Кетотоп® трансдермальный

бұласырдың құрамында белсенді зат – кетопрофен 30.0 мг қосымша заттар: диэтиленгликоль моноэтил эфирі, минералды май, гидрогенделген стирен/метилстирен/инден кополимер, акрилді желімдік 1 ерітінді, акрилді желімдік 2 ерітінді, жоғары молекулалы полиизобутилен, төмен молекулалы полиизобутилен, n-Гексан, изопропил спирті, мата жолағы. Сыртқы түрінің, иісінің, дәмінің сипаттамасы Бұрыштары доғалданған, пішіні тік бұрышты, ақшыл-сарғыш түсті мата негізді және желімді жағымен таңбалануы бар қорғаныш астарына орналастырылған бұласыр.

Келесі аурулар мен симптомдардағы ауырсыну мен қабыну: дегенеративті артрит (остеоартрит), иық периартериті, тендинит, тендосиновит, перитендинит, иық эпикондилиті (теннис шынтағы және т.б.), сондай-ақ шығу тегі бұлшықеттік пен жарақаттан кейінгі ауыру.

Кетотоп бұласыры жергілікті анальгетикалық және қабынуға қарсы (соның ішінде ісінуге қарсы) әсерге иеленген. Әсер ету механизмі Кетотоп бұласыры құрамына кіретін кетопрофен циклооксигеназа ферментінің белсенділігін бәсеңсіту есебінен простагландиндер және лейкотриендер биосинтезін тежейді. Кетопрофен қабыну үдерісінің бірінші (альтерация) және екінші (экссудация) фазасына әсер етеді. Бұдан басқа, кетопрофен брадикинин тежегіші болып табылады (ауырудың және қабынудың химиялық медиаторы), ол осмостық зақымдануға қарсы лизосома жарғақшаларын тұрақтандырады және қабыну реакцияларында тіндер бұзылуын жүргізетін лизосомальді ферменттердің босап шығуына кедергі келтіреді. Буын синдромында буындардың тыныш күйде және қозғалыс жағдайында ауыруының басылуын, «таңғы қозғалыс шектелуінің» азаюын туындатады.

Дозалау режимі Ересектер және 15 жастан асқан балаларға Кетотоп бұласырын дененің ауыратын бөліктеріне күніне 2 рет жабыстырады. Бұласырды терінің зақымданған беткейіне жапсыруға болмайды. Емнің ұзақтығы зақымданудың ауырлығына және сипатына байланысты, бірақ 6 күннен аспауы керек. Бірнеше бұласырды бір мезгілде қолдануға болмайды. Кетотоп бұласырын пероральді қабынуға қарсы стероидты емес препараттармен бірге қосымша ем ретінде пайдалануға болады. Енгізу әдісі мен жолы Сыртқа қолданады. Окклюзиялық таңғыш үшін қолдануға болмайды Емдеу ұзақтығы Емнің ұзақтығы зақымданудың ауырлығына және сипатына байланысты, бірақ 6 күннен аспауы керек Дәрілік препараттың бір немесе бірнеше дозасын өткізіп алған кезде қажетті шаралар Препараттың өткізіп алған дозасын өтеу мақсатында екі рет қолдануға болмайды Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Дәрілік препаратты қолданар алдында дәрігерден немесе фармацевтен кеңес алыңыз

• кетопрофенге немесе қосымша заттардың кез келгеніне аса жоғары сезімталдық • фенофибратқа, тиапрофен қышқылына, безафибратқа, ципрофибратқа, оксибензонға, УК-сәулесі немесе парфюмерия блокаторларына, ацетилсалицил қышқылына немесе басқа да қабынуға қарсы стероидты емес дәрілерге аса жоғары сезімталдық реакциялары (анамнезінде ацетилсалицил қышқылын қабылдауға байланысты бронх демікпесі, есекжем немесе ринит көрсетілуі) • анамнездегі фотосенсибилизация реакциясы • экзема, ылғалданатын дерматит, бұласыр қоятын болжамды орында ашық немесе инфекция жұқтырған жарақат болуы (бұласыр зақымданған теріге қойылмауы тиіс) • күн инсоляциясы, тіпті бұлтты күні де, ем уақытындағы және ол аяқталған соң 2 аптадан кейінгі солярийдегі УК-сәулесінің әсері • бүйрек пен бауырдың ауыр жеткіліксіздігі • ойық жаралы колит, асқазанның және он екі елі ішектің ойық жаралы ауруының өршуі • 15 жасқа дейінгі балалар • жүктілік және бала емізу кезеңі

Жиі емес • эритема, экзема, терінің қышуы, ашытып күйдіру түріндегі жергілікті реакциялар Сирек • есекжем, фотосенсибилизация реакциясы. Қолдану аймағынан асып кетуі немесе жайылған сипатқа ие болуы мүмкін буллезді немесе фликтенулозды экзема сияқты аса ауыр жағымсыз реакциялар жағдайлары Өте сирек • бүйрек жеткіліксіздігі алдындағы нашарлау жағдайлары Белгісіз (қолда бар деректер негізінде бағалау мүмкін емес) • анафилаксиялық шок • ангионевроздық ісіну • аса жоғары сезімталдық реакциялары • пептидтік ойық жара • қолдану орнындағы қабыршақтану • қолдану орнындағы гематома Жекелеген жағымсыз реакциялардың сипаттамасы Асқазан-ішек бұзылыстары • Белсенді ойық жара ауруы немесе күдік туындаған жағдайда емдеуді дереу тоқтату керек Тері реакциялары және енгізу орнындағы жағдайлар • Тері реакциялары, қолдану орнында қабыршақтану және қолдану орнында гематома туралы хабарланды. Кез келген тері реакциясы пайда болған кезде емдеуді дереу тоқтату керек Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препарат артық дозаланғанда терінің тітіркенуі, қышыну, эритема сияқты жағымсыз әсерлердің күшеюі мүмкін. Емі: бұласырды қолдануды тоқтату, теріні сумен мұқият жуу керек.

Құрамында октокрилен бар косметикалық заттар қолданғаннан кейінгі тері реакцияларын қоса, кез келген тері реакциялары пайда болған жағдайда емдеу дереу тоқтатылуы тиіс. Кетотоп бұласырын пайдалану кезінде немесе оны қолданғаннан кейін ауа-райына қарамастан 2 апта бойы ашық ауада болудан аулақ болыңыз Егер сіз сыртқа шықсаңыз, бұл құрал әсер ететін аймақты ультракүлгін сәуленің әсеріне ұшыратпаңыз, оны киіммен, күннен қорғайтын көзілдірікпен, қалпақпен, күннен қорғайтын креммен және т. б. жабыңыз. Ультракүлгін сәулесі ақ немесе жұқа киімге енуі мүмкін болғандықтан, түрлі-түсті киім киіңіз (ультракүлгін сәулелену кезінде немесе одан кейін жарыққа сезімталдық пайда болады). Кетотоп бұласырын бүйректің ауыр жеткіліксіздігінде сақтықпен қолдану керек. Созылмалы аурулар кезінде (дегенеративті артрит (остеоартрит) және т.б.) қолданған жағдайда фармакотерапиядан бөлек басқа емдеу әдістерін қарастыру керек. Сонымен қатар, науқастың жағдайын мұқият қадағалап, жағымсыз реакциялардың көрінісіне назар аудару керек. Бұласырды терінің зақымданған беткейіне, ашық жараға қоюға болмайды. Бұласырды қойғаннан кейін қолды мұқият жуу керек. Бұласырдың иісі жоқ, құрамында бояғыш заттар болмайды, киімде дақ қалдырмайды. Тері тітіркенуі пайда болғанда емді уақытша тоқтату керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Жүктілік кезінде және лактация кезеңінде қолдануға болмайды

Жергілікті қолданғанда Кетотоп бұласырының басқа дәрілік заттармен өзара әрекеттесу ықтималдығы аз. Ацетилсалицил қышқылымен бір мезгілде қабылдау кетопрофеннің плазма ақуыздарымен байланысу дәрежесін азайтады. Кетотоп қандағы метотрексаттың (оның жағымсыз әсерін күшейтеді) концентрациясын жоғарылатады. Айрықша нұсқаулар Окклюзиялық таңу әдісін пайдаланбаңыз Бүйрек функциясы бұзылған пациенттер Бүйректің ауыр жеткіліксіздігі кезінде сақтықпен қолдану керек Педиатрияда қолдану Препаратты 15 жасқа дейінгі балаларға қолдануға болмайды

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!