Кеторолак-ТК таблетки 10 мг

Бір таблетканың құрамында белсенді зат – 10 мг кеторолак трометамині, қосымша заттар: картоп крахмалы, лактоза моногидраты, микрокристалды целлюлоза, сусыз коллоидты кремнийдің қостотығы, кальций стеараты. Сыртқы түрінің, иісінің, дәмінің сипаттамасы Жалпақ цилиндр пішінді, ойығы және сызығы бар, крем реңкті ақ немесе ақ дерлік түсті таблеткалар.

- жедел ауыруды қысқа мерзімді емдеу (мысалы, операциядан кейін, байламдардың созылуы, шығуы және деформациясы сияқты жазатайым оқиғалардан туындаған жарақаттар кезінде) - арқа мен бұлшықеттердің кенеттен ауыруы.

Препараттың белсенді заты кеторолак айқын анальгетикалық әсер етеді, сонымен қатар қабынуға қарсы және қызуды орташа түсіретін әсерге иеленген. Әсер ету механизмі ЦОГ-1 және ЦОГ-2 ферментінің белсенділігін селективті емес бәсеңдетумен байланысты, негізінен шеткері тіндерде, соның салдарынан простагландиндер биосинтезін тежеу - ауыру сезімталдығының, термореттеу мен қабынудың модуляторлары болып табылады. Кеторолак [-]S - және [+]R-энантиомерлердің рацемиялық қоспасы болып табылады, бұл ретте ауыруды басатын әсері [-]S түріне байланысты. Препарат апиынды рецепторларға әсер етпейді, тыныс алуды бәсеңдетпейді, дәріге тәуелділікті туындатпайды, седативті және анксиолитикалық әсерге иеленбеген. Ауыруды басатын әсердің күші бойынша морфинмен салыстырылады, басқа ҚҚСД елеулі асып түседі. Ішке қабылдағаннан ауыруды басатын әсердің басталуы сәйкесінше 1 сағаттан кейін байқалады, ең жоғары әсерге 2-3 сағаттан кейін жетеді.

Дозалау режимі Таблеткаларды қысқа мерзімге (5 күнге дейін) қолдану үшін ғана ұсынылады және тұрақты қолдану үшін ұсынылмайды. Препаратты пайдалану туралы мәселеде шешім қабылдаған кезде препаратты қолданумен байланысты потенциалды пайда мен қауіптердің арақатынасын, сондай-ақ басқа емдік тактиканы қолдану мүмкіндігін мұқият бағалау керек. Жағымсыз әсерлерді симптомдарды бақылау үшін қажетті ең қысқа уақыт кезеңі ішінде ең төмен емдік дозаны пайдалана отырып, барынша азайтуға болады. Емді кеторолактың парентеральді түрлерінен бастаған жөн және пациенттерді мүмкіндігінше тезірек пероральді емге ауыстырған жөн. Бастапқы ем ретінде кеторолак трометаминінің пероральді түрлерін пайдаланбаған жөн. Біріктірілген емнің (парентеральді және пероральді) жалпы ұзақтығы 5 күннен аспауы тиіс. Ересектер 18-ден 64 жасқа дейін: 10 мг ішке бір рет, содан кейін әр 6-8 сағат сайын 10 мг-ден, қажет болған жағдайда күніне 40 мг аспайды. Ескертпе: Пероральді препаратты бастапқы доза ретінде бермеген жөн. Әрбір нақты пациент үшін ең төмен тиімді дозаны қолданыңыз. Препаратты қабылдау арасындағы 6-8 сағат аралықты қысқартпаңыз. Ересек пациенттерді емдеудің жалпы ұзақтығы 7 күннен аспауы тиіс. Пациенттердің ерекше топтары Балалар Таблеткаларды 18 жасқа дейінгі балалар мен жасөспірімдерде қолдануға болмайды. Егде жастағы пациенттер Егде жастағы пациенттер жағымсыз әсерлердің пайда болу нәтижесінде асқынулардың дамуының жоғары қаупіне ұшырайды. ҚҚСД ем қажет болған кезде мүмкіндігінше қысқа мерзім ішінде ең төмен ықтимал дозаларда тағайындау керек. Пациенттер ҚҚСД қабылдау аясында асқазан-ішектен қан кетудің даму мүмкіндігіне байланысты тұрақты бақылауда болуы тиіс. 10 мг ішке бір рет, содан кейін әр 4-6 сағат сайын 10 мг-ден, қажет болған жағдайда күніне 40 мг-ден көп емес. Препараттың ең төмен тиімді дозасын пайдалану керек, өйткені бұл шығарылуын баяулатады. Егде жастағы пациенттер үшін ең жоғары тәуліктік дозасы - 60 мг. Бүйрек жеткіліксіздігі бар пациенттер Бүйрек функциясы төмендеген жағдайда келесі емдік сызба ұсынылады: Креатинин клиренсі (мл / мин / кг) — Креатинин клиренсі (мг / дл) — Дозаны төмендету > 0,7 — <1,90 — жоқ 0,2-0,7 — 1,90–5,00 — 50% Сарысу креатининінің деңгейі 5,0 мг/дл жоғары пациенттерде препаратты қолдануға болмайды. Қолдану тәсілі Ішке қабылдауға арналған. Дәрілік препаратты тамақтану кезінде немесе одан кейін қабылдау ұсынылады. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

- кеторолак трометаминіне немесе препараттың қосымша заттардың кез келгеніне аса жоғары сезімталдық - асқазанның және/немесе он екі елі ішектің белсенді немесе бастан өткерген ойық жаралы ауруы, асқазан-ішектен қан кету немесе тесілу - бронх демікпесі, ринит, ангионевроздық ісіну, есекжем немесе аллергиялық реакциялардың басқа түрлері, ацетилсалицил қышқылына (АСҚ) және басқа да қабынуға қарсы стероидты емес дәрілер (ҚҚСД) сияқты анамнезінде аса жоғары сезімталдық реакцияларының болуы (ҚҚСД пайдалану кезінде ауыр, кейде өліммен аяқталатын, анафилаксиялық реакциялардың даму жағдайлары туралы хабарланған) - ішектің қабыну аурулары (мысалы, Крон ауруы, ойық жаралы колит); - ауыр дәрежелі бүйрек жеткіліксіздігі (креатинин клиренсі < 30 мл/мин); немесе айналымдағы қан көлемінің (АҚК) төмендеуі немесе сусыздану аясында бүйрек жеткіліксіздігінің пайда болу қаупімен байланысты жай-күйлер - бауыр функциясының ауыр бұзылулары (цирроз, асцит) - жүктіліктің үшінші триместрі және босану (простагландиндер синтезінің тежелуі шарананың қан айналымына теріс әсер етуі мүмкін, сонымен бірге жатырдың жиырылуы да төмендеуі мүмкін, нәтижесінде жатырдан қан кетудің даму қаупі артады) - операциядан кейінгі қан кету (мысалы, тонзиллэктомия) немесе толық емес гемостаз, қан түзудің бұзылулар немесе цереброваскулярлық қан кету қаупінің жоғарлауы; - жүректің ауыр жеткіліксіздігі (NYHA III - IV); - бала емізу; - цереброваскулярлық қан кету (расталған немесе ықтимал), геморрагиялық диатез, қан ұюының бұзылуы және қан кетудің (кеторолак трометамині тромбоциттер функциясын бұзады) пайда болу қаупі жоғары болатын жай-күйлер - варфаринді және гепариннің төмен дозаларын қоса, антикоагулянттармен емдеу - АСҚ немесе басқа да ҚҚСД емдеу (циклооксигеназа-2 селективті тежегіштерін қоса) (ауыр ҚҚСД-байланысты жағымсыз реакциялардың пайда болуының жинақталатын қаупі) - пробенецидпен, литий тұздарымен бір мезгілде қолдану - пентоксифиллинмен бір мезгілде қолдану - басқа қабынуға қарсы стероидты емес дәрілермен немесе ацетилсалицил қышқылымен бір мезгілде қолдану - мұрынның толық немесе ішінара полипі синдромы, ангионевроздық ісіну немесе бронх түйілуі - 18 жасқа дейінгі балалар мен жасөспірімдер - ауыру синдромының профилактикасы мақсатында ауыр хирургиялық араласулар алдында пайдаланбаған жөн - интраоперациялық, қан кету қаупінің жоғарылауына байланысты - коронарлық шунттау (немесе жасанды қанайналым аппаратын пайдалану) операциясынан кейінгі операциядан кейінгі ауыру.

Қан және лимфа жүйесі тарапынан бұзылулар Жиі: пурпура Сирек: тромбоцитопения, қан кету уақытының артуы Клиникалық зерттеулер мен эпидемиологиялық деректер ЦОГ-2 тежегіштерін және кейбір қабынуға қарсы стероидты емес препараттарды (әсіресе жоғары дозаларда) пайдалану артериялық тромбоздық оқиғалардың (мысалы, миокард инфарктісі немесе апоплексия) жоғары қаупіне әкелуі мүмкін екенін көрсетеді. Кеторолакты пайдалану миокард инфарктісі сияқты тромбоздық құбылыстар санының көбеюін көрсетпесе де, кеторолак үшін мұндай қауіпті жоққа шығару үшін деректер жеткіліксіз. Зат алмасу мен тамақтанудың бұзылуы Сирек: гиперкалииемия, гипонатрийемия Психиатриялық аурулар Жиі емес: мазасыздық, депрессия, эйфория, елестеулер, ұйқысыздық, күйгелектік Сирек: психоздық реакциялар Жүйке жүйесі тарапынан бұзылулар Өте жиі: бас ауыруы (17%) Жиі: есеңгіреу, ұйқышылдық, бас айналу Жиі емес: ұйқының бұзылуы, дұрыс емес ойлау, гиперкинез, зейін қоюдың қиындықтары, парестезия Сирек: асептикалық менингит Көру мүшесі тарапынан бұзылулар Жиі емес: көрудің бұзылуы Құлақ ауруы және лабиринт Жиі емес: құлақтағы шуыл, естімей қалу Жүрек жүйесі тарапынан бұзылулар Жиі: гипертония Жиі емес: жүрек қағуы Сирек: брадикардия, кеуденің ауыруы Қантамыр жүйесі тарапынан бұзылулар Жиі емес: мұрыннан қан кету Сирек: гематомалар, операциядан кейінгі жарадан қан кету, артериялық гипотензия Респираторлық, торакальді және көкірек ортасы бұзылыстары Жиі емес: демікпе, ентігу, өкпе ісінуі Асқазан-ішек жолы тарапынан бұзылулар Өте жиі: жүрек айнуы (12%), диспепсия (12%), іштің ауыруы және жайсыздық (13%) Жиі: іш қату, диарея, газдар, іштің кебуі, стоматит, құсу Жиі емес: асқазан-ішек жолының ойық жаралары, ауыздың құрғауы, кекіру, гастрит, ректальді қан кету Сирек: асқазан-ішектен қан кету, гематемезис, эзофагит, панкреатит, асқазан-ішек жолының тесілуі, қара нәжіс Гепато-биллиарлық жүйе тарапынан бұзылулар Сирек: бауыр функциясының қалыптан тыс өзгеруі, гепатит, холестаздық сарғаю, бауыр жеткіліксіздігі. Теріасты-май жүйесі тарапынан бұзылулар Жиі: қышыну, бөртпе Жиі емес: есекжем, бозару Сирек: эксфолиативті дерматит, Стивенс-Джонсон синдромын және уытты эпидермалық некролизді (Лайелл синдромы) қоса, буллездік реакциялар, макулопапулезді бөртпе, терінің қызаруы Тірек-қимыл аппараты, дәнекер тін және сүйек жүйелері тарапынан бұзылулар Жиі емес: бұлшықет ауыруы Сирек: құрысулар Несеп-жыныс жүйесі тарапынан бұзылулар Жиі емес: жиі несеп шығару, несептің іркілуі, олигурия Сирек: бүйректің жедел жеткіліксіздігі, бүйірдің ауыруы (гематуриямен немесе азотемиямен немесе оларсыз), гемолиздік-уремиялық синдром, интерстициальді нефрит, нефроздық синдром, қан сарысуындағы мочевина мен креатинин деңгейінің жоғарылауы. Бүйректегі простагландиндер синтезін бәсеңдететін басқа препараттар сияқты, бүйрек дисфункциясының белгілері, соның ішінде креатинин мен калий деңгейінің жоғарылауы кеторолак трометамині дозасын қабылдағаннан кейін пайда болуы мүмкін. Ұрпақ өрбіту жүйесі және кеуде аурулары Өте сирек: бедеулік Жалпы бұзылыстар және енгізу орнындағы жай-күйлер Жиі: ісіну, тершеңдік, егу орнының ауыруы Жиі емес: астения, салмақтың артуы, қызба, қатты шөлдеу, тәбеттің жоғалуы Өте сирек: аса жоғары сезімталдық реакциялары: анафилаксия, бронх түйілуі, терінің қызаруы, бөртпе, гипотензия, көмейдің ісінуі, ангионевроздық ісіну, анафилактоидты реакциялар. Анафилаксия сияқты анафилактоидты реакциялар өлімге әкелуі мүмкін Маркетингтен кейін қолдану тәжірибесі Жүйке жүйесі тарапынан бұзылулар: дәм сезудің өзгеруі Жүрек аурулары: жүрек жеткіліксіздігі АІЖ тарапынан: колиттің немесе Крон ауруының асқынуы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РММ http://www.ndda.kz

Симптомдар Кеторолактың бір реттік артық дозалануы іштің әртүрлі ауыруымен, жүрек айнуымен, құсумен, гипервентиляциямен, пептидтік ойық жаралармен және/немесе эрозиялық гастритпен және бүйрек функциясының бұзылуымен байланысты болды, бұл симптомдар препаратты қабылдауды тоқтатқаннан кейін жоғалды. Асқазан-ішектен қан кетудің пайда болуы мүмкін. Гипертония, бүйректің жедел жеткіліксіздігі, гиповентиляция және кома қабынуға қарсы стероидты емес препараттарды қабылдағаннан кейін пайда болуы мүмкін, бірақ сирек кездеседі. Артық дозалану нәтижесінде пайда болуы мүмкін қабынуға қарсы стероидты емес препараттардың емдік дозаларын қабылдағаннан кейін анафилактоидты реакциялар туралы хабарланды. Емі Қабынуға қарсы стероидты емес препараттардың артық дозалануынан кейін пациенттер симптоматикалық және демеуші ем қабылдауы тиіс. Спецификалық антидоттары жоқ. Диализ кеторолакты қан ағымынан болмашы шығарады. Қажет болса, асқазанды дереу шаю керек немесе абсорбцияны азайту үшін белсендірілген көмірді енгізу керек.

Эпидемиологиялық деректер кеторолакты басқа ҚҚСД сияқты қолдану, әсіресе, бекітілмеген көрсетілімдер бойынша және/немесе ұзақ уақыт бойы қолданғанда ауыр асқазан-ішек уыттылығының даму қаупінің жоғары болуымен байланысты болуы мүмкін екенін куәландырады. Циклооксигеназа-2 селективті тежегіштерін қоса, кеторолакты ҚҚСД бір мезгілде қолданудан аулақ болу керек. Симптомдарды бақылау үшін қажетті ең қысқа уақыт кезеңі ішінде ең төмен емдік дозаны пайдалана отырып, жағымсыз әсерлер барынша азайтылуы мүмкін. Арнайы сақтандырулар Асқазан-ішек жолының ойық жаралары, қан кетулері және тесілуі Кеторолакты қоса, барлық ҚҚСД қабылдаған кезде, емдеу кезінде, алдыңғы симптомдар, анамнезде оларды көрсету немесе күрделі асқазан-ішек құбылыстары болған немесе болмаған кезде өліммен аяқталуы мүмкін асқазан-ішектен қан кетулер, ойық жаралану және тесілулер туралы хабарланды. Егде жастағы пациенттерде ҚҚСД жағымсыз реакциялар, әсіресе, өліммен аяқталатын асқазан-ішектен қан кету мен тесілу жиілігі артады. Асқазан-ішектен қан кетудің, ойық жараның немесе тесілудің пайда болу қаупі ҚҚСД дозасының, оның ішінде кеторолактың ұлғаюымен, анамнезінде ойық жарасы бар пациенттерде, әсіресе, егер ол егде жастағы пациенттерде қан кетумен немесе тесілумен асқынған болса. Клиникалық ауыр асқазан-ішектен қан кетулер пайда болу қаупі дозаға тәуелді болады. Осындай пациенттерге емді ең төмен ықтимал дозадан бастау керек. Осы пациенттерде қорғаныш препараттарымен (мысалы, мизопростол немесе протонты помпа тежегіштері), сондай-ақ аспириннің немесе асқазан-ішек құбылыстарының пайда болу қаупін арттыратын басқа да препараттардың төмен дозаларын бір мезгілде қабылдау қажет пациенттерде біріктірілген емді пайдалану мүмкіндігін қарастыру керек. Бұл жасқа байланысты қауіп барлық ҚҚСД тән. Едәуір жас пациенттермен салыстырғанда егде жастағы пациенттерде кеторолактың жартылай шығарылу кезеңінің артуы және клиренсінің төмендеуі байқалады. Дозалар арасындағы аралықты арттыру ұсынылады. Анамнезінде ішектің қабыну аурулары (ойық жаралы колит, Крон ауруы) бар пациенттерге ҚҚСД сақтықпен тағайындау керек, себебі бұл жай-күйлер нашарлауы мүмкін. Анамнезінде асқазан-ішек уыттылығы бар, әсіресе егде жастағы пациенттер, ең алдымен емдеудің бастапқы кезеңдерінде іш тарапынан кез келген ерекше симптомдар (әсіресе асқазан-ішектен қан кету) туралы хабарлауы тиіс. Кеторолак қабылдайтын пациенттерде асқазан-ішектен қан кету немесе ойық жара пайда болған кезде емдеуді тоқтату керек. Ойық жара немесе қан кетудің түзілу қаупін арттыруға қабілетті пероральді кортикостероидтар, серотонинді кері қармайтын селективті тежегіштер немесе антитромбоциттік дәрілер, мысалы, аспирин сияқты препараттарды бір мезгілде қабылдайтын пациенттерге назар аудару керек. Варфарин сияқты антикоагулянттарды қабылдайтын пациенттерге кеторолакты қолдануға болмайды. Басқа ҚҚСД жағдайындағыдай, асқазан-ішек асқынуларының жиілігі мен ауырлығы кеторолакпен емнің дозасы мен ұзақтығы артуымен жоғарылауы мүмкін. Клиникалық күрделі асқазан-ішектен қан кетудің пайда болу қаупі дозаға байланысты. Анамнездегі пептидтік ойық жара кеторолакпен емдеу кезінде күрделі асқазан-ішек асқынуларының даму ықтималдығын арттырады. Кеторолакты қоса, ҚҚСД асқазан-ішек анастомозының дәрменсіздігінің жоғары қаупіне байланысты болуы мүмкін. Асқазан-ішек жолына операциядан кейін кеторолакты қолданған кезде мұқият медициналық бақылау және сақтық ұсынылады. Гематологиялық әсерлер Қан ұю бұзылулары бар пациенттерге препаратты қабылдамаған жөн. Антикоагулянтты ем қабылдаған пациенттерде кеторолак трометаминімен бір мезгілде қолданғанда қан кету қаупі жоғары болуы мүмкін. Кеторолак және гепариннің төмен профилактикалық дозасын (2500 – 5000 бірлік әр 12 сағат сайын) және декстранды бір мезгілде қабылдау ауқымды зерттелмеген және сондай-ақ қан кетудің жоғары қаупімен байланысты болуы мүмкін. Антикоагулянтты ем қабылдап жүрген немесе гепариннің төмен дозасын қабылдауды қажет ететін пациенттерге кеторолакты қабылдамаған жөн. Гемостазға әсер ететін басқа дәрілік препараттарды қабылдайтын пациенттер, егер олар бір мезгілде кеторолак трометаминін қолданса, мұқият бақылауда болуы тиіс. Бақыланатын клиникалық зерттеулерде клиникалық елеулі операциядан кейінгі қан кетулердің пайда болу жиілігі 1%-дан кемді құрайды. Кеторолак тромбоциттер агрегациясын бәсеңдетеді және қан кету уақытын ұзартады. Қан ұю функциясы қалыпты пациенттерде қан кету уақыты артады, бірақ қалыпты ауқым шегі 2-11 минуттан шықпайды. Аспириннің ұзақ әсер етуінен айырмашылығы, кеторолакты қолданған кезде тромбоциттер функциясы қабылдауды тоқтатқаннан кейін 24-48 сғат ішінде қалыпқа келеді. Қатаң гемостаз қатер шегінде маңызды болған жағдайда, мысалы, косметикалық хирургиялық операция немесе күндізгі стационардағы хирургиялық операция, простата резекциясы немесе тонзилэктомия жасаған кезде сақ болу керек. Гематомалардың және жарадан және мұрыннан қан кетудің басқа белгілерінің пайда болуы кеторолак трометаминін қолданумен байланысты. Дәрігерлер кеторолактың және циклооксигеназаны тежейтін басқа ҚҚСП, қан кету қаупі тұрғысынан фармакологиялық ұқсастық туралы, әсіресе егде жастағы пациенттерді емдеу кезінде есте сақтауы керек. Тері реакциялары ҚҚСД қабылдаған кезде терінің күрделі реакциялары туралы өте сирек хабарланды, олардың кейбіреуі, эксфолиативті дерматитті, Стивенс-Джонсон синдромын және уытты эпидермалық некролизді қоса, өліммен аяқталады. Пациенттер емнің басында мұндай реакциялардың пайда болуының едәуір қаупіне ұшырайды: реакциялардың басталуы көптеген жағдайларда емнің бірінші айының ішінде орын алды. Кеторолак трометаминімен емдеуді бөртпе, шырышты қабықтардың зақымдану ошақтары немесе аса жоғары сезімталдықтың кез келген белгілері алғаш пайда болған кезде тоқтату керек. Жүйелі қызыл жегі (ЖҚЖ) және дәнекер тіннің аралас аурулары Жүйелі қызыл жегі (ЖҚЖ) және дәнекер тіннің аралас аурулары бар пациенттерде асептикалық менингиттің пайда болу қаупінің жоғарылауына әкелуі мүмкін. Жүрек-қантамыр аурулары кезінде натрий/сұйықтықтың іркілуі және шеткері ісінулер Анамнезінде артериялық гипертензиясы және/немесе жүрек дисфункциясы бар пациенттерде сақ болу керек, өйткені ҚҚСД емдеу сұйықтықтың іркілуі және ісінумен байланысты. Кеторолакты қоса, ҚҚСД қабылдайтын кейбір пациенттерде сұйықтықтың іркілуі, гипертензия және шеткері ісінулер байқалады, сондықтан оны жүрек декомпенсациясы, гипертензиясы немесе ұқсас жай-күйлері бар пациенттерде сақтықпен пайдалану керек. Жүрек-қантамыр және цереброваскулярлық әсерлері Тиісті мониторинг және кеңес беру бұрыннан гипертензиясы және/немесе ауырлық дәрежесі жеңіл немесе орташа іркілісті жүрек жеткіліксіздігі бар пациенттерге қажет, өйткені бұл жағдайларда ҚҚСД емдеумен байланысты сұйықтықтың іркілуі және ісінуі туралы хабарланады. Клиникалық зерттеулер мен эпидемиологиялық деректер коксибтерді және кейбір ҚҚСД қолдану (әсіресе едәуір жоғары дозаларда) тромбоздық құбылыстардың (мысалы, миокард инфарктісі немесе инсульт) пайда болуының аздап жоғарылауымен байланысты болуы мүмкін екендігі туралы куәландырады. Алайда, кеторолак миокард инфарктісі сияқты тромбоздық құбылыстардың пайда болу ықтималдығын арттыратыны және кеторолакты қолданған кезде бұл қауіпті жоққа шығару үшін жеткілікті деректер болмағаны дәлелденген жоқ. Бақыланбайтын гипертензиясы, іркілісті жүрек жеткіліксіздігі, бұрыннан бар жүректің ишемиялық ауруы, шеткері артериялар аурулары және/немесе цереброваскулярлық аурулары бар пациенттер кеторолакты мұқият бағалағаннан кейін ғана қолдануы тиіс. Осындай бағалауды жүрек-қантамыр ауруларының (мысалы, гипертензия, гиперлипидемия, қант диабеті және темекі шегу) даму қаупі факторлары бар пациенттерде жүргізуі керек. Жүрек-қантамыр, бүйрек және бауыр жеткіліксіздігі Бүйрек простагландиндері бүйрек перфузиясын демеуде демеуші рөл ойнайтын кезде, айналымдағы қан көлемінің және/немесе бүйрек қан ағымының төмендеуіне әкелетін жай-күйлері бар пациенттерде сақ болу керек. Бұл пациенттерде ҚҚСД қабылдау бүйректің простагландинді түзілуінің дозаға тәуелді төмендеуіне әкелуі мүмкін және бүйрек жеткіліксіздігінің көрінісін жеделдетуі мүмкін. Едәуір жоғары қауіпке қан жоғалту немесе қатты сусыздануға байланысты қан көлемі азайған пациенттер, бүйрек функциясының бұзылуы, жүрек жеткіліксіздігі, бауыр функциясының бұзылуы бар пациенттер, егде жастағы пациенттер, сондай-ақ диуретиктерді қабылдайтын пациенттер ұшырайды. Мұндай пациенттерде бүйрек функциясын бақылау керек. ҚҚСД емдеуді тоқтату, әдетте, сауығумен және осы емнің алдындағы жай-күйдің қалпына келуімен қатар жүреді. Операция кезінде сұйықтықтың/қанның талапқа сай емес толуы гиповолемияға әкеледі, бұл бүйрек функциясының бұзылуына әкелуі мүмкін, ол кеторолак трометаминін тағайындаған кезде күшеюі мүмкін. Осылайша, сұйықтықтың жоғалуын түзетіп, сарысудағы мочевина мен креатинин деңгейін, сондай-ақ пациент нормоволемияға жеткенше несептің түзілуін мұқият бақылау керек. Бүйрек диализінде жүрген пациенттерде кеторолак клиренсі шамамен екі есе төмендейді, ал жартылай шығарылудың соңғы кезеңі шамамен үш есе артады. Бүйрекке қатысты әсерлер Басқа ҚҚСД сияқты, кеторолакты бүйрек функциясы төмендеген немесе бүйрек ауруының тарихы бар пациенттерге сақтықпен тағайындау керек, өйткені ол простагландиндер синтезінің күшті тежегіші. Сақ болу керек, өйткені кеторолак пен басқа ҚҚСД қолдану кезінде жекелеген жағдайларда бүйрек перфузиясын демеуде бүйрек простагландиндері қосымша рөл атқарған кезде қан көлемінің және/немесе бүйрек қан ағымының азаюына әкелетін жай-күйі бар пациенттерде бүйрек уыттылығы байқалады. Осы пациенттерде кеторолак пен басқа ҚҚСД қабылдау бүйрек простагландиндерінің түзілуін дозаға тәуелді төмендетуге әкелуі мүмкін және айқын бүйрек декомпенсациясын немесе жеткіліксіздігін туындатуы мүмкін. Едәуір жоғары қауіп бүйрек функциясының бұзылуы, гиповолемия, жүрек жеткіліксіздігі, бауыр функциясының бұзылуы бар пациенттерде, диуретиктерді қабылдайтын пациенттерде және егде жастағы пациенттерде байқалады. Кеторолакты қабылдауды немесе ҚҚСД басқа емдеуді тоқтату әдетте сауығуға және осы ем жүргізілгенге дейін жағдайға оралуға әкеледі. Простагландиндердің синтезін бәсеңдететін басқа препараттар сияқты, кеторолак трометаминді қабылдаған кезде мочевина, креатинин және калий деңгейінің жоғарылауы байқалады, бұл препаратты тіпті бір рет қабылдағаннан кейін пайда болуы мүмкін. Бүйрек функциясының бұзылуы бар пациенттер: кеторолак трометамині және оның метаболиттері негізінен организмнен бүйрек арқылы шығарылатындықтан, орташадан ауырға дейін бүйрек функциясы бұзылған пациенттерге (қан сарысуындағы креатинин концентрациясы 160 микромоль/л-ден жоғары) препаратты қолданбаған жөн. Бүйрек функциясының елеусіз бұзылуы бар пациенттер кеторолактың төмен дозаларын (б/і немесе в/і тәулігіне 60 мг аспайтын) алуы тиіс және бүйректің жай-күйін мұқият бақылау керек. Бауыр функциясының бұзылуы бар пациенттерде қолдану: бауыр циррозына байланысты бауыр функциясы бұзылған пациенттерде кеторолак клиренсінде немесе жартылай шығарылудың терминальді кезеңінде клиникалық елеулі өзгерістер жоқ. Бауыр функциясының бір немесе бірнеше параметрлері мәндерінің елеусіз жоғарылауы орын алуы мүмкін. Бұл ауытқулар өтпелі болуы мүмкін, өзгеріссіз қалуы мүмкін немесе емді жалғастырған кезде үдеуі мүмкін. Сарысулық глутамат-пируват-трансминаза (СГПТ/АЛТ) немесе сарысулық глутамат-оксалоацетат-трансаминаза (СГОТ/АСТ) деңгейінің елеулі артуы бақыланатын клиникалық сынақтарда еріктілердің 1%-дан кемінде (қалыпты мәндерге қатысты үш еседен астам) байқалды. Бауыр ауруына сәйкес келетін клиникалық белгілер мен симптомдар немесе жүйелі көріністер пайда болған кезде препаратты қолдануды тоқтату керек. Анафилаксиялық (анафилактоидты) реакциялар Анамнезінде аспиринге, басқа ҚҚСД немесе кеторолакқа аса жоғары сезімталдығы бар немесе жоқ пациенттерде анафилаксиялық (анафилактоидты) реакциялар (анафилаксиялық шок, бронх түйілуі, қызару, бөртпе, гипертензия, көмейдің ісінуі және ангионевроздық ісінуін қоса) пайда болуы мүмкін. Олар сондай-ақ анамнезінде ангионевроздық ісіну, бронхтың түйілу реакциясы (мысалы, демікпе) және мұрын полиптері бар адамдарда пайда болуы мүмкін. Анафилаксия сияқты, анафилактоидты реакциялар өліммен аяқталуы мүмкін. Сондай-ақ кеторолакты анамнезінде демікпесі бар пациенттерге, сондай-ақ мұрын полипозының толық немесе ішінара синдромы, ангионевроздық ісіну және бронх түйілуі бар пациенттерге қолданбаған жөн. Фертильділікке қатысты сақтық шаралары Кеторолакты қолдану, циклооксигеназа/простагландин синтезін бәсеңдететін кез келген басқа дәрілік зат сияқты фертильділікті төмендетуі мүмкін және сондықтан жүкті болуға тырысып жүрген әйелдерге ұсынылмайды. Ұрықтануда қиындықтарға тап болған немесе бедеулік себептерін зерттеуден өтіп жүрген әйелдерде кеторолак трометаминін қабылдауды тоқтату мүмкіндігін қарастыру керек. Сұйықтықтың іркілуі және ісіну Кеторолакты қолданған кезде сұйықтықтың іркілуі, гипертензия және ісіну туралы хабарланды, сондықтан оны жүрек декомпенсациясы, гипертензиясы немесе ұқсас жай-күйлері бар пациенттерде сақтықпен қолдану керек. Метотрексатты бір мезгілде қолданғанда сақ болу керек, өйткені метотрексат клиренсін төмендететін простагландиндер синтезінің кейбір тежегіштері туралы хабарланды және осылайша, оның уыттылығын арттыруы мүмкін. Балаларда қолдану Кеторолак таблеткаларын 18 жасқа дейінгі балалар мен жасөспірімдерде қолдануға болмайды. Препараттарды шамадан тыс қолдану және тәуелділік Кеторолак тәуелділікті туындатпайды. Кеторолакпен емдеуді күрт тоқтатқаннан кейін тоқтату симптомдары байқалмады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қабылдау кезінде кейбір пациенттер бас айналу, ұйқышылдық, шаршау, ұйқысыздық немесе депрессия сезінуі мүмкін. Егер осындай немесе ұқсас жағымсыз реакциялар орын алса - пациент көлік құралдарын және қауіптілігі зор механизмдерді басқармауы тиіс.

Простагландиндер синтезінің бәсеңдеуі жүктілікке және/немесе шарананың эмбриондық дамуына теріс ықпал етуі мүмкін. Эпидемиологиялық зерттеулер деректерінде жүктіліктің ерте мерзімдерінде простагландиндер синтезінің тежегіштерін қолданудан кейін түсік тастау, сондай-ақ жүректің даму ақаулары мен гастрошизисін көрсетеді. Дозаны және емнің ұзақтығын арттырумен қауіп артады деп саналады. Жануарларға простагландиндер синтезінің тежегішін енгізу имплантацияға дейін және одан кейін түсік тастаудың ұлғаюына және эмбрион мен ұрықтың өліміне әкелетіні көрсетілген. Сонымен қатар, органогенез фазасы кезінде простагландиндер синтезінің тежегішін қабылдаған жануарларда әртүрлі ақаулардың, соның ішінде дамудың жүрек-қантамыр ақауларының артуы туралы хабарланды. Жүктіліктің бірінші және екінші триместрінде кеторолакты тек аса қажет болған жағдайда ғана тағайындау керек. Егер кеторолакты жүкті болуға тырысатын әйел пайдаланса немесе жүктіліктің бірінші немесе екінші триместрінде пайдаланылса, доза мүмкіндігінше төмен, ал емдеу ұзақтығы мүмкіндігінше қысқа болуы тиіс. Кеторолакты жүктіліктің үшінші триместрінде қолдануға болмайды. Простагландин синтезінің барлық тежегіштері әсер етеді: Шаранаға келесі қауіптермен: - жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен); - олигогидроамниозбен бүйрек жеткіліксіздігіне дейін үдейтін бүйрек функциясының бұзылуы. Ана мен балаға келесі қауіптермен: - қан кету уақытының ықтимал артуы, тіпті өте төмен дозаларда пайда болуы мүмкін тромбоциттер агрегациясының тежелу әсері; - жатырдың жиырылуын бәсеңдету, бұл босанудың кешігуіне немесе ұзаруына әкеледі. Бала емізу ҚҚСП емшек сүтіне енеді. Сондықтан сақтық шарасы ретінде бала емізетін әйелдерге кеторолак қабылдамаған жөн. Егер емдеу қажет болса, нәрестені жасанды тамақтандыруға ауыстыру керек. Фертильділік Кеторолакты пайдалану әйелдің фертильділігіне әсер етуі мүмкін, сондықтан жүкті болуға тырысып жүрген әйелдерге ұсынылмайды. Ұрықтанумен қиындық көріп жүрген немесе бедеулікке тексеруден өткен әйелдерде кеторолак қабылдауды тоқтату мүмкіндігін қарастыру керек.

Кеторолак адамның плазма ақуыздарымен жоғары дәрежеде байланысады (орташа 99.2%-ға) және бұл байланысуы концентрацияға байланысты емес. Келесі дәрілік заттарды кеторолак трометаминімен бір мезгілде қолданбаған жөн: Кеторолакты ацетилсалицил қышқылымен немесе басқа ҚҚСД, оның ішінде циклооксигеназа-2 селективті тежегіштерімен қолданбаған жөн, өйткені ҚҚСД қабылдаумен байланысты күрделі жағымсыз құбылыстардың пайда болу қаупі елеулі артуы мүмкін. Кеторолак тромбоциттер агрегациясын бәсеңдетеді, тромбоксан концентрациясын төмендетеді және қан кету уақытын ұзартады. Аспириннің ұзаққа созылған әсерлерінен айырмашылығы, кеторолакты тоқтатқаннан кейін тромбоциттер функциясы 24-48 сағат ішінде қалпына келеді. Препаратты варфарин сияқты антикоагулянттармен біріктіріп қолдануға болмайды, өйткені ҚҚСД және антикоагулянттарды бір мезгілде қабылдау антикоагулянттық әсерді күшейтуі мүмкін. Зерттеулер кеторолак пен варфарин немесе гепарин арасындағы елеулі өзара әрекеттесуді көрсетпесе де, антикоагулянттардың (варфарин) емдік дозаларын, гепариннің және декстранның профилактикалық төмен дозаларын (әр 12 сағат сайын 2500-5000 бірлік) қоса, кеторолак пен гемостазға әсер ететін препараттарды бір мезгілде қолдану, қан кету қаупінің жоғарылауымен байланысты болуы мүмкін. Простагландиндер синтезін бәсеңдететін кейбір препараттарды қолданғанда плазмадағы литий концентрациясының жоғарылауына әкелетін литийдің бүйректік клиренсінің тежелуі туралы хабарланады. Кеторолакпен емдеу кезінде плазмадағы литий концентрациясының жоғарылау жағдайлары туралы хабарланады. Пробенецидті кеторолакпен бір мезгілде қабылдамаған жөн, себебі ол плазмадағы кеторолак концентрациясын арттырады және жартылай шығарылу кезеңін ұзартады. ҚҚСД мифепристонды қабылдағаннан кейін 8-12 күн ішінде пайдаланбаған жөн, өйткені ҚҚСД оның әсерін әлсіретуі мүмкін. Кеторолакты окспентифилинмен бір мезгілде қолданғанда қан кетуге жоғары бейімділік байқалады. Кеторолак трометаминімен үйлесімде келесі дәрілік заттарды сақтықпен қолдану керек: Барлық басқа ҚҚСД жағдайындағыдай, кортикостероидтарды бір мезгілде қолданғанда асқазан-ішек жолында ойық жара немесе қан кетудің пайда болу қаупінің жоғарылауына байланысты сақ болу керек. Антитромбоциттік дәрілерді және серотонинді кері қармайтын селективті тежегіштерді ҚҚСД біріктірілімде пайдаланған кезде асқазан-ішектен қан кетудің пайда болуының жоғары қаупі бар. Простагландин синтезін бәсеңдететін кейбір препараттар метотрексат клиренсін азайтады және нәтижесінде оның уыттылығын арттыруы мүмкін. Кеторолак трометамині плазма ақуыздарымен дигоксин байланысуын өзгертпейді. In vitro зерттеулері салицилаттың емдік концентрацияларында (300 мкг/мл) кеторолактың байланысуы шамамен 99.2%-дан 97.5% дейін азаяды, бұл плазмадағы байланыспаған кеторолак концентрациясының ықтимал екі еселенуін көрсетті. Дигоксин, варфарин, ибупрофен, напроксен, пироксикам, ацетаминофен, фенитоин және толбутамидтің емдік концентрациясы кеторолактың ақуыздармен байланысуын өзгертпейді. Нормоволемиялық дені сау пациенттерде инъекцияға арналған кеторолак ерітіндісі фуросемидке диурездік жауапты шамамен 20% төмендетеді, сондықтан жүрек декомпенсациясы бар пациенттерге ерекше назар аудару керек. Диуретиктермен бір мезгілде қолдану диурездік әсердің төмендеуіне және ҚҚСД нефроуыттылық қаупінің ұлғаюына әкелуі мүмкін. Барлық ҚҚСД жағдайындағыдай, циклоспоринді бір мезгілде қолданғанда нефроуыттылықтың жоғары қаупіне байланысты сақ болу керек. ҚҚСД такролимуспен бір мезгілде қолданғанда нефроуыттылықтың потенциалды қаупі бар. ҚҚСД диуретиктер мен бета-блокаторлар сияқты гипотензиялық препараттардың әсерін төмендетуі мүмкін. Әдетте қайтымды болып табылатын жедел бүйрек жеткіліксіздігінің пайда болу қаупі АӨФ тежегіштерін және/немесе ангиотензин II рецепторларының антагонистерін ҚҚСД-мен бірге қолданғанда бүйрек функциясы бұзылған кейбір пациенттерде (мысалы, сусыздануы бар пациенттер немесе егде жастағы пациенттер) күшеюі мүмкін. Осы себепті мұндай біріктірілімді, әсіресе егде жастағы пациенттерде сақтықпен қолдану керек. Осындай біріктірілген емнің басында дозаны талапқа сай титрлеуді жүргізу керек және қатарлас ем басталғаннан кейін бүйрек функциясының мониторингіне назар аудару керек, содан кейін бүйрек функциясын мезгіл-мезгіл зерттеп отыру керек. ҚҚСД жүрек жеткіліксіздігін күшейтуі, шумақтық сүзілу жылдамдығын (ШСЖ) төмендетуі және бір уақытта қолданғанда кардиотонустық гликозидтердің деңгейін арттыруы мүмкін. Кеторолак операциядан кейінгі жедел ауыруды емдеу кезінде қатарлас апиынды анальгезияның қажеттілігін төмендетеді. Майлы тамақты тұтынғаннан кейін кеторолак таблеткаларын пероральді қабылдау ең жоғары концентрациясының төмендеуіне және кеторолактың ең жоғары концентрациясына жеткенге дейінгі уақыттың шамамен 1 сағатқа ұлғаюына әкеледі. Антацидтер резорбция дәрежесіне әсер етпейді. Жануарларға қатысты алынған деректер ҚҚСД хинолонды антибиотиктерді қабылдаумен байланысты құрысулардың пайда болу қаупін арттыруы мүмкін екенін көрсетеді. ҚҚСД және хинолондарды қабылдайтын пациенттерде құрысулардың даму қаупі жоғары болуы мүмкін. Зидовудинмен енгізілетін ҚҚСД гематологиялық уыттылық қаупін арттырады. Зидовудинді ибупрофенмен бір мезгілде қабылдайтын гемофилиямен ауыратын АИТВ-жұқтырған (+) адамдарда гемартроз бен гематоманың даму қаупінің жоғарылауының куәліктері бар. Жануарлар мен адамдарға жүргізілген зерттеулер кеторолак трометаминінің осы препаратты немесе басқа препараттарды метаболиздейтін бауыр ферменттерін индукциялайтынын немесе тежейтінін растамайды. Осылайша, кеторолак трометамині ферментативті механизмдердің индукциясы немесе тежелуі салдарынан басқа препараттардың фармакокинетикасын өзгертеді деп күтілмейді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25˚С-ден аспайтын температурада сақтау керек. Балалардың қолы жетпейтін жерде сақтау керек!