Кламер таблетки 500 мг

Бір таблетканың құрамында белсенді зат – кларитромицин 500 мг қосымша заттар: повидон К 30, микрокристалды целлюлоза (рН 102), натрий кроскармеллозасы, сусыз коллоидты кремнийдің қостотығы, магний стеараты, тальк, тазартылған су** үлбірлі жабыны: Шеффкоат сары***, метиленхлорид**, метанол** * * - соңғы өнімнің құрамында жоқ * * * қабық құрамы: гидроксипропилметилцеллюлоза, титанның қостотығы Е171, полиэтиленгликоль, хинолинді сары алюминий лагы Е104, темірдің сары тотығы Е172. Сыртқы түрінің, иісінің, дәмінің сипаттамасы Сопақша пішінді, екі жақ беті дөңес, ашық сары түсті үлбірлі қабықпен қапталған таблеткалар

Кламер үлбірлі қабықпен қапталған таблеткалары сезімтал микроорганизмдерден туындаған инфекцияларды емдеу үшін көрсетілген: - төменгі тыныс жолдарының инфекцияларын (мысалы, бронхит, пневмония) - жоғарғы тыныс жолдарының инфекцияларын (мысалы, фарингит, синусит) - тері және жұмсақ тіндер инфекцияларын (мысалы, фолликулит, целлюлит, тілме қабынбасы) - Mycobacterium avium немесе Mycobacterium intracellulare туындатқан диссеминацияланған немесе оқшауланған микобактериялық инфекцияларды, Mycobacterium chelonae, Mycobacterium fortuitum немесе Mycobacterium kansasii туындатқан оқшауланған инфекцияларды. - лимфоциттер CD4 саны 100/мм3 аз немесе тең АИТВ инфекциясын жұқтырған пациенттерде Mycobacterium avium кешенінен туындаған диссеминацияланған инфекциялардың профилактикасы үшін - H. Pylori эрадикациясы үшін, бұл он екі елі ішектің ойық жарасының қайталануының азаюына әкеледі (төмендегі қосымша ақпаратты қараңыз). Бактерияға қарсы дәрілерді ұтымды қолдану бойынша ресми ұсыныстарды ескеру қажет. Басқа антибиотиктер жағдайындағы сияқты, Кламер препаратын тағайындамас бұрын жергілікті төзімділіктің таралуы бойынша ұсыныстармен және антибиотиктерді қолдануға қатысты нұсқаулықтармен танысу ұсынылады. Қосымша ақпарат: H. pylori ойық жара ауруының дамуымен тығыз байланысты. Он екі елі ішектің ойық жарасы бар пациенттердің 90-нан 100% -ға дейіні осы қоздырғышты жұқтырған. H. pylori эрадикациясы он екі елі ішектің ойық жарасының қайталану жиілігін айтарлықтай төмендететіні, осылайша демеуші антисекреторлық терапияға қажеттілікті төмендететіні көрсетілген. Бақыланатын жасырын салыстырмалы зерттеуде H. pylori инфекциясын жұқтырған он екі елі ішектің ойық жарасы бар пациенттер 14 күн бойы тәулігіне үш рет 500 мг кларитромицинді және 28 күн бойы күн сайын 40 мг дозада омепразолды қабылдады. Кларитромицин H. pylori эрадикациясы үшін басқа емдеу сызбаларында да қолданылады. Бұл сызбалар кларитромицин, тинидазол және омепразолды; сонымен қатар кларитромицин, тетрациклин, субсалицилат висмут және ранитидинді қоса қамтиды.

Әсер ету механизмі Кларитромицин – бұл эритромициннің лактон сақинасындағы CH3O тобына 6-қалыптағы гидроксил тобының орнын басу жолымен алынған жартылай синтетикалық макролидті антибиотик. Атап айтқанда, кларитромицин 6-О-метилэритромицин А болады. Кларитромицин сезімтал бактериялардың 50S рибосомалық суббірлігімен байланысып және ақуыз синтезін тежеу арқылы бактерияға қарсы әсер етеді. Фармакодинамикалық әсерлер Кларитромицин бактериялардың стандартты штаммдары мен клиникалық изоляттарға қатысты жоғары in vitro белсенділігін көрсетті. Препарат аэробты және анаэробты грам-оң және грам-теріс микроорганизмдердің кең спектріне қатысты жоғары тиімділікке ие. Кларитромициннің ең төмен тежегіш концентрациясы (ЕТТК) әдетте бір log2 сұйылтуда эритромициннің ЕТТК қарағанда тиімдірек. In vitro деректер сонымен қатар кларитромициннің Legionella pneumophila және Mycoplasma pneumoniae қарсы жоғары белсенділігі бар екенін көрсетеді. Ол Helicobacter pylori қатысты бактерицидтік әсерге ие; бұл кларитромицин белсенділігі қышқыл рН-ға қарағанда бейтарап рН-да жоғары. In vitro және in vivo деректер бұл антибиотиктің микобактериялардың клиникалық маңызды түрлеріне қатысты белсенділігі бар екенін көрсетеді. Төменде кларитромициннің in vitro бактерияға қарсы әсер ету қасиетінің ауқымы берілген. Әдеттегі сезімтал бактериялар Streptococcus agalactiae Enterobacteriacae Streptococcus pyogenes Pseudomonas species Streptococcus viridans Streptococcus pneumoniae Haemophilus influenzae Haemophilus parainfluenzae Neisseria gonorrhoea Listeria monocytogenes Legionella pneumophila Pasteurella multocida Mycoplasma pneumoniae Helicobacter (Campylobacter) pylori Campylobacter jejuni Chlamydia pneumoniae (TWAR) Chlamydia trachomatis Moraxella (Branhamella) catarrhalis Bordetella pertussis Borrelia burgdorferi Staphylococcus aureus Clostridium perfringens Peptococcus niger Propionibacterium acnes Bacterioides melaninogenicus Mycobacterium avium Mycobacterium leprae Mycobacterium kansaii Mycobacterium chelonae Mycobacterium fortuitum Mycobacterium intracellulare Резистентті қоздырғыштар Enterobacteriacae Pseudomonas species Адамдағы және басқа приматтардағы кларитромициннің негізгі метаболиті микробиологиялық белсенді метаболит 14-ОН-кларитромицин болып табылады. Бұл метаболит H. influenzae қоспағанда, көптеген организмдер үшін бастапқы қосылысқа қарағанда бірдей белсенді немесе 1-2 есе аз белсенді, оған қатысты ол екі есе белсенді. Бастапқы қосылыс пен 14- ОН метаболит H. influenzae аддитивті немесе синергиялық әсер етеді. Legionella инфекциясы бар теңіз шошқаларында тәулігіне 1,6 мг/кг дозада кларитромицинді құрсақішілік енгізу тәулігіне 50 мг/кг дозада эритромицинді енгізуден тиімдірек болды. Сезімталдық тесттері: Аймақтардың диаметрін өлшеуді қажет ететін сандық әдістер бактериялардың микробқа қарсы сезімталдығын дәлірек бағалайды. Сезімталдықты тесттеу үшін ұсынылатын емшаралардың бірінде 15 мкг кларитромицинге малынған дискіні пайдаланады (Кирби-Бауэр диффузиялық тесті); интерпретациялар кларитромицин үшін ЕТТК мәнімен осы диск тестінің тежеу аймағының диаметрімен байланысты. ЕТТК бульонда немесе агарда сұйылту әдісімен анықталады. Ұлттық клиникалық зертханалық стандарттар комитетіне (NCCLS) сәйкес Haemophilus influenzae сезімталдығын тестілеу үшін ұсынылатын тест ортасы Haemophilus (H.T.M.) үшін тест ортасы болып табылады. Дискіні тежеу аймақтарының диаметрлерінің ЕТТК мен арақатынасы келесі кестеде келтірілген: Тежеу аймағының диаметрі (мм) — ЕТТК (мкг/мл) Микроорганизмдер — S — I — R — S — I — R Барлық микроорганизмдер (Haemophilus және Staphylocci қоспағандағы) — ≥ 18 — 14-17 — ≤ 13 — ≤1 — 2-4 — ≥ 8 Staphylococci — ≥ 20 — - — ≤ 19 — ≤ 0.5 — - — ≥ 1 HTM** тест жүргізудегі Haemophilus influenzae — ≥ 13 — 11-12 — ≤10 — ≤ 8 — 16 — ≥ 32 * HTM = (Haemophilus Test Medium) = гемофильді таяқшаны анықтауға арналған орта — S - Сезімтал I – Аралық сезімталдық — R - Резистентті Кесте деректеріне сәйкес "сезімтал" анықтамасы инфекциялық микроорганизм терапияға жауап беруі мүмкін екенін көрсетеді. "Резистенттілігі" туралы хабарлама инфекциялық микроорганизмнің терапияға жауап беруі екіталай екенін көрсетеді. "Аралық сезімталдық" туралы қорытынды препараттың емдік әсері күмәнді болуы мүмкін немесе жоғары дозаларды қолданған кезде қоздырғыш сезімтал болады деп болжайды (соңғысы орташа сезімтал деп те аталады). Бақылау нүктелері Еуропалық микробқа қарсы препараттарға сезімталдықты тестілеу жөніндегі комитет (EUCAST) сезімтал микроорганизмдерді төзімді микроорганизмдерден бөлуге мүмкіндік беретін кларитромициннің келесі бақылау нүктелерін белгіледі. Бақылау нүктелері (MIC, мкг/мл) Микроорганизмдер — Сезімталдық — Резистенттілік Streptococcus spp. — 0.25 мкг/мл — 0,5 мкг/мл Staphylococcus spp. — 1 мкг/мл — 2 мкг/мл Haemophilus spp. — 1 мкг/мл — 32 мкг/мл Moraxella catarrhalis — 0,25 мкг/мл — 0,5 мкг/мл Кларитромицин H. pylori эрадикациясы үшін қолданылады; клиникалық және зертханалық стандарттар институты (CLSI) бақылау нүктесін пайдалануға рұқсат ету ретінде белгілеген ең төмен тежегіш концентрациясы (MIC) ≤ 0,25 мкг/мл.

Дозалау режимі Ересектер Кларитромициннің әдеттегі ұсынылатын дозасы тәулігіне екі рет 250 мг құрайды. Одан ауырлау инфекциялар үшін дозаны тәулігіне екі рет 500 мг-ға дейін арттыруға болады. Емдеудің әдеттегі ұзақтығы 6-дан 14 күнге дейін болады. Микобактериялық инфекциялар: микобактериялық инфекциялары бар ересек пациенттер үшін ұсынылатын доза тәулігіне екі рет 500 мг құрайды. Mycobacterium Avium Complex (MAC) туындаған диссеминацияланған инфекцияларды ЖИТС бар пациенттерде емдеуді клиникалық және микробиологиялық әсерге қол жеткізгенге дейін жалғастыру керек. Кларитромицинді микробқа қарсы басқа препараттармен біріктіріп қолдану керек. Басқа туберкулездік емес микобактериялық инфекцияларды емдеу дәрігердің шешіміне сәйкес жүргізілуі тиіс. MAC профилактикасы: ересектерге ұсынылатын доза күніне екі рет 500 мг құрайды. H. pylori эрадикациялау: келесі дозалар ұсынылады: Үштік ем (7 дней) Кларитромицин (500 мг) тәулігіне екі рет және протон помпасының тежегіші (бекітілген тәуліктік дозада)* 7 күн бойы тәулігіне екі рет амоксициллинмен 1000 мг-ден. Үштік ем (7 күн) Кларитромицин (500 мг) тәулігіне екі рет және протон помпасының тежегіші (бекітілген тәуліктік дозада)* 7 күн бойы тәулігіне екі рет метронидазолмен 400 мг-ден. Үштік ем (7-10 күн) Кларитромицин (500 мг) тәулігіне екі рет және омепразол тәулігіне 20 мг-ден амоксициллинмен 7-10 күн бойына тәулігіне екі рет 1000 мг-ден. * H. pylori, эрадикациясына ұсынылатын дозаны осы препараттарды қолдану жөніндегі нұсқаулықтан қараңыз. Пациенттердің ерекше топтары Балалар Балалар мен 18 жасқа дейінгі жасөспірімдерде құрамында хинолинді сары Е104 бояғышының болуына байланысты Кламер 500 мг үлбірлі қабықпен қапталған таблеткаларын қолдануға болмайды. Егде жастағы пациенттер Бүйрек функциясының ауыр жеткіліксіздігі бар егде пациенттерде дозаны түзету мүмкіндігін қарастыру керек. Бауыр функциясының жеткіліксіздігі бар пациенттер Бауыр функциясының жеткіліксіздігі бар пациенттерді емдеу кезінде Кламер сақтықпен қолданылғаны жөн. Бүйрек функциясының жеткіліксіздігі бар пациенттер Бүйрек функциясы бұзылған және креатинин клиренсі 30 мл/мин кем пациенттерде кларитромициннің дозасын жартысына, яғни тәулігіне бір рет 250 мг-ға немесе ауыр инфекциялар кезінде тәулігіне екі рет 250 мг-ға төмендету керек. Ондай пациенттерде емдеуді 14 күннен артық жалғастырмау керек. Енгізу әдісі мен жолы Ішке қабылдауға арналған. Таблеткаларды тамақ ішуге қарамастан, күн сайын бір уақытта қабылдау керек. Дәрілік препараттың бір немесе бірнеше дозасын өткізіп алу кезіндегі қажетті шаралар Препаратты өткізіп алған қабылдаудың орын толтыру үшін екі есе дозаны қабылдауға болмайды. Дәрілік препаратты қолдану тәсілін түсіндіруге медицина қызметкеріне кеңес алу үшін жүгіну жөніндегі нұсқаулар Осы дәрілік препаратты қолдану бойынша қосымша сұрақтар туындаған жағдайда дәрігердің немесе фармацевттің кеңесіне жүгіну керек.

- әсер етуші затқа, басқа макролидті антибиотиктерге немесе қосымша заттардың кез келгеніне аса жоғары сезімталдық - келесі препараттардың біреуін бір мезгілде қолдану: астемизол, цизаприд, домперидон, пимозид, терфенадин (бұл QT аралығының ұзаруын және қарыншалық тахикардияны, қарыншалардың фибрилляциясын және пируэттік қарыншалық тахикардияны (torsade de pointes) қоса алғанда, жүрек аритмиясының дамуын туындатуы мүмкін) - тикагрелормен, ивабрадинмен немесе ранолазинмен бір мезгілде қолдану -қастауыш алкалоидтарымен (эрготаминмен немесе дигидроэрготаминмен) бір мезгілде қолдану, себебі бұл қастауыштың уыттылығын туындатуы мүмкін - кларитромицин мен пероральді мидазоламды бір мезгілде қабылдау - кларитромицин мен ломитапидті бір мезгілде қолдану - "пируэт" типті қарыншалық тахикардияны қоса, анамнезінде QT аралығының ұзаруы немесе жүректің қарыншалық аритмиясы бар пациенттер - электролиттік бұзылулар (QT аралығының ұзаруы қаупінен гипокалиемия немесе гипомагниемия) -бүйрек функциясының жеткіліксіздігімен қатар жүретін бауыр функциясының ауыр жеткіліксіздігі - ГМГ-КоА редуктаза тежегіштерімен (статиндер), оның ішінде рабдомиолизді қоса алғанда, миопатияның даму қаупінің жоғарылауына байланысты CYP3A4 қарқынды метаболизденетін ловастатинмен немесе симвастатинмен бір мезгілде қолдану - колхицин мен CYP3A4 күшті тежегішін (мысалы, кларитромицин) бір мезгілде қолдану - балалар мен 18 жасқа дейінгі жасөспірімдер құрамында хинолинді сары Е104 болуына байланысты

Кларитромицин емімен байланысты ересектерде де, балаларда да жиі кездесетін және таралған жағымсыз реакциялар - іштің ауыруы, диарея, жүрек айну, құсу және дәм сезудің өзгеруі. Бұл жағымсыз реакциялар әдетте шамалы білінеді және макролидті антибиотиктердің белгілі қауіпсіздік бейініне сәйкес келеді. Кларитромицинді клиникалық зерттеу кезінде микобактериялық инфекциялары болған немесе болмаған пациенттер топтары арасында асқорыту жүйесі тарапынан осы жағымсыз реакциялар жиілігінде елеулі айырмашылықтар анықталған жоқ. - Өте жиі (≥ 1/10) - енгізу орнындағы флебит (вена ішіне енгізу үшін кларитромицин қолданғанда) Жиі (≥1 / 100 - <1/10 дейін) - ұйқысыздық - дисгевзия (дәм сезу сезімталдығының бұзылуы), бас ауыру - вазодилятация (қан тамырларының кеңеюі) - сұйық нәжіс (диарея), құсу, іштің жоғарғы бөлігіндегі ауыру немесе жайсыздық (диспепсия), жүрек айну, іштің ауыруы - бауыр функциясының бұзылуы (бауыр функциясы зертханалық көрсеткіштерінің қалыптан ауытқуы) - бөртпе, айқын тершеңдік (гипергидроз) - инъекция орнындағы ауыру, инъекция орнындағы қабыну (вена ішіне енгізу үшін кларитромицин қолданғанда) Жиі емес (≥ 1/1000 - < 1/100 дейін) - май тіндеріндегі микроциркуляция бұзылуы (целлюлит), зеңдік зақымдану (кандидоз), асқазан-ішек жолы шырышының қабынуы (гастроэнтерит), инфекция, қынаптық инфекциялар - лейкоциттер, нейтрофильді лейкоциттер санының азаюы (лейкопения, нейтропения), тромбоциттер мөлшерінің артуы (тромбоцитемия), эозинофилия - өмір үшін қауіпті жылдам ауыр аллергиялық реакция (анафилактоидты реакция), жоғары сезімталдық (аса жоғары сезімталдық) - тәбеттің толық жойылуы (анорексия), тәбеттің төмендеуі - үрейлену, күйгелектік - естен тану, әр түрлі бұлшықет топтарындағы еріксіз қозғалыстар (дискинезия), бас айналу, ұйқышылдық, дене бөліктерінің еріксіз, ырғақты қозғалысы (тремор) - вестибулярлық бас айналуы, есту қабілетінің нашарлауы, құлақтағы шуыл - жүректің тоқтауы, жүректің жылдам ретсіз жиырылуы (жыбырлақ аритмия), ЭКГ-да QT аралығының ұзаруы, жүректің кезектен тыс жиырылуы (экстрасистолия), жүректің жиі соғуы - бронх демікпесі, мұрыннан қан кету, өкпе артериясының тромбпен бітелуі (өкпе тромбоэмболиясы) - өңеш қабынуы (эзофагит), асқазан ішіндегісінің өңешке патологиялық кері лықсуынан туындаған жағдай (гастроэзофагеальді рефлюкс), гастрит, анус тесігі аумағының ауыруы (прокталгия), стоматит, тілдің қабынуы (глоссит), іштің кебуі, іш қатуы, ауыздың кеберсуі, кекіру, метеоризм - он екі елі ішекке өт шығарудың азаюы (холестаз), бауыр қабынуы (гепатит), АЛТ, АСТ, ГГТ4 деңгейлерінің артуы - тері үстінде томпайған, сұйықтық толтырылған көпіршіктер (буллезді дерматит), қышыну, есекжем, макулопапулезді бөртпе - бұлшықет түйілулері, бұлшықет қарысуы, бұлшықет ауыруы (миалгия) - қанда креатинин, мочевина артуы - әлсіздік, дене температурасының жоғарылауы (пирексия), астения, кеуденің ауыруы, қалтырау, шаршағандық - альбумин-глобулин арақатынасының өзгеруі, қанда сілтілік фосфатаза, лактатдегидрогеназа деңгейінің артуы Белгісіз* (қолда бар деректер бойынша бағалау мүмкін емес) - ішектің жедел қабыну ауруы (жалған жарғақшалы колит), қабынбалы тілме - қанда гранулоциттер санының азаюы (агранулоцитоз), тромбоциттер санының азаюы (тромбоцитопения) - анафилаксиялық реакциялар, ангионевроздық ісіну - психоздар, сананың шатасуы, деперсонализация, депрессия, бағдардан жаңылу, елестеулер, түнгі қорқынышты түстер, мания - құрысулар, агевзия (дәм сезудің жойылуы), паросмия, аносмия, парестезия - кереңдік - жүрек соғуының жиілеуі, өмірге қауіптілігі зор жылдам, ретсіз жүрек ырғағы (қарыншалық тахикардия, torsade de pointes), жүрек соғуының елеулі жиілеуінің кенеттен ұстамалары болатын жүрек ырғағының бұзылуы (қарыншалар фибрилляциясы) - қан құйылу - ұйқы безінің жедел қабынуы (жедел панкреатит), тілдің түсі өзгеруі, тістің түсі өзгеруі - бауырдың жеткіліксіздігі, бауыр қабынуынан туындаған сарғаю (гепатоцеллюлярлық сарғаю) - терінің ауыр жағымсыз реакциялары (мысалы, жедел жайылған экзантематозды пустулез (AGEP), іріңді бөртпе түріндегі жедел тері реакциясы, теріде және шырышты қабықтағы бөртпелерімен жедел уытты- аллергиялық ауру (Стивенс-Джонсон синдромы), сұйықтықпен толтырылған күлдіреуіктер пайда болатын терінің ауыр аллергиялық зақымдануы (уытты эпидермалық некролиз), эозинофилиясы және жүйелік симптомдары бар дәрілік рекция (DRESS синдромы), акне - бұлшықет тіндері жасушаларының бұзылуы (рабдомиолиз), бұлшықет атрофиясы және бұзылыстары (миопатия) - бүйрек функциясының жеткіліксіздігі, интерстициялық нефрит - халықаралық қалыптасқан қатынастың жоғарылауы, протромбин уақытының артуы, несеп түсінің өзгеруі. * Осы реакциялар туралы хабарламалар саны белгісіз популяциядан ерікті түрде келіп түсетіндіктен, олардың жиілігін сенімді бағалау немесе препараттың әсерімен себеп-салдарлық байланысты орнату әрдайым мүмкін бола бермейді. Бағалау бойынша кларитромициннің пациенттерге әсері 1 миллиард күннен астам емдеуді құрайды. Жеке жағымсыз реакциялардың сипаттамасы Флебит, қабыну және инъекция орнындағы ауырсыну, тамыр тесілген жердегі ауырсыну кларитромициннің вена ішіне енгізілуіне тән болып табылады. Рабдомиолиз туралы кейбір мәлімдемелерде кларитромицин статиндермен, фибраттармен, колхицинмен немесе аллопуринолмен бір мезгілде қолданылған. Маркетингтен кейінгі кезеңде кларитромицин мен триазоламды бір мезгілде қолданғанда дәрілік өзара әрекеттесу және орталық жүйке жүйесіне (ОЖЖ) әсері (мысалы, ұйқышылдық және сананың шатасуы) туралы хабарламалар алынды. Пациенттегі ОЖЖ-ге фармакологиялық әсердің күшеюін бақылау ұсынылады. Нәжісте ұзақ әсер етуі ұзаққа созылатын кларитромицин таблеткаларының болуы туралы сирек хабарламалар бар, олардың көпшілігі асқазан-ішек жолдарының анатомиялық (илеостома немесе колостоманы қоса) немесе функционалдық бұзылыстары бар, асқазан-ішек жолдары арқылы өту уақыты қысқарған пациенттерде байқалды. Бірнеше хабарламаларда таблетка қалдықтары диарея кезінде кездесетіні көрсетілген. Нәжісте таблетка қалдықтары бар және олардың жағдайы жақсармаған пациенттерді басқа кларитромицин препаратына (мысалы, суспензия) немесе басқа антибиотикке ауыстыру ұсынылады. Пациенттердің арнаулы топтары: иммунитеті төмен пациенттердегі жағымсыз реакциялар. Балалар 6 айдан 12 жасқа дейінгі балаларда педиатриялық кларитромицин суспензиясын қолдануды зерттейтін клиникалық зерттеулер жүргізілді. Осылайша, 12 жасқа дейінгі балаларға педиатриялық кларитромицин суспензиясын қолдану ұсынылады. Балалардағы жағымсыз реакциялардың жиілігі, түрі және ауырлығы ересектердегі осындайға ұқсас болады деп күтілуде. Пациенттердің басқа арнаулы топтары Иммунитеті төмен пациенттер Микобактериялық инфекцияларды емдеу үшін ұзақ уақыт бойы кларитромициннің жоғары дозаларын қабылдайтын ЖИТС-пен ауыратын пациенттерде және иммунитеті төмен басқа пациенттерде, әдетте, кларитромицин қабылдаумен байланысты жағымсыз құбылыстарды АИТВ-ның негізгі ауруының немесе қатарлас аурулардың симптомдарынан ажырату қиын. Кларитромицинді жалпы тәуліктік 1000 мг және 2000 мг дозаларда қабылдаған ересек пациенттерде көбінесе келесі жағымсыз реакциялар байқалды: жүрек айну, құсу, дәм сезудің бұрмалануы, іштің ауыруы, диарея, бөртпе, метеоризм, бас ауыруы, іш қату, есту қабілетінің бұзылуы, АСТ және АЛТ деңгейінің жоғарылауы. Өте сирек кездесетін жағымсыз реакциялар ентігу, ұйқысыздық және ауыздың құрғауын қамтыды. Бұл жағдайлар 1000 мг және 2000 мг қабылдаған пациенттер үшін салыстырмалы болды, бірақ кларитромициннің 4000 мг жалпы тәуліктік дозасын қабылдаған пациенттерде 3-4 есе жиірек байқалды. Иммунитеті төмен осы пациенттерде зертханалық көрсеткіштерді бағалау белгілі бір тест үшін белгіленген деңгейден (яғни шектен жоғары немесе төмен) астам мәндерді талдау жолымен жүргізілді. Осы критерийлерге сүйене отырып, күн сайын 1000 мг немесе 2000 мг кларитромицин қабылдаған пациенттердің шамамен 2-3%-ында АСТ және АЛТ деңгейінің едәуір жоғарылағаны, сондай-ақ лейкоциттер мен тромбоциттердің өте төмен мөлшері байқалды. Осы екі доза тобындағы пациенттердің аз пайызында қандағы мочевина азоты деңгейі де жоғарылаған. Тәулігіне 4000 мг қабылдаған пациенттерде лейкоциттерден басқа барлық параметрлер бойынша аномалиялық мәндердің біршама жоғары жиілігі байқалды. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Кларитромициннің жоғары дозасын ішке қабылдаған кезде асқазан-ішек жолы тарапынан бұзылулардың көріністерін күтуге болады. 8 г кларитромицин қабылдаған анамнезінде биполярлық бұзылысы бар бір пациентте психикалық статустың өзгеруі, параноидтық мінез-құлық, гипокалиемия және гипоксемия байқалды. Артық дозаланумен қатар жүретін құбылыстарды төмендету үшін сіңірілмеген препаратты тез элиминациялауға шара қабылдау керек, сондай-ақ симптомдық ем жүргізу ұсынылады. Басқа макролидтердегідей, қан сарысуындағы кларитромицин концентрациясына гемодиализ немесе перитонеальді диализ әсер етпейді.

Кларитромицинді жүкті әйелдерге пайдасы мен қаупін мұқият сараламай, әсіресе жүктіліктің алғашқы үш айында қолдануға болмайды. H. pylori инфекциясын емдеу үшін кез келген микробқа қарсы емді, мысалы, кларитромицинді қолдану препаратқа төзімді организмдердің көбеюіне әкелуі мүмкін. Басқа антибиотиктер сияқты ұзақ уақыт қолдану сезімтал емес бактериялар мен зеңдердің қатты өсуіне әкелуі мүмкін. Суперинфекциялар пайда болған жағдайда тиісті ем жүргізу қажет. Сондай-ақ, кларитромицин мен басқа макролидті препараттар, сондай-ақ линкомицин мен клиндамицин арасындағы айқаспалы төзімділік мүмкіндігіне назар аудару керек. Кларитромицин мен триазолам және мидазолам сияқты триазолобензодиазепиндерді вена ішіне немесе пероральді бір мезгілде қолданғанда сақ болу керек. Жалған жарғақшалы колит Макролидтерді қоса, барлық дерлік бактерияға қарсы препараттарды қолданғанда жалғанжарғақшалы колиттің дамығаны туралы хабарланды және ауырлық дәрежесі - жеңілден өмірге қауіп төндіретінге дейінгі әртүрлі болуы мүмкін. Кларитромицинді қоса алғанда, барлық дерлік бактерияға қарсы препараттарды қолданғанда Clostridium difficile (CDAD) астасқан диарея дамығаны туралы хабарланды және оның ауырлығы жеңіл диареядан өліммен аяқталуы ықтимал колитке дейін ауытқуы мүмкін. Бактерияға қарсы препараттармен емдеу тоқ ішектің қалыпты флорасын өзгертеді, бұл C. difficile шамадан тыс өсуіне әкелуі мүмкін. Антибиотикалық емнен кейін диарея дамитын барлық пациенттерде CDAD қарастырылуы керек. Анамнезді мұқият жинау қажет, өйткені CDAD бактерияға қарсы препараттарды қабылдағаннан кейін екі айдан астам уақыт ішінде пайда болуы мүмкін. Сондықтан көрсетіліміне қарамастан кларитромицинмен емдеуді тоқтату туралы мәселені қарастыру керек. Микробиологиялық зерттеу жүргізіп, тиісті емдеуді бастау керек. Перистальтиканы басатын препараттардан аулақ болу керек. Бүйрек және бауыр функцияларының жеткіліксіздігі Кларитромицин негізінен бауырда метаболизденеді. Сондықтан бауыр функциясы бұзылған пациенттерде кларитромицин қолданғанда сақ болу керек. Орташа және ауыр дәрежедегі бүйрек жеткіліксіздігі бар пациенттерге кларитромицинді тағайындау кезінде де сақ болу керек. Кларитромицинді қолданғанда бауыр ферменттерінің белсенділігі жоғарылағаны, сондай-ақ сарғаюмен немесе онсыз гепатоцеллюлярлық және/немесе холестаздық гепатитті қоса, бауыр функциясы бұзылғаны туралы хабарланды. Бауыр дисфункциясы ауыр болуы мүмкін және әдетте қайтымды болады. Кейбір жағдайларда, әдетте, күрделі қатарлас аурулармен және/немесе дәрілік препараттарды бір мезгілде қабылдаумен байланысты өлімге әкелетін бауыр функциясының жеткіліксіздігі туралы хабарланды. Кларитромицинді анорексия, сарғаю, күңгірт несеп, қышу немесе іштің ауыруы сияқты гепатиттің белгілері мен симптомдары пайда болған кезде дереу тоқтату керек. Бауырдың өлімге әкелетін жеткіліксіздігі жағдайлары туралы хабарланды. Кейбір пациенттерде бұрын бауыр аурулары болған немесе басқа гепатоуытты дәрілік заттарды қабылдаған болуы мүмкін. Анорексия, сарғаю, күңгірт несеп, іштің қышуы немесе ауыруы сияқты бауыр ауруының белгілері мен симптомдары пайда болған кезде пациенттерге емдеуді тоқтатуға және дәрігерге жүгінуге кеңес беру керек. Колхицин Кларитромицинмен бір мезгілде қолданғанда колхициннің уыттылығы туралы постмаркетингтік хабарламалар бар, әсіресе егде жастағы пациенттерде, олардың кейбіреулері бүйрек функциясының жеткіліксіздігі бар пациенттерде пайда болған. Кейбір осындай пациенттердің өлім жағдайы туралы хабарланды. Кларитромицин мен колхицинді бірге қолдануға болмайды. Жүрек-қан тамырлары құбылыстары Макролидтермен, соның ішінде кларитромицинмен емдеуде жүрек реполяризациясына әсерін көрсететін QT аралығының ұзаруы байқалды, бұл жүрек аритмиясы мен torsades de pointes даму қаупін арттырады. QT аралығы ұзару қаупінің жоғарылауына және қарыншалық аритмия дамуына (соның ішінде torsades de pointes) байланысты кларитромицинді қолдану астемизол, цизаприд, домперидон, ивабрадин, пимозид және терфенадин препараттарының кез келгенін қабылдайтын пациенттерге; гипомагниемия немесе гипокалиемия сияқты электролиттік бұзылулары бар пациенттерге; және анамнезінде QT ұзаруы болатын немесе қарыншалық жүрек аритмиясы бар пациенттерге қарсы көрсетілімде. Сонымен қатар, кларитромицинді келесі жағдайларда сақтықпен қолдану керек: - жүректің ишемиялық ауруы бар, жүректің ауыр жеткіліксіздігі бар, өткізгіштігі бұзылуы немесе клиникалық елеулі брадикардиясы бар пациенттер. - қарсы көрсетілімдегіден басқа, QT аралығының ұзаруына байланысты басқа дәрілік заттарды бір мезгілде қабылдайтын пациенттер. Макролидтерді қолдану кезінде қолайсыз жүрек-қан тамырлары нәтижелерінің қаупін зерттейтін эпидемиологиялық зерттеулер әртүрлі нәтижелер көрсетті. Кейбір обсервациялық зерттеулер макролидтерді, соның ішінде кларитромицинді қабылдаумен байланысты аритмия, миокард инфарктісі және жүрек-қан тамырларынан болатын өлімнің сирек қысқа мерзімді даму қаупін анықтады. Кларитромицинді тағайындау кезінде осы деректерді және емдеудің артықшылықтарын ескеру керек. Пероральді гипогликемиялық препараттар/инсулин Кларитромицинді және пероральді гипогликемиялық дәрілерді (сульфонилмочевина сияқты) және/немесе инсулинді бір мезгілде қолдану елеулі гипогликемияға әкелуі мүмкін. Қант деңгейін мұқият бақылау ұсынылады. Пероральді антикоагулянттар Кларитромицинді варфаринмен бір мезгілде қолданғанда қан кетудің елеулі қаупі және халықаралық қалыптасқан қатынастың (ХҚҚ) және протромбин уақытының айтарлықтай жоғарылауы болады. Кларитромицинді антикоагулянттармен бір мезгілде қолданған кезде ХҚҚ мен протромбин уақытын жиі бақылау қажет. Кларитромицинді дабигатран, ривароксабан, апиксабан және эдоксабан сияқты тікелей әсер ететін пероральді антикоагулянттармен бір мезгілде қолданғанда, әсіресе қан кету қаупі жоғары пациенттерде сақ болу керек. HMG-CoA редуктаза тежегіштері (статиндер) Кларитромицинді ловастатинмен немесе симвастатинмен бір мезгілде қабылдауға болмайды, өйткені статиндер айтарлықтай дәрежеде CYP3A4 метаболизденеді және қан плазмасындағы концентрацияның артуы есебінен рабдомиолизді қоса алғанда, миопатияның даму қаупін арттырады. Осы препараттарды бір мезгілде қабылдайтын пациенттерде рабдомиолиз туралы хабарланды. Пациенттер миопатия белгілері мен симптомдарының анықталу көріністеріне бақылауда болуы тиіс. Кларитромицин мен статиндерді бір мезгілде қолдану қажет болған жағдайларда статиннің ең аз дозасын қолдану ұсынылады. CYP3A метаболизміне тәуелді емес статинді (мысалы, флувастатин) қолдану мүмкіндігін қарастыруға болады. Кларитромицинді CYP3A4 цитохромы ферментін индукциялайтын препараттармен бір мезгілде қолданған кезде сақ болу керек. Пневмония Streptococcus pneumoniae макролидтерге төзімділігінің дамуына байланысты ауруханаішілік пневмония кезінде кларитромицин тағайындағанда сезімталдыққа тест жүргізген маңызды. Ауруханадан тыс пневмония кезінде кларитромицинді басқа тиісті антибиотиктермен бірге қолдану керек. Тері мен жұмсақ тіндердің ауырлық дәрежесі жеңіл және орташа инфекциялары Бұл инфекцияларды көбінесе Staphylococcus aureus және Streptococcus pyogenes туындатады, олардың екеуі де макролидтерге төзімді болуы мүмкін. Сондықтан сезімталдыққа тест жүргізген маңызды. Бета-лактамды антибиотиктерді қолдану мүмкін болмаған жағдайларда (мысалы, аллергия), бірінші таңдау препараты басқа антибиотиктер, мысалы, клиндамицин болуы мүмкін. Қазіргі уақытта макролидтер терінің және жұмсақ тіндердің кейбір инфекцияларында, мысалы Corynebacterium minutissimum туындатқан инфекцияларда (эритразма), acne vulgaris және қабынбалы тілме кезінде, сондай-ақ пенициллинмен емдеу мүмкін емес жағдайларда ғана тиімді деп саналады. Анафилаксия, терінің ауыр жағымсыз реакциялары (мысалы, жедел жайылған экзантематозды пустулез (AGEP), Стивенс-Джонсон синдромы, уытты эпидермалық некролиз, эозинофилиямен және жүйелік симптомдарымен дәрілік реакция (DRESS синдромы) сияқты ауыр жедел аса жоғары сезімталдық реакциялары пайда болған жағдайда, кларитромицинмен емдеуді дереу тоқтатып, шұғыл түрде тиісті емдеуді бастау керек. Арнайы сақтандырулар Педиатрияда қолдану Кламерді балалар мен 18 жасқа дейінгі жасөспірімдерде құрамында хинолинді сары Е104 бояғышының болуына байланысты қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралдарын және қауіптілігі зор механизмдерді басқару қабілетіне әсері туралы деректер жоқ. Жүйке жүйесі тарапынан құрысулар, бас айналу, сананың шатасуы, бағдардан адасу сияқты жағымсыз реакцияларының даму мүмкіндігін ескере отырып, көлік құралын басқару немесе қауіптілігі зор механизмдермен жұмыс жүргізу кезінде сақ болу керек.

Кларитромицинді жүктілік кезінде қолданудың қауіпсіздігі анықталмаған. Жануарларды зерттеуде алынған әртүрлі нәтижелердің және адамға қолдану тәжірибесі негізінде, эмбриофетальды дамуға жағымсыз әсер ету мүмкіндігін жоққа шығаруға болмайды. Бірінші және екінші триместрлерде кларитромициннің әсерін бағалайтын кейбір обсервациялық зерттеулерінде сол кезеңде антибиотиктерді немесе басқа антибиотиктерді қолданбаумен салыстырғанда түсік түсу қаупінің жоғарылағанын хабарланды. Жүктілік кезінде кларитромицинді қоса, макролидтерді қолданғанда туа біткен күрделі даму ақауларының пайда болу қаупін қол жетімді эпидемиологиялық зерттеулер қарама-қайшы нәтижелер береді. Сондықтан препаратты жүктілік кезінде пайдасы мен қаупін мұқият бағаламай қолдану ұсынылмайды. Бала емізу Бала емізу кезінде кларитромицинді қолданудың қауіпсіздігі анықталмаған. Кларитромицин емшек сүтімен аз мөлшерде шығарылады. Тек емшек сүтімен қоректенетін нәресте ананың салмағына сәйкес түзетілген кларитромицин дозасының шамамен 1,7% алады деп есептелді. Фертильділік Егеуқұйрықтардағы фертильділік зерттеулері қандай да бір жағымсыз әсерін анықтамады. Қосымша заттар туралы ерекше ақпарат Препарат құрамында бір реттік дозада 1 ммольден (23 мг) аз натрий бар, яғни іс жүзінде натрий жоқ дерлік. Кламер құрамында хинолинді сары Е104 бояғышы бар, осыған байланысты балалар мен 18 жасқа дейінгі жасөспірімдерде қолдануға болмайды.

Дәрілік өзара әрекеттесудің ауыр салдарының даму ықтималдығына байланысты келесі препараттарды қолдануға болмайды Цизаприд, пимозид, астемизол, домперидон және терфенадин Кларитромицинмен бір мезгілде қабылдаған кезде пациенттерде цизаприд деңгейінің жоғарылағаны хабарланды. Бұл QT аралығының ұзаруын және жүрек аритмиясын, соның ішінде қарыншалық тахикардияны, қарыншалар фибрилляциясын және torsades de pointes, әсіресе жүрек аурулары бар пациенттерде туындатуы мүмкін. Ондай жағымсыз әсерлер кларитромицин мен пимозидті бір мезгілде қабылдаған пациенттерде байқалған. Макролидтер терфенадиннің метаболизмін өзгертеді, бұл терфенадин деңгейінің жоғарылауына әкеп соқтырады, бұл кейде QT ұзаруы, қарыншалық тахикардия, қарыншалар фибрилляциясы және torsades de pointes сияқты жүрек аритмияларымен астасады. Дені сау 14 ерікті қатыстырылған бір зерттеуде кларитромицин мен терфенадинді бір мезгілде қабылдау қан сарысуындағы терфенадиннің қышқыл метаболиті деңгейінің 2-3 есе артуына және QT аралығының ұзаруына әкелді, бұл қандай да бір клиникалық анықталатын әсерге әкеп соқтырған жоқ. Ондай әсерлер астемизол мен басқа макролидтерді бір мезгілде қолданғанда да білінген. Эрготамин/дигидроэрготамин Постмаркетингтік есептерге сәйкес кларитромицинді эрготаминмен немесе дигидроэрготаминмен бірге қабылдау орталық жүйке жүйесін қоса алғанда, аяқ-қолдың және басқа тіндердің вазоспазмымен және ишемиясымен сипатталатын қастауыштың жедел уыттылығымен байланысты болды. Кларитромицин мен қастауыш алкалоидтарын бір мезгілде қабылдауға болмайды. Пероральді мидазолам Мидазоламды кларитромицин таблеткаларымен (күніне екі рет 500 мг) бір мезгілде қолданғанда, мидазоламның AUC мидазоламды пероральді қабылдағаннан кейін 7 есе ұлғайды. Мидазоламды және кларитромицинді бір мезгілде ішке қабылдауға болмайды. ГМГ -КоА-редуктаза тежегіштері (статиндер) Кларитромицинді ловастатинмен немесе симвастатинмен бір мезгілде қолдануға болмайды, өйткені бұл статиндер CYP3A4 қарқынды метаболизденеді, ал кларитромицинмен бір мезгілде емдеу олардың қан плазмасындағы концентрациясын арттырады, бұл миопатияның, соның ішінде рабдомиолиздің даму қаупін арттырады. Осы статиндермен бір мезгілде кларитромицин қабылдаған пациенттердегі рабдомиолиз туралы хабарламалар алынды. Егер кларитромицинмен емдеуді болдырмау мүмкін болмаса, емдеу курсы кезінде ловастатин немесе симвастатинмен емдеуді тоқтата тұру керек. Кларитромицинді статиндермен тағайындағанда абай болу керек. Кларитромицинді статиндермен бір мезгілде қолданудан аулақ болу мүмкін емес жағдайларда статиннің ең аз дозасын тағайындау ұсынылады. CYP3A метаболизміне тәуелді емес статиндерді (мысалы, флувастатин) қолдануды қарастыруға болады.Пациенттер миопатияның белгілері мен симптомдары үшін бақылауда болуы керек. Басқа дәрілік препараттардың кларитромицинге әсері CYP3A индукторлары болатын препараттар CYP3A индукторлары болатын препараттар (мысалы, рифампицин, фенитоин, карбамазепин, фенобарбитал, шайқурай) кларитромицин метаболизміне әсер етуі мүмкін. Бұл кларитромициннің емдік деңгейі төмендеуіне әкелуі мүмкін, әрі тиімділігі төмендеуіне соқтырады. Бұдан басқа, қан плазмасындағы CYP3A индукторының деңгейін бақылау талап етілуі мүмкін, оның жоғарылауы CYP3A кларитромицинмен тежелуіне байланысты болуы мүмкін. Рифабутин мен кларитромицинді бір мезгілде қабылдау рифабутин деңгейінің жоғарылауына және қан сарысуындағы кларитромицин деңгейінің төмендеуіне, сондай-ақ увеиттің даму қаупінің жоғарылауына әкелді. Кларитромицин концентрациясына әсер етуі мүмкін немесе болжамды ықпал етуі ықтимал препараттар (кларитромицин дозасын түзету немесе емнің баламалы әдістерін қарастыру қажет болуы мүмкін) Эфавиренз, невирапин, рифампицин, рифабутин және рифапентин Эфавиренз, невирапин, рифампицин, рифабутин және рифапентин сияқты Р450 цитохромы метаболизмінің күшті индукторлары кларитромицин метаболизмін жеделдетуі, осылайша қан плазмасындағы кларитромицин деңгейін төмендетіп, сонымен бірге микробиологиялық белсенді болып табылатын метаболиттің 14-(R)-гидрокси-кларитромицин (14-OH-кларитромицин) деңгейін жоғарылатуы мүмкін. Кларитромицин мен 14-OH-кларитромициннің микробиологиялық белсенділігі әртүрлі бактериялар үшін әрқалай болғандықтан, кларитромицин мен ферменттер индукторларын бір мезгілде қабылдағанда болжамды емдік әсер бұзылуы мүмкін. Этравирин Кларитромициннің әсері этравириннің ықпалынан төмендеді; алайда белсенді метаболиттің, 14-OH-кларитромициннің концентрациясы артты. 14-OH-кларитромициннің Mycobacterium avium complex (MAC) қатысты белсенділігі төмен боғандықтан, осы қоздырғышқа қатысты жалпы белсенділігі өзгеруі мүмкін; сондықтан MAC емдеу үшін кларитромицинге балама қарастыру керек. Флуконазол 21 дені сау еріктілерде күнделікті 200 мг флуконазолды және 500 мг кларитромицинді күніне екі рет бір мезгілде қабылдау кларитромициннің орташа тұрақты ең төменгі концентрациясының (Cmin) және қисық астындағы ауданының (AUC) тиісінше 33% және 18% - ға артуына әкелді. Флуконазолды бір мезгілде қабылдау 14-OH-кларитромициннің белсенді метаболитінің тұрақты концентрациясына елеулі әсер еткен жоқ. Кларитромицин дозасын түзету қажет емес. Ритонавир Фармакокинетикалық зерттеуде әр сегіз сағат сайын 200 мг ритонавирді және әр 12 сағат сайын 500 мг кларитромицинді бір мезгілде қабылдау кларитромицин метаболизмінің айтарлықтай тежелуіне әкелді. Кларитромициннің Cmax 31% - ға өсті, Cmin 182% - ға өсті, ал ритонавирді бір мезгілде қабылдаған кезде AUC 77% - ға өсті. 14-OH-кларитромицин түзілуінің іс жүзінде толық тежелгені білінді. Кларитромициннің үлкен емдік диапазонына байланысты бүйрек функциясы бұзылмаған пациенттерде дозасын төмендету талап етілмейді. Алайда бүйрек функциясының жеткіліксіздігі бар пациенттер үшін дозасын келесідей түзету қажет: КК 30-дан 60 мл/мин дейінгі пациенттер үшін кларитромицин дозасын 50% - ға төмендету тиіс. КК < 30 мл/мин пациенттер үшін кларитромицин дозасы 75%-ға төмендетілуі тиіс. Кларитромициннің тәулігіне 1 гм астам дозасын ритонавирмен бір мезгілде қолдануға болмайды. Атазанавир мен саквинавирді қоса, АИТВ протеазасының басқа тежегіштерімен ритонавирді фармакокинетикалық күшейткіш ретінде қолданғанда бүйрек функциясы төмендеген пациенттерде дозалардың ұқсас түзетілуін қарастыру керек. Кларитромициннің басқа дәрілік препараттарға әсері CY3A4 негізіндегі өзара әрекеттесулер CYP3A тежейтіні белгілі кларитромицинді және негізінен CYP3A метаболизденетін препаратты бір мезгілде қабылдау препарат концентрациясының жоғарылауымен байланысты болуы мүмкін, бұл қатарлас препараттың емдік және сондай-ақ жағымсыз әсерін де күшейтуі немесе ұзартуы мүмкін. Кларитромицинді қолдану CYP3A субстраттарын - астемизол. цизаприд, домперидон, пимозид және терфенадин алатын пациенттерге қарсы көрсетілімде, бұл QT аралығының ұзару қаупіне және жүрек ырғағының бұзылуына, соның ішінде қарыншалық тахикардия, қарыншалық фибрилляция және torsades de pointes байланысты. Кларитромицинді қолдану қастауыш алкалоидтарын, пероральді мидазоламды, негізінен CYP3A4 метаболизденетін ГМГ-КоА-редуктаза тежегіштерін (мысалы, ловастатин және симвастатин), колхицин, тикагрелор, ивабрадин және ранолазин қабылдағанда да қарсы көрсетілімде. Кларитромицинді ломитапидпен бір мезгілде қолдану трансаминазалардың белсенділігін едәуір арттыру мүмкіндігіне байланысты қарсы көрсетілімде. Кларитромицинді CYP3A ферментінің субстраттары ретінде белгілі басқа препараттармен ем қабылдап жүрген пациенттерде, әсіресе, егер CYP3A субстратының қауіпсіздік шегі шамалы болса (мысалы, карбамазепин) және/немесе субстрат осы ферментпен қарқынды метаболизденсе, сақтықпен қолдану керек. Дозаны түзету туралы мәселе қарастырылуы мүмкін және мүмкіндігінше кларитромицинді бір мезгілде қабылдаған кезде пациенттерде көбіне CYP3A метаболизденетін препараттардың сарысулық концентрациясын мұқият бақылау керек. Келесі препараттар немесе препараттар класы бір ғана CYP3A изоферментімен метаболизденетіні белгілі немесе болжанады: алпразолам, карбамазепин, цилостазол, циклоспорин, дизопирамид, ибрутиниб, метилпреднизолон, мидазолам (вена ішіне), омепразол, пероральді антикоагулянттар (мысалы, варфарин, ривароксабан, апиксабан), атипиялық нейролептиктер (мысалы, кветиапин), хинидин, рифабутин, силденафил, сиролимус, такролимус, триазолам, винбластин. Цитохром Р450 жүйесінің басқа изоферменттерімен ұқсас механизмдер бойынша өзара әрекеттесетін дәрілік заттар фенитоин, гексобарбитал, теофиллин және вальпроатты қамтиды. Бұл тізім толық емес. Кортикостероидтар Кларитромицинді көбіне CYP3A метаболизденетін жүйелі және ингаляциялық кортикостероидтармен бір мезгілде қолданғанда, кортикостероидтардың жүйелік әсерінің күшею ықтималдығына байланысты сақ болу керек. Бір мезгілде қолданған кезде пациенттер жүйелік кортикостероидтардың жағымсыз әсерлерін мұқият бақылауда ұстауы керек. Аритмияға қарсы препараттар Кларитромицин мен хинидин немесе дизопирамидті бір мезгілде қолданғанда жедел жүрек айну ұстамасының дамуы туралы постмаркетингтік хабарламалар болды. Кларитромицинді осы препараттармен бір мезгілде қолданғанда QT аралығы ұзаруының электрокардиограммасын бақылау керек. Кларитромицинмен емдеу кезінде қан сарысуындағы хинидин мен дизопирамид деңгейін бақылау керек. Кларитромицин мен дизопирамидті бір мезгілде қолданғанда гипогликемия дамығаны туралы постмаркетингтік хабарламалар бар. Сондықтан кларитромицин мен дизопирамидті бір мезгілде қолданғанда қандағы глюкоза деңгейін бақылау керек. Гидроксихлорохин және хлорохин Кларитромицинді жүрек аритмиясының даму қаупіне және жүрек-қан тамырларының ауыр қолайсыз асқынуларына байланысты QT аралығын ұзартатын осы препараттарды қабылдайтын пациенттерде сақтықпен қолдану керек. Пероральді гипогликемиялық препараттар / Инсулин Натеглинид және репаглинид сияқты кейбір гипогликемиялық препараттармен бір мезгілде қолданғанда CYP3A ферментінің кларитромицинмен тежелуі байқалуы мүмкін, бұл гипогликемияны тудыруы ықтимал. Глюкоза деңгейін мұқият бақылау ұсынылады. Теофиллин, карбамазепин Клиникалық зерттеулердің нәтижелері осы препараттардың кез келгенін кларитромицинмен бір мезгілде қабылдаған кезде қан сарысуындағы теофиллин немесе карбамазепин деңгейінің орташа, бірақ статистикалық елеулі (p≤0,05) жоғарылағанын айғақтайды. Дозаны азайту қажет болуы мүмкін. Омепразол Кларитромицинді (500 мг әр 8 сағат сайын) дені сау еріктілер омепразолмен (40 мг күнделікті) біріктірілімде қабылдады. Кларитромицинді бір мезгілде қабылдаған кезде қан плазмасындағы омепразолдың тұрақты концентрациясы жоғарылады (Cmax, AUC0 - 24 және t1/2 тиісінше 30%, 89% және 34% - ға артты). Омепразолмен монотерапияда асқазанның рН орташа 24 сағаттық мәні 5,2 және омепразолды кларитромицинмен бір мезгілде қабылдаған кезде 5,7 құрады. Тікелей әсер ететін пероральді антикоагулянттар (DOAC) Дабигатран және эдоксабан препараттары (DOAC) P-gp тасымалдаушысы үшін субстрат болып табылады. Ривароксабан және апиксабан CYP3A4 арқылы метаболизденеді және сонымен бірге P-gp үшін де субстрат болады. Кларитромицинді осы препараттармен бір мезгілде қолданғанда, әсіресе қан кету қаупі жоғары пациенттерде сақ болу керек. Силденафил, тадалафил және варденафил Фосфодиэстераза тежегіштерінің әрқайсысы, ең болмағанда, ішінара CYP3A метаболизденеді және CYP3A кларитромицинді бір мезгілде қабылдаған кезде тежелуі мүмкін. Кларитромицинді силденафилмен, тадалафилмен немесе варденафилмен бір мезгілде қабылдау фосфодиэстераза тежегіші әсерінің артуына әкелуі мүмкін. Осы препараттарды кларитромицинмен бір мезгілде қабылдағанда силденафил, тадалафил және варденафил дозасын азайту мүмкіндігін қарастыру керек. Толтеродин Толтеродин метаболизмінің негізгі жолы - P450 (CYP2D6) цитохромының 2D6 изоформасы арқылы. Алайда, CYP2D6-дан айырылған популяцияның бір бөлігінде метаболизмнің анықталған жолы - CYP3A арқылы. тұрғындардың осы тобында CYP3A тежелуі толтеродиннің сарысулық концентрациясының елеулі жоғарылауына әкеледі. CYP3A тежегіштері, мысалы, CYP2D6 баяу метаболизмі бар пациенттерде қолданылатын кларитромицин болған кезде толтеродин дозасын төмендету қажет болуы мүмкін. Триазолобензодиазепиндер (мысалы, алпразолам, мидазолам, триазолам) Мидазоламды кларитромицин таблеткаларымен (күніне екі рет 500 мг) бір мезгілде қабылдағанда мидазоламның AUC мидазоламды вена ішіне енгізгеннен кейін 2,7 есе және пероральді қабылдағаннан кейін 7 есе артты. Мидазоламды вена ішіне және кларитромицинді бір мезгілде енгізген кезде дозаны түзету үшін пациентті мұқият бақылау қажет. Ауыз қуысының шырышты қабаты арқылы енгізілген мидазолам мен кларитромицин арасындағы дәрілік өзара әрекеттесуді зерттеу жүргізілген жоқ. Дегенмен, препараттың жүйеалдылық шығарылуын айналып өтуі мүмкін шырышты қабық арқылы енгізу, мидазоламды вена ішіне енгізгеннен кейін байқалғанға ұқсас өзара әрекеттесуге әкелуі мүмкін, бірақ пероральді қолдануда олай емес. Осындай сақтық шаралары соның ішінде CYP3A метаболизденетін триазолам және алпрозоламды қоса, басқа бензодиазепиндерге де қолданылуы тиіс. Шығарылуы CYP3A-ға (темазепам, нитразепам, лоразепам) тәуелді емес бензодиазепиндердің кларитромицинмен клиникалық маңызды өзара әрекеттесу ықтималдығы аз. Кларитромицин мен триазоламды бір мезгілде қолданғанда дәрілік өзара әрекеттесуі және орталық жүйке жүйесі (ОЖЖ) тарапынан әсерлер (мысалы, ұйқышылдық және сананың шатасуы) туралы постмаркетингтік хабарламалар бар. ОЖЖ-не фармакологиялық әсерлердің күшею тұрғысынан пациентті бақылау ұсынылады. Басқа дәріліқ өзара әрекеттесулер Колхицин: колхицин CYP3A үшін де, эффлюкс тасымалдаушысы үшін де, Р-гликопротеин (Pgp) үшін де субстрат болып табылады. Кларитромицин және басқа макролидтер CYP3A және Pgp тежейтіні белгілі. Кларитромицин мен колхицинді бірге қабылдаған кезде Pgp және/немесе CYP3A кларитромицинмен тежелуі колхицин әсерінің артуына әкелуі мүмкін. Кларитромицин мен колхицинді бір мезгілде қолдануға болмайды. Дигоксин:дигоксин P-гликопротеиннің (Pgp) эффлюкс тасымалдаушысы үшін субстрат деп саналады. Кларитромициннің Pgp тежейтіні белгілі. Кларитромицин мен дигоксинді бірге қабылдаған кезде кларитромициннің Pgp тежеуі дигоксин әсерінің күшеюіне әкелуі мүмкін. Кларитромицин мен дигоксинді бір мезгілде қабылдайтын пациенттерде қан сарысуындағы дигоксиннің концентрациясы жоғарылағаны туралы да постмаркетингтік бақылау барысында хабарланды. Кейбір пациенттерде өлімге әкелуі ықтимал аритмияларды қоса, дигоксиннің уыттылығын айғақтайтын клиникалық белгілер байқалды. Дигоксин мен кларитромицинді бір мезгілде қабылдайтын пациенттердің қан сарысуындағы дигоксин концентрациясын мұқият бақылау қажет. Зидовудин: АИТВ-инфекциясын жұқтырған ересек пациенттердің кларитромицин мен зидовудинді бір мезгілде пероральді қабылдауы зидовудиннің тұрақты концентрациясының төмендеуіне әкелуі мүмкін. Кларитромицин бір мезгілде пероральді қабылданатын зидовудиннің сіңуіне кедергі келтіретіндіктен, бұл өзара әрекеттесуді кларитромицин мен зидовудиннің дозаларын әр препаратты қабылдау арасында 4 сағаттық аралық болатындай етіп бөлу арқылы болдырмауға болады. Бұндай өзара әрекеттесу кларитромицин суспензиясын зидовудинмен немесе дидезоксиинозинмен қабылдайтын АИТВ- инфекциясын жұқтырған балаларда байқалмайды. Бұндай өзара әрекеттесудің кларитромицинді вена ішіне енгізгенде ықтималдығы аз. Фенитоин және вальпроат: кларитромицинді қоса, CYP3A тежегіштерінің CYP3A метаболизденбейді деп есептелетін препараттармен (мысалы, фенитоин және вальпроат) өзара әрекеттесуі туралы өздігінен келіп түскен немесе жарияланған хабарламалар бар. Кларитромицинмен бір мезгілде қабылдаған кезде осы препараттардың қан сарысуындағы деңгейін анықтау ұсынылады. Осы препараттардың қан сарысуындағы деңгейінің жоғарылауы туралы хабарланды. Кларитромицинді ломитапидпен бір мезгілде қолдану трансаминазалардың белсенділігін едәуір арттыру мүмкіндігіне байланысты қарсы көрсетілімде. Гидроксихлорохин және хлорохин: бақылау деректері ревматоидты артриті бар пациенттерде азитромицинді гидроксихлорохинмен бір мезгілде қолдану жүрек-қан тамырлары ауруларының салдарынан жүрек-қан тамырлары асқынулары мен өлім қаупінің жоғарылауымен байланысты екенін көрсетті. Гидроксихлорохинмен немесе хлорохинмен біріктірілген басқа макролидтерді қолданудың ықтимал ұқсас қаупіне байланысты, гидроксихлорохин немесе хлорохин қабылдаған кез келген пациенттерге кларитромицинді тағайындамас бұрын пайда мен қауіптің арақатынасын мұқият бағалау керек. Кларитромицинді жүрек аритмиясын және жүрек-қантамыр жүйесі тарапынан күрделі жағымсыз құбылыстарды тудыруы мүмкін болғандықтан QT аралығын ұзартатын осы препараттарды қабылдайтын пациенттерде сақтықпен қолдану керек. Екі бағытты дәрілік өзара әрекеттесу Атазанавир Кларитромицин де, атазанавир де CYP3A субстраттары және тежегіштері болып табылады және екі бағытты дәрілік өзара әрекеттесудің дәлелі бар. Кларитромицинді (күніне екі рет 500 мг) атазанавирмен (күніне бір рет 400 мг) бір мезгілде қабылдау кларитромицин экспозициясының 2 есе артуына әкеледі және 14-OH-кларитромицин экспозициясының 70% төмендеуін туындатты, бұл ретте атазанавирдің AUC 28%-ға артты. Кларитромициннің үлкен емдік диапазонына байланысты бүйрек функциясы бұзылмаған пациенттерде дозаны төмендету талап етілмейді. Бүйрек функциясы бұзылуының орташа дәрежесі бар пациенттер үшін (креатинин клиренсі 30-дан 60 мл/мин дейін) кларитромицин дозасы 50%-ға төмендеуі тиіс. Креатинин клиренсі < 30 мл/мин пациенттер үшін кларитромицин дозасын 75%-ға азайту керек. Кларитромициннің тәулігіне 1000 мг асатын дозалары протеаза тежегіштерімен бір мезгілде қолданылмауы тиіс. Кальций өзекшелерінің блокаторлары Артериялық гипотензияның даму қаупіне байланысты кларитромицинді және CYP3A4 метаболизденетін кальций өзекшелерінің блокаторларын (мысалы, верапамил, амлодипин, дилтиазем) бір мезгілде қабылдаған кезде сақ болу ұсынылады. Өзара әрекеттесу нәтижесінде қан плазмасындағы кларитромициннің, сондай-ақ кальций өзекшелерінің блокаторларының да концентрациясы жоғарылауы мүмкін. Кларитромицин мен верапамилді бір мезгілде қабылдаған пациенттерде гипотония, брадиаритмия және сүт қышқылы ацидозы байқалды. Итраконазол Кларитромицин де, итраконазол да CYP3A субстраттары мен тежегіштері болып табылады, бұл екі бағытты дәрілік әрекеттесуге әкеледі. Кларитромицин итраконазолдың плазмалық деңгейін жоғарылатуы мүмкін, ал итраконазол кларитромициннің плазмалық деңгейін жоғарылатуы мүмкін. Итраконазол мен кларитромицинді бір мезгілде қабылдайтын пациенттер фармакологиялық әсерлерді күшейту немесе ұзарту белгілерін немесе симптомдарын анықтау үшін мұқият бақылауда болуы тиіс. Саквинавир Кларитромицин де, саквинавир де CYP3A субстраттары және тежегіштері болып табылады және екі бағытты дәрілік өзара әрекеттесудің дәлелі бар. 12 дені сау еріктінің кларитромицинді (күніне екі рет 500 мг) және саквинавирді (жұмсақ желатинді капсулалар, күніне 3 рет 1200 мг) бір мезгілде қабылдауы саквинавирдің AUC және Cmax тұрақты мәндеріне әкелді, олар тек бір саквинавирді қабылдағанға қарағанда 177% және 187% жоғары болды. Кларитромициннің AUC және Cmax мәндері тек кларитромицин қабылдағанға қарағанда шамамен 40% жоғары болды. Осы екі препаратты зерттелген дозаларда/құрамында шектеулі уақыт ішінде бір мезгілде қолданған кезде дозаны түзету талап етілмейді. Жұмсақ желатинді капсуланы қолданумен дәрілік өзара әрекеттесуді зерттеу барысында алынған нәтижелер саквинавирдің қатты желатинді капсуласын қолдану кезінде байқалатын әсерлерге сәйкес келмеуі мүмкін. Тек саквинавирді қолданумен жүргізілген дәрілік өзара әрекеттесуді зерттеу барысында алынған нәтижелер саквинавирмен/ритонавирмен емдеу кезінде байқалатын әсерлерді көрсетпеуі мүмкін. Саквинавирді ритонавирмен бір мезгілде қабылдаған кезде ритонавирдің кларитромицинге ықтимал әсерін ескеру керек.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 ºС-ден аспайтын бөлме температурасында сақтау керек. Балалардың қолы жетпейтін жерде сақтау керек!