Катаксол капли 0,015 %

1 мл препараттың құрамында: белсенді зат - 0,15 мг азапентацен полисульфонат натрий, қосымша заттар: бор қышқылы, натрий тетрабораты декагидраты, калий хлориді, тимеросал, метилгидроксибензоат, пропилгидроксибензоат, натрий гидроксиді, тазартылған су. Сыртқы түрінің, иісінің, дәмінің сипаттамасы Ашық-қызыл түсті мөлдір ерітінді

- қарттық катаракта - жарақаттық катаракта - туа біткен катаракта - салдарлы катаракта. Қолдану басталғанға дейін қажетті мәліметтер тізбесі

Азапентацен еритін көз бұршағы протеиндерінің сульфгидрил топтарын тотығудан және одан әрі деградациядан қорғай отырып, хош иісті аминқышқылдарының метаболизмінің бұзылуы нәтижесінде пайда болатын хиноидты құрылымдағы заттардың әсерін тежейді; көздің алдыңғы камерасындағы сулы сұйықтықта кездесетін протеолиздік ферменттерді белсендіреді.

Дозалау режимі Ұсынылған доза тәулігіне 3-5 рет зақымданған көздің (екеуіне) конъюнктивалық қалтасына 2 тамшы ерітіндіні құрайды. Енгізу әдісі мен жолы Препарат тек офтальмологияда жергілікті қолдануға арналған. Дәрілік препаратты қолдану тәсілін түсіндіру үшін медициналық қызметкердің кеңесіне жүгіну бойынша ұсынымдар Дәрілік препаратты қолдану бойынша сұрақтар туындаған жағдайда дәрігермен немесе фармацевтпен кеңесу керек.

- белсенді затқа немесе препараттың қосымша заттарының кез келгеніне аса жоғары сезімталдық

Жағымсыз реакциялардың жиілік параметрлері келесідей анықталады: өте жиі (≥1/10); жиі (≥1/100, бірақ < 1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес). Көру мүшесі тарапынан: - жиілігі белгісіз - көздің ауыруы, көздің тітіркенуі, көзден жас ағу, конъюнктивалық инъекция, аллергиялық реакциялар, көз аймағындағы жайсыздық, «құрғақ көз» синдромы. Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты жергілікті қолданғанда артық дозалану екіталай. Препараттың артық мөлшері көзге түскен кезде көзді жылы сумен шаю ұсынылады.

Жанаспалы линзаларды қолданатын пациенттерге препаратты қолданар алдында линзаларды шешіп, препаратты тамызғаннан кейін кемінде 15 минуттан соң қайтадан тағу керек. Арнайы ескертулер Катаксол ұзақ мерзімді емге арналған, жай-күйі тез жақсарған жағдайда да емдеуді тоқтатпау ұсынылады. Қосымша заттар Катаксол құрамында аллергиялық реакцияларды тудыруы мүмкін тимеросал консерванты бар. Препараттың құрамында сондай-ақ, аллергиялық реакцияларды, оның ішінде кешеуілдеген түрін тудыруы мүмкін метилпарагидроксибензоат және пропилпарагидроксибензоат консерванттары бар. Катаксол құрамында 1,1 мг борға сәйкес келетін 1 мл ерітіндіде 6,3 мг бор қышқылы бар.

Жүкті әйелдерде жергілікті офтальмологиялық қолдануға арналған азапентацен препараттарын қолдану туралы деректер жоқ немесе шектеулі. Жүкті әйелдерді емдеу үшін Катаксол препаратын қолдану, егер күтілетін емдік әсер ықтимал жағымсыз реакциялардың даму қаупінен асатын жағдайда, емдеуші дәрігердің тағайындамасы бойынша ғана мүмкін болады. Қазіргі уақытта азапентаценді және/немесе метаболиттерді жергілікті офтальмологиялық қолданудан кейін адамның емшек сүтімен бөліну-бөлінбеуі белгісіз, бірақ еметін нәресте үшін қауіпті жоққа шығаруға болмайды. Бала емізу кезінде препаратты қолдану ұсынылмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Катаксол препаратын қолданғаннан кейін уақытша бұлыңғыр көру немесе басқа көру бұзылыстары көлік жүргізу немесе механизмдерді пайдалану мүмкіндігіне әсер етуі мүмкін. Егер Катаксол препаратын тамызғаннан кейін бұлыңғыр көру пайда болса, көлік құралдарын басқарудан және механизмдермен жұмыс істеуден бас тарту және көру айқындығының қалпына келуін күту ұсынылады.

Клиникалық маңызды өзара әрекеттесулер сипатталмаған.

Сақтау мерзімі 3 жыл. Құтыны ашқаннан кейін препаратты 4 апта ішінде пайдалану керек. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!