Кеторол® гель

белсенді зат - кеторолак трометині 20,00 мг қосымша заттар: пропиленгликоль, диметилсульфоксид, карбомер 974 Р (карбопол 974 Р), натрий метилгидроксибензоаты, натрий пропилгидроксибензоаты, трометамин, тазартылған су, Үнді дгеатаны, этанол, глицерол. Сыртқы түрінің, иісінің, дәмінің сипаттамасы Өзіне тән иісі бар, біртекті, мөлдір немесе мөлдір дерлік гель.

- бұлшықеттер мен буындардағы ауыруды басу - жарақаттан кейінгі ауыру синдромы - байламдардың созылуы, бурсит, тендинит, эпикондилит, синовит, беткейлік буындар остеоартриті сияқты жұмсақ тіндердің соғылуларында.

Кеторолак – ауыруды басатын және қабынуға қарсы әсері бар қабынуға қарсы стероидты емес дәрі (ҚҚСД). Кеторолактың әсер етуінің негізгі механизмі, басқа ҚҚСД сияқты, оның фармакологиялық әсері – простагландиндер синтезінің тежелуінен көрінеді. Қабынуға қарсы стероидты емес (ҚҚСД) дәрілер шеткеріде анағұрлым белсенді. Кеторолак тыныштандыратын немесе анксиолитикалық әсер бермейді, апиын рецепторларына ықпалын тигізбейді. Кеторолактың тыныс алу орталығы қызметін басатын әсері жоқ және апиын аналгетиктерінің әсерінен болатын тыныстың тарылуын және седативтік әсерді күшейтпейді. Кеторолак дәріге тәуелділікті тудырмайды. Препаратты күрт тоқтатқан кезде тоқтату симптомдары пайда болмайды.

Дозалау режимі Гельдің аздаған мөлшерін (3-5см) дененің қабынған терісіне немесе ауыратын бөлігіне тәулігіне 1-2 рет саусақтың ұшымен жеңіл уқалай отырып жағады. Дозасы зақымданған бөліктің аумағына сәйкес таңдалуы тиіс. Енгізу әдісі мен жолы Сыртқа қолдануға арналған. Кеторол гелін жағар алдында зақымданған аумақты мұқият шаю және құрғату керек. Препарат терінің зақымданған жер аумағына массаж қимылдарымен абайлап жағылады, оны көзге жақын аймақтарға, шырышты қабықтарға немесе ашық жарақаттарға жағуға болмайды. Пациенттерге герметикалық таңғышты пайдалану ұсынылмайды. Қолды осы препаратты пайдаланар алдында және оны пайдаланғаннан кейін жуу керек. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Сұрақтар туындаған жағдайда кеңес алу үшін медицина қызметкеріне жүгіну қажет.

• белсенді затқа және басқа компоненттерге, ацетилсалицил қышқылына немесе басқа ҚҚСД (қабынуға қарсы стероидты емес дәрілер) жоғары сезімталдық • асқазан мен он екі елі ішектің ойық жарасы, асқазан-ішектен қан кету немесе асқазан ойық жарасының тесілуі • аспиринмен емдеудің нәтижесінде туындаған мұрын полипозы, бронх түйілуі және Квинке ісінуі • пептидтік ойық жара • гипокоагуляция, оның ішінде гемофилия • бауыр және бүйрек жеткіліксіздігі • геморрагиялық инсульт • қан кету, оның ішінде операциядан кейін • қан түзілудің бұзылуы • созылмалы аурулар • жүктілік және лактация кезеңі • көз аумағына, шырышты қабық пен ашық жараларға қолдану • аспирин триадасы(ҚҚСД жақпаушылығы, полипозды риносинусит, бронх демікпесі) • гиповолемия • дегидратация • 18 жасқа дейінгі балалар мен жасөспірімдер.

Жиі - бас ауыруы, бас айналуы, ұйқышылдық - беттің, сирақтың, тобықтың, саусақтардың, табанның ісінуі - дене салмағының артуы - жүрек айнуы, диспепсия, диарея, Жиіден аз - тері бөртпесі, пурпура - шамадан тыс терлеу - іш қату, метеоризм, асқазанның артық толуын сезіну, құсу, стоматит - артериялық қысымның көтерілуі, жүректің қағуы, бозару, естен тану, анемия, эозинофилия - қышыну, бөртпе Сирек - гастрит, кекіру, анорексия, тәбеттің артуы, ауыздың құрғауы - астения, тремор, әдеттен тыс түстер көру, инсомния, елестеулер, эйфория, экстрапирамидалық симптомдар, вертиго, парестезия, депрессия, күйгелектік, ойлаудың бұзылуы, зейін қоюға қабілетсіздік, гиперкинез, мелшию, шамадан тыс шөлдеу, дәм сезудің бұзылуы - бүйректің жедел жеткіліксіздігі, белдің гематуриямен немесе гематуриясыз және/немесе азотемиямен болатын ауыруы, гемолиздік уремиялық синдром (гемолиздік анемия, бүйрек жеткіліксіздігі, тромбоцитопения, пурпура), несепті шығарудың жиілеуі, несеп көлемінің ұлғаюы немесе азаюы, нефрит, шығу тегі бүйректік ісінулер, гематурия, протеинурия, олигурия, гипонатриемия, гиперкалиемия, нефрит, шығу тегі бүйректік ісінулер - естудің нашарлауы, құлақ ішінің шуылдауы, көрудің нашарлауы (оның ішінде көріп қабылдаудың айқын болмауы) - бронхтың түйілуі немесе диспноэ, ринит, көмекей мен өкпенің ісінуі, жөтел - анемия, эозинофилия, лейкопения - операциядан кейінгі жарадан қан кету, мұрыннан қан кету, тік ішектен қан кету - қызба, инфекция - анафилаксия немесе анафилактоидты реакциялар (бет терісі түсінің өзгеруі, тері бөртпесі, есекжем, терінің қышынуы, тахипноэ, қабақтың ісінуі, периорбитальді ісіну, ентігу, тыныстың тарылуы, кеуде қуысындағы ауырлық сезімі, ысқырық дем) - асептикалық менингит (қызба, бастың қатты ауыруы, құрысулар, мойын және/немесе арқа бұлшықеттерінің сіресуі), елестеулер, депрессия, психоз - эксфолиативті дерматит (қалтыраумен немесе онсыз қызба, терінің қызаруы, қатаюы немесе қабыршақтануы, бадамша бездің ісінуі және/немесе ауырғыштығы), есекжем, Стивенс-Джонсон синдромы, Лайелл синдромы - тілдің ісінуі, ангиоэдема. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: абдоминальді ауырулар, жүректің айнуы, құсу, асқазанның және он екі елі ішектің пептидтік ойық жарасы, эрозивті гастрит, бүйрек функциясының бұзылуы, метаболизмдік ацидоз. Емі: асқазанды шаю, адсорбенттерді енгізу (белсендірілген көмір), симптоматикалық ем.

ҚҚСД тромбоциттердің бірігуін азайтатын болғандықтан, Кеторол препаратын қанды ұйыту жүйесі бұзылған науқастарға абайлап тағайындау қажет. Арнайы ескертулер Бауыр функциясы бұзылған науқастарда қолдану Кеторол препаратын қолданған кезде бауыр трансаминазалары деңгейлері артуы мүмкін, сондықтан бауыры ауыратын науқастарға қысқа курспен тағайындау қажет. Бүйрек функциясы бұзылған науқастарда қолдану Кеторол® препараты бүйрек функциясы бұзылған науқастарға несеп талдауын бақылай отырып, сақтықпен тағайындалады. Егде жастағы науқастарда қолдану Кеторол препаратын қабылдаған кезде жағымсыз реакциялар егде жастағы науқастарда жиі кездеседі, препараттың төмен дозаларын тағайындау қажет. Ең жоғары дозалары 60 мг аспауы тиіс және 6 – 8 сағат аралықпен қабылдаған жөн. Пропиленгликоль Алкогольдің әсері сияқты әсерлер болуы мүмкін Диметилсульфоксид Тері тітіркенуі мүмкін Натрий метилгидроксибензоаты, натрий пропилгидроксибензоаты Баяулаған типті аллергиялық реакциялар мүмкін Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кеторол препаратын тағайындаған кезде науқастарда орталық жүйке жүйесі тарапынан (бас айналу, ұйқышылдық) және сезім мүшелері тарапынан (естудің нашарлауы, құлақтың шуылдауы, көрудің бұзылуы) жағымсыз құбылыстар дамитындықтан, жоғары зейін қою мен жылдам реакцияны қажет ететін жұмыстарды орындаудан бас тарту керек.

Кеторолак трометамині 2% гелін бала емізетін аналарға тағайындау ұсынылмайды. Кеторолак трометамині оны жүйелі қолданудан кейінгі емшек сүтіне бөлінуі шектеулі. 10 әйелдің қатысуымен жүргізілген зерттеу нәтижесінде сүт пен плазмада кеторолак трометамині концентрациясы арақатынасының 0.015-тен 0.037-ге дейін өзгеріп тұратыны анықталған.

Кеторол препаратын жергілікті қолданған кезде клиникалық елеулі дәрілік өзара әрекеттесу жағдайларының жоқтығы байқалады. Мына жағдайлар Кеторол препаратымен пероральді емдеу кезінде өзара әрекеттесуде кездейсоқ болып табылады, соның нәтижесінде қан плазмасы ақуызының варфаринді байланыстыру қабілетінің аздап азаюы байқалады. Зертханалық зерттеулер салицил қышқылы тұзының емдік концентрациясы кезінде Кеторол препаратын байланыстыру қабілеті шамамен 99.2%-дан 97.5%-ға дейін төмендейтінін көрсетіп отыр, бұл қан плазмасымен байланысты емес Кеторол препараты деңгейінің екі есе ұлғаюына мүмкіндік беруі мүмкін. Кеторол препаратының әсері нормоволемиялы пациенттерде фуросемидке диурездік реакцияны шамамен 20%-ға төмендетеді. Кеторол препаратымен және пробенецидті қатар қолдану Кеторол препаратынан тазарудың азайтылған дәрежесіне және қан плазмасында елеулі ұлғаюына (шамамен үш есе) әкеледі, сондай-ақ жартылай шығарудың соңғы кезеңінің шамамен екі есе ұзарғаны байқалады. Кейбір қабынуға қарсы стероидты емес дәрілерді қабылдаған кезде бүйректің литийден тазару мүмкіндігін бәсеңдету нәтижесінде қан плазмасында литий концентрациясының ұлғайғаны жайлы хабарланды. Сондай-ақ Кеторолакты қолданған кезде қан плазмасында литий құрамының ұлғайғаны туралы есептер келтірілген. Кеторол препараты мен кураре тәрізді деполяризацияланбайтын дәрілердің апноэге әкелетін ықтимал өзара әсері туралы хабарланды. Кеторол препаратын және АӨФ тежегіштерін қатар қолдану, әсіресе организмі қажыған пациенттерде, бүйрек жеткіліксіздігінің туындау қаупін арттырады. Кеторол препаратын және эпилепсияға қарсы препараттарды (фенитоин, карбамазепин) қатар қолданған кезде эпилепсия ұстамасының бірнеше жағдайы хабарланған. Психотроптық дәрілермен (флуоксетин, тиотиксин, алпразолам) Кеторол препаратын қатар пайдаланғанда елестеулер байқалған. Зертханалық сынақтар жүргізу кезінде Кеторол препараты тромбоциттер агрегациясын бәсеңдетеді және қан кету уақытын ұзартуы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!