Кетотифен Софарма таблетки 1 мг

Бір таблетканың құрамында белсенді зат – 1,38 мг кетотифен гидрофумараты (1 мг кетотифенге баламалы) қосымша заттар – кальций гидрофосфаты, микрокристалды целлюлоза (200 типі), бидай крахмалы, магний стеараты. Сыртқы түрінің, иісінің, дәмінің сипаттамасы Ақ түстен сұр реңді ақ түске дейінгі, дөңгелек пішінді, беті тегіс, бір жақ бетінде сызығы және кертігі бар таблеткалар, диаметрі 7 мм.

-аллергиялық ринит және конъюнктивитті қоса алғанда, аллергиялық жағдайларды симптоматикалық емдеу кезінде.

Респираторлық жүйе. Жүйелі әсер ететін антигистаминдік препараттар. Жүйелі әсер ететін антигистаминдік басқа препараттар. Кетотифен. АТХ коды R06AX17 Әсер ету механизмі және фармакодинамикалық әсерлер Кетотифен циклогептатиофенондар тобына жатады және күшті антигистаминдік әсері бар. Ол бронходилатацияланбайтын астмаға қарсы дәрілер тобына жатады. Оның әсер ету механизмі гистаминнің және басқа да медиаторлардың мастоциттерден босап шығуының тежелуімен, гистаминдік Н1–рецепторлардың бөгеттеумен және фосфодиэстераза ферментінің бәсеңдеуімен байланысты, соның нәтижесінде жуан жасушаларда цАМФ деңгейі жоғарылайды. ТБФ (тромбоцит-белсенділендіруші фактор) әсерлерін басады. Өздігінен қолданған кезде демікпе ұстамаларын тоқтатпайды, олардың пайда болуын болдырмайды және олардың ұзақтығы мен қарқындылығының азаюына әкеледі, бұл ретте кейбір жағдайларда олар толығымен жойылады. Қақырықты шығаруға жағымды әсер етеді.

Дозалау режимі Ересектер: Күніне 2 рет, таңертең және кешке, тамақтану кезінде 1 таблеткадан (1 мг). Таблетканы тамақтану кезінде, сумен ішіп қабылдайды. Елеулі седативтік әсер байқалатын пациенттерде алғашқы апта ішінде, дозаны күніне 2 рет ½ таблеткадан (0,5 мг) бастап баяу жоғарылата отырып, емдік дозаға жеткенше біртіндеп арттыру керек. Егер қажет болса, тәуліктік дозаны күніне 2 қабылданатын 4 мг-ға дейін (4 таблетка) арттыруға болады. Ересектер үшін ең жоғары тәуліктік доза - 4 мг. • 6 жастан асқан балалар: күніне 2 рет, таңертең және кешке, тамақтану кезінде 1 таблеткадан (1 мг). Балаларға арналған ең жоғары тәуліктік доза - 2 мг. ДДҰ ұсынысы бойынша кіші жастағы балаларда бұл дәрілік түрі қолданылмайды. Емдеу ұзақтығы емдеу ұзақ, ал емдік әсері емдеудің бірнеше аптасынан кейін қол жеткізіледі. Емді тоқтату: Кетотифенмен емдеуді тоқтату демікпе симптомдардың қайталану қаупін болдырмау үшін біртіндеп жүргізілуі тиіс. Егде жастағы пациенттерде қолданылуы Егде жастағы пациенттерде ерекше талаптар жоқ. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаны тұрақты дозаға қосымша ретінде қабылдауға болмайды. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Егер сізде осы препаратты қолдануға қатысты қосымша сұрақтарыңыз болса, дәрігерге немесе фармацевтке жүгініңіз.

- белсенді затқа немесе қосымша заттардың кез келгеніне аса жоғары сезімталдық - эпилепсия -лактация кезеңі - тромбоцитопения (диабетке қарсы препараттармен бір мезгілде емдегенде) - 6 жасқа дейінгі балалар

Төменде сипатталған жағымсыз әсерлер ағзалар мен жүйелер бойынша және кездесу жиілігі бойынша жіктелген, былайша бөлінеді: өте жиі ( 1/10), жиі ( 1/100 және <1/10), сирек ( 1/1 000 және <1/100), сирек ( 1/10 000 және <1/1 000), өте сирек (<1/10 000), белгісіз жиілігі (бар деректер негізінде бағалау мүмкін емес). Жиі: - қозу, ашушаңдық, ұйқысыздық, мазасыздық. Жиі емес: - цистит - бас айналуы - ауыздың құрғауы; Сирек: - дене салмағының артуы - мәңгіру Өте сирек: - терінің ауыр реакциялары, көп пішінді эритема, Стивенс-Джонсон синдромы. - бауыр ферменттері деңгейінің жоғарылауы, гепатит - құрысулар. Белгісіз жиілікпен: - ұйқышылдық, бас ауруы - құсу, жүрек айну, диарея - бөртпе, есекжем. Емдеудің бас кезінде ауыз ішінің құрғауы, седация және бас айналу пайда болуы мүмкін, бірақ олар әдетте емдеу барысында өздігінен жоғалады. Сирек жағдайларда, әсіресе балаларда, ОЖЖ стимуляциялануының, мысалы, қозу, ашушаңдық, ұйқысыздық және мазасыздық сияқты симптомдары байқалады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: айқын мәңгіруге дейінгі ұйқышылдық, сананың шатасуы және бағыттан адасу, нистагм, бас ауыру, тахикардия және гипотензия, балаларда аса жоғары қозу күйі немесе құрысулар, кома. Емі: асқазанды шаю, белсендірілген көмір қабылдау. Қажет болғанда симптоматикалық ем және жүрек қызметін бақылау керек. Қозу жағдайында әсер етуі қысқа барбитураттарды немесе бензодиазепиндерді қолдануға болады.

Арнайы ескертулер Интеркурренттік инфекциялар жағдайында инфекцияларға қарсы спецификалық ем жүргізу керек. Өте сирек жағдайларда – кетотифенмен емделу кезінде құрысулардың пайда болғаны жөнінде мәлімдемелер бар. Кетотифен құрысу шегін төмендететін болғандықтан, оны анамнезінде құрысулары бар пациенттерге аса сақ қолданған жөн. Таблетканың құрамындағы бидай крахмалында глютеннің болар болмас іздері ғана бар болуы мүмкін және целиакиясы бар адамдар үшін қауіпсіз деп есептеледі. Педиатрияда қолдану 6 жастан асқан балалар: күніне 2 рет, таңертең және кешке, тамақтану кезінде 1 таблеткадан (1 мг). Балалар үшін ең жоғары тәуліктік доза - 2 мг.

Егер сіз жүкті болсаңыз немесе бала емізетін болсаңыз, жүкті болуым мүмкін деп ойласаңыз немесе жүктілікті жоспарлап жатсаңыз, осы препаратты қолданар алдында емдеуші дәрігермен немесе дәріхана қызметкерімен кеңесіңіз. Препаратты жүктілік кезінде қолдануға ұсынылмайды. Кетотифен қабылдау кезінде жүкті болып қалсаңыз, дәрігерге хабарлаңыз. Кетотифен емшек сүтіне өтеді, сондықтан оны лактация кезінде қолдану қажет болса, бала емізуді тоқтату туралы мәселені шешу керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кетотифен Софармамен емделудің бас кезінде науқастың реакциясы баяулауы мүмкін, бұл көлік жүргізушілерден және қозғалыстағы механизмдермен жұмыс жасағанда жоғары сақтықты қажет етеді. Қолдану бойынша ұсыныстар

Кетотифенді және диабетке қарсы пероральді дәрілерді бір мезгілде қолданғанда қайтымды тромбоцитопенияның пайда болу қаупі бар. Мұндай пациенттерде тромбоциттер мөлшеріне бақылау жасау қажет. Атропинді, атропинге ұқсас дәрілерді және кетотифенді бірге қолданғанда несептің іркілуі, іш қату, ауыз ішінің құрғауы сияқты жағымсыз дәрілік реакциялардың пайда болу қаупі жоғарылайды. Кетотифен орталық жүйке жүйесін тежейтін басқа да дәрілік заттардың (тыныштандыратын, ұйықтататын) әсерін күшейтуі мүмкін. Оны басқа антигистаминдік дәрілермен бір мезгілде қолдану олардың әсерінің өзара күшеюіне әкелуі мүмкін. Кетотифенмен емдеу кезінде алкогольді тұтынудан аулақ болу керек, өйткені ол кетотифеннің орталық жүйке жүйесіне депрессивтік әсерін күшейтеді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, жарық пен ылғалдан қорғау үшін, 25ºС-ден аспайтын температурада сақтау керек. Балалардың қолы жетпейтін жерде сақтау керек!