Кеторолак таблетки 10 мг

Бір таблетканың құрамында белсенді зат – кеторолак трометамині 10 мг; қосымша заттар: микрокристалды целлюлоза, жүгері крахмалы, сусыз коллоидты кремнийдің қостотығы 300 (Аэросил), магний стеараты, лактоза моногидраты; қабықтың құрамы Опадрай II ақ (85F18422): ішінара гидролизденген поливинил спирті, титанның қостотығы (Е171), полиэтиленгликоль, тальк. Сыртқы түрінің, иісінің, дәмінің сипаттамасы Дөңгелек, екі жақ беті дөңес, ақ түсті үлбірлі қабықпен қапталған таблеткалар.

Қажет болған жағдайда, стационар жағдайында алдыңғы парентеральді (бұлшықет ішіне немесе вена ішіне) емнің жалғасы ретінде ғана қарқындылығы орташа жедел ауыруды (операциядан кейінгі ауыруды қоса) қысқа мерзімді емдеуде.

Қабынуға қарсы стероидты емес препараттар (ҚҚСП). Ол айқын анальгезиялық әсерге ие, сонымен қатар қабынуға қарсы және орташа ыстықты түсіретін әсерге ие. Әсер ету механизмі циклооксигеназа ферментінің белсенділігін селективті бәсеңдетумен байланысты (ЦОГ-1 және ЦОГ-2), негізінен шеткері тіндерде, соның салдарынан простагландиндер биосинтезінің тежелуі болып табылады. Апиынды рецепторларға әсер етпейді, тынысты тарылтпайды, дәріге тәуелділікті туындатпайды, тыныштандыратын және анксиолитикалық әсерге ие емес. Анальгетикалық әсердің күші бойынша морфинмен салыстырымды, басқа ҚҚСП-дан едәуір асып түседі. Ішке қабылдағаннан кейін анальгезиялық әсердің басталуы 1 сағаттан кейін байқалады, ең жоғарғы әсерге 1-2 сағаттан кейін қол жеткізіледі.

Дозалау режимі 17 жасқа дейінгі балаларға - қолдану қарсы көрсетілімді. Дене салмағы кемінде 50 кг және бүйрек функциясы сақталған 17 жастан 64 жасқа дейінгі пациенттер: бастапқы доза 20 мг, содан кейін 4-тен 6 сағатқа дейінгі аралықпен тәулігіне 4 рет ең жоғарысы 10 мг. Ең жоғары тәуліктік доза 4 таблетканы (40 мг) құрайды. Егде жастағы пациенттер Дене салмағы 50 кг-нан аз пациенттер, егде жастағы адамдар немесе бүйрек жеткіліксіздігі бар пациенттер: 4-тен 6 сағатқа дейінгі аралықпен тәулігіне 4 рет ең көбі 10 мг. Бұлшықет ішіне енгізуден пероральді емге өту Емді кеторолактың парентеральді түрлерінен бастаған жөн және пациенттерді мүмкіндігінше тезірек пероральді емге ауыстырған жөн. Бастапқы ем ретінде кеторолак трометаминінің пероральді түрлерін қолдануға болмайды. Кеторолак трометаминін парентеральді қабылдайтын жәнеКеторолак трометаминінің таблетка түріне ауыстырылған пациенттер үшін жалпы біріктірілген тәуліктік доза 90 мг (егде жастағы пациенттер, бүйрек функциясы бұзылған пациенттер және дене салмағы 50 кг-нан кем пациенттер үшін 60 мг) аспауы тиіс, ал препараттың пероральді түрін дозалау кеторолактың оральді түріне ауысқан кезде тәулігіне 40 мг-ден аспауы тиіс. Пациенттерді пероральді емге мүмкіндігінше ертерек ауыстыру керек. Енгізу әдісі мен жолы Ішке қабылдауға арналған. Емдеу ұзақтығы Кеторолактың барлық түрлерін қолдану жалпы ұзақтығы 5 күннен аспауы тиіс. Ересектерде ең жоғары тәуліктік дозадан асырмаңыз, өйткені бұл жақсырақ тиімділікті қамтамасыз етпейді және елеулі жағымсыз құбылыстардың қаупін арттыруы мүмкін. Дозалау режимі ауырсыну синдромына байланысты әр адамға жекелей белгіленеді. Жағымсыз әсерлерді барынша азайту мақсатында дәрілік препаратты симптомдарды бақылау үшін қажетті қысқа уақыт кезеңі ішінде ең аз тиімді дозада қолдану керек.

- белсенді немесе қосымша заттардың кез келгеніне аса жоғары сезімталдық - жедел пептидтік ойық жара, жақында болған асқазан-ішектен қан кету немесе тесілуі, анамнездегі ойық жара ауруы немесе асқазан-ішектен қан кету - ацетилсалицил қышқылын немесе қабынуға қарсы стероидты емес басқа дәрілерді қолданудан туындаған бронх демікпесі, ринит, ангионевроздық ісіну немесе есекжем (ауыр анафилаксиялық реакциялардың пайда болу мүмкіндігіне байланысты) - анамнездегі бронх демікпесі - бүйректің айқын жеткіліксіздігі немесе бүйрек жеткіліксіздігінің бар қаупі - жүректің ауыр жеткіліксіздігі - толық немесе ішінара мұрын полиптері синдромы, Квинке ісінуі немесе бронх түйілуі - гепариннің төмен дозаларын қоса алғанда, антикоагулянттар алатын пациенттерде (әрбір 12 сағат сайын 2500-5000 бірлік) қан құйылу немесе қан кетуді толық тоқтатудың қаупі жоғары, бұрын жүргізілген операциялық араласым - күдікті немесе расталған цереброваскулярлық қан кету, геморрагиялық диатез, оның ішінде қан ұюының бұзылуы және қан кету қаупі жоғары - қабынуға қарсы стероидты емес басқа дәрілер (ҚҚСД) (циклооксигеназаның селективті тежегіштерін қоса), ацетилсалицил қышқылымен, пробенецидпен немесе литий тұздарымен бір мезгілде емдеу - кеторолак пен пентоксифиллинді бір мезгілде қолдану - кеторолак пен антикоагулянттарды, соның ішінде варфаринді немесе гепариннің төмен дозаларын бір мезгілде қолдану (әр 12 сағат сайын 2500-5000 бірлік) - жүктілік, толғақ, босану және бала емізу кезеңі - гиповолемия, дегидратация - 17 жасқа дейінгі балалар мен жасөспірімдер Операциялық араласымның алдында және кезінде анальгетикалық дәрі ретінде қолданылмайды. Аортакоронарлық шунттау операциясы кезінде операциядан кейінгі ауыруды емдеу үшін қолданылмайды. Кеторолакты қабылдағанға дейін жақында асқазаныңызға немесе асқазан-ішек жолыңызға операция жасатқан болсаңыз немесе жасағыңыз келсе, дәрігеріңізге айтыңыз, өйткені кеторолак кейде операциядан кейін ішектегі жаралардың жазылуын нашарлатуы мүмкін.

Өте жиі • іштің ауыруы • жүрек айнуы • диспепсия • бас ауыруы Жиі • іш қату • диарея • метеоризм • асқазан-ішек жолының (асқазан/ он екі елі ішек) ойық жара ауруы • асқазан-ішектен қан кету /тесілуі • қыжыл • стоматит • құсу • бүйрек функциясының бұзылуы • анемия • бас айналу • ұйқышылдық • ісіну • бауыр ферменттері деңгейінің жоғарылауы • гипертензия • қан кету уақытының ұзаруы • қышыну • пурпура • тері бөртпелері • құлақтағы шу • терлеу Жиі емес • қызба • инфекциялар • сепсис • жүрек жеткіліксіздігі • жүрек қағуы • бозару • тахикардия • әлсіздік • алопеция • жарыққа сезімталдық • есекжем • анорексия • ауыздың құрғауы • кекіру • эзофагит • қатты шөлдеу • гастрит • глоссит • қан аралас құсу • гепатит • тәбеттің жоғарылауы • сарғаю • мелена • ректальді қан кету • экхимоздар • эозинофилия • мұрыннан қан кету • лейкопения • тромбоцитопения • салмақтың өзгеруі • аномальді түс көру • сананың шатасуы • мазасыздық • астения • шатасу • депрессия • эйфория • экстрапирамидалық симптомдар • елестеулер • гиперкинезия • зейін қою мүмкінсіздігі • ұйқысыздық • күйгелектік • парестезиялар • ұйқышылдық • мелшию • тремор • бас айналу • қатты шаршау • бедеулік • демікпе • жөтел • ентігу • өкпе ісінуі • ринит • дәм сезудің бұзылуы • көрудің бұзылуы • көрудің бұлыңғырлануы • естімей қалу • цистит • дизурия • гематурия • несеп шығару жиілігінің жоғарылауы • интерстициальді нефрит • олигурия/полиурия • протеинурия • бүйрек жеткіліксіздігі • несептің іркілуі Басқа сирек байқалатын жағымсыз реакциялар • Квинке ісінуі • өлім • анафилаксия сияқты аса жоғары сезімталдық реакциялары • анафилактоидты реакциялар • көмейдің ісінуі • тілдің ісінуі • миалгия • аритмия • брадикардия • кеуденің ауыруы • қызару • гипотензия • миокард инфарктісі • васкулит • эксфолиативтік дерматит • мультиформалы эритема • Лайелл синдромы • Стивенс-Джонсон синдромын және уытты эпидермалық некролизді, эозинофилиямен және жүйелік симптомдармен дәрілік реакцияны (DRESS-синдром) қоса алғанда, буллездік реакциялар • жедел панкреатит • бауыр жеткіліксіздігі • спецификалық емес ойық жаралы стоматит • ішектің қабыну ауруының өршуі (ойық жаралы колит, Крон ауруы) • агранулоцитоз • аплазиялық анемия • гемолиздік анемия • лимфаденопатия • панцитопения • операциядан кейінгі қан кету (сирек қан құю қажет болады) • гипергликемия • гиперкалиемия • гипонатриемия • асептикалық менингит • құрысулар • кома • психоз • бронх түйілуі • тыныстың тарылуы • пневмония • конъюнктивит • гематуриямен және/немесе азотемиямен немесе оларсыз бүйірдің ауыруы • гемолиздік уремиялық синдром Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас ауыруы, жүрек айнуы, құсу, эпигастрий ауруы, асқазан-ішектен қан кету; сирек - диарея, бағдардан адасу, қозу, кома, ұйқышылдық, бас айналу, құлақтағы шуыл, естен айырылу, кейде құрысулар. Ауыр улану жағдайында жедел бүйрек жеткіліксіздігі және бауыр зақымдануы мүмкін. ҚҚСП емдік қолданудан кейін, артық дозаланғаннан пайда болуы мүмкін анафилактоидты реакциялар байқалды. Емі: асқазанды шаю, белсендірілген көмірді қолдану. Жеткілікті диурезді қамтамасыз ету қажет. Бүйрек пен бауыр функциясын мұқият бақылау керек. Пациенттердің жай-күйін ықтимал уытты мөлшерді қабылдағаннан кейін кемінде 4 сағат бойы бақылау керек. Жиі немесе ұзаққа созылған құрысуларды диазепамды вена ішіне енгізу арқылы емдеу керек. Басқа іс-шаралар пациенттің клиникалық жағдайына байланысты тағайындалуы мүмкін. Емі симптоматикалық. Гемодиализ немесе гемоперфузия ақуыздармен жоғары байланысуына байланысты жарамсыз болуы мүмкін.

Арнайы ескертулер Сақтықпен: препаратты бронх демікпесі, холецистит, созылмалы жүрек жеткіліксіздігі, артериялық гипертензия, бүйрек функциясының бұзылуы (плазма креатинині 50 мг/л-ден төмен), холестаз, белсенді гепатит, сепсис, жүйелі қызыл жегі, мұрын және мұрынжұтқыншақ шырышты қабығының полиптері, 65 жастан асқан пациенттерге тағайындау керек. ҚҚСП тромбоциттер агрегациясын төмендететіндіктен, кеторолакты қан ұю жүйесінің бұзылуы бар пациенттерге сақтықпен тағайындау қажет. Препараттың тромбоциттер агрегациясына әсері 24-48 сағат бойы сақталатынын ескеру керек. Бақылау симптомдарына сәйкес қысқа уақыт кезеңінде ең төменгі тиімді дозаны қолданғанда жағымсыз әсерлер төмендетілуі мүмкін. Жүрек-қантамыр жүйесі мен ми тамырларына әсері Кеторолакты қоса алғанда, ҚҚСП гипертензияның пайда болуына немесе жүрек-қантамыр оқиғаларының жиілігінің артуына ықпал етуі мүмкін. Тиазидті немесе ілмектік диуретиктерді қабылдайтын пациенттер ҚҚСП-ны бір мезгілде емдеген кезде осы препараттар әсерінің төмендеуін байқауы мүмкін. Кеторолакты қоса алғанда, ҚҚСП-ны артериялық гипертензиясы бар пациенттерде сақтықпен қолдану керек. Артериялық қысымды ҚҚСП қабылдаудың басында және емнің барлық кезеңінде мұқият бақылау керек. Анамнезінде гипертензиясы және/немесе жеңіл немесе орташа когнестивті жүрек жеткіліксіздігі бар пациенттерге тиісті мониторинг жүргізу және кеңес беру қажет, себебі қабынуға қарсы стероидты емес препараттар қабылдау салдарынан сұйықтықтың іркілісі және ісіну туралы хабарланған. Коксибтерді немесе кейбір қабынуға қарсы стероидты емес препараттарды қолдану (әсіресе жоғары дозаларда) артериялық тромбоздың асқыну (мысалы, миокард инфарктісі немесе инсульт) қаупінің аздап жоғарылауына әкелуі мүмкін. Кеторолакты қолданған кезде миокард инфарктісі сияқты тромбоздық асқынулардың даму қаупі бар. Бақыланбайтын артериялық гипертензиясы, созылмалы жүрек жеткіліксіздігі, анықталған ишемиялық жүрек ауруы, шеткері артериялық ауруы және/немесе цереброваскулярлық бұзылыстары бар пациенттер кеторолакты тек мұқият тексеруден өткеннен кейін ғана қабылдаулары тиіс. Осыған ұқсас шешім кардиоваскулярлық аурулардың (мысалы, гипертензия, гиперлипидемия, қант диабеті және шылым шегу) туындау қауіп факторы бар пациенттерді емдегенге дейін қабылдануы тиіс. Асқазан-ішектің ойық жаралары, қан кету және/немесе тесілуі Асқазан-ішектен қан кетулер, өлімге әкелуі мүмкін ойық жаралардың немесе тесілулердің пайда болуы туралы ҚҚСП-ны емдеу кезінде кез келген уақытта хабаршы симптомдары бар немесе жоқ немесе анамнезінде ас қорыту жолы тарапынан ауыр бұзылулар болған жағдайда хабарланды. Асқазан-ішектен ауыр қан кету қаупі дәрілік препараттың дозалануына байланысты. Бұл, атап айтқанда, кеторолакты орташа тәуліктік дозада 60 мг-ден жоғары қолданатын егде жастағы пациенттерге қатысты. Бұл пациенттер үшін, сондай-ақ ацетилсалицил қышқылының төмен дозаларын немесе ас қорыту жолдары үшін қауіпті арттыруы мүмкін, басқа дәрілік препараттарды бір мезгілде қолданатын пациенттер үшін қорғаныс құралдарымен (мысалы, мизопростолмен немесе протонды помпаның тежегіштерімен) біріктірілген емдеу мүмкіндігін қарастыру керек. Дәрілік препаратты қатар дәрі-дәрмекпен емделіп жүрген пациенттерде сақтықпен қолданады, ол пероральді кортикостероидтар, серотонинді кері қармаудың селективті тежегіштері немесе ацетилсалицил қышқылы сияқты тромбозға қарсы дәрілер сияқты ойық жаралардың немесе қан кетулердің пайда болу қаупін арттыруы мүмкін. Кеторолак алатын пациенттерде асқазан-ішектен қан кету немесе ойық жара пайда болған жағдайда емдеу курсын тоқтату керек. ҚҚСП анамнезінде ішектің қабыну аурулары (ойық жаралы колит, Крон ауруы) бар пациенттерге сақтықпен тағайындау керек, өйткені бұл жағдайлар нашарлауы мүмкін. Анамнезінде асқазан-ішек уыттылығы бар пациенттер, әсіресе егде жастағы адамдар, ең алдымен емдеудің бастапқы кезеңдерінде абдоминальді кез келген ерекше симптомдары (әсіресе ішектен қан кету) туралы хабарлауы тиіс. Кеторолак қабылдайтын пациенттерде асқазан-ішектен қан кету немесе ойық жара пайда болған кезде емдеуді тоқтату керек. Гематологиялық әсерлер Қан ұюы бұзылған пациенттерге дәрілік препаратты тағайындауға болмайды. Антикоагулянттық ем алатын пациенттерде, егер бір мезгілде кеторолак қолданылса, қан кету қаупі жоғары болуы мүмкін. Қан кетуді тоқтату жылдамдығына әсер етуі мүмкін басқа дәрілік препараттарды алатын пациенттердің жай-күйін оларға кеторолак тағайындағанда мұқият бақылау керек. Бақыланатын клиникалық зерттеулерде операциядан кейінгі елеулі қан кету жағдайларының жиілігі 1% - дан кем болды. Кеторолак тромбоциттер агрегациясын тежейді және қан кету уақытын арттырады. Қан кетудің уақыты қалыпты пациенттерде қан кетудің ұзақтығы артты, бірақ 2-11 минут мәндерінің қалыпты ауқымнан шықпады. Ацетилсалицил қышқылын қолдану нәтижесінде ұзақ әсер етуден айырмашылығы, тромбоциттер функциясы кеторолакты тоқтатқаннан кейін 24-48 сағат ішінде қалпына оралады. Кеторолакты қан кету қаупі жоғары немесе оны толық тоқтатпай операция жасаған пациенттерге тағайындауға болмайды. Егер қан кетуді міндетті түрде тоқтату өте маңызды болса, абай болу керек. Кеторолак анестезияға арналған препарат болып табылмайды және тыныштандыратын немесе анксиолитикалық қасиеттері жоқ, анестезияны сақтау үшін операция алдындағы премедикация үшін препарат ретінде ұсынылмайды. Тері реакциялары ҚҚСП қабылдаған кезде терінің ауыр реакциялары туралы өте сирек хабарланады, олардың кейбіреулері өліммен аяқталған, соның ішінде эксфолиативтік дерматит, Стивенс-Джонсон синдромы, уытты эпидермальді некролиз, эозинофилиямен және жүйелік симптомдармен дәрілік реакция (DRESS-синдром). Пациенттер емнің басында осындай реакциялардың пайда болу қаупі жоғары: реакциялардың басталуы көп жағдайда емнің бірінші айы ішінде басталды. Кеторолак препаратымен емдеуді бөртпе, шырышты қабықтардың зақымдану ошақтары немесе аса жоғары сезімталдықтың кез келген белгілері алғаш пайда болған кезде тоқтату керек. Жүйелі қызыл жегі және дәнекер тіннің аралас аурулары. Жүйелі қызыл жегі және дәнекер тіннің әртүрлі аралас ауруларына шалдыққан пациенттерде асептикалық менингиттің даму қаупі артады. Сұйықтықтың іркілуі және ісіну Кеторолакты қолдану кезінде сұйықтықтың іркілуі және ісіну туралы хабарланды, сондықтан оны жүрек декомпенсациясы, артериялық гипертензиясы немесе ұқсас жағдайлары бар пациенттерге сақтықпен тағайындау керек. Кардиоваскулярлық бұзылулар, бүйрек және бауыр функциясының бұзылуы Қан көлемі және/немесе бүйректегі қан ағымының әлсіреуіне себеп болуы мүмкін патологиясы бар пациенттерді қарап тексеру керек, мұнда бүйректегі простагландиндер бүйрек перфузиясын қамтамасыз еткенде демеуші рөл атқарады. Мұндай пациенттерде қабынуға қарсы стероидты емес препараттарды қолдану препарат дозасына байланысты бүйректегі простагландин құрылымының әлсіреуіне себеп болуы және анық бүйрек жеткіліксіздігіне түрткі болуы мүмкін. Қан жоғалту немесе қатты сусыздану салдарынан салмақ жоғалтқан пациенттер, бүйрек функциясы бұзылған, жүрек жеткіліксіздігі бар, бауыр функциясы бұзылған пациенттер, егде жастағы адамдар және диуретиктер қабылдайтын пациенттерде мұндай реакцияның зор қаупі болады. Мұндай пациенттердің бүйрек функциясын бақылап отыру керек. Әдетте қабынуға қарсы стероидты емес препараттармен емді тоқтатқаннан кейін артынша сауығу емдеуді бастар алдындағы жай-күйге дейін жүреді. Гиповолемияны туындататын операция кезінде жоғалған сұйықтық/қанды қалпына келтірудің бұзылуы бүйрек дисфункциясына себеп болуы мүмкін, ол өз кезегінде Кеторолакты қолданған кезде күшеюі мүмкін. Осылайша, дегидратация түзетілуі және пациент қалпына келгенге дейін маман сарысу мочевинасын және креатининді, диурезді қатаң бақылау ұсынылады. Бүйрек диализіндегі пациенттер үшін кеторолак клиренсі қалыпты көрсеткіштің шамамен жартысына дейін қысқартылған және жартылай шығарылу кезеңі шамамен 3 есе жоғарылады. Цирроз нәтижесінде бауыр функциясы бұзылған пациенттерде кеторолак клиренсінде немесе жартылай шығарылудың соңғы кезеңінде ешқандай клиникалық елеулі өзгерістер болған жоқ. Бауырдың функционалды сынақтарының бір немесе одан да көп санына сәйкес мәндердің шектік жоғарылауы байқалуы мүмкін. Бұл қалыптан ауытқулар уақытша болуы мүмкін, өзгеріссіз қалуы мүмкін немесе емдеуді жалғастырған кезде дамуы мүмкін. Егер клиникалық белгілер мен симптомдар бауыр ауруының дамуын көрсетсе немесе жүйелік көріністер байқалса, дәрілік препаратты тоқтату керек. Анафилаксиялық (анафилактоидты) реакциялар Анафилаксиялық (анафилактоидты) реакциялар (анафилаксияны, бронх түйілуін, гиперемияны, бөртпелерді, гипотензияны, ларингеальді ісінуді және Квинке ісінуін қоса, бірақ мұнымен шектелмей) аспиринге, анамнезінде вена ішіне енгізгенде басқа да ҚҚСП немесе кеторолакқа аса жоғары сезімталдығы бар пациенттерде және анамнезінде осындайы жоқ пациенттерде көрініс беруі мүмкін. Мұндай құбылыстар анамнезінде Квинке ісінуі, бронх түйілуі реактивтілігі (мысалы, демікпе) немесе мұрын полиптері бар пациенттерде де көрініс беруі мүмкін. Анафилаксия сияқты жалған анафилаксиялық реакциялар өлімге әкелуі мүмкін. Осылайша, кеторолак анамнезінде демікпесі бар пациенттерге, сондай-ақ мұрын полиптерінің айқын немесе ішінара синдромы, Квинке ісінуі және бронх түйілуі бар пациенттерге қолданылмауы тиіс. Анафилактоидты реакциялар туындаған кезде шұғыл медициналық көмекке жүгіну қажет. Көру қабілетіне әсері ҚҚСП қолдану кезінде жағымсыз офтальмологиялық әсерлер байқалды; тиісінше, кеторолакты трометаминмен емдеу кезінде көру бұзылыстары дамитын пациенттер офтальмологиялық тексеруден өтуі тиіс. Тәуелділік Кеторолак есірткі заттарының агонисі немесе антагонисі болып табылмайды және орталық апиын тәрізді белсенділікке ие емес. Қосымша заттар Дәрілік препараттың құрамында лактоза моногидраты бар. Сирек тұқым қуалайтын галактозаны көтере алмаушылығы, лопар лактаза тапшылығы немесе глюкоза-галактоза мальабсорбциясы бар пациенттер бұл препаратты қабылдамағаны жөн. Педиатрияда қолдану Балалар мен 17 жасқа дейінгі жасөспірімдерге қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кейбір пациенттер кеторолакты қолданған жағдайда ұйқышылдықты, бас айналуды, вертигоны, ұйқысыздықты, қатты шаршауды, көрудің бұзылуын немесе депрессияны сезінуі мүмкін. Егер пациенттер жоғарыда аталған немесе басқа да ұқсас жағымсыз әсерлерді сезінсе, олар автокөлікті басқаруға немесе механизмдермен жұмыс істеуге болмайды.

Жүктілік ҚҚСП-ның шарананың жүрек-қантамыр жүйесіне белгілі әсерін ескере отырып (артериялық түтікшенің мерзімінен бұрын бітелу қаупі), кеторолак жүктілік, толғақ және босану кезінде қарсы көрсетілімді. Босанудың басталуы кешіктірілуі мүмкін, ал ұзақтығы анада да, балада да қан кету үрдісінің жоғарылауымен ұзартылуы мүмкін. ҚҚСП-ны жүктіліктің 20 аптасында және одан кейінгі кезеңдерінде ыстықты түсіретін және ауыруды басатын препарат ретінде қолдану шаранада бүйрек функциясының бұзылуын туындатуы мүмкін, бұл амниондық сұйықтық мөлшерінің төмендеуіне әкеледі. Амниондық сұйықтық шарананы қорғайды және өкпенің, ас қорыту жүйесінің және бұлшықеттің қалыпты дамуына ықпал етеді. Қағанақ суының аздығы кезінде асқынулар дамуы мүмкін. Егер Сіз жүкті болсаңыз, дәрігермен кеңеспей, жүктіліктің 20 аптасында және одан кейінгі кезеңдерінде ҚҚСП қолданбаңыз, өйткені бұл препараттарды қабылдау Сіздің туылмаған балаңыздың даму кінәраттарына әкелуі мүмкін. Лактация Кеторолак емшек сүтіне аз мөлшерде шығарылады, сондықтан бала емізу кезінде дәрілік препарат қарсы көрсетілімді болып табылады. Фертильділік Кеторолак фертильділікті нашарлатуы мүмкін және жүктілікті жоспарлаған әйелдерге ұсынылмайды.

Кеторолак қан плазмасының ақуыздарымен оңай байланысады (орташа мәні 99.2%), ал байланыстыру дәрежесі концентрацияға байланысты. Кеторолакпен біріктірілімде қолдану ұсынылмайтын дәрілік препараттар Кеторолакты ацетилсалицил қышқылымен немесе басқа ҚҚСП-мен, оның ішінде циклооксигеназа-2 селективті тежегіштерімен қолдануға болмайды, өйткені ҚҚСП қабылдаумен байланысты елеулі жағымсыз құбылыстардың туындау қаупі едәуір артуы мүмкін. Кеторолак тромбоциттер агрегациясын тежейді, тромбоксан концентрациясын төмендетеді және қан кету уақытын арттырады. Аспириннің ұзақ әсер етуінен айырмашылығы, кеторолакты тоқтатқаннан кейін тромбоциттер қызметі 24-48 сағат ішінде қалпына келеді. Кеторолак варфарин сияқты антикоагулянттармен біріктіріп қолдануға қарсы келеді, өйткені ҚҚСП мен антикоагулянттарды бір мезгілде қабылдау антикоагулянттық әсерді күшейтуі мүмкін. Зерттеулер кеторолак пен варфарин немесе гепарин арасындағы елеулі өзара әрекеттесуді көрсетпесе де, кеторолак пен гемостазға әсер ететін препараттарды бір мезгілде қолдану, соның ішінде антикоагулянттардың емдік дозалары (варфарин), гепариннің профилактикалық төмен дозалары (әр 12 сағат сайын 2500-5000 бірлік) және декстран қан кету қаупінің жоғарылауымен байланысты болуы мүмкін. Простагландиндер синтезін басатын кейбір препараттарды қолданғанда плазмадағы литий концентрациясының жоғарылауына әкелетін литийдің бүйрек клиренсінің тежелуі туралы хабарланады. Кеторолакпен емдеу кезінде плазмадағы литий концентрациясының жоғарылау жағдайлары туралы хабарланады. Пробенецидті кеторолакпен бір мезгілде қолдануға болмайды, өйткені ол кеторолактың плазмадағы концентрациясын арттырады және жартылай шығарылу кезеңін ұзартады. ҚҚСП-ны мифепристонды қабылдағаннан кейін 8-12 күн ішінде қолдануға болмайды, өйткені ҚҚСП оның әсерін әлсіретуі мүмкін. Кеторолакты окспентифиллинмен бір мезгілде қолданғанда қан кетуге жоғары бейімділік байқалады. Кеторолакпен біріктірілген дәрілік заттарды сақтықпен тағайындау керек. Барлық басқа ҚҚСП жағдайындағыдай, кортикостероидтарды бір мезгілде қолданған кезде асқазан-ішек жолында ойық жара немесе қан кету қаупінің жоғары болуына байланысты сақтық таныту керек. Антитромбоцитарлық дәрілер мен серотонинді кері қармаудың селективті тежегіштері ҚҚСП-мен біріктіріп пайдалану кезінде асқазан-ішектен қан кетудің жоғары қаупі бар. Простагландин синтезін басатын кейбір препараттар метотрексат клиренсін азайтады, сондықтан оның уыттылығын арттыруы мүмкін. Кеторолак дигоксиннің плазма ақуыздарымен байланыстырылуын өзгертпейді. In vitro зерттеулері салицилаттың емдік концентрациясында (300 мкг/мл) кеторолакты байланыстыру шамамен 99,2% - дан 97,5% - ға дейін төмендейтінін көрсетті, бұл плазмадағы байланыссыз кеторолак концентрациясының екі есе артуын білдіреді. Дигоксиннің, варфариннің, ибупрофеннің, напроксеннің, пироксикамның, ацетаминофеннің, фенитоиннің және толбутамидтің емдік концентрациялары кеторолактың ақуыздармен байланысуын өзгертпейді. Нормоволемиялық дені сау пациенттерде инъекцияға арналған кеторолак ерітіндісі фуросемидке диурездік реакцияны шамамен 20% төмендетеді, сондықтан жүрек декомпенсациясы бар пациенттерге ерекше назар аудару керек. Диуретиктермен бір мезгілде қолдану диурездік әсердің төмендеуіне және ҚҚСП нефроуыттылық қаупінің артуына әкелуі мүмкін. Барлық басқа ҚҚСП жағдайындағыдай, циклоспоринді бір мезгілде қолданған кезде де нефроуыттылық қаупінің жоғарылауына байланысты сақ болу керек. ҚҚСП-ны такролимуспен бір мезгілде қолданғанда нефроуыттылықтың әлеуетті қаупі бар. ҚҚСП диуретиктер мен бета-блокаторлар сияқты гипотензивті препараттардың әсерін төмендетуі мүмкін. Әдетте қайтымды болып табылатын жедел бүйрек жеткіліксіздігінің пайда болу қаупі бүйрек функциясы бұзылған кейбір пациенттерде (мысалы, сусызданған пациенттер немесе егде жастағы пациенттер), АӨФ тежегіштері және/немесе ангиотензин II рецепторларының антагонистері ҚҚСП-мен бірге қолданылған кезде күшеюі мүмкін. Осы себепті мұндай біріктірілімді сақтықпен қолдану керек, әсіресе егде жастағы пациенттерде. Осындай біріктірілген емнің басында дозаны талапқа сай титрлеуді жүргізу керек және қатар жүретін ем басталғаннан кейін бүйрек функциясының мониторингіне назар аудару керек, содан кейін бүйрек функциясын мезгіл-мезгіл зерттеп отыру керек. ҚҚСП жүрек жеткіліксіздігін күшейтіп, шумақтық сүзілу жылдамдығы (ШСЖ) төмендетуі және бір мезгілде қолданған кезде плазмадағы кардиотонустық гликозидтердің деңгейін арттыруы мүмкін. Кеторолак операциядан кейінгі жедел ауырсынуды емдеуде апиынды анальгезияға деген қажеттілікті азайтады. Майлы тамақты жегеннен кейін кеторолак таблеткаларын пероральді қабылдау ең жоғары концентрацияның төмендеуіне және кеторолак концентрациясына шамамен 1 сағатқа жеткенге дейін уақыттың ұлғаюына әкеледі. Антацидтер резорбция дәрежесіне әсер етпейді. ҚҚСП кейбір деректер бойынша хинолонды антибиотиктерді қабылдаумен байланысты құрысулар туындау қаупін арттыруы мүмкін екенін көрсетеді. ҚҚСП және хинолондарды қабылдайтын пациенттерде құрысулардың даму қаупі жоғары болуы мүмкін. Зидовудинмен енгізілетін ҚҚСП гематологиялық уыттылық қаупін арттырады. Ибупрофенмен бір мезгілде зидовудин алатын гемофилиямен ауыратын пациенттердегі гемартроз мен гематоманың даму қаупінің артуының дәлелі бар. Қолда бар деректер кеторолактың осы препаратты немесе басқа препараттарды метаболиздейтін бауыр ферменттерін индукциялайтынын немесе тежейтінін растамайды. Осылайша, кеторолак индукция немесе ферментативті механизмдердің тежелуі салдарынан басқа препараттардың фармакокинетикасын өзгертеді деп күтілмейді.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан және жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!