Катенокс раствор 2000 анти-Ха МЕ/0.2 мл

1 шприцтің ішінде белсенді зат - натрий эноксапарині 20 мг (2000 анти-Ха ХБ баламалы) немесе 40 мг (4000 анти-Ха ХБ баламалы), қосымша зат: инъекцияға арналған су. Сыртқы түрінің, иісінің, дәмінің сипаттамасы Мөлдір ерітінді, түссізден ашық сары түске дейін, көзге көрінетін бөлшектерсіз.

- орташа немесе жоғары қаупі бар хирургиялық араласымдар кезінде, атап айтқанда онкологиялық операцияны қоса, ортопедиялық немесе жалпы хирургиялық операцияны бастан өткерген пациенттерде вена тромбоэмболиясы ауруларының профилактикасы үшін - келесілерді қамтитын жедел аурулары бар терапиялық пациенттерде вена тромбоэмболиясы ауруларының профилактикасы үшін: • жүректің жедел жеткіліксіздігі • тыныс алудың жедел жеткіліксіздігі • ауыр инфекциялық немесе ревматизмдік аурулар • вена тромбоэмболиясы қаупі жоғары болғанда қозғалғыштықтың төмендеуі - тромболитикалық дәрілермен немесе хирургиялық жолмен емдеуді қажет етуі мүмкін ӨАТЭ қоспағанда, өкпе артериясының тромбоэмболиясымен (ӨАТЭ) біріккен терең веналар тромбозын (ТВТ) емдеу үшін - терең веналар тромбозын (ТВТ) және өкпе артериясының тромбоэмболиясын (ӨАТЭ) ұзақ уақыт емдеу және белсенді обыры бар пациенттерде олардың рецидивтерінің профилактикасы - гемодиализ кезіндегі жасанды қанайналым кезінде тромб түзілуінің профилактикасы үшін. Жедел коронарлық синдром кезінде: - тұрақсыз стенокардияны және ST сегментінің көтерілуінсіз миокард инфарктісін ацетилсалицил қышқылымен біріктіріп емдеу үшін. ST сегментінің көтерілуімен жедел миокард инфарктісін емдеуде, соның ішінде, қажетті старттық 30 мг дозасын енгізудің мүмкін болмауына байланысты, дәрі-дәрмекпен немесе кейіннен тері арқылы жүргізілетін коронарлық араласымның (ТКА) көмегімен емделуі тиіс пациенттерде қолданылмайды, өйткені Катенокс препаратының 2000 анти-Ха ХБ/0.2 мл (20 мг) және 4000 анти-Ха ХБ/0.4 мл (40 мг) дозалы шприцтерінде бөлгіш шкала /градуировка жоқ, бастапқы дозаны енгізу қажет болмайтын егде жастағы пациенттерді қоспағанда.

Әсер ету механизмі Катенокс биосимиляр болып табылады. Эноксапарин – бұл стандартты гепариннің тромбозға қарсы және антикоагулянттық әсерлері өзара байланыспаған, орташа молекулалық салмағы 4500 дальтон болатын төмен молекулалы гепарин. Дәрілік субстанция – натрий тұзы. Тазартылған in vitro жүйесінде натрий эноксапарині жоғары анти-Xa белсенділікке (шамамен 100 ХБ/мл) және төмен анти-IIa немесе тромбозға қарсы (шамамен 28 ХБ/мл) белсенділікке 3,6 арақатынасында ие. Бұл антикоагулянттық белсенділіктер антитромбин III (АТ-III) байланысты, бұл адамдарда тромбозға қарсы белсенділікке әкеледі. Анти-Ха/IIа белсенділіктен басқа, дені сау адамдар мен пациенттерде, сондай-ақ клиникалық емес модельдерде эноксапариннің тромбозға қарсы және қабынуға қарсы қосымша қасиеттері де анықталды. Бұл VIIа факторы сияқты басқа ұю факторларының АТ-III-әуелді тежелуін, эндогендік тіндік фактор жолының тежегішінің (ТФЖТ) босап шығуының белсенділенуін, сондай-ақ Виллебранд факторының тамырлар эндотелийінен қанағымына босап шығуының төмендеуін қамтиды. Бұл факторлар жалпы алғанда натрий эноксапаринінің антикоагулянттық әсерін қамтамасыз етеді. Профилактикалық дозаларда натрий эноксапарині ішінара белсенділенген тромбопластин уақытына (ІБТУ) айтарлықтай ықпалын тигізбейді. Емдік дозаларында ІБТУ белсенділігінің жоғарғы шегінде бақылану уақытынан 1,5-2,2 есе ұзаруы мүмкін. Клиникалық тиімділігі және қауіпсіздігі Хирургиялық араласыммен байланысты вена тромбоэмболиясының профилактикасы Ортопедиялық операциядан кейін ВТЭ кеңейтілген профилактикасы Ұршықбуынын алмастыру операциясы жасалған пациенттерге арналған кеңейтілген профилактиканы салыстырмалы жасырын зерттеуде бастапқыда ауруханаға жатқызылған кезде тері астына натрий эноксапаринін 4000 ХБ (40 мг) қабылдаған вена тромбоэмболиясы жоқ 179 пациент шығарылғаннан кейін натрий эноксапаринін 4000 ХБ (40 мг) (n=90) теріастына күніне бір рет режимі тобына немесе 3 апта бойы плацебоға (n=89) рандомизацияланды. Кеңейтілген профилактика кезінде тереңдегі вена тромбозының жиілігі плацебомен салыстырғанда натрий эноксапарині үшін айтарлықтай төмен болды, бір де бір ӨАТЭ тіркелмеді. Ешқандай ауыр қан кету байқалмады. Тиімділік бойынша деректер төмендегі кестеде берілген. Натрий эноксапарині 4000 ХБ (40 мг) күніне бір рет тері астына n (%) — Плацебо күніне бір рет тері астына n (%) Кеңейтілген профилактика курсынан өткен барлық пациенттер — 90 (100) — 89 (100) Барлық ВТЭ — 6 (6.6) — 18 (20.2) Тереңдегі веналардың жалпы тромбозы (%) — 6 (6.6)* — 18 (20.2) Терең веналардың проксимальді тромбозы (%) — 5 (5.6)# — 7 (8.8) *плацебоға қарсы p-мәні = 0,008 # плацебоға қарсы p-мәні = 0,537 Екінші салыстырмалы жасырын зерттеуде ВТЭ жоқ және ұршықбуынын алмастыру операциясы жасалған бастапқыда ауруханаға жатқызылған кезде тері астына натрий эноксапаринін 4000 ХБ (40 мг) қабылдаған 262 пациент шығарылғаннан кейін натрий эноксапаринін 4000 ХБ (40 мг) (n=131) теріастына күніне бір рет режимі тобына немесе 3 апта бойы плацебо тобына (n=131) рандомизацияланды. Бірінші зерттеуге ұқсас кеңейтілген профилактика кезінде ВТЭ жиілігі плацебомен салыстырғанда натрий эноксапарині үшін, жалпы ВТЭ үшін де (натрий эноксапарині 21 [16%] плацебомен салыстырғанда 45 [34,4%]; p=0,001), проксимальді ТВТ үшін де (натрий эноксапарині 8 [6,1%] плацебомен салыстырғанда 28 [21,4%]; p=<0,001) айтарлықтай төмен болды. Натрий эноксапарині мен плацебо топтары арасында ауыр қан кетулердің жиілігінде ешқандай айырмашылық анықталмады. Онкологиялық операциядан кейін тереңдегі вена тромбозының кеңейтілген профилактикасы Салыстырмалы жасырын көп орталықты зерттеу құрсақ қуысы немесе жамбас обырына байланысты жоспарланған операция жасалған 332 пациенттің қауіпсіздігі мен тиімділігі тұрғысынан натрий эноксапарині профилактикасының төрт апталық және бір апталық режимдерін салыстырды. Пациенттер натрий эноксапаринін (тері астына 4000 ХБ (40 мг)) күн сайын 6-10 күн бойы қабылдады, содан кейін кездейсоқ түрде натрий эноксапаринін немесе плацебоны тағы 21 күн алу үшін бөлінді. Екіжақты флебография 25-ші және 31-күндер аралығында немесе егер вена тромбоэмболиясы симптомдары пайда болса, ертерек жүргізілді. Пациенттер үш ай бойы бақыланды. Құрсақ қуысы немесе жамбастың обырына байланысты операциядан кейін төрт апта ішінде натрий эноксапаринімен профилактика бір апта бойы натрий эноксапарині профилактикасымен салыстырғанда флебографиямен расталған тромбоздың жиілігін айтарлықтай төмендетті. Салыстырмалы жасырын фазаның соңында вена тромбоэмболиясының жиілігі плацебо тобында 12,0% (n=20) және натрий эноксапарині тобында 4,8% (n=8) құрады; p=0,02. Бұл айырмашылық үш ай бойы сақталды [13,8% қарсы 5,5% (n=23 қарсы 9), p = 0,01]. Салыстырмалы жасырын фазада немесе бақылау кезеңінде қан кетудің немесе басқа асқынулардың жиілігінде айырмашылықтар болған жоқ. Қозғалуының шектелуіне әкелуі мүмкін жедел ауруы бар пациенттерде вена тромбоэмболиясының профилактикасы Параллель топтармен салыстырмалы жасырын көп орталықты зерттеуде күніне бір рет тері астына натрий эноксапарині 2000 ХБ (20 мг) немесе 4000 ХБ (40 мг) жедел ауру кезінде қозғалуы ауыр шектелген терең вена тромбозының профилактикасы кезінде плацебомен салыстырылды (жүру қашықтығы ретінде анықталады) ≤ 3 күн ішінде <10 метр). Бұл зерттеуге жүрек функциясының жеткіліксіздігі (NYHA III немесе IV класс); жедел тыныс алу жеткіліксіздігі немесе асқынған созылмалы тыныс алу жеткіліксіздігі бар, сондай-ақ жедел инфекциясы немесе жедел ревматизмі бар пациенттер енгізілді; егер бұл кем дегенде бір ВТЭ қауіп факторына байланысты болса (жасы ≥ 75 жас, ВТЭ алдындағы обыр, семіздік, веналардың варикозды кеңеюі, гормондық ем және жүрек функциясының немесе тыныс алудың созылмалы жеткіліксіздігі). Зерттеуге барлығы 1102 пациент енгізілді және 1073 пациент емделді. Емдеу 6-14 күнге созылды (орташа ұзақтығы 7 күн). 4000 ХБ (40 мг) дозада күніне бір рет тері астына енгізгенде, натрий эноксапарині плацебомен салыстырғанда ВТЭ жиілігін айтарлықтай төмендетті. Тиімділігі туралы деректер төмендегі кестеде берілген. Натрий эноксапарині 2000 ХБ (20 мг) күніне бір рет тері астына n (%) — Натрий эноксапарині 4000 ХБ (40 мг) күніне бір рет тері астына n (%) — Плацебо n (%) Жедел ауру кезінде барлық емделген пациенттер — 287 (100) — 291(100) — 288 (100) Жалпы ВТЭ (%) — 43 (15.0) — 16 (5.5)* — 43 (14.9) Тереңдегі веналардың жалпы тромбозы (%) — 43 (15.0) — 16 (5.5) — 40 (13.9) Терең веналардың проксимальді тромбозы (%) — 13 (4.5) — 5 (1.7) — 14 (4.9) ВТЭ = терең веналар тромбозын, өкпе артериясының тромбоэмболиясын және тромбоэмболияға байланысты деп саналатын өлімді қамтитын венаның тромбоэмболиялық оқиғалары * плацебомен салыстырғанда p мәні = 0,0002 Зерттеуге енгізілгеннен кейін шамамен 3 айдан соң ВТЭ жиілігі плацебо емдеу тобымен салыстырғанда натрий эноксапаринімен 4000 ХБ (40 мг) емдеу тобында айтарлықтай төмен болып қалды. Жалпы және үлкен қан кету жиілігі плацебо тобында тиісінше 8,6% және 1,1%, 2000 ХБ (20 мг) натрий эноксапарині тобында 11,7% және 0,3% және 4000 ХБ (40 мг) натрий эноксапарині тобында 12,6% және 1,7% құрады. Өкпе артериясының тромбоэмболиясымен немесе онсыз терең веналар тромбозын емдеу Параллель топтармен көп орталықты зерттеуде өкпе артериясының тромбоэмболиясы бар немесе онсыз аяқтардың жедел тромбозы бар 900 пациент стационарлық (ауруханалық) емдеуге немесе (і) натрий эноксапаринімен 150 ХБ/кг (1,5 мг/кг) күніне бір рет тері астына, (ii) натрий эноксапаринімен 100 ХБ/кг (1 мг / кг) әр 12 сағат сайын тері астына немесе (ііі) гепаринмен вена ішіне болюсті (5000 ХБ), содан кейін үздіксіз инфузиямен (ІБТУ 55-85 секундқа жету үшін енгізілетін) емдеуге рандомизацияланды. Зерттеуге барлығы 900 пациент рандомизацияланды және барлық пациент емделді. Барлық пациент натрий эноксапаринімен немесе стандартты гепарин терапиясымен емдеуді бастағаннан кейін 72- сағаттан бастап және 90 күнге дейін жалғасатын натрий варфаринін (дозасы ХҚҚ 2,0–3,0 жету үшін протромбин уақытына сәйкес түзетілді) алды. Натрий эноксапарині немесе стандартты гепарин терапиясы кем дегенде 5 күн бойы және натрий варфаринінің мақсатты ХҚҚ жеткенге дейін тағайындалды. Натрий эноксапаринімен емдеудің екі режимі де қайталанатын вена тромбоэмболиясының (ТВТ және/немесе ӨАТЭ) қаупін азайтуда стандартты гепарин терапиясына тең болды. Тиімділігі туралы деректер төмендегі кестеде берілген. Натрий эноксапарині 150 ХБ/кг (1,5 мг / кг) күніне бір рет тері астына n (%) — Натрий эноксапарині 100 ХБ/кг (1 мг / кг) күніне екі рет тері астына n (%) — Гепарин ІБТУ түзетілген венаішілік ем n (%) Терең веналар тромбозы бар, емделген, өкпе артериясының тромбоэмболиясы бар немесе жоқ барлық пациенттер — 298 (100) — 312 (100) — 290 (100) Жалпы ВТЭ (%) — 13 (4.4)* — 9 (2.9)* — 12 (4.1) Тек терең веналар тромбозы (%) — 11 (3.7) — 7 (2.2) — 8 (2.8) Терең веналардың проксимальді тромбозы (%) — 9 (3.0) — 6 (1.9) — 7 (2.4) ПЭ (%) — 2 (0.7) — 2 (0.6) — 4 (1.4) ВТЭ = вена тромбоэмболиясы оқиғасы (ТВТ және/немесе ӨАТЭ) * Жалпы ВТЭ үшін емдеудегі айырмашылықтар үшін 95% сенімді аралықтар: натрий эноксапарині гепаринмен салыстырғанда күніне бір рет (-3,0-3,5) натрий эноксапарині гепаринмен салыстырғанда әр 12 сағат сайын (-4,2 – 1,7). Жаппай қан кету күніне бір рет 150 ХБ/кг (1,5 мг/кг) натрий эноксапарині тобында сәйкесінше 1,7%, күніне екі рет 100 ХБ/кг (1 мг/кг) натрий эноксапарині тобында 1,3% және гепарин тобында 2,1% құрады. Терең веналар тромбозын (ТВТ) және өкпе артериясының тромбоэмболиясын (ӨАТЭ) кеңейтілген емдеу және белсенді обыры бар пациенттерде олардың қайталануының профилактикасы Пациенттердің саны шектеулі клиникалық сынақтарда 3-6 ай бойы күніне бір немесе екі рет эноксапарин қабылдаған пациенттерде ВТЭ қайталануының хабарланған көрсеткіштері варфарин қабылдаған кездегімен салыстырмалы болды. Нақты жағдайдағы тиімділік ВТЭ және басқа тромбоздық жағдайлары бар пациенттердің көпұлтты RIETE тіркелімінен симптоматикалық ВТЭ және белсенді обыры бар 4451 пациенттің когортасында бағаланды. 3526 пациент 6 айға дейін тері астына эноксапарин, ал 925 пациент тері астына тинзапарин немесе дальтепарин қабылдады. Эноксапаринмен ем қабылдаған 3526 пациенттің ішінде 891 пациент бастапқы ем ретінде күніне бір рет 1,5 мг/кг және 6 айға дейін ұзартылған ем қабылдады (күніне бір рет қана), 1854 пациент күніне екі рет 1,0 мг/кг бастапқы дозаны және 6 айға дейін ұзартылған емді алды (күніне екі рет қана), ал 687 пациент күніне екі рет бастапқы ем ретінде 1,0 мг/кг, содан кейін күніне бір рет 1,5 мг/кг (күніне екі рет-күніне бір рет) 6 айға дейін ұзартылған ем ретінде қабылдады. Режим өзгергенге дейін емдеудің орташа және медианалық ұзақтығы сәйкесінше 17 күнді және 8 күнді құрады. Емдеудің екі тобы арасында ВТЭ қайталану жиілігінде айтарлықтай айырмашылық болған жоқ (кестені қараңыз), эноксапарин алдын ала белгіленген 1,5 тиімділік критерийіне сәйкес келді (HR, тиісті ковариаттар бойынша түзетілген 0,817, 95% СА: 0,499–1,336). Екі емдеу тобының арасында қандай да бір себептермен жаппай (өлімге әкелетін немесе өлімге әкелмейтін) қан кету мен өлімнің салыстырмалы қаупіне қатысты статистикалық маңызды айырмашылық анықталған жоқ (кестені қараңыз). Кесте: RIETECAT зерттеуіндегі тиімділік пен қауіпсіздік нәтижелері Нәтиже — Эноксапарин n=3526 — Басқа ТМГ (төмен молекулалы гепариндер) n=925 — Қауіптің түзетілген коэффициенттері эноксапарин / басқа ТМГ [95% сенімділік аралығы] ВТЭ қайталануы — 70 (2.0%) — 23 (2.5%) — 0.817, [ 0.499-1.336] Ауыр қан кету — 111 (3.1%) — 18 (1.9%) — 1.522, [ 0.899-2.577] Аздап қан кету — 87 (2.5%) — 24 (2.6%) — 0.881, [0.550-1.410] Жалпы өлім — 666 (18.9%) — 157 (17.0%) — 0.974, [ 0.813-1.165] 6 айды аяқтаған пациенттер арасында RIETECAT зерттеуінде қолданылған емдеу схемасы бойынша нәтижелерге шолу төменде берілген: Кесте: 6 айлық емдеуді аяқтаған пациенттердегі 6 айлық нәтижелер, әртүрлі схемалар бойынша Нәтижесі N (%) (95% СА) — Эноксапарин барлық схемалар N=1432 — Эноксапарин барлық схемалар Эноксапарин Күніне бір рет N=444 — Эноксапарин күніне екі рет N=529 — Эноксапарин күніне екі реттен күніне бір ретке дейін N=406 — Эноксапарин күніне бір реттен екі ретке дейін N=14 — Эноксапарин Бірнеше рет ауысу N=39 — N=428 ВТЭ қайталануы — 70 (4.9%) (3.8% – 6.0%) — 33 (7.4%) (5.0% – 9.9%) — 22 (4.2%) (2.5% – 5.9%) — 10 (2.5%) (0.9% – 4.0%) — 1 (7.1%) (0% – 22.6%) — 4 (10.3%) (0.3% – 20.2%) — 23 (5.4%) (3.2% – 7.5%) Ауыр қан кету (өлімге әкелетін және өлімге әкелмейтін) — 111 (7.8%) (6.4% – 9.1%) — 31 (7.0%) (4.6% – 9.4%) — 52 (9.8%) (7.3% – 12.4%) — 21 (5.2%) (3.0% – 7.3%) — 1 (7.1%) (0% – 22.6%) — 6 (15.4%) (3.5% – 27.2%) — 18 (4.2%) (2.3% – 6.1%) Клиникалық маңызы бар шағын қан кетулер — 87 (6.1%) (4.8% – 7.3%) — 26 (5.9%) (3.7% – 8.0%) — 33 (6.2%) (4.2% – 8.3%) — 23 (5.7%) (3.4% – 7.9%) — 1 (7.1%) (0% – 22.6%) — 4 (10.3%) (0.3% – 20.2%) — 24 (5.6%) (3.4% – 7.8%) Барлық себептерден болатын өлім — 666 (46.5%) (43.9% – 49.1%) — 175 (39.4%) (34.9% – 44.0%) — 323 (61.1%) (56.9% – 65.2%) — 146 (36.0%) (31.3% – 40.6%) — 6 (42.9%) (13.2% – 72.5%) — 16 (41.0%) (24.9% – 57.2%) — 157 (36.7%) (32.1% – 41.3%) Өлімге әкелетін ӨАТЭ немесе өлімге әкелетін қан кетуден болатын өлім — 48 (3.4%) (2.4% – 4.3%) — 7 (1.6%) (0.4% – 2.7%) — 35 (6.6%) (4.5% – 8.7%) — 5 (1.2%) (0.2% – 2.3%) — 0 (0%) - — 1 (2.6%) (0% – 7.8%) — 11 (2.6%) (1.1% – 4.1%) *Барлық деректер 95% сенімділік аралығымен. Тұрақсыз стенокардияны және ST сегментінің көтерілуінсіз миокард инфарктісін емдеу Ірі көп орталықты зерттеуде тұрақсыз стенокардияның немесе Q тісшесінсіз миокард инфарктісінің жедел фазасы бар 3171 пациент ацетилсалицил қышқылымен (күніне бір рет 100-325 мг) немесе тері астына, не вена ішіне ІБТУ негізінде түзетілген фракцияланбаған гепаринмен біріктірілген әр 12 сағат сайын 100 ХБ/кг (1 мг/кг) натрий эноксапаринін алу үшін рандомизацияланды. Пациенттер клиникалық жағдай тұрақтанғанға, реваскуляризация емшаралары немесе ауруханадан шығарылғанға дейін кем дегенде 2 күн және 8 күннен көп емес ауруханада емделуі керек еді. Пациенттер 30 күнге дейін бақылауда болуы керек. Гепаринмен салыстырғанда натрий эноксапарині 14-күні стенокардия, миокард инфарктісі және өлімнің біріктірілген жиілігін айтарлықтай төмендетті, 19,8-ден 16,6% - ға дейін төмендеді (қауіптің салыстырмалы төмендеуі 16,2%). Бұл біріктірілген жиіліктің төмендеуі 30 күннен кейін де сақталды (23,3-тен 19,8% - ға дейін; қауіптің салыстырмалы түрде 15% - ға төмендеуі). Көлемді қан кетуде айтарлықтай айырмашылықтар анықталған жоқ, бірақ тері астына инъекция орнында қан кету жиі байқалды. ST сегментінің көтерілуімен жедел миокард инфарктісін емдеу Ірі көп орталықты зерттеуде фибринолитик ем көрсетілген ST сегменті көтерілген жедел миокард инфарктісі бар 20 479 пациент натрий эноксапаринін вена ішіне 3000 ХБ (30 мг) плюс 100 ХБ/кг (1 мг/кг) тері астына бір реттік болюс, содан кейін әр 12 сағат сайын 100 ХБ/кг (1 мг/кг) тері астына инъекция түрінде немесе 48 сағат ішінде ІБТУ негізінде түзетілген вена ішіне фракцияланбаған гепаринді алу үшін рандомизацияланды. Барлық пациенттер ацетилсалицил қышқылын кем дегенде 30 күн бойы қабылдады. Эноксапарин натрийін дозалау стратегиясы бүйрек функциясының ауыр жеткіліксіздігі бар пациенттер үшін және 75 жастан асқан егде жастағы адамдар үшін түзетілді. Эноксапарин натрийінің тері астына инъекциясы ауруханадан шыққанға дейін немесе ең көп дегенде сегіз күн бойы жүргізілді (қайсысы ерте болатынына байланысты). 4716 пациент жасырын зерттелетін препараттың көмегімен тромбозға қарсы қолдау ала отырып, тері арқылы коронарлық араласудан өтті. Осылайша, натрий эноксапаринін қабылдайтын пациенттер үшін ТАА алдыңғы зерттеулерде белгіленген режимді қолдана отырып, натрий эноксапариніне (ауысусыз) жүргізілуі керек еді, яғни қосымша дозалаусыз, егер соңғы тері астына енгізу баллонды үрлеуге 8 сағаттан аз уақыт қалғанда жүргізілсе, 30 ХБ / кг (0,3 мг/ кг) натрий эноксапаринінің венаішілік болюсі, егер соңғы тері астына енгізу баллонды үрлеуден 8 сағаттан астам уақыт бұрын жүргізілсе. Фракцияланбаған гепаринмен салыстырғанда натрий эноксапарині рандомизациядан кейінгі алғашқы 30 күн ішінде кез келген себептен немесе қайталанатын миокард инфарктісінен болатын өлімнің құрамдас бөлігі болып табылатын бастапқы соңғы нүктенің жиілігін айтарлықтай төмендетті [фракцияланбаған гепарин тобындағы 12,0 пайызбен салыстырғанда натрий эноксапарині тобындағы 9,9 пайыз] салыстырмалы қауіптің 17 пайыздық төмендеуімен( p < 0,001). Натрий эноксапаринімен емдеудің бірқатар тиімділік көрсеткіштерінен көрінетін артықшылықтары фракцияланбаған гепаринмен (p < 0,001) емдеумен салыстырғанда қайталанған миокард инфарктісінің салыстырмалы қаупінің 35 пайыздық төмендеуі байқалған кезде, 48 сағаттан кейін пайда болды. Натрий эноксапаринінің бастапқы соңғы нүктеге жағымды әсері барлық негізгі қосалқы топтарда, соның ішінде жас, жыныс, инфаркттың орналасуын, диабет тарихын, алдыңғы миокард инфарктісінің тарихын, тағайындалған фибринолитик түрін және зерттелетін препаратпен емдеуді бастау уақытын қоса, тұрақты болды. Рандомизациядан кейін 30 күн ішінде тері арқылы коронарлық араласудан өткен (салыстырмалы қауіптің 23 пайызға төмендеуі) немесе дәрі-дәрмекпен емделген (салыстырмалы қауіптің 15 пайызға төмендеуі, өзара әрекеттесу үшін p=0,27) пациенттерде фракцияланбаған гепаринмен салыстырғанда натрий эноксапаринімен емдеудің айтарлықтай артықшылығы атап өтілді. Өлімнің, қайталанатын миокард инфарктісінің немесе бассүйекішілік қан кетудің (таза клиникалық пайда өлшемі) 30 күндік құрамдас соңғы нүктесінің жиілігі гепарин тобымен (12,2%) салыстырғанда натрий эноксапарині тобында (10,1%) айтарлықтай төмен болды (p < 0,0001), бұл натрий эноксапаринімен емдеудің пайдасына салыстырмалы қауіптің 17% төмендеуін білдіреді. 30 күн ішінде үлкен қан кету жиілігі гепарин тобымен (1,4%) салыстырғанда натрий эноксапарині тобында (2,1%) айтарлықтай жоғары болды (p < 0,0001). Натрий эноксапарині тобында гепарин тобымен (0,1%) салыстырғанда асқазан-ішектен қан кетудің жоғары жиілігі (0,5%) байқалды, ал бассүйекішілік қан кету жиілігі екі топта да бірдей болды (гепаринмен 0,7% салыстырғанда натрий эноксапаринімен 0,8%). Алғашқы 30 күнде байқалған натрий эноксапаринінің бастапқы соңғы нүктесіне оң әсері 12 айлық бақылау кезеңінде сақталды. Бауыр функциясының жеткіліксіздігі Әдеби деректерге сүйене отырып, циррозы бар пациенттерде натрий эноксапаринін 4000 ХБ (40 мг) қолдану (Чайлд-Пью бойынша В-С класы) қақпа венасы тромбозының профилактикасы үшін қауіпсіз және тиімді. Айта кету керек, әдеби зерттеулерде шектеулер болуы мүмкін. Бауыр функциясының жеткіліксіздігі бар пациенттерге сақ болу керек, өйткені бұл пациенттерде қан кету қаупі жоғары (4.4-бөлімді қараңыз), ал циррозы бар пациенттерде (Чайлд-Пью бойынша А, В немесе С класы) дозаны анықтау бойынша ресми зерттеулер жүргізілмеген.

Дозалау режимі Орташа немесе жоғары қаупі бар хирургиялық араласымдар кезіндегі вена тромбоэмболиясы ауруларының профилактикасы Дербес тромбоэмболия қаупі пациенттер үшін қауіпті стратификациялаудың валидацияланған моделінің көмегімен бағалануы мүмкін. - тромб түзілу қаупі орташа пациенттерге натрий эноксапаринінің ұсынылатын дозасы тәулігіне бір рет тері астына 2 000 ХБ (20 мг) құрайды. Орташа қаупі бар хирургияда 2 000 ХБ (20 мг) натрий эноксапаринімен емді операцияға дейін (хирургиялық араласымнан 2 сағат бұрын) бастаудың тиімділігі мен қауіпсіздігі дәлелденді. - орташа қаупі бар пациенттерде натрий эноксапаринімен емдеуді сауығу статусына (қозғалыс функциясына) қарамастан кем дегенде 7-10 күн бойы жалғастыру керек. Профилактиканы пациенттің қозғалыс белсенділігі елеулі жақсарғанға дейін жалғастыру қажет. - тромб түзілу қаупі жоғары пациенттерге ұсынылатын доза тәулігіне 1 рет тері астына 4 000 ХБ (40 мг) құрайды, хирургиялық араласымнан 12 сағат бұрын бастаған дұрыс. Натрий эноксапаринімен операцияға дейін профилактикалық емдеуді операцияға дейінгі 12 сағаттан ертерек бастау қажет болған жағдайда (мысалы, кейінге қалдырылған ортопедиялық операцияны күткен, жоғары қаупі бар пациент), соңғы инъекция операцияға дейінгі 12 сағаттан кешіктірмей енгізілуі тиіс және инъекциялар операциядан кейін 12 сағат өткен соң қайта жаңғыртылады. • Ауқымды ортопедиялық операцияны бастан өткерген пациенттер үшін, тромбоздардың 5 аптаға дейінгі ұзартылған профилактикасы ұсынылады. • Қатерлі жаңа түзілімдерге байланысты құрсақ қуысы ағзаларына немесе жамбас ағзаларына операция жасатқан, веналық тромбоэмболияның даму қаупі жоғары пациенттерде тромбоздардың 4 аптаға дейінгі ұзартылған профилактикасы ұсынылады. Терапиялық пациенттердегі вена тромбоэмболиясы ауруларының профилактикасы Натрий эноксапаринінің ұсынылатын дозасы 4 000 ХБ (40 мг) құрайды, тәулігіне 1 рет теріастылық инъекция түрінде енгізіледі. Натрий эноксапаринімен емдеу сауығу статусына (қозғалыс функциясына) қарамастан кем дегенде 6-14 күнге тағайындалады. Қазіргі сәтте 14 күннен астам уақыт бойы жүргізілетін терапияға қатысты пайдасы туралы деректер жоқ. Тереңдегі веналар тромбозын (ТВТ) өкпе артериясының тромбоэмболиясымен (ӨАТЭ) бірге емдеу Натрий эноксапарині тәулігіне бір рет 150 ХБ/кг (1.5 мг/кг) дозада немесе тәулігіне екі рет 100 ХБ/кг (1 мг/кг) дозада тері астына енгізіледі. Режимді дәрігер тромбоэмболиялық асқынулар қаупіне және қан кету қаупіне баға беруді қоса, жекелей баға беру негізінде таңдауы тиіс. Веналық тромбоэмболияның қайталану қаупі төмен асқынуларсыз пациенттерге 150 ХБ/кг (1.5 мг/кг) дозаны тағайындау керек, ол тәулігіне бір рет енгізіледі. Барлық басқа пациенттерге (сондай-ақ семіздігі, симптоматикалық ӨАТЭ, қатерлі жаңа түзілімі, қайталанған веналық тромбоэмболиясы немесе проксимальді тромбозы (мықын венасының тромбозы) бар) 100 ХБ/кг (1 мг/кг) дозаны тағайындау керек, ол тәулігіне екі рет енгізіледі. Натрий эноксапаринімен емдеу орташа 10 күнге тағайындалады. Қажет болса пероральді антикоагулянттық емді бастау керек. Терең вена тромбозын (ТВТ) және өкпе артериясының тромбоэмболиясын (ӨАТЭ) ұзақ уақыт емдегенде және белсенді онкологиялық патологиясы бар пациенттерде олардың қайталануының профилактикасында дәрігерлер пациенттің жеке тромбоэмболиялық және қан кету қаупін мұқият бағалауы керек. Ұсынылатын доза 100 ХБ/кг (1 мг/кг) құрайды, күніне екі рет 5 - 10 күн ішінде СК инъекциясы арқылы енгізіледі, содан кейін 6 айға дейін СК инъекциялары арқылы күніне бір рет 150 ХБ/кг (1,5 мг/кг). 6 ай емдегеннен кейін үздіксіз антикоагулянттық емнің пайдасын қайта қарау керек. Гемодиализ кезіндегі тромб түзілуінің профилактикасы Натрий эноксапаринінің ұсынылатын дозасы 100 ХБ/кг (1 мг/кг) құрайды. Қан кетудің даму қаупі жоғары гемодиализдегі пациенттерде доза 50 ХБ/кг (0.5 мг/кг) (тамыр арқылы қосарлы енгізу жолы), не болмаса 75 ХБ/кг (0.75 мг/кг) (тамыр арқылы бір енгізу жолы) дейін төмендетілуі тиіс. Гемодиализ кезінде натрий эноксапаринін диализдік контурдың артериялық желісіне диализ сеансының бас кезінде енгізеді. Әдетте бұл доза тек қана 4 сағатқа созылатын гемодиализ сеанстары үшін тиімді. Алайда фибриндік сақиналар анықталғанда, мысалы, әдеттегіден ұзағырақ сеанстан кейін, тағы да 50-100 ХБ/кг (0.5-1 мг/кг) дозаны тағайындауға болады. Натрий эноксапаринін профилактика немесе емдеу үшін және гемодиализ сессиясы кезінде қолданған пациенттер жөнінде деректер жоқ. Жедел коронарлық синдром: тұрақсыз стенокардияны және ST сегментінің көтерілуінсіз миокард инфарктісін емдеу Тұрақсыз стенокардияны және ST сегментінің көтерілуінсіз миокард инфарктісін емдеу үшін ұсынылатын дозасы 100 ХБ/кг (1 мг/кг) эноксапаринді құрайды, ол антитромбоцитарлық еммен біріктіріліп тері астына тәулігіне екі рет 12 сағаттық аралықпен енгізіледі. Емдеуді кем дегенде 2 тәулік бойы демеп тұру және клиникалық тұрақтануға дейін жалғастыру керек. Емнің ұсынылатын ұзақтығы 2-ден 8 күнге дейін. Қарсы көрсетілімдері жоқ барлық пациенттерге ацетилсалицил қышқылымен емдеуді 150-300 мг бастапқы пероральді қанықтырғыш дозада (бұдан бұрын ацетилсалицил қышқылын қабылдамаған пациенттерде) және емдеу стратегиясына байланыссыз күніне 75-325 мг демеуші дозада ұзақ уақытқа бастау ұсынылады. • ≥ 75 жастағы пациенттерге арналған дозасы «Егде жастағы пациенттер» бөлімінде көрсетілген. • ТКА (тері арқылы коронарлық араласу) жүргізілетін пациенттерге, егер натрий эноксапариннің соңғы дозасы тері астына баллонды үрлегенге дейін 8 сағаттан аз уақыт бұрын енгізілген болса, қосымша доза қажет емес. Егер тері астына енгізудің соңғы дозасы баллонды үрлегенге дейін 8 сағаттан көп уақыт бұрын енгізілген болса, натрий эноксапариннің 30 ХБ/кг (0,3 мг/кг) венаішілік болюсін енгізу керек. Педиатрияда қолдану Балаларда натрий эноксапаринінің қауіпсіздігі мен тиімділігі анықталмаған. Егде жастағы пациенттерге ST сегментінің көтерілуімен миокард инфарктісінен басқа барлық көрсетілімдер бойынша, егде жастағы пациенттерде, егер бүйрек функциясы бұзылмаған болса, дозасын азайту қажет емес. ≥ 75 жастағы егде пациенттерде ST сегментінің көтерілуімен жедел миокард инфарктісін емдеу үшін бастапқы венаішілік болюсті қолданбау керек. Бастапқы доза 75 ХБ/кг (0,75 мг/кг) құрауы тиіс, тері астына әр 12 сағатта енгізілуі (максимум 7500 ХБ (75 мг) алғашқы екі дозаның әрқайсысы тері астына, содан кейін қалған дозалар үшін 75 ХБ/кг (0,75 мг/кг) тері астына). Бауыр функциясының бұзылуы Бауыр функциясы бұзылған пациенттер үшін деректер шектеулі, мұндай пациенттерге препаратты сақтықпен тағайындау керек. Бүйрек функциясының бұзылуы Натрий эноксапарині бүйрек ауруының терминальді сатысындағы (креатинин клиренсі <15 мл/мин) пациенттерге, осы популяцияда гемодиализ жүргізу кезіндегі тромб түзілуінің профилактикасы бойынша деректерден өзге деректердің болмауына байланысты, ұсынылмайды. Бүйрек функциясының ауыр бұзылуы бар (креатинин клиренсі 15-30 мл/мин) пациенттер үшін препаратты дозалау кестесі: Көрсетілімдер — Дозалау режимі Вена тромбоэмболиясы ауруының профилактикасы — Тәулігіне бір рет 2 000 ХБ (20 мг) тері астына Тереңдегі веналар тромбозын және өкпе артериясының тромбоэмболиясын емдеу — Тәулігіне бір рет дене салмағына 100 ХБ/кг (1 мг/кг) тері астына Тереңдегі веналар тромбозын (ТВТ) және өкпе артериясының тромбоэмболиясын (ӨАТЭ) ұзақ уақыт емдеу және белсенді обыры бар пациенттерде олардың рецидивтерінің профилактикасы — Тәулігіне бір рет дене салмағына 100 ХБ/кг (1 мг/кг) тері астына Тұрақсыз стенокардияны және ST сегментінің көтерілуінсіз миокард инфарктісін емдеу — Тәулігіне бір рет дене салмағына 100 ХБ/кг (1 мг/кг) тері астына ST сегментінің көтерілуімен жедел миокард инфарктін емдеу (75 жастан асқан пациенттер) — Бастапқы доза вена ішіне енгізілмейді, дене салмағына 100 ХБ/кг (1 мг/кг) тері астына, содан кейін әр 24 сағат сайын дене салмағына 100 ХБ/кг (1 мг/кг) тері астына. Ұсынылған дозалау режимінің гемодиализ жағдайларына қатысы жоқ. Бүйрек функциясының орташа және жеңіл дәрежеде бұзылуы Бүйрек функциясының орташа (креатинин клиренсі 30-50 мл/мин) және жеңіл дәрежеде (креатинин клиренсі 50-80 мл/мин) бұзылуы бар пациенттерге дозаны түзету қажет емес болса да, мұқият клиникалық бақылау ұсынылады. Қолдану тәсілі Катеноксты бұлшықет ішіне қолдануға тыйым салынады. Хирургиялық операциядан, ТВТ және ӨАТЭ емдеуден, тұрақсыз стенокардияны және ST сегментінің көтерілуінсіз миокард инфарктісін, ST сегментінің көтерілуімен жедел миокард инфарктісін емдеуден кейін веналық тромбоэмболияның профилактикасы үшін Катенокс тері астына енгізіледі. Гемодиализ жүргізу кезінде экстракорпоральді қанайналым жүйесінде тромб түзілуінің алдын алу үшін препарат диализдік контурдың артериялық магистралі арқылы енгізіледі. Алдын ала толтырылған бір реттік шприц дереу пайдалануға дайын. Тері астына енгізу: - Катенокс препаратының инъекциясын науқастың жатқан күйінде, тері астына тереңдете орындаған дұрыс. Алдын ала толтырылған шприцтерді пайдаланған жағдайда препаратқа шығын келтірмеу үшін инъекция алдында шприцтен ауа көпіршігін шығармау керек. Кейбір жағдайларда дәлме-дәл дозаға жету мүмкін емес екеніне назар аударыңыз және мұндай жағдайда көлемі жақын бөлікке дейін дөңгелектенеді. Инъекцияны іштің біресе сол жақ, біресе оң жақ алдыңғы бүйірдегі немесе артқы бүйірдегі қабырғасына кезек енгізеді. Инені бүкіл ұзына бойына қолдың сұқ саусағы мен бас бармағының арасына қысқан терінің қатпарына перпендикуляр енгізген жөн. Бүкіл инъекция барысында терінің осы бөлігі саусақтар арасына қысылып тұруы тиіс. Егізгеннен кейін инъекция орнын ысқыламау керек. Егер тері астына енгізу баллонды үрлегенге дейін 8 сағаттан көп уақыт бұрын жүргізілген болса, ТАЕ арналған қосымша болюс: ТАЕ көмегімен ем алып жүрген пациенттерге тері астына соңғы енгізу баллонды үрлегенге дейін 8 сағаттан көп уақыт бұрын жүргізілген болса, қосымша венаішілік 30 ХБ/кг (0,3 мг/кг) болюсті енгізу қажет. Инъекцияға арналған шағын көлемнің нақтылығын қамтамасыз ету үшін препаратты 300 ХБ/мл (3 мг/мл) дейін сұйылту қажет. 300 ХБ/мл (3 мг/мл) ерітінді алу үшін 4000 ХБ (40 мг) + 2000 МЕ (20 мг) натрий эноксапаринімен алдын ала толтырылған шприцті пайдалану ұсынылады, төмендегідей жиынтығында 6000 ХБ (60 мг) және 50 мл инфузиялық пакет (яғни, не физиологиялық ерітіндіні (0,9%), не судағы 5% декстрозаны пайдаланып) алу үшін: • Шприцтің көмегімен инфузиялық қапшықтан 30 мл алыңыз және сұйықтықты төгіңіз. 4000 ХБ (40 мг) + 2000 ХБ (20 мг) натрий эноксапаринімен алдын ала толтырылған шприцтердің ішіндегісінің барлығын қапшықта қалған 20 мл енгізіңіз. Қапшықтың ішіндегісін абайлап араластырыңыз. Тамызғыға енгізу үшін шприцтің көмегімен сұйылтылған ерітіндінің қажетті көлемін алыңыз. • Сұйылту аяқталғаннан кейін инъекцияға арналған көлемді келесі формула бойынша [Сұйылтылған ерітінді көлемі (мл) = Пациенттің салмағы (кг) x 0,1] немесе төменде берілген кестенің көмегімен есептеуге болады. Сұйылтуды тікелей қолданар алдында дайындау ұсынылады. Сұйылту аяқталғаннан кейін тамызғы арқылы 300 ХБ (3 мг)/мл концентрациясында инъекцияға арналған көлем. Салмақ — Қажетті доза 30 ХБ / кг (0.3 мг / кг) — 300 ХБ (3 мг)/мл соңғы концентрацияға дейін сұйылтқан кездегі инъекцияға арналған көлем кг — ХБ — [мг] — [мл] 45 — 1350 — 13.5 — 4.5 50 — 1500 — 15 — 5 55 — 1650 — 16.5 — 5.5 60 — 1800 — 18 — 6 65 — 1950 — 19.5 — 6.5 70 — 2100 — 21 — 7 75 — 2250 — 22.5 — 7.5 80 — 2400 — 24 — 8 85 — 2550 — 25.5 — 8.5 90 — 2700 — 27 — 9 95 — 2850 — 28.5 — 9.5 100 — 3000 — 30 — 10 105 — 3150 — 31.5 — 10.5 110 — 3300 — 33 — 11 115 — 3450 — 34.5 — 11.5 120 — 3600 — 36 — 12 125 — 3750 — 37.5 — 12.5 130 — 3900 — 39 — 13 135 — 4050 — 40.5 — 13.5 140 — 4200 — 42 — 14 145 — 4350 — 43.5 — 14.5 150 — 4500 — 45 — 15 Артерия желісіне инъекция: Гемодиализ уақытында экстракорпоральдік қанайналымда тромбтардың түзілуінің алдын алу үшін диализдік контурдың артериялық желісі арқылы енгізіледі. Натрий эноксапаринінен пероральді антикоагулянттарға ауысу - Натрий эноксапаринінен К дәруменінің антагонистеріне (КДА) ауысу: КДА әсерін бақылау үшін клиникалық мониторингті және зертханалық тесттерді [Халықаралық Қалыптастыру Коэффициенті (ХҚК) ретінде көрсетілген протромбин уақыты] күшейту қажет. КДА өзінің ең жоғарғы әсеріне жеткенге дейін қандай да бір уақыт аралығы өтетіндіктен, екі бірізді тесттердегі көрсетілімдер үшін натрий эноксапаринімен емді тұрақты дозада ХҚК қажетті емдік диапазонда ұстап тұру үшін қанша қажет болса, сонша жалғастыру керек. Қазіргі сәтте КДА қабылдап жүрген пациенттерге КДА қабылдауды тоқтату, және натрий эноксапаринінің алғашқы дозасын ХҚК емдік диапазоннан төмен түскен кезде беру керек. - Натрий эноксапаринінен тікелей әсер ететін пероральді антикоагулянттарға (ТӘПА) ауысу: қазіргі сәтте натрий эноксапаринін қабылдап жүрген пациенттерге натрий эноксапаринін қабылдауды тоқтату және натрий эноксапаринін келесі жоспарлы енгізу уақыты басталардан 0-2 сағат бұрын ТӘПА қолдану жөніндегі нұсқаулыққа сәйкес ТӘПА емін бастау керек. Қазіргі сәтте ТӘПА қабылдап жүрген пациенттерге, натрий эноксапаринінің алғашқы дозасын келесі ТӘПА дозасы қабылдануы тиіс уақытта беру керек. Жұлын/эпидуральді анестезия немесе бел пункциясы кезінде енгізу Егер дәрігер эпидуральді немесе жұлын анестезиясы/анальгезиясы не бел пункциясы контекстінде антикоагулянттарды тағайындау туралы шешім қабылдаса, нейроаксиальді гематомалардың пайда болу қаупіне байланысты мұқият неврологиялық мониторинг жүргізу ұсынылады. Профилактика үшін қолданылатын дозаларда • Натрий эноксапаринінің профилактикалық дозалардағы соңғы инъекциясы мен инені немесе катетерді орнату арасында кемінде 12 сағат пункциясыз аралық сақталуы керек. • Үздіксіз әдістер үшін катетерді алудың алдында кемінде 12 сағат ұқсас кешіктіруді сақтау керек. • Креатинин клиренсі [15–30] мл/мин пациенттер үшін пункция/катетерді орнату немесе алып тастау уақытын кемінде 24 сағатқа дейін екі еселеу мүмкіндігін қарастырыңыз. • 2000 ХБ (20 мг) натрий эноксапаринін екі сағаттық операция алдында қабылдауды бастау нейроаксиальді анестезиямен үйлеспейді. Емдеу үшін қолданылатын дозаларда • Емдік дозадағы натрий эноксапаринінің соңғы инъекциясы мен инені немесе катетерді орнату арасында кемінде 24 сағат пункциясыз аралық сақталуы керек. • Үздіксіз әдістер кезінде катетерді алудың алдында 24 сағат ұқсас кешіктіруді сақтау керек. • Креатинин клиренсі [15–30] мл/мин пациенттер үшін пункция/катетерді орнату немесе алып тастау уақытын кемінде 48 сағатқа дейін екі еселеу мүмкіндігін қарастырыңыз. • Дозаны күніне екі рет (яғни 75 ХБ/кг (0,75 мг/кг) күніне екі рет немесе 100 ХБ/кг (1 мг/кг) күніне екі рет) қабылдайтын пациенттерге, катетерді орнату немесе алып тастау алдында жеткілікті кешіктіруді қамтамасыз ету үшін натрий эноксапариннің екінші дозасын өткізіп жіберу керек. Анти-Ха деңгейлері бұл уақыт нүктелерінде әлі де анықталады және бұл кешіктірулер нейроаксиальді гематоманың алдын алуға кепілдік бере алмайды. Натрий эноксапаринін жұлын/эпидуральді пункциядан немесе катетерді алып тастағаннан кейін ең кемі 4 сағат бойы қолданбау мүмкіндігін қарастырыңыз. Кейінге қалдыру пациент үшін қауіп факторлары мен емшара контекстінде тромбоз қаупін, сондай-ақ қан кету қаупін ескере отырып, пайда мен қауіпті бағалауға негізделуі тиіс.

- төмен молекулалы гепариндердің (ТМГ) басқа да түрлерін қоса, эноксапаринге, гепаринге немесе оның туындыларына немесе қосымша заттардың кез келгеніне аса жоғары сезімталдық - анамнезінде соңғы 100 күннің ішінде ауыр, иммунитетке байланысты гепарин индукцияланған тромбоцитопенияның (ГИТ) немесе айналымдағы антиденелердің болуы - белсенді, клиникалық тұрғыдан маңызды қан кетулер және қан кету қаупі жоғары аурулар: - жуырда бастан өткерген геморрагиялық инсульт - асқазан-ішек жолының ойықжара ауруы - қан кету қаупі жоғары қатерлі жаңа түзілімнің болуы - жуырда миға, омыртқаға жасалған операция немесе офтальмологиялық операция - өңеш веналарының варикозды кеңеюі (немесе оған күдіктенгенде) - туа біткен артерия-веналық ақау - қантамырлардың аневризмалары - омыртқаішілік немесе миішілік ірі тамырлардың ауытқулары - алдыңғы 24 сағаттың ішінде емдеу үшін натрий эноксапаринін қолданған кездегі жұлынға жасалған немесе эпидуральді анестезия немесе локорегионарлық анестезия

Натрий эноксапарині клиникалық сынақтарда натрий эноксапаринін алған 15 000-нан астам пациентте бағаланды. Оның ішінде 1776 тромбоэмболиялық асқынулар қаупі бар пациенттерде ортопедиялық немесе абдоминальді операциялардан кейін тереңдегі веналар тромбозының профилактикасы үшін, 1169 қозғалуы елеулі шектелген қатты науқас терапиялық пациентте тереңдегі веналар тромбозының профилактикасы үшін, 559 ӨАТЭ бар немесе онсыз тереңдегі веналар тромбозын емдеу үшін, 1578 тұрақсыз стенокардияны және Q тісшесінсіз миокард инфарктін емдеу үшін және 10 176 ST сегментінің жоғарылауымен жедел миокард инфарктін емдеу үшін. Бұл клиникалық сынақтардың барысында натрий эноксапаринін енгізу режимі көрсетімдерге байланысты ерекшеленеді. Операциядан кейін немесе қозғалуы елеулі шектелген қатты науқас пациенттерде тереңдегі веналар тромбозының профилактикасы үшін натрий эноксапаринінің дозасы күніне бір рет теріастына 4000 ХБ (40 мг) құрады. Өкпе артериясының тромбоэмболиясы бар немесе онсыз тереңдегі веналар тромбозын емдеу кезінде натрий эноксапаринін алған пациенттер әрбір 12 сағат сайын теріастына 100 ХБ/кг (1 мг/кг) дозаны, не күніне бір рет теріастына 150 ХБ/кг (1,5 мг/кг) дозаны қабылдады. Клиникалық зерттеулерде тұрақсыз стенокардияны және Q тісшесінсіз миокард инфарктін емдеу үшін дозалар әр 12 сағат сайын теріастына 100 ХБ/кг (1 мг/кг) құрады, ал ST сегментінің жоғарылауымен жедел миокард инфарктін емдеу үшін клиникалық зерттеуде натрий эноксапаринінің схемасы 3000 ХБ (30 мг) венаішілік болюсті, одан кейін әр 12 сағатта теріастына 100 ХБ/кг (1 мг/кг) енгізуді құрады. Клиникалық зерттеулерде қан кету, тромбоцитопения және тромбоцитоз сияқты реакциялар туралы жиірек хабарланды. Белсенді обыры бар пациенттерде тереңдегі веналар тромбозы мен өкпе артериясының тромбоэмболиясын ұзақ уақыт емдеу үшін эноксапариннің қауіпсіздік бейіні оның тереңдегі веналар тромбозы мен өкпе артериясының тромбоэмболиясын емдеуге арналған қауіпсіздік бейініне ұқсас. Жедел жайылған экзантематозды пустулез (AGEP) эноксапаринмен емдеу кезінде тіркелді. Жағымсыз реакциялардың кестелік тізімі Жағдайлардың туындау жиілігі: өте жиі (≥1/10), жиі (≥ 1/100 <1/10), жиі емес (≥ 1/1000 <1/100), сирек (≥ 1/10000 <1/1000), өте сирек (<1/10000), белгісіз (жиілігін қолда бар деректерден анықтау мүмкін емес). Қан және лимфа жүйесі тарапынан бұзылулар Жиі - қан кету, геморрагиялық анемия*, тромбоцитопения, тромбоцитоз Сирек - эозинофилия*, тромбозбен иммуноаллергиялық тромбоцитопения жағдайлары; кейбір жағдайларда тромбоз ішкі ағзалардың инфарктісімен немесе аяқ-қолдың ишемиясымен асқынған. Иммундық жүйе тарапынан бұзылулар Жиі - аллергиялық реакция Сирек - шокты қоса, анафилаксиялық /анафилактоидтық реакциялар* Жүйке жүйесі тарапынан бұзылулар Жиі - бас ауыруы* Қантамырлар тарапынан бұзылулар Сирек - жұлын гематомасы* (немесе нейроаксиальді гематома), бұл тұрақты немесе қайтымсыз салдануды қоса, ауырлық дәрежесі әртүрлі неврологиялық бұзылулардың дамуына әкелуі мүмкін. Бауыр және өт шығару жолдары тарапынан бұзылулар Өте жиі - бауыр энзимдері мөлшерінің артуы (негізінен, трансаминазалар қалыптың жоғарғы шегінен 3 есе көп) Жиі емес - бауырдың гепатоцеллюлярлық зақымдануы* Сирек - бауырдың гепатоцеллюлярлы зақымдануы* Тері және тері асты тіндері тарапынан бұзылулар Жиі - есекжем, қышыну, эритема Жиі емес - буллезді дерматит Сирек - алопеция*, тері васкулиті*, тері некрозы*, әдетте инъекция орнында пайда болады (бұл құбылыстардың алдында әдетте пурпура немесе инфильтрацияланған және ауыртатын эритематозды түйіндақтар болады), препараттың инъекция орнындағы түйіндер* (эноксапариннің киста тәрізді капсуляциясы болып табылмайтын қабынбалы түйіндер), олар бірнеше күннен кейін жоғалады және препаратты тоқтатуға негіз болып табылмайды Белгісіз - жедел жайылған экзантематозды пустулез (AGEP) Қаңқа бұлшықет және дәнекер тін тарапынан бұзылулар Сирек - ұзақ емнен кейінгі (3 айдан астам) остеопороз* Жалпы бұзылулар және енгізген жердегі реакциялар Жиі - инъекция орнындағы гематомалар, инъекция орнының ауыруы, инъекция орнындағы басқа да реакция (ісіну, қан кету, жоғары сезімталдық, қабыну, түзілімдер, инъекция орнындағы ауыру немесе реакция) Жиі емес - жергілікті тітіркену, инъекция орнындағы тері некрозы Зертханалық деректер Сирек - гиперкалиемия* Кейбір жағымсыз реакциялардың сипаттамасы Қан кету Анағұрлым жиі кездескен жағымсыз құбылыстар қан кетулер болды. Оларға 4,2% пациентте (хирургиялық пациенттерде) байқалған ауқымды қан кетулер жатады. Бұл жағдайлардың кейбіреулері өлімге соқтырған. Хирургиялық пациенттерде қан кетулер ауқымды деп саналды: - егер қан кетуден елеулі клиникалық оқиға туындаса - гемоглобин деңгейінің ≥ 2 г/дл деңгейге дейін төмендеуінде немесе 2 литр немесе одан көп қан құюда - ішпердеартылық немесе бассүйекішілік қан кетуде. Басқа антикоагулянттар жағдайындағы сияқты, қан кету солармен байланысты келесі қауіп факторлары болған жағдайда туындауы мүмкін: - қанағыштыққа бейім органикалық зақымданулар - инвазивтік емшаралар немесе гемостазға әсер ететін дәрілерді қатарлас қолдану. Жүйелік-ағзалық класс — Хирургиялық науқастардағы профилактика — Медициналық пациенттердегі профилактика — Өкпе артериясының тромбоэмболиясымен немесе онсыз тереңдегі веналар тромбозы бар пациенттерді емдеу — Белсенді обыры бар пациенттерде тереңдегі веналар тромбозын және өкпе артериясының тромбоэмболиясын кеңейтілген емдеу — Тұрақсыз стенокардиясы және Q тісшесінсіз миокард инфарктісі бар пациенттерді емдеу — ST сегменті көтерілген жедел миокард инфарктісі бар пациенттерді емдеу Қан және лимфа жүйесінің аурулары — Өте жиі: Қан кету а Сирек: Ретроперитонеальді қан кету — Жиі: қан кету а — Өте жиі: Қан кету а Жиі емес: Бассүйекішілік қан кету, Ішпердеартылық қан кету — Жиі b: қан кету — Жиі: қан кету а Сирек: Ретроперитонеальді қан кету — Жиі b: Қан кету Жиі емес: Бассүйекішілік қан кету, Ішпердеартылық қан кету а инъекция орнындағы қанталаудан басқа гематома, экхимоз, жарақат гематомасы, гематурия, мұрыннан қан кету және асқазан-ішектен қан кету b жиілік 3526 пациентті қамтитын тіркелімді ретроспективті зерттеуге негізделген Тромбоцитопения және тромбоцитоз Жүйелік-ағзалық класс — Хирургиялық науқастардағы профилактика — Медициналық пациенттердегі профилактика — Өкпе артериясының тромбоэмболиясымен немесе онсыз тереңдегі веналар тромбозы бар пациенттерді емдеу — Белсенді обыры бар пациенттерде тереңдегі веналар тромбозын және өкпе артериясының тромбоэмболиясын кеңейтілген емдеу — Тұрақсыз стенокардиясы және Q тісшесінсіз миокард инфарктісі бар пациенттерді емдеу — ST сегменті көтерілген жедел миокард инфарктісі бар пациенттерді емдеу Қан және лимфа жүйесінің аурулары — Өте жиі: Тромбоцитозc Жиі: Тромбоцитопения — Жиі емес: Тромбоцитопения — Өте жиі: Тромбоцитозc Жиі: Тромбоцитопения — Белгісіз: Тромбоцитопения — Белгісіз: Тромбоцитопения — Жиі: Тромбоцитозc Тромбоцитопения Өте сирек: Иммуноаллергиялық тромбоцитопения c: Тромбоциттер жоғары >400 г/л Балалар Балаларда натрий эноксапаринінің қауіпсіздігі мен тиімділігі анықталмаған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: венаішілік, экстракорпоральді немесе теріастылық енгізуден кейін натрий эноксапаринімен кездейсоқ артық дозалану қан кетулерге әкелуі мүмкін. Тіпті үлкен дозаларын ішке қабылдағанда да натрий эноксапаринінің сіңірілу ықтималдығы аз. Емі: протамин сульфатын вена ішіне баяу енгізу арқылы антикоагулянттық әсерін едәуір бейтараптандыруға болады. Протамин сульфатының қажетті дозасы натрий эноксапаринінің енгізілген дозасына байланысты: - натрий эноксапарині мұның алдындағы 8 сағаттың ішінде енгізілген жағдайда, 1 мг протамин сульфаты 100 ХБ (1 мг) натрий эноксапаринінің антикоагулянттық әсерін бейтараптандырады - 0.5 мг протамин инфузиясын 100 ХБ (1 мг) натрий эноксапариніне енгізуге болады, егер натрий эноксапарині протаминді енгізуден 8 сағаттан астам уақыт бұрын енгізілсе немесе протаминнің екінші дозасы қажет екені анықталса - натрий эноксапарині инъекциясынан кейін 12 сағат өткен соң протаминді енгізу қажет болмауы мүмкін. Алайда, протаминнің жоғары дозаларының өзінде, натрий эноксапаринінің анти-Xa белсенділігі ешқашанда толық бейтараптанбайды (ең көбі 60%-ға жуық).

Арнайы сақтандырулар Жалпы ақпарат Натрий эноксапаринін басқа төмен молекулалы гепариндермен өзара алмастыру ретінде (бірлігін бірлікке) пайдалануға тыйым салынады. Бұл дәрілік препараттардың өндіру үдерісі, молекулалық салмағы, спецификалық анти-Ха белсенділігі және анти-IIa белсенділігі, дозалау бірліктері, дозалау режимі және клиникалық тиімілігі мен қауіпсіздігі бойынша айырмашылықтары бар. Бұл олардың фармакокинетикасындағы және биологиялық белсенділіктеріндегі (антитромбиндік белсенділік және тромбоциттермен өзара әрекеттесу) айырмашылықтарға алып келеді. Сондықтан ерекше көңіл бөлу және әрбір дәрілік препарат үшін спецификалы қолдану жөніндегі нұсқаулықтарды сақтау қажет. Анамнездегі гепарин индукциялаған тромбоцитопения (>100 күн) Натрий эноксапаринін анамнезінде соңғы 100 күннің ішінде иммунитетке байланысты гепарин индукциялаған тромбоцитопениясы бар пациенттерде немесе айналымдағы антиденелер бар болғанда қолдануға болмайды. Айналымдағы антиденелер бірнеше жыл бойы сақталуы мүмкін. Натрий эноксапаринін анамнезінде айналымдағы антиденелерсіз гепарин индукциялаған тромбоцитопения (>100 күн) туралы мәліметтер бар пациенттерде ерекше сақтықпен қолдану керек. Мұндай жағдайда натрий эноксапаринін қолдану туралы шешім пайда мен қауіп арақатынасына мұқият баға бергеннен кейін және баламалы гепариндік емес емді (мысалы, натрий данапароидын немесе лепирудинді) қолдану мүмкіндігін қарастырғаннан кейін ғана қабылдануы тиіс. Тромбоциттер санын бақылау Төмен молекулалы гепариндерді енгізген кезде антиденеге байланысты гепарин индукциялаған тромбоцитопенияның да қаупі бар. Әдетте, тромбоцитопения натрий эноксапаринімен емдеуді бастағаннан кейін 5-ші және 21-ші күндер аралығындағы кезеңде пайда болады. Гепарин индукциялаған тромбоцитопения қаупі операциядан кейінгі, көбінесе жүрекке операция жасалғаннан кейінгі пациенттерде және қатерлі жаңа түзілімі бар пациенттерде жоғары. Сондықтан, тромбоциттер санын натрий эноксапаринімен емді бастағанға дейін және әрі қарай емдеу кезінде тұрақты түрде өлшеп отырған жөн. Гепарин индукциялаған тромбоцитопенияны білдіретін клиникалық симптомдар (артериялық және/немесе веналық тромбоэмболияның кез келген жаңа көрінісі, енгізген жердегі терінің кез келген ауыртатын зақымдануы, емдеуге кез келген аллергиялық немесе анафилаксиялық реакциялар) бар болса, тромбоциттер санын өлшеу қажет. Пациенттерді бұл симптомдардың пайда болуы мүмкін екенінен, және егер олар пайда болса, пациенттер мұны өздерінің емдеуші дәрігерлеріне хабарлауы тиіс екенінен хабардар ету қажет. Практикада, егер тромбоциттер санының дәлелденген елеулі төмендеуі (бастапқы мәнінен 30-50 %) орын алса, натрий эноксапаринімен емдеуді дереу тоқтату және пациентті басқа баламалы гепариндік емес антикоагулянттармен емге ауыстыру керек. Қан кету Басқа да антикоагулянттарды қолданған кездегідей, кез келген жерден қан кетудің дамуы мүмкін. Қан кету дамығанда оның көзін табу және тиісті ем жүргізу қажет. Кез келген антикоагулянттық емдегі сияқты, натрий эноксапаринін қан кету ықтималдығы жоғары болатын мынадай жай-күйлерде сақтықпен қолдану керек: гемостаздың бұзылуы • анамнездегі пептидтік ойықжара • жуырда бастан өткерген ишемиялық инсульт • ауыр артериялық гипертензия • жақында бастан өткерген диабеттік ретинопатия • неврологиялық немесе офтальмологиялық операция • гемостаз жүйесіне әсер ететін препараттарды бір мезгілде қабылдау Зертханалық тесттер Веналық тромбоэмболияның профилактикасы үшін қолданылатын дозаларда, натрий эноксапарині қан кету уақытына және қан ұюының жалпы көрсеткіштеріне, сондай-ақ тромбоциттер агрегациясына немесе олардың фибриногенмен байланысуына елеулі ықпал етпейді. Дозаны арттырғанда ішінара белсенділенген тромбопластин уақыты (ІБТУ) және қан ұюының белсенділенген уақыты (ҚҰБУ) ұзаруы мүмкін. ІБТУ және ҚҰБУ жоғарылауы натрий эноксапаринінің тромбозға қарсы белсенділігінің ұлғаюына тікелей дозаға тәуелділікте емес, сондықтан оларға мониторингтің қажеті жоқ. Жұлынға жасалатын /Эпидуральді анестезия немесе бел пункциясы Натрий эноксапаринінің емдік дозаларын енгізгеннен кейін 24 сағаттың ішінде жұлынға жасалатын/эпидуральді анестезияны және бел пункциясын жүргізуге болмайды. Натрий эноксапаринін жұлынға жасалатын/эпидуральді анестезияны және жұлынға жасалатын пункцияны жүргізу кезінде қолданғанда нейроаксиальді гематомалар жағдайлары туралы хабарланды, бұл тұрақты немесе қайтымсыз салданудың дамуына әкеледі. Мұндай құбылыстардың даму қаупі натрий эноксапаринін тәулігіне бір рет 4 000 ХБ (40 мг) немесе одан төмен дозаларда қолданғанда төмендейді. Операциядан кейін ішке енетін эпидуральді катетерлерді пайдаланған кезде, гемостазға әсер ететін қосымша препараттарды (мысалы, қабынуға қарсы стероидты емес препараттарды) бір мезгілде қолданғанда, жарақаттық немесе қайталанған эпидуральді немесе жұлын пункциясында, сондай-ақ омыртқаға операция жасатқан немесе омыртқаның деформациясы бар пациенттерде қауіп жоғарылайды. Натрий эноксапаринін қолданумен және бір мезгілде эпидуральді немесе жұлынға жасалатын анестезияны/анальгезияны немесе бел пункциясын жүргізумен байланысты ықтимал қан кету қаупін азайту үшін, натрий эноксапаринінің фармакокинетикалық бейінін ескеру қажет. Эпидуральді катетерді (немесе бел пункциясын) орнатуды немесе алып тастауды натрий эноксапаринінің төмен антикоагулянттық әсерінде жүргізген жақсы; алайда, әрбір пациенттің жеткілікті мөлшердегі төмен антикоагулянттық әсерге жетуінің дәл уақыты белгісіз. Креатинин клиренсі 15-30 мл/минут болатын пациенттер үшін қосымша шаралар қабылдау қажет, өйткені натрий эноксапаринінің шығарылуы оларда ұзағырақ жүреді. Егер эпидуральді немесе жұлынға жасалатын анестезия/анальгезия немесе бел пункциясын жүргізу кезінде дәрігердің тағайындауы бойынша антикоагулянттық ем қолданылса, төмендегідей кез келген неврологиялық симптомдарды анықтау үшін пациентке ерекше мұқият әрі тұрақты бақылау қажет: белдің ауыруы, сенсорлық және моторлық функциялардың бұзылуы (аяқтардың ұйып қалуы немесе әлсіздігі), ішектің және/немесе қуықтың функциясы бұзылуы. Пациентке жоғарыда сипатталған симптомдардың кез келгені пайда болғанда дереу дәрігерге хабарлау қажеттілігі туралы түсіндіру қажет. Жұлын гематомасына тән симптомдарға күдіктенгенде, қажет болған жағдайда жұлын декомпрессиясын қоса, шұғыл диагностика және емдеу қажет, дегенмен мұндай емдеу неврологиялық асқынулардың алдын алмауы немесе баса алмауы да мүмкін. Тері некрозы/тері васкулиті Төмен молекулалы гепариндерді қолданған кезде тері некрозы және тері васкулиті жағдайлары туралы хабарланды. Мұндай жағдайда емдеуді дереу тоқтату қажет. Тері арқылы коронарлық реваскуляризация (ТКР) емшаралары Тұрақсыз стенокардия, Q тісінсіз миокард инфарктісі және ST сегментінің көтерілуімен жедел миокард инфарктісін емдеу кезінде тері арқылы коронарлық араласудан кейін қан кету қаупін азайту үшін натрий эноксапарині дозаларының арасында ұсынылатын аралықтарды қатаң сақтау ұсынылады. ТКР-дан кейін пункция орнында болатын гемостазға жету маңызды. Қорғағыш құрылғы қолданылған жағдайда катетерді дереу алып тастауға болады. Қолмен компрестеу әдісі қолданылған жағдайда катетер натрий эноксапаринінің соңғы теріастылық/вена ішілік инъекциясынан кейін 6 сағаттан соң алып тасталуы тиіс. Егер ем жалғасса, келесі дозалау режимі катетерді алып тастағаннан кейін 6-8 сағат өткен соң барып тағайындалуы тиіс. Катетер енгізілген жерде қан кету немесе гематома түзілу белгілерінің бар-жоғын бағалау керек. Жедел инфекциялық эндокардит Гепаринді қолдану миға қан құйылу қаупіне байланысты әдетте жедел инфекциялық эндокардиті бар пациенттерге ұсынылмайды. Егер бұлай қолдану сөзсіз қажет деп саналса, пайдасы мен қаупінің арақатынасына мұқият баға бергеннен кейін ғана шешім қабылдануы тиіс. Жүректің механикалық жасанды клапандары Натрий эноксапаринін жүректің механикалық жасанды клапандары бар пациенттерде тромб түзілуінің профилактикасы үшін қолдану жеткілікті зерттелмеген. Жүректің механикалық жасанды клапандары бар пациенттерде тромб түзілуінің профилактикасы үшін натрий эноксапаринімен ем аясында жүректің жасанды клапандарының тромбозы дамуының бірлі-жарым жағдайлары тіркелген. Жүректің жасанды клапандарында тромбоз дамуына жағдай жасайтын, негізгі ауруды қоса, шатастырарлық факторлар бар болғандықтан, клиникалық деректер жеткіліксіз болғандықтан, бұл хабарламаларға баға беру шектеулі. Бұл жағдайлардың кейбіреулері жүкті әйелдерде болған, оларда тромбоз ананың және шарананың өліміне алып келді. Жүректің механикалық жасанды клапандары бар жүкті әйелдер Жүрек клапандарының механикалық протездері бар жүкті әйелдерде тромбоздардың профилактикасы үшін натрий эноксапаринін қолдану жеткілікті зерттелмеген. Тромбоэмболия қаупін азайту үшін натрий эноксапаринін тағайындалған (күніне екі рет 100 ХБ/кг (1 мг/кг)), жүрек клапандарының механикалық протездері бар жүкті әйелдерге жүргізілген клиникалық зерттеуде 8 әйелдің 2-інде тромбтар түзілді, бұл жүрек клапандарының бітелуіне және анасы мен шарананың өліміне әкелді. Тромбоздың профилактикасы үшін натрий эноксапаринін қабылдаған жүрек клапандарының механикалық протездері бар жүкті әйелдерде клапандардың тромбозы туралы тіркеуден кейінгі жекелеген хабарламалар болды. Жүрек клапандарының механикалық протездері бар жүкті әйелдер тромбоэмболияның жоғары қаупіне бейім болады. Егде жастағы пациенттер Препаратты егде жастағы пациенттерде профилактикалық дозаларда қолданғанда қанағыштықтың ұлғаю үрдісі анықталған жоқ. Препаратты егде жастағы пациенттерде (әсіресе 80 жастағы және одан асқан пациенттерде) емдік дозаларда қолданғанда қан кету дамуының жоғары қаупі бар. 75 жастан асқан, ST сегментінің көтерілуімен миокард инфарктісінен емделіп жүрген пациенттерде мұқият бақылау жүргізу және дозасын азайту мүмкіндігін қарастыру ұсынылады. Бүйрек функциясының бұзылуы Бүйрек функциясы бұзылған пациенттерде натрий эноксапаринінің жүйелі экспозициясының ұлғаюы нәтижесінде қан кетудің даму қаупі бар. Мұндай пациенттерде мұқият бақылау жүргізу және анти-Ха белсенділікті өлшеу жолымен биологиялық мониторинг ұсынылады. Натрий эноксапарині бүйрек ауруының терминальді сатысындағы (креатинин клиренсі <15 мл/мин) пациенттерге, гемодиализ жүргізгенде қанайналымның экстракорпоральді шеңберінде тромб түзілуінің профилактикасынан өзге, популяция туралы деректер жоқ болуына байланысты, ұсынылмайды. Бүйрек функциясы ауыр бұзылған пациенттерде (креатинин клиренсі 15-30 мл/мин) препаратты профилактикалық та, емдік те қолдану кезінде дозаға түзету жүргізген жөн, өйткені натрий эноксапаринінің экспозициясы едәуір ұлғаяды. Бүйрек функциясының орташа (креатинин клиренсі 30-50 мл/мин) және жеңіл (креатинин клиренсі 50-80 мл/мин) бұзылуы бар пациенттерде дозаға түзету жүргізу қажет емес. Бауыр функциясының бұзылуы Қан кету ықтималдығына байланысты, натрий эноксапаринін бауыр функциясының бұзылуы бар пациенттерде сақтықпен қолдану керек. Анти-Xa белсенділігінің деңгейіне мониторинг негізінде дозаны түзету бауыр циррозы бар пациенттерде сенімсіз болып табылады және ұсынылмайды. Дене салмағының аздығы Профилактикалық (дене салмағын ескеріп түзетілмеген) дозалардағы натрий эноксапарині экспозициясының ұлғаюы дене салмағы төмен әйелдерде (45 кг-ден аз) және дене салмағы төмен еркектерде (57 кг-ден аз) қан кетудің дамуының жоғары қаупіне әкелуі мүмкін. Мұндай пациенттердің жай-күйіне мұқият бақылау жүргізу ұсынылады. Семіздікке шалдыққан пациенттер Семіздіктен зардап шегіп жүрген пациенттер тромбоэмболияның даму қаупі жоғары топқа жатады. Семіздіктен зардап шегіп жүрген (ДСИ 30 кг/м² астам) пациенттерде эноксапаринді профилактикалық дозаларда қолданудың қауіпсіздігі мен тиімділігі толық анықталмаған және дозасын түзету жөнінде ортақ пікір жоқ. Бұл пациенттерді тромбоэмболия симптомдары мен белгілерінің дамуына қатысты мұқият бақылау қажет. Гиперкалиемия Гепариндер бүйрекүсті бездері қыртысының альдостерон гормоны секрециясын басуы мүмкін, бұл гиперкалиемияға әкеліп соғады, атап айтқанда қантты диабеті, бүйректің созылмалы жеткіліксіздігі бар, бұрын метаболизмдік ацидозы болған, калий деңгейін арттыратын дәрілік препараттарды қабылдайтын пациенттерде. Плазмадағы калийді, әсіресе қауіп тобындағы пациенттерде, ұдайы тексеру керек. Қадағалануы Төмен молекулалы гепариндер – бұлар биологиялық дәрілік препараттар. Төмен молекулалы гепариндердің қадағалануын жақсарту үшін медицина қызметкерлеріне пациенттің картасына енгізілген препараттың саудалық атауын және партия нөмірін жазып қою ұсынылады. Жедел жайылған экзантематозды пустулез Жедел жайылған экзантематозды пустулез (AGEP) эноксапаринмен емдеумен байланысты белгісіз жиілікпен тіркелді. Пациенттерге препаратты тағайындаған кезде белгілер мен симптомдар туралы хабарлау және тері реакцияларын мұқият қадағалау керек. Егер осы реакцияларды көрсететін белгілер мен симптомдар пайда болса, эноксапаринді дереу тоқтату және баламалы емдеуді (қажеттілігіне қарай) қарастыру керек. Жүктілік кезінде Адамда жүктіліктің екінші және үшінші триместрі кезінде натрий эноксапаринінің плаценталық бөгет арқылы өтетіндігі туралы мәліметтер жоқ. Жүктіліктің бірінші триместріне қатысты тиісті ақпарат жоқ. Эноксапарин натрийді жүктілік кезінде тек, дәрігер оны қолданудың аса қажеттілігін анықтаған жағдайларда ғана қолдану керек. Эноксапарин натрийді қабылдап жүрген жүкті әйелдерге, қан кету немесе шамадан тыс антикоагуляция белгілерінің пайда болуына қатысты мұқият қадағалау жүргізу керек. Әйелдерге қан кету қаупі туралы ескерту қажет. Жалпы алғанда, деректерге сәйкес, жүректің жасанды клапандары бар жүкті әйелдер үшін қаупінен өзге, жүкті емес әйелдер үшін қаупіне қатысты қан кету, тромбоцитопения және остеопороз қаупінің артатындығына дәлелдер жоқ. Алайда, егер эпидуральді анестезия жоспарланса, егер бұл мүмкін болса, анестезияға дейін, кемінде 12 сағат бұрын гепаринмен профилактикалық емді тоқтату керек. Лактация Өзгермеген натрий эноксапаринінің адамда емшек сүтіне бөлінетін-бөлінбейтіндігі белгісіз. Натрий эноксапаринінің пероральді сіңірілу ықтималдығы аз. Катеноксты бала емізу кезінде қолдануға болады. Фертильділік Фертильділікке қатысты натрий эноксапарині бойынша клиникалық деректер жоқ. Бөлу шкаласы Катенокс препаратының алдын ала толтырылған шприцтерінде, инъекцияға арналған 2000 анти-Ха ХБ/0.2 мл, 4000 анти-Ха ХБ/0.,4 мл ерітінді, бөлу шкаласы жоқ. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Натрий эноксапарині көлік құралдарын басқару және механизмдермен жұмыс істеу қабілетіне елеусіз ықпал етеді немесе мүлде ықпал етпейді.

Нұсқаулықта көрсетілмеген.

Ұсынылмайтын біріктірілімдер - гемостазға әсер ететін препараттар. Натрий эноксапаринімен емдеуді бастағанға дейін, оларды қолдану қатаң көрсетілген жағдайларды қоспағанда, гемостазға әсер ететін кейбір препараттарды қабылдауды тоқтату ұсынылады. Егер натрий эноксапаринінің осы препараттармен біріктірілімдері көрсетілсе, онда натрий эноксапаринін мұқият клиникалық бақылаумен және тиісінше зертханалық көрсеткіштерге мониторинг жасаумен қолдану керек. Ондай заттарға келесі препараттар жатады: • жүйелі салицилаттар, ацетилсалицил қышқылы (қабынуға қарсы дозасы) және кеторолакты қоса, қабынуға қарсы стероидты емес препараттар; • басқа тромболитиктер (альтеплаза, ретеплаза, стрептокиназа, тенектеплаза, урокиназа) және антикоагулянттар. Сақтықпен қолдану Келесі препараттарды натрий эноксапаринімен бір мезгілде сақтықпен қолдануға болады: Гемостазға әсер ететін басқа препараттар: • тромбоциттер агрегациясының тежегіштері, оның ішінде антиагреганттық дозадағы (кардиопротекция) ацетилсалицил қышқылы, клопидогрел, тиклопидин, қан кету қаупіне байланысты жедел коронарлық синдромда қолданылатын гликопротеиндік IIb/IIIa рецепторларының антогонистері • декстран 40 • жүйелі глюкокортикоидтар Калий деңгейін жоғарылататын препараттар: сарысудағы калий деңгейін жоғарылататын препараттарды натрий эноксапаринімен бір мезгілде мұқият клиникалық бақылау және зертханалық көрсеткіштерді бақылау арқылы қолдануға болады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 30С-ден аспайтын температурада сақтау керек. Балалардың қолы жетпейтін жерде сақтау керек!