Кетанов раствор 30 мг/мл

1 мл ерітіндінің құрамында белсенді зат - кеторолак трометамолы 30 мг қосымша заттар: натрий хлориді, динатрий эдетаты, натрий гидроксиді, этанол, инъекцияға арналған су Сыртқы түрінің, иісінің, дәмінің сипаттамасы Мөлдір түссіз немесе бозғылт-сары түсті сұйықтық

- орташадан күшті айқындылыққа дейінгі жедел операциядан кейінгі ауырудың қысқа мерзімді емі үшін. Емдеуді тек стационар жағдайында бастау керек. Емнің ең көп ұзақтығы – екі күн.

Әсер ету механизмі Кеторолак- қабынуға қарсы стероидты емес (ҚҚСП) кластың қатты әсер ететін ауырсынуды басатын дәрісі. Ол апиынды емес және апиынды рецепторларға белгілі әсері жоқ. Оның әсер ету механизмі циклооксигеназа ферменттік жүйесін, демек простагландин синтезін бәсеңдету болып табылады және оның ауырсынуды басатын дозасында қабынуға қарсы ең төмен әсері бар.

Дозалау режимі Бұлшықет ішіне енгізгеннен кейін ауырсынуды басатын әсері басталғанға дейінгі уақыт бірдей және шамамен 30 минутты құрайды, бұл ретте ең жоғарғы анальгезиясы бір-екі сағат ішінде басталады. Ауыруды басудың орташа ұзақтығы, әдетте, төрт сағаттан алты сағатқа дейін құрайды. Дозасын ауырудың қарқындылығы мен пациенттің емге жауабына байланысты жекелей таңдайды. Кеторолактың күнделікті бірнеше реттік дозаларын бұлшықет ішіне енгізудің ұзақтығы екі күннен аспауы тиіс, өйткені, ұзақ уақыт қолданғанда жағымсыз реакциялар күшейе түсуі мүмкін. Дозаларын ұзағырақ уақыт шінде қолдану тәжірибесі шектеулі, өйткені, пациенттердің басым көпшілігі препараттың пероральді түрімен емделуге ауысқан немесе аталған уақыт өткеннен кейін, одан әрі ауыруды басатын емді қажет етпеген. Жағымсыз реакцияларды симптомдарын бақылауға алу үшін қажетті ең қысқа уақыт мерзімі ішінде ең төменгі тиімді дозасын пайдалану жолымен азайтуға болады. Ересектер Кетанов препаратының ұсынылатын бастапқы дозасы 10 мг, содан соң, қажет болса, әр төрт-алты сағат сайын 10-нан 30 мг дейін құрайды. Операциядан кейінгі бастапқы кезеңде, қажет болған жағдайда Кетанов препаратын әр екі сағат сайын тағайындауға болады. Ең төмен тиімді дозасын тағайындау керек. Ересек пациенттерге арналған жалпы тәуліктік 90 мг және егде жастағы адамдарға, бүйрек жеткіліксіздігі бар пациенттер мен дене салмағы 50 кг аз пациенттерге арналған 60 мг дозасын арттырмау керек. Емнің ең көп ұзақтығы екі күннен аспауы тиіс. Дене салмағы 50 кг аз пациенттер үшін, дозасын азайту керек. Апиындық анальгетиктерді (мысалы, морфин, петидин) бір мезгілде пайдалануға болады, және олар операциядан кейінгі бастапқы кезеңде, ауыру анағұрлым күштірек кезде ауыруды басатын оңтайлы әсері үшін қажет болуы мүмкін. Кетанов препараты апиындардың байланысуына әсер етпейді және тыныс алудың бәсеңдеуін немесе апиындар туғызған тыныштандыратын әсерді ушықтырмайды. Кетанов препаратымен бірге бұлшықет ішіне пайдаланғанда, апиындардың тәуліктік дозасы әдетте, әдеттегі қажеттісінен азырақ болады. Дегенмен, апиындардың, әсіресе, хирургиялық араласу жүргізілген күнгі жағымсыз реакцияларын ескеру керек. Пациенттердің ерекше топтары Егде жастағы пациенттер Егде жастағы адамдарда жағымсыз реакциялардың ауыр салдарлары қаупі жоғарылайды. Егер қабынуға қарсы стероидты емес препаратты (ҚҚСП) тағайындау қажет болса, ең төмен тиімді дозасын және барынша қысқа уақыт мерзімі ішінде пайдалану керек. Пациентті ҚҚСП емі кезінде асқазан-ішек жолынан (АІЖ) қан кетуге қатысты жүйелі түрде бақылап отыру керек. Жалпы тәуліктік 60 мг дозасын арттырмау керек . Бүйрек жеткіліксіздігі бар пациенттер Бүйрек жеткіліксіздігінің орташа немесе ауыр дәрежесі кезінде препаратты қолдануға болмайды; бүйрек функциясының айқындығы аз бұзылулары кезінде дозасын азайту (бұлшықет ішіне тәулігіне 60 мг асырмау) керек. Енгізу әдісі және жолы Емдеуді тек стационар жағдайларында бастау керек. Кетанов бұлшықет ішіне түрінде енгізуге арналған. Препаратты бұлшықет ішіне енгізуді баяу, бұлшықет ішіне терең инъекция жолымен жүргізу қажет. Препаратты эпидуральді немесе жұлынға енгізу үшін пайдалануға болмайды. Емдеу ұзақтығы Емнің ең көп ұзақтығы – екі күн. Тоқтату симптомдары қаупінің болуын көрсету Кеторолактың препаратқа дағдылану тудыратын қабілеті жоқ. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында дәрігерге жүгініңіз.

• әсер етуші затына немесе қосымша заттарының кез келгеніне аса жоғары сезімталдық • ацетилсалицил қышқылы (АСҚ) немесе простагландиндер синтезінің басқа тежегіштері аллергиялық реакция туғызатындарда (ондай пациенттерде демікпе, ринит, ангионевроздық ісіну немесе есекжем сияқты ауыр анафилаксиялық реакциялар байқалған) басқа ҚҚСП аса жоғары сезімталдық. • анамнездегі бронх демікпесі • балалар мен 16 жасқа дейінгі жасөспірімдерге • өршу сатысындағы пептидтік ойық жара, анамнезде асқазан-ішектен қан кетудің, ойық жара ауруының немесе ойық жара тесілуінің болуы • жүректің ауыр жеткіліксіздігі • бауырдың ауыр жеткіліксіздігі • бүйректің орташа немесе ауыр жеткіліксіздігі (плазмадағы креатинин 160 мкмоль/л) немесе гиповолемияға немесе дегидратацияға байланысты бүйрек жеткіліксіздігінің даму қаупі • жүктілік, босану (толғақ қезеңі) және босандыру кезеңі, лактация кезеңі • операциялық араласулар алдында профилактикалық анальгезия мақсатында қолдану (тромбоциттер агрегациясы тежелетіндігіне байланысты), сондай-ақ операциялық араласулар кезінде (қан кету қаупі жоғары болғандықтан). • цереброваскулярлық қан кетуге күдіктенген немесе ол расталған жағдайда • қан кетулер қаупі жоғары операцияны бастан өткерген немесе гемостаз бұзылуы бар пациенттерге • қан кетулер қаупі жоғары пациенттерге, соның ішінде, геморрагиялық диатездері және қан ұюының бұзылулары бар пациенттерге • антикоагулянттармен, соның ішінде варфаринмен және гепариннің төмен дозасымен (әр 12 сағат сайын 2500 – 5000 ӘБ) бір мезгілде емдеу, • ағымдағы уақытта АСҚ немесе басқа ҚҚСП-мен (циклооксигеназа-2 селективті тежегіштерін қоса) ем қабылдап жүрген пациенттерге • нейраксиальді (эпидуральді немесе интратекальді) енгізу • окспентифиллинмен, пробенецидпен және литий тұздарымен бір мезгілде қолдану. • мұрын полиптері, ангионевроздық ісінуі немесе бронх түйілуі бар пациенттерге

Кеторолакты вена ішіне қабылдаған пациенттерде келесі жағымсыз әсерлер пайда болуы мүмкін: хабарланған жағдайлардың жиілігі белгісіз, өйткені олар нақты шамасы белгісіз тұрғындардан ерікті түрде хабарланған Белгісіз • асқазан-ішек жолдарының пептидтік ойық жарасы, ойық жара, тесілуі немесе қан кетуі, кейде өлімге әкелуі мүмкін, әсіресе егде жастағы адамдарда • жүрек айну, құсу, диарея, іш қату, асқазанның бұзылысы, іштің ауыруы/жайсыздық, мелена, гематемезис, стоматит, ойық жаралы стоматит, кекіру, метеоризм, эзофагит, асқазан-ішек ойық жаралары, тік ішектен қан кету, панкреатит, ауыз құрғауы, асқазанның толып кету сезімі, колиттің өршуі және Крон ауруы, гастрит • желке бұлшықетінің сіресуі, бас ауруы, жүрек айну, құсу, қызба немесе бағдардан жаңылу сияқты симптомдары (әсіресе жүйелі қызыл жегі, дәнекер тінінің аралас ауруы сияқты аутоиммундық бұзылулары бұрыннан бар пациенттерде) бар асептикалық менингит • тромбоцитопения, пурпура, нейтропения, агранулоцитоз, аплазиялық анемия және гемолиздік анемия • анафилаксия, анафилактоидты реакциялар, анафилаксия сияқты анафилактоидты реакциялар, терінің қызаруы, бронх түйілуі, бөртпе, гипотензия, көмейдің ісінуі сияқты жоғары сезімталдық реакциялары өлімге әкелуі мүмкін. Олар сондай-ақ ангионевроздық ісіну, бронхтың реактивті түйілуі (мысалы, демікпе және мұрын полиптері) анамнезінде бар адамдарда пайда болуы мүмкін • тәбеттің төмендеуі, гиперкалиемия, гипонатриемия • патологиялық ойлау, депрессия, ұйқысыздық, мазасыздық, күйгелектік, психоздық реакциялар, ұйқының бұзылуы, елестеулер, эйфория, зейін қою бұзылуы, ұйқышылдық, сананың шатасуы, ашушаңдық • бас ауыруы, бас айналу, құрысулар, парестезия, гиперкинез, дәм сезу бұзылуы. • көру қабілетінің бұзылуы, көрудің бұзылыстары, көру жүйкесінің невриті • құлақтағы шуыл, есту қабілетінің жоғалуы, бас айналуы • жедел бүйрек жеткіліксіздігі, жиі несеп бөлу, интерстициялық нефрит, нефроздық синдром, несеп іркілісі, олигурия, гемолиздік уремиялық синдром, іштің бүйір аймағындағы ауырсыну (гематуриямен немесе онсыз, азотемиямен), креатинин мен калийдің жоғарылауы, бұл вена ішіне кеторолактың бір дозасын қабылдаудан кейін пайда болуы мүмкін • жүрек қағуын сезу, брадикардия, жүрек жеткіліксіздігі. • гипертония, гипотензия, гематома, ысынулар, бозару, операциядан кейінгі жарадан қан кету • артериялық тромбоздық асқынулардың жоғары қаупі (мысалы, миокард инфарктісі немесе инсульт) • әйел бедеулігі • демікпе, ентігу, өкпе ісінуі, мұрыннан қан кету • гепатит, холестаздық сарғаю, бауыр жеткіліксіздігі. • эксфолиативті дерматит, дақты-папулёзді бөртпе, қышыну, есекжем, пурпура, ангионевроздық ісіну, тершеңдік, Стивенс-Джонсон синдромын және уытты эпидермалық некролиз, мультиформалы эритема және терінің жарыққа сезімталдығын қоса, буллездік реакциялар. • миалгия, функционалдық бұзылыстар • шамадан тыс шөлдеу, астения, ісіну, инъекция орнындағы реакция және ауырсыну, қызба, кеуденің ауыруы, қажу және дене салмағының артуы. • қан кету уақытының ұзаруы, плазмада мочевина деңгейінің артуы, креатинин жоғарылауы, бауырдың функционалдық жай-күйі көрсткіштерінің қалыптан ауытқуы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Эпигастрий аумағындағы ауыру, жүрек айну, құсу, гипервентиляция, пептидті ойық жара және/немесе эрозиялы гастрит, препарат қолдануды тоқтатудан кейін басылатын бүйрек функциясының бұзылулары. Асқазан-ішектен қан кету, артериялық гипертензия, жедел бүйрек жеткіліксіздігі, тыныстың тарылуы және кома аса сирек дамиды. Бас ауыру, эпигастрийдегі ауыру, бағдардан жаңылу, қозу, ұйқышылдық, бас айналу, құлақтың шуылдауы және естен тануды да байқауға болады. Диарея және құрысу жағдайлары тіркелген. Анафилактоидты реакциялар дамуы мүмкін. Емі Симптоматикалық және демеуші ем. Антидоттар жоқ. Диализ – тиімділігі аз. Артық дозаланудан кейін бір сағат ішінде белсендірілген көмірді пайдалануға және асқазанды шаюға болады. Бауыр және бүйрек функциясын қадағалау қажет (жақсы диурез қамтамасыз етілуі тиіс). Пациенттер потенциалды уытты мөлшерде қабылдағаннан кейін кемінде төрт сағат бойы қадағалануы тиіс. Жиі немесе ұзаққа созылатын құрысуларда вена ішіне диазепам енгізу. Емнің басқа шаралары пациенттің клиникалық жағдайына сәйкес қабылданады.

Эпидемиологиялық деректер, кеторолак кейбір басқа ҚҚСП-мен салыстырғанда, әсіресе, препаратты нұсқаулықта көрсетілмеген көрсетілімдер бойынша және/немесе ұзақ уақыт ішінде пайдаланғанда асқазан-ішекке ауыр уыттылығы қаупінің жоғарылауымен байланысты болуы мүмкіндігін көрсетіп отыр . Дәрігерлер, кейбір пациенттерде ауырғанды басатын әсері вена ішіне немесе бұлшықет ішіне енгізгеннен кейін тек 30 минуттан соң ғана басталуы мүмкін екендігін білуге тиіс. Кеторолакты циклооксигеназа-2 селективті тежегіштерін қоса ҚҚСП-мен бірге қолданбау керек. Жағымсыз реакциялардың туындауын ең төмен тиімді дозасын симптомдарын бақылауға алу үшін қажетті аса қысқа уақыт мерзімі ішінде пайдалану арқылы азайтуға болады. Ойық жаралар, асқазан-ішек жолынан қан кету және тесілуі Асқазан-ішектен қан кетулер, ойық жаралары немесе тесілуінің өлімге соқтыруы мүмкін жағдайлары кеторолакпен емдеуді қоса,барлық ҚҚСП қолданғанда, емдеудің кез келген уақытында, хабаршы симптомдарымен немесе оларсыз немесе анамнезде асқазан-ішектің ауыр аурулары болған жағдайда тіркелген. Маркетингтен кейінгі рандомизацияланбаған ауруханаішілік қадағалау зерттеуінде клиникалық тұрғыдан ауыр, асқазан-ішектен қан кетулер жиілігінің жоғарылауы апиындарды парентеральді қабылдаған пациенттермен салыстырғанда, 65 жасқа толмаған, кеторолактың 90 мг асатын орташа тәуліктік дозасын бұлшықет ішіне қабылдаған пациенттерде байқалды. Егде жастағы адамдарда ҚҚСД-ға жағымсыз реакциялар, әсіресе, асқазан-ішектен өлімге соқтыруы мүмкін қан кетулер мен тесілулер жиірек кездеседі. Асқазан ішектен қан кету, ойық жара немесе тесілу қаупі вена ішілік кеторолакты қоса, ҚҚСП дозаларын арттырғанда, анамнезінде ойық жара болған пациенттерде, әсіресе егер ол қан кетумен немесе тесілумен асқынған жағдайда және егде жастағы адамдарда жоғарылайды. Клиникалық тұрғыдан ауыр асқазан-ішектік қан кету қаупі дозасына тәуелді. Ондай пациенттер емдеуді ең төмен қолжетімді дозасынан бастауы тиіс. Ондай пациенттер, сондай-ақ, төмен дозалардағы АСҚ немесе асқазан-ішектік қаупін арттыруы мүмкін басқа препараттарды бір мезгілде қабылдау қажет болған пациенттер, дәрілік препараттар-протекторлармен (мысалы, мизопростолмен немесе протондық помпа тежегіштерімен) біріктіріп емдеу мүмкіндігін қарастыруға тиіс. Жас шамасына байланысты асқазан-ішектен қан кету мен тесілудің мұндай қаупі барлық ҚҚСП үшін ортақ болып табылады. Жастармен салыстырғанда, егде жастағы адамдарда кеторолактың плазмадан жартылай шығарылу кезеңі ұзарады және плазмалық клиренсі төмендейді. Дозалау аралықтарын ұзағырақ ету ұсынылады. Анамнезінде ішектің қабыну аурулары (ойық жаралы колит, Крон ауруы) бар пациенттерге ҚҚСП сақтықпен тағайындау керек, өйткені ондай жағдайлар өрши түсуі мүмкін. Анамнезінде асқазан-ішекке уыттылығы болған пациенттер, әсіресе, егде жастағылар, әсіресе, емдеудің бастапқы сатыларындағы әдеттен тыс кез елген абдоминальді симптомдар (әсіресе, асқазан-ішектен қан кетулер) туралы хабарлауы тиіс. Кеторолакты вена ішіне қабылдап жүрген пациенттерде асқазан-ішектен қан кету немесе ойық жара туындаған жағдайда, емдеуді тоқтату керек. Пероральді кортикостероидтар, серотонинді кері қармаудың селективті тежегіштері сияқты, ойық жаралардың немесе қан кетулердің түзілуі қаупін арттыруы мүмкін препараттарды немесе АСҚ сияқты антитромбоциттік дәрілерді қатарлас қабылдап жүрген пациенттерге сақтықпен қарау керек. Варфарин сияқты антикоагулянттарды қабылдап жүрген пациенттерде пайдалануға болмайды. Басқа ҚҚСП-мен жағдайдағы сияқты, кеторолактың дозасы мен венаішілік емдеу ұзақтығын арттырған кезде асқазан-ішектік асқынулардың жиілігі мен ауырлығы арта түсуі мүмкін. Клиникалық тұрғыдан ауыр, асқазан-ішектік қан кету қаупі дозасына тәуелді. Бұл әсіресе, егде жастағы, кеторолактың күніне 60 мг асатын орташа тәуліктік дозасын вена ішіне қабылдап жүрген пациенттерге қатысты. Анамнезде ойық жара ауруының болуы кеторолакпен емдеу кезінде асқазан-ішектің ауыр асқынуларының дамуы ықтималдығын арттырады. ҚҚСП, соның ішінде кеторолак, асқазан-ішек жолдарынан анастомозының қабілетсіздігі қаупінің жоғарылауымен байланысты болуы мүмкін. Кеторолакты асқазан-ішек жолына операциядан кейін қолданған кезде мұқият медициналық бақылау және сақтық қажет. Гематологиялық әсерлер Қан ұюының бұзылулары бар пациенттер Кетанов препаратын қабылдамағаны дұрыс. Антикоагулянттық ем қабылдап жүрген пациенттерде кеторолакпен бір мезгілде тағайындағанда қан кету қаупі жоғарылауы мүмкін. Кеторолак пен гепариннің төмен дозаларын профилактикалық мақсаттарда (әр 12 сағат сайын 2500-5000 бірлік) және декстрандарды бір мезгілде қолдану кеңінен зерттелмеген және қан кету қаупінің жоғарылығымен де байланысты болуы мүмкін. Антикоагулянттарды бұрыннан қабылдап жүрген немесе гепариннің төмен дозаларын қажет ететін пациенттер кеторолакты қабылдамауы тиіс. Гемостазға кедергі келтіретін басқа дәрілік ем қабылдап жүрген пациенттер кеторолакты тағайындағанда мұқият қадағалануы тиіс. Бақыланатын клиникалық зерттеулерде клиникалық тұрғыдан елеулі, операциядан кейінгі қан кетулердің жиілігі 1%-дан азды құрады. Кеторолак тромбоциттер агрегациясын бәсеңдетеді және қан кету уақытын ұзартады. Қан ұюы қалыпты пациенттерде қан кету уақыты ұзарған, бірақ екіден он бір минутқа дейінгі қалыпты ауқымының шегінен аспаған. АСҚ-ның ұзаққа созылатын әсеріне қарағанда, тромбоциттер функциясы нормаға кеторолакты тоқтатқаннан кейін 24-48 сағат ішінде қайтып келеді. Маркетингтен кейінгі кезеңде қолданғанда, операциядан кейін кеторолакты бұлшықет ішіне/вена ішіне пайдаланумен байланысты, операциядан кейінгі жарадан қан кету туралы хабарланды. Сондықтан қан кету немесе толық емес гемостаз қаупі жоғары операцияны бастан өткерген пациенттерге кеторолакты қолданбау керек. Егер ауытқуларға жол бермейтін гемостаз шешуші мәнге ие болса, мысалы, косметикалық немесе бір күндік хирургияда, простата резекциясында немесе тонзиллэктомияда сақтық таныту керек. Кеторолакты пайдаланғанда гематомалар және жарадан қан кетудің басқа белгілері, сондай-ақ, мұрыннан қан кетулер туралы хабарланды. Дәрігерлер кеторолактың циклооксигеназаны тежейтін басқа ҚҚСП-мен фармакологиялық ұқсастығы және әсіресе, егде жастағы адамдарда, қан кету қаупі туралы білуі тиіс. Тері реакциялар ҚҚСП қолданумен байланысты, эксфолиативтік дерматитті, Стивенс-Джонсон синдромын және уытты эпидермалық некролизді қоса, кейбіреулері өлім жағдайымен аяқталатын терінің ауыр реакциялары туралы өте сирек хабарланды. Пациенттер, аталған реакциялардың даму қаупіне емдеу курсының басында анағұрлым көбірек ұшырауы: көпшілік жағдайларда емнің алғашқы айы ішінде туындайтын реакциялар басталуы ықтимал. Тері бөртпесі, шырышты қабықтардың зақымданулары немесе аса жоғары сезімталдықтың кез келген басқа белгілері алғаш пайда болған жағдайда, кеторолакты қабылдауды тоқтату керек. ЖҚЖ және дәнекер тіннің аралас ауруы Жүйелі қызыл жегі (ЖҚЖ) немесе дәнекер тіннің аурулары бар науқастарда асептикалық менингиттің даму қаупі жоғарылауы мүмкін . Жүрек-қантамыр аурулары кезінде организмде натрий/сұйықтық іркілуі және шеткері ісінулер Анамнезінде гипертония және/немесе жүрек жеткіліксіздігі болған пациенттерде сақтық таныту қажет, өйткені, ҚҚСП емімен байланысты сұйықтық іркілуі мен ісіну жағдайлары тіркелген. ҚҚСП, соның ішінде кеторолакты қабылдаған кейбір пациенттерде сұйықтық іркілуі, гипертония және шеткері ісінулер байқалды, сол себепті, жүрек декомпенсациясы, гипертониясы немесе соларға ұқсас аурулары бар пациенттерге сақтықпен қолдану керек. Жүрек-қантамыр жүйесіне және ми қантамырларына әсері Анамнезінде артериялық гипертензия және/немесе жүректің елеусіз орташа жеткіліксіздігі болған науқастардың жай-күйін мұқият қадағалау қажет. Анамнезінде ҚҚСП емімен байланысты сұйықтық іркілуі мен ісінулер болған пациенттерде сақтық таныту қажет. Клиникалық сынақтар мен эпидемиологиялық деректер, коксибтер мен кейбір ҚҚСП (әсіресе, жоғары дозаларында) қолдану артериялық тромбоз асқынулары (мысалы, миокард инфарктісі немесе инсульт) қаупінің болар-болмас жоғарылауымен астасуы мүмкін екендігін көрсетіп отыр. Кеторолак препаратымен емдегенде, миокард инфарктісі сияқты тромбоз оқиғалары жиілігінің артқаны байқалмаса да, дегенмен, кеторолакқа қатысты ондай қауіпті жоққа шығаруға болмайды. Бақыланбайтын гипертониясы, жүректің іркілісті жеткіліксіздігі бар, жүректің ишемиялық ауруы анықталған, шеткері артериялардың ауруы және/немесе цереброваскулярлық ауруы бар пациенттер кеторолакты тек, мұқият талдаудан кейін ғана қабылдауы тиіс. Соған ұқсас талдау жүрек-қантамыр аурударының қауіп факторлары (мысалы, гипертония, гиперлипидемия, қант диабеті және шылым шегу) бар пациенттерді емдеудің алдында да жүргізілуі тиіс. Жүрек-қантамыр, бүйрек және бауыр жеткіліксіздігі Бүйрек простагландиндері бүйрек перфузиясын демеп отыруда қосымша рөл атқаратын жағдайда, айналымдағы қан көлемінің азаюына және/немесе бүйректің қан ағымының азаюына алып келетін факторлары бар пациенттерді емдегенде сақтық таныту керек. Аталған пациенттерде ҚҚСП тағайындау бүйрек простагландиндері түзілуінің дозаға тәуелді төмендеуін және бүйрек жеткіліксіздігінің манифестациясын туғызуы мүмкін. Ондай реакция қаупінің анағұрлым көбірек қаупі қан жоғалтуына байланысты көлемі төмендеген, ауыр дегидратациясы, бүйрек функциясының жеткіліксіздігі, жүрек жеткіліксіздігі, бауыр дисфункциясы бар пациенттерде, егде жастағы пациенттерде және диуретиктерді қабылдап жүрген пациенттерде байқалады. Пациенттердің аталған санатында бүйрек функциясын бақылау керек. ҚҚСП емін үзгеннен кейін, әдетте, жағдайдың қалыпқа келуі басталады. Гиповолемияға алып келетін хирургиялық операциялар кезінде сұйықтықтың/қанның қалыпқа келуінің жеткіліксіздігі, бүйрек дисфункциясын туғызуы мүмкін, ол кеторолакты тағайындаған кезде ушыға түсуі мүмкін. Сондықтан көлем тапшылығының орны толтырылуы тиіс және сарысудағы мочевинаға, креатининге, сондай-ақ, пациентте нормоволемия басталғанға дейін диурезге мұқият мониторинг жүргізу ұсынылады. Гемодиализ жүргізіліп жатқан пациенттерде кеторолак клиренсі қалыпты деңгейінен жартысына дейін азая түседі, жартылай шығарылу кезеңі шамамен 3 есе ұзара түседі.. Бүйрекке әсері Басқа ҚҚСП сияқты, кеторолакты бүйрек функциясы бұзылған немесе анамнезінде бүйрек ауруы болған пациенттерде сақтықпен қолдану керек, өйткені ол простагландиндер синтезінің әсері күшті тежегіші болып табылады. Қан көлемінің және/немесе бүйректік қан ағымының азаюына алып келетін жай-күйлері бар пациенттерде кеторолакты және басқа ҚҚСП қолданғанда бүйрекке уыттылығы байқалғандықтан, бүйрек перфузиясын сақтауда бүйрек простагландиндері демеуші рөл атқаратын жағдайларда сақтық таныту керек. Ондай пациенттерде кеторолактың немесе басқа ҚҚСП енгізу бүйректе простагландиндер түзілуінің дозаға тәуелді төмендеуін туғызуы мүмкін және бүйректің айқын декомпенсациясын немесе жеткіліксіздігін туғызуы мүмкін. Бұл реакция қаупіне бүйрек функциясы бұзылған, гиповолемиясы, жүрек жеткіліксіздігі, бауыр функциясының бұзылуы бар, диуретиктерді қабылдап жүрген пациенттер мен егде жастағы адамдар анағұрлым көп ұшырайды. Кеторолакты немесе қабынуға қарсы басқа стероидты емес емді қабылдауды тоқтату, әдетте, емдеуге дейін болған жағдайға дейін қалыпқа келумен қатар жүреді. Простагландиндер синтезін тежейтін басқа препараттармен жағдайдағы сияқты, кеторолак трометамолын қабылдағанда қан сарысуындағы мочевина, креатинин және калий деңгейінің жоғарылағаны туралы хабарланды, және ол бір дозасын қабылдағаннан кейін орын алуы мүмкін. Бүйрек функциясы бұзылған пациенттер: кеторолак трометамолы мен оның метаболиттері негізінен бүйрек арқылы шығарылатындықтан, бүйрек функциясының орташа және ауыр бұзылуы бар (сарысудағы креатинин 160 микромоль / л жоғары) пациенттер кеторолакты қабылдамауы тиіс. Бүйрек жеткіліксіздігі аз пациенттер кеторолактың азайтылған дозасын (бұлшықет ішіне немесе вена ішіне күніне 60 мг аспайды) қабылдауы тиіс, ал олардың бүйректік статусын мұқият бақылау керек. Бауыр функциясы бұзылған пациенттерде қолданылуы Бауыр циррозына байланысты бауыр функциясы бұзылған пациенттерде кеторолактың клиренсінде немесе жартылай шығарылуының соңғы кезеңінде қандай-да бір клиникалық маңызды өзгерістер болмайды. Бауырдың функционалдық тестілерінің біреуінің немесе бірнешеуінің соңғы шектік жоғарылауы байқалуы мүмкін. Ондай бұзылулар уақытша болуы, өзгеріссіз күйінде қалуы немесе емдеуді жалғастырғанда үдей түсуі мүмкін. Бақыланатын клиникалық сынақтарда 1%-дан аз пациентте қан сарысуында сарысулық глутамат пируват трансаминаза (СГПТ /АЛТ) немесе сарысулық глютамин оксалоацетин трансаминаза (СГОТ/АСТ) деңгейінің елеулі (3 еседен артық) жоғарылауы байқалды. Егер бауыр ауруымен байланысты клиникалық белгілер мен симптомдар дамыса, немесе егер жүйелі көріністер туындаса, кеторолакты қабылдауды тоқтату керек Анафилаксиялық (анафилактоидтық) реакциялар Анафилаксиялық (анафилактоидтық) реакциялар (анафилаксиялық шокты, бронх түйілуін, гиперемияны, бөртпені, гипотонияны, көмейдің ісінуін және ангионевроздық ісінуді қоса), анамнезінде АСҚ, басқа ҚҚСД немесе в/і кеторолакқа жоғары сезімталдығы болған немесе болмаған науқастарда туындауы мүмкін. Сонымен қатар олар анамнезінде ангиодистрофиясы, бронх түйілуі реакциялары (мысалы, демікпе) болған және мұрын полиптері бар адамдарда кездесуі мүмкін. Анафилаксия сияқты анафилактоидтық реакциялар өлімге соқтыруы мүмкін. Сол себепті, кеторолак анамнезінде демікпесі бар пациенттерде және мұрынның толық немесе ішінара полиптері синдромы, ангиодистрофиясы және бронх түйілуі бар науқастарда қолданылмауы тиіс. Сұйықтық іркілуі және ісіну Кеторолакты қолданғанда сұйықтық іркілгені, гипертония және ісіну туралы хабарланды, сондықтан оны жүрек жеткіліксіздігі, гипертониясы немесе соларға ұқсас жай-күйлері бар пациентерде сақтықпен қолдану керек. Метотрексатты бір мезгілде қолданғанда сақтық таныту ұсынылады, өйткені, простагландин синтезін тежейтін кейбір препараттар метотрексаттың клиренсін төмендететіні, және сол себепті, оның уыттылығын арттыруы мүмкіндігі хабарланған. Фертильділікке қатысты сақтық шаралары Циклооксигеназа/простагландин синтезін тежейтіндігі белгілі кез келген препарат сияқты, кеторолакты қолдану фертильділікті нашарлатуы мүмкін және жүктілікті жоспарлап жүрген әйелдерге ұсынылмайды. Бала көтеруде қиындықтарды бастан өткеріп жүрген немесе фертильділікке қатысты тексеріліп жүрген әйелдерде, Кетанов препаратын тоқтату мәселесін қарастыру керек. Арнайы сақтандырулар Педиатрияда қолдану Балалардағы қауіпсіздігі мен тиімділігі анықталмаған. Сондықтан Кетанов препаратын 16 жасқа дейінгі балаларға қолдануға болмайды Натрий диетасын ұстап жүрген пациенттер Бұл дәрілік препараттың құрамында бір реттік дозасында 5.31 мг (яғни, 0.23 ммоль) натрий бар. Натрий мөлшері бақыланатын диета ұстап жүрген пациенттер, препараттың құрамында натрий мөлшері аз болғандықтан, натрийсіз болып табылатынын ескеруі тиіс.

ҚҚСП шарананың жүрек-тамыр жүйесіне белгілі әсерін ескере отырып (артериялық түтіктің жабылу қаупі), кеторолак жүктілік, толғату немесе босану кезінде қарсы көрсетілімде. Жүктілік кезіндегі кеторолактың адамдағы қауіпсіздігі анықталған жоқ. ҚҚСП адамға енгізумен байланысты туа біткен ауытқулар туралы хабарланды, алайда олар сирек кездеседі және олардың қандай да бір елеулі заңдылығы жоқ. ҚҚСП шарананың жүрек-қантамыр жүйесіне белгілі әсер етуінен (артериялық түтіктің жабылу қаупі) кеторолак жүктілік, босану немесе босандыру кезінде қарсы көрсетілімді. Простагландин синтезін тежеу жүктілікке және/немесе эмбрион/ұрықтың дамуына теріс әсер етуі мүмкін. Жүктіліктің ерте кезеңінде простагландиндер синтезінің тежегіштерін қолданғаннан кейін түсік тастау, жүрек ақауы және гастрошизис даму қаупінің жоғарылағанын көрсететін деректер бар. Емнің дозасы мен ұзақтығына байланысты қауіп артады деп саналады. Жүктілік кезінде простагландин синтезінің барлық тежегіштері мыналарды туындатуы мүмкін: ұрықта: - жүрек-өкпе уыттылығын (артериялық түтіктің мерзімінен бұрын жабылуын және өкпе гипертензиясын) - су аздығы болатын бүйрек жеткіліксіздігіне дейін үдеуі мүмкін бүйрек функциясының бұзылуын; жүктілік соңында анасы мен ұрықта: -қан кету уақытының ұлғаюы мүмкін, тіпті өте төмен дозаларда да пайда болатын антиагреганттық әсер. -жатырдың жиырылуын бәсеңдету, бұл босанудың кешеуілдеуіне немесе ұзақтығының артуына әкеледі. Кеторолак плацента арқылы шамамен 10% көлемде өтеді. Толғақ және босану Кеторолак толғату мен босану кезінде қолдануға қарсы көрсетілімде, өйткені простагландин синтезін тежейтін әсеріне байланысты шарананың қан айналымына теріс әсер етуі мүмкін және жатырдың жиырылуын тежейді, осылайша жатырдың қан кету қаупін арттырады. Анада да, балада да қан кетуге бейімділік жоғарылауы бақылануы мүмкін. Кеторолак пен оның метаболиттері ұрыққа мен сүтіне өтетіні көрсетілген. Кеторолак әйел сүтінде төмен концентрацияда анықталды, сондықтан кеторолакты бала емізетін аналар қолдануына болмайды. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Кеторолакты қабылдаған кезде кейбір пациенттерде бас айналу, бас ауруы, шаршау, көру қабілетінің бұзылуы, ұйқышылдық, ұйқысыздық және депрессия болуы мүмкін. Осы немесе осыған ұқсас симптомдар мен қолайсыз әсерлер кезінде автокөлік жүргізу және механизмдермен жұмыс істеу ұсынылмайды.

Кеторолак қан плазмасының ақуыздарымен байланысады (орташа 99.2%) және бұл байланысу концентрацияға байланыссыз. Кетановпен бірге келесі дәрілік заттар енгізілмеуі тиіс: Ацетилсалицил қышқылы (АСҚ) және басқа да ҚҚСП Кетановты АСҚ-мен немесе ҚҚСП-мен байланысты жағымсыз әсерлердің даму қаупі жоғары болғандықтан циклооксигеназа-2 селективті тежегіштерін қоса, басқа да ҚҚСП-мен пайдалануға болмайды Кеторолак тромбоциттердің агрегациясын басады, тромбоксан концентрациясын төмендетеді және қан кету уақытын ұзартады. АСҚ ұзақ әсер етуінен айырмашылығы, тромбоциттер функциясы кеторолак қабылдауды тоқтатқаннан кейін 24-48 сағат ішінде қалыпқа қайта оралады. Антикоагулянттар Кетанов варфарин сияқты антикоагулянттармен үйлесімде қарсы көрсетілімде, өйткені ҚҚСП және антикоагулянттарды бірге енгізу антикоагулянттық әсердің күшеюіне әкелуі мүмкін . Зерттеулер кеторолак пен варфарин немесе гепарин арасындағы айтарлықтай өзара әрекеттесуді көрсетпесе де, кеторолак пен гемостазға әсер ететін емді, соның ішінде антикоагулянттық терапияның емдік дозалары (варфарин), гепариннің профилактикалық төмен дозалары (әр 12 сағат сайын 2500-5000 бірлік) және декстранды бір мезгілде қолдану қан кету қаупінің жоғарылауымен байланысты болуы мүмкін. Литий Простагландиндер синтезін тежейтін кейбір препараттарды қолдану кезінде плазмадағы литий концентрациясының ұлғаюына әкелетін литийдің бүйрек клиренсін тежеуі туралы хабарланды. Кеторолакпен емдеу кезінде плазмадағы литий концентрациясының жоғарылау жағдайлары туралы хабарланды. Пробенецид Плазмадағы кеторолак концентрациясының және жартылай шығарылу кезеңінің ұлғаюына байланысты пробенецидті кеторолакпен бір мезгілде тағайындауға болмайды Мифепристон ҚҚСП мифепристонды қабылдағаннан кейін сегіз-он екі күн ішінде қолдануға болмайды, өйткені ҚҚСП мифепристонның әсерін төмендетуі мүмкін. Окспентифиллин Кеторолакты окспентифиллинмен бір мезгілде қолданғанда қан кетуге жоғары бейімділік байқалады. Кетановпен үйлесімде келесі дәрілік препараттарды сақтықпен қолдану керек: Кортикостероидтар Барлық ҚҚСП жағдайындағыдай, асқазан-ішек жолының ойық жарасы немесе қан кету қаупінің жоғарылауына байланысты кортикостероидтармен бір мезгілде қолданғанда сақ болу керек. Серотонинді селективті кері қармау тежегіштері (ССКҚТ) Антитромбоцитарлық препараттар мен ССКҚТ үйлесімін ҚҚСП-мен біріктірген кезде асқазан-ішектен қан кету дамуының қаупі жоғары. Метотрексат Простагландин синтезін тежейтін кейбір препараттар метотрексат клиренсін азайтады және осылайша оның уыттылығын арттыруы мүмкіндігі мәлімделді. Плазма ақуыздарымен байланысуға әсері Кеторолак трометамині дигоксиннің ақуыздармен байланысуын өзгертпейді. In vitro зерттеулері салицилаттың емдік концентрациясында (300 мкг/мл) кеторолак байланысуының шамамен 99,2% - дан 97,5% - ға дейін төмендегенін көрсетті, бұл плазмадағы байланыссыз кеторолак концентрациясының екі есе әлеуетті ұлғаюын білдіреді. Дигоксин, варфарин, ибупрофен, напроксен, пироксикам, ацетаминофен, фенитоин және толбутамидтің емдік концентрациялары кеторолактың ақуыздармен байланысуына әсер етпеді. Фуросемид Кеторолак, инъекцияға арналған ерітінді, нормоволемиясы бар дені сау адамдарда фуросемидтің диуретиктік қасиеттерін шамамен 20% төмендетеді, сондықтан жүрек жеткіліксіздігі бар пациенттерде ерекше сақ болу керек. Диуретиктер Диуретиктермен бірге қолдану диуретиктік әсердің төмендеуіне және ҚҚСП нефроуыттылық қаупін арттыруға әкелуі мүмкін. Циклоспорин Барлық ҚҚСП жағдайындағыдай, нефроуыттылық қаупінің жоғарылауына байланысты циклоспоринді бірге енгізген кезде сақ болу ұсынылады. Такролимус Такролимуспен ҚҚСП бір мезгілде қолданғанда нефроуыттылық қаупі бар. Диуретиктер және гипотензиялық препараттар ҚҚСП диуретиктер мен гипотензиялық препараттардың әсерін төмендетуі мүмкін. Әдетте қайтымды болып келетін жедел бүйрек жеткіліксіздігінің қаупі бүйрек функциясы бұзылған кейбір пациенттерде (мысалы, сусызданған пациенттер немесе егде жастағы пациенттер) ангиотензин өзгертуші фермент тежегіштері (АӨФ) және/немесе ангиотензин II рецепторларының антагонистері ҚҚСП-мен біріктірілген кезде жоғарылауы мүмкін. Сондықтан біріктірілген емді, әсіресе егде жастағы адамдарда, сақтықпен жүргізу керек. Пациенттерге дозаны титрлеу әдісімен дұрыс таңдау керек және қатарлас ем басталғаннан кейін және одан кейін мезгіл-мезгіл бүйрек функциясының мониторингі мүмкіндігін қарастыру керек. Жүрек гликозидтері ҚҚСП жүрек гликозидтерімен бірге қолданған кезде жүрек жеткіліксіздігін күшейтуі, бүйректің шумақтық сүзіліс (ШСЖ) жылдамдығын төмендетуі және плазмадағы жүрек гликозидтерінің деңгейін арттыруы мүмкін. Апиынды анальгетиктер Кеторолак операциядан кейінгі ауырсынуды жеңілдету үшін қатарлас апиындармен анальгезияға деген қажеттілікті азайтады. Бактерияға қарсы препараттар (хинолондар) ҚҚСП хинолонды бактерияға қарсы препараттарды қабылдаумен байланысты құрысулардың даму қаупін арттыруы мүмкін екенін көрсетеді. ҚҚСП және хинолондарды қабылдайтын пациенттерде құрысулардың даму қаупі жоғары болуы мүмкін. Зидовудин ҚҚСП зидовудинмен бір мезгілде қолдану гематологиялық уыттылық қаупінің жоғарылауына әкеледі. Зидовудинмен және ибупрофенмен бір мезгілде емдегенде гемофилиядан зардап шегетін, АИТВ инфекциясын жұқтырған пациенттерде гемартроз бен гематомалардың жоғары қаупі бар. Бауыр ферменттеріне әсері Жүргізілген зерттеулерде кеторолак трометамолының өзінің немесе басқа дәрілердің метаболизміне ықпалы бар бауыр ферменттерін индукциялайтыны немесе тежейтіні туралы ешқандай дәлел жоқ. Демек, кеторолактан ферменттерді индукциялау немесе тежеу механизмдеріне байланысты басқа дәрілердің фармакокинетикасының өзгерісін күтуге болмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 0С-ден аспайтын температурада сақтау керек. Балалардың қолы жетпейтін жерде сақтау керек!