – 1,38 — 1650 — 1 — 3 — 1300 — 800 1,39 – 1,52 — 1800 — 2 — 3 — 1450 — 950 1,53 – 1,66 — 2000 — - — 4 — 1500 — 1000 1,67 – 1,78 — 2150 — 1 — 4 — 1650 — 1000 1,79 – 1,92 — 2300 — 2 — 4 — 1800 — 1150 1,93 – 2,06 — 2500 — - — 5 — 1950 — 1300 2,07 – 2,18 — 2650 — 1 — 5 — 2000 — 1300 ≥ 2,19 — 2800 — 2 — 5 — 2150 — 1450 2-кесте. Дененің 1000 мг/м2 беткейіне шақталған капецитабиннің стандартты және азайтылған дозалары. Доза деңгейі 1000 мг/м2 (күніне екі рет) Толық доза 1000 мг/м2 — Бір қабылдауға 150 мг және / немесе 500 мг таблетка саны (таңертең және кешке) — дозаның 75%-ы 950 мг/м2 — дозаның 50%-ы 625 мг/м2 Дене беткейінің ауданы (м 2) — Қабылданатын доза (мг) — 150 мг — 500 мг — Бір қабылдауға арналған доза (мг) — Бір қабылдауға арналған доза (мг) ≤ 1,26 — 1150 — 1 — 2 — 800 — 600 1,27 – 1,38 — 1300 — 2 — 2 — 1000 — 600 1,39 – 1,52 — 1450 — 3 — 2 — 1100 — 750 1,53 – 1,66 — 1600 — 4 — 2 — 1200 — 800 1,67 – 1,78 — 1750 — 5 — 2 — 1300 — 800 1,79 – 1,92 — 1800 — 2 — 3 — 1400 — 900 1,93 – 2,06 — 2000 — - — 4 — 1500 — 1000 2,07 – 2,18 — 2150 — 1 — 4 — 1600 — 1050 ≥ 2,19 — 2300 — 2 — 4 — 1750 — 1100 Емдеу кезінде дозаны түзету Жалпы ақпарат Капецитабинді енгізуден туындаған уыттылықты симптоматикалық емдеу және / немесе дозаны өзгерту арқылы (емдеуді тоқтату немесе препарат дозасын азайту арқылы) бақылауға болады. Доза азайтылғаннан кейін оны кейіннен арттыруға болмайды. Емдеуші дәрігердің пікірінше, ауыр немесе өмірге қауіпті болуы мүмкін уытты заттар үшін, мысалы, алопеция, дәм сезудің өзгеруі, тырнақтың өзгеруі, емдеуді сол дозада азайтусыз немесе үзіліссіз жалғастыруға болады. Капецитабин қабылдайтын пациенттерді орташа немесе ауыр уыттылық туындаған жағдайда емдеуді дереу тоқтату қажеттігі туралы хабардар ету керек. Уыттылығына байланысты өткізіп алынған капецитабин дозалары ауыстырылмайды. Төменде уыттылыққа байланысты дозаның ұсынылатын өзгерістері келтірілген: 3-кесте. Капецитабин дозасын азайту кестесі (3 апталық цикл немесе үздіксіз емдеу) Уыттылық дәрежесі* — Емдеу циклі ішінде дозаның өзгеруі — Дозаны келесі циклге түзету (бастапқы дозадан %) 1 дәреже — Дозаны демеу керек — Дозаны демеу керек 2 дәреже -1-ші көріністелу — 0-1 класына жеткенше үзіліс — 100% - 2-ші көріністелу — 75% - 3-ші көріністелу — 50% - 4-ші көріністелу — Емдеуді толық тоқтату керек — Қатысы жоқ 3 дәреже -1-ші көріністелу — 0-1 класына жеткенше үзіліс — 75% - 2-ші көріністелу — 50% - 3-ші көріністелу — Емдеуді толық тоқтату керек — Қатысы жоқ 4 дәреже -1-ші көріністелу — Толық тоқтату керек немесе Егер дәрігер емдеуді жалғастыру пациенттің мүдделеріне сәйкес келеді деп санаса, 0-1-класына жеткенше үзіліс жасаңыз. — 50% - 2-ші көріністелу — Толық тоқтату керек — Қатысы жоқ (*) Канада Ұлттық обыр институтының (NCIC CTG) (1-нұсқа) уыттылығының жалпы критерийлеріне немесе АҚШ Ұлттық обыр институтының, 4.0 нұсқасы, Обыр емін бағалау бағдарламасының (CTCAE) жағымсыз реакцияларды бағалаудың жалпы терминологиялық критерийлеріне сәйкес. Гематологиялық уыттылық Нейтрофилдердің бастапқы саны < 1,5 × 109/л және/немесе тромбоциттер саны < 100 × 109/л болатын пациенттерді капецитабинмен емдеуге болмайды. Егер емдеу циклі кезінде жоспардан тыс зертханалық зерттеулер нейтрофилдердің саны 1,0 × 109/л-ден төмен немесе тромбоциттер саны 75 × 109/л-ден төмен түссе, капецитабинмен емдеуді тоқтату керек. Капецитабинді 3 апталық цикл ішінде басқа дәрілік заттармен біріктіріп қолданған кезде уыттылығына байланысты дозалаудың өзгеруі. Капецитабинді басқа дәрілік заттармен біріктіріп қолданудың үздіксіз режимі кезінде уыттылық құбылыстары туындаған кезде дозаның өзгеруін капецитабинге арналған 3-кестеге сәйкес және басқа дәрілік заттарды қолдану жөніндегі нұсқаулықтарға сәйкес жүргізу қажет. Енгізу әдісі мен жолы Тамақтанғаннан кейін 30 минуттан соң көп мөлшерде су ішіп, ішке қабылдайды. Таблеткаларды бүтіндей жұтып қою керек, оларды ұсақтауға және бөлшектеуге болмайды. Емдеу ұзақтығы III дәрежелі колоректальді обыры бар пациенттерге адъювантты монотерапия немесе біріктірілген ем жалпы алғанда 6 ай ұсынылады. Дәрілік препаратты қолдану тәсілін түсіндіру үшін медицина қызметкеріне кеңес беру үшін жүгіну бойынша ұсынымдар Препаратты қолдану бойынша сұрақтар болған жағдайда емдеуші дәрігерге қаралыңыз.

- капецитабинге немесе препараттың қосымша заттарының кез келгеніне жоғары сезімталдық - фторурацилге, фторпиримидиндерге жоғары сезімталдық - дигидропиримидиндегидрогеназа (ДПД) тапшылығы бар пациенттерге - жүктілік және лактация кезеңі - лейкопенияның, нейтропенияның немесе тромбоцитопенияның ауыр түрлері - бауырдың ауыр жеткіліксіздігі бар пациенттерге - бүйректің ауыр жеткіліксіздігі (креатинин клиренсі 30 мл/мин төмен) бар пациенттерге - соривудинмен немесе оның химиялық аналогтарымен, мысалы бривудинмен емдеу - 18 жасқа дейінгі балалар - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге Егер біріктірілген емнің схемасында кез-келген басқа препаратқа қарсы көрсетілімдер болса, онда капецитабинді қолдануға болмайды.

Капецитабинмен монотерапия Өте жиі • алақан-табан эритродизестезия синдромы, дерматит • диарея, құсу, жүрек айнуы, стоматит, іштің ауыруы • анорексия • қажу, астения Жиі • бөртпе, алопеция, эритема, терінің құрғауы, қышыну, терінің гиперпигментациясы, макулезді бөртпе, терінің қабыршақтануы, дерматит, пигментация, тырнақ аурулары • герпестік вирустық инфекция, назофарингит, төменгі тыныс алу жолдарының инфекциясы • нейтропения, анемия • сусыздану, салмақ жоғалту • ұйқысыздық, депрессия • тромбофлебит • гипербилирубинемия, бауыр тестісі ауытқулары • парестезия, дәм сезудің бұзылуы, бас ауыруы, бас айналуы • шамадан тыс көзден жас ағу, конъюнктивит, көздің тітіркенуі • ентігу, эпистаксис, жөтел, ринорея • АІЖ қан кету, іш қату, асқазанның жоғарғы бөлігіндегі ауырсыну, диспепсия, іштің кебуі, ауыздың құрғауы • аяқ-қолдың ауыруы, арқаның ауыруы, артралгия • дене температурасының жоғарылауы, шеткері ісіну, дімкәстану, кеуденің ауыруы Жиі емес • күлдіреуіктер, терінің ойық жарасы, бөртпе, қышыну, жарыққа сезімталдық реакциясы, алақан эритемасы, беттің ісінуі, пурпура, сәуленің әсерінен болған күйіктердің қайта белсенділенуі • буындардың ісінуі, сүйектердің ауыруы, бет ауыруы, қаңқа-бұлшықеттің қимыл шектелісі, бұлшықет әлсіздігі • өкпе эмболиясы, пневмоторакс, қан қақыру, демікпе, дене жүктемесіндегі диспноэ • ішектің бітелуі, асцит, энтерит, гастрит, дисфагия, іштің төменгі бөлігінің ауыруы, эзофагит, іш аумағының жайсыздығы, гастроэзофагеальді рефлюкс ауруы, колит, нәжістегі қан • сарғаю • гидронефроз, несеп ұстамау, гематурия, ноктурия, қандағы креатининнің жоғарылауы • қынаптық қан кету • ісіну, қалтырау, тұмауға ұқсас жағдай, қалтырау, дене температурасының жоғарылауы • тұрақсыз стенокардия, стенокардия, миокард ишемиясы, жүрекшелердің жыпылықтауы, аритмия, тахикардия, синусты тахикардия, жүректің қағуы • терең веналар тромбозы, гипертензия, петехия, гипотензия, қан кернеулері, шеткергі тоңу • сананың шатасуы, үрей шабуылдары, жабығу, либидоның төмендеуі • афазия, есте сақтау қабілетінің нашарлауы, атаксия, естен айырылу, тепе-теңдіктің бұзылуы, сезімталдықтың жоғалуы, шеткері нейропатия • көз жітілігінің төмендеуі, дипломопия • вертиго, құлақтың ауыруы • фебрильді нейтропения, панцитопения, гранулоцитопения, тромбоцитопения, лейкопения, гемолиздік анемия, халықаралық қалыптасу коэффициентінің (INR) жоғарылауы/протромбиндік уақыттың ұлғаюы • сепсис, несеп-жыныс жүйесінің инфекциясы, флегмона, тонзиллит, фарингит, ауыз қуысының кандидозы, тұмау, гастроэнтерит, зеңді инфекция, инфекция, тіс абсцессі Сирек • көз жасы арнасының стенозы, көздің мөлдір қабығы тарапынан бұзылулар, кератит, нүктелі кератит • қарыншаның жыпылықтауы, QT аралығының ұзаруы, екі бағытты тахикардия, брадикардия, вазоспазм • бауыр жеткіліксіздігі, холестаздық гепатит • жүйелі қызыл жегінің терілік түрі • Ангионевроздық ісіну: егер сіз келесі симптомдардың кез-келгенін байқасаңыз, дереу дәрігерге қаралыңыз - сізге шұғыл медициналық көмек қажет болуы мүмкін: негізінен бет, ерін, тіл немесе тамақтың ісінуі, бұл жұтынуды немесе тыныс алуды қиындатады, қышыну мен бөртпе. Бұл ангионевроздық ісінудің белгісі болуы мүмкін. • Сирек жағымсыз әсерлері (1000 адамға шаққанда 1-не дейін әсер етуі мүмкін) мыналарды қамтиды: ангионевроздық ісіну (негізінен бет, ерін, тіл немесе тамақтың ісінуі, қышыну және бөртпе). Өте сирек • уытты лейкоэнцефалопатия • Стивенс–Джонсон синдромы және уытты эпидермальді некролиз сияқты терінің ауыр реакциялары Капецитабинмен біріктірілген ем Өте жиі • алопеция, тырнақ құрылымының бұзылуы • миалгия, артралгия, аяқ-қолдың ауыруы • жұтқыншақтың дизестезиясы, тамақтың құрғауы • тромбоз/қантамырлардың эмболиясы, гипертензия, аяқтың ісінуі • тәбеттің төмендеуі • шеткері сенсорлық нейропатия, шеткері жүйкелердің нейропатиясы, дәм сезудің бұзылуы, дизестезия, бас ауыруы • көзден шамадан тыс жас ағу • нейтропения, анемия, фебрильді нейтропения, лейкопения, тромбоцитопения • дене температурасының жоғарылауы, астения, әлсіздік Жиі • белдемелі герпес, несеп шығару жолдарының инфекциялары, ауыз қуысының кандидозы, жоғарғы тыныс алу жолдарының инфекциялары, ринит, тұмау, инфекция, ауыз қуысының герпесі • сүйек кемігі жұмысының бәсеңдеуі, фебрильді нейтропения • гипокалиемия, гипонатриемия, гипомагнезиемия, гипокальциемия, гипергликемия • нейроуыттылық, тремор, невралгия, аса жоғары сезімталдық реакциялары, гипестезия • көрудің бұзылуы, көздің құрғауы, көздің ауыруы, көру жітілігінің төмендеуі, көрудің бұлыңғырлануы • құлақтағы шуыл,гипакузия • жүрекшелердің жыпылықтауы, ишемия / миокард инфарктісі • гиперемия, гипотензия, гипертониялық криз, қан кернеулері, флебит • ықылықтау, фаринголарингеальді ауыру, дисфония • АІЖ жоғарғы бөліктерінен қан кету, ойық жаралы стоматит, гастрит, іштің кебуі, гастроэзофагеальді рефлюкс ауруы, ауыз қуысының ауыруы, дисфагия, тік ішектен қан кету, іштің төменгі бөлігінің ауыруы, ауыз қуысының дизестезиясы, ауыз қуысының парестезиясы, ауыз қуысының гипестезиясы, іш аумағындағы жайсыздық • бауыр функциясының бұзылуы • гипергидроз, эритематозды бөртпе, қышыну, түнгі терлеу • жақ сүйегінің ауруы, бұлшықеттің түйілуі, тризм, бұлшықет әлсіздігі • шырышты қабықтың қабынуы, аяқтың ауыруы, ауырсыну, қалтырау, кеуденің ауыруы, тұмауға ұқсас жағдай, температураның жоғарылауы, инфузияға реакция, енгізу орнындағы реакция, инфузия орнындағы ауырсыну, инъекция орнындағы ауырсыну • қанталау • гематурия, протеинурия, бүйректік креатинин клиренсінің төмендеуі, дизурия • ұйқысыздық, мазасыздық Өте сирек - сусыздану аясындағы бүйректің жедел жеткіліксіздігі Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу, диарея, шырышты қабықтың қабынуы, асқазан-ішек жолының тітіркенуі және қан кету, сүйек кемігі функциясының тежелуі. Емі: симптоматикалық және орын басу емі

Капецитабин қабылдайтын пациенттер уыттылық белгілерін анықтау үшін мұқият бақылауды қажет етеді. Жағымсыз құбылыстардың көпшілігі қайтымды және емдеуді тоқтатуды талап етпейді, бірақ бұл ретте дозаны төмендету қажет болуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Капецитабин автокөлік жүргізу және механизмдерді басқару қабілетіне болмашы немесе орташа әсер етеді. Капецитабин бас айналуды, шаршауды және жүрек айнуын туындатуы мүмкін. Арнайы ескертулер Бүйрек жеткіліксіздігі. Бүйректің орташа жеткіліксіздігі (креатинин клиренсі 30-50 мл/мин құрайды) бар пациенттерде 3 немесе 4 дәрежелі жағымсыз реакциялардың жиілігі жалпы популяциямен салыстырғанда артады. Дигидропиримидиндегидрогеназа (ДПД) тапшылығы: ДПД белсенділігі 5-фторурацил катаболизмінің жылдамдығын шектейді. Демек, ДПД тапшылығы бар пациенттерде стоматит, диарея, шырышты қабықтың қабынуы, нейтропения және нейроуыттылықты қоса алғанда, фторпиримидиндермен байланысты уыттылық қаупі жоғары болады. Офтальмологиялық асқынулар: Пациенттер кератит және мөлдір қабықтың бұзылуы сияқты офтальмологиялық асқынулар тұрғысынан мұқият бақылауда болуы тиіс, әсіресе егер олардың анамнезінде көз аурулары бар болса. Көз ауруларын емдеу клиникалық орындылығына сәйкес басталуы керек. Терінің ауыр реакциялары: капецитабин Стивенс-Джонсон синдромы және уытты эпидермальді некролиз сияқты терінің ауыр реакцияларын туындатуы мүмкін. Капецитабинді қолдануды емдеу кезінде терінің ауыр реакциясы байқалатын пациенттерде толық тоқтату керек. Қосымша заттар Бұл препарат құрамында қосымша зат ретінде сусыз лактоза болғандықтан, сирек тұқым қуалайтын галактоза жақпаушылығы, Lapp (ЛАПП) –лактаза ферментінің тапшылығы, глюкоза-галактоза мальабсорбциясы бар пациенттерге бұл препаратты қабылдауға болмайды. Бауыр жеткіліксіздігі. Бауыр жеткіліксіздігі бар пациенттерде препараттың қауіпсіздігі мен тиімділігі туралы деректердің болмауына байланысты капецитабинді қолдануды бауырдағы метастаздардың болуына немесе болмауына қарамастан, ауырлығы жеңіл және орташа дәрежедегі бауыр функциясы бұзылған пациенттерде мұқият бақылау керек. Капецитабинді енгізуді, егер емдеуге байланысты билирубин деңгейі 3 еседен артық жоғарыласа, бауыр аминотрансферазаларының (АЛТ, АСТ) белсенділігі қалыптың жоғарғы шегінен 2,5 еседен артық болса, тоқтату керек. Капецитабинмен монотерапияны билирубин деңгейі мен бауыр трансаминазаларының белсенділігі көрсетілген шектерден төмендегенде қайта бастауға болады. Бривудин. Бривудинді капецитабинмен бір мезгілде тағайындауға болмайды. Осы дәрілік препаратпен өзара әрекеттесуден кейін өліммен аяқталған жағдайлары туралы хабарланды. Капецитабин алатын пациенттерге бривудинді кездейсоқ енгізген кезде капецитабиннің уыттылығын төмендету үшін тиімді шаралар қабылдау керек. Дереу ауруханаға жатқызу ұсынылады. Жүйелік инфекциялар мен сусызданудың алдын алу үшін барлық шараларды қабылдау қажет. Антикоагулянттар - кумарин туындылары. Варфариннің бір реттік енгізу арқылы өзара әрекеттесуін зерттеуде S-варфариннің AUC (+ 57%) орташа мәнінің едәуір ұлғаюы байқалды. Бұл нәтижелер P450 цитохромның 2C9 изоферменттік жүйесінің капецитабинмен тежелуіне байланысты өзара әрекеттесуді болжайды. Бір мезгілде капецитабин мен пероральді антикоагулянттар - кумарин туындылары алатын пациенттер өздерінің антикоагулянттық жауабын (халықаралық қалыптасқан қатынас (ХҚҚ) немесе протромбиндік уақыт (ПУ) мұқият бақылап, тиісінше антикоагулянт дозасын түзетуі тиіс. Қант диабеті немесе электролит теңгерімнің бұзылуы. Қант диабетімен ауыратын немесе электролит теңгерімі бұзылған пациенттерге сақ болу керек, өйткені капецитабинмен емдеу кезінде хал-ахуалы нашарлауы мүмкін. Орталық немесе шеткері жүйке жүйесінің аурулары. Орталық немесе шеткері жүйке жүйесінің аурулары бар пациенттерге, мысалы, мидағы метастаздарға немесе нейропатияға сақ болу керек. Гипо- немесе гиперкальциемия. Капецитабинмен емдеу кезінде гипо- немесе гиперкальциемия туралы хабарланған. Егер пациентте гипо- немесе гиперкальциемия болса, сақ болу керек. Кардиоуыттылық. Кардиотоксичность фторпиримидинмен жүргізілетін еммен байланысты болды, оның ішінде миокард инфарктісі, стенокардия, аритмия, кардиогенді шок, кенеттен болған өлім және электрокардиографиялық өзгерістер (QT аралығының өте сирек кездесетін жағдайларын қоса). Бұл жағымсыз реакциялар анамнезінде жүректің ишемиялық ауруы бар пациенттерде жиі болуы мүмкін. Капецитабин қабылдаған пациенттерде жүрек аритмиясы (қарыншалық фибрилляция, пируэтті тахикардия және брадикардияны қоса алғанда), стенокардия, миокард инфарктісі, жүрек жеткіліксіздігі және кардиомиопатия туралы хабарланған. Анамнезінде жүректің ауыр аурулары, аритмиясы және стенокардиясы бар пациенттерде сақтық таныту керек. Алақан-табан синдромы (Алақан-табан синдромы немесе химиотерапиядан туындаған алақан-табан эритродизестезиясы немесе акральді эритема деп те аталады). 1-ші дәрежелі алақан-табан синдромы пациенттің қалыпты қызметін бұзбайтын қолдың және / немесе аяқтың ұюы, дизестезия / парестезиясы, шаншуы, ауырсынусыз ісінуі немесе эритемасы және / немесе жайсыздығы ретінде айқындалады. 2-ші дәрежелі алақан-табан синдромы - бұл пациенттің күнделікті қызметіне әсер ететін қолдың және / немесе аяқтың ауырсынатын эритемасы және ісінуі және / немесе жайсыздық. 3-ші дәрежелі алақан-табан синдромы - бұл сулы десквамация, ойық жаралану, ойық жаралардың пайда болуы және қол мен аяқтағы қатты ауырсыну және / немесе пациенттің күнделікті жұмыс істей алмауына немесе жұмысты жүзеге асыра алмауына әкелетін қатты жайсыздық. Тұрақты немесе ауыр алақан-табан синдромы (2-ші және одан жоғары) нәтижесінде саусақ ізі жоғалуы мүмкін, бұл пациенттің жеке басын анықтауға әсер етуі мүмкін. 2-ші немесе 3-ші дәрежелі алақан-табан синдромы туындаған кезде капецитабинді енгізуді әсер жойылғанша немесе қарқындылығы 1-ші дәрежеге дейін төмендегенше уақытша тоқтату керек. Алақан-табан синдромынан кейін 3-дәрежелі капецитабиннің кейінгі дозаларын азайту керек. Капецитабин мен цисплатин бірге қолданылған кезде, В6 дәрумені (пиридоксин) алақан-табан синдромын симптоматикалық немесе қайталама профилактикалық емдеу үшін ұсынылмайды, өйткені ол жарияланған есептерде айтылғандай цисплатиннің тиімділігін төмендетуі мүмкін. Декспантенолдың капецитабин алған пациенттерде алақан-табан синдромының профилактикасы үшін тиімді екендігі туралы кейбір дәлелдер бар. Дегидратация. Сусызданудың алдын алу керек немесе емдеуді мүмкіндігінше ертерек бастау керек. Анорексия, астения, жүрек айнуы, құсу немесе диареямен ауыратын пациенттер дегидратацияға көбірек бейім болады. Сусыздану, әсіресе бүйрек функциясы бұзылған немесе капецитабин белгілі нефроуытты дәрілік заттармен бір мезгілде тағайындалған пациенттерде бүйректің жедел жеткіліксіздігін туындатуы мүмкін. Сусызданудан туындаған бүйректің жедел жеткіліксіздігі өлімге әкелуі мүмкін. 2-дәрежелі немесе одан жоғары дегидратация дамыған кезде Капецитабинмен емдеуді дереу тоқтатып, регидратация жүргізген жөн. Емдеуді регидратация аяқталғанға және оны тудырған факторларды жойғанға немесе түзеткенге дейін қайта бастамаған жөн. Препараттың дозасын дегидратацияға әкеп соққан жағымсыз құбылыстарға арналған ұсынымдарға сәйкес түзету керек. Доза шектеуші уыттылық Доза шектеуші уыттылыққа диарея, іштің ауыруы, жүрек айнуы, стоматит және алақан-табан синдромы (алақан-табан синдромы, алақан-табан эритродизестезиясы) жатады. Жағымсыз реакциялардың көпшілігі қайтымды және препаратты толық тоқтатуды талап етпейді, бірақ дозаны түзету немесе препаратты уақытша тоқтату қажеттілігі туындауы мүмкін. Диарея. Ауыр диареямен ауыратын пациенттер мұқият қадағалауда болуы және сусыздану жағдайында сұйықтық пен электролиттермен толықтырылуы тиіс. Диареяға қарсы стандартты препараттарды (мысалы, лоперамид) қолдануға болады. NCIC CTC бойынша 2-дәрежелі диарея нәжістің күніне 4-тен 6-ға дейін ұлғаюы немесе түнгі нәжіс ретінде анықталады; 3-дәрежелі диарея - нәжістің күніне 7-ден 9-ға дейін ұлғаюы немесе несеп ұстамау және мальабсорбция. 4 дәрежелі диарея - бұл нәжістің күніне 10 рет немесе одан да көп жоғарылауы немесе қанмен қатты аралас диарея немесе парентеральді демеу қажеттілігі. Қажет болса, дозаны азайту керек. Педиатрияда қолдану Капецитабиннің қауіпсіздігі мен тиімділігі балаларда анықталмаған.

Ұрпақ өрбіту жасындағы әйелдер/Ерлер мен әйелдердегі контрацепция Ұрпақ өрбіту жасындағы әйелдерге капецитабинмен емдеу кезінде контрацепцияның сенімді әдісін ұсынуы керек. Егер капецитабинді қабылдау кезінде әйел жынысты пациент жүкті болса, шарана үшін ықтимал қауіпті түсіндіру керек. Контрацепцияның сенімді әдісін емдеу кезінде және капецитабиннің соңғы дозасын қабылдағаннан кейін 6 ай бойы қолдану керек. Генетикалық уыттылық нәтижелеріне сүйене отырып, ұрпақ өрбіту жасындағы серіктері бар еркек жынысты пациенттер емдеу кезінде және капецитабиннің соңғы дозасын қабылдағаннан кейін 3 ай ішінде контрацепцияның тиімді тәсілдерін пайдалануы тиіс. Жүктілік Жүктілік кезінде капецитабинді қолдануға болмайды. Лактация кезеңі Капецитабинмен емдеу кезінде лактацияны тоқтату керек.

P-450 2C9 цитохромының субстраттары: варфариннен басқа, капецитабин мен CYP2C9 басқа субстраттарының өзара әрекеттесуі туралы ресми зерттеулер жүргізілген жоқ. Капецитабинді 2C9 субстраттарымен (мысалы, фенитоинмен) қолданғанда сақ болу керек. Антикоагулянттар - кумарин туындылары: капецитабинді варфарин және фенпрокумон сияқты кумарин туындыларының негізінде антикоагулянттармен бір мезгілде қабылдайтын пациенттерде коагуляция параметрлерінің өзгеруі және / немесе қан кетулер туралы хабарланды. Бұл реакциялар капецитабинмен емдеу басталғаннан кейін бірнеше күн ішінде және бірнеше айға дейін және кейбір жағдайларда капецитабинді қабылдау тоқтатылғаннан кейін бір ай ішінде пайда болды. 20 мг варфариннің бір реттік дозасынан кейін фармакокинетикалық өзара әрекеттесуді клиникалық зерттеуде капецитабинмен емдеу 91% - ға ХҚҚ мәнін арттыра отырып, S-варфариннің AUC-ы 57% - ға ұлғайтты. R-варфариннің метаболизмі өзгермегендіктен, бұл нәтижелер капецитабин 2C9 изоферментін басатынын, бірақ 1A2 және 3A4 изоферменттеріне әсер етпейтінін көрсетеді. Кумарин туындыларының негізінде антикоагулянттарды капецитабинмен бір мезгілде қабылдайтын пациенттерді олардың қанның ұю параметрлерінің (ПУ немесе ХҚҚ) өзгеру мәніне тұрақты бақылау және тиісінше антикоагулянт дозасын түзету керек. Антацидтер: құрамында алюминий және магний гидроксиді бар антацидтердің капецитабин фармакокинетикасына әсері зерттелді. Қан плазмасында капецитабин мен бір метаболит (5'-ДФЦТ) концентрациясының шамалы ұлғаюы байқалды; олар капецитабиннің үш негізгі метаболитіне (5'-ДФУР, 5-ФУ және ФБАЛ) әсер етпейді. Бривудин: бривудиннің дигидропиримидиндегидрогеназаны тежеу нәтижесінде туындайтын бривудин мен фторпиримидиндердің (мысалы, капецитабин, 5-фторурацил, тегафур) арасындағы клиникалық маңызды өзара әрекеттесуі сипатталған. Бұл өзара әрекеттесу фторпиримидиннің уыттылығының айтарлықтай жоғарылауына, тіпті өлімге әкелуі мүмкін. Сондықтан бривудинді капецитабинмен бір уақытта тағайындауға болмайды. Бривудинмен емдеуді капецитабиннің соңғы дозасын қабылдағаннан кейін 24 сағаттан соң бастауға болады. Капецитабинді бривудинмен емдеу аяқталғаннан кейін кемінде 4 аптадан кейін қолдануға болады. Бривудинмен емдеуді капецитабиннің соңғы дозасын қабылдағаннан кейін 24 сағаттан соң бастауға болады. Фенитоин: капецитабинді фенитоинмен бір мезгілде қолданған кезде бірлі-жарым жағдайларда фенитоинмен уыттану симптомдарына әкелетін плазмадағы фенитоин концентрациясының жоғарылауы туралы тіркелді. Фенитоинді капецитабинмен бір мезгілде қабылдайтын пациенттер плазмадағы фенитоин концентрациясының жоғарылауы тұрғысынан тұрақты бақылануы тиіс. Аллопуринол: аллопуринолмен өзара әрекеттесу 5-ФУ тиімділігін төмендету мүмкіндігімен 5-ФУ қолдану кезінде байқалды. Аллопуринолды капецитабинмен бір мезгілде қолданудан аулақ болу керек. Фолин қышқылы / фолий қышқылы: капецитабинмен және фолий қышқылымен біріктірілімін зерттеу фолий қышқылының капецитабин мен оның метаболиттерінің фармакокинетикасына елеулі әсер етпейтінін көрсетті. Алайда, фолий қышқылы капецитабиннің фармакодинамикасына әсер етеді және оның уыттылығы фолий қышқылымен күшейтілуі мүмкін: үзіліссіз емдеу курсында капецитабиннің ең жоғарғы көтерімді дозасы (ЕКД) күніне 3000 мг/м 2 құрайды, ал капецитабин фолин қышқылымен біріктірілген кезде (күніне 2 рет 30 мг пероральді) ол күніне 2000 мг/м2 құрайды. Уыттылықтың жоғарылауы 5-ФУ/ЛВ-дан капецитабин режиміне өткен кезде маңызды болуы мүмкін. Бұл фолий мен фолин қышқылдарының ұқсастығына байланысты фолат жетіспеушілігі кезінде фолий қышқылының қоспаларына да қатысты болуы мүмкін. Интерферон альфа: капецитабин жеке пайдаланылған күніне 3000 мг/м2 салыстырғанда альфа-2a (күніне 3 ММЕ/м2) интерферонымен біріктірілімде капецитабиннің ЕКД күніне 2000 мг/м2 құрады. Бевацизумаб: оксалиплатиннің қатысуымен капецитабиннің немесе оның метаболиттерінің фармакокинетикалық параметрлеріне бевацизумабтың клиникалық елеулі әсері байқалған жоқ. Оксалиплатин: капецитабин оксалиплатинмен біріктіріп немесе оксалиплатинмен және бевацизумабпен біріктіріп қолданғанда капецитабиннің немесе оның метаболиттерінің, бос платинаның немесе жалпы платинаның әсерінде клиникалық елеулі айырмашылықтар байқалмады. Сәулемен емдеу: Үзіліссіз емдеу курсында капецитабин ЕКД күніне 3000 мг/м2 құрайды, ал тік ішектің обыры үшін сәулемен емдеумен бірге капецитабин ЕКД үзіліссіз емдеу курсында немесе 6 апталық сәулемен емдеу курсы кезінде дүйсенбіден жұмаға дейін күнделікті қабылдау кезінде күніне 2000 мг/м2 құрайды. Тамақпен өзара әрекеттесуі Барлық клиникалық сынақтарда пациенттерге тамақты ішкеннен кейін 30 минут ішінде капецитабинді қабылдау туралы нұсқау берілді. Қауіпсіздік пен тиімділік туралы қазіргі мәліметтер тамақпен бірге қабылдауға негізделгендіктен, капецитабинді тамақпен бірге тағайындау ұсынылады. Аспен қабылдау капецитабиннің сіңу жылдамдығын төмендетеді. н емдеумен бірге капецитабин ЕЖ

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 30°С-ден аспайтын температурада сақтау керек. Балалардың қолы жетпейтін жерде сақтау керек!