КВАНИЛ® раствор 1000 мг/4 мл

Бір ампуланың (4 мл) ішінде: белсенді зат - натрий цитиколині 522,5 мг (500 мг цитиколинге баламалы) немесе 1045 мг (1000 мг цитиколинге баламалы), қосымша заттар: хлорсутек қышқылы, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз ерітінді.

- ми қан айналымының бұзылуымен байланысты неврологиялық және когнитивті бұзылуларды емдеу. - бас жарақаттарымен байланысты неврологиялық және когнитивті бұзылуларды емдеу.

Әсер ету механизмі Цитиколин нейрондар жарғақшаларының құрылымдық фосфолипидтерінің биосинтезін ынталандырады, бұл магниттік-резонанстық спектроскопияны қолдана отырып зерттеу кезінде расталды. Осы арқылы цитиколиннің әсері жүйке сигналдарын беру кезінде модуляциясы қажет болатын ион алмасу сорғылары мен рецепторлардың жұмысы сияқты жарғақшалардың функциясын жақсартады. Жарғақшаны тұрақтандыру қабілетінің арқасында цитиколин мидың ісінуінің қайта сіңірілуіне ықпал етеді. Эксперименттік зерттеулерде цитиколин бос радикалдардың түзілуін азайту, жарғақшалы жүйелердің бұзылуын болдырмау және глутатион сияқты антиоксиданттық қорғаныс жүйелерін сақтау арқылы кейбір фосфолипазалардың (A1, A2, C және D) белсендігін тежейтінін көрсетті. Цитиколин нейрондық энергия резервін сақтайды, апоптозды тежейді және ацетилхолин синтезін ынталандырады. Эксперименталды түрде цитиколин мидың фокустық ишемиясының модельдерінде профилактикалық нейропротекторлық әсерге ие екендігі расталды. Клиникалық зерттеулерде цитиколин ишемиялық инсульттан кейін пациенттің функцияларын қалпына келтіруін жақсартатындығы расталды, бұл нейровизуализация тесттеріндегі мидың зақымдануының төмендеуіне байланысты. Бас сүйек-ми жарақаттарын алған пациенттерде цитиколин қалпына келтіруді жеделдетеді және жарақаттан кейінгі синдромның ұзақтығы мен айқындылығын төмендетеді. Цитиколин зейін мен сананың деңгейін арттырады, сондай-ақ бас миының ишемиясымен байланысты амнезияда, когнитивті және неврологиялық бұзылыстарда жағымды әсерін тигізеді.

Дозалану режимі Ересектер Ұсынылатын доза аурудың ауырлығына байланысты тәулігіне 500-ден 2000 мг-ге дейін құрайды. Препаратты бұлшықет ішіне, вена ішіне баяу венаішілік инъекция түрінде (енгізілетін дозаға байланысты 3-тен 5 минутқа дейін) немесе вена ішіне құю түрінде (минутына 40-60 тамшы) енгізуге болады. Препараттың дозасы мен қолдану курсы емдеуші дәрігердің ұсынысы бойынша өзгертілуі мүмкін. Пациенттердің ерекше топтары Егде жастағы пациенттер Егде жастағы пациенттерде доза түзету талап етілмейді. Балалар Препаратты балаларда қолданудың тәжірибесінің деректері шектеулі болуына байланысты оны тек егер күтілетін емдік пайдасы кез келген ықтимал қаупінен астам болған жағдайда ғана қолдану керек. Енгізу әдісі және жолы Вена ішіне және бұлшықет ішіне енгізуге арналған.

- әсер етуші зат цитиколинге немесе қосымша заттардың кез-келгеніне аса жоғары сезімталдық - парасимпатикалық жүйке жүйесінің жоғары тонусы

Өте сирек (<1/10000) - елестеулер - бас ауыруы, бас айналуы - артериялық гипертензия, артериялық гипотензия - ентігу - жүрек айну, құсу, кейде диарея - гиперемия, есекжем, бөртпе, пурпура - қалтырау, ісіну. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препараттың жағымсыз әсерлерінің күшеюі. КВАНИЛ® препаратын ұзақ уақыт тағайындау енгізу тәсіліне байланыссыз уытты әсерлермен қатар жүрмеді. Емі: симптоматикалық.

Бассүйекішілік қан құйылу жағдайында тәуліктік дозадан 1000 мг-ден асыруға болмайды, оны минутына 30 тамшы жылдамдықпен вена ішіне баяу енгізу керек. Ампуладағы ерітінді бір рет қолдануға арналған. Оны ампуланы ашқаннан кейін бірден пайдалану керек. Препарат венаішілік изотониялық ерітіндінің және декстроза ерітіндісінің барлық түрлерімен үйлесімді. Арнайы сақтандырулар Педиатрияда қолдану Балаларда қолдану тәжірибесі шектеулі: демек, препарат күтілетін емдік пайда кез келген ықтимал қауіптен басым болған жағдайда ғана тағайындалуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері КВАНИЛ® препаратының көлік құралдарын басқару және механизмдермен жұмыс істеу қабілетіне әсері байқалмады.

Цитиколинді жүкті әйелдерде пайдалану туралы жеткіліксіз деректер бар. Жүктілік кезінде КВАНИЛ® анық қажеттіліксіз тағайындалмауы тиіс. Егер күтілетін пайда ықтимал қауіптен жоғары болған жағдайларда ғана препаратты қолдануға болады. КВАНИЛ® препаратын лактация кезеңінде тағайындаған кезде әйелдер бала емізуді тоқтату керек, өйткені цитиколиннің әйел сүтімен бөлініп шығуы туралы деректер жоқ.

Цитиколин құрамында леводопа бар препараттардың әсерін күшейтеді. Құрамында меклофеноксат бар дәрілік заттармен бір мезгілде тағайындамау керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25ºС-ден аспайтын температурада сақтау керек. Балалардың қолы жетпейтін жерде сақтау керек!