Кларанта 250 таблетки 250 мг

Бір таблетканың құрамында белсенді зат - 250 мг кларитромицин қосымша заттар: микрокристалды целлюлоза, повидон, тазартылған су, натрий кроскармеллозасы, микрокристалды целлюлоза, коллоидты кремнийдің қостотығы, магний стеараты қабығы: инстакоат Аква-III (IA-III-40474) (полиэтиленгликоль, гидроксипропилметилцеллюлоза, тальк, титанның қостотығы (Е 171), хинолинді сары WS (Е 104)) Сыртқы түрінің, иісінің, дәмінің сипаттамасы Дөңгелек пішінді, екі беті дөңес, сары түсті үлбірлі қабықпен қапталған таблеткалар.

Ересектерге және 12 жастан асқан балаларға: - бактериялық фарингит - ауырлығы жеңіл және орташа дәрежедегі ауруханадан тыс пневмония - жедел бактериялық синусит (талапқа сай диагностикаланған) - созылмалы бронхиттің жедел өршуі - ауырлығы жеңіл және орташа дәрежедегі тері инфекциялары және жұмсақ тіндер инфекциялары - ересектерде Helicobacter Pylori-мен астасқан ойық жараларды емдеу үшін (бактерияға қарсы емдік сызбалармен және ойық жараларды емдеп жазуға арналған тиісті дәрімен сәйкес біріктірілімде)

Әсер ету механизмі Кларанта 250 – макролидтер тобына жататын жартылай синтетикалық антибиотик. Кларанта 250 бактерияға қарсы әсері оның сезімтал бактериялардың 5OS-рибосомалық суббірлігімен байланысуымен және ақуыз биосинтезін тежеуімен айқындалады. Препарат, ауруханалық штаммдарды қоса, аэробты және анаэробты грам-оң және грам-теріс микроорганизмдердің кең ауқымына қарсы тиімділігі жоғары. Кларитромициннің ең төмен тежегіш концентрациялары (ЕТТК), әдетте, эритромицин ЕТТК мәніне қарағанда, екі есе төмен. Фармакодинамикалық әсерлері Кларанта 250 Legionella pneumophila және Mycoplasma pneumoniаe қарсы тиімділігі жоғары. Enterobacteriaceae және Pseudomonas штаммдары, лактоза өндірмейтін грам-теріс бактериялар сияқты, Кларанта 250 препаратына сезімтал емес. Препарат келесі микроорганизмдер ауқымына қатысты бактерияға қарсы белсенділік танытады (клиникалық практикада): Аэробты грам-оң микроорганизмдер: Staphylococcus aureus, Streptococcus pneumoniae, Streptococcus pyogenes, Listeria monocytogenes. Аэробты грам-теріс микроорганизмдер: Haemophilus influenzae, Haemophilus parainfluenzae, Moraxella catarrhаlis, Neisseria gonorrhоeae, Legionella pneumophila. Басқа микроорганизмдер: Mycoplasma pneumoniae, Chlamydia pneumoniae (TWAR). Микобактериялар: Mycobacterium leprae, Mycobacterium kansasii, Mycobacterium chelonae, Mycobacterium fortuitum, Mycobacterium avium complex (MAC), cоның ішінде Mycobacterium avium, Mycobacterium intracellulare. Микроорганизмдердің бета-лактамазалары Кларанта 250 тиімділігіне ықпал етпейді. Стафилококктардың метициллинге және оксациллинге төзімді штаммдарының көпшілігі Кларанта 250 препаратына сезімтал емес. Кларанта 250 төменде тізбеленген микроорганизмдер штаммдарының көпшілігіне қатысты in vitro белсенді, алайда оны қолданудың клиникалық тиімділігі мен қауіпсіздігі анықталмады. Аэробты грам-оң микроорганизмдер: Streptococcus agalactiae, Streptococci (C,F,G топтары), Viridans group streptococci. Аэробты грам-теріс микроорганизмдер: Bordetella pertussis, Pasteurella multocida. Анаэробты грам-оң микроорганизмдер: Clostridium perfringens, Peptococcus niger, Propionibacterium acnes. Анаэробты грам-теріс микроорганизмдер: Bacteriodes melaninogenicus. Спирохеталар: Borrelia burgdorferi, Treponema pallidum. Кампилобактериялар: Campylobacter jejuni. Кларанта 250 бактериялардың бірнеше штаммына қарсы бактерицидті әсер көрсетеді: Haemophilus influenzae, Streptococcus pneumoniae, Streptococcus pyogenes, Streptococcus agalactiae, Moraxella (Branhamella) catarrhalis, Neisseria gonorrhoeae, H. Pylori, Campylobacter spp.

Дозалау режимі Кларанта 250 препаратының ересектерге ұсынылған дозасы күніне екі рет 250 мг құрайды, өте ауыр инфекцияларда дозаны күніне екі рет 500 мг дейін арттырады. Емдеу ұзақтығы 6-14 күнге созылады Кларанта 250 препаратын ас ішуге байланыссыз қолдануға болады. Пациенттердің ерекше топтары Балалар 12 жастан үлкен балаларға ұсынылған дозасы күніне екі рет 250 мг құрайды, өте ауыр инфекцияларда дозаны күніне екі рет 500 мг дейін арттырады. Енгізу әдісі және жолы Пероральді. Таблеткаларды шайнамай, тұтастай жұту керек. Кларитромицинді тамақтануға қарамастан тағайындауға болады, өйткені тағам биожетімділік дәрежесіне әсер етпейді. Емдеу ұзақтығы Емдеуші дәрігер белгілейді

- макролидті антибиотиктерге немесе препараттың басқа компоненттеріне жоғары сезімталдық - кларитромицинді және келесі препараттардың қандай да бірін бір мезгілде қолдану: астемизол, цизаприд, пимозид, терфенадин (бұл QT аралығының ұзаруына және қарыншалық тахикардияны, жүрекшелер фибрилляциясын және пируэтті қарыншалық тахикардияны (torsade de pointes) қоса, жүрек аритмияларының дамуына әкелуі мүмкін), эрготамин немесе дигидроэрготамин (бұл эргоуыттануға әкелетіндіктен), ловастатин, симвастатин (рабдомиолизді қоса, миопатияның пайда болу қаупіне орай) - тикагрелормен, ивабрадинмен немесе ранолазинмен бір мезгілде қолдану - анамнезінде QT аралығының ұзаруы немесе пируэтті қарыншалық тахикардияны (torsade de pointes) қоса, қарыншалық жүрек аритмиялары бар пациенттер - бүйрек немесе бауыр жеткіліксіздігі бар пациенттерге колхицин мен Р-гликопротеинді немесе CYP3A4 күшті тежегішін бір мезгілде қолдану - бүйрек функциясының айқын бұзылуы (креатинин клиренсі минутына 30 мл аз пациенттерге) - макролидтер тобының антибиотиктеріне жоғары сезімталдық - порфирия - жүктілік және лактация кезеңі - бауыр функциясының ауыр сипатты бұзылуы - 12 жасқа дейінгі балалар

Кларитромицинмен ересектер мен балаларды емдеу кезіндегі ең жиі және таралған жағымсыз реакциялар іштің ауыруы, диарея, жүрек айну, құсу және дәм сезудің бұрмалануы болып табылады. Осы жағымсыз реакциялар, әдетте, елеусіз білініп, макролидті антибиотиктер қауіпсіздігінің белгілі бейінімен сәйкестікте болады. Клиникалық зерттеулер кезінде микобактериялық инфекциялары бар немесе жоқ пациенттер топтары арасында осы гастроинтестинальды жағымсыз реакциялардың жиілігінде айтарлықтай айырмашылықтар анықталмаған. Төменде кларитромициннің әртүрлі дәрілік түрлері мен дозаларын клиникалық зерттеулер кезінде және маркетингтен кейін қолданғанда пайда болған жағымсыз реакциялар келтірілген. Жағымсыз реакциялар жиілігі бойынша әр топ шегінде, егер ауырлығын бағалау мүмкін болса, көріністер ауырлығының кему ретімен ұсынылады. Жиі: - диарея, іш аймағының ауыруы, диспепсия және жүрек айну, құсу - бөртпе, гипергидроз - вазодилятация - бас ауыруы - ұйқысыздық - дәм сезу түйсіктерінің өзгеруі - бауыр ферменттері деңгейінің уақытша жоғарылауы Жиі емес: - целлюлит, кандидоз, салдарлы инфекциялар (соның ішінде, қынаптық) - лейкоциттер санының азаюы, нейтропения, тромбоцитемия, эозинофилия - аса жоғары сезімталдық, анафилактоидты реакция, - қышыну, есекжем, макуло-папулезді бөртпе, буллезді дерматит - анорексия, тәбеттің төмендеуі - мочевина концентрациясының жоғарылауы, креатинин концентрациясының жоғарылауы - естен тану, дискинезия - үрейлену, күйгелектік - бас айналу, ұйқышылдық, тремор - естудің нашарлауы, құлақтың шыңылдауы (препарат пайдалануды тоқтатқан кезде жоғалған есту қабілетінің қалпына келуі байқалады), бас айналуы - жүректің тоқтап қалуы, жүрекше фибрилляциясы, жүрек қағуын сезіну, ЭКГ-да QT аралығының ұзаруы, экстрасистолалар - мұрыннан қан кету, демікпе, өкпе артериясы тромбоэмболиясы - гастроэзофагеальді рефлюкс ауруы, гастрит, стоматит, глоссит, іштің кебуі, іш қату, ауыздың құрғауы, кекіру, метеоризм, прокталгия, эзофагит - холестаздық гепатит АЛТ, АСТ, ГГТ деңгейінің жоғарылауы - сілтілік фосфатаза деңгейінің жоғарылауы, ЛДГ, альбумин-глобулин қатынасының өзгеруі - бұлшықеттің түйілуі, миалгия, сүйек-бұлшықет қимыл қозғалысының шектелуі - дімкәстану, қызба, астения, кеудедегі ауырсыну, қалтырау, қатты қажу Белгісіз (қолда бар деректер бойынша бағалау мүмкін емес) - жалғанжарғақшалы колит, тілме қабынуы - агранулоцитоз, тромбоцитопения - анафилаксиялық реакциялар, ангионевроздық ісіну - психоздар, сананың шатасуы, өзін-өзі танымау, депрессия, бағдардан адасу, елестеулер, түнгі қорқыныштар, маниялық реакциялар - ұстамалар, агевзия (дәм сезгіштігінің жоғалуы), паросмия, аносмия, парестезия - естімей қалу - пируэтті қарыншалық тахикардия (torsades de pointes), қарыншалық тахикардия, қарыншалық фибрилляция - қан құйылу - жедел панкреатит, тіл түсінің өзгеруі, тіс түсінің өзгеруі - бауыр жеткіліксіздігі, гепатоцеллюлярлық сарғаю - жайылған жедел экзантематозды пустулез, Стивенс-Джонсон синдромы, уытты эпидермальді некролиз, эозинофилиямен және жүйелік көріністермен (DRESS) қатар жүретін дәрі-дәрмектік тері реакциясы, акне - рабдомиолиз (рабдомиолиздің пайда болуы туралы кейбір хабарламаларда кларитромицин статиндермен, фибраттармен, колхицинмен немесе алопуринолмен бір мезгілде қолданылған), миопатия - бүйрек жеткіліксіздігі, интерстициальді нефрит - халықаралық қалыпқа келтірілген арақатынастың жоғарылауы, протромбин уақытының ұзаруы, несеп түсінің өзгеруі Жекелеген жағымсыз реакциялардың сипаттамасы Жекелеген жағдайларда рабдомиолиз оның дамуына себеп болатын дәрілік препараттар: статиндер, фибраттар, колхицин немесе аллопуринолды бір мезгілде қолданумен байланысты болуы мүмкін. Постмаркетингтік кезеңде, кларитромицинді колхицинмен бір мезгілде қолданғанда, колхицин уытты әсерінің көріністері әсіресе егде жастағы және/немесе бүйрек жеткіліксіздігі бар (кейбір жағдайларда өліммен аяқталатын) пациенттерде байқалды. Маркетингтен кейінгі кезеңде кларитромицин мен триазоламды бір мезгілде қолданғанда, ұйқышылдық пен сананың шатасуы түрінде білінетін дәрілік препараттардың орталық жүйке жүйесіне (ОЖЖ) әсері байқалды. ОЖЖ-ге фармакологиялық әсерлердің көбеюі пациенттерге мұқият мониторингпен байланысты болуы мүмкін. Постмаркетингтік бақылау кезінде кларитромицин таблеткаларының нәжісте анықталғаны туралы сирек хабарламалар болған. Бұл пациенттердің көпшілігінде анатомиялық бұзылулар (соның ішінде нәжіс қабылдағыш немесе колостома) немесе асқазан-ішек жолдарының функционалдық бұзылыстары болды, асқазан-ішек жолынан ішіндегісін шығару уақыты қысқарады. Бірқатар хабарламаларда, диарея кезінде, нәжісте таблетка қалдықтарының табылғаны атап өтілді. Нәжісте таблетка қалдықтары анықталған және жағдайының жақсарғаны байқалмаған пациенттерге кларитромицинді басқа дәрілік түрде (мысалы, суспензия) қабылдау немесе басқа антибиотик тағайындау ұсынылады. Балалар Кларитромицин педиатриялық суспензиясы қолданылатын клиникалық зерттеулер 6 айдан 12 жасқа дейінгі балаларда жүргізілді. Сондықтан 12 жасқа толмаған балалар үшін кларитромициннің педиатриялық суспензиясын қолдану керек. Балалардағы жағымсыз реакциялардың жиілігі, түрі және ауырлығы ересектердегідей деп күтілуде. Иммун тапшылығы бар пациенттердегі жағымсыз реакциялар АИТВ ауыратын пациенттерде және микобактериялық инфекцияларды емдеу үшін ұзақ уақыт бойы кларитромициннің жоғары дозаларын қабылдаған иммунитеті төмен пациенттерде қолайсыз жағымсыз әсерлерді ажырату көбіне қиын, бұл адамның иммун тапшылығы вирусын (АИТВ) немесе онымен қатар жүретін ауруларды жұқтырудың негізгі көріністерінің кларитромицинмен байланысты болуы мүмкін. Ересек пациенттерде кларитромициннің жалпы тәуліктік дозасы 1000 мг және 2000 мг қабылдау кезінде төмендегідей білінген жағымсыз реакциялар туралы жиі хабарланды: жүрек айну, құсу, дәмнің бұрмалануы, іштің ауыруы, диарея, бөртпе, метеоризм, бас ауыруы, іш қату, есту қабілетінің бұзылуы, қан сарысуында АСТ, АЛТ бауыр ферменттерінің жоғарылауы. Ентігу, ұйқысыздық және ауыздың құрғауы сирек байқалды. 1000 мг және 2000 мг қабылдаған пациенттерде жағымсыз реакциялардың жиілігі салыстырмалы болды, ал кларитромициннің жалпы тәуліктік дозаларын (4000 мг дейін) қабылдаған пациенттерде олар әдетте 3-4 есе жиі байқалды. Иммунитеті әлсіреген пациенттерде зертханалық көрсеткіштерді бағалау қалыпты көрсеткіштермен (әрбір тест үшін норманың жоғарғы және төменгі шегі) салыстыра отырып жүргізілді. Бағалау критерийлерінің деректеріне сүйене отырып, 2% -3% пациентте (күн сайын 1000 мг немесе 2000 мг кларитромицин қабылдаған) АЛТ және АСТ деңгейі едәуір жоғарылаған және лейкоциттер мен қан тромбоциттерінің саны айтарлықтай төмендеген. Төменірек пайызда осы екі топтағы пациенттерде қандағы мочевина азоты деңгейінің жоғарылауы байқалды. Күн сайын 4000 мг кларитромицин қабылдаған пациенттерде барлық зертханалық көрсеткіштердің (ақ қан жасушаларын қоспағанда) патологиялық ауытқулары аздап жиірек байқалды. Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айну, құсу. Емі: асқазанды шаю және демеуші ем.

Бүйрек жеткіліксіздігі Бүйрек жеткіліксіздігі ауыр пациенттерде препаратты абайлап қолдану керек. Кларитромицин қолданғанда, бауыр ферменттері деңгейінің жоғарылауын қоса, бауыр функциясының бұзылуы және сарғаюмен немесе онсыз гепатоцеллюлярлы және/немесе холестаздық гепатит хабарланды. Бауыр функциясының осы бұзылуы ауыр дәрежеде болуы мүмкін және әдетте қайтымды болады. Кейбір жағдайларда, негізінен, күрделі негізгі аурулармен және/немесе қатарлас дәрі-дәрмектік емдеумен астасқан өліммен аяқталған бауыр жеткіліксіздігі хабарланды. Анорексия, сарғаю, несептің қараюы, қышыну немесе іш аумағының ауыруы сияқты гепатит көріністері мен симптомдары пайда болғанда кларитромицин қолдануды дереу тоқтату қажет. Бауыр жеткіліксіздігі Препарат бауыр жеткіліксіздігі ауыр және/немесе бүйрек жеткіліксіздігі ауыр пациенттерге сақтықпен тағайындалуы тиіс. Осындай жағдайларда дозаны 50% азайтуға немесе препаратты қабылдаулар арасындағы үзілісті ұзартуға болады. Басқа жай-күйлер Кларитромицин мен колхицинді бірге қолданғанда, әсіресе, егде жастағы пациенттерде, оның ішінде бүйрек жеткіліксіздігі аясында колхицин уыттылығының (оның ішінде өліммен аяқталған) дамуы хабарланды. Кларитромицин мен триазолбензодиазепиндерді, мысалы, триазолам, мидазоламды бір мезгілде сақтықпен қолдану керек («Басқа дәрілік заттармен өзара әрекеттесуі және өзара әрекеттесудің басқа түрлерін» қараңыз). QT аралығының ұзару қаупіне орай, кларитромицинді torsades de pointes және QT аралығы ұзаруының дамуына жоғары бейімділікке байланысты денсаулық жағдайы бар пациенттерде абайлап қолдану керек. Маңызды сақтандыру шаралары Пневмония Макролидтерге Streptococcus pneumoniae төзімділігінің болуы мүмкін екендіктен, кларитромицин ауруханалық емес пневмонияны емдеуге тағайындалғанда сезімталдыққа тест өткізу маңызды. Ауруханалық пневмония жағдайында кларитромицинді басқа тиісті антибиотиктермен біріктірілімде қолдану керек. Ауырлығы жеңіл және орташа дәрежедегі тері және жұмсақ тіндер инфекциялары Аталған инфекцияларды бәрінен жиірек Staphylococcus aureus және Streptococcus pyogenes микроорганизмдері тудырған, олардың әрқайсысы макролидтерге төзімді болуы мүмкін. Сондықтан сезімталдыққа тест өткізу маңызды. Бета-лактамды антибиотиктер қолдану мүмкін емес жағдайларда (мысалы, аллергия) алғашқы таңдау препараттары ретінде басқа антибиотиктерді, мысалы, клиндамицин қолдануға болады. Қазіргі уақытта макролидтер тек терінің және жұмсақ тіндердің кейбір инфекцияларын емдеуде рөл атқарады, мысалы: Corynebacterium minutissimum туғызған инфекциялар (эритразма), acne vulgaris, тілмелі қабыну; әрі пенициллиндермен емдеуді қолдануға болмайтын оқиғаларда. Анафилаксия, Стивенс-Джонсон синдромы, уытты эпидермалық некролиз, DRESS-синдром, Шенлейн-Генох ауруы сияқты аса жоғары сезімталдықтың ауыр жедел реакциялары дамығанда кларитромицинмен емдеуді дереу тоқтатып, бірден тиісті емді бастау керек. Кларитромицин СYP3A4 цитохромы ферментінің индукторларымен бір мезгілде тағайындалғанда абайлап қолданылу керек («Басқа дәрілік заттармен өзара әрекеттесуі және өзара әрекеттесудің басқа түрлерін» қараңыз). Кларитромицин мен басқа макролидтер, сондай-ақ линкомицин мен клиндамицин арасында айқаспалы төзімділік болуы мүмкін екеніне назар аударған дұрыс. Микробқа қарсы кез келген емді, оның ішінде кларитромицинді H. pylori инфекциясын емдеу үшін қолдану микробтық төзімділік дамуына әкелуі мүмкін. Пероральді гипогликемиялық препараттар/инсулин Кларитромицин мен пероральді гипогликемиялық препараттар және/немесе инсулинді бір мезгілде қолдану айқын гипогликемияға әкелуі мүмкін. Кларитромицинді натеглинид, пиоглитазон, репаглинид, розиглитазон сияқты кейбір гипогликемиялық препараттармен бір мезгілде қолданғанда СҮР3А ферментін тежеу салдарынан гипогликемия туындауы мүмкін. Қандағы глюкоза деңгейіне мұқият мониторинг ұсынылады. Пероральді антикоагулянттар. Кларитромицинді дабигатран, ривароксабан, апиксабан және эдоксабан сияқты тікелей әсер ететін пероральді антикоагулянттармен бір мезгілде қолданғанда, әсіресе қан кету қаупі жоғары пациенттерде сақ болу керек. Кларитромицин мен пероральді антикоагулянттарды біріктіріп қолданғанда протромбин уақытын мұқият бақылап отыру керек. ГМГ-КоА-редуктаза тежегіштері. Кларитромицин, ловастатин мен симвастатинді бір мезгілде қарсы көрсетілімді, өйткені статиндер СҮР3А4 арқылы қарқынды метаболизденеді және кларитромицинмен бірге емдеу олардың плазмалық концентрациясын арттырады, бұл рабдомиолизді қоса, миопатия қаупін арттырады. Осы статиндермен кларитромицин қабылдап жүрген пациенттерде рабдомиолиз туралы хабарламалар алынды. Егер кларитромицинмен емдемеуге болмаса, кларитромицинмен емдеу кезеңінде ловастатинмен немесе симвастатинмен емдеу курсы тоқтатыла тұруы тиіс. Кларитомицин статиндермен тағайындалғанда сақтық шарасын қадағалау қажет. Кларитромицинді статиндермен бір мезгілде қолданбауға болмайтын жағдайларда, статиндердің тіркелген ең төмен дозасын тағайындау ұсынылады. СҮР3А ферментіне метаболизмі тәуелденбейтін статиндерді (мысалы, флувастатин) пайдалануды қарастыруға болады. Арнайы сақтандырулар Антибиотиктерді ұзақ уақыт немесе қайталап қолдану сезімтал емес бактериялар мен зеңдердің шамадан тыс өсуін туғызуы мүмкін. Асқын инфекция пайда болғанда кларитромицин қолдануды тоқтатып, тиісті емді бастау керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер ету деректері жоқ. Алайда, автокөлік пен басқа механизмдерді басқару алдында құрысулар, бас айналу, вертиго, елестеулер, сананың шатасуы, бағдардан жаңылу және басқалары сияқты жағымсыз реакциялар туындауы мүмкін екенін ескеру қажет.

Кларитромицинді жүктілік және бала емізу кезеңінде қолдану қауіпсіздігі анықталмады. Сондықтан пайда/қауіп арақатынасын мұқият бағалаусыз препаратты әйелдердің осы санатында қолдану ұсынылмайды. Кларитромицин емшек сүтімен бөлінеді.

Келесі дәрілік препараттарды Кларанта 250 препаратымен бірге қолдану қатаң қарсы көрсетілімді, себебі олардың біріктірілімі өзара әрекеттесудің ауыр зардаптарын туындатуы мүмкін: Цизаприд, пимозид, астемизол және терфенадин Кларитромицин мен цизапридті бір мезгілде қолданған пациенттерде цизаприд деңгейінің жоғарылауы білінді. Бұл QТ аралығының ұзаруына және қарыншалық тахикардияны, қарыншалар фибрилляциясын және екі бағытты тахикардияны қоса, жүрек аритмиясына әкелуі мүмкін. Осыған ұқсас құбылыстар кларитромицин мен пимозидті бір мезгілде қолданған пациенттерде тіркелді. Макролидтерді қабылдағанда терфенадин метаболизмінің өзгеруі туралы мәлімдемелер бар, бұл жекелеген жағдайларда QТ аралығының ұзаруымен жүрек аритмиясын, қарыншалар тахикардиясын, қарыншалар фибрилляциясын және екі бағытты тахикардияны туындатады. Қастауыш алкалоидтары Кларитромицин және эрготамин немесе дигидроэрготаминді бірге қабылдау тамырлардың түйілуі, аяқ-қолдың және орталық жүйке жүйесін қоса, басқа тіндердің ишемиясы түрінде көрініс беретін қастауыштардың уытты әсеріне әкелуі мүмкін. Кларанта 250 және қастауыш алкалоидтарын бір мезгілде қолдану қарсы көрсетілімді. ГМГ-КоА-редуктаза тежегіштері (статиндер) Кларанта 250 препаратын статиндермен бірге қолдану сақтықпен тағайындалу керек. Кларанта 250 препаратын ловастатинмен немесе симвастатинмен бірге қабылдау қарсы көрсетілімді, өйткені осы статиндер елеулі дәрежеде CYP3A4 арқылы метаболизденеді, ал кларитромициннің болуы плазмада олардың концентрациясының артуын туындатады, соның салдарынан миопатия мен рабдомиолиздің даму қаупі артады. Аталған статиндермен бір мезгілде кларитромицин қабылдаған пациенттерде рабдомиолиз туындаған жағдайлар жөнінде мәліметтер бар. Егер Кларанта 250 қолдану міндетті болса, онда Кларанта 250 қолдану кезінде ловастатин немесе симвастатин қабылдау тоқтатылады. Егер Кларанта 250 және статиндерді бір мезгілде қолданбауға болмайтын жағдайда, CYP3A4 метаболизміне тәуелденбейтін статин, мысалы флувастатин тағайындау мүмкіндігін қарастыру керек. Статиннің мүмкін болатын ең төмен дозасын тағайындау ұсынылады. Пациенттерде миопатияның белгілері мен симптомдарын қадағалау қажет. Басқа дәрілік препараттардың Кларанта 250 емдік тиімділігіне әсері CYP3A4 индукциялайтын препараттар (мысалы, рифампицин, фенитоин, карбамазепин, фенобарбитал, шайқурай) кларитромицин метаболизмін жеделдетуі мүмкін. Бұл Кларанта 250 тиімділігінің төмендеуіне әкелетін кларитромициннің емдік концентрациясының төмендеуіне әкелуі мүмкін. Бұдан бөлек, CYP3A4 арттыратын басқа дәрілік заттардың деңгейлерін қадағалау қажет болуы мүмкін, олар кларитромициннің CYP3A4 тежеу әсері салдарынан жоғарылауы мүмкін. Кларанта 250 және рифабутинді бір мезгілде қабылдау рифабутин деңгейінің артуына және сарысуда кларитромицин деңгейінің төмендеуіне, сондай-ақ увеит қаупінің артуына алып келетіні белгілі. Келесі препараттар кларитромициннің айналымдағы концентрациясының өзгеруін әлде туындатады, әлде теориялық тұрғыда тудыруы мүмкін екені белгілі. Кларанта 250 дозасын түзету қажет болуы мүмкін. Басқа емдеу нұсқаларын да қарастыру керек. Эфавиренц, невирапин, рифампицин, рифабутин және рифапентин Эфавиренц, невирапин, рифампицин, рифабутин және рифапентин сияқты P450 цитохромының метаболизмдік жүйесінің қуатты индукторлары кларитромицин метаболизмін жеделдетуі, осылайша, дәл сондай микробиологиялық белсенділік танытатын 14(R)-гидрокси-кларитромицин (14-OH-кларитромицин) метаболитінің деңгейлерін бір мезгілде арттырумен оның плазмадағы деңгейін төмендетуі мүмкін. Кларитромицин мен 14-OH-кларитромициннің әртүрлі бактерияларға микробиологиялық әсер етуі ерекшеленетіндіктен, энзим индукторларымен бірге Кларанта 250 қабылдау көзделген емдік әсерін бөгеуі мүмкін. Этравирин Этравирин қабылдағанда Кларанта 250 экспозициясы төмендейді, ал оның белсенді метаболиті–14-OH-кларитромицин концентрациясы жоғарылайды. 14-OH-кларитромицин микобактериялық кешенге қарсы (MAC) тиімділігі аз дәрі екендіктен, препараттың осы патогенге қатысты жалпы тиімділігі өзгеруі мүмкін. Сол себепті, МАС емі үшін баламалы емдеу нұсқаларын қарастыру керек. Флуконазол Күніне 200 мг флуконазолды және күніне екі рет 500 мг кларитромицинді бір мезгілде қабылдау кларитромициннің ең аз тепе-тең орташа концентрациясының (Cmin) және қисық астындағы ауданының (AUC), тиісінше, 33% және 18% жоғарылауына әкелді. 14-ОН-кларитромицин белсенді метаболитінің тепе-тең концентрациялары флюконазолмен бірге қолданғанда елеулі өзгермеді. Кларанта 250 дозасын түзету қажет емес. Ритонавир Бір мезгілде әр сегіз сағат сайын 200 мг ритонавир мен әр 12 сағат сайын Кларанта 250 қабылдау кларитромицин метаболизмінің елеулі тежелуіне әкеледі. Ритонавирмен бірге қабылдағанда, кларитромицин Cmax 31% артты, Cmin 182% төмендеді, AUC 77% ұлғайды. 14-OH-кларитромицин түзілуінің толық дерлік тежелісі білінді. Емдік диапазон кеңдігіне орай, бүйрек функциясы қалыпты пациенттерде Кларанта 250 дозасын азайту қажет емес. Бүйрек жеткіліксіздігі бар пациенттерде дозаны түзету қажет: СLCR 30-60 мл/мин тұсында Кларанта 250 дозасын 50, CLCR 30 мл/мин тұсында 75 төмендету қажет. Кларанта 250 күніне 1 г асатын дозасын ритонавирмен бірге қолдануға болмайды. Дозаны осылай түзету бүйрек функциясының бұзылуы бар пациенттерде ритонавирді фармакокинетикалық күшейткіш ретінде, атазанавир мен саквинавирді қоса, АИТВ-протеазаның басқа тежегіштерімен бірге қолдану кезінде жүргізілу керек. Басқа дәрілік препараттарға Кларанта 250 әсері Аритмияға қарсы препараттар Кларитромицинді хинидинмен немесе дизопирамидпен бір мезгілде қабылдағанда екі бағытты тахикардия (torsades de pointes) туындаған жағдайлар тіркелді. Аталған препараттармен бір мезгілде Кларанта 250 қабылданғанда QT аралығының ұзаруын дер мезгілінде анықтау үшін ЭКГ-мониторингтеуді өткізу ұсынылады. Кларанта 250 емі кезінде қан сарысуында осы препараттардың концентрацияларын қадағалау керек. Кларитромицин мен дизопирамид бір мезгілде қабылданғанда гипогликемия жағдайлары да тіркелді. Кларанта 250 және дизопирамид бір мезгілде қабылданғанда қандағы глюкоза деңгейін қадағалап отыру керек. Пероральді гипогликемиялық дәрілер және инсулин Натеглинид және репаглинид сияқты жекелеген гипогликемиялық препараттар CYP3A4 энзимінің кларитромицинмен тежелісін тудыруы мүмкін, соның салдарынан оларды бір мезгілде қабылдағанда гипогликемия дамуы мүмкін. Кларанта 250 қолдану кезінде қант диабетімен науқастарда глюкоза деңгейін мұқият қадағалау ұсынылады. CYP3A4-пен өзара әрекеттесуі CYP3A4 ферментінің тежегіші ретінде белгілі Кларанта 250 және негізінен CYP3A4 арқылы метаболизденетін кез келген басқа препаратты бірге қолдану қан плазмасында соңғысының концентрациясының жоғарылауына әкелуі мүмкін, бұл өз кезегінде оның емдік әсерін және жағымсыз реакциялардың туындау қаупін күшейтуі немесе ұзартуы мүмкін. CYP3A4 субстраттары – дәрілік заттарымен ем қабылдап жүрген пациенттерде, әсіресе, егер CYP3A4-субстрат емдік диапазоны тар болса (мысалы, карбамазепин) және/немесе осы энзиммен экстенсивті метаболизденсе, Кларанта 250 қолдану кезінде сақ болу керек. Кларанта 250 бір мезгілде қолданылатын пациенттерде CYP3A4 арқылы метаболизденетін дәрілік зат дозасын өзгерту және сарысулық концентрацияларын мониторингтеу керек болуы мүмкін. Келесі дәрілік препараттардың немесе препараттар тобының бір ғана CYP3A4 изоферментімен метаболизденетіні белгілі: альпразолам, астемизол, карбамазепин, цилостазол, цизаприд, циклоспорин, дизопирамид, қастауыш алкалоидтары, ловастатин, метилпреднизолон, мидазолам, омепразол, пероральді антикоагулянттар (мысалы, варфарин), пимозид, хинидин, рифабутин, сильденафил, симвастатин, такролимус, терфенадин, триазолам және винбластин, бірақ бұл тізім толық емес. Осындай өзара әрекеттесу механизмі Р450 цитохромы жүйесінің басқа изоферментімен метаболизденетін фенитоин, теофиллин және вальпроат қолдану кезінде білінді. Омепразол Омепразолмен (күнделікті 40 мг) Кларанта 250 (әр 8 сағат сайын 500 мг) бір мезгілде қабылданғанда омепразолдың плазмадағы тепе-тең концентрациясының ұлғаюы (Cmax, AUC0-24 және t1/2 ,тиісінше, - 30%, 89% және 34% артуы) болды. Асқазандағы pH көрсеткішінің орташа мәні омепразолды бөлек қабылдағанда 5.2 және омепразолмен бірге Кларанта 250 қабылдағанда 5.7 құрады. Силденафил, тадалафил және варденафил Фосфодиэстераза (сильденафил, тадалафил және варденафил) тежегіштерінің плазмалық концентрацияларының олармен бірге Кларанта 250 қолданылғанда жоғарылау ықтималдығы бар, бұл фосфодиэстераза тежегіштерінің дозасын азайтуды талап етуі мүмкін. Теофиллин, карбамазепин Кларанта 250 бірге қолданылғанда теофиллин және карбамазепиннің айналымдағы концентрациясының аздап, бірақ статистикалық мәнді (p ≤ 0,05) артуы болады Толтеродин Толтеродин, ең алдымен, Р450 цитохромының 2D6-изотүрімен (CYP2D6) метаболизденеді. Алайда, CYP2D6 жоқ пациенттерде метаболизм CYP3A4 арқылы жүреді. Осы қауымда CYP3A4 бәсеңдеуі толтеродиннің плазмалық концентрацияларының елеулі жоғарылауына алып келеді. Осындай пациенттер үшін толтеродин дозасын төмендету оны Кларанта 250 сияқты CYP3A4 тежегіштерімен қолданғанда қажет болуы мүмкін. Триазолобензодиазепиндер (мысалы, алпразолам, мидазолам, триазолам) Кларанта 250 және триазолам бірге қолданылғанда дәрілік өзара әрекеттесуі мен орталық жүйке жүйесі тарапынан жағымсыз құбылыстар (ұйқышылдық және сананың шатасуы сияқты) дамуы туралы хабарламалар бар. ОЖЖ тарапынан фармакологиялық әсерлерінің арту мүмкіндігін ескере отырып, пациентті қадағалау керек. Басқа дәрілік препараттармен өзара әрекеттесуі Гидроксихлорохин және хлорохин: кларитромицинді жүрек аритмиясын туындатуы және ауыр қолайсыз жүрек-қантамырлар оқиғаларына әкелуі мүмкін болғандықтан QT аралығын ұзартатын осы препараттарды қабылдаған пациенттерде сақтықпен пайдалану керек. Тікелей әсер ететін пероральді антикоагулянттар (DOAC) Дабигатран және эдоксабан DOAC препараттары P-gp тасымалдаушысы үшін субстрат болып табылады. Ривароксабан мен апиксабан CYP3A4 арқылы метаболизденеді, сонымен қатар Pgp үшін субстраттар болып табылады. Кларитромицинді осы препараттармен бір мезгілде қолданғанда, әсіресе қан кету қаупі жоғары пациенттерде сақ болу керек. Кларитромицинді қастауыш алкалоидтарын, пероральді мидазоламды, негізінен CYP3A4 (мысалы, ловастатин және симвастатин) метаболизденетін ГМГ-КоА-редуктаза тежегіштерін, колхицин, тикагрелор, ивабрадин және ранолазин қабылдағанда қолдануға болмайды. Кортикостероидтар Кларитромицинді жүйелік және ингаляциялық кортикостероидтармен бір мезгілде қолданғанда сақ болу керек, олар негізінен CYP3A метаболизденеді, бұл кортикостероидтардың жүйелік әсерінің жоғарылауына байланысты. Бір мезгілде қолданғанда пациенттер жүйелік кортикостероидтардың жағымсыз әсерлерін мұқият бақылауда ұстауы керек. Колхицин CYP3A4 үшін де, Р-гликопротеиннің эффлюксті тасымалдаушысы үшін де субстрат болып табылады. Кларанта 250 және басқа макролидтер CYP3A4 және Р-гликопротеин тежегіштері екені белгілі. Кларанта 250 және колхицин бір мезгілде қолданылған жағдайда кларитромицинмен Р-гликопротеин және CYP3A4 тежелісі колхицин экспозициясының артуына алып келуі мүмкін. Кларанта 250 және колхицинді бірге қабылдау қарсы көрсетілімді. Дигоксин P-гликопротеин (Pgp) субстраты болып саналады. Кларитромициннің Pgp бәсеңдетуге қабілетті екені белгілі. Бір мезгілде қолданғанда Pgp бәсеңдеуі дигоксин экспозициясының артуына алып келуі мүмкін. Маркетингтен кейінгі қадағалауда дигоксинмен бірге Кларанта 250 қабылдап жүрген пациенттердің қан сарысуында дигоксин концентрациясының жоғарылауы анықталды. Кейбір пациенттерде дигиталистік уыттылық белгілері, оның ішінде өлімге ұшырату ықтималдығы зор аритмиялар дамыды. Пациенттердің қан сарысуында дигоксин концентрациясын онымен Кларанта 250 қолданылғанда мұқият бақылап отыру керек. Зидовудин Кларанта 250 таблеткалары мен зидовудинді АИТВ инфекциясын жұқтырған ересек пациенттерде бір мезгілде пероральді қабылдау зидовудин тепе-тең концентрациясының төмендеуіне әкелуі мүмкін. Кларанта 250 оны бір мезгілде пероральді қабылдағанда зидовудин сіңірілуіне әсерін көрсетеді, оны Кларанта 250 және зидовудин қабылдау арасындағы 4-сағаттық үзілісті қадағалау арқылы елеулі дәрежеде болдырмау мүмкіндігі бар. Фенитоин және вальпроат Кларанта 250 сияқты CYP3A4 тежегіштері және метаболизміне теориялық тұрғыда CYP3A қатыспайтын препараттар (мысалы, фенитоин және вальпроат) арасында өзара әрекеттесу болады. Осындай препараттармен бірге Кларанта 250 тағайындалғанда олардың сарысудағы деңгейіне талдау жасау ұсынылады. Осы препараттардың сарысудағы концентрациясының ұлғаюы туралы мәліметтер бар. Дәрілік препараттармен екі бағытты өзара әрекеттесу Атазанавир Кларитромицин және атазанавир CYP3A4 субстраттары және тежегіштері болып табылады. Осы препараттар арасында екі бағытты өзара әрекеттесу бары расталған. Кларанта 250 (күніне екі рет 500 мг) және атазанавирді (күніне бір рет 400 мг) бірге қолдану кларитромицин экспозициясының екі есе ұлғаюына, 14-OH-кларитромицин экспозициясының 70% төмендеуіне, ал атазанавир AUC 28% артуына алып келеді. Кларитромицин елеулі емдік уақыт аралығымен сипатталатындықтан, бүйрек функциясы қалыпты пациенттерде Кларанта 250 дозасын төмендету қажет емес. Бүйрек жеткіліксіздігі орташа пациенттер үшін (креатинин клиренсі 30-дан 60 мл/мин дейін) Кларанта 250 дозасы 50% төмендетілуі тиіс. Креатинин клиренсі 30 мл/мин аз пациенттер үшін тиісті дәрілік түрін пайдалану жолымен Кларанта 250 дозасы 75% төмендетілуі тиіс. Протеаза тежегіштерімен бірге қабылдағанда Кларанта 250 дозасы күніне 1000 мг мөлшерінен аспауы тиіс. Кальций өзекшелерінің блокаторлары Артериялық гипотензия даму қаупіне орай, CYP3A4 арқылы метаболизденетін кальций өзекшелерінің блокаторларымен (мысалы, верапамил, амлодипин, дилтиазем) бір мезгілде Кларанта 250 сақтықпен қолданылу керек. Өзара әрекеттескенде кларитромициннің де, кальций өзекшелері блокаторларының да плазмалық концентрациялары артуы мүмкін. Кларитромицинді верапамилмен бірге қабылдаған пациенттерде артериялық гипотензия, брадиаритмия және лактоацидоз байқалды. Итраконазол Кларитромицин және итраконазол екі тарапты бағыттағы дәрілік өзара әрекеттесуге әкелетін CYP3A4 субстраттары мен тежегіштері болып табылады. Кларитромицин итраконазолдың плазмалық деңгейлерін арттыруы мүмкін, ал итраконазол қан плазмасында кларитромицин деңгейлерін арттыра алады. Итраконазолмен бірге Кларанта 250 қолданылғанда фармакологиялық әсері күшейтілген немесе ұзартылған көріністері мен симптомдарын анықтау үшін пациенттер дәрігердің қырағы қадағалауында болуы тиіс. Саквинавир Кларитромицин және саквинавир CYP3A4 субстраттары және тежегіштері болып табылады. Осы препараттар арасында екі бағытты өзара әрекеттесу бары расталған. Кларанта 250 (күніне екі рет 500 мг) және саквинавирді (жұмсақ желатин капсулаларда, күніне үш рет 1200 мг) бір мезгілде қабылдау, саквинавирді бөлек қабылдаумен салыстырғанда, саквинавир AUC және Cmax тепе-тең көрсеткіштерінің 177% және 187% артуын туындатады. Бөлек Кларанта 250 қабылдаумен салыстырғанда, кларитромицин AUC және Cmax көрсеткіштері шамамен 40% артты. Зерттелетін дозаларын және дәрілік түрлерін қолданған жағдайда дозаны түзету қажет емес. Егер саквинавир ритонавирмен бір мезгілде тағайындалған жағдайда ритонавирдің кларитромицинге әсер ету мүмкіндігін ескеру керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 30 °С-ден аспайтын температурада сақтау керек. Балалардың қолы жетпейтін жерде сақтау керек!