Кеторолак таблетки 10 мг

Бір таблетканың құрамында белсенді зат – кеторолак трометамині – 10 мг; қосымша заттар: лактоза моногидраты, микрокристалды целлюлоза, магний стеараты, үлбір түзуші (ақ түсті) (құрамында: ішінара гидролизденген поливинил спирті, тальк, макрогол 3350 (полиэтиленгликоль), лецитин (соя), титанның қостотығы (Е 171)). Сыртқы түрінің, иісінің, дәмінің сипаттамасы Екі жақ беті дөңес, ақ түсті үлбірлі қабықпен қапталған таблеткалар.

Кеторолак ересектерде және 16 жастан асқан жасөспірімдерде қолдануға көрсетілген: - хирургиялық араласулардан кейінгі жедел ауырсынуды қысқа мерзімді емдеу

Кеторолак, препараттың белсенді заты, айқын анальгезиялық әсерін көрсетеді, сондай-ақ қабынуға қарсы және орташа қызу түсіретін әсерге ие болады. Әсер ету механизмі, ең алдымен, шеткері тіндерде ЦОГ-1 және ЦОГ-2 ферменті белсенділігін селективті емес бәсеңдетумен байланысты, соның салдарынан ауырсыну сезімталдығының, жылу реттелісі және қабыну модуляторлары - простагландиндер биосинтезінің тежелуі болады. Кеторолак [-]S- және [+]R-энантиомерлерінің рацемиялық қоспасы түрінде болады, осы орайда, ауыруды басатын әсеріне [-]S түрі себеп болады. Препарат апиынды рецепторларға ықпал етпейді, тынысты тарылтпайды, дәріге тәуелденуді тудырмайды, тыныштану және анксиолитикалық әсері болмайды. Анальгезиялық әсер ету күші бойынша морфинмен салыстырмалы, басқа ҚҚСП-дан едәуір басым болады. Ішке қабылдаудан кейін ауыруды басатын әсерінің басталуы, тиісінше, 1 сағаттан соң білінеді, ең жоғары әсеріне 2-3 сағат өткенде жетеді.

Дозалау режимі Кеторолак препаратының таблеткалары тек қысқа мерзімде (5 күнге дейін) қолдануға ұсынылады және тұрақты қолдануға ұсынылмайды. Кеторолак препаратын пайдалану мәселесі туралы шешім қабылдағанда препаратты қолданумен байланысты ықтималды пайдасы мен қауіптерінің арақатынасын, сондай-ақ басқа емдік тактикаларды қолдану мүмкіндігін мұқият бағалау керек. Кеторолак препаратымен бір мезгілде ауыру анағұрлым күшті болатын операциядан кейінгі ерте кезеңде ауыруды басатын оңтайлы әсерге жетуге қажет болуы мүмкін апиынды анальгетиктерді (мысалы, морфин, петидин) қолдануға болады. Кеторолак апиындарды байланыстыруға ықпал етпейді және апиындар туындататын тыныштану әсерлерін және тыныс тарылуын өршітпейді. Кеторолак препаратымен бір мезгілде пайдаланғанда, әдетте, апиындардың әдеттегіден аз тәуліктік дозасы қажет болады. Кеторолак препаратын енгізуге дейін гиповолемия түзетілуі тиіс. Емдеуді кеторолактың парентеральді түрлерінен бастау керек, ал пациенттерді мүмкіндігінше тезірек пероральді емге ауыстырған дұрыс. Бастапқы ем ретінде кеторолак трометаминінің пероральді түрлерін қолдануға болмайды. Ересектер (65 жасқа дейін) 10 мг ішке бір рет, артынан әр 4-6 сағат сайын 10 мг, қажет болса, көп дегенде, 40 мг/күн. Кеторолак трометаминінің таблетка түрлеріне ауыстырылған кеторолак трометаминін парентеральді қабылдап жүрген пациенттер үшін жалпы біріктірілген тәуліктік доза 90 мг-ден аспауы тиіс (егде жастағы пациенттер, бүйрек функциясының бұзылуы бар пациенттер және дене салмағы 50 кг-ден аз пациенттер үшін 60 мг), ал препараттың пероральді түрін дозалау кеторолактың оральді түріне ауысқанда тәулігіне 40 мг-ден аспауы тиіс (егде жастағы адамдар үшін 30 мг-ден 40 мг дейін). Пациенттерді мүмкіндігінше ертерек пероральді емге ауыстыру қажет. Енгізу әдісі және жолы Ішке қабылдау үшін. Қабылдау уақытының көрсетілуімен қолдану жиілігі Дәрілік препаратты ас ішу кезінде немесе одан кейін қабылдауға кеңес беріледі. Емдеу ұзақтығы Біріктірілген емнің жалпы ұзақтығы (парентеральді және пероральді) 5 күннен аспауы тиіс. Пациенттердің ерекше топтары Балалар Кеторолак препаратының таблеткаларын балалар мен 16 жасқа дейінгі жасөспірімдерде пайдалануға болмайды. Егде жастағы пациенттер (65 жастағы және одан асқан) 10 мг ішке бір рет, одан кейін әр 6-8 сағат сайын 10 мг. 30 мг-ден 40 мг дейінгі тәуліктік дозаларынан асыруға болмайды. ҚҚСП емі қажет болса, оларды мүмкіндігінше қысқалау мерзімдерде мүмкін болатын ең төмен дозаларда тағайындау керек.

- әсер етуші затқа немесе қосымша заттардың кез келгеніне аса жоғары сезімталдық; - жүректің ауыр жеткіліксіздігі; - коронарлық шунттау операциясынан (немесе жасанды қан айналдыру аппаратын пайдаланудан) соң болатын операциядан кейінгі ауырулар; - дегидратация, гиповолемия (оны тудырған себепке байланыссыз); - бауыр функциясының ауыр бұзылулары; - бүйрек функциясының орташа және ауыр бұзылулары (сарысу креатинині >180 мкмоль/л) немесе айналымдағы қан көлемінің (АҚК) төмендеуі немесе сусызданудың аясында бүйрек жеткіліксіздігінің туындау қаупімен байланысты жай-күйлер; - жедел пептидті ойық жара, таяуда болған асқазан-ішектен қан кету немесе тесілу; анамнездегі ойық жара жағдайлары немесе асқазан-ішектен қан кету; - цереброваскулярлы қан кету (расталған немесе болжамды), геморрагиялық диатез, қан ұю бұзылулары және қан кетудің туындау қаупі жоғары болатын жай-күйлер (кеторолак трометамині тромбоциттер функциясын бұзады); - Кеторолакты ауыру синдромының профилактикасы мақсатында ауыр хирургиялық араласулар алдында пайдалануға болмайды; - варфарин және гепариннің төмен дозаларын қоса, антикоагулянттармен ем (әр 12 сағат сайын 2500-5000 бірлік); - АСҚ немесе басқа ҚҚСП емі (циклооксигеназа-2 селективті тежегіштерін қоса) (ҚҚСП себебінен ауыр жағымсыз реакцияларды туындататын жинақталған қауіп); - литий препараттарымен, пентоксифиллинмен немесе пробенецидпен бірге қолдану; - бронх демікпесі, ринит, ангионевроздық ісіну, есекжем сияқты аса жоғары сезімталдық реакциялары немесе анамнездегі ацетилсалицил қышқылына (АСҚ) және басқа қабынуға қарсы стероидты емес препараттарға (ҚҚСП) аллергиялық реакциялардың басқа типтері (ҚҚСП пайдалану кезінде ауыр, кейде өліммен аяқталатын анафилаксиялық реакциялардың даму жағдайлары мәлімделді); - толық немесе жартылай мұрын полипі синдромы, ангионевроздық ісіну немесе бронх түйілуі; - анамнездегі Стивенс-Джонсон синдромы немесе буллезді дерматит; - жүктілік және босану кезеңі (простагландиндер синтезінің тежелісі шарананың қан айналымына теріс ықпал етуі мүмкін, осы орайда жатырдың жиырылуы төмендеуі мүмкін, соның нәтижесінде жатырдан қан кетудің даму қаупі артады); - бала емізу; - 16 жасқа дейінгі балалар

Өте жиі: - бас ауыру (17%) - жүрек айну (12%), диспепсия (12%), іштің ауыруы және жайсыздану (13%) Жиі: - пурпура - құлақтың тұнып қалуы, ұйқышылдық, бас айналу - гипертония - іш қату, диарея, газдар, іштің кебуі, стоматит, құсу - қышыну, бөртпе - ісіну, тершеңдік, еккен жердің ауыруы Жиі емес: - мазасыздық, депрессия, эйфория, елестеулер, ұйқысыздық, күйгелектік - қалыптан тыс түстер көру, дұрыс ойламау, гиперкинез, зейін қою қабілетінің кінәраттары, парестезия - көру бұзылулары - жүрек қағу - мұрыннан қан кету - демікпе, ентігу, өкпенің ісінуі - асқазан-ішек жолының ойық жаралары, ауыз кеберсуі, кекіру, гастрит, ректальді қан кету - есекжем, бозару - бұлшықеттердің ауыруы - жиі несеп шығару, несеп іркілісі, олигурия - құлақтағы шыңыл, естімей қалу - астения, салмақтың артуы, қызба, қатты шөлдеу, тәбет жоғалту Сирек: - тромбоцитопения, қан кету уақытының ұзаққа созылуы Клиникалық зерттеулер мен эпидемиологиялық деректер ЦОГ-2 тежегіштерін және кейбір қабынуға қарсы стероидты емес препараттарды (әсіресе жоғары дозаларда) пайдалану артериялық тромбоз оқиғаларының (мысалы, миокард инфарктісі немесе апоплексия) жоғары қаупіне әкелуі мүмкін екенін көрсетеді. Кеторолакты пайдалану миокард инфарктісі сияқты тромбоз құбылыстары санының көбеюін көрсетпесе де, кеторолак үшін осындай қауіпті жоққа шығаратын деректер жеткіліксіз. - гиперкалиемия, гипонатриемия - психоздық реакциялар - асептикалық менингит - брадикардия, кеуденің ауыруы - гематомалар, операциядан кейінгі жарадан қан кету, артериялық гипотензия - асқазан-ішектен қан кету, гематемезис, эзофагит, панкреатит, асқазан-ішек жолының тесілуі, нәжістің қараюы - бауыр функциясының қалыптан тыс өзгерген көрсеткіштері, гепатит, холестаздық сарғаю, бауыр жеткіліксіздігі - эксфолиативті дерматит, буллездік реакциялар, Стивенс-Джонсон синдромын және уытты эпидермалық некролизді (Лайелл синдромы) қоса, макула-папулалық бөртпе, терінің қызаруы - құрысулар - жедел бүйрек жеткіліксіздігі, бүйірдің ауыруы (гематуриямен немесе азотемиямен немесе оларсыз), гемолиздік-уремиялық синдром, интерстициальді нефрит, нефроздық синдром, қан сарысуындағы мочевина мен креатинин деңгейінің жоғарылауы. Бүйректе простагландиндер синтезін бәсеңдететін басқа препараттар жағдайындағы сияқты, Кеторолак дозасын қабылдаудан кейін бүйрек дисфункциясының белгілері, оның ішінде креатинин мен калий жоғарылауы пайда болуы мүмкін. Өте сирек: - бедеулік - аса жоғары сезімталдық реакциялары: анафилаксия, бронх түйілуі, терінің қызаруы, бөртпе, гипотензия, көмейдің ісінуі, ангионевроздық ісіну, анафилактоидты реакциялар. Анафилаксия сияқты анафилактоидты реакциялар өлімге ұшыратуы мүмкін. Маркетингтен кейінгі қолдану тәжірибесі Жүйке жүйесі тарапынан бұзылулар: дәм сезудің өзгеруі Жүрек аурулары: жүрек жеткіліксіздігі АІЖ тарапынан: колиттің немесе Крон ауруының өршуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар Кеторолактың бір рет артық дозалануы іштің әртүрлі ауырсынуымен, жүрек айну, құсу, гипервентиляция, пептидті ойық жаралармен және/немесе эрозиялық гастрит және бүйрек функциясының бұзылуымен байланысты болды, осы симптомдар препаратты қабылдауды тоқтатудан кейін басылды. Асқазан-ішектен қан кету туындауы мүмкін. Гипертония, жедел бүйрек жеткіліксіздігі, гиповентиляция және кома қабынуға қарсы стероидты емес препараттарды қабылдаудан кейін туындауы мүмкін, бірақ сирек кездеседі. Артық дозалану нәтижесінде туындауы мүмкін қабынуға қарсы стероидты емес препараттардың емдік дозаларын қабылдаудан кейін анафилактоидты реакциялар туралы хабарланды. Емдеу Қабынуға қарсы стероидты емес препараттармен артық дозаланудан кейін пациенттер симптоматикалық және демеуші ем қабылдауы тиіс. Спецификалық антидоттар жоқ. Диализ кеторолакты қан ағымынан мардымсыз шығарады. Қажет болса, дереу асқазанды шаю немесе сіңірілуді азайту үшін белсендірілген көмір енгізу керек.

Кеторолак препаратын қабылдамас бұрын, өзіңіздің дәрігеріңізге, егер Сіз жақында асқазанға немесе ішекке операция жасатқаныңызды немесе оны жасауды жоспарлап отырғаныңызды айтыңыз, өйткені операциядан кейін Кеторолак препаратын қолдану кейде жараның жазылуын нашарлатуы мүмкін. Кеторолак қолдану, басқа да ҚҚСП сияқты, әсіресе, бекітілмеген көрсетілімдер бойынша және/немесе ұзаққа созылатын кезең бойына қолдану кезінде асқазан-ішектің ауыр уыттануының өте жоғары даму қаупімен байланысты болуы мүмкін. Кеторолак, циклооксигеназа-2 селективті тежегіштерін қоса, ҚҚСП-мен бір мезгілде қолданылмау керек. Жағымсыз әсерлерін, симптомдарды бақылауға қажетті ең қысқа уақыт кезеңі ішінде ең төмен емдік дозасын пайдалана отырып, барынша азайтуға болады. Арнайы сақтандырулар Асқазан-ішек жолының ойық жаралары, қан кетулері және тесілуі Кеторолакты қоса, барлық ҚҚСП қабылдағанда емдеу кезінде, осының алдындағы симптомдардың немесе анамнезде оларға көрсетілімдердің немесе күрделі асқазан-ішек құбылыстарының болуымен немесе болмауымен өліммен аяқталуы мүмкін асқазан-ішек қан кетуі, ойық жаралануы немесе тесілуі мәлімделді. Егде жастағы пациенттерде ҚҚСП жағымсыз реакцияларының, әсіресе, өліммен аяқталуы мүмкін асқазан-ішек қан кетуі және тесілуінің жиілігі артады. Анамнезінде ойық жара бар пациенттерде, әсіресе, егер ол қан кетумен немесе тесілумен асқынған болса және егде жастағы пациенттерде ҚҚСП, оның ішінде кеторолак дозасын арттырумен асқазан-ішек қан кетуінің, ойық жарасының немесе тесілуінің пайда болу қаупі артады. Клиникалық тұрғыда ауыр асқазан-ішектен қан кетудің туындау қаупі дозаға тәуелденеді. Осындай пациенттер емді мүмкін болатын ең аз дозадан бастау керек. Осы пациенттерде қорғаныс препараттарымен (мысалы, мизопростол немесе протон сорғысы тежегіштері), сондай-ақ аспирин немесе асқазан-ішек құбылыстарының туындау қаупін арттыратын басқа препараттардың төмен дозаларын бір мезгілде қабылдау қажет болатын пациенттерде біріктірілген емді пайдалану мүмкіндігін қарастыру керек. Бұл жас ерекшеліктік қауіп барлық ҚҚСП үшін ортақ. Жасырақ пациенттермен салыстырғанда, егде жастағы пациенттерде кеторолактың жартылай шығарылу кезеңінің ұзаруы және клиренсінің төмендеуі байқалады. Дозалар арасындағы үзілісті ұзартуға кеңес беріледі. ҚҚСП анамнезінде ішектің қабыну аурулары (ойық жаралы колит, Крон ауруы) бар пациенттерге сақтықпен тағайындалу керек, өйткені осы жай-күйлер нашарлауы мүмкін. Анамнезінде асқазан-ішек уыттануы бар пациенттер, әсіресе егде жастағылар бәрінен бұрын емдеудің бастапқы сатыларында іш тарапынан болатын кез келген әдеттен тыс симптомдар (әсіресе, асқазан-ішектен қан кету) туралы мәлімдеуі тиіс. Кеторолак қабылдап жүрген пациенттерде асқазан-ішек қан кетуі немесе ойық жарасы пайда болғанда емдеуді тоқтату керек. Пероральді кортикостероидтар, серотонинді кері қармайтын селективті тежегіштер немесе антитромбоциттік дәрілерді, мысалы, аспирин сияқты айық жараның түзілу немесе қан кету қаупін арттыруға қабілетті препараттарды бір мезгілде қабылдайтын пациенттерге көңіл бөлу керек. Варфарин сияқты антикоагулянттар қабылдап жүрген пациенттерге кеторолак қолдану қарсы көрсетілімді. Басқа ҚҚСП жағдайындағы сияқты, асқазан-ішек асқынуларының жиілігі мен ауырлығы кеторолакпен емдеу дозасы мен ұзақтығын арттырумен жоғарылауы мүмкін. Клиникалық тұрғыда күрделі асқазан-ішектен қан кетудің туындау қаупі дозаға байланысты. Анамнездегі пептидті ойық жара кеторолакпен ем кезінде күрделі асқазан-ішек асқынуларының даму ықтималдығын арттырады. Гематологиялық әсерлер Қан ұюының бұзылуылары бар пациенттерге Кеторолак препаратын қабылдауға болмайды. Антикоагулянттық ем алатын пациенттерде Кеторолак препаратын бір мезгілде қолданғанда қан кету қаупі жоғары болуы мүмкін. Кеторолак және гепариннің төмен профилактикалық дозаларын (әр 12 сағат сайын 2500-5000 бірлік) және декстранды бір мезгілде қабылдау кеңінен зерттелмеген, сондай-ақ қан кетудің жоғары қаупімен байланысты болуы мүмкін. Антикоагулянттық ем алып жүрген немесе гепариннің төмен дозаларын қолдану қажет болатын пациенттерге кеторолак қолдануға болмайды. Гемостазға ықпал ететін басқа дәрілік препараттарды қабылдап жүрген пациенттер, егер олар Кеторолак препаратын бір мезгілде қолданса, мұқият қадағалауда болуы тиіс. Операциядан кейінгі клиникалық мәнді қан кетулердің туындау жиілігі 1%-дан аз болады. Кеторолак тромбоциттер агрегациясын бәсеңдетеді және қан кету уақытын ұзартады. Қан ұю функциясы қалыпты пациенттерде қан кету уақыты ұзарады, бірақ 2-11 минут қалыпты диапазон шегінен шықпайды. Аспириннің ұзаққа созылатын әсерінен ерекшелігі, кеторолак қолданғанда тромбоциттер функциясы қабылдауды тоқтатудан кейін 24-48 сағат ішінде қалып шегіне келеді. Гемостаздың қатаң сақталуы аса маңызды болғанда, мысалы, косметикалық хирургиялық операция немесе күндізгі стационарда хирургиялық операция, простата резекциясы немесе тонзилэктомия жасалғанда сақтық шарасын қадағалау керек. Гематомалардың және жарақаттан қан кетудің және мұрыннан қан кетудің басқа белгілерінің туындауы Кеторолак препаратын қолданумен байланысты. Дәрігерлер әсіресе, егде жастағы пациенттерді емдеу кезінде қан кету қаупі тұрғысынан, кеторолак және циклооксигеназаны тежейтін басқа ҚҚСП фармакологиялық ұқсастығын есте сақтау керек. Тері реакциялары ҚҚСП қабылдау кезінде эксфолиативті дерматит, Стивенс-Джонсон синдромын және уытты эпидермалық некролизді қоса, кейбіреуі өліммен аяқталатын күрделі тері реакциялары туралы өте сирек хабарланды. Пациенттер осындай реакциялардың ең көп туындау қаупіне емнің басында ұшырайды; көптеген жағдайларда реакциялардың басталуы емдеудің алғашқы айы ішінде болады. Кеторолак препаратымен емдеуді бөртпе, шырышты қабықтардың зақымдану ошақтары немесе аса жоғары сезімталдықтың кез келген белгілері бірінші білінгенде тоқтату керек. Жүйелі қызыл жегі (ЖҚЖ) және дәнекер тіннің аралас аурулары Жүйелі қызыл жегі (ЖҚЖ) және дәнекер тіннің аралас аурулары бар пациенттерде асептикалық менингиттің туындау қаупі артуы мүмкін. Жүрек-қантамыр ауруларында натрий/сұйықтық іркілуі және шеткері ісінулер Анамнезінде артериялық гипертензия және/немесе жүрек дисфункциясы бар пациенттерде сақтық таныту керек, өйткені ҚҚСП емі сұйықтық іркілуімен және ісінулермен байланысты. Кеторолакты қоса, ҚҚСП алатын кейбір пациенттерде сұйықтық іркілуі, гипертензия және шеткері ісінулер білінеді, сондықтан оны жүрек декомпенсациясы, гипертензия немесе осыларға ұқсас жай-күйлері бар пациенттерде абайлап пайдалану керек. Жүрек-қантамыр және цереброваскулярлы әсерлер Ағымдағы гипертензия және/немесе ауырлығы жеңіл және орташа дәрежедегі іркілісті жүрек жеткіліксіздігі бар пациенттерге тиісті мониторинг пен кеңес беру қажет, өйткені бұл жағдайларда ҚҚСП емімен байланысты сұйықтық іркілуі және ісінулер туралы хабарланады. Коксибтер және кейбір ҚҚСП қолдану (әсіресе, жоғарырақ дозаларда) тромбоз құбылыстарының (мысалы, миокард инфарктісі немесе инсульт) туындау қаупінің аздап артуымен байланысты болуы мүмкін. Алайда, кеторолактың миокард инфарктісі сияқты тромбоз құбылыстарының пайда болу ықтималдығын арттыруы дәлелденбеген, ал кеторолакты қолдану кезінде бұл қауіпті жоққа шығару үшін деректер жеткіліксіз. Бақыланбайтын гипертензия, іркілісті жүрек жеткіліксіздігі, ағымдағы жүректің ишемиялық ауруы, шеткері артериялар ауруы және/немесе цереброваскулярлы аурулары бар пациенттер кеторолакты мұқият бағалаудан кейін ғана қолдануы тиіс. Дәл осылай бағалауды жүрек-қантамыр ауруларын (мысалы, гипертензия, гиперлипидемия, қант диабеті және шылым шегу) дамытатын қауіп факторлары бар пациенттерде ем басталар алдында жүргізген жөн. Жүрек-қантамыр, бүйрек және бауыр жеткіліксіздігі Бүйрек простагландиндері бүйрек перфузиясының сақталуында демеуші рөл атқарғанда қан көлемінің және/немесе бүйректік қан ағымының азаюына алып келетін жай-күйлері бар пациенттерде сақ болу керек. Бұл пациенттерде ҚҚСП қабылдау бүйрек простагландиндері түзілуінің дозаға тәуелді төмендеуіне әкелуі мүмкін және бүйрек жеткіліксіздігінің көрініс беруін жеделдете алады. Ең көп жоғары қаупіне қан жоғалту немесе қатты сусыздану салдарынан қан көлемі азайған пациенттер, бүйрек функциясының бұзылуы, жүрек жеткіліксіздігі, бауыр функциясының бұзылуы бар пациенттер, егде жастағы пациенттер, сондай-ақ диуретиктер қабылдап жүрген пациенттер ұшырайды. Осындай пациенттерде бүйрек функциясын бақылап отыру керек. ҚҚСП емін тоқтату, әдетте, сауығумен және осы емнің алдындағы жай-күйдің қалпына келуімен қатар жүреді. Операция кезінде жоғалған сұйықтық/қанды толықтырудың талапқа сай болмауы гиповолемияға әкеледі және Кеторолак препаратын тағайындағанда одан әрі ушығып кететін бүйрек функциясының бұзылуына әкелуі мүмкін. Осылайша, сұйықтық жоғалуын түзетіп, сондай-ақ пациент нормоволемияға жеткенше сарысудағы мочевина мен креатинин деңгейін, несеп түзілуін мұқият бақылап отыру керек. Бүйрек диализінде жүрген пациенттерде кеторолак клиренсі шамамен екі есе төмендейді, ал соңғы жартылай шығарылу кезеңі шамамен үш есе ұзарады. Бүйрекке қатысты әсерлері Басқа ҚҚСП сияқты, кеторолак бүйрек функциясының төмендеуі немесе бүйрек ауруының тарихы бар пациенттерге сақтықпен тағайындалу керек, өйткені ол - простагландиндер синтезінің қуатты тежегіші. Кеторолак пен басқа ҚҚСП қолдану кезінде жекелеген жағдайларда бүйрек простагландиндері бүйрек перфузиясын демеуде қосалқы рөл атқарған уақытта қан көлемінің және/немесе бүйрек қан ағымының азаюына алып келетін жай-күйлері бар пациенттерде бүйрек уыттылығы байқалатындықтан, сақтық шарасын қадағалау керек. Осындай пациенттерде кеторолак пен басқа ҚҚСП қабылдау бүйрек простагландиндері түзілуінің дозаға тәуелді төмендеуіне әкелуі мүмкін және айқын бүйрек декомпенсациясын немесе жеткіліксіздігін тудыруы мүмкін. Ең көп жоғары қауіп бүйрек функциясының бұзылуы, гиповолемия, жүрек жеткіліксіздігі, бауыр функциясының бұзылуы бар пациенттерде, диуретиктер қабылдайтын пациенттерде және егде жастағы пациенттерде білінеді. Кеторолак немесе басқа ҚҚСП емін қабылдауды тоқтату, әдетте, сауығуға және осы емнің жүргізілуіне дейінгі жай-күйге оралуға алып келеді. Простагландиндер синтезін бәсеңдететін басқа препараттармен жағдайдағы сияқты, кеторолак трометаминін қабылдағанда мочевина, креатинин және калий деңгейінің жоғарылауы білінеді, бұл тіпті препаратты бір рет қабылдаудан кейін де пайда болуы мүмкін. Бүйрек функциясының бұзылуы бар пациенттер: кеторолак трометамині мен оның метаболиттері негізінен организмнен бүйрек арқылы шығарылатындықтан, бүйрек функциясының орташадан ауырға дейінгі бұзылуы бар (қан сарысуындағы креатинин концентрациясы 160 микромоль/л-ден жоғары) пациенттерге Кеторолак препаратын қолдануға болмайды. Бауыр функциясының бұзылуы бар пациенттерде қолдану: бауыр циррозы салдарынан бауыр функциясының бұзылуы бар пациенттерде кеторолак клиренсінің немесе терминалдық жартылай шығарылу кезеңінің клиникалық мәнді өзгерістері жоқ. Бауыр функциясының бір немесе бірнеше параметрінің мәні мардымсыз артуы мүмкін. Бұл аномалиялар өткінші болуы мүмкін, өзгеріссіз қалуы немесе емді жалғастырғанда үдеп кетуі мүмкін. Сарысулық глутамат-пируват-трансминаза (СГПТ/АЛТ) немесе сарысулық глутамат-оксалоацетат-трансаминаза (СГОТ/АСТ) деңгейлерінің елеулі жоғарылау (қалыпты мәндерге қатысты үш еседен астам) ықтималдығы бар. Бауыр ауруына сәйкес клиникалық белгілері мен симптомдары немесе жүйелі көріністері пайда болғанда Кеторолак препаратын қолдануды тоқтату керек. Анафилаксиялық (анафилактоидты) реакциялар Анафилаксиялық (анафилактоидты) реакциялар (басқаларынан тыс, анафилаксия, бронх түйілуін, қызару, бөртпе, гипертензия, көмей ісінуін және ангионевроздық ісінуді қамтитын) анамнезінде аспиринге, басқа ҚҚСП немесе кеторолакқа аса жоғары сезімталдық болатын немесе болмайтын пациенттерде туындауы мүмкін. Олар анамнезінде ангиодистрофия, бронх түйілу реакциясы (мысалы, демікпе) және мұрын полиптері бар адамдарда да пайда болуы мүмкін. Анафилаксия сияқты анафилактоидты реакциялар өліммен аяқталуы мүмкін. Кеторолакты анамнезінде демікпе бар пациенттерге, сондай-ақ мұрын полипозының айқын немесе жартылай синдромы, ангионевроздық ісіну және бронх түйілуі бар пациенттерге де қолдануға болмайды. Фертилділікке қатысты сақтану шаралары Кеторолакты қолдану, циклооксигеназа/простагландиндер синтезін бәсеңдететін кез келген препарат сияқты фертилділікті төмендетуі мүмкін, сондықтан да жүкті болуға тырысатын әйелдерге ұсынылмайды. Бала көтеру қабілетінің кінәраттары бар немесе бедеулік себебімен зерттеуден өтіп жүрген әйелдерде Кеторолак препаратын қабылдауды тоқтату мүмкіндігін қарастыру керек. Сұйықтық іркілуі және ісіну Кеторолак қолдану кезінде сұйықтық іркілуі, гипертензия және ісінулер хабарланады, сондықтан оны жүрек декомпенсациясы, гипертензия немесе осыған ұқсас жай-күйлері бар пациенттерде сақтықпен қолдану керек. Метотрексатты бір мезгілде қолданғанда сақ болу керек, өйткені метотрексат клиренсін төмендететін әрі осылайша оның уыттылығын арттыруы мүмкін простагландиндер синтезінің кейбір тежегіштері туралы мәлімделді. Педиатрияда қолдану Кеторолак препаратын балалар мен 16 жасқа дейінгі жасөспірімдерде қолдану қарсы көрсетілімді. Препараттарды шамадан тыс қолдану және тәуелділік Кеторолак тәуелділік тудырмайды. Кеторолакпен емді күрт тоқтатудан кейін тоқтату симптомдары байқалмады.

Кеторолак жүктілік кезінде қарсы көрсетілімді. Простагландиндер синтезінің бәсеңдеуі жүктілікке және/немесе шарананың эмбриондық дамуына теріс ықпал етуі мүмкін. Жүктіліктің ерте мерзімдерінде простагландиндер синтезінің тежегіштерін қолданудан кейін түсік тастау, сондай-ақ жүректің даму ақауларының және гастрошизистің жоғары қаупі мәлімделді. Дозаны және ем ұзақтығын арттырумен қауіп артады деп саналады. ҚҚСП шарананың жүрек-қантамыр жүйесіне әсер етеді (артериялық түтіктің жабылып қалу қаупі). Жүктіліктің бірінші және екінші триместрлерінде кеторолак тек аса қажет болған жағдайда ғана тағайындалу керек. Егер кеторолакты жүкті болуға тырысатын әйел пайдаланса немесе егер ол жүктіліктің бірінші немесе екінші триместрінде пайдаланылса, доза мүмкіндігінше азырақ, ал емдеу ұзақтығы мүмкіндігінше қысқалау болуы тиіс. Кеторолак жүктіліктің үшінші триместрінде қарсы көрсетілімді. Простагландин синтезінің барлық тежегіштері әсерін көрсетеді: Шаранаға келесі қауіптермен: - жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен); - олигогидроамниозбен бірге бүйрек жеткіліксіздігіне дейін үдеп кететін бүйрек функциясының бұзылуы. Ана мен балаға келесі қауіптермен: - қан кету уақытының болжамды ұзаруы, тіпті өте төмен дозаларда да туындауы мүмкін тромбоциттер агрегациясын тежеу әсері; - босанудың кідіруіне немесе ұзаққа созылуына әкелетін жатыр жиырылуының бәсеңдеуі. ҚҚСП емшек сүтіне енеді. Сондықтан сақтану шарасы ретінде бала емізетін әйелдерге кеторолак қабылдауға болмайды. Егер емдеу қажет болса, сәбиді жасанды қоректендіруге ауыстыру керек. Препараттың көлік құралын немесе қауіптілігі зор механизмдерді басқару Кеторолак препаратын пайдалану жекелеген пациенттерде ұйқышылдық, сандырақтау, бас айналу, ұйқысыздық немесе депрессия тудыруы мүмкін. Осыларды немесе ұқсас жағымсыз әсерлер сезінетін пациенттерге толық зейін қоюды талап ететін істермен абайлап айналысу керек.

Кеторолак адамның қан плазмасы ақуыздарымен көбірек дәрежеде байланысады (орта есеппен, 99,2%), ал осы байланысуы концентрациясына тәуелденбейді. Келесі дәрілік препараттарды Кеторолак препаратымен бір мезгілде қолдануға болмайды: Кеторолакты ацетилсалицил қышқылымен немесе басқа ҚҚСП, оның ішінде циклооксигеназа-2 селективті тежегіштерімен қолдануға болмайды, өйткені ҚҚСП қабылдаумен байланысты күрделі жағымсыз құбылыстардың туындау қаупі едәуір артуы мүмкін. Кеторолак тромбоциттер агрегациясын бәсеңдетеді, тромбоксан концентрациясын төмендетеді және қан кету уақытын арттырады. Аспириннің ұзаққа созылатын әсерінен ерекшелігі, кеторолакты тоқтатудан кейін тромбоциттер функциясы 24-48 сағат ішінде қалыпты шегіне келеді. Кеторолак варфарин сияқты антикоагулянттармен біріктірілімде қолдануға қарсы көрсетілімді, өйткені ҚҚСП мен антикоагулянттарды бір мезгілде қабылдау антикоагулянттық әсерді күшейтуі мүмкін. Кеторолак пен варфарин немесе гепарин арасындағы елеулі өзара әрекеттесу туралы ақпарат жоқ, алайда кеторолак пен гемостазға ықпал ететін препараттарды, антикоагулянттардың емдік дозаларын (варфарин), гепариннің профилактикалық төмен дозаларын (әр 12 сағат сайын 2500-5000 бірлік) қоса және декстранды бір мезгілде қолдану қан кету қаупінің артуымен байланысты болуы мүмкін. Простагландиндер синтезін бәсеңдететін кейбір препараттарды қолдану кезінде плазмада литий концентрациясының жоғарылауына алып келетін литий бүйректік клиренсінің тежелуі хабарланады. Кеторолакпен ем кезінде плазмада литий концентрациясы жоғарылаған жағдайлар мәлімделді. Пробенецидті кеторолакпен бір мезгілде қолдануға болмайды, өйткені ол плазмада кеторолак концентрациясын жоғарылатады және жартылай шығарылу кезеңін ұзартады. Мифепристон қабылдаудан кейін 8-12 күн бойы ҚҚСП пайдалануға болмайды, өйткені ҚҚСП оның әсерлерін әлсіретуі мүмкін. Кеторолакты окспентифиллинмен бір мезгілде қолданғанда қан кетуге жоғары бейімділік байқалады. Келесі дәрілік препараттарды Кеторолак препаратымен біріктірілімде қолдану керек: Барлық басқа ҚҚСП жағдайындағы сияқты, кортикостероидтарды бір мезгілде қолданғанда ойық жаралардың және асқазан-ішек жолынан қан кетудің жоғары туындау қаупіне орай сақтық таныту керек. Антитромбоциттік дәрілер және серотонинді кері қармайтын селективті тежегіштерді ҚҚСП-мен біріктірілімде пайдалану кезінде асқазан-ішектен қан кетудің туындау қаупі жоғары болады. Простагландиндер синтезін бәсеңдететін кейбір препараттар метотрексат клиренсін азайтады, ад демек оның уыттылығын арттыруы мүмкін. Кеторолак трометамині дигоксиннің плазма ақуыздарымен байланысуын өзгертпейді. Салицилаттың емдік концентрацияларында (300 мкг/мл) кеторолак байланысуы шамамен 99.2%-дан 97.5% дейін төмендейді, бұл плазмада байланыспаған кеторолак концентрациясының болжамды екі еселенуі түрінде болады. Дигоксин, варфарин, ибупрофен, напроксен, пироксикам, ацетаминофен, фенитоин және толбутамидтің емдік концентрациялары кеторолактың ақуыздармен байланысуын өзгертпейді. Диуретиктермен бір мезгілде қолдану диурездік әсердің төмендеуіне және ҚҚСП нефроуыттылық қаупінің артуына әкелуі мүмкін. Барлық басқа ҚҚСП жағдайындағы сияқты, циклоспоринді бір мезгілде қолданғанда жоғары нефроуыттылық қаупіне орай сақ болу керек. Такролимуспен ҚҚСП бір мезгілде қолданғанда ықтималды нефроуыттылық қаупі бар. ҚҚСП диуретиктер мен бета-блокаторлар сияқты гипотензиялық препараттар әсерін төмендетуі мүмкін. Бүйрек функциясының бұзылуы бар кейбір пациенттерде (мысалы, сусыздану болатын пациенттер немесе егде жастағы пациенттер) АӨФ тежегіштерін және/немесе ангиотензин II рецепторларының антагонистерін ҚҚСП-мен біріктірілімде қолданғанда, әдетте, қайтымды болатын жедел бүйрек жеткіліксіздігінің туындау қаупі күшеюі мүмкін. Сол себепті осындай біріктірілімді, әсіресе, егде жастағы пациенттерде сақтықпен қолдану керек. Осындай біріктірілген емнің басында дозаны талапқа сай титрлеуді жүргізіп, қатарлас ем басталған соң бүйрек функциясын мониторингтеуге көңіл бөлу керек, ал одан кейін бүйрек функциясын мезгіл-мезгіл зерттеу керек. ҚҚСП бір мезгілде қолданғанда жүрек жеткіліксіздігін өршітуі, шумақтық сүзілу жылдамдығын (ШСЖ) төмендетуі және плазмада кардиотонустық гликозидтер деңгейін арттыруы мүмкін. Кеторолак операциядан кейінгі жедел ауырсынуды емдеу кезінде қатарлас апиынды анальгезия қажеттілігін төмендетеді. Майлы тамақ ішуден кейін Кеторолак препаратын пероральді қабылдау ең жоғары концентрациясының төмендеуіне және кеторолактың ең жоғары концентрациясына жетуге дейінгі уақыттың шамамен 1 сағат ұзаруына әкеледі. Антацидтер кері сіңірілу дәрежесіне ықпал етпейді. ҚҚСП хинолонды антибиотиктер қабылдаумен байланысты құрысулардың туындау қаупін арттыруы мүмкін. ҚҚСП және хинолондар қабылдайтын пациенттерде құрысулардың даму қаупі жоғары болуы мүмкін. Зидовудинмен енгізілетін ҚҚСП гематологиялық уыттылық қаупін арттырады. Зидовудинді ибупрофенмен бір мезгілде алатын АИТВ инфекциясын жұқтырған (+) гемофилиямен пациенттерде гемартроз және гематоманың даму қаупінің арту ықтималдығы бар. Кеторолак трометаминінің осы препаратты немесе басқа препараттарды метаболиздеуі мүмкін бауыр ферменттерін индукциялайтыны немесе тежейтіні туралы растаулар жоқ. Осылайша, Кеторолак препаратының ферменттік механизмдерді индукциялау немесе тежеу салдарынан басқа препараттардың фармакокинетикасын өзгертетіні күтілмейді.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!