Карнилев оральный 100 мг/1 мл

Бір мл препараттың құрамында белсенді зат - левокарнитин 100 мг, қосымша заттар: алма қышқылы, метилпарабен, пропилпарабен, натрий сахаринатының дигидраты, апельсин хош иістендіргіші, тазартылған су. Сыртқы түрінің, иісінің, дәмінің сипаттамасы Түссізден сәл сарғыш түске дейін мөлдір ерітінді, бірақ Y5 салыстыру ерітіндісінен қарқынды емес.

- ересектер мен 12 жастан асқан балалардағы карнитиннің бастапқы және салдарлы тапшылығы.

Әсер ету механизмі L-карнитин жануарлардың, микроорганизмдердің және өсімдіктердің тіндерінде табиғи компонент ретінде кездеседі. Адам организмде қалыпты метаболизмнің қажеттіліктері құрамында карнитин бар өнімдерді тұтыну, сондай-ақ метил тобының донорлары болып табылатын лизин мен метиониннен бауыр мен бүйректегі эндогендік синтез есебінен толықтырылады. Тек карнитиннің L-изомері (левокарнитин) биологиялық белсенді болып табылады және липидтер алмасуында, кетонды денелердің метаболизмінде, амин қышқылдардың тізбегі ретінде маңызды рөл атқарады. L-карнитин митохондриядағы ұзын тізбекті май қышқылдарын тасымалдауға қатысады (май қышқылдарының тотығуына ықпал етеді), яғни цитоплазмадан митохондрияға жасуша жарғақшалары арқылы май қышқылдарының тасымалдаушысы ретінде қатысады, онда АТФ түрінде метаболизмдік энергияның көп мөлшерін қалыптастыру үшін бета-тотығу процесіне ұшырайды. Левокарнитин Кребс циклінің жұмысын жақсартады (СоА босап шығару, карнитин ацетилтрансфераза ферментінің қатысуымен СоА әрекеті), қаңқа бұлшықеттеріндегі пируватдегидрогеназа белсенділігін және тармақталған тізбекті амин қышқылдарының тотығуын стимуляциялайды. Осылайша, левокарнитин тікелей немесе жанама түрде метаболизмнің әртүрлі процестеріне қатысады және май қышқылдары мен кетонды денелер тотығуының ғана емес, сонымен қатар глюкоза мен кейбір амин қышқылдарының маңызды факторы болып табылады.

Дозалау режимі Ересектерге мен 12 жастан асқан балаларға. Оңтайлы дозаны анықтау үшін қан плазмасындағы және несептегі бос және ацильді левокарнитин деңгейін өлшеу арқылы емді бақылау ұсынылады. Доза метаболизмдік бұзылулардың ауырлығына және емдеу кезеңіндегі препаратқа реакцияға байланысты. Алайда, жалпы нұсқау ретінде келесі деректерді келтіруге болады. Кейбір аурулар кезінде ұзақ уақыт бойы қолдану үшін бөлінген дозаларда (2-ден 4-ке дейін) күніне 200 мг/кг-ға дейін пероральді доза ұсынылады, басқа жағдайларда анағұрлым төмен дозалар жеткілікті. Егер клиникалық және биохимиялық көрсеткіштер жақсармаса, дозаны қысқа уақытқа арттыруға болады. Тәулігіне 400 мг/кг-ға дейінгі жоғары дозалар жедел метаболизмдік бұзылулардың орнын толтыру үшін ғана көрсетілген (мұндай жағдайларда Карнилев препараты, инъекцияға арналған ерітіндіні вена ішіне енгізу қажет болуы мүмкін). Гемодиализ - демеуші ем. Емдеуді Карнилев препараты, инъекцияға арналған ерітіндіні вена ішіне енгізу арқылы бастаған жөн. Демеуші емді күніне 1 г дозада оральді ерітінді, Карнилев препаратымен жүргізу ұсынылады, оны әр диализ сеансынан кейін қабылдап отыру қажет. Енгізу әдісі және жолы ТЕК ПЕРОРАЛЬДІ ҚОЛДАНУҒА АРНАЛҒАН. Препаратты ішке қабылдайды, ерітіндіні сұйылтылмаған күйінде немесе сумен немесе жеміс шырынымен сұйылтып ішуге болады.

- әсер етуші затқа немесе қосымша заттардың кез келгеніне аса жоғары сезімталдық

Өте сирек - құсу, жүрек айнуы, диарея, абдоминальді түйілуі - дененің өзіне тән иісі - аценокумаролмен немесе варфаринмен бір мезгілде қолданғанда қан ұюының нашарлауы. Дозаны азайту көбіне, препаратты қабылдаумен байланысты пациент денесінен шығатын иісті немесе асқазан-ішек симптомдарын азайтады немесе жояды.

Левокарнитинмен артық дозалану кезіндегі уытты әсер туралы хабарламалар болған жоқ.

Инсулин немесе пероральді гипогликемиялық препараттарды қабылдайтын, қант диабетіне шалдыққан пациенттерге Карнилев препаратын тағайындау глюкоза сіңірілуінің жоғарылау салдарынан гипогликемияны туындатуы мүмкін, сондықтан пациенттердің осы санатында препаратпен емдеу кезінде гипогликемиялық препараттарды дозалау режимін түзету үшін қан плазмасындағы глюкоза деңгейін үнемі бақылау керек . Таблетка түріндегі левокарнитиннің қауіпсіздігі мен тиімділігі бүйрек жеткіліксіздігі бар пациенттерде бағаланбаған. Карнилев препаратының жоғары дозаларын ұзақ уақыт бойы бүйрек функциясының ауыр бұзылулары бар немесе бүйрек жеткіліксіздігінің терминальді сатысындағы диализде жүрген пациенттерге ішке қабылдау ұсынылмайды, себебі бұл уыттылығы зор триметиламин метаболиттерінің (TMA) және триметил-N-тотығының (TMAO) жиналуына әкелуі мүмкін, олар әдетте несеппен шығарылады. Пероральді ерітіндінің құрамында натрий сахаринатының дигидраты бар. Мұны қант диабетімен ауыратын науқастарды, тұқым қуалайтын сахараза-изомальтаза жеткіліксіздігі бар пациенттерді, фруктоза жақпаушылығы синдромын, глюкоза мен галактоза мальабсорбциясы синдромын немесе арнайы гипокалориялық диеталарды ұстанатын пациенттерді емдеу кезінде ескеру қажет. Левокарнитинмен бір мезгілде кумарин қатарының антикоагулянттарын қабылдаған пациенттерде Халықаралық қалыптасқан қатынастың (ХҚҚ) жоғарылауы туралы өте сирек хабарламалар алынды. Арнайы ескертулер Фертильділік Фертильділікке қатысты жүргізілген үш шағын клиникалық зерттеуде қауіпсіздікке қатысты мәселелер анықталған жоқ, бірақ левокарнитиннің фертильділікке әсерін бағалау үшін қосымша зерттеулер қажет Жүктілік Репродуктивті уыттылық зерттеулері егеуқұйрықтар мен үй қояндарында жүргізілді. Жануарлардың бұл түрлеріне тератогендік әсер ететіні туралы ешқандай дәлел жоқ. Үй қояндарында (бірақ егеуқұйрықтарда емес) жануарлардың бақылау тобымен салыстырғанда ең жоғары дозада (күн сайын 600 мг/г) статистикалық тұрғыдан маңызды емес имплантация шығынының саны байқалды. Бұл нәтижелердің адам үшін маңыздылығы белгісіз. Карнитиннің бастапқы жүйелі тапшылығы бар жүкті әйелдерде қолдану тәжірибесі жоқ. Карнитиннің бастапқы жүйелі тапшылығы бар жүкті әйел үшін емдеуді тоқтатудың ауыр салдарын ескере отырып, егер емдеу жалғасса, шаранаға әсер етудің теориялық қаупіне қарағанда емдеуді тоқтатқан кезде ана үшін қауіп анағұрлым жоғары болады. Лактация Левокарнитин емшек сүтінің әдеттегі компоненті болып табылады. Бала емізетін аналарда левокарнитин қоспаларын қолдану зерттелмеген. Жоғарыда атап көрсетілгеннің барлығын ескере отырып, жүкті әйелдерге препаратты ана үшін болжамды пайдасы мен шарана/бала үшін ықтимал қаупін мұқият салыстыра отырып, аса қажет болған жағдайда ғана тағайындауға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат ерекше назар аударуды және психомоторлық реакциялардың жылдамдығын қажет ететін қауіптілігі зор әрекеттерді орындауға әсер етпейді.

Нұсқаулықта көрсетілмеген.

Левокарнитинмен бір мезгілде кумарин қатарының антикоагулянттарын (аценокумарол және варфарин) қабылдаған пациенттерде Халықаралық қалыптасқан қатынастың (ХҚҚ) жоғарылауы туралы өте сирек хабарламалар бар.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!