Клавунат ES порошок 600 мг/42.9 мг

5 мл суспензияның құрамында белсенді заттар: 723,186 мг амоксициллин тригидраты (600 мг амоксициллинге баламалы), 107,271 мг калий клавуланаты: силоид (1:1) (42,9 мг клавулан қышқылына баламалы) қосымша заттар: гидроксипропилметилцеллюлоза, ксантан шайыры, кристалды натрий сахаринаты, аэросил 200, таңқурай ұнтағы Сыртқы түрінің, иісінің, дәмінің сипаттамасы Сарғыштау-ақ түсті, біртекті, сусымалы, таңқурай иісі бар ұнтақ. Суспензия сарғыштау-ақ түсті, біркелкі, таңқурай иісі болуы керек.

Клавунат ES пенициллинге резистентті Streptococcus pneumoniae болжамды туындатқан немесе туындатқан 3 айлық және салмағы 40 кг-ге дейінгі балалардағы келесі инфекцияларды емдеуге арналған: - ортаңғы жедел отит - ауруханадан тыс пневмония Бактерияға қарсы дәрілерді тиімді қолдану жөніндегі ресми нұсқауларды ескеру керек.

ATХ коды J01CR02 Әсер ету механизмі Амоксициллин бактериялардың жасуша қабырғасының ажырамас құрылымдық компоненті болып табылатын бактериялық пептидогликанның биосинтетикалық метаболизмі процесінде бір немесе бірнеше ферменттерді (көбінесе пенициллинбайланыстырғыш ақуыздар деп аталатын — ПБА) тежейтін жартылай синтетикалық пенициллин (бета-лактамды антибиотик) болып табылады. Пептидогликан синтезінің тежелуі жасуша қабырғасының әлсіреуіне әкеледі, салдары жасушалар лизисі мен өлімі болып табылады. Амоксициллин резистентті бактериялар өндіретін бета-лактамазалардың ыдырауына бейім, сондықтан монотерапиядағы амоксициллиннің белсенділік спектріне осы ферменттерді өндіретін организмдер кірмейді. Клавулан қышқылы құрылымдық жағынан пенициллиндермен тектес бета-лактам болып табылады. Ол бета-лактамазаның кейбір ферменттерінің белсенділігін жояды, осылайша амоксициллин белсенділігінің жойылуын болдырмайды. Монотерапиядағы клавулан қышқылы клиникалық маңызды бактерияға қарсы әсер етпейді. Фармакокинетикалық / фармакодинамикалық байланыс Ең аз тежегіш концентрациядан (T>MIC) асып кету уақыты амоксициллин үшін тиімділіктің негізгі анықтаушы факторы болып саналады. Резистенттілігінің даму механизмі Амоксициллинге/клавулан қышқылына резистенттілік дамуының 2 механизмі бар: • B, C, D кластарын қоса, клавулан қышқылының әсеріне сезімтал емес бактериялық бета-лактамазалармен белсенділігін жою; • пенициллинбайланыстырғыш ақуыздың деформациясы, бұл антибиотиктің микроорганизмге аффинділігінің төмендеуіне әкеледі. Бактерия қабырғасының өткізбеушілігі, сондай-ақ эффлюкс сорғыларының механизмдері, әсіресе грамтеріс микроорганизмдерде резистенттілікті туындатуы немесе дамуына ықпал етуі мүмкін. Бақылау нүктелері Микробқа қарсы сезімталдықты тестілеу жөніндегі еуропалық комитет (EUCAST) белгілеген амоксициллиннің/клавулан қышқылының ең аз тежегіш концентрациясының клиникалық шекаралық мәндері Микроорганизмдер — Сезімталдықтың бақылау нүктелері (мкг/мл) Қабылдағыш ≤ — Тұрақты > Несеп шығару жолдарының асқынбаған инфекциялары кезінде Enterobacteriaceae — 32 1 — 32 1 Staphylococcus spp. — Ескертпе 2, 3, 4 — Ескертпе 2, 3, 4 Enterococcus spp.5 — 4 1, 6 — 8 1, 6 Стрептококктардың А, В, С және G топтары7 — Ескертпе 8 — Ескертпе 8 Streptococcus pneumoniae 7 — 0,5 1 — 1 1 Viridans тобының Streptococcus7 — Ескертпе 9, 10 — Ескертпе 9, 10 Haemophilus influenzae — 0,001 1 — 2 1 Moraxella catarrhalis — 1 1 — 1 1 Pasteurella multocida — 1 1 — 1 1 Burkholderia pseudomallei — 0,001 1 — 8 1 Түрге тән емес бақылау нүктелері — 2 1 — 8 1 1 Сезімталдықты анықтау үшін клавулан қышқылының концентрациясы 2 мг/л деңгейінде анықталды. 2 S. aureus көп бөлігі пенициллиназаны өндіреді, ал кейбіреулері метициллинге төзімді. Бұл механизмдердің әрқайсысы оларды бензилпенициллинге, феноксиметилпенициллинге, ампициллинге, амоксициллинге, пиперациллинге және тикарциллинге төзімді етеді. Бензилпенициллин мен цефокситинге сезімталдықты анықтау үшін тексерілетін изоляттар барлық пенициллиндерге сезімтал деп тіркелуі мүмкін. Бензилпенициллинге төзімді, бірақ цефокситинге сезімтал изоляттар бета-лактамдардың бета-лактамазалар тежегішімен, изоксазолилпенициллиндермен (оксациллин, клоксациллин, диклоксациллин және флуклоксациллин) және нафциллинмен біріктіріліміне сезімтал. Препараттарды пероральді қабылдаған жағдайда инфекция орныққан жерде жеткілікті экспозицияны қамтамасыз ету қажет. Цефокситинге төзімді изоляттар барлық пенициллиндерге төзімді.3 Стафилококктардың көп бөлігі пенициллиназа өндіреді, ал кейбіреулері метициллинге төзімді. Бұл механизмдердің әрқайсысы оларды бензилпенициллинге, феноксиметилпенициллинге, ампициллинге, амоксициллинге, пиперациллинге және тикарциллинге төзімді етеді. Қазіргі уақытта стафилококктардың барлық түрлерінде пенициллиназа өндірілуін сенімді түрде анықтайтын әдіс жоқ, бірақ метициллинге төзімділікті сипатталғандай цефокситиннің көмегімен анықтауға болады.4 Ампициллинге сезімтал S. saprophyticus mecA-теріс және ампициллинге, амоксициллинге және пиперациллинге сезімтал (бета-лактамаза тежегішімен немесе онсыз).5 Энтерококктардағы аминопенициллиннің бақылау нүктелері вена ішіне енгізген кездегі мәліметтерге негізделген. Пероральді қабылдау тек несеп шығару жолдарының инфекциялары кезінде ғана өзекті.6 Ампициллинге, амоксициллинге және пиперациллинге сезімталдық (бета-лактамаза тежегішімен немесе онсыз) ампициллиннің салдары болуы мүмкін. Ампициллинге төзімділік сирек кездеседі E. faecalis (ЕТТК расталған), бірақ E. faecium жиі кездеседі.7 Бета-лактамаза тежегішін қосу клиникалық әсерді қамтамасыз етпейді.8 А, В, С және G топтарындағы стрептококктардың пенициллинге сезімталдығы бензилпенициллинге сезімталдыққа байланысты (менингиттен басқа көрсетілімдер), В тобындағы стрептококктарға арналған феноксиметилпенициллин мен изоксазолилпенициллиндерді қоспағанда.9 Бензилпенициллин (ЕТТК немесе диск диффузиясы) Streptoccocus viridans тобындағы бета-лактамдарға төзімділікті скринингілеу үшін қолданылуы мүмкін. Скрининг кезінде теріс санатқа жатқызылған изоляттар клиникалық бақылау нүктелері (оның ішінде ескертпелері бар) көзделген бета-лактамды препараттарға сезімтал ретінде тіркелуі мүмкін. Скрининг кезінде оң деп жіктелген изоляттар жеке дәрі-дәрмектерге сезімталдығы тексерілуі немесе тұрақты деп тіркелуі керек.10 Бензилпенициллинге скринингілегенде теріс изоляттар жағдайында (тежеу аймағы ≥ 18 мм немесе ЕТТК ≤ 0,25 мг/л) сезімталдық бензилпенициллинмен немесе ампициллинмен байланысты болуы мүмкін. Бензилпенициллинге скринингілегенде оң изоляттар үшін (тежеу аймағы < 18 мм немесе ЕТТК > 0,25 мг/л) сезімталдық ампициллинмен байланысты болуы мүмкін. Резистенттіліктің таралуы жеке түрлер үшін географиялық орналасу мен уақытқа байланысты өзгеруі мүмкін. Препаратты тағайындар алдында штаммдардың сезімталдығын мүмкіндігінше жергілікті деректерге сәйкес бағалау қажет. Қажет болса, резистенттіліктің жергілікті таралуы препаратты, ең болмағанда, инфекциялардың кейбір типтерінде қолданудың пайдасы күмәнді болған кезде сарапшыдан кеңес алу керек. Әдетте сезімтал түрлер Аэробты грамоң микроорганизмдер Staphylococcus aureus (метициллинге сезімтал)* Streptococcus pneumoniae 1 Streptococcus pyogenes және басқа бета-гемолиздік стрептококктар Аэробты грамтеріс микроорганизмдер Haemophilus influenzae2 Moraxella catarrhalis * Ықтимал резистентті түрлер Аэробты грамтеріс микроорганизмдер Klebsiella pneumoniae Сезімтал емес микроорганизмдер Аэробты грамтеріс микроорганизмдер Legionella pneumophila Басқа микроорганизмдер Chlamydophila pneumoniae Chlamydophila psittaci Coxiella burnetii Mycoplasma pneumoniae $ Метициллинге резистентті барлық стафилококктар амоксициллинге/ клавулан қышқылына төзімді болып келеді. 1 Амоксициллиннің/ клавулан қышқылының бұл түрі пенициллинге резистенттіStreptococcus pneumoniae емдеуге тек бекітілген көрсетілімдер бойынша жарайды (4.1 бөлімін қараңыз). 2 Сезімталдығы төмен штаммдар ЕО-ның кейбір елдерінде 10% - дан жоғары жиілікте тіркелді.

Дозалау режимі Дозаның әрбір компоненті үшін жеке көрсетілетін жағдайларды қоспағанда, доза біріктірілімдегі амоксициллин мен клавулан қышқылының мөлшерлік бірліктерінде көрсетіледі. Клавунат ES препаратының дозасын таңдағанда келесі факторларды ескеру керек: - ықтимал патогендер және олардың бактерияға қарсы препараттарға күтілетін сезімталдығы - инфекцияның ауырлық дәрежесі және орналасуы - пациенттің жас шамасы, дене салмағы және бүйрек функциясының жағдайы. Емдеу клиникалық жағдайды қайта қарастырмай 14 күннен артық уақытқа жалғаспауы керек (ұзартылған емдеуге қатысты «Қолдану кезіндегі қажетті сақтандыру шаралары» бөлімін қараңыз). Дене салмағы ≥ 40 кг балалар мен ересектер Дене салмағы ≥40 кг балалар мен ересектерде Клавунат ES препаратын қолдану тәжірибесінің болмауына байланысты дозалау режимі бойынша нұсқаулар жоқ. Дене салмағы < 40 кг балалар (үш айлық жастан бастап) Ұсынылатын тәуліктік доза дене салмағының 1 кг-на шаққанда екі қабылдауға бөлінген 90 мг амоксициллинді және 6,4 мг клавулан қышқылын құрайды. Үш айлық жасқа дейінгі балаларда Клавунат ES препаратын қолдану туралы клиникалық деректер жоқ. Клавунат ES препаратының ұсынылатын дозасы 10 күн ішінде әр 12 сағат сайын екі қабылдауға бөлінген, тәулігіне 90/6, 4 мг/кг құрайды (кестені қараңыз). Дене салмағы 40 кг-ден асатын балаларды немесе ересектерді емдеу тәжірибесі жоқ. Дене салмағы (кг) — Тәулігіне 90/6, 4 мг/кг дозаны қамтамасыз ететін Клавунат ES мөлшері 8 — 3,0 мл-ден тәулігіне екі рет 12 — 4,5 мл-ден тәулігіне екі рет 16 — 6,0 мл-ден тәулігіне екі рет 20 — 7,5 мл-ден тәулігіне екі рет 24 — 9,0 мл-ден тәулігіне екі рет 28 — 10,5 мл-ден тәулігіне екі рет 32 — 12,0 мл-ден тәулігіне екі рет 36 — 13,5 мл-ден тәулігіне екі рет Клавунат ES пероральді суспензиясы клавулан қышқылының мөлшері бойынша (калий тұзы түрінде) құрамында амоксициллин/клавулан қышқылы бар ұқсас суспензиялардан ерекшеленеді. 600/42,9 мг Клавунат ES пероральді суспензиясы құрамында әр 5 мл-де 42,9 мг клавулан қышқылы бар, ал Клавунат BID 200/28 пероральді суспензиясының құрамында әр 5 мл-де 28,5 мг клавулан қышқылы бар, ал Клавунат BID Форте 400/57 пероральді суспензиясының құрамында әр 5 мл-де 57 мг клавулан қышқылы бар. Осылайша, Клавунат BID 200/28 ішке қабылдау үшін суспензияны дайындауға арналған ұнтақ және Клавунат BID Форте 400/57 ішке қабылдау үшін суспензия дайындауға арналған ұнтақ препараттары Клавунат ES 600/42,9 мг пероральді суспензиясын дайындау үшін қолданылмауы керек, өйткені олар бір-бірін өзара алмастырмайды. Пациенттердің ерекше топтары Балалар Препарат балаларда жоғарыда аталған дозалау режиміне сәйкес қолданылады. Үш айлық жасқа дейінгі балаларда Клавунат ES препаратын қолдану туралы клиникалық деректер жоқ. Егде жастағы пациенттер Препарат егде пациенттерге қолдануға арналмаған. Бүйрек жеткіліксіздігі бар пациенттер Креатинин клиренсі 30 мл/мин және одан жоғары болатын балаларда дозаны түзету қажет емес. Клавунат ES дозалау режимі жөніндегі нұсқаулардың болмауына байланысты креатинин клиренсі 30 мл/мин аз балаларға ұсынылмайды. Бауыр жеткіліксіздігі бар пациенттер Препаратты бауыр жеткіліксіздігі бар пациенттерде қолданған кезде сақ болу ұсынылады, сондай-ақ бауыр функциясына тұрақты мониторинг жасау қажет. Бұл пациенттерде препараттың дозасына қатысты нұсқаулар жоқ. Енгізу әдісі мен жолы Ішке қабылдауға арналған. Клавунат ES асқазан-ішек жолының ықтимал бұзылуларын азайту үшін тамақтану кезінде қабылдау керек. Қажет болған жағдайда емдеудің басында препараттың парентеральді түрлерін қолданудың мақсаттылығын қарастырып, одан кейін пероральді түрлерімен емдеуді жалғастыру керек. Қолданар алдында пероральді суспензияны жақсылап шайқау керек. Клавунат ES суспензиясын дайындау әдісі Клавунат ES суспензия дайындау үшін су қосу арқылы қолданылатын ұнтақ болып табылады. Суспензия алу үшін келесі нұсқауларды орындау қажет: Құтыны ақырын тықылдатып, құты ішіндегісін сілкіп жіберу керек. • Клавунат ES пероральді суспензиясын дайындау үшін құтының сызықпен белгіленген шамамен 2/3 бөлігіне дейін су қосып, біртекті суспензия алу үшін құтыны сілку керек (суспензияны дайындау үшін алдын ала қайнатылған және салқындатылған суды пайдалану ұсынылады). • Алғаш еріткенде ұнтақтың біркелкі таралуын қамтамасыз ету үшін суспензияны 5 минутқа қою керек. • Құтыға суды (1/3) құтыда белгіленген сызыққа дейін қосу және құтыны қайта сілку керек (100 мл суспензия алу үшін барлығы 90 мл су және 150 мл суспензия алу үшін барлығы 135 мл су қосу қажет). Суспензияны дайындау үшін алдын ала қайнатылған және салқындатылған суды пайдалану ұсынылады. 4.Суспензияны сыйымдылығы 5 мл өлшеуіш қасықтың көмегімен қабылдауға болады. Қабылдар алдында құтының ішіндегісін біртекті суспензия алынғанша мұқият шайқау керек. Қолданғаннан кейін құтыны дереу мықтап жабу керек. Клавунат ES пероральді суспензиясының түсі пайдаланған кезде аздап сарғаюы мүмкін. Дайын суспензия түсінің өзгеруі препараттың тиімділігіне әсер етпейді. 2 жасқа дейінгі балаға Клавунат ES қолданған кезде суспензияны енгізер алдында препаратты сумен сұйылтуға болады. Дайындалған суспензияны сақтамау керек. Дәрілік препараттың бір немесе бірнеше дозасын өткізіп алу кезіндегі қажетті шаралар Дозаны өткізіп алған жағдайда, препараттың дозасын есіне түсірген бойда қабылдау керек. Алайда, егер келесі дозаны қабылдау уақыты келсе, өткізіп алған дозаның орнын толтыру үшін екі есе дозаны қабылдауға болмайды. Тоқтату синдромы қаупінің болуына көрсетілім Клавунат ES емдеуші дәрігер көрсеткен уақыт ішінде қабылдауды жалғастыру керек. Препаратты қабылдауды, тіпті көңіл-күй жақсарған жағдайда да тоқтатуға болмайды. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке жүгіну керек.

- әсер етуші заттарға, пенициллиндерге немесе қосымша заттардың кез келгеніне аса жоғары сезімталдық • анамнезіндегі басқа бета-лактамды антибиотиктерге (цефалоспориндерге, карбапенемдерге, монобактамдарға) аса жоғары сезімталдықтың шұғыл типті ауыр реакциясы (мысалы, анафилаксия) • анамнезіндегі амоксициллин/ клавулан қышқылы біріктірілімін қабылдау аясында дамыған сарғаю немесе бауыр функциясының бұзылуы

Жиі (≥1/100-ден < 1/10-ға дейін) • тері және шырышты жамылғылардың кандидозы • диарея, жүрек айну, құсу. Жүрек айну ең жоғары дозаларды пероральді қабылдаған кезде жиірек туындайды. Асқазан-ішек жолының бұзылуларын азайту үшін препаратты тамақтану кезінде қабылдау керек. Жиі емес (≥1/1000-нан < 1/100-ге дейін) • бас айналу, бас ауыру • асқорытудың бұзылуы • бауыр ферменттері АЛТ/АСТ деңгейлерінің орташа жоғарылауы • тері бөртпесі, қышыну, есекжем Сирек (≥1/10000 <1/1000 дейін) • қайтымды лейкопения (нейтропенияны қоса), тромбоцитопения • мультиформалы эритема Белгісіз (қолда бар деректер негізінде бағалау мүмкін емес) - сезімтал емес микроорганизмдердің өсуі • қайтымды агранулоцитоз, гемолиздік анемия, қан кету уақыты мен протромбин уақытының ұзаруы • ангионевроздық ісіну, анафилаксия, сарысу құю ауруы, аллергиялық васкулит - қайтымды аса белсенділік, бүйрек функциясы бұзылған пациенттерде немесе жоғары доза қабылдайтын пациенттерде туындауы мүмкін құрысулар • антибиотиктерді қолдану нәтижесіндегі колит (жалғанжарғақшалы және геморрагиялық колитті қоса), қара «түкті» тіл, тіс эмалінің түсі өзгеруі. Балаларда тістер түсінің өзгергені өте сирек хабарланды. Ауыз қуысының мұқият гигиенасы тістер түсінің өзгеруінің алдын алуға көмектеседі, өйткені әдетте өңезді тазалап кетіруге болады. - гепатит, холестаздық сарғаю, бұл құбылыстар басқа пенициллиндер мен цефалоспориндерді қолданғанда байқалды. Бауыр тарапынан бұзылулар дамығаны туралы негізінен еркектер мен егде пациенттерде хабарланды, олар препаратты ұзақ қолданумен байланысты болуы мүмкін. Бұл құбылыстар балаларда сирек байқалды. Белгілер мен симптомдар әдетте емдеу кезінде немесе тоқтатқаннан кейін көп ұзамай туындады, бірақ кейбір жағдайларда емдеу аяқталғаннан кейін бірнеше апта ішінде көрінуі мүмкін. Олар әдетте қайтымды. Бауырдың бұзылулары ауыр болуы мүмкін және өте сирек жағдайларда өліммен аяқталу хабарланды. Олар әрдайым дерлік ауыр аурулары бар пациенттерде немесе бауыр тарапынан жағымсыз реакцияларды туындататын препараттарды бір мезгілде қабылдаған пациенттерде тіркелді. - Стивенс-Джонсон синдромы, уытты эпидермалық некролиз, буллезді эксфолиативті дерматит, жедел жайылған экзантематозды пустулез (AGEP) • интерстициялық нефрит, кристаллурия (бүйректің жедел зақымдануын қоса) - эозинофилиямен және жүйелік симптомдармен байқалатын дәрілік реакция (DRESS синдром). Аса жоғары сезімталдық реакциясы мен дерматит дамыған жағдайда емдеуді тоқтату керек. • Коунис синдромы (аллергиялық коронарлық синдром) • дәрілік препарат индукциялаған энтероколит синдромы, жедел панкреатит • IgА тәуелді тізбектік дерматоз • дәрі-дәрмекпен астасқан симметриялы интертригинозды және бүгілген жерлердегі экзантема (SDRIFE) (бабуин синдромы). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: асқазан-ішек жолының бұзылыстары және су-электролит теңгерімінің бұзылулары дамуы мүмкін. Амоксициллинді қабылдаумен байланысты және жекеленген жағдайларда бүйрек жеткіліксіздігінің дамуына әкелген кристаллурия байқалды. Бүйрек функциясы бұзылған пациенттерде және жоғары дозаларды қабылдайтын пациенттерде құрысулар туындауы мүмкін. Амоксициллин қуық катетерінде, негізінен препараттың жоғары дозаларын вена ішіне енгізгеннен кейін шөгуі мүмкін. Катетерлердің өткізгіштігін үнемі тексеріп отыру керек. Емі: симптоматикалық ем жүргізу, су-электролит теңгерімін түзету. Амоксициллиндік кристаллурия, кейбір жағдайларда бүйрек жеткіліксіздігінің дамуына әкелетін амоксициллиндік кристаллурия сипатталған. Амоксициллин/клавулан қышқылы жүйелі қанағымнан гемодиализ арқылы шығарылады.

Клавунат ES препаратымен емдеуді бастамас бұрын пенициллиндерге, цефалоспориндерге немесе басқа бета-лактамды антибиотиктерге алдындағы аса жоғары сезімталдық реакцияларына қатысты анамнезін мұқият жинау қажет. Пенициллин қабылдайтын пациенттерде ауыр және кейде өлімге әкелетін аса жоғары сезімталдық реакциялары (терінің анафилактоидты және ауыр жағымсыз реакцияларын қоса) сипатталған. Аса жоғары сезімталдық реакциялары сонымен қатар миокард инфарктісіне әкелуі мүмкін ауыр аллергиялық реакция Коунис синдромына дейін үдеуі мүмкін. Бұл реакциялар анамнезінде пенициллинге аса жоғары сезімталдығы бар пациенттерде, сондай-ақ атопиялық жағдайлары бар пациенттерде жиірек туындайды. Егер аллергиялық реакция туындаса, Клавунат ES препаратымен емдеуді тоқтатып, тиісті баламалы емді тағайындау керек. Дәрілік индукцияланған энтероколит синдромы (DIES) көбінесе амоксициллин/клавуланат қабылдаған балаларда байқалды. DIES – теріде аллергиялық немесе респираторлық симптомдар болмаған кезде негізгі симптомы ұзаққа созылған құсу болып табылатын аллергиялық реакция (препаратты қабылдағаннан кейін 1-4 сағаттан соң). Қосымша симптомдары іштің ауыруын, диареяны, гипотензияны немесе нейтрофилиямен көрінетін лейкоцитозды қамтуы мүмкін. Шокқа дейін үдеуді қоса, ауыр жағдайлар байқалды. Егер инфекция амоксициллинге сезімтал микроорганизмдер туындатқаны дәлелденген жағдайда, ресми нұсқауларға сәйкес амоксициллиннен/ клавулан қышқылынан амоксициллинге ауысу мүмкіндігін қарастырған жөн. Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысулар туындауы мүмкін. Егер инфекциялық мононуклеозға күмән болса, Клавунат ES препаратын қабылдамау керек, өйткені амоксициллинді қолданғаннан кейін де байқалатын инфекциялық мононуклеоз туындатқан қызылша тәрізді бөртпе пайда болуы мүмкін. Амоксициллинмен емдеген кезде аллопуринолды бір мезгілде қабылдау терінің аллергиялық реакцияларының туындау ықтималдығын арттырады. Жекеленген жағдайларда ұзақ уақыт қолдану сезімтал емес микроорганизмдердің шамадан тыс көбеюіне әкелуі мүмкін. Пустулалардың пайда болуымен байланысты қызбамен көрінетін жайылған эритеманың емдеудің басында туындауы жедел жайылған экзантематозды пустулездің (AGEP) симптомы болуы мүмкін. Бұл реакция Клавунат ES препаратын қолдануды тоқтатуды талап етеді және алдағы уақытта амоксициллинді кейін қолдануға қарсы көрсетілім болып табылады. Бауыр функциясының бұзылу белгілері бар пациенттерде амоксициллинді/клавулан қышқылын сақтықпен қолдану керек. Бауыр тарапынан бұзылулар туралы негізінен еркектер мен егде жастағы пациенттерде хабарланды, олар ұзақ мерзімді емдеуге байланысты болуы мүмкін. Аталған бұзылулар балаларда өте сирек хабарланды. Пациенттердің барлық топтарында симптомдар, әдетте, емдеу кезінде немесе одан кейін көп ұзамай туындайды, бірақ сирек жағдайларда емдеу аяқталғаннан кейін бірнеше аптадан кейін ғана пайда болуы мүмкін. Ондай құбылыстар, әдетте, қайтымды. Бауыр тарапынан бұзылулар ауыр, өте сирек жағдайларда өлімге әкелуі мүмкін. Ондай құбылыстар әрдайым дерлік ауыр негізгі ауруы бар пациенттерде немесе бауырға белгілі ықтимал жағымсыз әсері бар препараттарды бір мезгілде қабылдаған пациенттерде байқалды. Амоксициллинді қоса, бактерияға қарсы барлық дерлік препараттарды қолданғанда антибиотикотерапиямен байланысты колиттің дамығаны туралы хабарланды және оның ауырлығы жеңілден өмірге қауіп төндіретінге дейін өзгеруі мүмкін. Сондықтан кез келген антибиотиктерді қабылдаған кезде немесе емдеу курсы аяқталғаннан кейін диареясы бар пациенттерде осы патологияның туындау ықтималдылығын есте ұстаған жөн. Антибиотикотерапиямен байланысты колит дамыған жағдайда Клавунат ES емдеуді дереу тоқтату керек, дәрігермен кеңесу ұсынылады және тиісті емдеуді бастау керек. Бұл жағдайда перистальтиканы басатын препараттарды қолдануға болмайды. Ұзақ мерзімді емдеу кезінде бүйрек, бауыр және қан түзу ағзалары функцияларын қоса, жүйелер мен ағзалар функциясын мезгіл-мезгіл бағалау ұсынылады. Амоксициллин/ клавулан қышқылын қабылдаған пациенттерде қан кету уақыты мен протромбин уақытының ұзарғаны (ХҚҚ жоғарылауы) сирек байқалды, сондықтан Клавунат ES және антикоагулянттарды бір мезгілде қолданғанда, қажет болған жағдайда антикоагулянт дозасын ықтимал төмендету арқылы тиісті мониторинг жүргізу қажет. Клавунат ES бауыр функциясы бұзылған пациенттерде сақтықпен қолданылуы керек. Бүйрек жеткіліксіздігі бар пациенттерде препараттың дозасы бүйрек жеткіліксіздігінің дәрежесіне қарай түзетілуі тиіс. Диурезі төмендеген пациенттерде өте сирек жағдайларда кристаллурия (бүйректің жедел жеткіліксіздігін қоса), негізінен парентеральді ем кезінде байқалды. Амоксициллиннің жоғары дозаларын қолданған кезде амоксициллин кристалдарының пайда болу ықтималдығын азайту үшін сұйықтықтың жеткілікті мөлшерін қабылдау және қажетті диурезді демеу ұсынылады. Қуық катетеризациясы бар пациенттерде катетердің өткізгіштігін үнемі тексеріп отыру керек. Амоксициллинмен емдеген кезде несептегі глюкозаның бар-жоғын тексергенде глюкооксидазаны анықтаудың ферменттік әдістерін қолдану керек, өйткені ферменттік емес әдістерді қолданғанда жалған оң нәтижелер алу мүмкіндігі бар. Клавунат ES препаратында клавулан қышқылының болуы IgG мен альбуминнің эритроциттер жарғақшаларымен спецификалық емес байланысуына әкелуі мүмкін, бұл Кумбс сынамасының жалған оң нәтижелеріне әкелуі мүмкін. Амоксициллин/клавулан қышқылын қабылдаған және салдарынан Aspergillus туындатқан инфекцияның жоқ екені расталған пациенттерде Bio-Rad Laboratories шығарған Platelia Aspergillus қолдану арқылы ферменттік иммундық талдаудың оң нәтижелері туралы хабарламалар болды. Bio-Rad Laboratories шығарған Platelia Aspergillus пайдалану арқылы ферменттік иммундық талдау жүргізгенде Aspergillus жатпайтын полисахаридтермен және полифураноздармен айқаспалы реакциялар туралы хабарланды. Сондықтан амоксициллинмен/ клавулан қышқылымен ем алған пациенттердегі оң талдау нәтижелерін сақтықпен түсіндіріп, басқа диагностикалық әдістермен растау керек. Арнайы сақтандырулар Педиатрияда қолдану Препарат балаларда көрсетілген дозалау режиміне сәйкес қолданылады. Үш айлық жасқа дейінгі балаларда Клавунат ES препаратын қолдану туралы клиникалық деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Амоксициллин/клавулан қышқылы препаратының көлік құралдарын басқару қабілетіне және механизмдермен жұмыс істеу қабілетіне әсері туралы зерттеулер жүргізілген жоқ. Дегенмен, пациенттерді аталған әрекет түрлеріне әсер етуі мүмкін ықтимал жағымсыз құбылыстар (мысалы, аллергиялық реакциялар, бас айналу, құрысулар) туралы хабардар ету керек.

Жүктілік Жүктілік кезінде амоксициллин/клавулан қышқылын қолданудың шектеулі деректері препараттың жүктілік ағымына немесе шарананың/жаңа туған нәрестенің дамуына тигізетін жағымсыз әсерін анықтаған жоқ. Қағанағы мерзімінен бұрын жарылған (pPROM) әйелдердің қатысуымен жүргізілген бір зерттеуде амоксициллин/клавулан қышқылын профилактикалық қолдану жаңа туған нәрестелерде некроздық энтероколиттің даму қаупінің жоғарылауымен байланысты болуы мүмкін екендігі хабарланды. Басқа дәрілік препараттар жағдайындағыдай, жүктілік кезінде қолданудан аулақ болу керек, егер дәрігер оны, әсіресе бірінші триместрде қажет деп санайтын жағдайлардан басқа. Бала емізу Препараттың екі әсер етуші заты да емшек сүтімен бірге шығады (клавулан қышқылының емшектегі балаларға әсері туралы деректер жоқ). Демек, бала емізген кезде сәбилерде диарея мен шырышты қабықтардың зең инфекциясының даму ықтимальдығы бар, ондай жағдайларда бала емізуді тоқтату керек. Амоксициллинді/клавулан қышқылын бала емізген кезде емдеуші дәрігердің пайда-қауіп арақатынасын бағалағаннан кейін ғана қолдану керек. Қосымша заттар туралы ерекше ақпарат Бұл препараттың құрамында бір дозасына 1 ммольден аз (23 мг) натрий бар, яғни іс жүзінде құрамында натрий жоқ.

Пероральді антикоагулянттар Практикада пероральді антикоагулянттар мен пенициллин қатарындағы антибиотиктер кеңінен қолданылады, бірақ олардың бір-бірімен өзара әрекеттесуі туралы хабарламалар тіркелген жоқ. Алайда, аценокумарол немесе варфарин қабылдаған және амоксициллинмен емдеу курсы тағайындалған пациенттерде халықаралық қалыптасқан қатынастың жоғарылаған жағдайлары сипатталған. Егер осы препараттарды бір мезгілде қолдану қажет болса, амоксициллинді қосқанда немесе тоқтатқанда протромбин уақытын немесе халықаралық қалыптасқан қатынасты мұқият бақылау керек. Бұдан бөлек, пероральді антикоагулянттардың дозасын түзету қажет болуы мүмкін. Метотрексат Пенициллиндер метотрексаттың шығарылуын төмендетуі мүмкін, бұл уыттылықтың ықтимал жоғарылауын туындатады. Пробенецид Пробенецидті бір мезгілде қолдану ұсынылмайды. Пробенецид амоксициллиннің бүйректің өзекшелік секрециясын төмендетеді. Пробенецидті бір мезгілде қолдану қандағы амоксициллиннің (бірақ клавулан қышқылының емес) деңгейі мен болу ұзақтығының жоғарылауына әкелуі мүмкін. Микофенолат мофетил Микофенолат мофетилмен ем алатын пациенттерде клавулан қышқылымен пероральді амоксициллинді қолдануды бастағаннан кейін микофенол қышқылының белсенді метаболитінің дозаға дейінгі концентрациясы шамамен 50% - ға төмендеуі мүмкін. Дозаға дейінгі деңгейдің бұл өзгеруі микофенол қышқылының жалпы экспозициясының өзгеруіне толық сәйкес келмеуі мүмкін. Демек, трансплантат дисфункциясының клиникалық растамасы болмаса, микофенолат мофетил дозасын өзгерту әдетте қажет емес. Дегенмен, біріктірілімді қолданғанда және антибиотиктермен емдеуден кейін көп ұзамай мұқият мониторинг жүргізу қажет.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде 25 °С-ден аспайтын температурада сақтау керек. Дайын суспензияны тоңазытқышта (2-8°C) сақтау керек және 7-10 күн ішінде қолдану керек. Балалардың қолы жетпейтін жерде сақтау керек!