Карбоплатин медак концентрат 10 мг/мл

1 мл құрамында белсенді зат – 10 мг карбоплатин қосымша зат: инъекцияға арналған су Сыртқы түрінің, иісінің, дәмінің сипаттамасы Түссізден бозғылт-сары түске дейінгі, іс жүзінде көзге көрінетін бөлшектерсіз мөлдір ерітінді

Карбоплатин медак, инфузия үшін ерітінді дайындауға арналған концентрат, монотерапия ретінде немесе ісікке қарсы басқа дәрілік заттармен біріктірілімде төмендегі онкологиялық ауруларды емдеу үшін қолданылады: • аналық бездің шығу тегі эпителийлік жергілікті таралған ісіктерінде бірінші қатардағы немесе алдыңғы ем тиімсіз болған жағдайда екінші қатардағы емінде • өкпенің ұсақжасушалы обырында

Әсер ету механизмі Карбоплатин ісікке қарсы дәрі болып табылады. Оның белсенділігі тышқан мен адамның жасушаларының бірнеше желілеріне қатысты көрсетілген. Фармакодинамикалық қасиеттері Карбоплатин цисплатинмен ұқсас биохимиялық қасиеттерге ие, сол арқылы, көбінесе тізбекаралық және тізбекішілік ДНҚ жіктерін түзеді. Карбоплатин орналасуына байланыссыз, ісіктердің ауқымды спектріне қатысты цисплатинмен салыстырымды белсенділік танытады. Сілтілік элюция әдістері мен ДНҚ байланысуын зерттеулер карбоплатин мен цисплатиннің әсер ету механизмдерінің сапасы жағынан ұқсас екенін көрсетті. Цисплатин сияқты, карбоплатин де, ДНҚ суперспиральді конформациясына өзгерістерін индукциялайды, ол «ДНҚ қысқаруы әсерімен» сәйкес келеді. Балалар Балалардағы қауіпсіздігі мен тиімділігі анықталмаған.

Дозалау режимі Бүйрек функциясы қалыпты, бұрын ем қабылдамаған ересек пациенттер үшін карбоплатиннің ұсынылатын дозасы 15 минуттан 60 минутқа дейін созылатын бір реттік венаішілік инфузия түрінде 400 мг/м2 құрайды. Баламасы ретінде дозасын есептеу үшін төменде келтірілген Кальверт формуласын пайдалануға болады: Карбоплатиннің дозасы (мг) = AUC мақсатты мәні (мг/мл x мин) x [ШСЖ мл/мин + 25], мұнда ШСЖ – шумақтық сүзіліс жылдамдығы. AUC мақсатты мәні — Жоспарлы химиотерапия — Пациенттің статусы 5 – 7 мг/мл мин — карбоплатинмен монотерапия — бұрын ем қабылдамаған 4 – 6 мг/мл мин — карбоплатинмен монотерапия — бұрын ем қабылдаған бұрын ем қабылдаған 4 – 6 мг/мл мин — карбоплатин плюс циклофосфамид — бұрын ем қабылдамаған Ескертпе: Кальверт формуласына сәйкес карбоплатиннің дозасын мг/м2 емес, мг-мен есептейді. Бұрын ісікке қарсы келесі препараттармен қарқынды ем қабылдаған пациенттер үшін Кальверт формуласын қолданбау керек: • митомицин С • нитрозомочевина • доксорубицинмен/циклофосфамидпен/цисплатинмен біріктірілген химиотерапия • бес немесе одан көп дәрілік препаратпен біріктірілген ем • сәулелік терапия ≥ 4500 рад, өлшемі 20 х 20 см аймаққа немесе бір аймақтан артыққа бағытталған. Жүргізілген емге ісіктен жауап болмаған, ауру үдеген және/немесе төзу қиын жағымсыз әсерлер дамыған жағдайда, карбоплатинмен емдеуді тоқтату керек. Карбоплатинмен емдеудің кезекті курсын, алдыңғы емдеу курсы аяқталғаннан кейін және/немесе нейтрофилдер 2 000 жасуша/мм3 төмен емес деңгейге және тромбоциттер 100 000 жасуша/мм3 төмен емес деңгейге дейін қалпына келгеннен кейін кемінде төрт аптадан соң бастауға болады («Қолдану кезінде қажетті сақтық шаралары» бөлімін қараңыз). Осының алдындағы миелосупрессивтік ем («Қолдану кезінде қажетті сақтық шаралары» бөлімін қараңыз) және функционалдық статустың төмендігі (ECOG-Зуброд бойынша 2 - 4 немесе Карновский бойынша – 80-нен төмен) сияқты қауіп факторлары бар пациенттерде карбоплатиннің бастапқы дозасын 20-25%-ға төмендету ұсынылады. Карбоплатинмен емдеудің алғашқы курстары ішінде апта сайынғы қан талдауларының көмегімен нейтрофилдердің ең аз деңгейіне жету уақытын (надир) анықтау карбоплатиннің келесі дозаларын түзету үшін қажет. Пациенттердің ерекше топтары Бүйрек функциясы бұзылған пациенттер Бүйрек функциясы бұзылған пациенттерді оңтайлы емдеу үшін карбоплатиннің дозасын тиісінше түзету және гематологиялық надир мен бүйрек функциясын анықтау үшін қанды жиі бақылау қажет («Қолдану кезінде қажетті сақтық шаралары» бөлімін қараңыз). Креатинин клиренсі 60 мл/минуттан аз пациенттерде ауыр миелосупрессияның даму қаупі жоғары болады. Ауыр лейкопения, нейтропения немесе тромбоцитопения жиілігі келесі дозалау нұсқаулары орындалған кезде шамамен 25% деңгейінде сақталады: Негізгі креатинин клиренсі — Бастапқы доза (1-ші күн) 41 – 59 мл/мин — вена ішіне 250 мг/м2 16 – 40 мл/мин — вена ішіне 250 мг/м2 Креатинин клиренсі 30 мл/мин төмен пациенттерде карбоплатинмен емдеуді бастамас бұрын пайда мен қауіптің арақатынасын жекелей түрде бағалау керек. Креатинин клиренсі 15 мл/мин немесе одан төмен пациенттерге карбоплатинді ұсыну үшін, карбоплатинді осындай пациенттерде қолдану туралы деректер жеткіліксіз. Жоғарыда көрсетілген барлық дозалау жөніндегі нұсқаулар карбоплатинмен емдеудің бастапқы курстарына қатысты. Дәрілік препараттың кейінгі дозалары пациенттің төзімділігіне және миелосупрессияның қолайлы деңгейіне сәйкес түзетілуі тиіс. Біріктірілген ем Басқа миелосупрессивтік дәрілік препараттармен біріктірілген карбоплатинмен емдеуді оңтайландыру үшін, карбоплатиннің дозасын жүргізіліп отырған химиотерапия хаттамасына сәйкес тиісінше түзету қажет («Қолдану кезінде қажетті сақтық шаралары» бөлімін қараңыз). Егде жастағы пациенттер Пациенттерге жай-күйлеріне байланысты, карбоплатиннің бастапқы немесе келесі дозаларын төмендету қажет болуы мүмкін («Арнайы ескертулер» бөлімін қараңыз). Балалар Карбоплатинді 18 жастан кіші балаларда қолданудың жеткілікті тәжірибесі жоқ болғандықтан, карбоплатинді дозалау жөнінде дәл нұсқаулар беру мүмкін емес. Енгізу әдісі мен жолы Карбоплатин тек баяу венаішілік инфузия түрінде енгізіледі. Дәрілік затпен жұмыс істеуді бастардың немесе оны енгізудің алдында қолдану қажет сақтық шаралары: Инфузия үшін ерітінді дайындауға арналған концентратты сұйылту Карбоплатин медакты инфузияға арналған 50 мг/мл (5%) глюкоза ерітіндісімен карбоплатиннің 0.4–2 мг/мл концентрациясына дейін немесе инфузияға арналған 9 мг/мл (0.9%) натрий хлориді ерітіндісімен карбоплатиннің 2 мг/мл концентрациясына дейін сұйылтуға болады. Карбоплатин алюминиймен әрекеттесіп, қара тұнба түзуі мүмкін. Құрамында карбоплатинмен әрекеттесуі мүмкін алюминийі бар инелер, шприцтер, катетерлер немесе вена ішіне енгізуге арналған жиынтықтар осы препаратты дайындау немесе енгізу үшін пайдаланылмауы тиіс. Карбоплатин медакты сұйылтуды және вена ішіне енгізуді, қорғағыш қолғап, бетке арналған бетперде және қорғағыш киімді қолданған жағдайда, үйретілген медицина қызметкері жүргізуі тиіс. Дәрілік препараттың кез келген қалдық мөлшері және сұйылту және вена ішіне енгізу үшін пайдаланылған тұтыну материалдарын, медицина мекемесінде қолданыстағы ережелерге сәйкес утилизациялау керек. Артық дозалану жағдайында қабылдау қажет болатын шаралар Симптомдары: Бір курсқа вена ішіне 1600 мг/м2 жететін дозаларда өмірге қауіп төндіретін, гранулоцитопениямен, тромбоцитопениямен және анемиямен жүретін гематологиялық жағымсыз әсерлер байқалды. Келесі гематологиялық емес жағымсыз әсерлер байқалған: шумақтық сүзіліс жылдамдығының 50%-ға төмендеуімен бүйрек функциясының бұзылуы, нейропатия, отоуыттылық, көрмей қалу, гипербилирубинемия, мукозит, диарея, бас ауыруымен жүретін жүрек айнуы және құсу, эритема және ауыр дәрежелі инфекция. Көпшілік жағдайларда естудің бұзылулары уақытша және қайтымды болды. Карбоплатиннің ұсынылғанынан артық дозаларын қолдану көрмей қалумен астасқан. Емі: карбоплатиннің артық дозалануы жағдайындағы антидоты туралы деректер жоқ. Артық дозалануының болжамды асқынулары бауыр және бүйрек функцияларының бұзылуы сияқты, сондай-ақ, есту функциясының бұзылуымен, миелосупрессиямен байланысты болуы мүмкін. Сүйек кемігінің трансплантациясы және құюлар (тромбоциттер, қан) гематологиялық жағымсыз әсерлерді бақылауға алудың тиімді әдістері болуы мүмкін. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Карбоплатин медакпен емдеуді тек ісікке қарсы препараттарды тағайындауда тәжірибесі бар дәрігерлер жүргізуі тиіс.

• әсер етуші затқа немесе қосымша заттардың кез келгеніне жоғары сезімталдық • анамнезінде құрамында платина бар препараттарға ауыр аллергиялық реакциялары бар пациенттер • бүйректің бұрыннан бар ауыр жеткіліксіздігі (креатинин клиренсі < 30 мл/мин) егер, дәрігер мен пациенттің пікірінше, емнің ықтимал артықшылықтары қауіптерінен асып түспейтін болса («Қолдану жөніндегі нұсқаулар» бөлімін қараңыз) • ауыр миелосупрессия • қанап тұрған ісіктер • сары қызбаға қарсы вакцинация («Басқа дәрілік препараттармен өзара әрекеттесуі» бөлімін қараңыз) • жүктілік және бала емізу кезеңі • 18 жасқа дейінгі балалар мен жасөспірімдер

Алынған хабарламалардың деректері бойынша, жағымсыз реакциялардың жиілігі карбоплатинді монотерапияда қабылдаған пациенттерден жинақталған деректер базасына, және тіркеуден кейінгі тәжірибеге негізделген. Карбоплатинді қолданғандағы, төменде атап келтірілген жағымсыз реакциялар келесі жиіліктермен тіркелді және хабарланды: өте жиі (> 1/10); жиі (≥ 1/100 - < 1/10 дейін); жиі емес (≥ 1/1000 - < 1/100 дейін); сирек (≥ 1/10000 - < 1/1000 дейін); өте сирек (< 1/10000) жиілігі белгісіз (жиілігін қолда бар деректердің негізінде бағалау мүмкін емес). Өте жиі • тромбоцитопения, нейтропения, лейкопения, анемия • құсу, жүрек айнуы, іш тұсының ауыруы • бүйрек жеткіліксіздігі • бүйректік креатинин клиренсінің төмендеуі, қандағы мочевина деңгейінің жоғарылауы, қандағы сілтілік фосфатаза деңгейінің жоғарылауы, аспартатаминотрансфераза деңгейінің жоғарылауы, бауыр функциясы көрсеткіштерінің ауытқулары, қандағы натрий деңгейінің төмендеуі, қандағы калий деңгейінің төмендеуі, қандағы кальций деңгейінің төмендеуі, қандағы магний деңгейінің төмендеуі Жиі • инфекциялар* • қан кету* • жоғары сезімталдық (мысалы, тері бөртпесі, есекжем, эритема, айқын себепсіз қызба немесе қышыну), анафилактоидтық реакция (ангионевроздық ісіну, беттің ісінуі, ентігу, тахикардия, артериялық қысымның төмендеуі, есекжем, анафилаксиялық шок, бронх түйілуі) • шеткері нейропатия, парестезия, терең сіңір рефлекстерінің төмендеуі, сенсорлық бұзылу, дисгевзия • көрудің бұзылуы • отоуыттылық • жүрек-қантамыр аурулары* • тыныс алу бұзылыстары, өкпенің интерстициальді ауруы, бронх түйілуі • диарея, іш қату, шырышты қабықтардың зақымданулары • алопеция, тері зақымдануы • тірек-қимыл аппаратының аурулары • урогениталий жолы ағзаларының аурулары, гиперурикемия • әлсіздік • қандағы билирубин деңгейінің жоғарылауы, қандағы креатинин деңгейінің жоғарылауы, қандағы несеп қышқылы деңгейінің жоғарылауы Жиі емес • орталық жүйке жүйесі тарапынан симптомдар (көбінесе құсуға қарсы препараттармен байланысты) • миалгия, артралгия • инфекция белгілерінсіз қызба, қалтырау жағдайлары Сирек • фебрильді нейтропения, сепсис/сепсистік шок • көрмей қалу • эксфолиативті дерматит Өте сирек • жедел промиелоциттік лейкоз Жиілігі белгісіз • пневмония • жүргізілген еммен байланысты салдарлы қатерлі ісік • гемолиздік анемия (соның ішінде өліммен аяқталатын), сүйек кемігінің жеткіліксіздігі, фебрильді нейтропения, гемолиздік-уремиялық синдром (ГУС) • сусыздану, анорексия, гипонатриемия, ісік лизисі синдромы • ми қанайналымының бұзылуы*, қайтымды артқы лейкоэнцефалопатия синдромы (ҚАЛС) , энцефалопатия • көру жүйкесінің невриті • жүрек жеткіліксіздігі*, жүректің ишемиялық ауруы (мысалы, миокард инфарктісі, жүректің тоқтап қалуы, стенокардия, миокард ишемиясы), Коунис синдромы • эмболизм*, гипертензия, гипотензия • стоматит, панкреатит • бауыр функциясының ауыр бұзылуы (бауырдың жедел некрозын қоса) • есекжем, бөртпе, эритема, қышыну • инъекция орнындағы некроз, инъекция орнындағы реакция, экстравазация, инъекция орнындағы эритема, дімкәстану * < 1%-ында өлім жағдайы, < 1%-ында жүрек-қантамыр жүйесі тарапынан өлімге соқтыратын жағымсыз реакциялар жүрек жеткіліксіздігін, эмболияны және ми қанайналымының жедел бұзылуын бірге қамтыған. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Карбоплатинмен емдеуді тек мамандандырылған онкологиялық медициналық мекемелерде ісікке қарсы препараттарды тағайындауда тәжірибесі бар дәрігерлер жүргізуі керек. Бұл медициналық мекемелер ықтимал асқынулар үшін реанимациялық терапияны қамтамасыз етуге дайын болуы қажет. Қан талдауын, сондай-ақ, бүйрек және бауыр функциясын бағалау бойынша тестілерді жүйелі түрде жүргізіп отыру қажет, ал сүйек кемігі функциясының елеулі бәсеңдеуі немесе бүйрек немесе бауыр функциясының бұзылулары дамыған жағдайда, бұл дәрілік препаратпен емдеуді тоқтату керек. Карбоплатин мутагенді және ықтимал канцерогенді зат болып табылады. Карбоплатинді сұйылту және енгізу кезінде уытты заттармен қауіпсіз жұмыс істеуге арналған сақтық шараларын қадағалау қажет. Қарбоплатин препаратын сұйылту мен енгізуді үйретілген қызметкер тиісінше қорғағыш қолғаптармен, бетперделерді және қорғаныс киімін кие отырып жүргізуі тиіс. Дәрілік препараттың кез келген қалдық мөлшері және карбоплатинді сұйылту және вена ішіне енгізу үшін пайдаланылған тұтыну материалдарын, медицина мекемесінде қолданыстағы ережелерге сәйкес утилизациялау керек. Гематологиялық уыттылығы Лейкопения, нейтропения және тромбоцитопения дозаға тәуелді және дозаны шектейтін жай-күйлер болып табылады. Карбоплатинмен емдеу кезінде шеткері қанның талдауын жиі, ал гематологиялық уыттылық дамыған жағдайларда, қан көрсеткіштері қалпына келгенге дейін жүргізу керек. Карбоплатинді монотерапияда қабылдап жүрген пациенттерде гематологиялық надирге жету медианасы 21-інші күнге, ал карбоплатинді басқа цитоуытты препараттармен біріктіріп қабылдап жүрген пациенттерде – 15-інші күнге келеді. Жалпы алғанда, карбоплатинді бір реттік курстық енгізуді лейкоциттер, нейтрофилдер және тромбоциттер деңгейлері қалыпқа түскенше жүргізбеу керек. Карбоплатинді кезекті енгізуді, алдыңғы емдеу курсы аяқталғаннан кейін және/немесе нейтрофилдер кемінде 2000 жасуша/мм3 деңгейіне және тромбоциттер кемінде 100 000 жасуша/мм3 деңгейіне дейін қалпына келгеннен кейін кемінде төрт аптадан соң жүргізуге болады. Қан құю қажет болуы мүмкін, ал ары қарай емдеу үшін дозаны төмендету ұсынылады. Анемия сирек жағдайда қан құюды қажет ететін жиі және кумулятивтік жай-күй болып табылады. Карбоплатинді қабылдаған пациенттерде, дәрілік препарат индукциялаған серологиялық антиденелердің болуымен гемолиздік анемия дамыған туралы хабарламалар бар. Бұл асқыну өлімге соқтыруы мүмкін. Бұрын ісікке қарсы ем қабылдаған (әсіресе, бұрын цисплатинді қабылдаған), және/немесе бүйрек функциясы бұзылған пациенттерде миелосупрессияның, әсіресе тромбоцитопенияның, ауырлығы арта түседі. Ондай пациенттерде карбоплатиннің бастапқы дозаларын төмендету, және препаратты енгізулер арасындағы аралықтарда қан талдауларын жиі жасау жолымен қан көрсеткіштеріне мұқият қадағалауды жүргізу керек. Карбоплатиннің миелосупрессивтік әсерін қатарлас химиотерапияның миелосупрессивтік әсерлері толықтыруы мүмкін. Ауыр және тұрақты миелосупрессиясы бар пациенттерде өлім жағдайларын қоса, инфекциялық асқынулардың қаупі жоғарылайды. Миелоуыттылық дамыған жағдайда, карбоплатинмен емдеуді үзе тұру, дозасын түзету немесе емдеуді толықтай тоқтату қажеттілігін қарастыру қажет. Емнің басқа миелосупрессивтік түрлерімен біріктірілген карбоплатинмен емдеуді, аддитивті миелосупрессивтік әсерін азайту үшін дозалары мен уақытты ескере отырып өте мұқият жоспарлау керек. Карбоплатинмен және ісікке қарсы басқа препараттармен емдеуден кейін бірнеше жылдан соң дамыған жедел промиелоциттік лейкоз және миелодисплазиялық синдром (МДС)/жедел миелоидтық лейкоз (ЖМЛ) туралы хабарламалар болған. Гемолиздік-уремиялық синдром (ГУС) Гемолиздік-уремиялық синдром (ГУС) өмірге қауіпті жағымсыз әсер болып табылады. Микроангиопатиялық гемолиздік анемияның алғашқы симптомдары мен белгілері, мысалы, қатарлас тромбоцитопениямен гемоглобиннің жылдам төмендеуі, сарысудағы билирубин, сарысудағы креатинин, қан мочевинасы азоты немесе лактатдегидрогеназа деңгейінің жоғарылауы кезінде карбоплатинмен емдеуді тоқтату керек. Бүйрек жеткіліксіздігі тіпті, емдеуді тоқтатқаннан кейін де қайтымсыз болып шығуы мүмкін, соған байланысты, диализ жүргізу қажет болуы мүмкін. Аллергиялық реакциялар Платина негізіндегі басқа препараттармен жағдайдағы сияқты, карбоплатинді енгізгенде көбінесе инфузия кезінде туындайтын аллергиялық реакциялар дамуы мүмкін, соның нәтижесінде инфузияны тоқтату және тиісінше симптоматикалық ем қажет болуы мүмкін. Құрамында платина бар дәрілік заттар арасындағы, кейде өлімге соқтырған айқаспалы реакциялар туралы хабарламалар болған. Коунис синдромына дейін үдеген жоғары сезімталдық реакциялары туралы хабарламалар бар (миокард инфарктісіне әкелуі мүмкін жедел аллергиялық коронарлық артериоспазм, «Жағымсыз реакциялардың сипаттамасы» бөлімін қараңыз). Бүйрекке уыттылығы Нефроуыттылықтың жиілігі мен ауырлығы карбоплатинмен емдеуді бастамас бұрын бүйрек функциясының бұзылуы бар болған пациенттерде артуы мүмкін. Тиісті гидратация бағдарламасы препараттың нефроуыттылығын төмендетуі мүмкін бе, белгісіз, бірақ бүйрек функциясында орташа деңгейде өзгерістер болған кезде дозаны азайту немесе карбоплатинмен емдеуді тоқтату қажет. Бүйрек функциясы қалыпты пациенттердегіге қарағанда, бүйрек жеткіліксіздігі бар пациенттерде қан түзу жүйесіне карбоплатиннің ықпалы айқынырақ және ұзағырақ болады. Бұл қауіп тобында карбоплатинмен емдеу ерекше сақтықпен жүргізілуі тиіс. Неврологиялық уыттылығы Әдетте, шеткері неврологиялық уыттылығы жиі және жеңіл түрде дамитын, және парестезиялармен және терең сіңір рефлекстерінің төмендеуімен шектелетін болса да, 65 жастан асқан пациентерде және/немесе бұрын цисплатинді қабылдаған пациенттерде оның жиілігі жоғарылайды. Мониторинг және неврологиялық тексерулерді жүйелі аралықтармен жүргізіп отыру керек. Карбоплатинді бүйрек жеткіліксіздігі бар пациенттерге ұсынылған дозаларынан артық дозаларда енгізгеннен кейін, көрмей қалуды қоса, көру қабілетіндегі бұзылулар туралы хабарланды. Көру қабілеті препараттың жоғары дозаларын енгізу тоқтатылғаннан кейін бірнеше аптаның ішінде толығымен немесе елеулі дәрежеде қалпына келеді. Асқазан-ішек жолы тарапынан бұзылыстар Карбоплатин құсуды туындатады. Құсудың жиілігі мен ауырлығын алдын ала құсуға қарсы препараттарды тағайындаумен, карбоплатинді 24 сағат бойы үздіксіз инфузия түрінде енгізумен немесе бір реттік доза түрінде емес, 5 күн бойына жекелей дозаларды инфузиялаумен азайтуға болады. Серотонинергиялық рецепторлардың 3 типті селективті тежегіштері (5-НТ3) (мысалы, ондансетрон) немесе алмастырылған бензамидтер (мысалы, метоклопрамид) құсуға қарсы әсіресе тиімді препараттар болуы мүмкін, ал рефрактерлі немесе құсу әсері ауыр пациенттерде біріктірілген терапияны қарастыруға болады. Қайтымды артқы лейкоэнцефалопатия синдромы (ҚАЛС) Карбоплатинді біріктірілген химиотерапия режимінде қабылдаған пациенттерде қайтымды артқы лейкоэнцефалопатия синдромы (ҚАЛС) жағдайлары туралы хабарламалар болған. ҚАЛС – бұл сирек, емдеуді тоқтатқаннан кейін қайтымды, жылдам өрбитін неврологиялық жай-күй, ол конвульсияны, гипертензияны, бас ауыруын, сананың шатасуын, соқырлықты және басқа, көру қабілетіндегі және неврологиялық бұзылуларды қамтиды. ҚАЛС диагностикасы миды көріністеу, дұрысы МРТ (магнитті-резонансты томография) деректеріне негізделеді. Бауырдың веноокклюзиялық ауруы Бауырдың веноокклюзиялық ауруы жағдайлары (синусоидтық обструкция синдромы) туралы хабарланды. Олардың кейбіреулері өлімге соқтырған. Пациенттерде бауыр функциясы бұзылуларының немесе порталдық гипертензияның белгілері мен симптомдарының бар-жоқтығын қадағалау керек, олардың бауырда метастаздар нәтижесінде дамымағаны анық. Ісік лизисі синдромы (ІЛС) Тіркеуден кейінгі кезеңде карбоплатинді монотерапия режимінде немесе ісікке қарсы басқа препараттармен біріктіріп енгізгенде ісік лизисі синдромы туралы хабарламалар пайда болды. Ісік массасы жылдам ұлғаятын және цитоуытты дәрілерге сезімталдығы жоғары пациенттер сияқты, ІЛС қаупі жоғары пациенттерді мұқият қадағалау керек, сондай-ақ, тиісінше сақтық шараларын қадағалау керек. Карбоплатинді дозалау Егер ШСЖ Кокрофт-Голт формуласы бойынша бағаланса, пациенттердің кейбір қосалқы топтары (мысалы, 40 жастан 59 жасқа дейінгі пациенттер, дене салмағы индексі 20-25 пациенттер) толық емделмеу қаупі аса жоғары болады. Карбоплатинмен емнің емдеп жазатын әсеріне қол жеткізу үшін ШСЖ дәл анықтаудың ерекше маңыздылығын ескере отырып, егер мүмкін болса, ШСЖ стандартты әдістермен (инулин, 51Cr-EDTA, 99mTc-DTPA, 125I-иоталамат немесе йогексол) анықтаған дұрыс. Басқа да Карбоплатинмен емдеу кезінде естудің бұзылулары туралы хабарланды. Отоуыттылығы балаларда айқынырақ болуы мүмкін. Балаларда кейінірек басталған естімей қалу жағдайдары туралы хабарланды. Пациенттердің бұл тобында ұзақмерзімді аудиометриялық қадағалау жүргізу ұсынылады. Карбоплатинді қоса, цитоуытты препараттарды енгізумен иммунокомпрометацияланған пациенттерді тірі немесе тірі аттенуирленген вакциналармен вакцинациялау, ауыр немесе өлімге соқтыратын инфекциялардың дамуына алып келуі мүмкін. Карбоплатинді қабылдаған пациенттерді тірі вакциналармен вакцинациялауды жүргізбеген дұрыс. Өлі немесе белсенділігі жойылған вакциналармен вакцинациялауға болады; алайда, ондай вакциналарға иммундық жауап төмендеуі мүмкін. Карбоплатиннің канцерогендік потенциалы зерттелмеген, алайда әсер ету механизмі мен мутагенділігі ұқсас қосылыстар канцерогенді екендігі туралы хабарланған. Емдеу кезінде және одан кейін кемінде 6 ай бойы жүктілікті болдырмау үшін тиісті шараларды қабылдау қажет. Сондай-ақ ерлер емдеу кезінде және емдеуден кейін кемінде 3 ай бойы сақтық шараларын қабылдаулары қажет, өйткені карбоплатиннің мутагендік потенциалына байланысты адам шәуһетіндегі хромосомалар бұзылулары мүмкін. Егер бала туу жоспарланса, емдеуді бастамас бұрын шәуһетті криоконсервациялау туралы кеңес алу ұсынылады. Жүкті әйелдер карбоплатинмен байланыста болудан аулақ болулары керек. Арнайы ескертулер Егде жастағы пациенттер Егде жастағы пациенттерде бүйрек функциясы жиі төмендейтіндіктен, мұны карбоплатиннің дозасын белгілеген кезде ескеру керек. Балалар Балаларда қолданудың қауіпсіздігі мен тиімділігі анықталмаған.

Жүктілік Карбоплатин жүктілік кезінде қолданылғанда шаранаға зиянын тигізуі мүмкін. Егер бұл дәрілік препарат жүктілік кезінде қолданылса, немесе егер жүктілік осы дәрілік препаратты қолданудың аясында туындаса, пациент әйел шарана үшін ықтималды қауіп туралы хабардар болуы тиіс. Бала туатын жастағы әйелдер емделу кезінде және ем аяқталғаннан кейін кемінде 6 ай бойы контрацепцияның тиімді әдістерін қолданулары тиіс. Бала емізу Карбоплатиннің немесе құрамында платина бар оның метаболиттерінің емшек сүтімен бөлінетіні толық анық емес. Дегенмен, карбоплатинмен емдеу кезінде емшек еметін жастағы нәрестелердегі елеулі жағымсыз реакциялардың даму ықтималдығына байланысты, емшек емізуді тоқтату керек («Қолдануға болмайтын жағдайлар» бөлімін қараңыз). Фертильділік Ісікке қарсы ем қабылдаған пациенттерде, аменореяға немесе азооспермияға алып келетін гонадтар бәсеңдеуі байқалуы мүмкін. Бұл әсерлері, дозасымен және емдеу ұзақтығымен байланысты болуы ықтимал және қайтымсыз болуы мүмкін. Ісікке қарсы бірнеше препараттың бірікірілімдері жиі қолданылатындықтан, аталық бездер немесе аналық бездер функциясы бұзылуының дәрежесін болжау қиын, бұл жекелеген дәрілік заттардың әсерлерін бағалауды қиындатады. Карбоплатин гендік уытты болып табылады. Балалы бола алатын жастағы, карбоплатинмен ем қабылдап жүрген ерлерге, барлық емделу кезеңі және емдеу тоқтатылғаннан кейін кемінде 3 ай бойына контрацепцияның тиімді құралдарын қолдану, сондай-ақ, емдеуді бастағанға дейін шәуһетті консервациялау мүмкіндігі туралы кеңес алу қажет, өйткені карбоплатин қайтымсыз бедеулікті тудыруы мүмкін. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Карбоплатин жүрек айнуын, құсуды, көру мен естудің бұзылуларын; тудыруы мүмкін, демек, пациенттерге олардың, көлік құралдары мен қауіптілігі зор механизмдерді басқару қабілетіне әсер етуі мүмкіндігін ескерту керек.

Карбоплатин көбінесе ұқсас цитоуытты әсерлері бар ісікке қарсы препараттармен бірге қолданылады. Мұндай жағдайларда аддитивті уыттылық пайда болуы мүмкін. Карбоплатинді басқа миелосупрессиялық препараттармен біріктіргенде, карбоплатиннің және/немесе қосымша тағайындалған препараттардың сүйек кемігіне әсері күшеюі мүмкін. Басқа нефроуытты препараттармен бір мезгілде ем қабылдап жүрген пациенттерде карбоплатиннің бүйректік клиренсінің төмендеуіне байланысты неғұрлым ауыр және ұзартылған миелоуыттылықтың даму қаупі жоғары. Онкологиялық аурулар кезінде тромбоз қаупінің жоғарылығына байланысты, антикоагулянттық ем жиі қолданылады. Онкологиялық аурулар кезінде қан ұюының жекелей жоғары ауытқымалылығы және пероральді антикоагулянттардың ісікке қарсы химиотерапиямен өзара әрекеттесуі мүмкіндігі пациентке пероральді антикоагулянттарды тағайындаған кезде халықаралық қалыптастырылған қатынасты (ХҚҚ) жиірек бақылауды қажет етеді. Бір мезгілде қолдануға болмайды • Сары қызбаға қарсы вакцина: жайылған инфекцияның өлімге соқтыру қаупі бар. Бір мезгілде қолдану ұсынылмайды • Тірі аттенуирленген вакциналар (сары қызбаны қоспағанда): жүйелі, өлімге соқтыруы мүмкін инфекциялық үдеріс қаупі бар. Негізгі аурумен иммунокомпрометацияланған пациенттерде қауіп жоғары. Бар болған жағдайда, белсенділігі жойылған вакцинаны (полиомиелит) қолдану. • Фенитоин, фосфенитоин: цитоуытты дәрілік препараттардың әсерінен фенитоиннің ас қорыту жолында сіңуінің төмендеуі нәтижесінде конвульсиялардың өршу қаупі немесе уыттылығының күшеюі немесе фенитоиннің әсерінен бауырдағы метаболизмінің жоғарылауы салдарынан цитоуытты дәрілік препаратардың тиімділігінің жоғалуы қаупі бар. • Аминогликозидтер, ванкомицин, капреомицин және диуретиктер сияқты нефроуытты немесе отоуытты препараттармен бір мезгілде қолдану ұсынылмайды, өйткені бұл препараттардың, әсіресе бүйрек жеткіліксіздігі бар пациенттерде, карбоплатиннен туындаған бүйрек клиренсінің өзгеруіне байланысты уыттылықтың жоғарылауына немесе ұзағырақ болуына әкелуі мүмкін. Бір мезгілде қолданылуын ескеру керек • Циклоспорин (және экстраполяциясы бойынша такролимус және сиролимус): лимфопролиферация қаупі бар шамадан тыс иммуносупрессия. • Ілмектік диуретиктер: кумулятивтік нефроуыттылығына және отоуыттылығына байланысты, карбоплатиннің ілмектік диуретиктермен бір мезгілде қолданылуын ескеру керек. • Карбоплатин мен хелаттайтын агенттерді бір мезгілде енгізбеген дұрыс, өйткені теориялық тұрғыдан бұл карбоплатиннің ісікке қарсы әсерінің төмендеуіне алып келуі мүмкін. Алайда, жануарларға жүргізілген зерттеулердің және клиникалық тәжірибенің деректері бойынша, диэтилдитиокарбаматты енгізу карбоплатиннің ісікке қарсы әсеріне ықпалы тигізбейді.

Сақтау мерзімі 2 жыл Жарамдылық мерзімі өткеннен кейін қолдануға болмайды. Құтысын ашқаннан және инфузияға арналған ерітіндіні дайындағаннан кейінгі жарамдылық мерзімі Карбоплатиннің сұйылтылғаннан кейінгі химиялық және физикалық тұрақтылығы глюкозаның инфузияға арналған 50 мг/мл (5%) ерітіндісінде бөлме температурасында 72 сағат бойы және натрий хлоридінің инфузияға арналған 9 мг/мл (0.9%) ерітіндісінде, жарықтан қорғалған жерде сақтаған жағдайда 2-ден 8 °С-ге дейінгі температурада 24 сағат бойы сақталатындығы көрсетілді. Алайда, карбоплатинді натрий хлоридінің 9 мг/мл (0.9%) ерітіндісінде сұйылтумен дайындалған, инфузияға арналған ерітіндіні дайындағаннан кейін бірден қолдану ұсынылады. Микробиологиялық тұрғыдан, препараттың ерітіндісін дереу пайдалану керек. Егер карбоплатин ерітіндісі сұйылтылғаннан кейін бірден пайдаланылмаса, сақтау уақыты мен шарттары үшін медицина қызметкері жауап береді, ол әдетте, сұйылту стандартты асептикалық шарттарды сақтай отырып жүргізілген жағдайларда 2-ден 8 °C-ге дейінгі температурада 24 сағаттан аспауы тиіс. Сақтау шарттары Жарықтан қорғау үшін түпнұсқалық қаптамасында 25 ºС-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!