Клавунат BID порошок 200 мг/28 мг

5 мл суспензияның құрамында белсенді заттар: 241.062 мг амоксициллин тригидраты (200 мг амоксициллинге баламалы), 71.264 мг калий клавуланаты: силоид (1:1) (28,5 мг клавулан қышқылына баламалы) қосымша заттар: гидроксипропилметилцеллюлоза, ксантан шайыры, кристалды натрий сахаринаты, аэросил 200, таңқурай ұнтағы TR 9570. Сыртқы түрінің, иісінің, дәмінің сипаттамасы Сарғыштау-ақ түсті, біртекті, сусымалы, таңқурай иісі бар ұнтақ. Суспензияның сипаттамасы: суспензия сарғыштау-ақ түсті, біркелкі, таңқурай иісі болуы керек.

Клавунат BID келесі инфекцияларды емдеуге арналған: - жедел бактериялық синусит (расталған диагноз кезінде) - ортаңғы жедел отит - созылмалы бронхиттің өршуі (расталған диагноз кезінде) - ауруханадан тыс пневмония - цистит - пиелонефрит - тері мен жұмсақ тіндердің инфекциясы, атап айтқанда целлюлит, жануарлардың тістеуі, жедел абсцестер және жақсүйек-бет аймағының флегмоналары - сүйектер мен буындардың инфекциясы, атап айтқанда остеомиелит. Бактерияға қарсы дәрілерді тиімді қолдану жөніндегі ресми нұсқауларды ескеру керек.

ATХ коды J01CR02 Әсер ету механизмі Амоксициллин бактериялардың жасуша қабырғасының ажырамас құрылымдық компоненті болып табылатын бактериялық пептидогликанның биосинтетикалық метаболизмі процесінде бір немесе бірнеше ферменттерді (көбінесе пенициллинбайланыстырғыш ақуыздар деп аталатын — ПБА) тежейтін жартылай синтетикалық пенициллин (бета-лактамды антибиотик) болып табылады. Пептидогликан синтезінің тежелуі жасуша қабырғасының әлсіреуіне әкеледі, салдары жасушалар лизисі мен өлімі болып табылады. Амоксициллин резистентті бактериялар өндіретін бета-лактамазалардың ыдырауына бейім, сондықтан монотерапиядағы амоксициллиннің белсенділік спектріне осы ферменттерді өндіретін организмдер кірмейді. Клавулан қышқылы құрылымдық жағынан пенициллиндермен тектес бета-лактам болып табылады. Ол бета-лактамазаның кейбір ферменттерінің белсенділігін жояды, осылайша амоксициллин белсенділігінің жойылуын болдырмайды. Монотерапиядағы клавулан қышқылы клиникалық маңызды бактерияға қарсы әсер етпейді. Фармакокинетикалық / фармакодинамикалық байланыс Ең аз тежегіш концентрациядан (T>MIC) асып кету уақыты амоксициллин үшін тиімділіктің негізгі анықтаушы факторы болып саналады. Резистенттілігінің даму механизмі Амоксициллинге/клавулан қышқылына резистенттілік дамуының 2 механизмі бар: • B, C, D кластарын қоса, клавулан қышқылының әсеріне сезімтал емес бактериялық бета-лактамазалармен белсенділігін жою; • пенициллинбайланыстырғыш ақуыздың деформациясы, бұл антибиотиктің микроорганизмге аффинділігінің төмендеуіне әкеледі. Бактерия қабырғасының өткізбеушілігі, сондай-ақ эффлюкс сорғыларының механизмдері, әсіресе грамтеріс микроорганизмдерде резистенттілікті туындатуы немесе дамуына ықпал етуі мүмкін. Бақылау нүктелері Микробқа қарсы сезімталдықты тестілеу жөніндегі еуропалық комитет (EUCAST) белгілеген амоксициллиннің/клавулан қышқылының ең аз тежегіш концентрациясының клиникалық шекаралық мәндері Микроорганизмдер — Сезімталдықтың бақылау нүктелері (мкг/мл) Қабылдағыш — Тұрақты Haemophilus influenzae — ≤ 0.0011 — > 21 Moraxella catarrhalis — ≤ 11 — > 11 Staphylococcus spp. — Ескертпе 2a, 3a, 3b, 4 — Ескертпе 2a, 3a, 3b, 4 Enterococcus spp.7 — ≤ 41, 5 — > 81, 5 A, B, C, G тобындағы стрептококктар2b, 8 (менингиттен басқа көрсетілімдер) — Ескертпе 2b — Ескертпе 2b Streptococcus pneumoniae 8 — ≤ 0.51, 6 — > 11, 6 Enterobacterales асқынбаған НШИ кезінде — ≤ 321 — > 321 Грамтеріс аэробтар — ≤ 41 — > 81 Грамоң анаэробтар (Clostridioides difficile қоспағанда) — ≤ 41 — > 81 Түрге тән емес бақылау нүктелері — ≤ 21 — > 81 Viridans тобының стрептококктары8 — Ескертпе 2a, 9 — Ескертпе 2a, 9 Pasteurella multocida — ≤ 11 — > 11 Burkholderia pseudomallei — ≤ 0.0011 — > 81 1 Сезімталдықты анықтау үшін клавулан қышқылының концентрациясы 2 мг/л деңгейінде белгіленді. 2а Кестедегі бақылау нүктелерінің мәні бензилпенициллиннің бақылау нүктелеріне негізделген. Сезімталдық бензилпенициллинге сезімталдықпен анықталады. 2b А, В, С және G топтарындағы стрептококктардың пенициллиндерге сезімталдығы В тобындағы стрептококктар үшін феноксиметилпенициллиндер мен изоксазолилпенициллиндерді қоспағанда, бензилпенициллинге сезімталдығымен (менингиттен басқа көрсетілімдер) анықталады. 3а Стафилококктардың көпшілігі пенициллиназа өндірушілері, ал кейбіреулері метициллинге төзімді болып келеді. Бұл механизмдердің кез келгені оларды бензилпенициллинге, феноксиметилпенициллинге, ампициллинге, амоксициллинге, пиперациллинге және тикарциллинге төзімді етеді. Бензилпенициллин мен цефокситинге сезімтал стафилококктар барлық пенициллиндерге сезімтал деп танылуы мүмкін. Бензилпенициллинге төзімді, бірақ цефокситинге сезімтал стафилококктар бета-лактамаза тежегіштерінің біріктірілімдеріне, изоксазолилпенициллиндерге (оксациллин, клоксациллин, диклоксациллин және флуклоксациллин) және нафциллинге сезімтал. Препараттарды пероральді қолданған жағдайда инфекцияның орналасқан жерінде жеткілікті экспозициясын қамтамасыз ету үшін сақтық таныту керек. Цефокситинге төзімді стафилококктар барлық пенициллиндерге төзімді. 3b Коагулазонегативті стафилококктардың көпшілігі пенициллиназа өндірушілері, ал оның кейбіреулері метициллинге төзімді болып келеді. Кез келген механизм оларды бензилпенициллинге, феноксиметилпенициллинге, ампициллинге, амоксициллинге, пиперациллинге және тикарциллинге төзімді етеді. Қазіргі таңда коагулазонегативті стафилококктардағы пенициллиназа өндірілуін сенімді түрде анықтаудың қолжетімді әдістері жоқ, бірақ метициллинге резистенттілікті сипатталғандай цефокситиннің көмегімен анықтауға болады. 4 Ампициллинге сезімтал S. saprophyticus mecA-теріс және ампициллинге, амоксициллинге және пиперациллинге сезімтал (бета-лактамаза тежегішімен немесе онсыз) болып келеді. 5 Ампициллинге, амоксициллинге және пиперациллинге (бета-лактамаза тежегішімен немесе онсыз) сезімталдықты ампициллинмен жорамалдауға болады. Ампициллинге резистенттілік E. faecalis сирек кездеседі (ЕТБК көмегімен растау), бірақ E. faecium жиі кездеседі. 6 Бета-лактамдарға резистенттілік механизмдерін болдырмау үшін 1 мкг дозада оксациллинмен жүргізілетін дискілік скринингтік тестіні немесе бензилпенициллинмен жүргізілетін ЕТТК тестін пайдалану керек. Теріс скрининг нәтижесінде (оксациллиннің тежелу аймағы ≥20 мм немесе бензилпенициллиннің ЕТТК ≤0,06 мг/л) клиникалық бақылау нүктелері қолжетімді барлық бета-лактамды препараттар алдағы тестілеуінсіз сезімтал болып саналуы мүмкін. 7 Энтерококктар үшін аминопенициллиннің бақылау нүктелері вена ішіне енгізген кездегі мәліметтерге негізделген. Пероральді қолдану тек несеп шығару жолдарының инфекциялары кезінде қолданылады. 8 Бета-лактамаза тежегішін қосу клиникалық пайда әкелмейді. 9 Бензилпенициллинді (ЕТТК немесе дискілік диффузия) Viridans тобының стрептококктарында бета-лактамдарға төзімділікке скрининг жасау үшін пайдалануға болады. Скрининг нәтижелері бойынша теріс санатқа жатқызылған изоляттар клиникалық бақылау нүктелері көрсетілген бета-лактамды препараттарға сезімтал болуы мүмкін. Скрининг кезінде оң деп жіктелген изоляттар жеке препараттарға сезімталдықтың бар-жоғына тексерілуі керек. Бензилпенициллинге теріс скринингтік нәтижесі бар изоляттар үшін (ЕТБК ≤0,25 мг/л) сезімталдықты бензилпенициллинмен немесе ампициллинмен жорамалдауға болады. Бензилпенициллин-оң изоляттар үшін (ЕТБК >0,25 мг/л) сезімталдық ампициллинмен анықталады. Резистенттіліктің таралуы жеке түрлер үшін географиялық орналасу мен уақытқа байланысты өзгеруі мүмкін. Препаратты тағайындар алдында штаммдардың сезімталдығын мүмкіндігінше жергілікті деректерге сәйкес бағалау қажет. Қажет болса, резистенттіліктің жергілікті таралуы препаратты, ең болмағанда, инфекциялардың кейбір типтерінде қолданудың пайдасы күмәнді болған кезде сарапшыдан кеңес алу керек. Төменде микроорганизмдердің амоксициллиннің клавулан қышқылымен біріктіріліміне in vitro сезімталдығына сәйкес жіктелуі берілген. Қарапайым қабылдағыш түрлер Аэробты грамоң микроорганизмдер Enterococcus faecalis Gardnerella vaginalis Staphylococcus aureus (метициллинге сезімтал)£ Коагулазанегативті стафилококктар (метициллинге сезімтал) Streptococcus agalactiae Streptococcus pneumoniae1 Streptococcus pyogenes және басқа бета-гемолиздік стрептококктар Viridans тобының Streptococcus Аэробты грамтеріс микроорганизмдер Capnocytophaga spp. Eikenella corrodens Haemophilus influenzae2 Moraxella catarrhalis Pasteurella multocida Анаэробты микроорганизмдер Bacteroides fragilis Fusobacterium nucleatum Prevotella spp. Жүре пайда болған төзімділік проблема туындатуы мүмкін түрлер Аэробты грамоң микроорганизмдер Enterococcus faecium$ Аэробты грамтеріс микроорганизмдер Escherichia coli Klebsiella oxytoca Klebsiella pneumoniae Proteus mirabilis Proteus vulgaris Табиғи резистенттілігі бар түрлер Аэробты грамтеріс микроорганизмдер Acinetobacter sp. Citrobacter freundii Enterobacter sp. Legionella pneumophila Morganella morganii Providencia spp. Pseudomonas sp. Serratia sp. Stenotrophomonas maltophilia Басқа микроорганизмдер Chlamydophila pneumoniae Chlamydophila psittaci Coxiella burnetti Mycoplasma pneumoniae $ Жүре пайда болған резистенттілік механизмі болмаған кезде табиғи аралық сезімталдық £ Метициллинге резистентті барлық стафилококктар амоксициллинге/ клавулан қышқылына төзімді болып келеді 1 Пенициллинге төзімді Streptococcus pneumoniae амоксициллиннің/клавулан қышқылының осы түрімен емдемеу керек (4.2 және 4.4 бөлімдерін қараңыз). 2 Сезімталдығы төмен штаммдар ЕО-ның кейбір елдерінде 10% - дан жоғары жиілікте тіркелді.

Дозалау режимі Дозаның әрбір компоненті үшін жеке көрсетілетін жағдайларды қоспағанда, доза біріктірілімдегі амоксициллин мен клавулан қышқылының мөлшерлік бірліктерінде көрсетіледі. Клавунат BID препаратының дозасын таңдағанда келесі факторларды ескеру керек: - ықтимал патогендер және олардың бактерияға қарсы препараттарға күтілетін сезімталдығы - инфекцияның ауырлық дәрежесі және орналасуы - пациенттің жас шамасы, дене салмағы және бүйрек функциясының жағдайы. Қажет болса, Клавунат препаратының баламалы дәрілік түрлерін (мысалы, амоксициллиннің ең жоғары дозаларын және/немесе амоксициллин мен клавулан қышқылының әртүрлі арақатынасын қамтамасыз ететіндер) қолдануды қарастырған жөн. Ересектер мен дене салмағы ≥40 кг балаларды емдеу үшін ересектерге арналған Клавунат препаратының басқа дәрілік түрлерін қолдану керек. Балалар Дене салмағы 40 кг-ден аз балалар үшін Клавунат BID 200/28 мг препаратының бұл құрамы төмендегі нұсқауларға сәйкес қолданған кезде 1000 - 2800 мг амоксициллиннің және 143-400 мг клавулан қышқылының ең жоғарғы тәуліктік дозасын қамтамасыз етеді. Егер амоксициллиннің ең жоғары тәуліктік дозасын қабылдау туралы шешім қабылданса, клавулан қышқылының шамадан тыс жоғары тәуліктік дозаларын енгізбеу үшін басқа Клавунат препаратын таңдау ұсынылады. Емнің ұзақтығы пациенттің жүргізілетін емдеуге реакциясымен анықталуы керек. Кейбір инфекциялар (мысалы, остеомиелит) ұзағырақ емдеуді қажет етеді. Емдеу клиникалық жағдайды қайта қарастырмай 14 күннен аспауы керек (ұзартылған емдеуге қатысты 4.4 бөлімін қараңыз). Дене салмағы < 40 кг балалар Ұсынылатын дозалар: • Төмен доза: тәулігіне 25 мг/ 3,6 мг/кг-ден 45 мг/6,4 мг/кг-ге дейін, екі қабылдауға бөлінген; • Жоғары доза: кейбір инфекцияларды емдеу үшін (ортаңғы отит, синусит және төменгі тыныс алу жолдарының инфекциясы сияқты) тәулігіне 45 мг/ 6,4 мг/кг-ден тәулігіне 70 мг/10 мг/кг-ге дейін екі қабылдауға бөлінген дозаны қолдануға болады. Дене салмағы (кг) Тәулігіне 25 мг/3,6 мг/кг Әрбір 12 сағат сайын қабылдау үшін мл-дегі доза Тәулігіне 45 мг/6,4 мг/кг Әрбір 12 сағат сайын қабылдау үшін мл-дегі доза Тәулігіне 70 мг/10 мг/кг Әрбір 12 сағат сайын қабылдау үшін мл-дегі доза 4,0 1,4 2,4 ҰМ 5,0 1,6 2,8 ҰМ 6.0 2,0 3,4 ҰМ 7.0 2.2 4,0 ҰМ 8,0 2,6 4.6 ҰМ 9,0 2,8 5,2 ҰМ 10,0 3,2 5.6 ҰМ 11,0 3,4 6,2 ҰМ 12,0 3,8 6,8 10,6 13,0 4.2 7,4 11,4 14,0 4,4 8,0 12,4 15,0 4,8 8,4 13,2 16,0 5,0 9,0 14,0 17,0 5,4 9,6 15.0 18,0 5,6 10,2 15,8 19,0 6,0 10,8 16,6 20.0 6,4 11,4 17,6 21,0 6,6 11,8 18,4 — Дене салмағы (кг) Тәулігіне 25 мг/3,6 мг/кг Әрбір 12 сағат сайын қабылдау үшін мл-дегі доза Тәулігіне 45 мг/6,4 мг/кг Әрбір 12 сағат сайын қабылдау үшін мл-дегі доза Тәулігіне 70 мг/10 мг/кг Әрбір 12 сағат сайын қабылдау үшін мл-дегі доза 22,0 7,0 12,4 19,4 23,0 7,2 13,0 20,2 24,0 7,6 13,6 21,0 25,0 7,8 14,2 22,0 26,0 8,2 14,6 22,8 27,0 8,4 15,2 23,6 28,0 8,8 15,8 24,6 29,0 9,2 16,4 25,4 30,0 9,4 17,0 26,4 31,0 9,8 17,4 27,2 32,0 10,0 18.0 28,0 33,0 10,4 18,6 29,0 34,0 10,6 19,2 29,8 35,0 11,0 19,8 30,6 36,0 11,4 20,4 31,6 37,0 11,6 20,8 32,4 38,0 12,0 21,4 33,4 39,0 12,2 22,0 34,2 Дене салмағы (кг) — Тәулігіне 25 мг/3,6 мг/кг Әрбір 12 сағат сайын қабылдау үшін мл-дегі доза — Тәулігіне 45 мг/6,4 мг/кг Әрбір 12 сағат сайын қабылдау үшін мл-дегі доза — Тәулігіне 70 мг/10 мг/кг Әрбір 12 сағат сайын қабылдау үшін мл-дегі доза 4,0 — 1,4 — 2,4 — ҰМ 5,0 — 1,6 — 2,8 — ҰМ 6.0 — 2,0 — 3,4 — ҰМ 7.0 — 2.2 — 4,0 — ҰМ 8,0 — 2,6 — 4.6 — ҰМ 9,0 — 2,8 — 5,2 — ҰМ 10,0 — 3,2 — 5.6 — ҰМ 11,0 — 3,4 — 6,2 — ҰМ 12,0 — 3,8 — 6,8 — 10,6 13,0 — 4.2 — 7,4 — 11,4 14,0 — 4,4 — 8,0 — 12,4 15,0 — 4,8 — 8,4 — 13,2 16,0 — 5,0 — 9,0 — 14,0 17,0 — 5,4 — 9,6 — 15.0 18,0 — 5,6 — 10,2 — 15,8 19,0 — 6,0 — 10,8 — 16,6 20.0 — 6,4 — 11,4 — 17,6 21,0 — 6,6 — 11,8 — 18,4 Дене салмағы (кг) — Тәулігіне 25 мг/3,6 мг/кг Әрбір 12 сағат сайын қабылдау үшін мл-дегі доза — Тәулігіне 45 мг/6,4 мг/кг Әрбір 12 сағат сайын қабылдау үшін мл-дегі доза — Тәулігіне 70 мг/10 мг/кг Әрбір 12 сағат сайын қабылдау үшін мл-дегі доза 22,0 — 7,0 — 12,4 — 19,4 23,0 — 7,2 — 13,0 — 20,2 24,0 — 7,6 — 13,6 — 21,0 25,0 — 7,8 — 14,2 — 22,0 26,0 — 8,2 — 14,6 — 22,8 27,0 — 8,4 — 15,2 — 23,6 28,0 — 8,8 — 15,8 — 24,6 29,0 — 9,2 — 16,4 — 25,4 30,0 — 9,4 — 17,0 — 26,4 31,0 — 9,8 — 17,4 — 27,2 32,0 — 10,0 — 18.0 — 28,0 33,0 — 10,4 — 18,6 — 29,0 34,0 — 10,6 — 19,2 — 29,8 35,0 — 11,0 — 19,8 — 30,6 36,0 — 11,4 — 20,4 — 31,6 37,0 — 11,6 — 20,8 — 32,4 38,0 — 12,0 — 21,4 — 33,4 39,0 — 12,2 — 22,0 — 34,2 ҰМ - ұсынылмайды. Амоксициллиннің клавулан қышқылына қатынасы 7:1 болатын Клавунат BID препаратын 2 жасқа дейінгі балаларда тәулігіне 45 мг/6,4 мг-ден жоғары дозаларға қатысты қолдану туралы клиникалық деректер жоқ. Сондай-ақ, 2 айдан кіші балаларға арналған амоксициллин мен клавулан қышқылының 7:1 қатынасы бар Клавунат BID препаратының клиникалық деректері жоқ. Осылайша, аталған қауым үшін дозалау бойынша ұсынымдар беру мүмкін емес. Дозалау бойынша ұсынымдарды сақтау үшін Клавунат препаратының ішке қабылдауға арналған баламалы дәрілік түрлерін қарастыру қажет. Балаларда препаратты таблетка, суспензия немесе педиатриялық саше түрінде қолдану ұсынылады. 6 жастағы және одан кіші балаларға Клавунат препаратын суспензия түрінде қолдану ұсынылады. Пациент тәулігіне екі рет қабылдауы тиіс дозаны (мл) келесі формула бойынша да есептеуге болады: Тәулігіне екі рет енгізілетін доза (мл) — = — Амоксициллиннің ұсынылатын дозасы* (тәулігіне мг/кг) х дене салмағы (кг) Амоксициллин дозасы* дайын суспензияда (мг/мл) х 2 (бөлек дозалар) * Бұл есептеу үшін тек амоксициллин компонентін ескеру қажет. Мысалы, препаратты тәулігіне 25 мг/3,6 мг/кг дозада қабылдайтын салмағы 14 кг бала: Тәулігіне екі рет енгізілетін доза (мл) — = — 25 (мг/кг/тәулігіне х 14 (кг)__ 40 (мг/мл) х 2 (бөлек дозалар) Тәулігіне екі рет енгізілетін доза (мл) — = — 350 мг__ 80 мг / мл Тәулігіне екі рет енгізілетін доза (мл) — = — 4,4 мл Пациенттердің ерекше топтары Егде жастағы пациенттер Дозаны түзету қажет емес. Бүйрек жеткіліксіздігі бар пациенттер Креатинин клиренсі 30 мл/мин және одан көп балаларда дозаны түзету қажет емес. Креатинин клиренсі 30 мл/мин аз балаларда амоксициллин мен клавулан қышқылының арақатынасы 7:1 болатын Клавунат BID препаратын қолдану дозаны түзету бойынша нұсқаулардың болмауына байланысты ұсынылмайды. Бауыр жеткіліксіздігі бар пациенттер Препаратты бауыр жеткіліксіздігі бар пациенттерде қолданған кезде сақ болу ұсынылады, сондай-ақ бауыр функциясына тұрақты мониторинг жасау қажет. Бұл пациенттерде препаратты дозалау жөнінде нұсқаулар жоқ. Енгізу әдісі мен жолы Ішке қабылдауға арналған. Клавунат BID асқазан-ішек жолының ықтимал бұзылуларын азайту үшін тамақтану кезінде қабылдау керек. Препаратты тәулігіне екі рет қабылдау керек. Әр қабылдар алдында пероральді суспензияны жақсылап шайқау керек. Суспензияны дайындау әдісі • Пероральді суспензияны дайындау үшін құтының сызықпен белгіленген шамамен 2/3 бөлігіне дейін су қосып, біртекті суспензия алу үшін құтыны сілку керек (суспензияны дайындау үшін алдын ала қайнатылған және салқындатылған суды пайдалану ұсынылады). • Ұнтақтың біркелкі таралуын қамтамасыз ету үшін суспензияны 5 минутқа қою керек. • Құтыға суды (1/3) құтыдағы белгіленген сызыққа дейін қосып, құтыны қайта сілку керек. 4. Препараттың ұсынылған мөлшерін алу үшін сыйымдылығы 5 мл қасықты пайдалану керек. Қабылдар алдында құтының ішіндегісін біртекті суспензия алынғанша мұқият шайқау керек. Дәрілік препараттың бір немесе бірнеше дозасын өткізіп алу кезіндегі қажетті шаралар Дозаны өткізіп алған жағдайда, препараттың дозасын есіне түсірген бойда қабылдау керек. Келесі дозаны тым ерте қабылдауға болмайды, келесі дозаны қабылдау үшін шамамен 4 сағат күту қажет. Өткізіп алған дозаның орнын толтыру үшін екі есе дозаны қабылдамау керек. Тоқтату синдромы қаупінің болуына көрсетілім Препаратты емдеуші дәрігер көрсеткен уақыт ішінде қабылдауды жалғастыру керек. Препаратты қабылдауды, тіпті көңіл-күй жақсарған жағдайда да тоқтатуға болмайды. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар Осы дәрілік препаратты қолдану жөнінде қосымша сауалдар туындағанда дәрігерге хабарласу керек.

- әсер етуші заттарға, пенициллиндерге немесе қосымша заттардың кез келгеніне аса жоғары сезімталдық • анамнезіндегі басқа бета-лактамды антибиотиктерге (цефалоспориндерге, карбапенемдерге немесе монобактамдарға) аса жоғары сезімталдықтың шұғыл типті ауыр реакциясы (мысалы, анафилаксия) • ауыр реакциясы • анамнезіндегі амоксициллин/ клавулан қышқылы біріктірілімін қабылдау аясында дамыған сарғаю немесе бауыр функциясының бұзылуы

Жиі (≥1/100-ден < 1/10-ға дейін) • тері және шырышты жамылғылардың кандидозы • диарея, жүрек айну, құсу. Жүрек айну ең жоғары дозаларды пероральді қабылдаған кезде жиірек туындайды. Асқазан-ішек жолының бұзылуларын азайту үшін препаратты тамақтану басында қабылдау керек. Жиі емес (≥1/1000-нан < 1/100-ге дейін) • бас айналу, бас ауыру • асқорытудың бұзылуы • бауыр ферменттері АЛТ/АСТ деңгейінің жоғарылауы • тері бөртпесі, қышыну, есекжем Сирек (≥1/10000 <1/1000 дейін) • қайтымды лейкопения (нейтропенияны қоса), тромбоцитопения • мультиформалы эритема Белгісіз (қолда бар деректер негізінде бағалау мүмкін емес) - сезімтал емес микроорганизмдердің өсуі -қайтымды агранулоцитоз, гемолиздік анемия, қан кету уақыты мен протромбин уақытының ұзаруы -ангионевроздық ісіну, анафилаксия, сарысу құю ауруы, аллергиялық васкулит - қайтымды жоғары белсенділік, бүйрек функциясы бұзылған пациенттерде немесе жоғары доза қабылдайтын пациенттерде туындауы мүмкін құрысулар - асептикалық менингит - Коунис синдромы (аллергиялық коронарлық синдром) • антибиотиктерді қолдану нәтижесіндегі колит (жалғанжарғақшалы және геморрагиялық колитті қоса), қара «түкті» тіл, тіс эмалі түсінің өзгеруі. Балаларда тістер түсінің өзгергені өте сирек хабарланды. Ауыз қуысының мұқият гигиенасы тістер түсінің өзгеруінің алдын алуға көмектеседі, өйткені әдетте өңезді тазалаумен кетіруге болады. • дәрілік препарат индукциялаған энтероколит синдромы, жедел панкреатит - гепатит, холестаздық сарғаю, бұл құбылыстар басқа пенициллиндер мен цефалоспориндерді қолданғанда байқалды. Бауыр тарапынан бұзылулар дамығаны туралы негізінен еркектер мен егде пациенттерде хабарланды, олар препаратты ұзақ қолданумен байланысты болуы мүмкін. Бұл құбылыстар балаларда сирек байқалды. Белгілер мен симптомдар әдетте емдеу кезінде немесе тоқтатқаннан кейін көп ұзамай туындады, бірақ кейбір жағдайларда емдеу аяқталғаннан кейін бірнеше апта ішінде көрінуі мүмкін. Олар әдетте қайтымды. Бауырдың бұзылулары ауыр болуы мүмкін және өте сирек жағдайларда өліммен аяқталу хабарланды. Олар әрдайым дерлік ауыр аурулары бар пациенттерде немесе бауыр тарапынан жағымсыз реакцияларды туындататын препараттарды бір мезгілде қабылдаған пациенттерде тіркелді. - Стивенс-Джонсон синдромы, уытты эпидермалық некролиз, буллезді эксфолиативті дерматит, жедел жайылған экзантематозды пустулез (AGEP), IgA тәуелді тізбектік дерматоз, дәрі-дәрмекпен астасқан симметриялы интертригинозды және бүгілген жерлердегі экзантема (SDRIFE) (бабуин синдромы). - эозинофилиямен және жүйелік симптомдармен байқалатын дәрілік реакция (DRESS синдром). Аса жоғары сезімталдық реакциясы мен дерматит дамыған жағдайда емдеуді тоқтату керек. -интерстициялық нефрит, кристаллурия (бүйректің жедел зақымдануын қоса) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: асқазан-ішек жолының бұзылыстары және су-электролит теңгерімінің бұзылуы дамуы мүмкін. Бүйрек функциясы бұзылған пациенттерде немесе жоғары дозаларды қабылдағанда құрысулар туындауы мүмкін. Кейбір жағдайларда амоксициллин қабылдаған кезде туындайтын және кейбір жағдайларда бүйрек жеткіліксіздігінің дамуына әкелетін кристаллурия байқалды. Бүйрек функциясы бұзылған пациенттерде және жоғары дозаларды қабылдайтын пациенттерде құрысулар туындауы мүмкін. Амоксициллин қуық катетерінде, негізінен препараттың жоғары дозаларын вена ішіне енгізгеннен кейін шөгуі мүмкін. Катетерлердің өткізгіштігін үнемі тексеріп отыру керек. Емі: симптоматикалық ем жүргізу, су-электролит теңгерімін түзету. Амоксициллинді/клавулан қышқылын гемодиализдің көмегімен қанағымнан шығаруға болады.

Клавунат BID препаратымен емдеуді бастамас бұрын пенициллиндерге, цефалоспориндерге немесе басқа бета-лактамды антибиотиктерге алдындағы аса жоғары сезімталдық реакцияларына қатысты анамнезін мұқият жинау қажет. Пенициллин қабылдайтын пациенттерде ауыр және кейде өлімге әкелетін аса жоғары сезімталдық реакциялары (анафилактоидты және терінің ауыр жағымсыз реакцияларын қоса) сипатталған. Аса жоғары сезімталдық реакциялары сонымен қатар миокард инфарктісіне әкелуі мүмкін ауыр аллергиялық реакция Коунис синдромына дейін үдеуі мүмкін. Бұл реакциялар анамнезінде пенициллинге аса жоғары сезімталдығы бар пациенттерде, сондай-ақ атопиялық жағдайлары бар пациенттерде жиірек туындайды. Егер аллергиялық реакция туындаса, Клавунат BID препаратымен емдеуді тоқтатып, тиісті баламалы емді тағайындау керек. Дәрілік индукцияланған энтероколит синдромы (DIES) көбінесе амоксициллин/клавуланат қабылдаған балаларда байқалды. DIES – терінің аллергиялық немесе респираторлық симптомдары болмаған кезде негізгі симптомы ұзаққа созылған құсу болып келетін аллергиялық реакция (препаратты қолданғаннан кейін 1-4 сағаттан соң). Қосымша симптомдары іштің ауыруын, диареяны, гипотензияны немесе нейтрофилиямен көрінетін лейкоцитозды қамтуы мүмкін. Шокқа дейін үдеуді қоса, ауыр жағдайлар байқалды. Егер инфекция амоксициллинге сезімтал микроорганизмдер туындатқаны дәлелденген жағдайда, ресми нұсқауларға сәйкес амоксициллиннен/ клавулан қышқылынан амоксициллинге ауысу мүмкіндігін қарастырған жөн. Клавунат препаратының бұл дәрілік түрі болжамды патогендердің бета-лактамды препараттарға төзімділігі жоғары, яғни клавулан қышқылының тежелуіне сезімтал бета-лактамазалармен жанамаласпау қаупі жоғары болған кезде қолдануға жарамсыз болып келеді. Препараттың бұл түрін пенициллинге резистентті S. pneumoniae емдеу үшін қолдануға болмайды. Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысулар туындауы мүмкін. Егер инфекциялық мононуклеозға күмән болса, Клавунат BID препаратын қабылдамау керек, өйткені амоксициллинді қолданғаннан кейін де байқалатын инфекциялық мононуклеоз туындатқан қызылша тәрізді бөртпе пайда болуы мүмкін. Амоксициллинмен емдеген кезде аллопуринолды бір мезгілде қабылдау терінің аллергиялық реакцияларының туындау ықтималдығын арттырады. Жекеленген жағдайларда ұзақ уақыт қолдану сезімтал емес микроорганизмдердің шамадан тыс көбеюіне әкелуі мүмкін. Пустулалардың пайда болуымен байланысты қызбамен көрінетін жайылған эритеманың емдеудің басында туындауы жедел жайылған экзантематозды пустулездің (AGEP) симптомы болуы мүмкін. Бұл реакция Клавунат BID препаратын қолдануды тоқтатуды талап етеді және болашақта амоксициллинді кейін қолдануға қарсы көрсетілім болып табылады. Бауыр функциясының бұзылу белгілері бар пациенттерде амоксициллинді/клавулан қышқылын сақтықпен қолдану керек. Бауыр тарапынан бұзылулар туралы негізінен еркектер мен егде жастағы пациенттерде хабарланды, олар ұзақ мерзімді емдеуге байланысты болуы мүмкін. Аталған бұзылулар балаларда өте сирек хабарланды. Пациенттердің барлық топтарында симптомдар, әдетте, емдеу кезінде немесе одан кейін көп ұзамай туындайды, бірақ сирек жағдайларда емдеу аяқталғаннан кейін бірнеше аптадан кейін ғана пайда болуы мүмкін. Ондай құбылыстар, әдетте, қайтымды. Бауыр тарапынан бұзылулар ауыр, өте сирек жағдайларда өлімге әкелуі мүмкін. Ондай құбылыстар әрдайым дерлік ауыр негізгі ауруы бар пациенттерде немесе бауырға белгілі ықтимал жағымсыз әсері бар препараттарды бір мезгілде қабылдаған пациенттерде байқалды. Амоксициллинді қоса, бактерияға қарсы барлық дерлік препараттарды қолданғанда антибиотикотерапиямен байланысты жалғанжарғақшалы колиттің дамығаны туралы хабарланды және оның ауырлығы жеңілден өмірге қауіп төндіретінге дейін өзгеруі мүмкін. Сондықтан диареясы бар пациенттерде бұл патологияның туындау ықтималдылығын есте ұстаған жөн. Егер антибиотикпен астасқан колит туындаса, Клавунат BID препаратын қолдануды дереу тоқтату керек, көмекке жүгініп, тиісті емдеуді бастау керек. Бұл жағдайда перистальтиканы басатын препараттарды қолдануға болмайды. Клавунат BID бүйрек немесе бауыр функциясы бұзылған пациенттерді емдегенде сақтықпен қолдану керек. Ұзақ мерзімді ем кезінде бауыр, бүйрек және қан түзу функцияларын мезгіл-мезгіл бағалау керек. Амоксициллинді/клавулан қышқылын қабылдаған пациенттерде сирек жағдайларда протромбин индексінің жоғарылағаны байқалды. Антикоагулянттарды бір мезгілде қолданған кезде тиісті бақылау жүргізілуі керек. Антикоагуляцияның қажетті деңгейін ұстап тұру мақсатында пероральді антикоагулянттардың дозасын түзету қажет болуы мүмкін. Бүйрек функциясы бұзылған пациенттерге дозаны бұзылу дәрежесіне қарай түзету керек. Диурезі төмендеген пациенттерде кристаллурия (бүйректің жедел жеткіліксіздігін қоса), негізінен парентеральді ем кезінде өте сирек байқалды. Амоксициллиннің жоғары дозаларын қабылдаған кезде сұйықтықтың жеткілікті көлемін қабылдау керек және амоксициллинмен байланысты кристаллурияның даму ықтималдығын азайту үшін талапқа сай диурезді демеу керек. Қуық катетеризациясы бар пациенттерде катетердің өткізгіштігін үнемі тексеріп отыру керек. Амоксициллинмен емдеген кезде несептегі глюкозаның бар-жоғын тексергенде глюкооксидазаны анықтаудың ферменттік әдістерін қолдану керек, өйткені ферменттік емес әдістерді қолданғанда жалған оң нәтижелер алу мүмкіндігі бар. Клавунат BID препаратында клавулан қышқылының болуы IgG мен альбуминнің эритроциттер жарғақшаларымен спецификалық емес байланысуына әкелуі мүмкін, бұл Кумбс сынамасының жалған оң нәтижелеріне әкелуі мүмкін. Амоксициллинді/клавулан қышқылын қабылдаған және салдарынан Aspergillus туындатқан инфекция жоқ екені расталған пациенттерде Bio-Rad Laboratories шығарған Platelia Aspergillus қолдану арқылы ферменттік иммундық талдаудың оң нәтижелері туралы хабарламалар болды. Bio-Rad Laboratories шығарған Platelia Aspergillus пайдалану арқылы ферменттік иммундық талдау жүргізгенде Aspergillus жатпайтын полисахаридтермен және полифураноздармен айқаспалы реакциялар туралы хабарланды. Сондықтан амоксициллинмен/ клавулан қышқылымен ем алған пациенттердегі оң талдау нәтижелерін сақтықпен түсіндіріп, басқа диагностикалық әдістермен растау керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралдарын басқару қабілетіне және механизмдермен жұмыс істеу қабілетіне әсері туралы зерттеулер жүргізілген жоқ. Дегенмен, пациенттерді аталған әрекет түрлеріне әсер етуі мүмкін ықтимал жағымсыз құбылыстар (мысалы, аллергиялық реакциялар, бас айналу, құрысулар) туралы хабардар ету керек.

Жүктілік Жүктілік кезінде Клавунат BID қолданудың шектеулі деректері препараттың жүктілік ағымына немесе шарананың/жаңа туған нәрестенің дамуына тигізетін жағымсыз әсерін анықтаған жоқ. Қағанағы мерзімінен бұрын жарылған (pPROM) әйелдердің қатысуымен жүргізілген бір зерттеуде Клавунат BID препаратын профилактикалық қолдану жаңа туған нәрестелерде некроздық энтероколиттің даму қаупінің жоғарылауымен байланысты болуы мүмкін екендігі хабарланды. Басқа дәрілік препараттар жағдайындағыдай, жүктілік кезінде қолданудан аулақ болу керек, егер дәрігер оны қажет деп санайтын жағдайлардан басқа. Бала емізу Препараттың екі әсер етуші заты да емшек сүтімен бірге шығады (клавулан қышқылының емшектегі балаларға әсері туралы деректер жоқ). Демек, бала емізген кезде сәбилерде диарея мен шырышты қабықтардың зең инфекциясының даму ықтимальдығы бар, осылайша ондай жағдайларда бала емізуді тоқтату керек. Клавунат BID препаратын бала емізген кезде емдеуші дәрігердің пайда-қауіп арақатынасын бағалағаннан кейін ғана қолдану керек. Қосымша заттар туралы ерекше ақпарат Бұл препараттың құрамында бір дозасына 1 ммольден аз (23 мг) натрий бар, яғни іс жүзінде құрамында натрий жоқ.

Пероральді антикоагулянттар Практикада пероральді антикоагулянттар мен пенициллин қатарындағы антибиотиктер кеңінен қолданылады, бірақ олардың бір-бірімен өзара әрекеттесуі туралы хабарламалар тіркелген жоқ. Алайда, аценокумарол немесе варфарин қабылдаған және амоксициллинмен емдеу курсы тағайындалған пациенттерде халықаралық қалыптасқан қатынастың жоғарылаған жағдайлары сипатталған. Егер осы препараттарды бір мезгілде қолдану қажет болса, амоксициллинді қосқанда немесе тоқтатқанда протромбин уақытын немесе халықаралық қалыптасқан қатынасты мұқият бақылау керек. Бұдан бөлек, пероральді антикоагулянттардың дозасын түзету қажет болуы мүмкін. Метотрексат. Пенициллиндер метотрексаттың шығарылуын төмендетуі мүмкін, бұл уыттылықтың ықтимал жоғарылауын туындатады. Пробенецид Пробенецидті бір мезгілде қолдану ұсынылмайды. Пробенецид амоксициллиннің бүйректің өзекшелік секрециясын төмендетеді. Пробенецидті бір мезгілде қолдану қандағы амоксициллиннің (бірақ клавулан қышқылының емес) деңгейі мен болу ұзақтығының жоғарылауына әкелуі мүмкін. Микофенолат мофетил Микофенолат мофетилмен ем алатын пациенттерде клавулан қышқылымен пероральді амоксициллинді қолдануды бастағаннан кейін микофенол қышқылының белсенді метаболитінің дозаға дейінгі концентрациясы шамамен 50% - ға төмендеуі мүмкін. Дозаға дейінгі деңгейдің бұл өзгеруі микофенол қышқылының жалпы экспозициясының өзгеруіне толық сәйкес келмеуі мүмкін. Демек, трансплантат дисфункциясының клиникалық растамасы болмаса, микофенолат мофетил дозасын өзгерту әдетте қажет емес. Дегенмен, біріктірілімді қолданғанда және антибиотиктермен емдеуден кейін көп ұзамай мұқият мониторинг жүргізу қажет.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде 25 ºС-ден аспайтын температурада сақтау керек. Дайындалған суспензияны тоңазытқышта (2 – 8 °C) 7 күн (70 мл үшін) және 10 күн (100 мл үшін) бойы сақтау керек. Балалардың қолы жетпейтін жерде сақтау керек! Мұздатып қатыруға болмайды!