Каффетин Леди таблетки 200 мг

Бір таблетканың құрамында белсенді зат: ибупрофен лизин 342 мг (200 мг ибупрофенге сәйкес келеді); қосымша заттар: силикатталған микрокристалды целлюлоза, коповидон, микрокристалды целлюлоза, сусыз коллоидты кремнийдің қостотығы, магний стеараты, тальк. Қабық: Опадрай II қызғылт 57U34579: гидроксипропилметилцеллюлоза (Е 464), титанның қостотығы (Е 171), полидекстроза (Е 1200), тальк (Е 553b), мальтодекстрин, ұзындығы орташа тізбекті триглицеридтер, понсо 4R алюминий лагы (Е 124), FD&C сары #6/ сансет сары FCF алюминий лагы (Е 110), FD&C көгілдір #2 / индиго кармин алюминий лагы (E 132). Опадрай fx күміс 62w28547: натрий кармеллозасы (Е 466), мальтодекстрин, декстроза моногидраты, слюда негізіндегі перламутр пигменті (Е 555/Е 171), лецитин (соялық). Сыртқы түрінің, иісінің, дәмінің сипаттамасы Ұзынша пішінді, екі беті дөңес, бір жағында сызығы бар, жылтырап тұратын жұмсақ-қызғылт түсті үлбірлі қабықпен қапталған таблеткалар.

- етеккірлік ауырсынуды жеңілдету Қолдану басталғанға дейін қажетті мәліметтер тізбесі

ATХ коды M01AE01 Ибупрофен лизинаты пропион қышқылының туындысы - ибупрофеннің лизин тұзы болып табылады және простагландиндер секрециясын тиімді бәсеңдетеді. Адамда ибупрофен қабыну кезіндегі ауыруды, ісіну мен қызбаны төмендетеді. Бастапқы дисменореясы бар пациент әйелдерде ибупрофен етеккір сұйықтығында простагландиндер белсенділігі деңгейінің төмендеуін және жатырішілік қысымның, сондай-ақ жатырдың жиырылу жиілігінің төмендеуін көрсетті.

Ең аз тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса, симптомдар (мысалы, қызба және ауырсыну) сақталса немесе нашарласа, дереу дәрігерге қаралыңыз. Дозалау режимі Қысқа уақыт кезеңі ішінде симптомдарды емдеуге қажетті ең төмен тиімді дозаны қолдану керек. Ересектерге: 1-2 таблеткадан, негізінен тамақтану кезінде немесе одан кейін. Қабылдаулар арасындағы аралық – 4 - 6 сағат. Жүйелі уақыт аралықтарымен қолданғанда ауыру қарқынының ауытқуы басылады Жалпы тәуліктік доза (24 сағат ішінде) 1200 мг ибупрофенге сәйкес келетін 6 таблеткадан аспауы тиіс. Асқазан-ішек бұзылыстары бар пациенттерге таблеткаларды тамақтану кезінде қабылдау ұсынылады. Егер ауыру 3 күннен соң басылмаса, дәрігермен кеңесусіз препаратпен емдеуді жалғастыруға болмайды. Енгізу әдісі мен жолы Ішке қабылдауға арналған. Тек қысқа мерзімді пероральді қолдануға арналған. Таблеткаларды шайнамай сумен ішу қажет.

- белсенді затқа (заттарға) немесе қосымша заттардың кез келгеніне аса жоғары сезімталдық - ацетилсалицил қышқылын немесе басқа қабынуға қарсы стероидты емес препараттарды қабылдау түрткі болатын анамнездегі аса жоғары сезімталдық реакциялары (атап айтқанда, бронх демікпесі, ринит, Квинке ісінуі немесе есекжем) - өршу сатысындағы немесе анамнездегі ойық жара ауруы/ойық жарадан қан кету (ойық жара ауруы/ойық жарадан қан кетудің екі және одан көп расталған көрінісінің және анамнезде болуы) - ҚҚСП қолдану түрткі болатын немесе анамнездегі асқазан-ішек жолынан қан кету немесе тесілу - қатты сусыздану (құсу, диарея немесе жеткіліксіз сұйықтық ішу салдарынан) - гемофилия және қан ұюының басқа бұзылулары (соның ішінде гипокоагуляциялар), геморрагиялық диатездер - бауырдың ауыр жеткіліксіздігі - бүйректің ауыр жеткіліксіздігі - жүректің ауыр жеткіліксіздігі (NYHA бойынша IV класс - Нью-Йорк Кардиологтар қауымдастығының жіктеуі) - тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы - жүктілік (III триместр) және лактация кезеңі. - 18 жасқа дейінгі балалар.

Жағымсыз әсерлері көбінесе дозаға тәуелді болып табылады. Төменде тізбеленген жағымсыз реакциялар ибупрофенді 1200 мг/тәуліктен (6 таблетка) аспайтын дозаларда қысқа мерзімді қабылдағанда білінді. Клиникалық сынақтар нәтижелері тәулігіне ≥ 2400 мг дозада ибупрофенді қабылдау мен артериялық тромбоздық құбылыстар (мысалы, миокард инфарктісі және инсульт) даму қаупінің шамалы жоғары болуы арасындағы ықтимал өзара байланыстың болуын болжайды. Созылмалы жай-күйлерді емдегенде және ұзақ уақыт қолданғанда басқа жағымсыз реакциялар білінуі мүмкін. Жиі емес - аса жоғары сезімталдық реакциялары: спецификалық емес аллергиялық реакциялар және анафилаксиялық реакциялар, тыныс алу жолдары тарапынан реакциялар (бронх демікпесі, соның ішінде оның өршуі, бронх түйілуі, ентігу, диспноэ), тері реакциялары (қышыну, есекжем, пурпура, Квинке ісінуі), тері бөртпесінің әртүрлі типтері. - іштің ауыруы, жүрек айнуы, диспепсия (соның ішінде қыжыл, іштің кебуі). - бас ауыру Сирек - диарея, газ түзілуінің жоғарылауы, іш қату және құсу Өте сирек - қан түзілуінің бұзылуы: анемия (гемоглобин деңгейінің төмендеуі), лейкопения, тромбоцитопения, панцитопения, агранулоцитоз. Алғашқы белгілері қызба, тамақтың ауыруы, ауыз қуысында ойық жаралар түзілуі, тұмау тәрізді симптомдар, қатты әлсіреп кету, қан кетудің және гематомалардың себепсіз пайда болуы - аса жоғары сезімталдықтың ауыр реакциялары бет, тіл және көмей ісінуін, ентігу, тахикардия, гипотензияны (анафилаксия, Квинке ісінуі немесе ауыр анафилаксиялық шок) қамтиды. - асқазанның және он екі елі ішектің ойық жарасы (пептидтік ойық жара), тесілу немесе асқазан-ішектен қан кету, мелена, қан аралас құсу, кейбір жағдайларда өліммен аяқталатын, жиірек егде жастағы пациенттерде - ойық жаралы стоматит, гастрит - жедел бүйрек жеткіліксіздігі, папиллонекроз, әсіресе, ұзақ уақыт қолданғанда, қан сарысуында мочевина деңгейінің жоғарылауымен және ісінулердің пайда болуымен біріккен - бауыр функциясының бұзылуы - асқынған тері аурулары: эксфолиативті және буллезді дерматоздар, соның ішінде уытты эпидермалық некролиз (Лайелл синдромы), Стивенс-Джонсон синдромы, мультиформалы эритема. - аутоиммундық бұзылулары (жүйелі қызыл жегі, дәнекер тіннің аралас ауруы) бар пациенттерде ибупрофенмен емделу кезінде асептикалық менингит симптомдары туындаған бірлі-жарым жағдайлар, атап айтқанда, желке бұлшықеттерінің сіресуі, бас ауыру, құсу, қызба немесе бағдардан жаңылу байқалды Белгісіз - тыныс алу жолдары тарапынан реакциялар (бронх демікпесі, соның ішінде оның өршуі, бронх түйілуі, ентігу, диспноэ) - жүрек жеткіліксіздігі және ісінулер - гипертензия - спецификалық емес ойық жаралы колит пен Крон ауруының өршуі - бүйрек жеткіліксіздігі - эозинофилиямен және жүйелі симптомдармен (DRESS синдромы) дәрілік реакция, DRESS симптомдары мыналарды қамтиды: тері бөртпесі, қызба, лимфа түйіндерінің ұлғаюы және эозинофилдердің көбеюі (лейкоциттердің түрлері) - жедел жайылған экзентематозды пустулез (AGEP) - фотосезімталдық Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Балаларда симптомдар дене салмағына 400 мг/кг-ден асып кететін дозасын қабылдаудан кейін туындауы мүмкін. Ересектерде дозаға тәуелді әсері аз білінеді. Артық дозаланғанда препараттың жартылай шығарылу кезеңі 1,5-3 сағатты құрайды. Симптомдары: жүрек айну, құсу, эпигастрий ауыруы немесе, сирек, диарея, құлақтың шуылдауы, бас ауыру және асқазан-ішектен қан кету. Аса ауыр жағдайларда орталық жүйке жүйесі тарапынан уыттану көріністері, атап айтқанда, ұйқышылдық, арасында – қозу, сондай-ақ бағдардан жаңылу немесе кома байқалады, сирек жағдайларда құрысулар туындайды. Ауыр улану жағдайларында метаболизмдік ацидоз дамуы және ХҚҚ/протромбин уақытының ұзаруы мүмкін, бұл препарат пен қан ұюының айналымдық факторларының өзара әрекеттесуімен байланысты болуы ықтимал. Жедел бүйрек жеткіліксіздігі және бауырдың зақымдануы туындауы мүмкін. Бронх демікпесі бар пациенттерде осы аурудың өршуі мүмкін. Емі: пациенттің жай-күйі қалыпқа түскенше негізгі тіршілік көрсеткіштерін, жүрек қызметін мониторингтеумен және тыныс алу жолдарының еркін өткізгіштігін міндетті түрде қамтамасыз етумен симптоматикалық және демеуші ем. Препараттың уыттылығы зор дозасын қабылдаудан кейін бір сағат ішінде ішу арқылы белсендірілген көмір қолдану ұсынылады. Жиі немесе ұзаққа созылатын құрысулар вена ішіне диазепам немесе лоразепам енгізумен басу керек. Бронх демікпесінде бронходилататорлар қолдану ұсынылады.

Осы бөлімде көрсетілген жай-күйлер болғанда препаратты қолданар алдында дәрігерге қаралу керек. Басқа ҚҚСП препараттары сияқты, Каффетин Леди қызба және ауырсыну сияқты инфекциялардың белгілерін жасыруы мүмкін. Сондықтан, Каффетин Леди инфекцияның тиісті емін кешіктіруі, бұл асқыну қаупінің артуына әкелуі мүмкін. Бұл бактериялардан туындаған пневмонияда және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз. Егер препаратты қысқа уақыт аралығында, симптомдарды жою үшін қажетті ең аз тиімді дозада қабылдаса, жағымсыз әсерлердің пайда болу қаупін барынша азайтуға болады. Тыныс алу ағзаларына әсері:өршу сатысындағы бронх демікпесі немесе аллергиялық ауруы бар пациенттерде, сондай-ақ анамнезінде бронх демікпесі/аллергиялық ауруы бар пациенттерде препарат бронх түйілуіне түрткі болуы мүмкін. Шылым шегіп жүргенде препаратты қолданар алдында маманмен кеңесу қажет. Басқа ҚҚСП-мен бірге пайдалану: басқа ҚҚСП, атап айтқанда, циклооксигеназа-2 селективті тежегіштерімен ибупрофенді бір мезгілде қолданудан сақтану керек. Жүйелі қызыл жегі және дәнекер тіннің аралас ауруы: препаратты жүйелі қызыл жегі немесе дәнекер тіннің аралас ауруы бар пациенттерде қолдану асептикалық менингиттің жоғары даму қаупімен байланысты. Бүйрекке әсері: препарат бүйрек жеткіліксіздігінің дамуымен бүйрек функциясының нашарлауын туындатуы мүмкін. Сусызданған балалар мен жасөспірімдерде бүйрек жеткіліксіздігі қаупі бар. Бауырға әсері: препарат бауыр функциясының бұзылуын туындатуы мүмкін. Жүрек-қантамыр жүйесіне және ми қан айналымына әсері: ҚҚСП қолдану аясында сұйықтық іркілісі, артериялық қысымның көтерілуі және ісінулердің білінуі туралы хабарламалар болғандықтан, препаратты артериялық гипертензиясы және/немесе жүрек жеткіліксіздігі бар пациенттерде (қолданар алдында дәрігермен кеңесу керек) абайлап қолдану ұсынылады. Жалпы, эпидемиологиялық зерттеулер ибупрофеннің (яғни, тәулігіне 1200 мг және одан аз) төмен дозаларын қабылдау мен миокард инфарктісінің жоғары даму қаупі арасында тәуелділік барын көрсетпейді. Бақыланбайтын артериялық гипертензиясы, NYHA бойынша II-III класты іркілісті жүрек жеткіліксіздігі, анықталған ишемиялық жүрек ауруы, шеткері артериялар аурулары және/немесе цереброваскулярлы аурулары бар пациенттерге ибупрофен пайда-қауіп арақатынасын мұқият бағалаудан кейін ғана тағайындалу керек, осы орайда ибупрофеннің жоғары дозаларын (≥ 2400 мг/тәулік) қолданбау керек. Асқазан-ішек жолына әсері: анамнезінде асқазан-ішек жолының аурулары (спецификалық емес ойық жаралы колит, Крон ауруы) бар пациенттерде препаратты сақтықпен қолдану қажет, өйткені осы топтың препараттарын пайдаланғанда бұл аурулар өршуі мүмкін. ҚҚСП тобының кез келген препараттарын қолданудың кез келген сәтінде, сақтандыру симптомдары немесе осындай асқынулардың алдыңғы анамнезі болғанда немесе болмағанда асқазан-ішек қан кетуі, ойық жаралары мен тесілуі туындаған жағдайлар жөнінде хабарламалар бар. Асқазан-ішек қан кетуі немесе ойық жаралары/тесілуінің жоғары қаупі ҚҚСП жоғары дозаларын пайдаланумен, пациент анамнезінде, әсіресе, қан кетуге және тесілуге ұласа асқынған ойық жаралы аурудың болуымен, сондай-ақ егде жастағы адамдарда препаратты қолданумен байланысты. Атап көрсетілген пациенттердің санаттарында емдеуді препараттың ең аз тиімді дозасынан бастау керек. Анамнезінде асқазан-ішек жолы тарапынан уыттану көріністері бар пациенттер, соның ішінде, егде жастағы науқастар, әсіресе, емдеудің басында асқазан-ішек жолы тарапынан болатын кез келген әдеттен тыс симптомдар туралы (атап айтқанда, асқазан-ішектен қан кету жағдайында) хабарлауы тиіс. Ибупрофенмен ем қабылдайтын пациенттерде асқазан-ішектен қан кету немесе ойық жара пайда болғанда препарат қабылдауды тоқтату керек. Циклооксигеназа/простагландиндер синтезін тежейтін дәрілік препараттар овуляция үдерісіне әсер ету салдарынан әйелдерде ұрпақ өрбіту функциясының бұзылуын туғызуы мүмкін екені туралы шектеулі деректер бар. Осы әсері препарат қабылдауды тоқтатқанда қайтымды. Препаратты тағайындар алдында фруктоза жағымдылығын анықтау керек. Бір таблетка құрамында 0,1161 г сахароза бар, қант диабетімен науқастарға абайлап тағайындау керек. Тері жабындарына әсері ҚҚСП қабылдаумен байланысты кейбір жағдайларда эксфолиативті дерматит, Стивенс-Джонсон синдромы және уытты эпидермалық некролиздерді қоса, өлімге ұшырататын зардаптардың дамуына дейін апаратын күрделі тері реакциялары дамуының өте сирек жағдайлары туралы жекелеген хабарламалар бар. Осы реакциялар туындауының аса жоғары қаупі емнің басында (көпшілік жағдайларда емдеудің алғашқы айында) білінді. Ибупрофен бар өнімдерді қолданғанда жедел жайылған экзентематозды пустулез (AGEP) тіркелді. Тері бөртуі білінгенде, шырышты қабықтар зақымданғанда немесе аса жоғары сезімталдықтың басқа белгілерінде ибупрофен қабылдауды тоқтату керек.

Простагландин синтезін тежеу жүктіліктің өтуіне, эмбрион мен шарананың дамуына жанама әсер етуі мүмкін. Эпидемиологиялық зерттеулердің деректері жүктіліктің ерте кезеңдерінде простагландиндер синтезі тежегіштерін пайдалану кезінде өздігінен түсік түсіру, жүрек ақауы және гастрошизис қаупінің жоғарылағанын растайды. Жүрек-қантамыр жүйесі ауытқулары пайда болуының абсолюттік қаупі 1%-дан бастап шамамен 1,5%-ға дейін артты. Жануарларда простагландиндер синтезінің тежегішін енгізу имплантацияға дейінгі және кейінгі жоғалтуларды және эмбриондық өлімді арттыратыны көрсетілген. Сонымен қатар, органогенетикалық кезеңде простагландиндер синтезінің ингибиторымен емделген жануарларда әртүрлі даму ақауларының, соның ішінде жүрек-қан тамырлары ауруларының жиілігінің жоғарылауы тіркелді. Бұл қауіп дозаның және емдеу ұзақтығының ұлғаюымен артады. Осыған байланысты препаратты жүктіліктің III триместрінде қолданудан аулақ болу, препаратты қабылдау қажет болған жағдайда дәрігермен кеңесу керек. Каффетинді жүктілікті жоспарлаған әйелдерге немесе жүктіліктің I-II триместрінде қабылдаған кезде дозалау және емдеу ұзақтығы ең аз болуы тиіс. Жүктіліктің III триместрінде простагландин тежегіштерін қолдану шарана пен ананың дамуына ықпал етеді: - артериялық түтіктің мерзімінен бұрын жабылуымен және өкпе гипертензиясының дамуымен кардиопульмональді жеткіліксіздік; - бүйрек жеткіліксіздігі, ол су аздылықтың (сусызданудың) дамуымен бүйректің жұмыс істеуі толық тоқтатылуына әкелуі мүмкін; ана мен нәрестеде келесі жағдайлардың дамуына әкелуі мүмкін: - қан кету уақытының ұлғаюы, тіпті өте төмен дозаларда да агрегацияға қарсы әсері; - жатырдың жиырылу қызметін басу және кеш немесе ұзаққа созылған босану кезеңі. Осыған байланысты, Каффетин Ледиді жүктіліктің үшінші триместрінде қолдануға болмайды. Ибупрофен аз мөлшерде емшек сүтіне баланың денсаулығына теріс әсер етпестен енуі мүмкін екендігі туралы деректер бар, сондықтан, әдетте, қысқа мерзімді қабылдау кезінде емшек емізуді тоқтатудың қажеті жоқ. Препаратты ұзақ қолдану қажет болған жағдайда препаратты қолдану кезеңінде емшек емізуді тоқтату туралы мәселені шешу үшін дәрігерге қаралу керек. Натрий. Препарат құрамында 2 дозаға (2 таблетка) 1,1 ммоль (немесе 25,3 мг) натрий бар. Бұл натрий мөлшері шектеулі диетаны ұстанатын пациенттерде ескерілу керек. Бояғыштар. Қабық құрамындағы бояғыштар понсо 4R (Е 124), алюминий лагы (Е 110), FD&C көгілдір, индиго кармин алюминий лагы (E 132), сары FCF алюминий лагы (Е 110) болуына байланысты балаларда қолдануға тыйым салынады. Дәрілік заттың көлікті және басқа қауіптілігі зор механизмдерді басқару қабілетіне әсер ету ерекшеліктері Жағымсыз әсерлері болуы мүмкін екенін ескеріп, көлік құралын және аса қауіпті механизмдерді басқару кезінде сақ болу қажет.

Ибупрофенді (басқа да ҚҚСП) келесі препараттармен бір мезгілде қолданудан сақтану керек: Ацетилсалицил қышқылы: дәрігер тағайындаған ацетилсалицил қышқылының төмен дозаларын (тәулігіне 75 мг-ден аспайтын) қоспағанда, өйткені бірге қолдану жағымсыз әсерлердің туындау қаупін арттыруы мүмкін. Тәжірибелік деректер ибупрофеннің осы препараттарды бір мезгілде тағайындағанда аспириннің дезагрегациялық әсерін төмендетуі мүмкін екенін айғақтайды. Алайда, осы деректердің шектеулі екені және клиникалық оқиғаға ex vivo зерттеулері нәтижелерінің экстраполяциясы туралы ақпараттың болмауы ибупрофенді жүйелі қолданғанда осы әсер туындауының анық еместігін, ал препаратты анда-санда қолданғанда аспириннің дезагрегациялық қабілетіне клиникалық релевантты әсер етуі байқалмайтынын айғақтайды. Басқа ҚҚСП, атап айтқанда, циклооксигеназа-2 селективті тежегіштері: жағымсыз әсерлерінің туындау қаупінің артуы мүмкін екендіктен, ҚҚСП тобындағы екі немесе одан көп препараттарды бір мезгілде қолданудан сақтану керек. Келесі препараттармен бір мезгілде сақтықпен тағайындау керек: Глюкокортикостероидтар:ойық жаралардың немесе асқазан-ішектен қан кетудің туындау қаупінің жоғарылау мүмкіндігіне орай. Гипотензиялық препараттар және диуретиктер: ҚҚСП осы топтар препараттарының тиімділігін төмендетуі мүмкін. Диуретиктермен бір мезгілде қолдану ҚҚСП нефроуыттылығының жоғарылауына әкелуі мүмкін. Антикоагулянттар: ҚҚСП антикоагулянттардың, атап айтқанда, варфариннің әсерін күшейтуі мүмкін. Антиагреганттар және серотонинді кері қармаудың селективті тежегіштері (СКҚСТ): асқазан-ішектен қан кетудің жоғары туындау қаупі. Жүрек гликозидтері: ҚҚСП және жүрек гликозидтерін бір мезгілде тағайындау жүрек жеткіліксіздігінің өршуіне, шумақтық сүзіліс жылдамдығының төмендеуіне және қан плазмасында жүрек гликозидтері концентрациясының жоғарылауына әкелуі мүмкін. Литий препараттары: ҚҚСП қолдану аясында қан плазмасында литий концентрациясының жоғарылау ықтималдығы туралы деректер бар. Метотрексат: ҚҚСП қолдану аясында қан плазмасында метотрексат литий концентрациясының жоғарылау ықтималдығы туралы деректер бар. Циклоспорин: ҚҚСП және циклоспорин бір мезгілде тағайындалғанда нефроуыттану қаупінің артуы. Мифепристон:ҚҚСП қабылдау мифепристон қабылдаудан кейін 8-12 күн өткен соң барып басталу керек, өйткені ҚҚСП мифепристон тиімділігін төмендетуі мүмкін. Такролимус: ҚҚСП және такролимус бір мезгілде тағайындалғанда нефроуыттану қаупі артуы мүмкін. Зидовудин:ҚҚСП және зидовудинді бір мезгілде қолдану гематологиялық уыттанудың артуына алып келуі мүмкін. Зидовудинмен және ибупрофенмен бірге ем қабылдаған гемофилиясы бар АИТВ-оң пациенттерде гемартроз және гематомалардың жоғары туындау қаупі туралы деректер бар. Хинолон қатарының антибиотиктері: ҚҚСП және хинолон қатарындағы антибиотиктермен бірге ем қабылдап жүрген пациенттерде құрысулардың туындау қаупі жоғарылауы мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек.