Кетанов таблетки 10 мг

Бір таблетканың құрамында белсенді зат - 10.00 мг кеторолак трометамолы қосымша заттар: микрокристалды целлюлоза (PH112), жүгері крахмалы, сусыз коллоидты кремнийдің қостотығы, магний стеараты қабық: гипромеллоза (5mРa s), макрогол-400, тальк, титанның қостотығы Е171. Сыртқы түрінің, иісі мен дәмінің сипаттамасы Дөңгелек, екі беті дөңес, бір жағында ойып түсірілген «KVT» жазуы бар, ақтан ақ дерлік түске дейінгі үлбірлі қабықпен қапталған таблеткалар.

• жедел ауыруды қысқа мерзімді емдеу (мысалы, операциядан кейін, байламдардың созылуы, буынның шығып кетуі және деформация сияқты жазатайым оқиғалардан туындаған жарақаттар кезінде) • арқа мен бұлшықеттерде кенеттен ауырсыну

Препараттың белсенді заты кеторолак айқын анальгетикалық әсерге ие, сонымен қатар қабынуға қарсы және орташа дене қызуын басатын әсерге ие. Әсер ету механизмі ЦОГ-1 және ЦОГ-2 ферментінің белсенділігін селективті емес бәсеңдетумен байланысты, негізінен шеткері тіндерде, соның салдарынан ауырсыну сезімталдығының, терморегуляция мен қабынудың простагландиндер - модуляторлары биосинтезінің тежелуі болып табылады. Кеторолак [-]S - және [+]R-энантиомерлердің рацемиялық қоспасы болып табылады, бұл ретте ауыруды басатын әсері [-]s формасына байланысты. Препарат апиынды рецепторларға әсер етпейді, тыныс алуды бәсеңдетпейді, дәріге тәуелділікті тудырмайды, седативті және анксиолитикалық әсерге ие емес. Ауырсынуды басатын әсердің күші морфинмен салыстырылады, басқа ҚҚСД едәуір асып түседі. Ішкеннен кейін анальгетикалық әсердің басталуы сәйкесінше 1 сағаттан кейін байқалады, ең жоғары әсерге 2-3 сағаттан кейін қол жеткізіледі. • Фармакокинетикалық қасиеттері Кеторолак трометамолы [-] S - және [+] R-энантиомерлік формалардың рацемиялық қоспасы болып табылады; S-форманың ауырсынуды басатын белсенділігі бар. Фармакокинетиканы вена ішіне, бұлшықет ішіне және пероральді қолданғанда салыстыру Ересектерде кеторолак трометамолының пероральді түрін және бұлшықетішілік нысанын қолданғаннанкейін биожетімділік дәрежесі вена ішінеболюсты енгізгеннен кейін биожетімділік дәрежесіне ұқсас болды. Тәуелді кинетика Ересектерде бір реттік пероральді дозаны немесе кеторолак трометамолының бұлшықетішілік/венаішілік дозасын ұсынылған дозалар диапазонында қолданғаннан кейін рацемиялық қоспаның клиренсі өзгермейді. Бұл кеторолак трометамолының бір немесе бірнеше рет бұлшықетішілік/венаішілік дозаларынан немесе ұсынылған пероральді дозалардан кейін ересектерде кеторолак трометамолының фармакокинетикасы тәуелді екенін білдіреді. Неғұрлым жоғары ұсынылған дозаларда бос және байланысты рацемиялық зат концентрациясының пропорционалды жоғарылауы байқалады. Сіңуі Кеторолак трометамолы пероральді қолданғаннан кейін 100% сіңіріледі. Майлы тамақты қабылдағаннан кейін пероральді қолданған кезде кеторолак трометамолының ең жоғары концентрациясына (C max) жеткенге дейін шамамен 1 сағатқа шыңның төмендеуі және уақыттың ұлғаюы байқалды. Антацидтер заттың сіңу дәрежесіне әсер етпеді. Таралуы Толық таралғаннан кейін кеторолак трометамолының орташа көрінетін таралуы шамамен 13 литрді құрады. Бұл параметр бір реттік дозаны қолдану туралы деректер негізінде анықталды. Кеторолак трометамолының рацемиялық қоспасы үлкен дәрежеде плазма ақуыздарымен байланысады (99%). Дегенмен, 10 мкг/мл плазмалық концентрацияларда альбуминмен байланысатын орындардың тек 5%-ы ғана бос болмайды. Демек, әр энантиомердің байланыссыз фракциясы бүкіл терапевтік диапазонда тұрақты болады. Алайда, қан сарысуындағы альбумин деңгейінің төмендеуі бос зат концентрациясының жоғарылауына әкеледі. Кеторолак трометамолы емшек сүтіне бөлінеді (4.4-бөлімді қараңыз). Метаболизмі Кеторолак трометамолы негізінен бауырда метаболизденеді. Метаболизм өнімдері бастапқы заттың гидроксилденген және конъюгацияланған формалары болып табылады. Метаболизм өнімдері және өзгермеген заттың белгілі бір мөлшері несеппен шығарылады. Таралуы Кеторолак пен оның метаболиттерін шығарудың басым жолы – несеппен. Қабылданған дозаның шамамен 92%-ы несепте анықталады: шамамен 40% - метаболиттер түрінде және 60% - өзгермеген кеторолак түрінде. Дозаның шамамен 6%-ы нәжіспен шығарылады. Аккумуляция 5 күн ішінде аккумуляция байқалмады. 5 күн ішінде қолданылатын кеторолак трометамолы 1- ші және 5-ші күндері C max-та айтарлықтай айырмашылықты көрсеткен жоқ. Кеторолак трометамолының жинақталуы пациенттердің ерекше топтарында зерттелмеген (егде жастағы пациенттер, балалар, бүйрек жеткіліксіздігі бар пациенттер немесе бауыр аурулары бар пациенттер). Ерекше топтардағы кинетика Егде жастағы пациенттер Тек бір реттік дозаларды қолдану туралы деректер негізінде кеторолак трометамолының рацемиялық затының жартылай шығарылу кезеңі жас дені сау еріктілермен (24-35 жас) салыстырғанда егде жастағы еріктілерде (65-78 жас) 5-тен 7 сағатқа дейін көтерілетіні анықталды (4.4-бөлімді қараңыз). Балалар Балалардағы кеторолак трометамолының фармакокинетикасы туралы ақпарат шектеулі. 4-тен 8 жасқа дейінгі 10 балада 0,5 мг/кг бір реттік болюсті дозадан кейін жартылай шығарылу кезеңі 5,8 ± 1,6 сағатты, клиренстің орташа мәні – 0,042 ± 0,01 л∙с/кг, терминалдық фазадағы таралу көлемі - 0,34 ± 0,12 л/кг, тепе – теңдік күйдегі таралу көлемі-0,26 ± 0,08 л/кг құрады. Балалардағы кеторолактың таралуы мен клиренсі ересектерге қарағанда жоғары болды. Балаларда кеторолак трометамолын бұлшықет ішіне қолдану туралы фармакокинетикалық деректер жоқ. Бүйрек жеткіліксіздігі Тек бір дозалы қолдану туралы деректердің негізінде бүйрек функциясы бұзылған пациенттерде кеторолак трометамолының орташа жартылай шығарылу кезеңі 6-дан 19 сағатқа дейін құрайтыны және бұзылудың ауырлық дәрежесіне байланысты екені анықталды. Егде жастағы пациенттерде және бүйрек функциясы бұзылған пациенттерде креатинин клиренсі мен кеторолак трометамолы жалпы клиренсінің мәндері елеулі корреляцияны көрсетпейді (r = 0,5). Бүйрек аурулары бар пациенттерде дені сау еріктілермен салыстырғанда әр энантиомердің AUC∞ мәні шамамен 100% артты. Тарату көлемі S-энантиомер үшін екі есе артады және R- энантиомер үшін 1/5 артады. Кеторолак трометамолының таралу көлемінің ұлғаюы байланыссыз зат фракциясының ұлғаюын білдіреді. Сау еріктілер мен пациенттерде кеторолак трометамолы энантиомерлері үшін AUC∞ мәндерінің арақатынасы ұқсас болып қалды, бұл сау еріктілермен салыстырғанда пациенттерде энантиомерлердің қайсыбірін іріктеп шығарудың жоқтығын көрсетті. Бауыр жеткіліксіздігі Дені сау еріктілермен салыстырғанда бауыр аурулары бар 7 пациентте жартылай шығарылу кезеңінің, AUC∞ және С max бағаланатын мәндерінде елеулі айырмашылықтар байқалған жоқ. Нәсіл Нәсілге байланысты фармакокинетикалық айырмашылықтар табылған жоқ. • Қауіпсіздік жөніндегі клиникаға дейінгі деректер Канцерогенділік, мутагенділік, фертильділікке әсері Кеторолак трометамолды тәулігіне 2 мг/кг дозада пероральді енгізген тышқандарда ұзақтығы 18 ай зерттеулерде (пациентте препаратты тәулігіне төрт рет 30 мг дозада б/і немесе в/і енгізген жағдайда AUC мәндерінің арақатынасы 0,9 құрады) және кеторолак трометамолды тәулігіне 5 мг/кг дозада енгізген егеуқұйрықтарда ұзақтығы 24 ай (AUC бойынша бағалау кезінде 0,5 қатынасы) препараттың онкогендік әлеуеті табылған жоқ. Кеторолак трометамолында Эймс сынақтарында, ДНҚ-ның жоспардан тыс репаративті синтезі және мутагендік потенциалдың тікелей мутациясы табылған жоқ. Кеторолак трометамолының in vivo тышқандарындағы микроядролық сынақта хромосомалық зақым келтірмеді. 1590 мкг/мл және одан жоғары концентрацияда препарат қытай атжалманның аналық жасушаларында хромосомалық аберрация жиілігін арттырды. Кеторолак трометамолы егеуқұйрықтарындағы зерттеулерде пероральді енгізу кезінде 9 мг/кг дозада (AUC бойынша бағалау кезінде 0,9 қатынасы) және әйелдерде 16 мг/кг дозада (AUC бойынша бағалау кезінде 1,6 қатынасы) фертильділікке әсер еткен жоқ. Репродуктивті уыттылығы Органогенез кезеңінде қояндарда тәулігіне 3,6 мг/кг (AUC бойынша бағалау кезінде 0,37 қатынасы) жәнеегеуқұйрықтарда кеторолак трометамолының тератогендік әлеуеті егеуқұйрықтарда тәулігіне 10 мг/кг (AUC бойынша бағалау кезінде 1,0 қатынасы) дозаларда енгізген кезде ұрпақ өрбіту уыттылық зерттеулерінде анықталмаған. Алайда, жануарлардағы ұрпақ өрбіту зерттеулер әрқашан пациенттың жауабына қатысты болжам бола бермейді. Кеторолак трометамолын гестация кезеңінде (17-ші күннен кейін) 1,5 мг/кг дозада (AUC бағалау кезінде 0,14 қатынасы) пероральді егеуқұйрықтардағы зерттеулерде препарат дистоцияны тудырғаны және ұрпақтардағы өлім-жітімді арттырғаны анықталды. • ФАРМАЦЕВТИКАЛЫҚ ҚАСИЕТТЕРІ • Қосымша заттардың тізбесі Микрокристалды целлюлоза (PH112) Жүгері крахмалы Сусыз коллоидты кремнийдің қостотығы Магний стеараты Қабығы: Гипромеллоза (5mРa s) Макрогол-400 Тальк Титанның қостотығы Е171 • Үйлесімсіздігі Деректер жоқ • Жарамдылық мерзімі 3 жыл Жарамдылық мерзімі өткеннен кейін қолдануға болмайды. • Сақтаған кездегі айрықша сақтандыру шаралары Құрғақ, жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек! • Шығарылу түрі және қаптамасы 10 таблеткадан алюминий фольгадан жасалған пішінді ұяшықты қаптамаға салынады. 2 немесе 10 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады. • Пайдаланылған дәрілік препаратты немесе дәрілік препаратты қолданғаннан кейін немесе онымен жұмыс істеген соң алынған қалдықтарды жойған кездегі айрықша сақтық шаралары Утилизациялауға айрықша талаптар жоқ. Қалған барлық дәрілік препарат пен қалдықтарды белгіленген тәртіппен жою керек. • Дәріханалардан босатылу шарттары Рецепт арқылы • ТІРКЕУ КУӘЛІГІНІҢ ҰСТАУШЫСЫ S.C. TERAPIA S.A. Str. Fabricii nr. 124, 400632 Клуж-Напока, Румыния www.sunpharma.com тел. 0040-264-501501; 0040-264-501500

Кетанов таблеткалары препараты қысқа мерзімді (5 күнге дейін) қолдану үшін ғана ұсынылады және тұрақты қолдану үшін ұсынылмайды. Кетанов препаратын пайдалану туралы мәселені шешкен кезде препаратты қолданумен байланысты ықтимал пайда мен қауіптердің арақатынасын, сондай- ақ басқа емдік тактиканы қолдану мүмкіндігін мұқият бағалау керек. Жағымсыз әсерлерді симптомдарды бақылау үшін қажетті ең қысқа уақыт кезеңі ішінде ең аз емдік дозаны пайдалана отырып, барынша азайтуға болады. Емді кеторолактың парентеральді нысандарынан бастаған жөн және пациенттерді мүмкіндігінше тезірек пероральді емге ауыстырған жөн. Бастапқы ем ретінде кеторолак трометамолдың пероральді түрлерін қолдануға болмайды. Біріктірілген емнің (парентеральді және пероральді) жалпы ұзақтығы 5 күннен аспауы тиіс. Дозалау режимі Ересектер 18-ден 64 жасқа дейін: 10 мг ішке бір рет, содан кейін әр 6-8 сағат сайын 10 мг- ден, қажет болған жағдайда күніне 40 мг аспайды. Парентеральді емдеуден пероральді емдеуге ауысқан күні ең жоғары пероральді доза 40 мг-нан аспауы керектігін есте сақтай отырып, 90 мг жалпы тәуліктік дозасынан асырмау қажет. Доза дене салмағы 50 кг аз пациенттерде талапқа сай төмендетілуі қажет. Ескерту Пероральді препаратты бастапқы доза ретінде беруге болмайды. Әрбір нақты пациент үшін ең аз тиімді дозаны қолданыңыз. Препаратты қабылдау арасындағы 6-8 сағат аралықты қысқартпаңыз. Назар аударыңыз: емдеу ұзақтығы 5 күннен аспауы керек. Енгізу әдісі мен жолы Ішке қабылдау үшін. Қабылдау уақыты көрсетілген қолдану жиілігі Дәрілік препаратты тамақтану кезінде немесе одан кейін қабылдау ұсынылады. Емдеу ұзақтығы Біріктірілген емнің (парентеральді және пероральді) жалпы ұзақтығы 5 күннен аспауы тиіс. Пациенттердің ерекше топтары Балалар Кетанов препаратының таблеткаларын 18 жасқа дейінгі балаларда қолдануға болмайды. Егде жастағы пациенттер Егде жастағы пациенттер жағымсыз әсерлердің туындауы нәтижесінде ауыр зардаптарының жоғары қаупіне ұшырайды. Егер ҚҚСД қажет деп саналса, онда ең қысқа ұзақтықта ең төмен тиімді дозаларда тағайындау керек. Пациент ҚҚСД қолданумен ем кезінде асқазан-ішектен қан кетуге жүйелі түрде бақылануы тиіс. 10 мг ішке бір рет, содан кейін әр 4-6 сағат сайын 10 мг-ден, қажет болған жағдайда күніне 40 мг-ден көп емес. Препараттың ең төмен тиімді дозасын қолдану керек, өйткені бұл шығаруды баяулатады. Бүйрек жеткіліксіздігі бар пациенттер Бүйрек функциясы төмендеген жағдайда келесі емдік схема ұсынылады: Креатинин клиренсі (мл / мин / кг) — Креатинин клиренсі (мг / дл) — Дозаны төмендету > 0,7 — <1,90 — жоқ 0,2-0,7 — 1,90–5,00 — 50% Креатинин деңгейі 5,0 мг/дл жоғары пациенттерде препаратты қолдануға болмайды.

• кеторолак трометамолына немесе препараттың қосымша заттарының кез келгеніне аса жоғары сезімталдық • өршу кезеңіндегі асқазан-ішек жолдарының эрозиялық ойық жаралы зақымдануы, анамнезіндегі асқазан-ішектен қан кетулер, ойық жара ауруы немесе тесілуі • анамнезінде бронх демікпесі, ринит, ангионевроздық ісіну, есекжем немесе аллергиялық реакциялардың басқа түрлері, ацетилсалицил қышқылына (АСҚ) және басқа да стероидты емес қабынуға қарсы дәрілер (ҚҚСД) сияқты аса жоғары сезімталдық реакциялары (ҚҚСД пайдалану кезінде ауыр, кейде өліммен аяқталатын, анафилаксиялық реакциялар дамуы туралы хабарланған) • ішектің қабыну аурулары (мысалы, Крон ауруы, ойық жаралы колит) • ауыр дәрежедегі бүйрек жеткіліксіздігі (креатинин клиренсі <30 мл/мин) немесе айналымдағы қан көлемінің төмендеуі (АҚК) немесе сусыздану аясында бүйрек жеткіліксіздігінің туындау қаупімен байланысты жай-күйлер • бауыр функциясының ауыр бұзылуы (цирроз, асцит) • жүктіліктің үшінші триместрі мен босану (простагландиндер синтезінің тежелуі шарананың қан айналымына теріс әсер етуі мүмкін, сонымен бірге жатырдың жиырылуы да төмендеуі мүмкін, нәтижесінде жатырдан қан кету қаупі артады) • операциядан кейінгі қан кетудің жоғары қаупі (мысалы, тонзиллэктомия) немесе толық емес гемостаз, қан түзудің бұзылуы немесе цереброваскулярлық қан кету • ауыр жүрек жеткіліксіздігі (NYHA III-IV) • емшек емізу • цереброваскулярлық қан кету (расталған немесе ықтимал), геморрагиялық диатез, қан ұюының бұзылуы және қан кетудің пайда болу қаупі жоғарылаған жағдайлар (кеторолак трометамолы тромбоциттер функциясын бұзады) • варфаринді және гепариннің төмен дозаларын қоса, антикоагулянттармен емдеу • АСҚ немесе басқа да ҚҚСД емі (циклооксигеназа-2 селективті тежегіштерін қоса) (ауыр ҚҚСД-жанама жағымсыз реакциялардың пайда болуының кумулятивтік қаупі) • пробенецидпен, литий тұздарымен бір мезгілде қолдану • пентоксифиллинді бір мезгілде қолдану • басқа қабынуға қарсы стероидты емес дәрілермен немесе ацетилсалицил қышқылымен бір мезгілде қолдану • мұрынның толық немесе ішінара полипі синдромы, ангионевроздық ісіну немесе бронх түйілуі • 18 жасқа дейінгі балалар мен жасөспірімдер • ауырсыну синдромының профилактикасы мақсатында ауыр хирургиялық араласулар алдында қолдануға болмайды -интраоперациялық, қан кету қаупінің жоғарылауына байланысты • коронарлық шунттау операциясынан кейінгі операциядан кейінгі ауырсыну (немесе жасанды қанайналым аппаратын пайдалану)

Өте жиі: • бас ауыруы (17%) • жүрек айнуы (12%), диспепсия (12%), іштің ауыруы және жайсыздық (13%) Жиі: • пурпура • есеңгіреу, ұйқышылдық, бас айналу • гипертония • іш қату, диарея, газдар, іштің кебуі, стоматит, құсу • қышыну, бөртпе • ісіну, тершеңдік, егу орнының ауыруы Жиі емес: • мазасыздық, депрессия, эйфория, елестеулер, ұйқысыздық, күйгелектік - әдеттен тыс түстер көру, дұрыс емес ойлау, гиперкинез, зейін шоғырландыру қабілетінің қиындықтары, парестезия - көру қабілетінің бұзылуы • жүрек қағуы • мұрыннан қан кету • демікпе, ентігу, өкпе ісінуі • асқазан-ішек жолының ойық жаралары, ауыздың құрғауы, кекіру, гастрит, тік ішектен қан кету • есекжем, бозару • бұлшықет ауыруы • жиі несеп шығару, несептің іркілуі, олигурия • құлақтың шуылдауы, есту қабілетінің жоғалуы • астения, салмақтың артуы, қызба, қатты шөлдеу, тәбеттің жоғалуы Сирек: • тромбоцитопения, қан кету уақыттың жоғарылауы Клиникалық зерттеулер мен эпидемиологиялық деректер ЦОГ-2 тежегіштерін және кейбір қабынуға қарсы стероидты емес препараттарды (әсіресе жоғары дозаларда) қолдану артериялық тромбоздық оқиғалардың (мысалы, миокард инфарктісі немесе апоплексия) жоғары қаупіне әкелуі мүмкін екенін көрсетеді. Кеторолакты қолдану миокард инфарктісі сияқты тромбоздық құбылыстардың көбеюін көрсетпесе де, кеторолак үшін мұндай қауіпті болдырмау үшін мәліметтер жеткіліксіз. • гиперкалиемия, гипонатриемия - психоздық реакциялар • асептикалық менингит • брадикардия, кеуде ауыруы • гематомалар, операциядан кейінгі жарадан қан кету, артериялық гипотензия • асқазан-ішектен қан кету, гематемезис, эзофагит, панкреатит, асқазан-ішек жолының тесілуі, қара нәжіс • бауыр функциясының қалыптан тыс өзгеруі, гепатит, холестаздық сарғаю, бауыр жеткіліксіздігі • эксфолиативті дерматит, Стивенс-Джонсон синдромын және уытты эпидермальді некролизді (Лайелл синдромы) қоса буллездік реакциялар, макулопапулезді бөртпе, терінің қызаруы • құрысулар • жедел бүйрек жеткіліксіздігі, бүйірдің ауыруы (гематуриямен немесе азотемияменнемесе оларсыз), гемолиздік-уремиялық синдром, интерстициальді нефрит, нефроздық синдром, қан сарысуындағы мочевина мен креатинин деңгейінің жоғарылауы. Бүйрек простагландиндерінің синтезін тежейтін басқа препараттар сияқты, Кетанов дозасын қабылдағаннан кейін бүйрек дисфункциясының белгілері, соның ішінде креатинин мен калий деңгейінің жоғарылауы пайда болуы мүмкін. Өте сирек: • бедеулік • аса жоғары сезімталдық реакциялары: анафилаксия, бронх түйілуі, терінің қызаруы,бөртпе, гипотензия, көмейдің ісінуі, ангионевроздық ісіну, анафилактоидтық реакциялар. Анафилаксия сияқты анафилактоидты реакциялар өлімге әкелуі мүмкін. Постмаркетингтік қолдану тәжірибесі Жүйке жүйесі тарапынан бұзылуы: дәм сезудің өзгеруі Жүрек аурулары: жүрек жеткіліксіздігі АІЖ тарапынан: колиттің немесе Крон ауруының өршуі Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар Кеторолактың бір реттік артық дозалануы іштің әртүрлі ауырсынуымен, жүрек айнуымен, құсумен, гипервентиляциямен, пептидтік жаралармен және/немесе эрозиялық гастритпен және бүйрек функциясының бұзылуымен байланысты болды. Асқазан-ішектен қан кетуі туындауы мүмкін. Гипертония, жедел бүйрек жеткіліксіздігі, гиповентиляция және кома қабынуға қарсы стероидты емес препараттарды қабылдағаннан кейін пайда болуы мүмкін, бірақ сирек кездеседі. Артық дозалану нәтижесінде пайда болуы мүмкін қабынуға қарсы стероидты емес препараттардың емдік дозаларын қабылдағаннан кейін анафилактоидты реакциялар туралы хабарланды. Емдеу Қабынуға қарсы стероидты емес препараттармен артық дозаланғаннан кейін пациенттер симптоматикалық және демеуші ем қабылдауы тиіс. Спецификалық антидоттар жоқ. Диализ кеторолакты қан ағымынан аздап шығарады. Қажетболса,асқазандыдереушаюкерекнемесесіңірудіазайтуүшін белсендірілген көмірді енгізу керек.

Кеторолакты басқа ҚҚСД сияқты қолдану, әсіресе бекітілмеген көрсеткіштер бойыншажәне/немесеұзақкезеңбойықолданғандаауырасқазан-ішек уыттылығының даму қаупінің жоғары болуымен байланысты болуы мүмкін. Циклооксигеназа-2 селективті тежегіштерін қоса, кеторолакты ҚҚСД-мен бір мезгілде қолданудан аулақ болу керек. Жағымсыз әсерлерді симптомдарды бақылау үшін қажетті ең қысқа уақыт кезеңі ішінде ең аз емдік дозаны пайдалана отырып, барынша азайтуға болады. Арнайы ескертулер Асқазан-ішек жолының ойық жаралары, қан кетулері және тесілуі Өлімге әкеп соқтыруы мүмкін асқазан-ішектен қан кету, ойық жаралану немесе тесілу барлық ҚҚСД қолданғанда, соның ішінде кеторолакты қолданғанда, емдеу кезінде кез келген уақытта алдын алу симптомдарымен немесе симптомдарсыз немесе анамнезінде ауыр асқазан-ішектен қан кетумен, тіркелген. Егде жастағы пациенттерде ҚҚСД-ға жағымсыз реакциялар, әсіресе, өліммен аяқталуға әкелуі мүмкін асқазан-ішектен қан кету мен тесілу жиірек кездеседі. Асқазан-ішектен қан кетудің, ойық жараның немесе тесілудің пайда болу қаупі ҚҚСД дозасының, оның ішінде кеторолактың ұлғаюымен, анамнезінде ойық жарасы бар пациенттерде, әсіресе, егер ол егде жастағы пациенттерде қан кетумен немесе тесілумен асқынған болса. Клиникалық көзқарас тұрғысынан, ауыр асқазан-ішектен қан кетулер пайда болу қаупі дозаға тәуелді болады. Осындай пациенттер емді ең төмен ықтимал дозадан бастау керек. Осы пациенттерде қорғаныш препараттарымен (мысалы, мизопростол немесе протон сорғысы тежегіштері), сондай-ақ аспириннің немесе асқазан-ішек құбылыстарының пайда болу қаупін арттыратын басқа да препараттардың төмен дозаларын бір мезгілде қабылдауды талап ететін пациенттерде біріктірілген емді пайдалану мүмкіндігін қарастыру керек. Бұл жасқа байланысты қауіп барлық ҚҚСП үшін ортақ болып табылады. Жас пациенттермен салыстырғанда егде жастағы Егде жастағы пациенттерде кеторолактың жартылай шығарылу кезеңі ұлғайған және төмендеген клиренсі байқалады. Дозалар арасындағы аралықты арттыру ұсынылады. Анамнезде ішектің қабыну аурулары (ойық жаралы колит, Крон ауруы) бар пациенттерге, осы аурулардың өршуі мүмкін екендіктен, ҚҚСП сақтықпен тағайындалу керек. Анамнезінде асқазан-ішек уыттылығы бар пациенттер, әсіресе егде жаста, ең алдымен емдеудің бастапқы кезеңдерінде кез келген ерекше ішпердеішілік симптомдар (әсіресе асқазан-ішектен қан кету) туралы хабарлауы тиіс. Кеторолак қабылдайтын пациенттерде асқазан-ішектен қан кету немесе ойық жара пайда болғанда емдеу тоқтатылуы тиіс. Ойық жаралану немесе қан кету қаупін арттыруы мүмкін, мысалы, пероральді кортикостероидтар, серотонинді кері қармаудың селективті тежегіштері немесе аспирин сияқты антитромбоциттік агенттер сияқты препараттарды бір мезгілде қабылдайтын пациенттерге назар аудару керек. Варфарин сияқты антикоагулянттарды қабылдайтын пациенттерге кеторолакты қолдануға болмайды. Басқа ҚҚСД жағдайындағыдай, асқазан-ішек асқынуларының жиілігі мен ауырлығы кеторолакпен емнің дозасы мен ұзақтығы артуымен жоғарылауы мүмкін. Клиникалық тұрғыдан ауыр асқазан-ішектен қан кету қаупі дозаға байланысты. Анамнездегі пептидтік ойық жара кеторолакпен емдеу кезінде ауыр асқазан-ішек асқынуларының даму ықтималдығын арттырады. ҚҚСП, соның ішінде кеторолак, асқазан-ішек жолдарынан анастомозының қабілетсіздігі қаупінің жоғарылауымен байланысты болуы мүмкін. Кеторолакты асқазан-ішек жолына операциядан кейін қолданған кезде мұқият медициналық бақылау және сақтық қажет. Гематологиялық әсерлер Қанұюы бұзылған пациенттерге препаратты қабылдауға болмайды. Антикоагулянттық ем алатын пациенттерде Кетанов препаратын бір мезгілде қолданғанда қан кету қаупі жоғары болуы мүмкін. Кеторолак және гепариннің төмен профилактикалық дозасын (2500 – 5000 бірлік әр 12 сағат сайын) және декстрандарды бір мезгілде қолдану мұқият зерттелмеген, сондай-ақ қан кетудің жоғары туындау ықтималдығының себебі болуы мүмкін. Антикоагулянттар қабылдайтын немесе төмен дозаланған гепарин алатын пациенттер кеторолакты қолданбауытиіс. Гемостазға әсер ететін басқа дәрілік препараттарды қабылдайтын пациенттер, егер олар бір мезгілде Кетанов препаратын қолданса, мұқият бақылауда болуы тиіс. Клиникалық мәні бар операциядан кейінгі қан кетулердіңтуындау жиілігі 1%-дан аз болды. Кеторолак тромбоциттер агрегациясынтежейді және қан кету уақытын арттырады. Қанның ұю функциясы қалыпты пациенттерде қан кету уақыты артады, бірақ 2-11 минут қалыпты диапазоннан аспайды. Аспириннің ұзақ әсер етуінен айырмашылығы, кеторолак қолданғаннан кейін тромбоциттер қызметі 24-48 сағат ішінде қалыпқа оралады. Гемостаздың ауытқуына жол бермейтін жағдайларда, мысалы, косметикалық хирургиялық операцияда немесе күндізгі стационардағы хирургиялық операцияда, простата резекциясы немесе тонзилэктомия жағдайларында ерекше сақтықты сақтау керек. Гематомалардың және жарадан кетудің басқа белгілерінің және мұрыннан қан кетудің пайда болуы Кетанов препаратын қолданумен байланысты. Дәрігерлер кеторолактың циклооксигеназа тежейтін және қан кету қаупін арттыратын, әсіресе егде жастағы пациенттерді емдеуде, басқа ҚҚСД-ның фармакологиялық ұқсастығы туралы есте сақтауы керек. Тері реакциялары Елеулі тері реакциялары, олардың кейбіреулері өліммен аяқталған, оның ішінде эксфолиативтік дерматит, Стивенс-Джонсон синдромы және уытты эпидермальді некролиз, ҚҚСД қолдануға байланысты өте сирек хабарланды. Пациенттер бұл реакциялардың ең жоғары пайда болу қаупіне емдеу курсының басында ұшырайды: реакциялардың басталуы, көптеген жағдайларда, емнің бірінші айы ішінде пайда болады. Кетанов препаратымен емдеуді бөртпе, шырышты қабықтардың зақымдану ошақтары немесе аса жоғары сезімталдықтың кез келген белгілері алғаш пайда болған кезде тоқтату керек. Жүйелі қызыл жегі (ЖҚЖ) және дәнекер тіннің аралас аурулары Жүйеліқызыл жегі (ЖҚЖ) және дәнекер тіннің аралас аурулары бар пациенттерде асептикалық менингиттің даму қаупінің жоғарылауына әкелуі мүмкін. Жүрек-қантамыр ауруларында натрий/сұйықтықтың іркілуі және шеткері ісінуі Анамнезінде артериялық гипертензиясы және/немесе жүрек дисфункциясы бар пациенттерде сақтық қажет, өйткені сұйықтықтың іркілуі және ісіну ҚҚСД еміне байланысты тіркелген. Кеторолакты қоса, ҚҚСД алатын кейбір пациенттерде сұйықтықтың іркілуі, гипертензия және шеткері ісінулер байқалады, сондықтан оны жүрек жеткіліксіздігі, гипертензиясы бар немесе ұқсас жағдайлардағы пациенттерде сақтықпен пайдалану керек. Жүрек-қантамыр және цереброваскулярлық әсерлері Гипертензиясы және/немесе жеңілден орташа дәрежедегі іркілісті жүрек жеткіліксіздігі бар пациенттерге тиісті мониторинг пен кеңес беру қажет, өйткені бұл жағдайларда ҚҚСД еміне байланысты сұйықтықтың іркілуі және ісінуі туралы хабарланады. Коксибтерді және кейбір ҚҚСД қолдану (әсіресе аса жоғары дозаларда) тромбоздық құбылыстардың (мысалы, миокард инфарктісі немесе инсульт) пайда болу қаупінің аздап артуымен байланысты болуы мүмкін. Алайда, кеторолак миокард инфарктісі сияқты тромбоздық құбылыстардың пайда болу ықтималдығын арттыратыны және кеторолакты қолданған кезде бұл қауіпті болдырмауға жеткілікті мәліметтер болмағаны дәлелденген жоқ. Бақыланбайтын гипертензиясы, іркілісті жүрек жеткіліксіздігі, белгіленген жүректіңишемиялықауруы,шеткеріартерияларжәне/немесе цереброваскулярлықауруларыбарпациенттеркеторолактымұқият бағалағаннанкейінғанақолдануытиіс.Осындайбағалаудыжүрек-қан тамырлары ауруларының (мысалы, артериялық гипертензия, гиперлипидемия, қант диабеті және темекі шегу) даму қаупі факторлары бар пациенттерде жүргузі керек. Жүрек-қантамыр, бүйрек және бауыр жеткіліксіздігі Бүйрек простагландиндері бүйрек перфузиясын қолдауда қосымша рөл атқарғанда, препаратты айналымдағы қан көлемі азаюына және/немесе бүйрек қан ағымының төмендеуіне әкелетін жай-күйлері бар пациенттерге сақтықпен тағайындау керек. Бұл пациенттерде ҚҚСД қабылдау бүйрек простагландині түзілуінің дозаға тәуелді төмендеуін туындатуы мүмкін және бүйрек жеткіліксіздігін жеделдетуі мүмкін. Қан жоғалту немесе ауыр сусызданған пациенттер, бүйрек функциясының бұзылулары, жүрек жеткіліксіздігі, бауыр дисфункциясы бар пациенттер, егде жастағы Егде жастағы пациенттер және диуретиктер қабылдаған пациенттер үлкен қауіпке ие. Мұндай пациенттерде бүйрек функциясын былая керек. ҚҚСД-емді тоқтату, әдетте, емдеу басталғанға дейінгі жай-күйіне қалпына келумен және жазылумен ілесе жүреді. Операция кезінде жоғалған сұйықтықтың/қанның талапқа сай емес қалпына келуі гиповолемияға әкеледі және бүйрек дисфункциясына алып келуі мүмкін, ол Кетанов препаратын тағайындаған кезде одан қатты күшеюі мүмкін. Осылайша, сұйықтықтың жоғалуын түзетіп, сарысудағы мочевина мен креатинин деңгейін, сондай-ақ пациент нормоволемияға жеткенше несептің түзілуін мұқият бақылау керек. Бүйрек диализінде жүрген пациенттерде кеторолак клиренсі қалыпты жылдамдықпен салыстырғанда шамамен екі есе азаяды, ал жартылай шығарылудың соңғы кезеңі шамамен үш есе ұлғаяды. Бүйрекке қатысты әсерлер Басқа ҚҚСД жағдайындағыдай кеторолакты бүйрек функциясы төмендеген немесе ауру тарихындағы бүйрек аурулары бар пациенттерде сақтықпен пайдалану керек, өйткені ол простагландиндер синтезінің қуатты тежегіші болып табылады. Сақтық сақтау керек, өйткені кеторолак пен басқа ҚҚСД қолдану кезінде жекелеген жағдайларда бүйрек перфузиясын ұстап тұруда бүйрек простагландиндері көмекші рөл атқарған кезде қан және/немесе бүйрек қан ағымының азаюына әкелетін жай-күйі бар пациенттерде бүйрек уыттылығы байқалады. ОсыпациенттердекеторолакпенбасқаҚҚСДқабылдаубүйрек простагландиндерінің түзілуін дозаға тәуелді төмендетуге әкелуі мүмкін және айқын бүйрек декомпенсациясын немесе жеткіліксіздігін тудыруы мүмкін. Ең жоғарықауіпбүйрекфункциясыныңбұзылуы,гиповолемия,жүрек жеткіліксіздігі, бауыр функциясының бұзылуы бар пациенттерде, диуретиктерді қабылдайтынпациенттердежәнеегдежастағыпациенттердебайқалады. Кеторолакты немесе ҚҚСД басқа терапиясын қабылдауды тоқтату әдетте қалпына келуге және осы ем жүргізілгенге дейін жағдайға оралуға әкеледі. Простагландиндердің синтезін басатын басқа препараттар сияқты, кеторолак трометамолды қабылдаған кезде мочевина, креатинин және калий деңгейінің жоғарылауы байқалады, бұл препаратты бір рет қабылдағаннан кейін де пайда болуы мүмкін. Бүйрек функциясы бұзылған пациенттер Кеторолак трометамолы және оның метаболиттері негізінен организмнен бүйрек арқылы шығарылатындықтан, бүйрек функциясы орташа ауырлықтан ауырға дейін (қан сарысуындағы креатинин концентрациясы 160 микромоль/л-ден жоғары) бұзылған пациенттерге Кетанов препаратын қолдануға болмайды. Бүйрек функциясының айқын бұзылуы аз пациенттер кеторолактың неғұрлым төмен дозаларын (тәулігіне 60 мг аспайтын, б/і немесе в/і) алуы тиіс және бүйректің жай-күйін мұқият бақылау керек. Бауыр функциясы бұзылған пациенттерде қолданылуы Бауыр циррозына байланысты бауыр функциясы бұзылған пациенттерде кеторолак клиренсінде немесе жартылай шығарылудың терминалдық кезеңінде клиникалық елеулі өзгерістер болмайды. Бауыр функциясының бір немесе бірнеше көрсеткіштерінің шекаралық жоғарылауы мүмкін. Бұл ауытқулар уақытша болуы мүмкін, өзгеріссіз қалуы мүмкін немесе емді жалғастырған кезде үдеуі мүмкін. Сарысудағы глутамат- пируват-трансминаза (СГПТ/АЛТ) немесе сарысудағы глутамат-оксалоацетат- трансаминаза (СГОТ/АСТ) елеулі жоғарылау (қалыпты мәндерге қарағанда үш еседен астам) ықтималдығы бар. Бауыр ауруымен байланысты клиникалық симптомдар немесе жүйелік көріністер пайда болғанда Кетанов препаратын қолдануды тоқтату керек. Анафилаксиялық (анафилактоидты) реакциялар Анафилаксиялық (анафилактоидты) реакциялар (анафилаксиялық шок, бронх түйілуі, бөртпе, гипотония, көмей ісінуі және ангионевроздық ісінуін қоса) аспиринге, басқа да ҚҚСД немесе в/і кеторолакқа аса жоғары сезімталдық анамнезі бар немесе анамнезі жоқ пациенттерде туындауы мүмкін. Олар анамнезде ангиодистрофия, бронхоспазмдық реактивтілік (мысалы, астма) және мұрын полиптері бар пациенттерде пайда болуы мүмкін. Анафилактоидты реакциялар, анафилаксия сияқты, өлімге әкелуі мүмкін. Сондай-ақ кеторолакты анамнезінде демікпесі бар пациенттерге және мұрын полиптерінің айқын немесе ішінара синдромы, ангионевроздық ісіну және бронх түйілуі бар пациенттерге қолдануға болмайды. Фертильділікке қатысты сақтық шаралары Кеторолакты қолдану, циклооксигеназа/простагландин синтезін тежейтін кез келген препарат сияқты фертильділікке әсер етуі мүмкін және жүкті болуға тырысып жүрген әйелдерде қолдану ұсынылмайды. Ұрықтануда қиындықтарға тап болған немесе бедеуліктің себептерін зерттеуден өтіп жүрген әйелдер үшін Кетанов препаратын қабылдауды тоқтату мүмкіндігін қарастыру керек. Сұйықтықтың іркілуі және ісіну Кеторолакты қолданған кезде сұйықтықтың іркілуі, гипертензия және ісіну хабарланды, сондықтан оны жүрек декомпенсациясы, гипертензиясы немесе осыған ұқсас жағдайлары бар пациенттерде сақтықпен қолдану керек. Метотрексаттыбірмезгілдеқолданғандасақболғанжөн,өйткені простагландиндер синтезін тежейтін кейбір препараттар метотрексат клиренсін төмендететіні және осылайша, мүмкін оның уыттылығының күшеюі, туралы хабарланды. Педиатрияда қолдану Кеторолак таблеткаларын балаларда және 18 жасқа дейінгі жасөспірімдерде қолдануға болмайды. Препараттарды дұрыс емес пайдалану және тәуелділік Кеторолак тәуелділікті тудырмайды. Кеторолакпен емдеуді күрт тоқтатқаннан кейін тоқтату симптомдары байқалмады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кетанов препаратын қолдану жекелеген пациенттерде ұйқышылдық, сандырақ, бас айналу, ұйқысыздық немесе депрессияны тудыруы мүмкін. Осы немесе осыған ұқсас жағымсыз әсерлерді бастан кешіретін пациенттерге толық назар аударуды талап ететін іс-шараларға сақтықпен қарау керек.

Кеторолак жүктілік кезінде қолдануға болмайды. Простагландиндер синтезін басу жүктілікке және/немесе шарананың эмбриональды дамуына теріс әсер етуі мүмкін. Жүктіліктің ерте кезеңінде простагландиндер синтезінің тежегішін қолданғаннан кейін түсік тастау, сондай-ақ жүрек ақаулары мен гастрошизис қаупінің жоғарылауы туралы хабарланды. Дозаның жоғарылауымен және емнің ұзақтығымен қауіп артады деп саналады. ҚҚСД ұрықтың жүрек-қантамыр жүйесіне әсер етеді (артериялық түтіктің жабылу қаупі). Жүктіліктің бірінші және екінші триместрінде кеторолакты тек аса қажет болған жағдайда ғана тағайындау керек. Егер кеторолакты жүкті болуға тырысатын әйелқолданса немесе жүктіліктің бірінші немесе екінші триместрінде қолданылса,доза мүмкіндігінше аз болуы керек және емдеу ұзақтығы мүмкіндігінше қысқа болуы керек. Кеторолак жүктіліктің үшінші триместрінде қолдануға болмайды. Простагландин синтезінің барлық тежегіштері әсер етеді: Шаранаға келесі қауіптермен: • жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен); • олигогидроамниозбен бүйрек жеткіліксіздігіне дейін үдейтін бүйрек функциясының бұзылуы Ана мен балаға келесі қауіптермен: • қан кету уақытын ұзарту мүмкіндігі, тіпті өте төмен дозаларда да туындауы мүмкін тромбоциттер агрегациясын тежеу әсері; • жатырдың жиырылуын басу, бұл босанудың кешіктіруіне немесе ұзаруына әкеледі ҚҚСП емшек сүтіне енеді. Сондықтан сақтық шарасы ретінде бала емізетін әйелдерге кеторолак қабылдауға болмайды. Егер емдеу қажет болса, нәрестені жасанды тамақтандыруға ауыстыру керек.

Кеторолак қан плазмасы ақуыздарымен елеулі дәрежеде байланысады (орташа 99.2% - ға) және байланысуы концентрациясына байланысты емес. Мынадай дәрілік заттарды Кетанов препаратымен бір мезгілде қолдануға болмайды: Кеторолакты ацетилсалицил қышқылымен немесе басқа ҚҚСД, оның ішінде циклооксигеназа-2 селективті тежегіштерімен қолдануға болмайды, өйткені ҚҚСД қабылдаумен байланысты елеулі жағымсыз құбылыстардың туындау қаупі едәуір артуы мүмкін. Кеторолак тромбоциттер агрегациясын тежейді, тромбоксан концентрациясын төмендетеді және қан кету уақытын ұзартады. Аспириннің ұзаққа созылған әсерлерінен айырмашылығы, тромбоциттер функциясы кеторолакты енгізуді тоқтатқаннан кейін 24-48 сағат ішінде қалыпқа оралады. Кетанов варфарин сияқты антикоагулянттармен біріктіріп қолдануға болмайды, өйткені ҚҚСД және антикоагулянттарды бір мезгілде қабылдау антикоагулянттық әсерді күшейтуі мүмкін. Зерттеулер кеторолак пен варфарин немесе гепарин арасындағы елеулі өзара әрекеттесу туралы ақпарат жоқ, кеторолак пен гемостазға әсер ететін препараттарды бір мезгілде қолдану, соның ішінде антикоагулянттардың емдік дозалары (варфарин), гепариннің профилактикалық төмен дозалары (әр 12 сағат сайын 2500-5000 бірлік) және декстран қан кету қаупінің жоғарылауымен байланысты болуы мүмкін. Простагландиндерсинтезін басатын кейбір препараттарды қолданғанда плазмадағылитий концентрациясының жоғарылауына әкелетін литийдің бүйрек клиренсінің тежелуі туралы хабарланады. Кеторолакпен емдеу кезінде плазмадағылитий концентрациясының жоғарылау жағдайлары туралы хабарланады. Пробенецидті кеторолакпен бір мезгілде қолдануға болмайды, өйткені ол кеторолактың плазмадағы концентрациясын арттырады және жартылай шығарылу кезеңін ұзартады. ҚҚСД мифепристонды қолданғаннан кейін 8-12 күн ішінде тағайындауға болмайды, өйткені ҚҚСД мифепристонның әсерін әлсіретуі мүмкін. Кеторолакты окспентифиллинмен бір мезгілде қолданғанда қан кетуге жоғары бейімділік байқалады. Кетанов препаратымен біріктіргенде келесі дәрілік заттарды сақтықпен тағайындау керек: Барлық басқа ҚҚСД сияқты, кортикостероидтарды бір мезгілде қолданғанда асқазан-ішек жолында ойық жара немесе қан кету қаупінің жоғарылауына байланысты сақ болу керек. Антитромбоцитарлықпрепараттармен және ҚҚСД-мен біріктірілген серотониндікері қармау тежегіштерін біріктіргенде асқазан-ішектен қан кетудің жоғары даму қаупі болады. Простагландин синтезін басатын кейбір препараттар метотрексат клиренсін азайтады, сондықтан оның уыттылығын арттыруы мүмкін. Кеторолак трометамолы қан плазмасы ақуыздарымен дигоксин байланысуын өзгертпейді. Салицилаттың емдік концентрацияларында (300 мкг/мл) кеторолак байланысуын шамамен 99.2%-дан 97.5% дейін азайтты, бұл қан плазмасында байланыспаған кеторолак деңгейлерінің екі есе қарқынды ұлғаюын көрсетті. Дигоксин, варфарин, ибупрофен, напроксен, пироксикам, ацетаминофен, фенитоин және толбутамидтің емдік концентрациясы кеторолактың ақуыздармен байланыстырылуын өзгертпейді. Нормоволемиялық дені сау пациенттерде инъекцияға арналған кеторолак ерітіндісі фуросемидке диуретикалық реакцияны шамамен 20% төмендетеді, сондықтан жүрек декомпенсациясы бар пациенттерге ерекше назар аудару керек. Диуретиктермен бір мезгілде қолдану диуретикалық әсердің төмендеуіне және ҚҚСД нефруытты қаупінің ұлғаюына әкелуі мүмкін. Барлық ҚҚСД жағдайындағыдай, циклоспоринді бір мезгілде тағайындағанда нефроуыттылықтың даму қауіпіжоғары болғандықтан сақ болу керек. Такролимуспен ҚҚСД бір мезгілде қолданғанда нефроуыттылықтың әлеуетті қаупі бар. ҚҚСД диуретиктер мен бета-блокаторлар сияқты гипотензивті препараттардың әсерін төмендетуі мүмкін. Әдетте қайтымды жедел бүйрек жеткіліксіздігінің қаупі бүйрек функциясы бұзылған кейбір пациенттерде (мысалы, сусызданған пациенттерде немесе егде жастағы пациенттерде) АӨФ тежегіштерін және/немесе ангиотензин II рецепторларының антагонистерін ҚҚСД-мен бірге қолданғанда артуы мүмкін. Осы себепті мұндай комбинацияны сақтықпен қолдану керек, әсіресе егде жастағы пациенттерде. Осындай біріктірілген емнің басында дозаны талапқа сай титрлеуді жүргізу керек және қатар жүретін ем басталғаннан кейін бүйрек функциясының мониторингіне назар аудару керек, содан кейін бүйрек функциясын мезгіл-мезгіл зерттеп отыру керек. ҚҚСД жүрек жеткіліксіздігін күшейтуі, шумақтық сүзілу жылдамдығын (ШСЖ) төмендетуі және бір мезгілде қолданғанда плазмадағы кардиотоникалық гликозидтердің деңгейін жоғарылатуы мүмкін. Кеторолак операциядан кейінгі ауырсынуды жеңілдету үшін қатарлас апиынды анальгезияға қажеттілікті азайтады. Майлы тамақтан кейін үлбірлі қабықпен қапталған кеторолак таблеткаларын пероральдіқабылдауеңжоғарыконцентрацияныңтөмендеуінежәне кеторолактың ең жоғары концентрациясына шамамен 1 сағатқа жеткенге дейін уақыттың ұлғаюына әкеледі. Антацидтер резорбция дәрежесіне әсер етпейді. ҚҚСД хинолонды антибиотиктерді қабылдаумен байланысты құрысулардың туындау қаупін арттыруы мүмкін. ҚҚСД және хинолондарды қабылдайтын пациенттерде құрысулардың даму қаупі жоғары болуы мүмкін. Зидовудинмен енгізілетін ҚҚСД гематологиялық уыттылық қаупін арттырады. Зидовудин және ибупрофенмен бір мезгілде емдегенде гемофилиямен ауыратын АИТВ-инфекциясын жұқтырған (+) пациенттерде гемартроз бен гематоманың даму қаупінің жоғарылау ықтималдығы бар. Кеторолак трометамолының осы препаратты немесе басқа препараттарды метаболиздейтін бауыр ферменттерін индукциялайтынын немесе тежейтінін растамайды. Осылайша, Кетанов препараты индукция немесе ферментативті механизмдердің тежелуі салдарынан басқа препараттардың фармакокинетикасын өзгертеді деп күтілмейді.

Сақтау мерзімі • жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25 °С-ден аспайтын температурада сақтау керек. Балалардың қолы жетпейтін жерде сақтау керек!